［微風正飄過輕搖長裙～～光陰帶走了癡迷時辰～～相相抱緊～～完全地接近］賣洗衣液都賣到蝕4000萬，咩玩法？新股嘅嘢。梗係上市好美好，兩三次業績就現型。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

TLDR：呢篇保證全無重點，東拉西扯，十分符合我作風。

1. 照計講大陸公司最好。古語有云：America. They want someone to love, but they want someone to hate. They want it easy（＊），實情呢，你將佢代入英國（年年射失十二碼都有屌靶，吾友話齋，白人一樣插到九彩），中國，香港，都得。全世界都係TVB文化，呢個忠嘅，呢個奸嘅，而本人就最撚高貴最撚聖潔。

2. 雖然我一般唔玩呢啲，但，為咗拯救下收視，都要隨下俗。刁，杜琪峰都要拍《孤男寡女》啦，佐治古尼都要拍Ocean’s 唔知幾多啦，Beyond都要扮阿拉伯佬啦（而家就畀人話cultural appropriation了），你覺得我叻過黃家駒咩！

3. 話說呢，包裝都係好重要，股票都係。近年嘅有RobinHood打著紅旗反紅旗，根本啲股東全部係華爾街基金，但就扮到反華爾街。遠少少嘅，「上海和黃」（＊＊），復星國際，好嘢，諗到呢個包裝真係好嘢。之後仲有「地產界UBER」WeWork（即係，寫字樓劏房），「美版拼多多」WISH（輸到我趴街，好彩只係買少少），甚至「印度支付寶」Paytm（仲有印度劉德華），「東南亞騰訊」SEA等等。

4. 至於非金融嘅，好成功嘅例子，搵日再講，當然係科大將自己包裝為「三大」（當然係科大發明，唔通係港大？定浸大？）。史上最成功嘅，當然係奧地利，令大家以為莫扎特係奧地利人，而希特拉係德國人。第二成功嘅，就係「愛情傻戀啦啦啦」嘅肥妹李美林，變咗亞洲性感天后Coco Lee。

5. OK，介紹返，今日嘅主角，藍月亮。號稱，「中國P&G」，結果就變咗「中國A&F」，或者「中國P&K」。都話，中國嘅嘢，地大勿搏，繁華娼盛。可惜呃GL（費事hate speech）話「十萬萬同胞一人買一支洗頭水都發」嘅故事，玩咗百幾年（since鴉片戰爭），已經爛晒。

6. 我呢，就真係唔係好明，做乜解賣洗衣液洗手液都可以蝕錢，公司當然有解，但算吧啦。

7. 而我亦都認真唔係好明，做乜賣洗衣液洗手液都咁有季節性，真心想知。19年上半年27億生意2億利潤，下半年43億生意9億利潤。20年上半年24億生意3億利潤，下半年46億生意10億利潤。

8. Anyway，公司上市都未夠一年，股價就當然係哈哈哈。記得嗰時都有小友問，我都叫唔好買，好簡單，太貴。貴可以更貴，但個出錯空間細好多咯，咁你整啲咁嘅數，咪出事。況且，新股嘅嘢，向來都唔多可靠。
9. 正題都講完，繼續廢話時間。公司總部黃埔區（唔係上海黃浦，更唔係紅磡，但，其實紅磡黃埔係named after黃埔船塢，which is in turn named after廣洲黃埔！），細個返廣州都去過。不過最記得唔係黃埔軍校，而係……黃埔炒蛋（有人以為係黃布炒蛋，表錯情了）。記得就十分好味，但唔知係細個啲嘢好食啲丫，定只係見識少，定只係回憶嘅味道。

10. 呀仲有，標題嘅呢首，應該四十歲嘅無人不識，李克勤嘅《藍月亮》。很紅的說，好似當年佢做港姐表演嘉賓都係唱呢首（應該就係搞上咗盧淑儀嗰屆）。其實我原本仲有篇《酒紅色的心》講上市公司偷咗客啲紅酒。兩首歌有乜關係？安全地帶嘛。

11. 又，唔識日文，但我個人覺得《藍月亮》係廣東話版好過日文版的。填詞啲節契幾好。理論上，你填衞斯理《紅月亮》都得的，但就係《藍月亮》順口啲。（正如大家都一定聽我講過，《遙遠的她》就梗係要「血癌已帶走她」先浪漫，變成「肺癌」甚至「乳癌」就冇咁浪漫，當年我教書可以上堂同學生講呢啲，而家實畀投訴死）

12. 填詞嘅，係向雪懷。「向雪懷」當然係筆名，而「向雪懷」對「葉念琛」，正如「辛棄疾」對「霍去病」。講乜？「向雪懷」個初戀女友叫阿雪！話畀屋企人迫佢嫁咗去美國。於是就有呢個名！係咪好痴線呢。葉念琛都係咁上下故事。

13. 最後一講，關於「藍月亮」，唔知向雪懷只係貪意境同啱音，定都有知道「藍月亮」在英文係rare event咁解，黑天鵝嘅friend

14. 但成件事最痴線係，你估我由邊度知道呢樣嘢？係黑社會大佬訪問！（https://bityl.co/7x4c）。呀鬼添所講的！once in a blue moon，真係幾咁有文化！條友讀左個澳洲MBA添呀，側聞平時就睇下Economist 咁。你話讀書幾咁緊要！

（＊）”I, Tonya＂（冰之驕女），Margot Robbie嘛，好睇。The haters always say ‘Tonya, tell the truth.’ But there’s no such thing as truth, I mean, it’s bullshit! Everyone has their own truth & life just does whatever the fuck it wants.”。 不過套戲其中一個好有趣嘅位係，你去邊度搵個可以跳凌空轉體三周半嘅人出嚟演？奧運金牌運動員喎。女主角固然唔得，替身都搵唔到，史上都係得幾丁友做到，但全部唔肯演。最後，當然係電腦搞掂。

（＊＊）In case有人未聽過，我又回帶講一次。當年復星上市，我都有抽，仲有幾手，但係用條女嘅戶口抽。後來分咗手，就被收歸國有，應該對方諗住當係掟煲費咁。然後有一排我係不停咁睇住個股價的，心諗如果升咗幾百倍就同佢死過。幸好冇呢件事。固然由08低位到而家，復星都升咗10倍，但我唔係低位買嘛，係上市抽，冇乜升好多，咪當……掟煲費咯。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

【這是一場甘苦與共！】
(2016年舊文。至少應驗了「前面有幾多意外幾多厄困沒有人知」。)

自己是黎明粉絲，屬於麻甩理智型，即是他好靚仔時我會說他好靚仔，他水腫時我會說他水腫，他唱歌好聽會說他唱歌好聽，他跳舞求其我也會說他跳舞求其。

四大天王那時代，把黎明的五官拆散比併，應該會輸盡給劉德華郭富城，只贏一個張學友，偏偏合起來時，除了有時水腫，他的樣子可以霎時間靚仔得散發仙氣(呢個形容係有私心)，而且客觀事實四人中他最高大，穿衣品味最好，他行出來英俊瀟灑的台型具有壓倒性。有可能是誇張記載：九十年代黎明最早攻佔韓國市場，據說他當年掠奪韓女芳心之哄動，不下於今天宋仲基掠奪港女們的程度。劉德華的靚仔向來公認是香港隊代表，只有黎明可以挑戰他而沒有處下風，他們的粉絲鬥得最天崩地裂！

黎明高大也有壞處，是跳舞不容易好看。這樣方面郭富城當然最強，但你看過張學友的演唱會，他跳舞的韻律和難度幾乎迫貼郭富城，可以知道他下了超強苦功。黎明呢，他最公子最貴氣，四天王的體能操練他應該最懶，跳舞亦明顯「求其」。有年又是TVB種的禍，甚麼勁歌總選，竟然要求他們四人一分鐘鬥舉啞鈴，不要以為郭富城大隻，劉華在鏡頭前那種拚搏牛逼不用多介紹，他一分鐘五十下，郭富城張學友死谷各接近四十，只見黎明真心求其舉，結果他應該僅及三十下。或者可以說，他看自己很準，他的有型從來不是來自大動作，於是早期唱〈我的親愛〉，雙手隨便練習幾下炒飯手勢，雙腳一時內八字一時外八字反來覆去翻動幾下，賣個傻痴痴的萌笑，問候聲：「May，你點呀！」粉絲們已經心滿意足。

黎明沒跳舞運卻有歌運，他曾經演唱〈對不起我愛你〉走音被笑足四份一世紀，然後他明白知恥近乎勇，他有努力練歌，後來遇上連串廣告歌從〈那麼有一天不想妳〉、〈情深說話未曾講〉等都唱得讓人刮目相看，成為九十年代香港最輝煌印記。他有很多歌的流行程度，甚至迫貼張學友。大概他成熟了，醒悟從前裝可愛扮天真去得太盡，四十幾歲男人老狗不可能再沒技巧賣萌地跳〈我的親愛〉，於是索性任何慢歌快歌都站得耿直，他的士兵式站姿簡直破壞所有快歌的第一傳，今天他唱〈我愛Ichiban〉時屁股作二十度搖晃已經是天大賞賜，結果開始有人埋怨，他在訪問也承認自己演唱會有點悶，於是今次換場地玩4D，結果惹了禍，同樣也成為考驗黎明成了超天王的契機。

張學友那張臉本來最能經歷風霜，劉德華到今天仍像牛般頑強謹慎，他的臉和鼻和身體都以零脂肪起角見稱，郭富城也超勤力，鑽研演技和溝女的操練從沒間斷，五官保持精緻銳利。如果以五十歲男兒計，最早退出江湖的黎明可能是最不襟老那位，近年看他，臉容有時浮腫厲害，五官也失卻過往神采。上天明顯仍眷戀黎明，他沉藉多年水腫多時，開唱片公司捧人成績不過不失，本來最好的衞蘭，操練體能方面跟他一樣隨心所欲，不願控制自己體重。但他變得很會說金句，其實四大天王沒有一位幽默，黎明只是完全放下偶像身段，不再顧忌說內心直話，直到用北京話直譯廣東話咁直。

從他三十年幾乎沒變的髮型和西裝畢挺，從他一直在四大天王中往往顯得離群獨處，可知道他是位個性超強的人，他的金句往往由衷而發，含金量極高，因為夠真心因為夠突然因為去得夠遠，所以笑死人。今次黎明演唱會每天都在逢迴路轉，他反而貼地應戰。他可以不化妝，頭髮還殘留cap帽柒印的狀態，便誠意滿分地拍片為場地問題解說一次又一次，然後把責任放在自己身上，有新鮮難題，他提出新鮮解難方案。這時候，你會發現黎明已經盡褪從前的脂粉和傻笑，沒以往英俊秀氣，卻變成一個隨心所欲型到爆烈和很會用臉書的中佬。

人和人好簡單，我們曾經這樣愛你，只要你真心努力過，遇上難題碰上困境，只要你坦誠告白，沒學那些官員玩語言偽術，香港人幾時輕易離棄你。你的演唱會要取消便取消吧，要拆帳蓬冇4D就拆帳蓬冇4D，入場混亂排隊要排兩個鐘就排兩個鐘，落雨照頭淋就照頭淋，唱唱下個電幕故障上不上去，你要朗誦歌詞便朗誦歌詞，你係鍾意唱快歌唔排舞便繼續唱快歌唔排舞。

我們喜歡你廿幾三十年，前面有幾多意外幾多厄困沒有人知，只相信黎明不會老點你，有事他會站出來拆掂，要金句有金句要膊頭有膊頭，於是歌迷大眾條氣會順，於是幾多甘苦都願意與你共同渡過，反過來更擔心黎明壓力太大食不飽睡不甜。香港人真係好易商量好易管，要把香港管到現在這種怨氣沖天的狀況，真的要好柒好Seven的領導人才做得到。題外話，同期開演唱會的林峯的鋒頭難免被蓋，接受訪問時他表示沒有看黎明演唱會新聞，記者又抵死，追問「而家我咪話俾你知！」，他只答了一聲「哦！」很明顯他沒有金句胸懷，個人亦懷疑吳千語可能曾經表態想睇黎明，所以他有少少介意。

【反MIC中國貨、但不反「國貨城」】

這麼多年來我從來沒有特別欣賞郭富城，不過昨日我坐在電視機前馬上顛覆了20幾年來的印象。

各大KOL早已寫了洋洋幾千字讚美城城54歲藝高人膽大、寶刀未老舞臨天下，最後型棍到爆錶的90度直角的金雞獨立年輕20年的我親身在家裏挑戰都覺得好難平衡！

郭富城最讓我動容的並不是他單純的爐火純青舞王資格、我在意的欣賞的也不是關心他到底是黃色還是藍色。作為一個身邊同學都迷戀郭富城的旁觀者，我見到他不但沒有讓我們「童年崩壞」，還主動請纓幫助對抗武漢肺炎生活有艱難的年輕舞者們。

四大天王是80後、90後的集體回憶。

在我讀小學的時候郭富城跟黎明、劉德華、張學友早已是四大天王。

我們都是直接或者間接地與四大天王一起成長的。

就讀劉德華母校的我不能說自己不喜歡劉德華、雪狼湖打開了我對音樂劇的認知、我坐在旁邊的同學直頭是黎明的永遠粉絲⋯

千層雪糕是集體回憶但惠康是藍色的。
粉紅色玫瑰花紙盒西餅是童年但太子女放棄年青人。
高中大學買杯星巴克是身份象徵但原來撐警。
烈女不怕死有傲氣但會熱烈地擁抱小熊維尼。

舞王身家有幾多個零我不知道，但是舞者出身的「王」並沒有食碗面反碗底讓我們這批聽他的歌成長的香港人失望到要把CD都粉碎。

就算幾有錢、生活幾離地、開架跑車出街買奶粉總不會看不見年青人上街「搞事」—當其他同世代的癈老藐視不知上進年青人的時候，舞王不是純粹說捐錢給後輩而是用十天安排一個節目為他們籌款鼓勵士氣！

不管規矩地帶着口罩盛歌載舞的年青舞者的政治立場如何，我昨天用自己雙眼見證了25年前的天王身體力行，鼓勵這些幾個月來為生計感到困擾的年青後輩。

四大天王中真正的天王該當如此。

假使香港立國，在後輩與青年危難的時候主動伸出援手的「阿王」城城就是真正的「國貨城」。

後記：雖然沒有迷戀郭富城的經歷，但是「聽風的歌」當年我已經很喜歡。MTV裏面是空無一人的聖馬可廣場，除了當年拍攝MTV人都沒有一隻，就只有武漢肺炎下的威尼斯可以有這個風景吧。

「只有武漢肺炎的威力，能夠追上全盛時期的郭富城讓威尼斯聖馬可廣場變得清靜。」

WOW!!

—我是分隔線—

¼個世紀之前，當那些韓國男團還未出生的時候郭富城已經在當地粉墨登場技壓群雄。

送上1994年的片段—

https://youtu.be/f5NXUJbYSqQ

🛫Kiri出沒注意🛬

https://www.instagram.com/kirita/
https://www.kiri-san.com

《Kiri的東瀛文化觀察手帳》《日本一人旅》

支持本網營運：
Payme Link：https://payme.hsbc/kirisan
Paypal Link：https://paypal.me/wongkiri

繼續美麗
作詞：劉德華 作曲：徐繼宗
小島繼續仍然美麗 生於這地知書識禮 如今 和曾經 誰人都不可取替 你一切 我一切 多少愛突然情已逝 多少歲月已告荒廢 同屋 和同心 誰人可傷這一切 要小心 靈魂不可封閉 大大細細 徬徨悲凄 真與偽 你未能下決定 要放低 驟晴驟雨怎去預計 讓那些得與失擦肩走過 注定誰更美麗 自由自愛不要自閉 苦過別再提 莫再提 痛漸過 雨漸細

最近好鍾意嘅一首歌 劉德華 嘅 繼續美麗
特別鍾意呢一句歌詞

驟晴驟雨怎去預計
讓那些得與失擦肩走過
注定誰更美麗

細細個嘅時候 就好鍾意 華仔
我係華仔嘅fans
全屋企人都鍾意睇華仔嘅電影 聽華仔嘅歌
細細個因為鍾意華仔 而鍾意鹹蛋超人 ?
記得四年前 第一次參與 金像獎頒獎典禮 第一次見到劉德華
我緊張到 淨係對住華仔笑 say咗個hi就走咗 ?

無論遇到幾多艱難 勇敢嘅去面對
生命因愛美麗

#劉德華
#繼續美麗
#華仔天地
@andyworldclubofficial

#黃劍文

#劉德華 #讓下一代看見 #團結香港基金
興建大規模人工島，可以為香港創造新的出路？
香港的問題從一開始就唔係地，係政策。用幾千億起個島，有無敵海景，係果度起嘅豪宅你估你買唔買得起？係有限嘅土地上接受無限嘅人，其實起幾多個島都冇用⋯⋯

http://www.facebook.com/lamfungfrances
http://www.facebook.com/tagconcept

【眼皮鞋到冇知覺的人有福了！可能係最快柔軟眼部肌膚嘅精油！】
Odacité PURE ELEMENTS Eye Serum Concentrate 眼部精華濃縮液
Ba+S BAOBAB+SARSAPARILLA 明眸收腫眼部精油 5ml

咪睇小瘋瘋皮膚好到連毛孔都冇個，一講起黑眼圈同眼袋問題，我真係想拎包tempo出嚟喊... 人生於世上試問有邊個臨瞓前唔係舉頭望明月，低頭see個mon架？但好衰唔衰，電話呢家嘢，越㩒就㩒精神，唉搞到老子一星期必有兩、三晚安不到眠... 眼圈股黑勢力日益壯大，毒不可耐，下眼皮仲dry到硬晒軚，冇咗個柔軟感添呀陰公pig！到底我對囧眼要持續毒到幾多歲呢？


雖然瘋瘋食鹽未必多過你食米，但試眼精華一定多過你 j 劉德華！眾所9知啦，老子一年都介紹唔到5款眼部產品，事關我真係巧鬼屎挑剔！美帝Odacité喺TAG Concept已經活躍咗一年有多，拖到最近先試佢支眼精油，純粹係因為我自私，我自己對於拎油搽眼有敏感陰影，就直接skip9咗佢... 較早前代理商再次誠意邀請我試下，仲叫我加埋導入或離子棒用... 就係咁，就速成呢單美瞳事件嘞！


介紹返，Odacité Ba+S含有有機認證麵包樹油、維他命A、維他命E、維他命F及植物固醇，有效改善眼部皮膚老化，刺激細胞內膠原蛋白及透明質酸增生！同時刺激微循環，加強肌膚吸收力，喺肌膚表面形成彈性保護膜，收緊並提升弛已鬆嘅眼部皮膚，令雙眼線條更加鮮明，更加出眾！而且，仲識玩到加入有機認證白千層油菝葜、玫瑰草、橙花、洋甘菊同薰衣草油，具治療及強效消炎殺菌功效，笨且能夠防止油脂粒形成！同時減少幼紋，舒緩眼部浮腫及淡化黑眼圈！


Well，雖然瘋瘋用下用下都幾中意Odacité呢支眼精油，因為滋潤度真係幾高，又冇敏感冇出油脂粒！但其實真正試到佢奧妙之處嘅，並唔是瘋眼！而是有個鼻敏感嘅熟客一個月前入手咗Ba+S，當時佢眼肚位置災難程度係直迫伊滕潤二入面嘅雙一咁... 乾到又鞋又多幼紋，黑眼圈亦相當嚇人！持續用咗三星期，有埋導入嘅加持下，佢眼部肌膚久旱逢甘露咁柔軟返！嗱瘋瘋做證，佢黑眼圈同幼紋係堅有好咗嘅！咁當然未去到K.O.晒咁誇張啦！但同佢之前嘅毒梟慘況相比，起碼似返個向毒品說不嘅正常人先囉！