[gfmurmur9879] 是咁的 小妹有一個男朋友 其實上年我就知道有個男仔鐘意佢（佢同我講） 但我冇同男朋友講咩畢竟人人都有暗戀嘅權利 而且我都幾肯定我男朋友係直嘅，因為我係腐女平時都睇開bl小說漫畫個d，然而佢對我嘅興趣好反感+唔get男男嘅美好。 上個月男朋友send咗張screenshot黎，係嗰個男仔同佢嘅對話。 個男仔原來得閒無事會唱情歌比佢，然後又話好鐘意我男朋友等等表白，然後又會send d露骨相。 男朋友同佢表明咗佢係直同埋有女朋友，佢都繼續糾纏佢。 我唔想男朋友陷入兩難，故作輕鬆咁同佢講你唔鐘意佢咪block咗佢囉，希望咁講可以提醒到佢應該要做嘅野。 然後去到最近，男朋友再比我睇佢地嘅對話。又係表白又係send個d相，同我男朋友講反正熄燈做都一樣。 我好嬲，點解你係有女朋友嘅情況底下繼續覆佢？ 點解仲唔block佢？ 我就逼我男朋友比我佢嘅聯絡方式，諗住同個男仔理論。 不過諗深一層，咁樣做不但好似比佢拉低自己身份，而且佢對我黎講不過係一個陌生人，該管教嘅應該係我男朋友先啱。 所以最後我都係冇揾到個男仔，點知男朋友竟然叫我唔好鬧佢，問我點解要同個男仔較勁。我心諗點解要向住佢？你係我男朋友唔係應該企係我個邊咩？雖則我冇揾過去亦冇鬧過佢。 我聽到佢講呢句就火滾，發曬脾氣要佢block咗個男仔兼刪除好友。越講越嬲，鬧佢點可以幫佢講野，鬧佢點解已經有女朋友仲要理佢，你唔覆佢咪唔會有後續囉。 男朋友話之前一直冇block佢嘅原因係個男仔係佢事業上幫到佢嘅人，同埋佢覆佢係一直鬧佢希望佢“行翻正軌”（which我覺得呢個理由好弱智） 佢仲話我無理取鬧，話我就為咗個男人要同佢鬧到咁僵，仲話我對佢唔信任，話如果我地要分手佢唔會挽回我。 那一剎那，我覺得我輸咗。 呢個基佬，最後只係留底求愛不遂嘅同性戀者。 而我，成為咗嗰個無理取鬧EQ低亂發脾氣嘅女朋友。 之前好興一個網絡用詞叫“綠茶婊”，面對呢位男綠茶，我只可以話佢高招，真係高招...... ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig #香港 #情侶 #香港情侶