［八年回望］原來剛剛好八年，咁順手講下。

1. 本身一早識我嘅當然知亦都見過。但就是咁的，八年前今日，我就在烏克蘭。其實係出完差去倫敦再去烏克蘭。當時未結婚但都有循例同囡囡講下，咁反正都有共識唔生仔（＊）

2. 呢個，就係登登登登，大名鼎鼎，惡名昭彰嘅，烏克蘭切爾諾貝爾核電廠，四號反應堆。只此一家。

3. 當年已經有得跟local tour，而家更加係阿豬阿狗都識去。當年都要千幾蚊港紙，正宗貼錢買難受，搵命搏，吸收輻射為禍下一代。

4. 出發前送輻射錶一個，仲要簽生死狀（！），講明各安天命，唔保證你，同埋你電子器材嘅安全。果然去完我部相機就死咗，個變焦真係蕉咗，而SD卡都死埋。不過後來修復返部份，所以你先有呢張相睇！

5. 講返四號反應堆，最近只可以去到呢度。唔好諗住癲到入去影石棺。有冇人會試走入去？總有的，但有軍人隨團（＊＊），應該會射低你。你下次可以試下。亦都有閉路電視，唔好諗住整古做怪。

6. 呢張影冇，但都話隨行有個輻射錶，去到呢度就真係你外圍（三十公里禁區）嘅幾十倍了。外圍係12，嚟到呢度係400以上，係咁跳。但唔好驚，咁先正常。如果唔跳幾十倍就證明個錶壞。呢度只能停留幾分鐘。專家話停留一陣對健康冇影響嘅。咁梗係啦，又唔係專家去。

7. 又同意，其實去到四號反應堆前面，個錶都未係最勁。你如果放落地下啲泥土先最勁，所以千叮萬囑叫你唔好掂啲泥更加唔好拎返去玩。我返酒店都即時洗咗對鞋，返到香港好似掉咗。

8. 可惜當年只有Facebook，但流動上網好似未係好盛行，我都係返酒店先整相，所以冇得直播。果然係富貴不還鄉如錦衣夜行，冇Facebook Instagram微信邊有咁多人跑馬拉松上珠峰？

9. 呀仲有，臨走呢，仲有部機畀你玩。就係度下你輻射有冇超標，都有啲緊張架。江湖傳聞話咁多年得一條友爆標（即係，部嘢流的？），即時就送去醫院。有冇出返嚟就唔知了。定佢係超人個friend核能人（又，超人大戰核能人，套戲真係爛到九彩）

10. 不過，當年我作為去切爾諾貝爾嘅少數香港人（Netflix 當年寄緊DVD咋親），都引起咗啲鬨動，有報紙嚟訪問我添。但我後來發現係綠色和平嘅，咁就No thanks啦。擺明配合佢地講「核電好危險」嘅主旗律。咁又唔係有錢收，睬你有味啦，我好得閒咩。

11. 打後幾年，直到而家，都仲有啲輻射後遺症。主要係成日發火啦，朝早唔多想起身啦，日頭冇乜精神啦，鍾意食煎炸嘢食甜嘢啦，夜晚唔願訓啦，成日都好累啦咁。不過多數星期六日症狀就冇咁明顯。

12. 又，我前後去咗三次烏克蘭。可談之處甚多。但真的，啲女真係好靚。

13. 所以啦喎，我係一個財演，但我係一個去過切爾諾貝爾嘅財演，仲係一個去過瓦努阿圖嘅財演。人都係一根蘆葦啫

（＊）我好奇怪啲人可以結咗婚先話「一個想一個唔想」。唔係溝通好晒先結婚？結婚前唔講呢啲，唔通討論西多士落奶定落糖漿？不過又，好多嘢有人會反口，況且講真人會變，never say never，反正又唔係「合約精神」

（＊＊）其實入去禁區一定要軍方批文，所以我懷疑啲團根本都係軍方啲友搞的。你去之嘛，又唔係佢去。況且人地條命邊有你咁值錢。又，有午餐添喎，都OK好食（天寒地凍乜都好食啦），保證食材嚟自區外—佢話。唔鍾意嘅拎個康師傅去都得嘅，我估—但咪又係輻射水。咁真係你唔食嘢都得嘅，但我冇見有人咁老土，反正成團都係鬼，得我一個亞洲人

（＊＊＊）無法唔講，其實最震憾係，有架私家車，將我地由基輔市中心車去切爾諾貝爾（你以為係幾十人嘅團？）。最正係個司機用啲極重口音嘅英文問我地，Video？English？但其實根本冇人答佢都照播，就係播　切爾諾貝爾事故嘅紀錄片！包你未出發先興奮。而家我估係播Netflix了，你去過可以話我知。不過而家你應該可以自己望電話睇TVB，當年我地就真係睇記錄片的（你鍾恴訓覺都得嘅）。可能係為咗嚇走你，最好未去到目的地全部落晒車走人，咁就提早收工。

謊言。
Lies.Translated
【HBO Chernobyl話你知：最恐怖的慌言】

HBO嘅Chernobyl梗係好睇，成班飾演俄佬演員講英文，連睇字幕都慳唔少力。呢套劇最攞命嘅唔係套劇，而係香港人睇呢個過程，本身就好自虐，猶如搭住長途機睇空難片一般。

套劇以切爾諾貝爾核爆做框，首先我知道原來核電廠要核爆係幾乎無可能，咁都定啲，而重點係有關講大話嘅。一般香港人睇完，就好易諗起圍住我哋身邊嘅核電廠，Come on，咪講咗囉，重點係講大話，係謊言嘅代價。死咁多人，禍害咁長遠，係因為長官意志，社會主義嘅毒害，同埋謊言。

圖中呢幕第一集係（最）精彩嘅，講一班管理層商討好唔好撤離輻射區居民，喺討論緊「撤」與「唔撤」之間，老黨員一錘定音「唔撚撤」，佢提醒返同志，社會主義基本概念，係當人民係無知嘅，俾佢哋知道仲得了，然後決定封鎖城市，cut電話線同所有資訊，得返TVB俾佢哋睇。最癲嘅係，成班後生管理層即刻拍掌認同，劇中睇得出佢哋唔係擦鞋，係真心覺得呢條泯滅人性嘅橋work。你哋諗下，你哋有冇試過用過咁仆街嘅橋去工作？其實大家都會試過。

岔開少少先，切爾諾貝爾核爆最後無禍害大半個地球，原因係蘇聯入面，有好人，有英雄。而最痛苦嘅莫過於，喺魔鬼邪惡獨裁政權下嘅好人英雄。

講返謊言，為咗國家、政權、自己，大家都要用謊言去作為基本生活元素，要呃西歐國家、呃自己人民、呃上司、呃家人、呃醫院護士。最後，最恐怖嘅，一定係徹底地欺騙自己。

人哋話你知燃料棒熔咗，你就話人神經錯亂未食藥，話人癲佬；人哋話你知爆炸咗，你就話人呃你，極端相信自己，仲話人爭你三萬蚊；輻射讀數爆錶，就以個錶上限為準，明明輻射指數都103萬，你都當係3.6；明明都無咗燃料棒，仲自己呃自己話要灌水冷卻，唔通灌咗水，就可以俾啲掌聲自己，影相打咭，覺得自己贏咗？屌，出面爆炸呀！

我哋面對嘅謊言豈止係核電廠，鉛水、港珠澳、剪鋼筋、明日大嶼、剪布、港鐵事故、掌心雷選舉、雷動計劃...全部都係由謊言堆砌。咁最後害死邊個？害死所有人。長官會被害死嗎？咁要睇佢揸邊個國家護照了。噢，原來佢老婆喺大灣區有樓。

正當全球注視的福島核電廠把放射性核種排進海洋和大氣層之際，愛麗斯．史都華醫生（Dr. Alice Stewart）就輻射風險提出的警告，及李查．多爾爵士（Sir Richard Doll）的「請放心」（reassurance）立場，再次展現了新的意義。

多爾和史都華二人都是流行病學的先驅學者，二人在低劑量輻射曝照影響的問題上，卻一直相持不下。當史都華公布她的研究，發現只要曝照的輻射劑量達到「已知安全標準」的一個很低的比例，便足以殺死一名兒童的時候，她的聲譽跌入了谷底；可是對史都華觀點批評得最猛烈的人—多爾，卻受封為爵士，且被讚譽為「世界上最傑出的流行病學者」。

多爾死後被揭發，他一再辯護、聲稱無致癌風險的化學品產業，原來一直向他提供大筆資助以後，他的聲譽絲毫不損。輻射科學慢慢轉向史都華的理論方向，1990年代中不同的國際委員會均開始承認，輻射根本沒有安全劑量門檻；同時，切爾諾貝爾核災的最新證據，也證明了她的警告是有效的。

深入檢視多爾的聲譽如何被建立，史都華的聲譽又如何被摧毀，可讓我們更清楚了解，學術地位、職權與個人形象的權力操作，如何形塑科學「知識」與社會政策。

【李查．多爾與愛麗斯．史都華︰聲譽與科學「真相」的形成】

文：基爾．格林
翻譯︰反核之眾、Ada Chou
原刊《生物與醫學觀點》第54卷4期（2011年秋）︰頁504-31
［章節按作者原文分定，章節編號則為譯者後加；是次翻譯已徵得作者同意，特此誌謝］

Richard Doll and Alice Stewart: Reputation and the Shaping of Scientific “Truth”
by Gayle Greene
Perspectives in Biology and Medicine, volume 54, number 4 (autumn 2011): 504–31

【全文 PDF 版】 goo.gl/KBjgjd
【英文原文】 goo.gl/HlMmTb
【獨立媒體連結】http://www.inmediahk.net/node/1046406