［奇而濃的狂想］（＊）秘技傳授。又，係呀，日本人唔食三文魚刺身。韓國人唔食羊肉添。

=============
告個急先：Ivan已被炒，3月開始失業。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。一星期至少出返六篇文，今年我已經寫咗24篇，篇篇三千字，冇苦勞都有肺癆
=============

1. 我居然收到唔止一個讀者，在Patreon問我，到底我呢個逢星期日嘅「增強抵抗力」在邊度買（在台北時，就變咗「瞞著爹」，頂住檔先）。

2. 我好認真咁答佢地：DONKI。然後佢地以為我撚化佢，因為佢地話在DONKI冇見到啲咁嘅嘢。

3. 唏，其實同我寫Patreon一樣，鑽探研究，消化後再屙出嚟，創作實情就係咁嘅一回事。正如你睇New York Times（左膠！） 睇 WSJ（右膠！） 都唔會見到我寫嗰啲嘢，但經我煮埋一碟，你就唔認得原本邊度嚟啦。正所謂Good artists copy, great artists steal．好聽啲咪策展人，assimilation．吾友話頭，整容嘅嘢好似落味精咁，點會介意？高手就係落咗你都食唔出啦。一手渣上去（甚至未渣上去）就知係假波嘅，咪就係好假嘅假波（＃），我偶像王維基話嘅！　

4. 好吧，隻雞蛋唔係DONKI買，明太子都唔係DONKI買（話埋你知用咩蛋用咩明太子又點話）。但你要DONKI一站買齊都是可以的。不過，你真係唔會見佢咁樣賣畀你，我係買完飯再買刺身再加其他嘢的。

5. 既然咁多人問，不如下星期日就公開一次個做法：其實都冇乜做法，咪就係買唔同嘅嘢，撈埋佢咯。雞尾酒咁。咁但，正如我講，買咩蛋，買咩明太子，都有啲心得嘅。埃汾太話齋，生雞蛋梗係要日本蛋，仲要大蛋黃，先撈到咁多飯。明太子，就梗係要福崗博多（而我同埃汾太好似去咗五次福崗？）

6. 不過once我話畀你知，你就可以屋企照做。正如本頁一路都講，Yan can cook，so can you．Ivan can 9up，you can 7up

7. BTW，其實係埃汾太整嘅。本人負責出錢，同埋食。

8. 又BTW，埃汾太同我講，其他KOL分分鐘可以R返DONKI贊助。但我不是「其他KOL嘛」。My mother said to me, 'If you are a soldier, you will become a general. If you are a monk, you will become the Pope.' Instead, I was a writer, and became 馬蘭頭. （呢句同 Great Artists Steal同一個人講）

9. 我話叫佢努力啲，轉型教煮嘢好過。或者教英文都得．有日埃汾太同我講「Eating Palmiers」，老老實實，唔查字典唔Google，你知唔知咩係Palmiers？食得的。我問咗好多同學都唔知。

10. 又，再一次都係下面堆附注完全無關，但長過原文，仲會好多人讚。所以你明白，我做過嘅公司，所有老細都唔係好鍾意我去「Brainstorm」，我都唔係好想去，因為我會storm到啲人唔知去晒邊。

11. 而雖則「Brainstorm」理應天馬行空唔好shoot down 任何嘢，唔好批評，更唔好秋後算帳。What happen in 廣西，記嚟把西。但華人老細喎，你懂的，當然係一路皺眉一路心諗，屌，呢條友係唔撚係路架？嚟浪費時間的？「最仆街係，正經叫佢諗橋佢又度唔到喎」

12. 最後送畀大家，吳奇隆嘅經典名曲：《梁祝》（https://ytube.io/3DtE）。喂未聽過未睇過套戲嘅必定要睇呀。我係同我初戀情人去睇的，真係大吉利是，青春，phew～～～～～。1994年嘅葵芳新都會廣場呀喂。有冇留意，吳奇隆楊采妮都係台灣出世，都係新北添。而吳家麗居然要做楊采妮老母～～～～好一個親子丼。

（＃）永恒嘅哲學問題，到底一個好差假動作，係好假嘅假動作，定好真嘅假動作？

（＊）稻草熊呀喂。又，我記得嗰時吳奇隆打香港市場，《YES！》雜誌係咁抹黑佢（＊＊）。實情唔止抹黑吳奇隆，就連蘇有朋都抹埋，詳情已唔記得。但我最記得叫金城武做「武士刀」，連日本侵華都講埋，真有你的。咁佢地抹黑毒瘤明大家知點解啦（＊＊＊）（＊＊＊＊），亦因為同樣原因抹黑黃凱斯係南亞人（唔方便講原名，怕希士必廚會封號），而「城市驚喜」搵陳法蓉個妹陳法琴影， 大家都知點解。但，做乜抹黑吳奇隆金城武蘇有朋？福爾摩斯話齋，邊個去dup骨，嗰個咪係二五仔。咁漏咗邊個？林志穎嘛。《YES！》出名係林志穎打手。點解獨尊儒術？相信倪震唔係基嘅，林志穎都唔會同佢癲。我估，都係$。

（＊＊）作為一個品學兼憂嘅少年我當然係睇《YES！》，唔通睇《突破少年》—OK，其實我好早已經睇《突破》，而唔係《突破少年》。正如當年我老母掉低我在仁愛堂（唔知邊度？即係《古惑仔戰無不勝》晒馬嗰度），我好早已經唔睇兒童館啲書，未夠秤已經睇成人部。幸而當時個管理員見我十分安靜，並無嚴格制止我。換著而家又變成華人／中國人／香港人劣根性 細細個就唔守法 大個去德國坐地鐵唔畀錢搵唔到工了

（＊＊＊）正如我舊文講，《YES！》真係帶畀少年嘅我好大衝擊。最大嘅衝擊就係，做傳媒真好，完全係可以公器私用，自己溝女，抹黑情敵，私下搵著數。班農同Cummings 都未撚出世香港已經一早有fake news campaign．

（＊＊＊＊）有關毒瘤明，除咗唔少人都得嘅「街坊唔順你」—實在填得幾好，我而家都仲識唱：「解釋不到為何你～～賤過人～～～賤到暈」。但更正嘅係第二段，歌詞係something like 「你眼睛整過極為賤～～～賤得很～～全失真」之類。呢度就要講下，當年盛傳（其實都幾明顯）劉錫明割雙眼皮。的確啲手工好似差啲，唏1990年呀，韓仔食緊樹皮咋，漢城江南仲係爛地咋！但，幾時割雙眼皮都係罪？更抵死係有期《YES！》奉送埋一副有劉錫明嘅「骰寶」拉頁，兩邊就有「單」同「雙」，就係劉錫明未割雙眼皮前嘅相，同埋之後嘅相。真係他媽的賤格！但又他媽的好波！真有你的。

＝＝＝＝＝＝＝＝＝＝＝＝＝＝
你嘅2020年點？我嘅2020年就幾好。Ivan Patreon，港美市場評點，專題號外，每日一圖，好文推介。每星期6篇，月費100唔使，5個月已1200人訂！（https://bityl.co/4Y0h）。月頭訂至抵，年費仲有85折，仲係睇13個月添。

某日某月導演手記5之 毋忘我的愛

其實，我們原本放了不少92年的歌曲在劇本內的，除了「還是覺得你最好」之外，另一首是楊采妮的「毋忘我的愛」，本來打算在學校天台觀星的那場戲響起。奈何，由於資源有限，最後唯有忍痛放棄這首歌。

不妨看看這首歌的歌詞，其實與旭日和子月當時的情況相當吻合，當然，我也非常喜歡這首歌。

徬徨過的心喜愛常望窗
在星空晚上
呆望那顆星它很像你
於天際時空可否遇上

被你盜去的心偏偏這樣
再不怕曾失望
在你夢裡天空我不斷迷惘
陪著你才是我心所想

真的不知你我如何竟可愛上
真的不知一聲愛我紅透面上
真的不知你眼神還有我方向
從不知，而竟然今天愛上

#票房突破三百萬
#初戀就係咁樣
#請分享
#某日某月 #英皇電影
#湯怡 #原島大地 #邵美琪 #鄭丹瑞 #陳茵媺 #雷頌德 #呂頌賢 #夏韶聲 #談善言