- 0616 〔兩性關係〕絲 23 - 多謝你同我上咗呢一堂 - 同你一齊時，我19，你24 當初點解會同你一齊，係因為我覺得你係個好男仔，對屋企人都好好 所以就係大家都有好感但又未真係了解對方情況下一齊咗 佢係我第一個bf，我係佢第5／6 任（佢話我係最耐個個），一開始大家都好開心 直到你話要去一個月旅行，同fd 去完返嚟就變曬 你買好機票先同我講兩個人（你 + 你個識好多年嘅女中同）去 講真，你都係要局我接受姐，有問過我咩 又話係識我之前應承嘅，唔想放飛機 但我想問下，有冇人會接受到呢件事？ 我諗不論男女都好難接受啦，唔係唔俾你同朋友去旅行，而係會唔會諗下我 下次3，4 個一齊去而唔係今次照去呢？ - 嗰時我曾經有提過不如分開一下，但佢挽留我，最後衰心軟冇分到 同埋不斷俾心理建設自己接受呢件事 相信好似佢所講唔會呃我唔會做啲對我唔住嘅事 之後佢為咗安撫我喺佢去旅行之前同我去咗次旅行 當時等上機時我問佢你搞掂下個月旅行住宿安排未？ 佢話搞掂，咁我就叫佢俾我睇，一睇雙人床🙂 我即時西咗佢面想走，佢就話唔係真係雙人床會加床 我心諗屌你啦，你講明係窮遊會唔會嘥錢去加床？你真係當我係傻閪🙄 - 你既然講到你咁迫於無奈，點解當時唔同我講真話要呃我呢？ 真心講，我唔覺得我要分床瞓呢個要求好過份 但又點，你飛咗啦，我可以點？🙂 果下真係覺得你要我信你，我俾咗你要嘅嘢你，咁你回返啲咩俾我？ 之後佢仲話因為如果嗰時同我講真話，我會嬲 影響之後嘅旅程，搞到好唔愉快，所以先至咁樣做 但其實你已經做錯左，你唔應該呃我，做唔到就唔好應承 之後我又俾多次機會佢，我問佢住嗰度有冇梳化之類嘅嘢 佢話有，我叫佢去瞓梳化，其實大家都心知肚明有冇瞓根本無人知 要對方咁做都只係想佢安撫下自己姐 點知佢連一句OK 都唔肯，話同房東一齊住，梳化係廳訓嘅話會好怪 - 佢去旅行呢一個月，我心情一直都好差，成日喊 又唔敢同朋友講，因為我知道大家第一下嘅反應都會話我你係咪痴咗線 咁都俾佢去，分手啦！諗乜嘢？ 又唔敢同屋企人講，每次問我話我就話淨係知你同朋友去 亦唔夠膽同你成日講，因為我知你知我介意呢件事 我都唔想你因為我嘅情緒搞到你成個旅程鐘唔愉快 就係咁，我每一晚都會喺床嗰度係咁喊 本身我有少少情緒嘅問題，個人本身諗嘢比較負面啲 但多數都係一時間嘅情緒，瞓醒第二日就冇事 但可能真係因為呢個月，呢啲負面嘅嘢令我變成一個病 - 我曾經以為佢返嚟之後所有嘢都會同之前一樣唔會變 但其實條刺一直都係我個心到冇問過出嚟，冇面對過佢 到後來我開始成日對佢發脾氣喊 宜家我諗返可能當時我有個諗法係：你欠我好多，你應該忍受呢一切 我知唔係正確嘅思想，但當時真係有咁嘅諗法 亦因為我成日發你脾氣，我哋之間愈來愈遠 令你有種淡左嘅感覺，開始想分手 - 你第一次提分手，我有挽留你 講咗好耐，你終於話繼續一齊同埋會放低冇感覺就要分手呢個諗法，改變一下大家嘅問題 過咗三個月，情人節前四日，你同我講分手 你話你覺得感覺冇變，都係淡咗，大家性格不合，不如分開做朋友算 我一樣都好似上一次咁求你，求你唔好分手 話我會好好改善自己嘅問題，而其實我的確有改緊 但今次我哋真係分咗手，分咗手之後，你話做返朋友 同時我都去咗睇醫生，確實左我有depression 要食藥覆診 呢段時間我哋一直都有講下野，仲出嚟行咗次山 但其實成個感覺都好尷尬，唔知點咁 最後回程時我問你如果我病好咗會唔會有機會一齊返？ 你就話唔想，淨係做朋友就算 之後就唔理我停低咗繼續向前行，冇理過我 全程我都係喊住咁行返去巴士站嗰度等車 去到嘅時候佢已經企左係度等車到，上咗車之後我哋都係坐隔離，但一句說話都冇講過 而呢一次亦都係我哋最後一次見面 - 再後來，你將我所有嘢都block 晒 後來我情緒穩定返好多，我有搵返你想大家出嚟傾一傾我哋呢段關係中大家有啲咩問題 坦白地講，唔係話求復合，就當係一個總結 總結大家係呢段關係到我哋錯咩 應該點做，去令自己有所成長，變得更加好去面對下一個人 我承認係我情緒仲未穩定嘅時候，我有不斷打電話俾你 點知你瘋狂用粗口鬧我做咩係咁煩住你 話我痴線，我好恐怖 仲話叫我以後都唔好再搵你，重話自己招惹埋呢啲咁恐怖嘅人 嗰一刻，除咗真係死心之外都覺得好心寒 一個話晒都一齊兩年幾嘅人，分手之後係一個咁冇品嘅人，好可怕 - 但好多謝你同左我想上呢堂寶貴嘅一課 你教識咗我凡事唔應該冇底線咁忍讓對方，唔好愛對方愛到冇咗自己 同埋真係唔適合嘅分手就分手唔好再留戀對方 俾機會對方將你好似地底泥咁踩、作賤自己 而家我已經完完全全放低晒你，就當你係我人生入邊一個小插曲 我會記得呢件事去警惕自己同時亦放低佢，唔再為佢傷心難過 因為一啲都唔值得 - ps 我只有一句話要同你講 今日留一線，日後好相見 對個前任惡言相向，講晒粗口咁鬧對方只係顯得你人格低 咁大個人唔好仲好似啲小朋友咁，分手做朋友 咁樣做唔係顯得你大方，只係顯得你個人不知所謂 你話你啲前任冇個應承你做返friend 當然啦，拍過拖點做返friend？ 你係咪冇朋友到要搵前任做你啲friend？ 你會同朋友打茄輪？你會同朋友扑嘢？ 唔好咁低能啦，得閒打友誼波啊？😂 你自己好好繼續過你嘅日子啦，祝你好運🙂 圖﹕あの頃、君を追いかけた #SorryFor1999 #濕9感情台

#好煩撿大砲   這真的很嗆🤣嗆到差點噎死那種😆    #靠北工程師#鋼筆字#萬年筆#手寫#手寫字#fountainpens#handwriting #笑話#梗圖#好煩說笑話給你聽#joke#fun #分手#做朋友#撿到槍#邊緣人

緣份成日都會出現錯配？ . 你鍾意一個人，但係佢當時又鍾意另一個人，你無論幾努力對佢好， 都冇辦法令到佢將注意力轉移到你身上；到你心儀嘅對象開始對你有感覺，但你又偏偏放低左對佢嘅感覺，同咗其他人發展關係。 有啲人可能注定只可以同你成為朋友，你哋永遠喺錯嘅時間相遇；當你曾經親手斷送一個同佢一齊嘅機會，你就梗係嬲到想揼心口；但係你知道無論做啲咩都改變唔到個結果。 或者有一日大家都放低左，而且仲維持到好朋友嘅關係，飲多兩杯可能會話當年；講返當初大家只係差一步就一齊到。佢其實你哋都明白做情侶好大機會會分手，做朋友反而會一世陪伴對方。 覺得唔甘心只係因為幻想太美好；當你真正同佢一齊先會睇到真實嘅佢，發現佢都有好多缺點，你哋都會成日嗌交。做朋友保持距離，先至可以留低大家最美好嘅印象。 . . 「緣未到 或者等不到 但我知道 在世間 浮沈中總有命數 緣續了 但痛苦淚流 把笑容消耗 明白了 放下了 等於得到」 歌曲：明白了 歌手：胡鴻鈞 #hkword #hkmusic #hkpop #cantopop #cantonese #廣東歌 #胡鴻鈞 #明白了 #師傅明白了 #黃翠如 #黃浩然 #殭 #降魔的 #救妻同學會 #到此一遊 #朋友身份 #石敢當 #化蝶 #明知故犯 #一生一心 #真相 #相信明天 #天地不容 #情人自擾 #遙不可及 #偉業街 #超級巨聲