十月圍城
香港地霸有樓不賣有地不用是擺在眼前的事實。每次推盤只推幾個單位。全港已完工未有出售的住宅單位約1萬個。發展商有樓不賣，炒家買樓之後不租不賣也是常態，2020年的空置住宅單位超過52,000個。香港租金貴至籠屋劏房是奢侈品，天橋底算是良好居住環境。這麼嚴重樓荒之中竟然有5萬多個單位空置，朱門酒肉臭，路有凍死骨。
習大人下令香港發展商解決香港住屋問題，空置單位當然要一掃而空。十月圍城的意思是發展商十月開盤大賤賣，賣不出去就..........。

［巴塞帝國興亡史］5000幾字，不過應唔算難明。又，原文仲長，唔關我事。循例利申：唔捧巴塞，但亦唔憎巴塞。畢竟我在魯營入場睇美斯。

TLDR： 西瓜共蟹，唔識莫買。呢篇真係極長。但你要搵人鬧嘅，好簡單，Bartomeu就係屌靶。條友完全唔識足球，亦唔識足球嘅生意。自己唔識都算，又唔知人善任。全歐洲都知佢係水魚，玩到佢謝。尼馬嗰2.2億歐羅，最後去咗邊？另外，買親人都畀貴價，簽親都水貨，人工又畀得高，唔死就奇。但話說回頭，邊個選佢上去架呢？聽講巴塞唔係老細足球油王波喎，咩人選佢上去？最後，美斯份糧亦有一定嘅角色，當然佢係落場征戰嗰個，貪錢嗰個好似係佢老豆，冇乜人會怪佢。同場加映 多蒙特同彭美拉斯點樣玩到Bartomeu謝，笑死無命賠。

＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

1. 真係英雄所見樂瞳，我諗到呢個題，然後原文Simon Kuper最後亦都係用羅馬帝國比喻巴塞。記住，你覺得篇文垃圾覺得我唔識波嘅，請你去鬧Simon Kuper，「不過鬧之前睇下人地咩料子先」。內容主要都係取材自篇文，當然有啲我個人想法，我盡量分開。一係你睇原文咯，唔使錢的（https://bit.ly/3fI5AVE），但你又唔想英文或唔鍾意睇字嘅，咁咪只能聽我講，你自己選擇的。

2. 篇文其實嚟自Simon Kuper本新書，幾日後出（https://bit.ly/3iwl9kN）。唔記得佢係咪特別捧巴塞，但之前見佢都寫唔少巴塞或美斯文，訪問好多人，絶對有資格講。佢本書原本係寫巴塞成功史，點知寫寫下已經見到巴塞盛極轉衰，佢篇文寫嗰時都未知美斯走，但已經預言好大機會。

3. 上篇文比較technical（https://bit.ly/37Hxr3T），而且只係講一單球員交換，講巴塞大鑊到要搞埋啲咁嘅怪雞嘢，但冇解到巴塞點搞到咁，不過個故事太過過癮。今篇我保證，易明好多。真係你打football manger都知係乜事

4. 好似講歷史咁，遠因，近因，導火線。巴塞搞到咁大鑊，導火線當然係疫情，同埋西甲嘅salary cap，巴塞要瘦身。但差不多間間球會都受影響，點解唯獨佢地咁大鑊？

5. 巴塞財政問題，你可以睇Twitter @Swissramble，7月尾已經講巴塞好大鑊，唔係事後孔明．但講真佢啲嘢真係純金融，唔易入口。所以你可以睇我呢篇文講。

6. 近因係巴塞財政狀況近幾年都差，年年都只係勉強頂住，但一個疫情打落嚟咪出事。有幾差？普通人都睇得明：巴塞係全世界收入最高嘅足球會，疫情前唯一一間一年收入過10億美金嘅球會（不過，都係少過一間維他奶！）。但欠落嘅債，去到14億美金。冇錯，長命債可以慢慢還，但大鑊在啲債好多都係短債，好快要找數。咁明晒啦？

7. 你想賣人？嘿，成班老嘢，邊有人買？況且，人人知你莫財，點會唔壓你價？就算其他人真係咁好心，亦都有心無力，其他球會都係十分水緊。好可能De Jong，Ansu Fati或Pedri之類都只能平賣。冇錢就係咁架啦（題外話：所以叫你唔好借錢買股票）

8. 之但係，呢啲都係近因。巴塞點解搞到負債咁多？同埋點解年年蝕錢（收入高都可以蝕錢）？就係遠因。

9. 巴塞嘅收入，疫情前一路係全球頭兩三位。固然疫情下打擊大，仲有啲贊助商又縮數，但照計唔應該咁快出事。咁收入冇問題，就梗係開支出事啦。於是你普通人都估到，球會可以有乜開支？咪就係買人出事，同埋人工出事。
=========================================================
10. 香港文化興搵禍首，我都明。咁今次畀定個屌靶你，肯定係前任會長Bartomeu，佢就係亡國之君。去到現任Laporta時肯定返魂乏術了。今年3月先接手，可以做乜？

11. 陣間會慢慢鬧Bartomeu，但此人根本完全外行，唔識足球，亦都唔識足球嘅生意，絶對係一條水魚，畀人玩到佢謝。自己唔識都算，但佢又唔知人善任。

12. 但，巴塞唔係老細足球嘛，唔係油王大陸錢，喂，會員制架喎。咁所以，第二屌咪屌啲球迷咯。唔係你同我（除非你係有份投票嘅），我地呢啲電視機球迷反而最聖潔。喂，Bartomeu係你班友選上台架嘛，咁唔係啲選民負責返？原本佢只係過渡角色，但2015年（記住呢個日子）6月巴塞在柏林對祖雲達斯，10年內第5次拎歐聯後，佢就大票數再當選。呢次亦係巴塞暫時最後一次拎歐聯。

13. 當然仲有，美斯。或者應該話美斯份糧，可能係美斯老豆。美斯有幾好波已經唔使討論，佢在賽場上絶對冇欠巴塞半分。巴塞近年戰績可能未如球迷預期，但絶對唔係巴塞財困嘅原因，畢竟巴塞唔係搞到冇歐聯踢嗰種情況。不過，美斯份糧，同埋佢對球會轉會嘅參與，似乎亦同巴塞財困有一定關係。

14. 關於美斯，我仲想講多兩句。Simon Kuper寫過好多美斯嘅文，場上固然唔使討論，足球場外美斯並唔係一個特別鍾意權力嘅人，特別麻煩嘅人，甚至唔係一個特別貪錢嘅人（佢老豆就可能係）。美斯要嘅嘢好簡單：佢要勝利，佢要一隊戰無不勝嘅夢幻隊，就係咁簡單。「其他嘢你地幫我搞掂佢」。球員冇理由要理埋球會財政嘅嘢，關我春事。但美斯份糧，弔詭地就搞到巴塞搵唔到美斯想要嘅球員。況且球員亦都知道美斯呼風喚雨，權力好大，佢撐你，高層唔敢唔加人工。邉個高層夠膽同美斯作對？美斯唔係一個權力慾好大嘅人，但佢知自己有影響力（以上都係作者啲文講，你可以去質疑）

15. 我目測香港巴塞球迷遠多過皇馬。但唔好忘記，在美斯嚟之前，巴塞戰績並唔係一間咁「神」嘅球會。固然巴塞more than a club，你亦可以話係中央馬德里打壓，由佛朗哥之類講起。但客觀事實係巴塞在美斯之前，只係拎過一次歐聯冠軍（當然05-06嗰次都唔多關佢事），美斯同拉馬西亞嘅黃金一代，就改變咗巴塞。但，之後呢？

16. 既然巴塞場上表現唔係導致財困嘅原因，咁所以亦唔使鬧朗奴高文之類，歷任主帥都唔關事。球場上嘅得失冇搞到巴塞陷入困境，至於咩轉會簽人，唔係主師話到事嘅。頂多係體育總監，但實際上係Bartomeu，或者其他高層，或者美斯。朗奴高文之類，會務上冇乜say
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
17. 頭先講過，巴塞2015年拎歐聯後，Bartomeu就大熱再當選。所以就由2015年講起。

18. 正如頭先提到，2015年，巴塞如日中天，10年拎咗5次歐聯。多得拉馬西亞黃金一代，當時巴塞財政情況極好，冇人會相信巴塞有一日會冇錢，當時巴塞要乜人有乜人。但就係呢度開始出事。

19. 巴塞嘅轉會，向來都亂嚟。董事局好多人都有唔同意見，至於教波嗰個往往係唔會知嘅。唔好忘記，仲有體育總監要講嘢，仲有……美斯。

20. 但，始終罪魁都係Bartomeu。好簡單，因為呢條友係真係唔識的！但你地選佢上台嘛。原本佢嘅體育總監係蘇比沙列特（Zubizarreta），巴塞名宿，幫佢簽咗尼馬同蘇亞雷斯，聞風喪膽嘅MSN組合。但2015年Bartomeu就炒咗蘇比沙列特，6年換咗5個體育總監。自己唔識唔緊要，但你搵件識嘅好冇？

21. 事後睇，2017年，就係巴塞惡夢嘅開始，但當時你都唔會估到。發生咩事？尼馬走咗。呢個未必係巴塞或者Bartomeu任何人嘅問題。況且PSG畀咗破紀錄嘅2.2億歐羅轉會費嘛。當時點睇都係PSG先係水魚，對不？巴塞拎住2.2億歐，可以買好多人

22. 但，就係Bartomeu將呢舊錢亂咁用。有好多好好笑嘅故事，但，總之好快，全歐洲就知呢條友好多錢洗，又要好快咁用咗佢，亦知道呢條友乜都唔識。真係千載難逢嘅一條水魚，唔昆你對唔住自己球迷。

23. 當其時嘅巴塞，在轉會市場上呼風喚雨，仲要有錢在手，冇乜球員或經理人會say no，未必單單都成，但所有人都會同你傾。2017年尼馬走後，巴塞原本有機會平價買到麥巴比同夏蘭特，但Bartomeu唔要。不過我覺得呢啲不能怪佢，總有走漏眼，況且其他人都有異議，唔係話個個都話要簽但Bartomeu一票阻止。

24. 咁買唔到最好嘅，冇咁好都OK啦，畢竟2.2億歐真係好多錢（雖然PSG都係分期）。問題係，巴塞結果去買嘅，係多蒙特嘅丹比利Ousmane Dembélé。應該冇乜人反對係水貨啦？仲要係用咗1.5億歐羅。

25. 而成件事係好Q好笑的，好似拍賣會咁，明明另一高層同Bartomeu之前一早講明，我地底線只會畀8000萬歐買丹比利。入蒙地卡羅酒店房（同多蒙特傾）前仲夾好，多過呢個價我地就拍枱起身走。結果入到去，多蒙特嘅德國佬，就話冇時間傾，趕住坐飛機，唔會同你講價，1.5億，要就要唔要就拉倒。但結果？Bartomeu都係話好！咁佢係大佬嘛，另外件高層當然冇聲出。因為Bartomeu要同球迷交代，況且佢根本唔識。事後佢仲話丹比利好波過尼馬。

26. 然後大家都知，之後巴塞亦都用咗1.6歐去買古天奴，利物浦合埋眼都識笑，居然有啲咁嘅水魚。錦上添花當然係後來借埋古天奴畀拜仁，然後拜仁歐聯大炒巴塞古天奴仲要梅開二度。我懷疑路明尼加漢尼斯一定有Whatsapp利物浦啲高層齊齊恥笑Bartomeu。至此，尼馬嘅錢已經嘔突，而丹比利同古天奴，在巴塞嘅表現，大家有目共睹。

======================================================

27. 當然，某程度上巴塞係慣咗做水魚的。背後未必係佢地特別笨（Bartomeu就應該係），亦因為佢地嘅文化係「我要嘅嘢就要得到」，反正選會長個個都係拍心水「我要簽邊個邊個」，有問題留畀下手，球迷係唔會理咩財政狀況，話知你下季畀個警務署長我做，今季我就要捧盃。你搵件「理性撚」去選，同人講「我為巴塞長遠著想，我唔會簽人，因為我地再咁搞呢，5年後會爆煲，大家要接受我地未來幾年都唔會有盃捧」，我保撚證你唔使選。球迷就係咁，呢啲就係「民粹」。

28. 又例如，de Jong應該唔算水貨，但巴塞畀7500萬歐。個問題唔係你同我覺得值唔值，最好笑係阿積士都覺得唔值，原本係出面開價3000-4000萬，但有人畀錢要志在必得獨家買斷，唔通唔要咩。

29. 巴塞嘅文化，痴心情長劍，非君不娶。我唔會要一個「de Jong咁類型但平一半」，我就要de Jong本人，幾多錢都要。聽落好型，但你咁拎去做生意，就死得。對家一定當你水魚咁劏。公平地講，似乎呢個唔係Bartomeu年代獨有嘅事。

=======================================================
30. 至於美斯嗰部份，都講過下，佢份人工實在極高。當然我無意批評美斯，波一定係好到不得了，無可取代（否則巴塞就塞走佢啦），咁你可以話「全世界最好波嘅球員要加人工有乜問題？」（同意），況且，亦有話係佢老豆嘅主意，佢自己只係專心踢波，呢啲真相冇乜人會知。但反正文入面都引述巴塞高層講，美斯都唔係一個問題，最大問題係佢加，其他人又會要加，而大家都知美斯出名鍾意幫朋友，Other people’s money，有錢齊齊搵。

31. 當然美斯對外一直都聲稱自己只係專心踢波，但文中又引述巴塞高層講，美斯都成日背後發功。邊個先真，我都唔知。但話說2019年，尼馬同美斯講話想離開PSG，美斯應該係有大力要求巴塞去買。但巴塞真係冇錢，而且覺得唔值（即係，冇錢），PSG開價2億歐喎。結果真係不停做大龍鳳，扮到好似想買，其實只係安撫美斯，「我地盡晒力啦」。但似乎美斯冇咁好呃。最後大家都知，巴塞買咗基沙文，又係1.2億歐，美斯似乎唔多高興。當然美斯係專業嘅，冇因為咁就hea踢，但文入面話佢完全不能原諒Bartomeu。美斯並唔係一個特別鍾意權力嘅人，佢鍾意人地幫佢搞掂晒，「但我話想要邊個嚟你就幫我搞掂佢」，而由始到終佢都係想要尼馬（所以，我估佢真係一定去PSG）。至於基沙文，嚟到巴塞當然亦係唔係嗰回事，更重要係。呢1.2億歐，仲要壯大埋馬體會，反咬返巴塞。「益利物浦多蒙特都算啦，唔好益自己西甲對手嘛」

===================================================================
32. 事情發展到呢度，巴塞已經好似畀白蟻蛀咁，越嚟越吃力。2014-2019年使咗10億歐羅買人（未計賣尼馬嘅收益嘅），多過任何一間球會，但成績明顯唔成正比。

33. 去到2020年頭，蘇亞雷斯受傷，巴塞要搵人，只能夠搵啲平嘢。結果當時體育總監艾比度Abidal搵著北京國安嘅剛果/法國球員Cédric Bakambu。呢單又係一單鬧劇，剛果人收到電話，十分歡喜，卒之唔使在北京睇電視機，就坐飛機去香港，轉機去巴塞。點知嚟到香港開返電話，Abidal先同佢講：唔好意思我地改變主意，你在香港玩得開心啲。我肯定剛果人屌咗佢老母N次。最後剛果人返返北京繼續睇電視機，而家仲在國安（彩蛋：FC過，其實北京有機直航去巴塞，咁點解會去香港？可能剛果人想嚟香港去重慶大廈食咖喱，可能剛果人唔想坐國航，又或者嗰日咁啱冇機。如果係直航件事仲好笑，剛果人去到西班牙人地先同佢講唔好意思）

34. 剛果人鬧劇之後，應該好多人都知巴塞最後簽咗乜水。丹麥人Martin Braithwaite。此人應該都算係水貨啦？呢條友米杜士堡都未踢得掂，居然去咗踢巴塞，好似話在個介紹新球員環節，條友的波晒球技都出晒醜，波都控唔到。「可能太緊張」。文入面都有講，當年連尼加同曉士（Mark Hughes）去巴塞，話有個介紹會，曉士有啲緊張，連尼加同佢，驚春咩，最多咪一百十人嚟！ —點知去到魯營有6萬人睇佢！連尼加幫曉士開脫，話巴塞嘅壓力，唔係人人受得住。

35. 當然，Bartomeu年代嘅轉會，沒有最好笑，只有更好笑。另外有個叫Matheus Fernandes（我聽都冇聽過）嘅球員，亦係同時簽落。係由巴西彭美斯拉買嘅，仲要只係預備組，我以為係隱世球王拿度尼添。固然只係1000萬歐，散紙，但完全唔知係乜事！呢條友甚至冇一個正式介紹會。最後借咗去華拉度列，出咗幾場，返返巴塞出咗十幾分鐘，就踢咗佢返巴西。

36. 當然只係好少錢，但畀你見到巴塞啲轉會係如何亂嚟。連彭美拉斯個體育總監都覺得神奇，「啲人話我發神經呀，叫艾比度嚟買個踢彭美拉斯預備組都冇乜點有得上場嘅小朋友，點知真係有人買喎」。果然水魚唔怕多。大家可以諗下，美斯見到Braithwaite同Fernandes，有乜感想（彩蛋：Fernandes著咗件19號波衫，因為Covid—19，冇人肯著，成件事真係19得很）

37. 然後，就發生咗上篇文講，同祖雲達斯交換球員嘅事件。美路去祖雲達斯，巴塞簽比真歷。巴塞當時已經好唔掂，但急需要一筆「盈利」。上篇文都冇講，因為再搞唔掂，就要Bartomeu自己上身，咁佢當然諗呢啲方法。但啲蘇洲屎就留下之後嘅人解決了。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
38. 已經打咗5000字，都只係講咗巴塞轉會如何操作。買貴人嘅後果好嚴重，你賣固然蝕錢，但你唔賣一樣每年同你「折舊」，例如比真歷之類，當然cash唔使點比（同祖雲達斯offset咗嘛），但profit -wise每年都仲要拖低條數。

39. 寫得太長，但以上都只係講轉會。唔好忘記，巴塞除咗轉會出手豪，人工亦出得高，美斯份糧亦係一個問題。本來就收入多開支多冇問題，但以wage as a percentage of income，巴塞都係離晒罩嘅（comment會貼圖）

40. 固然Bartomeu任內，都簽咗Pedri返嚟，好好嘅收購，不過真係十件水貨先扑中一件掂嘅。你話拉馬西亞完全斷層，亦唔係，Ansu Fati亦都擔到大旗。但，真係遠水不能夠近火，都講過巴塞嘅問題唔係場上，係財政。你Ansu Fati踢得再好又點？巴塞似乎只能係賣走呢啲好球員，而疫情下，對家都冇乜錢，況且人人知你莫財，當然再壓你價。

41. 爆煲？就唔似會嘅，但，照計賣走啲主力不能避免，點都要幾年調整下。

＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

講兩句《鬼同你住》（含劇透）
—
套戲唔係cult片，係一種刻意為之嘅荒謬，但又有咩荒謬得過，香港就係一個咁扭曲嘅地方。
-
近排睇咗幾套香港電影，上嘅未上嘅其實都有睇，但好多都無刻意講，因為自己唔太鍾意，又搵唔到太多值得講嘅角度，但講到當中最鍾意最有驚喜嘅，係尋日上畫嘅《鬼同你住》。
—
對套戲嘅第一個感覺，係覺得戲名太過通俗，以口語入文當然唔係無，算係近年少見，但意思上都好似無咩深意。而電影套路亦明顯，借鬼怪片講香港瘋狂嘅社會，無屋住仲恐怖過同鬼住，未睇套戲，都大概估到套戲講咩。
—
而下一樣立即聯想到嘅嘢，就係自身嘅經歷，唔知大家有無排公屋嘅經驗，作為一個窮到燶嘅香港人，我由自己啱啱成年嗰陣就開始排公屋，到今時今日已經十年有多，樓當然未有排到，但當中比較特別嘅係，政府定時定候就會問你要唔要排埋「特快公屋」。咩係「特快」？通常就係指有問題嘅單位，而有問題嘅單位，其中亦有一定嘅比率係所謂嘅「凶宅」。「凶宅」究竟搶唔搶手呢？根據我嘅經驗，當我每次都剔曬任何可以剔曬嘅選項嘅時候（即係咩區咩大細間屋有咩問題都照要），有機會揀樓嘅次數係——————「零」！由此證明，「凶宅」喺香港，仍然係相當搶手。
—
講返套戲，電影同月前嘅《濁水漂流》一樣，以住屋見眾生，無論你係住富宅，定係捱劏房，都要面對居住嘅問題，窮人有錢人都喺樓市漩渦入面不斷打轉，有錢人就想分家產炒多幾間，窮人就想欺壓比自己更窮嘅人，將每間房劏少十呎。總之有樓就大曬，炒賣就係香港人最大嘅共同價值。
—
唔怕電影荒謬，只係怕佢唔夠誇張，當觀眾見到電影角色為香港嘅寸土尺土而打生打死，喺概念同畫面都玩到極盡顛狂嘅時候，為樓死為樓亡嘅原來唔止係人，連鬼喺香港都無處容身，將嗰份近乎信仰嘅執念帶埋落地府，連死都唔想賤賣自己一生嘅心血！香港人窮一生嘅精力，都只係想有一個安樂嘅「家」，睇《鬼同你住》，應該會有所共鳴。
—
世界咁大，香港人要搵一個容身之所，竟然會咁難。喺電影入面，亦有「外來者」嘅角色，導演以菲傭同南亞裔人士嘅目光睇盡香港荒謬，不約而同都拋下一句[生命逝去嘅地方，就會有另一種生命嘅誕生]，當香港人比地產霸權壓到喘唔過氣之際，又可以有咩出路？又有咩生命可以誕生？
—
電影編導究竟點睇香港嘅未來？我嘅睇法係看似樂觀，但實質係絕對嘅絕望。表面上，包租公帶領劏房戶進行「螞蟻搬家」，即係幫地產商搞掂「一手空置稅」，以即晚居住嘅形式一解住屋嘅燃眉之急，達成雙贏局面；而主角林正源亦帶領屋企人住入別墅級豪宅，睇落去非常正面。但兩者不約而同，窮人都係喺地產商同有錢人嘅鼻息之下苟延殘喘，當政府「辣招」一過，劏房戶即變condom，而當林正源賣到間豪宅，立即又會變成無殼蝸牛。窮人一世，都只能夠活喺有錢人嘅陰影之下，結局愈開心，真相愈悲哀。
—
睇完套戲之後，我突然發現自己忽略咗戲名嘅第二重意思，香港呢個瘋狂嘅城市，淨係掛住搵錢，淨係掛住炒樓，真係一個「鬼同你住」嘅地方！
-
P.s. 我覺得音音姐嘅造型同表現，已經值得一個女配角嘅提名，特揀此圖。

在新冠病毒衝擊下，香港各行各業大受打擊，本港失業率更升至16年來新高，大批市民無奈加入失業大軍。劏房戶博華由年初失業至今，厭倦了每天只吃一餐充飢、對着四面牆困獸鬥的生活，看着無動靜的招聘群組，他決心疫情下重操故業為基層裝修，助人自助。

博華早年由內地來港，曾在內地從事水電裝修工作，來港後牌照不被承認，輾轉投身廚房工作。在上年12月，他因私人原因辭去工作，「經常請假唔好意思，要人頂嗰位，索性辭職，當時飲食業係幾興盛」，豈料後來百業蕭條，飲食業更是首當其衝。

「搵咗好耐，一直都搵唔到」，從前響個不停的飲食業招聘群組，現在變得水盡鵝飛，「一靜就靜咗最少3個月，都睇唔到話邊到請人。」坐吃山空的日子，博華惟有勒緊褲頭，每天只吃到一餐。捱到行家介紹工作，博華兩次都先被裁走，「我未試過做飲食業，10日就放咗我4日無薪假。」

「後來其他宿友都失業，見多咗佢哋」，博華自嘲這是疫情間唯一的好事，令原來空無一人的9人劏房單位開始漸有人煙。「有機會一齊傾偈，一齊飲茶」，和他們混熟亦意外為他帶來轉機，「宿友話帶我去無家者協會（基督教關懷無家者協會）坐下，我悶咪去。」

「大家交流下，Nick（協會社工）就話邊到要裝水喉，廁所塞，水喉漏水呀」，博華聽後忽發奇想，以往的裝修技巧仍在，或許這是個機會，「我就話我去幫你做得唔得？」從此，博華就成為了協會幫助基層裝修的「特工隊」的一分子，Nick遇到任何裝修相關問題就會請他幫忙，亦會給予他少許津貼，「都算係苦力勞動，（津貼）算係安慰獎。」

施比受更為有福，對博華來說，他更看重的是人與人之間的交流，以及助人的滿足感。他憶述一次去山邊石屋裝修，「兩母女住，水管漏水就拎膠布包，佢哋真係基層中嘅基層。」修補完畢，他和同事甫出門口，天突然下起雨來，他百感交集：「自己咁差都幫到人，但整完一刻同以前對住四幅牆嘅心情係兩個世界，自己好似得到好多咁，個人無咁迷惘。」

採訪當日，博華和Nick一起到劏房戶家中維修電器，Nick指自己見證着博華的成長，「佢哋話幫到邊個家庭、邊個水喉係佢哋修理，聽到好多呢啲故事，令我好鼓舞。」在疫情下，不少從事基層工作的無家者及劏房戶都面臨失業問題，能夠善用他們的五金維修技巧助人自助，Nick亦有很大成就感，「喺疫情下搵到佢助人嘅價值，係好開心。」

「我要生存，我要食飯，自然就有辦法」，博華堅定地說。在危機中尋生機是港人疫下寫照，博華亦是當中的佼佼者。他除了重操故業助基層裝修，亦着手在香港考取水電牌及保安牌照，而非坐以待斃「等運到」，「每一件事我都會做，邊件事有機會，邊件事嚟到，我都會接受，最緊要識去面對。」

｜上水—疫情收入減半 90後自資辦社區報紙 組自衞隊義助街坊：捉賊整水喉搵貓都會搵我
去年，香港各區的社區報開始遍地開花，北區人引頸以待的首份刊物《北島》，亦於兩個月前誕生。10月中，北區另一團隊出版的報章《邊境》亦正式面世。由訂立題目、資料搜集到採訪出版都由街坊親力親為。召集出版區報的群組來自「上水社區互助網絡」，原是自發協助北區居民的小隊，希望報刊化身流動連儂牆，面對再尖銳的打壓與被噤聲，也不虛作無聲，「盼《邊境》令大家重拾對這地方的自豪，不介意跟別人說：我是北區人。」

30歲的阿蛋（廖宇恒）是位忙碌的上水人。今天幫A小姐搵貓，翌日為坐輪椅不便於行的B先生維修水喉；還得幫忙轉介某戶太太被家暴的案件給社署及區議員；圍村連續幾戶女街坊都被偷內衣褲，他竟親自出馬趕去村裏埋伏捉賊。通宵達旦依然機不離手覆街坊訊息，女友投訴照收，助人態度照舊。然而忙碌的阿蛋不是區議員，也不來自社區組職，只是位默默為社區付出的普通街坊，不少北區人都很熟悉這位人緣旺的後生仔，「有時電話響不知道是誰人打來，我也不明白街坊為何有我電話，可能是口耳相傳吧。」阿蛋一提起別人讚賞自己，就覺不好意思，靦腆地笑了。

#上水 《來生不做北區人》相關影片:
1. 90後租上水圍1000呎村屋似「社區中心」樓上生活樓下開cafe 過節辦聚餐 幫街坊創業賣番梘陶瓷：無論咩人都可以喺呢度搵到友誼
(https://youtu.be/YL0O_xHK7iY)
2. 90後上水水貨街開文青店教陶瓷 疫情減租水貨鋪結業潮望光復 街尾老店寧劏一半舖位不結業：上水像病人，光復後要復興
(https://youtu.be/O5G3t3PhuZY)
3. 上水巡撫街逾65年小店 4間店一齊12月31日結業：「上水光復的話即重開！」 老字號醬油舖文具店孖舖 最後情懷成絕響 20201025
(https://youtu.be/t06qjQbRIpY)
4. 記者放蛇證上水藥房走私仍活躍 代客經澳門珠海寄回大陸 前水貨客自白：3日賺2千，試過滯留大陸瞓桑拿浴
(https://youtu.be/cU0X1flvt6k)


果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

#果籽 #上水 #北島 #北區 #連儂牆 #區議員 #StayHome #WithMe #跟我一樣 #宅在家

今年台北同志遊行的主題是「同志好厝邊」，對於台灣內部的意思，是寄望社會看見同志家庭、鄰居和同胞的存在，台灣現時已知有小孩的同志家庭超過300個，這些家庭中，包括了人工生殖和收養的小孩，「我們已經不是少數了，要讓更多人看見像我們這樣的家庭確實存在。」

果籽 ： https://hk.appledaily.com/realtime/lifestyle/

相關影片:
【暫別熟食中心】周潤發發哥每周必吃半世紀老店即炸巨型豬扒 兄弟檔同場破解不和傳聞 (果籽) (https://youtu.be/nmUTwMG7818)
【窮茫青年2/4】五人迫爆300呎公屋 低薪青年嘆香港閹割夢想：「搬去劏房為有喊的角落」（果籽）(https://youtu.be/WOQdpMG11Z8)
【肥瘦戀人】戀上肥妹不被看好 愛情魔力令蒲友變乖仔「我喜歡她已足夠」（果籽）(https://youtu.be/-tjOom7O7iM)
【告別街舖】有人鬧＄100紅豆沙搵笨 有人排足個半鐘 車仔麵店老闆娘：「終於輪到我揀客！」（果籽）(https://youtu.be/ZRxuvymM7j4)
【臭豆腐烈女】喪母後拜師成全港唯一女師傅 獨門醃法不授徒：如果佢反骨我點交代 (https://youtu.be/nOnn7uQCxIw)
【灣仔燒味老字號】17歲做大廚 自立門戶35年 油雞酒味濃 老闆：好做嘅食物唔會好食(飲食男女) (https://youtu.be/svAF8pKszw0)
【筲箕灣東大街】魚蛋河名店對決！名廚食評人實試 王林記魚蛋有水準 安利切腩似湯渣(飲食男女) (https://youtu.be/vYjGxQtbgxU)
【大廚出軌實錄】居酒屋大廚挑機做小炒 堅持飲住酒開工 蟶子炒到又燶又韌 自家製辣霸鮑魚好惹味 (飲食男女) (https://youtu.be/hdKT95_zh3E)
【借貸逾10億】葉玉卿以愛共闖「面子關」承認老公申請破產 (蘋果日報 ) (https://youtu.be/3Gle3Uo0WzI)


#果籽 #台灣 #同志家庭 #人工滴精 #同志遊行 #同志好厝邊 #StayHome #WithMe #跟我一樣 #宅在家