【龔成問答信箱】（Q22281-22300）

Q22281：

龔成老師你好，我現有[email protected]大概佔我45%既股票
呢排再跌因為其下衞星場鑽石娛樂場停運
長遠黎講係咪都唔需要太擔心?

而家再跌,應唔應該再吸納呢?
先多謝你既意見!

龔成老師：

對佢會有中短期不利，但長遠，仍是有質素的。澳博控股（0880）有質素的，雖然中短期有點弱，但長遠無問題，仍是一間不差的企業。不過，你單一股佔佔45%，是高風險！

你要在反彈時減持，去翻佔股票組合比例15%以下較穩健。

------------------------------------------------

Q22282：

老師，請問建設銀行仲值唔值得長揸？

我6.07買入，萬咗2萬股，打算收息，但佢最近不斷跌，，目前應該係繼續持有定止蝕？ 應唔應該趁依家低位再吸納？謝謝

龔成老師：

建行（0939）本身質素不差，有一定的規模，在全球都有網絡，本身不會無質素的。

不過，這股增長力不算強，只是一隻收息股，現價投資可以，因為在合理價，但唔好對股價有太大期望。

前景不過不失，中短期會因中國經濟有影響，銀行業的賺錢能力不及從前，加上壞賬因素，都會令佢中短期弱。不過，初步已好轉，但不是高增長型。

而長遠，會慢慢穩定的，不過，增長力不強。

你有貨可持有，如果目標是收息，可持有。但如果你想增長，就未必適合。至於是否加注，要睇這股佔你組合比例多唔多，以及你的投資目標。

------------------------------------------------

Q22283：

請問522同6869, 285 那一隻值博率高的，6869已經就快52週低位，請問此刻價位是便宜區嗎？

請問2158醫渡科技幾錢可入，現價都是略貴嗎，幾錢為合理區，因上年都要3x ,現在已接近

請問1833同2158比較，邊隻優質的呢

龔成老師︰

唔好用"52週低位"這種短炒分析，去決定一隻股票平貴。我地應從佢質素、行業發展、財務狀況等，去做估值。

因為過去股價，未必有效反映今天狀，特別係企業本質已經有改變，或者行業已有一定變動。你用過去股價作評估，好易出問題。

現價值博率計，現時長飛光纖光纜（6869）會較高，算係合理區。但佢質素有少少質轉弱的情況，唔建議大注。

而質素上，比亞迪電子(0285)會較好，但現價偏貴，回到$40以下，才好考慮。

醫渡科技（2158）有潛力的。可長線。

提供基於大數據和人工智能（AI）技術的醫療解決方案。集團主要向醫療行業的主要參與者（如醫院、製藥、生物技術及醫療設備公司、研究機構、保險公司、醫生和患者以及監管機構及政策制定者）提供服務和合作。

根據大行報告，於2019年，集團收入在中國所有醫療大數據解決方案提供商中排名第一，在中國醫療大數據解決方案市場中的市場份額為5.0%。

睇翻大行對佢2020-23年預測，收入和毛利增長分別為73%和83%，增長力唔錯。

佢平台有一定擴張性，長遠受惠更多醫療保健客戶使用平台。不過公司客戶過度集中，以及依賴公共部門。

但佢依然係在燒銀紙狀態，係一個扣分架地方。整體算係有質素，但要注意風險，投資時唔建議大注。

之前貴，現價算是略貴，最好回翻多D先考慮。

至於質素上，平安好醫生（1833）會好少少。現價算合理區頂位，最多只宜小注，或可以用月供去儲貨。

------------------------------------------------

Q22284：

老師，如果買樓，以下地區應該選那一區，我打算自住:

1. 荃灣區
2. 元朗YOHO series
3. 屯門瓏門
4. 將軍澳中心
5. 康城
6. 深水埗四小龍

Burget大约700-800萬, 想買較新樓齡, 地鐵上蓋/交通方便, 未來1-2年要BB, 所以希望有400-500呎, 以上選擇那區較好? 或另有建議嗎？

如考慮借按揭, 借幾多成會較好? 你建議男友將所有積蓄放晒落首期, 之後月供較輕鬆(但就冇$再做其他投資), 你建議借幾多成?

龔成老師︰

地區上，其實現時投資價值差唔多。但將軍澳這個典型的住宅區，雖然現時缺乏就業機會，投資價值較中等。

但未來交通配套會日漸完善，如將軍澳跨海連接路日後落成後有助改善交通，利用跨海連接路及將藍隧道，10分鐘便可到九龍區，會提高了這區的價值。

一般來說，市區的長遠價值會好D，荃灣區、四小龍算是這類。

但由於係自住樓，我建議你從生活角度做主要考慮。你要睇下邊個地區和單位，較配會你餘下幾年生活需要，又有一定投資價值(至少同大市同步)，就可以考慮。

現時按揭息口低，我建議盡借。用空出來資金，做投資增值，效果會較好。

------------------------------------------------

Q22285：

老師老師

7.8入1177
$28入1810
$44入左941

近日跌左我應再入D貨定唔理佢？？因我聽你講睇長線的

我仲有0001都係想長線收息的，現在佢又係跌左，其實現在咁嘅時世，應該點儲錢？？？唔通儲金？？

龔成老師︰

只要佢地長線投資價值不變，你照持有就可以。但是否加注，要睇佢平貴水平。

中生(1177)和中移動(0941)現價合理，但你已有貨，再等回多10-15%左右，才再加注會較好。

而小米(1810)現價依然略貴，回多1,2成才加注，值博率會高一點。

長和(0001)都有質素，但已經好大間，增長力唔會太高，但用來收息係無問題。現價算合理區中上部，可分注入貨。

但再提你一次，我地投資選股，會因應年紀和風險承受力去做決定。

中生(1177)和小米(1810)係潛力股，若你較年青，持有這類股票係可以。但若你較近退休，這類波動性大的股票，就不太合適。反而中移動(0941)這類收息股，會較適合。

而長和(0001)有平穏增長力，再加一定股息，基本上你是任何年紀，都可以考慮。

------------------------------------------------

Q22286：

1. 龔老師，收到你的回覆，好感動啊！我因為股市下跌好擔心提早退休的計劃受影響，心情極差。我這個人比較重感情，買香港寬頻，不買香港電訊，

是因為之前個女在那裡上班。太傻了，對嗎？現在，她剛轉工了，哈哈！

請問老師我現價應該加注嗎？我上次入了10000股。

我放工去港島可能太趕，請問上課地點會去九龍嗎？

2. 當然，退休後就不是問題。老師，我擔心的原因是公積金1半放股票，而且2成是2星期前才加碼的。其實，因為我從未投資，所以目前計劃是一半錢留俾基金經理繼續投資，

選均衡組合，其中一半全球股票，另外債卷等。一半由自己購入本港的收息股，當然分段購入，以候理想價格。

請問老師認為以上計劃可行嗎？基金經理JP Morgan, Fidelity 之類收費年息1.25%，你覺得我應該花這筆錢嗎？

靜候老師的寶貴意見。非常感謝！

龔成老師︰

1) 明白，但投資唔好太感情用事，我地真的要理性分析。可能你個女從工作角度，係一個好公司。但從投資角度，又可以能另一回事。

當然，香港寬頻（1310）投資價值都不差，你照保留用來收息，係無問題。現價合理，但若佢已佔你組合一定比重，就唔好加注住。

個別企業和行業，不要佔組合15%和30%以上，銀行業更加不要高於組合20%，否則會有過度集中性風險。

至於上課地點，暫時都係香港島個邊，但我間中都會開星期六班的，通常一年開1、2次，星期六下午時間。

下次可能在今年年尾。你或者可以預早留位，只要whatsapp 55457212我同事，打「留位星期六班」就得。我地有具體資料就會 whatsapp。

2) 其實你已快要退休的話，所以投資都應該係相對保守。股票上，我之前提過的收息股，係適合你的選擇。

基金方面，都係一些收息型保守基金會較好。但由於基金有一定管理費，所以我比較建議係自行買收息股。

如果你唔識選擇，你可以買一籃子收息股的ETF，X恒生高股息率（3110）。它是一個投資收息股的基金，追蹤恆生高股息率指數之表現。

可以視為收息股的組合中其中一員。這基金可投資的，現價合理，可分注。佢是投資香港大型，較穩陣，派息較高的上市公司。

這是不差的收息組合。

而債券，都係可以，但必須係一些A級債券，才好考慮。

------------------------------------------------

Q22287：

呀Sir～ 我沽出了0968～我相信佢係潛力股，我本人對太陽能發電有好大興趣，但佢價位太浮動，我年紀係大，但心智未夠定，所以用呢筆小資金準備購入一手2800

好彩得你鼓勵，我身邊有好多人都覺得女性一到左32歲就年紀好大，潛移默化都令我覺得到左呢個年紀又結唔成婚，事業又無起息好失敗⋯⋯但自從過左期之後

（好多凡人都定義女性過左30就是過期，所以我初頭都咁諗，所有野都想趕在這條線完成）過左期後，好多野都看開了，其實仲有好多路可以行……天無絕人之路，

(現在首要做的就是養活好自己同我屋企人）但我相信根據你的方法⋯⋯就算係無咩天份⋯⋯都可以從衣食住行裏找到優質股，當初就是睇中中電公用股的特質，係價位74左右買了，

令我生活質素改善了。現在都堅持番工帶飯，不知不覺都帶了十年飯，就算比人笑我寒酸也不怕，都好過貼錢買難受，係咁嘅時候都仲帶到歡樂比人……哈哈

好彩我樂天，仲練到我面皮厚左。我一定要努力，就算感情上我是個失敗者（其實係我問題，男方對我都算唔差，係我當時太任性，同比左太大壓力大家

我仲衰花心，同其他男性傾計，係我唔啱）能夠找到可以相守的人很難，大家一齊加油!

Sir ~ 我成功購入一手2800! 好野

Sir 的書成功入手你本80後。

龔成老師︰

現在已經是2021年，唔好再比D固有舊思想影響。好多事情，其實唔會因為年齡，而出現限制。有時個限制唔係人地比，而係你比自己。所以，放開點，好多事件自然可以做到。

同埋，有時我地做野，係為左對自己有個交代。所以，有時唔好太介意人地點睇，因為只有你自己，才最清楚自己做緊乜。

信義光能(0968)係有質素，但佢波動性係較大。若你風險承受力較弱，換成盈富(2800)都係可以。

就算再優質企業(包括2800)，中短期股價都會有機會波動。原因不一定是本質出問題，可以係一些與其本質無關的因素。只要長線質素無變，中短期波動我地唔需要理會，長線持有就可以。

至於感情，是一個需要終生學習的課題。過去的就過它過去，吸引經驗，保持正面，自然就會有好事來。

還有，多謝你支持我本書。睇完之後，你可以先睇埋《財務自由行》和《股票勝經》。因為這3本，會係較適合初學者。加油!

------------------------------------------------

Q22288：

我係澳門既粉絲呀！對你既課好感興趣，唔知你會唔會考慮開網課呢？

我都想問下老師呀，因為我係有私人因素一定要賣左依家既自住樓，咁我賣左之後假設我會拎100萬去投資，咁剩低既錢我係咪可以買番間細樓做自住樓呀？

但會唔會供唔到呀？因為我人工唔高，還是租住屋先？謝謝老師喔～

龔成老師︰

網上課程，我暫時唔會考慮。因為只前都試過有人盜錄，比較麻煩，所以暫時只會開辦實體課程。

其實我之前都有開過澳門班的，不過現時疫情，所以暫時停左，之後會再開翻的。

你或者可以預早留位，只要whatsapp 852-55457212我同事講，打「留位澳門班」就得。我地有具體資料就會 whatsapp你。

因為現時已有好多澳門人留左位。

每個都有自主需要，由於你終極目標的物業(900萬)，相較你現沽出物業(480萬)係有一段隔離。你可以先買入較細物業自住，另一邊用優質股增值，再去細屋換大屋。

至於會不供唔起，你要睇翻你個新物業價錢。你比較年輕，人工未算好多。可能你要預留較多資金，去比首期。

當然，另一個方法就係先租屋，再用套現物業的資金，去投資優質股增值。但這個方法，會令你財富組合，偏重晒係股市，風險會略高。

我會較建議用細屋+優質股的增值，因為這個方法會較平衡。

但緊記，這個細屋係用來將來換大屋，所以必需有投資價值，最少要做到跟大市同步。而且個呎寸唔好太細，少於300呎的單位，最好不要考慮。

------------------------------------------------

Q22289：

老師想請教你，如果我層樓7年前以$340萬買近屯市附近約460呎單位，依家升值$580萬，呢層樓近兩年放租每月收租$11500

我最近諗過因為層樓舊了27年樓齡，想賣咗出去攞d錢換另一層一手樓，資產增值潛力會否高d?定係一賣一買所花嘅費用更唔化算？

計唔計意比些意見我作參考

龔成老師︰

27年樓唔算話十分舊，但主要擔心會係到30年，會出現需要樓宇大維修時，這個成本上的風險。

係香港做物業買賣，成本絕對唔細。除非你現有物業，真係好有問題，否則你應維持現狀，保持以租養樓會較好。

另外，我一直都唔係太建議讀者去買一手樓。因為好多時都有溢價。變相令你買貴左，影響長線回報。

------------------------------------------------

Q22290：

龔sir你好，我26歲的，岩岩上星期7月5才開始真正開戶投資，係一個新手，之前有供一份儲蓄保險（供5年，岩岩今年1月供完，大約30幾萬），

大約一個月一萬三 人工左右，現在開了一個富途牛牛（入左18500）玩港股，sofi（入左25000）玩美股

以下是我持有既股

富途牛牛(18500本）
00451 2000股 0.355入
01725 200股 41.0入
01771 2000股 3.45入
Io. 美金25股 1.83入

sofi（25000本）
voo 美金5股 400.78入
apple. 美金3股 142.81入
dis. 美金2股。173.66入

因為之前唔識，左買右買已經蝕咗3000左右，想問我現持有股的因有d都虧損緊，我需要止損沽空，重新制定方向嗎？

還是應該再等這些股升？因現在比較迷惘是否需要將全部股賣走，重新制定下才再買？感謝

龔成老師︰

我地持有一隻股票與否，關鍵位是企業質素、前景，不要被買入價影響。因為我地買股票就是買企業。

買入價，你的賺蝕，只是一個心理因素，該企業長遠的發展，才是我地是否值得持有的重點。

如果企業有質素，但股價短期下跌，就不用擔心，照持有就可以。

如果企業無質素，但你現時蝕錢中，繼續持有只會令你財富繼續貶值，因此要賣出。

如果企業質素轉差，就有可能要減持，因為這股佔你組合的比例，未必值得太多。

協鑫新能源（0451）、恒達科技控股(1725)、新豐泰集團(1771)唔係全無投資價值，但質素只算一般，而且風險會略高，長線不宜持有太多。

Ion Geophysical Corp (IO)為技術中心的公司，其業務主要為全球石油與天然氣行業，提供地球物理技術、服務和解決方案。

本身規模唔算大，而且過往股價都好波動。佢這去數年，一直處於未有盈利狀態，加上近年營業額持續倒退。

可能佢面臨一些不利情況，佢唔係完全無投資價值。但不確定性好大，投資時最多只可以少少注。

其餘股票，都係有筆素，你照持有就可以。

其實你除左選股上經驗不足，令到買入一些較弱的股票外。我見你買入價都好多時係偏貴，這反映你定平貴能力，都係有所不足。

因此，我建議你未來時間，先利用月供模式，去建立一個股票組合，以減低買貴貨風險。

你26歲，應以增值為主，建議你用「平穏增長股」 + 「潛力股」作組合，去創造一個增值平台。

現在你每月先用5成儲蓄做月供。其餘先儲起，用一邊月供一邊儲蓄的策略。

月供方面，你可以選擇投資在平穏增長股︰VOO、盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)

或潛力股︰QQQ、中生(1177)、福壽園(1448)、小米(1810)、安碩恒生科技(3067)、港交所(0388)、舜宇光學（2382）、阿里（9988）、騰訊（0700）、ＧＸ中國電車基金（2845）、三星FANG ETF（2814）。

如果你對這些股票，未太了解。我建議你先供一些指定市場的ETF，美股可選VOO和QQQ(後者風險較高)，港股可用盈富(2800)。到你有一定經驗，才買入其他股票。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

另外，"保險"只係理財中防守部份，買足夠保障就可以，增值可以留比優質資產(如優質股、物業等)去做。現有儲蓄保可持有，但唔建議再增加這方面的開支了。

------------------------------------------------

Q22291：

你好，龔sir：本人今年35歲，之前都只是持有現金，關注你的F&B和買了你二本書，今年才初次投資股票。

現金：2百萬

儲蓄保險：20年期已供11年，一次領取可領40萬

一層樓：月供8千，貸款剩約1百萬

每月收入：8萬，二夫妻二個小孩。公司退休金：累積左50萬。每月需供養双方父母，所以能存3萬左右

持有股票26萬：
27 @61.6 *1000
1177 @7.38*4000
[email protected]*1000
[email protected]*1000
[email protected]*1000

[email protected]*67 月供2千
[email protected]*1000
[email protected]*2000
[email protected]*300

目標，50歲財務自由。 打算再投資20萬股票，應該如何配置，感謝關注。

龔成老師︰

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

現時你已經有物業類資產，現有資金，可以較集中在優質股，去做財富增值。

你35歲，應以增值為主，建議你用「平穏增長股」 + 「潛力股」作組合，去創造一個增值平台。2者比例，大約各一半。若你投資經驗較淺，潛力股佔比要下調至2-3成。

你現時持有的股票，都係有質素，你照持有就可以。但當中融創中國（1918）業務不差，有規模、品牌、銷售網絡，但同時有一定風險。

首先，中國樓市如果逆轉會有很大打擊，另外，這股的負債超高，無事就無事，有事大件事。

因此，投資這股不是不可，因為不是完全無質素，但要明白背後的風險，同時明白這一定會令股價較波動，自己最好控制注碼。

現在你每月可儲$30000，但只月供$80000，有點少。我建議先用5成儲蓄做月供(即$15000)，其餘先儲起，用一邊月供一邊儲蓄的策略。

現時大市只是合理區，你現有200萬資金，如果無特別用途，我建議用來投資增值。

你可以先投入一半，用"分注"形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨，然後長線投資。

至於"保險"，其實主要係用來防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。

但始終係財富增值角度，佢幫助好有限，一般我都就唔建議太多。做財富增值，應集中投資在優質資產(如優質股、物業等)，效果才會理想。

------------------------------------------------

Q22292：

老師你好，我今年35 ,有17200 股滙豐係手，帳面都蝕緊40 萬，最近考慮緊要唔要放左一半或全部，等跌市再入其他做長線投資，如買其他想問有咩建議，謝謝，不勝感激。

龔成老師︰

你現時狀況，存在2個較核心問題。

首先，匯控(0005)都算係有質素，但佢只係收息股，增長力唔會明顯。

而當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

以你35歲年紀，應該先做好增值，而唔係儲收息股。

另外，任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

特別係銀行業，佢營運模式較特別，風險會比一般行業為高。必需堅守30%這個準則，如果可控制在20%以內，會更好。

因此，從資產配置角度，你係需要沽出部份匯控(0005)，將佢地換至其他增長股上。唔係佢質素有問題，而係佢唔適合你，同時佢佔你組合比例過重，而造成了不必要的風險。

以下是一些適合你的增長股，你可以沽出部份匯控(0005)，轉至這些股票身上。

平穏增長股︰金沙（1928）、恆基（0012）、平安(2318)、中銀（2388）、港鐵（0066）、長建(1038)、領展(0823)、粵海(0270)

潛力股︰安碩恒生科技(3067)、比亞迪(1211)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園(1448)、ＧＸ中國電車基金（2845）、三星FANG ETF（2814）。

平穏增長股，現處於合理水平，可分注入市。現潛力股，部份係略貴。

現時只有安碩恒生科技(3067)、ＧＸ中國電車基金（2845）、騰訊（0700）、阿里（9988）、中生製藥（1177）、福壽園(1448)勉強算在合理區中上至頂部，可分注入貨，其餘都略貴，想買就要等一等。

------------------------------------------------

Q22293：

成哥你好，非常讚你的資產配置網上課程。學到很多，特別是買樓置業個chapter.想請教一吓操作。

現時我自己的生意前舖後居，所以住方面的租金己包括在租舖的租金內。打算5,6 年後再買一層自住物業。

非常深刻你講過用資產追資產，所以我最近買了一個出租物業325萬，做了7 成按揭。首期90萬左右，租金回報每月1萬2千。

利息方面可以只供息不供本。年利率1.95% ，定息2 年，之後視乎市場息率而定。打算前三個月交給經紀管理，當交學費學做業主。之後自己管理。

這收入要交税20%，末計每年維修之類雜費。請問這個操作時可行嗎？

風險上，我明白如果無人租和利率上升的話，可以會由 "資產"， 變成 "負債"。

買原因是同區差不多的單位要差不多350萬。這區租盤比較短缺所以放租能力尚算高。

想請問成哥有其他風險或地方要注意嗎？這供息不供本可行嗎？

謝謝！

龔成老師︰

其實物業只要有質素，都是資產。就算因為加息，或者無人租，令到你短期負現金流。但只要佢長線有升值能力，我地都會視之為資產類。

現時計，租金回報率算可以。但你要留意2個問題，首先你個按揭只係頭2年定息，之後個息口跟市場。但所謂跟市場，到底會係幾多? 會唔會令你月供大增，造成財務壓力。

到時如果大增，你要轉按，會唔會有大問題? 你要計清楚。

第二，你現睇翻個單位，呎寸會唔會太細。一般我建議投資物業，只好有300呎以上，即一個家庭的最低要求，咁個投資價值會較好。

------------------------------------------------

Q22294：

老師你好. 這幾年一直有關注你, 叫做小有所得. 亦很感謝你於2年前的回答

大學畢業快2年, 目前有26萬存款, 5000股 1177, 1600股 3067, 月入17k. 預計10月後月入23k

1. 本身計劃約2年半~5年後結婚, 現在白表單人身份抽中居屋. 由於基本肯定只會有粉嶺皇后山的300呎以下單位, 老師覺得應否袋住先?

a) 想買的理由是樓價近年升幅太誇張, 300萬的樓用了5年時間就變成近600萬... 如果私人市場繼續用此幅度上升. 再過3年說不定就完全負擔不到了

b) 不買的理由是皇后山居屋並不算太優質 (雖然相比之下真的便宜) 目前一刻並沒迫切需要, 如果樓價升幅不算誇張, 將來完全有能力用購買地點和大小較為理想的物業

c) 個人想法是現在先購入, 將來有需要時一定有地方住. 而有能力的時候可考慮換樓, 雖然失去短時間內買入更佳物業的機會, 但似乎較為保險

2. 想知道老師對2182天長集團有何看法? 上市後很快就能派息. GP較高, 現金一直維持高水平, 口罩業務得到政策支持. 但同時擔心

a) 為買新廠房而作出的借款會拖累公司發展,

b) 太依賴單一顧客,

c) 市場流通小, 股權有點集中.

謝謝老師的意見!

龔成老師︰

1) 香港長線樓市，我預都係會保持上升。你可以先買入此物業，用以資產追資產，去保持增值。

我地買居屋，都有一個好處，就係可以比市價較平的價錢，買入單位。從而空出較多資金，作投資增值。

但你要明白，這居屋單位，位置唔算吸引，投資價值一般。加上你將來轉手，你係要補回地價(除非賣翻比綠表或白居2)。而且，都有一定買賣成本。

到底係先購入居屋，定先用優質股增值，等遲些買較理想單位，其實無一個必然答案。

但現時從投資角度，股市會比樓市較有值博率。你可以從投資角度、未來收入估算、長線生活所需去作考量，估算出一個較適合自己的決定。

2) 天長集團(2182)我未仔細研究這間企業，有派息表面上係利好，但實際上，都要睇佢派息原因和長線政策。

此股派息因素，對我地判估佢投資價值，影響唔大。此企業規模細，盈利和股價都幾波動。

投資價值係有，但唔算十分高，而且都有一定風險。若你投資係可以，但不宜大注。

a) 用供貸買入廠房，唔一定壞事，只要佢產出價值較高，咁就可以。

b) 佢5大客戶佔收入近9成，主要客戶近6成，的確係有過度集中性風險。

c) 都算可以，未到話十分集中。如果你想知邊D企業有這問題，可以上證監會個"股權高度集中公布"網頁，裡面有列出相關企業。

------------------------------------------------

Q22295：

感謝你的回覆，我女友其實仲有一堆銀行股，不過他最近看了你的股票勝經，已知不能在銀行及科網再加碼，她現在每月月供5000，慢慢平衡返個組合。

不過我也留意到公平值變動，其實我不太明。（如進階班有講到我到時再學習）

另外，我真的覺得你太好，明明沒收我們咨詢費，但每次回應的質素很高，內容十分詳盡。

我希望你打造的品牌越來越有認受性。

龔成老師︰

多謝你支持，我希望可以透過這裡交流，去分享一些正確的投資觀念和知識。從以令一般散戶或者新投資者，可以有個更明確的方向。

其實公平值，我係初階都有講。主要係一些會計上數字(非真正現金收入)，好似物業類股票，你會最常見到。

每年當物業升/減值時，都會反映在公平值上，而這部份會計入盈利當中，令我們估值時出現偏差。

因此，我地去做估值時，要先排除這些數字，才可以得出一個貼近實況的結果。

------------------------------------------------

Q22296：

龔成老師，港交所新CEO攪重組，對港交所有咩影響？

你好龔成老師，請問晶片股中哪一隻相對穩陣小小值博較高？

早晨龔成老師，中國平安$73買，有冇買貴左？

龔成老師︰

港交所(0388)新政策，暫時唔見佢對集團優勢，造成重大改變，依然係一間好優質的企業。

如果晶片股，其實我較建議台積電(TSM)，佢係一間有質素架企業，在全球半導體業界有領先地位。

集團專注生產由客戶所設計的晶片，現時已經是全世界最大的專業積體電路製造服務公司。

如果你睇好半導體發展，可以月供，並長線持有。

中國平安（2318）有質素的，佢有規模，有品牌，近年的發展都不差，不過，股價有時會有少少波動，這主要受投資市場表現影響。

這股有長線投資價值，是平穩增長型。現價算係合理區中下間位置，分注投資就可以。

------------------------------------------------

Q22297：

老師你好，最近見中慨股因為反壟斷法都紛紛回調

As at而家︰
阿里： $196.5
騰訊： $527.3
美團： $285
小米：$26.35

老師覺得可以點部署？而家價位合理值得入嗎？

另外，啲內銀股都除哂淨，呢排睇緊建行同工行，現價分別係$5.57同$4.48，老師又覺得現價入手長揸好嗎？

唔該哂老師

龔成老師︰

中央近期推出不少政策，一眾大型企業股價，都因此而受壓。但我地分析時，重點都係會睇翻企業長線質素。

暫時未見，這些股票的長線盈利能力，有明顯變差，你有貨可照持有。除了小米(1810)要回多1,2成才算合理外，其他已在合理區較上部，若無貨，已可入小注。

建行(0939)和工行(1398)都在合理區，可以分注。但你年紀較年輕，這2隻都係收息，增長力麻麻，唔係太適合你。

------------------------------------------------

Q22298：

成哥有d人話錢小就唔好分散咁多投資，唔係就賺好小，咁長期唔賣，回報率一樣多，仲要冇咁集中風險，咁講岩唔岩。

如果我月供︰
1000巴巴
500小米
500中國平安
1000眾安
500金沙
500新鴻基
500中生製藥

會唔會太散?但我中意呢d組合。

同埋諗深一層，唔知仲投資舊經濟股有咩用，雖然仲有質素，用黎平衡組合，但我小錢直接全部潛力增長股咪仲好？

龔成老師︰

唔係因為資金少，就唔應該分散投資。只係資金少，會較難去做分散投資。任何情況，其實我地都要盡力做一個平衡的組合。

任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

特別係銀行業，佢營運模式較特別，風險會比一般行業為高。必需堅守30%這個準則，如果可控制在20%以內，會更好。

你現時月供組合中，股票都有質素。但眾安(6060)不確定性較高，我不太建議用來月供。

建議你將佢換成指數基金，去提升你組合的平衡性。

至於舊經濟股，雖然佢地增長潛力不及潛力股。但佢地勝在穏定性較高，唔似潛力股咁高風險。

你要明白風險高，不等於回報一定高，這是一個錯誤想法。如果成功，回報當然可觀。但由於佢波動性大，失敗時，損失也會較慘重。

所以，「潛力股」不宜持有過多，要平衡。若你係偏年青，可以佔5成。但若你較年長或投資經驗較少，要下調少少至3成左右。

------------------------------------------------

Q22299：

龔sir, 我有以下股票，我現在43歲，想問我的組合會否太多潛力股？我想增持平穩增長股，你有什麼建議？或者對我組合有何意見？

0823 領展 $60.58 有3手
1038 長建 $41.65 有1手
1177 中國生物製藥 $8.0 有I手
1810 小米 $25.7 有1手
1830 完美醫療$4.8 有8000股
6823 香港電訊$10.54 有1手

謝謝

龔成老師︰

以你43歲計，潛力股大約可以佔你組合3-4成，若你投資經驗較淺，只宜佔1-2成。

你現時潛力股比重，的確係有點高，但主要係完美醫療(1830)近年大升所致。你現時持股，不變都係可以。

但未來資金，要優先投入平穏增長股，去令組合平衡翻。

------------------------------------------------

Q22300：

你好龔成老師, 我32歲, 儲蓄有50萬 (其中有30萬剛剛做完一年定期), 月薪3萬5, 每個月用1萬2做月供股票, 儲1萬3,

有朋友提議我把剛完定期的30萬全部買中銀(2388)收息, 請問你覺得這樣可以嗎? 或者有沒有更好建議? 謝謝!

以下是我持有的月供股:

00823 (188股) @$75.6
00066 (306股) @$44.7
02800 (471股) @$28.52
00700 (7股) @$556.5

09988 (25股) @$205.0
01177 (847股) @$7.06
01928 (393股) @$31.35
02382 (33股) @$222.4

龔成老師︰

你現時月供組合，係可以。

但正如我之前所講，我地投資除了選股要有質素外，你都要留意組合平衡性。

個別行業唔好佔組合3成以上(我見你地產類問題，已經修正好)，但個股都不可以佔高於組合15%，否則都會出現過度集中性風險。

中銀香港(2388)係適合你，但不要30萬全數買佢，你要平衡分配在不同行業優質股上。

大市現處於合理水平，那50萬資金，你可以先用一半，以"分注"形式慢慢入貨。餘下一半和每月儲蓄，就等大跌市機會出現，才大力度掃貨，並長線投資。

平穏增長股，現處於合理水平，可分注入市。但潛力股，部份係略貴。

現時只有安碩恒生科技(3067)、ＧＸ中國電車基金（2845）、騰訊（0700）、阿里（9988）、中生製藥（1177）、福壽園(1448)勉強算在合理區中上至頂部，可分注入貨，其餘都略貴，想買就要等一等。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q21961-21980）

Q21961：

龔sir，我與太太同齡44歲，想在60歲時退休。
現時擁有以下股票組合，現金10萬，自住450萬私樓尚欠樓按190萬。

請問：

1）現時股票組合適合我們的年齡嗎？應如何調整？

2）如果每月以$10000投資，想在退休時擁有$800萬為目標，要如何計劃呢？

感謝指點！

0005*1133股
0405*5000 股
0598*5000 股
0939*36000 股
0941*2000 股

2318*1000 股
2628*4000 股
2822*9000 股
2927*1000 股
3988*10000 股

龔成老師︰

1) 你現時持股，都適合你年紀。

但要留意，任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

銀行業營運模式較特別，風險會比一般行業為高。必需堅守30%這個準則，如果可控制在20%以內，會更好。

你現時銀行股和建行(0939)，明顯超過這個標準。你最好沽少少，換至以下平穏增長股，去平衡這個風險。

另外，中國外運（0598）、中國人壽(2628)質素較中等，不宜持有太多。(2927，相信你係打錯號碼)

2) 你44歲，我建議你集中用「平穏增長股」 ，去創造一個增值平台。

現在你每月先用5成儲蓄，即$5000做月供。其餘先儲起，用一邊月供一邊儲蓄的策略。

月供方面，你可以選擇投資在平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)

至於每月餘下一半儲蓄和10萬現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

以大市過去年平均回報10%計（連股息再投資），你每月投資$10000再加上你現有資金和持股，60歲大約會增值至680萬。

如果要達至你的財務目標，你要加大金額至月$13000，才較有機會達成800萬目標。

------------------------------------------------

Q21962：

懇請賜教，情況如下：

本人40歲月入13萬, 壓力大和有機會被炒, 每月供養母親$15,000, 未婚及沒有子女，每月支出$15, 000.

自己單名下有一層大約950萬2房單位,還剩350萬按揭,月供2萬，另有600萬單位出租，還剩450萬按揭，每月租金$13500。私人貸款120萬，每月還款71000.。

現金有180萬，早年投資期指、期油、期金及股票失利，損失700萬。想55歲退休，應該如何計劃？

龔成老師︰

首先，你要睇翻自已私人貸款120萬，是否一些較高息的貸款。如是，我建議你先還後，再投資會較好。

我地財富組合除左要有增長力和質素外，平衡性都好重要。你現時資產明顯係偏重於物業類，長線你應加入一些優質股，以免過於集中個別資產類別，而產生風險。

因此，你新資金建議優先投入股市，去令成個組合更平衡。

投資方面，我見你過往損失都幾多。睇你投資的項目，我估計你都係短炒為主。

記住，我地投資股票，其實等同投資一間企業。希望透過其自然增長，以達至財富增值的目的。

所以，我地投資一定係長線，而唔係短期炒賣，去賺差價。你要先改變這個投資概念，對你長線會較有利。

你現時40歲，可以投資一些「平穩增值股」+「潛力股」，去為退休作準備。你可以先用每月儲倒的一半資金作月供股票，另一半就儲起。

大市現處於合理水平，那180萬資金，你可以先用一半，以"分注"形式慢慢入貨。餘下一半和每月儲蓄，就等大跌市機會出現，才大力度掃貨，並長線投資。

但由於你有失業風險，係開始所有投資計劃前，必先儲起半年開支，作應急用，這個較穏當。

------------------------------------------------

Q21963：

老師，因我有住屋，所以不需買物業先。

那麼我想請教下應該什麼時候才考慮買物業？因為眼見之前樓價升幅十分之高，雖然之後未必未必會這樣，但好像買樓投資會有一定保障。謝謝

龔成老師︰

中國人傳統覺得買磚頭，拿住係手，永遠都係最穏陣。

但從財務增值角度，就係另一回事。物業的確有佢投資價值，但成個財富增值策略，其中一樣好最重要的事，就係「平衡性」。

組合中，長線必需包含不同優質資產，好似優質股、物業等。

我地投資，唔可以太偏重係單一資產類。單一資產類，唔好佔成個財富組合8成以上。到你較年長，更不應超過6成比重。

再加上，現時樓市投資值博率不高，如果你本身有樓，就唔需要太急增加物業。你最好用優質股累積到一定金額，同時間租金回報率升至一個較合理水平，你才考慮。

當然，你此期間遇到優質旬盤，你都可以不理這個標準，去先把握這個機會。但必須係好優質，才可以這樣做。

------------------------------------------------

Q21964：

老師你好，最近男朋友向我求婚了，1-2年內會結婚+買樓/租樓，需要多啲現金揸手。想問我應該如何步處放減啲股票？放邊隻先同埋邊隻留係手好啲？

手持現值59萬股票及19萬現金

盈富基金$24.68@8000 {41.4%
太古地產$20.6@1800 {7.8%
領展$68@600 {8.6%
完美醫療$3.66@12000 {9.2%
中國生物製藥$7.25@7000 {10.6%
阿里巴巴$245.8@300 {15.4%
安碩恒生科技$16.45@2000 {6.9%

我哋每月可儲2萬5，二人月入共6萬，男朋友有現金80萬

預計會買500-600萬內樓 結婚消費20萬以內

龔成老師︰

先恭喜你，人生將進入新一頁。

你未來1,2年內，會有較多大型開支會用。由於時間不長，這部份資金，你最好另外儲起備用。

若你要套現增加現金，你可以先完美醫療(1830)，因為佢現價偏貴，長線值博率較低。其餘股票，你可以按比例去沽，咁就可以。

但你這些股票，都係有質素，唔建議盡沽任何一隻(包括1830)，至少持有部份，去保持增值。

如果要再減，可考慮阿里，因為你持有佢的比例都算較多，而盈利減少少都可以。

長線計，當你們資金較鬆動，就記住重新開始投資計劃，再儲有增長力的優質股，去提升自己財富。

------------------------------------------------

Q21965：

你好，我今年19歲，依家讀緊大學2年級，我深知愈早投資愈好，因為需要承受風險低，年輕真好～現在part time工作可以月儲$3500

雖然不多，但我仍然希望學習投資，及早滾存。

想請教龔sir我應該如何安排自己的投資組合？

另外，我亦有留意2382及龔sir你一直建議的潛力股，請問我木不多時應如何分配呢？

（我知道自己只要儲12個月，已經有超過4萬，相信比同齡同學仔有優勢）

但因為2382入場費較高，仍然認緊應該如何是好

另外，想請問若我投資潛力股時，提否應短期持有/當股價上升至某價位時放出？

從而快速增長本金？

現時可動資金=$4萬

龔成老師：

對，年輕是一個好大好大的優勢，你要好好把握這段時間，提高你的投資實力，到你日後有更大收入及本金時，就可以有更強的複息作用。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

所以，你現時應該集中在「增值」。

如果有一定的投資實力及承受風險能力，可以投資較多在潛力股類別。

潛力股可考慮：安碩恆生科技ETF（3067）、阿里（9988）、騰訊（0700）、港交所（0388）、舜宇光學（2382）、小米（1810）、ＧＸ中國電車基金（2845）、中生製藥（1177），但就要明白波動性比上述會高左，同時風險大左，你要自己平衡。部分要等回少少先入。

建議你小注投資3067先。

至於舜宇光學，絕對是優質股，你可以考慮月供，或耐心等佢大跌先一手手模式買入。

當我地投資潛力股後，要長線持有，你想想，如果當年你好平買入騰訊（0700）、港交所（0388），如果太短視，升少少就賣，就會錯過之後升100倍的財富增長。

------------------------------------------------

Q21966：

早晨，老師。

（3918）金界控股可以長線嗎？

（178）莎莎國際可以長線嗎？

龔成老師︰

金界控股（3918）都有質素的，但始終新興市場，因此點都有風險。

佢會因全球的疫情，而影響左生意，但這只是中短期。

長遠計，佢仍然正面，佢之前有項目獲當地政府批准發展5幢建築面積共逾580萬平方呎的物業，包括提供共4700個房間的酒店群、娛樂場所及公寓等。我相信長遠對佢仍正面。

這股股價較為波動，不過都有長線投資的價值。現價合理，可以分注投資。另外由於市場新興，在注碼上不能投資得過多。

莎莎（0178）仍有質素，但佢已經無過往年代般的賺錢能力，同時香港的零售市道有風險，都令這股近年的表現較一般。

這企業本身在行業有一定的地位，賺錢能力不差，但就會受經濟及零售市道影響，令股價較為波動。

其實股票班我都有講這股的估值，在過往10年，自由行較為黃金年代過左，所以從估值上，無之前咁高。

佢在行業的優勢仍在，但整體行業及零售市道，無過往咁強。長遠仍有質素，這刻處合理區，但投資注碼不能太大注，亦要有耐心先有收成。

------------------------------------------------

Q21967：

老師，還有一個問題想問，如果月供到某一個地步，假設個市大跌，會否把月供嘅股票全部放出，之後放哂入一隻增長比較多嘅股票入面？

咁嘅做法會唔會太高風險？

龔成老師：

如果大市大跌，股價便宜，而原有的股票有質素，就應該買入，不是賣出。

如果本身你想高增長，就應該一開始月供該高增長股。

除非到大跌市一刻，某一隻高增長股跌到好平，比你持股更平，就值得賣出原有部分股，轉到該高增長股。

不過，始終唔建議太過集中在單一股票，最好建立一個平衡的組合。

------------------------------------------------

Q21968：

你好 一直有留意你。2年前左右初哥 不懂買股票 短炒aia、小米、2832等。

結果一買就小股災。就急不及待放左佢。就冇再睇。最近睇返 發現其實當時自己選擇的股票。都升左好多。才知道自己目光短淺。

因為我心血小，想問現在開始重新購買。應投資哪些股票較好？（有廿萬現金左右，月薪2萬5，供樓7000，預計最多一個月2000左右）

龔成老師︰

記住，我地投資係想透過持有一些優質企業，讓其慢慢自然增值，以達至財富增值的效果。

所以，一定係長線持有，唔會係做短炒。而且，唔好比「買入價」影響倒你，只要係優質股，我地應該長線持有。

我建議你，先用「平穩增值股」+「收息股」作組合。這個組合增長力唔會太高，但勝在股價波動無你以往買的股票咁大。

「平穩增值股」主要係有一定增長力 + 小量股息。而「收息股」增長力好弱，主要係產出穏定股息，風險會較「平穩增值股」為低。

你可以因應自己風險承受能力，去作出配置。

以你的投資情況，你可以考慮做月供股票，能將買入價有效平均，減少風險，相信是較適合你的。由於你每月可以資金太少，建議你集中月供$1500盈富（2800），餘下$500就儲起。未來你能再加大月供金額時，可以去供其他股票。

現時大市只是合理區，你現有20萬資金可以先投入一半，用"分注"形式，慢慢買貨。餘下10萬和每月所儲倒的$500，就等大市出現一定程度的下跌，才大力度掃貨，然後長線投資。

------------------------------------------------

Q21969：

老師你好,我55歲。如果我想買收息股,請問而家548, 270邊隻可入？抑或有其他更好？

龔成老師︰

深圳高速公路股份（0548）有質素的，這股持有不少有質素的資產，現金流穩定，不過增長力不強。

這股有長線投資價值，收息可以。

粵海投資（0270）正面的，這企業有多個業務，同時都處於賺錢的狀態，整體不錯。加上最大的水務部分，更是香港東江水，即是不斷賺香港人錢。

佢係供港東江水部份，賺錢能力已經比以往弱左。係疫情下，內地工商用水需求會下跌，影響收入。而且，集團收入除了水資源外，還有其他好似物業投資、酒店、百貨等，在疫情下難免會受影響。

至於增加資本開支投入建設，如果能提升現有效能，就會對佢盈利有正面影響。整體而言，集團業務依然係算穩定，預期維持平穏發展，故有長遠投資價值。

若以現時股息率計，深圳高速公路股份（0548）值博率會較高。但佢主要收息，你唔好預會有明顯增長。

而粵海投資（0270）雖然股息率較低，但有平穏增長能力。

以你55歲年紀，其實2隻都適合你。你可以因應自己投資取態，去作決定。

------------------------------------------------

Q21970：

龔sir，你有冇研究美股？巴菲特最近大手買入的Verizon （美股代號：VZ）點睇？Tks

龔成老師︰

Verizon Communications Inc.(VZ.NYSE)通過其子公司向消費者、企業及政府機構提供通訊、信息及娛樂產品及服務。

其業務包括提供無線和有線通信服務和產品、視頻和數據服務、公司網絡解決方案、安全和託管網絡服務、本地和長途語音服務以及網絡訪問各種物聯網（IoT）的服務和產品

我無好深入研究這間企業，佢規模已經好大，過往收入都算平穏。整體增長力唔算好高，主要係平穏增長，再加一定股息。

此股初步睇，都有投資價值。

巴菲特買入Verizon，相信佢覺得此企業有質素之餘，現價都有投資價值，所以才出手。

------------------------------------------------

Q21971：

龔成老師，想請教你一個問題，新聞不斷說全球通脹危機將至，到時股票估值是否會大跌呢？

因銀紙越來越不值錢，我哋應該點可以及早準備呢？是否就是這個原因要用資產 1-3% 去買黃金呢？

（我有睇晒你啲書百萬富翁給財務自由行系列講銀紙只是借據及主人的系統, 所以有點基本知識), 謝謝老師。

龔成老師：

現金不斷發行，即是每一張的現金價值會持續減少，手持現金是輸家，打工仔是輸家。

優質股、物業會升值，因此，你可以持有優質股，因為企業價值會向上，但一般股及劣質股則會下跌。至於黃金，你可買1%-3%。

只要你建立一個「真正財富的組合」，就能對抗通賬。

------------------------------------------------

Q21972：

阿sir , 真係想請教下，電單車位值唔值得投資
因為本人資金不多，車位未能應付，但眼見電單車位金額價格相對較細，是否值得投資？

龔成老師：

投資價值都有，但最重要是睇「租金回報率」，如果回報率太低，反映你買入價唔吸引。

你要多做功課，比較現時各電單車位的回報是否吸引，尋找較高回報率的。

如果以一般的車位及電動車位，我相信現價算是合理區頂位。

------------------------------------------------

Q21973：

龔成你好呀, 我一直有睇你既page同專欄, 好讚成你所講, 股票係應該要睇長遠, 加上近期短炒蝕過錢, 更加同意你的觀點。

因為都踏入中年, 加上疫情期間工作大受影響, 所以都好希望可以盡快學識投資,

近期自己心目中都mark定左兩隻, 希望可以請教一下你的意見 (唔知可唔可以咁樣PM你問, 如果唔得都唔緊要的。)

唔知可否請教以下幾隻股, 可長揸嗎?

- 中遠海控 (見佢升咁多一直冇買, 但前景幾好咁)
- 國泰航空 (一直在7蚊左右持有左好耐, 希望等到疫情完後)
- 醫思健康 (有新世界入股, 加上是醫美行業, 自己比較熟悉, 覺得前景不俗, 但之前又係升左好多, 一直未敢入)

多謝指教

龔成老師︰

你有投資理財上問題，可以係度PM問我。

我想你先明白一些投資概念，我地做財富增值，就係尋找優質企業，用一個合理，甚至平宜的價錢，去買入，並長線持有。讓其自然增值，以達至財富增值目的。

成件事，重點係「優質」之餘，買入價格都要係「合理」。

中遠海控（1919）主要從事提供集裝箱航運、集裝箱碼頭管理與經營服務。

整體的質素算是不過不失，雖然在行業有一定的規模與優勢，但行業整體的賺錢能力無過往咁強。

經濟好轉會對佢有利，因為始終是對經濟較敏感的行業，現時的股價已反映相關利好因素。股價大升後，其後之後較難有高增長，因為已反映了利好因素，反而預佢之後轉為平穩增長。

這股係有投資價值，但現價略貴，未係投資時機，要等佢回2、3成會合理翻d，我地才可以考慮。

而國泰（0293），坦白講質素只是一般。

其中一個風險，是油價，睇翻佢過往多年，油價對佢成本影響好大，令佢盈利十分波動，就算佢利用對沖，都唔係好成功，反而試過因對沖而蝕大錢。

另外，航空業對經濟週期較敏感，收入不穩，同時唔算係一個好賺錢的行業，因此這股的質素只是一般。

就算佢重組，得到新資金，只是比佢「捱過這一關」，並不是賺錢能力方面有改善。

若你持貨較多，建議等疫情過去，經濟好轉時，佢反彈就減持部份，去平衡風險。如果只係小注，你照長線持有都可以。

香港醫思醫療集團（2138）主要以ＤＲ　ＲＥＢＯＲＮ品牌提供醫學美容服務。企業都有質素的。

（１）醫療服務：包括整形外科手術、微整形療程及由集團醫生操作的能量儀器療程及一般診症服務，以及牙科（ＯＮＥ　ＤＥＮＴＡＬ及ＯＮＥ　ＤＥＮＴＡＬ　ＰＬＵＳ品牌）、中醫及眼科服務。

（２）準醫療服務：包括由已接受培訓的治療師操作的能量儀器療程，該等治療師已完成集團醫生主導的內部
強制性培訓。

（３）傳統美容服務：包括面部護理、按摩以及其他無創療程。

（４）護膚及美容產品：主要為集團的自家品牌寶特曼娜及瑞研雅。

業務發展不差，長遠有增長力，不過業務中短期會有少少波動。現價合理區頂至略貴。如果你資金較為充裕，現階段先入一小注，係可以。

否則等佢回多1成才入貨，值博率會較高。

------------------------------------------------

Q21974：

你好！我想同家人合力買樓，因為6-8年後有自住需要。今或明年買，打算先放租。已準備首期50%

我睇唔清樓市會向上/向下/平穩。請問你可以提供一些意見嗎？

龔成老師︰

我認為香港樓，長期會向上。

首先，我用身邊的朋友去分析（因為佢地都是適婚年齡的），我見到一個現象，唔少朋友結婚後，買唔到樓，要同父母用住，這幾年都係咁，而且人數不斷增長。

佢地正在儲錢，正在等樓價跌，只要在適當時機，就會搬出去住，你知道這是甚麼？這就是潛在的購買力，而且不斷累積！

香港樓長期供應不足，需求正不斷累積，這將會令樓價保持向上，跌少少，又會升過。

但若果你問題重點，是今年和明年樓價的變動，我就答你唔倒。

因為，我唔會太預測中短期的樓市，根本唔會有人知。至於長期，因為需求大，供應仍然不足。因此長遠仍會向上的。

我投資樓市，唔好以「預期」的模式進行，只要你資金足夠，堅守「供得起」原則，而樓市唔太貴，已可以買入。

香港樓現價合理區頂至略貴，投資價值的確較少，但自住價值仍在，你唔需要擔心買入後樓價的升跌，因為你買入後，影響的是供款。

現時比合理價，貴左少少，唔算太多。

------------------------------------------------

Q21975：

老師！想問3300同1762

我見1762有同小米合作

龔成老師︰

中國玻璃（3300）主要從事生產、營銷及分銷玻璃與玻璃製品；設計及安裝藥用玻璃生產線。

佢的產品包括無色玻璃、有色玻璃、鍍膜玻璃、節能及新能源玻璃產品（如超白玻璃、低輻射鍍膜玻璃及光伏電池模塊產品）。

這股不算，但又未到好高質。整體發展正面，但盈利有點不穩。現價合理，都有長線投資價值，但就要留意股價較為波動。

萬咖壹聯（1762）不過不失。

佢幫助企業與中國智能手機用戶建立聯繫，向尋求移動廣告、網絡視頻產品分發及遊戲聯運服務的行業客戶提供安卓內容分發服務。

集團專有的平台，設有數據挖掘、數據分析及場景分析等技術，以定位於智能手機用戶，並通過智能手機製造商自帶移動應用程序及用戶界面發佈行業客戶的個性化、實時及基於場景的內容。

不過，業務就較為波動，過往雖然有增長，但近年的中期業績出現生意與盈利下跌的情況。業務波動。

萬咖壹聯（1762）子公司玩咖歡聚，跟小米(1810)合作，係利好。但有多大程度，影響母公司層面，要再觀察。

這類股有危有機，可能有潛力，但只能小注投資。這刻的投資值博率，只可以話屬中等。

------------------------------------------------

Q21976：

老師你好，又一次請教你！上次跟你提及過我的移民大計，以及相關的財務安排。但現在疫情關係，移民申請尚未批出，最終是否移民，可能會成為一個未知之數。

但追求財務自由，跟老師，以及老師的學生一樣，這個初衷從未改變！

言歸正傳，小弟手持14000股地鐵(66)，買入價是29元，現在是43元，其實現在升幅已很不錯，但是，在股息收入方面，每年只得一萬元多，所以我有以下想法，想聽聽老師意見。

1. 將全部地鐵賣掉，套現大約60萬左右，然後將60萬買入一些高利息的股票，其中心水有兩隻：3988， 808，假設兩隻股票的股息是六厘，每年股息應該有36000元的。

2. 因為每年地鐵的股息只有萬多元，如果我賣掉地鐵的話，套現60萬，其中20萬買3988，現行利息是八厘多，即是每年收到16000元利息，和地鐵帶來的利息差不多，

之後我用剩餘的40萬來還樓債。(因爲我在吉隆坡已買樓，樓價是200萬左右，根據指定的期數定價繳款，要在2024年之前付清，現在已付了70萬。)

對於上述兩個方案，老師點睇呢？還是有第三個更好的方案。

龔成老師︰

首先，如果你係最終留係香港，投資策略未必一樣。

所以，我集中用你會移民的方向，去分析這件事。你現時主要考慮，主要係當地物業房貸和移居後的每月生活開支。

地鐵(0066)係有質素，派息唔多，但有一定增長潛力。以你情況，就未必太適合。你可以慢慢沽出，套現現金。

至於用方法1定2，就要睇你本身貸款利率和現時匯價而定。若利率較高，但有4-5%，我建議用方法2，清還部份貨款。

若匯價低水，馬紙變相平左，你都可以考慮用方法2, 去減低貸款成本。

否則，你應該用方法1，去主力為自己創造現金流。

中行(3988)和泓富產業信託（0808）都係可以，但泓富主要係商用物業，較受經濟週期影響，會有少少風險。

同時間，我都唔建議你只集中係2隻股票，以免太集中，而造成風險。

以下係一些有質素的收息股，供你參考︰

收息股︰港燈（2638）、香港電訊（6823）、工行（1398）、恆生（0011）、置富（0778）、陽光（0435）、深高速（0548)。收息基金(3110)，都可以。

------------------------------------------------

Q21977：

龔老師 ，想請教下你，我和先生已經44歲，有一個兒子8歲，先生一直經營一間小食店，因為疫情， 這一年多已經把積蓄賠進去，

今年新年過後已經倒閉， 我先生到現在也未走出低谷。 我係一間貿易公司經理，公司上年生意唔好，今年年初全公司需要減人工三分一，

我人工只剩下二萬五千元， 一家人嘅擔子落到我身上，想請問一下老師，有什麼理財建議？

我每月還可用2-3千元左右做投資， 如有需要，之前有幾份儲蓄保險， 可以攞返十多萬，謝謝指導!

龔成老師︰

我地投資股票，其實等同投資一間企業。希望透過其自然增長，以達至財富增值的目的。

因此，成個投資計劃，一定係長線。你唔好預期投資，係可以解決你短期財務上問題。

你們現時重點，係應該先放係日常生活上。我建議你先儲起半年開支，作為應急之用，才開始投資計劃。

儲蓄保險部份，唔建議動用來投資，先留著，用來作為支持你家庭開支的後盾。

之後，若你家庭收入回復穏定，可以月供一些「平穏增長股」 作增值。每月用5成儲蓄做月供。其餘先儲起，用一邊月供一邊儲蓄的策略。

平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

現時這個艱難時期，相信之係中短期，長遠經濟會重回正軌。你先生要明白，疫情出現，無一個行業能幸免，這個是非戰之罪。

同時建議你先生，試下找工作，令個人有動力，以及提供家庭的基本收入，在這段時間，任何工作都要做，不要介意任何類別工作，日後先慢慢重新出發。

現時應努力重新起步，盡力提升翻自己動力，為現時生活和將來復甦作準備。

------------------------------------------------

Q21978：

老師好,想問以下股票現在值得入貨嗎？

1109,1038,2628,1997,0386

謝謝

龔成老師︰

華潤置地(1109)、長建(1038)、中國人壽(2628)、九龍倉置業（1997）都是平穏增長股，若你係年青至中年人士，都係適合。

現時股價都在合理區，可以分注入貨。但中國人壽(2628)近年賺錢能力弱左，質素只係中等，不宜大注。

而中石化（0386），質素算是不差，但又未到好好，始終這只是商品企業，沒有一些太大的優勢。

石油是商品，當中沒有差異性，佢地要將石油賣出，只能跟國際油價，這令佢地處於被動狀態。沒有價格自主的能力，這令佢地的獨特性有限。這類商品企業，都可投資，但就要明白不是最高質的企業。

生意近5年只是上上落落，無乜增長力，這是受油價等因素影響，反映佢處於一個被動的狀態。收息是可以的，但增長力唔算強。

此股較適合接近或已退休人士，現價合理，可以分注。

------------------------------------------------

Q21979：

成老師，本人32歲，同女友一樣打緊政府工，總收入大約6萬，結婚之後可以申請宿舍，現在有大約30萬投資美股，15萬現金。

TSLA 28%
QYLD 18%
BB 10%
TRVG 10%

TSM 7%
VIPS 5%
CLNE9%
QS 2%

想問老師：

1）想15年內財富自由，有冇可能？

2）經常聽說美股將大跌調整，是否應調整組合?

3）有打算購入物業收租，現時入樓市是否明智？

感謝

龔成老師︰

先講你持股，黑莓(BB)、Clean Energy Fuel (CLNE)、Trivago NV (TRVG)質素較一般，而The Global X Nasdaq 100 Covered Call ETF (QYLD) 操作模式風險都高。

這幾隻股票，不建議投資太大注。

另外，個別股票就算質素再好，都不宜佔組合15%以上，否則會有過度集中性風險。你TESLA明顯有這個問題，建議你慢慢調翻個比重，會較好。

你32歲，雖然應以增值為主。但你組合都幾偏向潛力型股票。佢地增長潛力係強，但同樣風險都高，所以唔可以持有過多。

建議你加入一些較平穏增長的股票，或者VOO ETF去平衡一下風險。

1)至於財務自由，每個人定義都好唔同。基本上，你被動收入，足以支付你日常支出，就算得上財務自由。

你可以先用優質股，去累積一筆資產。到足夠時，就換成收息資產，為自己財務自由生活，去創造現金流。

假設你希望15年後每月有2萬蚊現金流，以股息率6%計，你就需要累積400萬本金，才可以滿足財務自由目標的需要。

2) 我地係唔會去估個市點走，只會用平貴，去制定買賣策略。

現時大市在合理區上部，並不平宜，因此股票和現金比重，最好大約50:50。以你現時狀況，就不要再進行加注。

3) 物業都係一種資產，長線都應該加入組合。

但現時香港租金回報率一般，相比投資香港股市，值博率會較弱。加上你資金不多，建議你總資產累積到一個較高數量，才考慮放租物業。

------------------------------------------------

Q21980：

呀Sir，你好！我上緊你股票班，感受到你用心用力教學，我本身理解數字上較弱，但上堂大部份都跟到，謝謝。睇住把聲。

想就住股票組合請教你意見：［現時27歲，月可儲11K，16萬現金，初接觸投資唔夠一年］

月供：
2800 盈富$3000
0012 恆基 $2000
9988 阿里巴巴 $2000

另外：
175 吉利 1000股@$20
788 中國鐵塔 6000@$1.13
1177 中生製藥 4000股@$7.38
1448 福壽園 2000股@$7.84
1810 小米 200股@$25.22
3718 北控城市資源 8000股@$2.10
6993 藍月亮 500@$17.47
共值16萬左右

大部份股票係未上堂前入，比較疑惑係3718同6993係咪一早就需要止蝕，而唔係Hold等佢升返。

多謝呀Sir！

龔成老師︰

課堂上，如果真係有問題，有地方跟唔到。可以中間休息時間出來問我，或者INBOX問我都可以。

你要先明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

北控城市資源(3718)和藍月亮(6993)不是無質素，你長線持有就可以，但唔好加注。

較大問題係你持股中，太偏重左係潛力股，佢地雖然有增長潛力，同時風險都較高，不宜持有過多。

你算年青，潛力股可佔約5成，餘下應用以下平穏增長股。但由於你投資經驗較淺，潛力股比重，要再調至3成以下。到你學到一定投資知識，才慢慢調高。

但你唔洗沽貨去調整，只要再投資時，加大翻平穏增長股部份，就可以。

平穏增長股：盈富(2800)、金沙（1928）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）、長建(1038)

月供配置係可以，餘下現金就等有明顯回調，才出手入平貨。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q20761-Q20780）

Q20761：

龔sir，拜讀了你的《年報勝經》，實在獲益良多，非常感謝！

有些問題關於「經營現金流」想請教你，書中第290頁提到，如果企業背後有多間聯營公司，因此在入帳模式有不同，簡單睇現金流量表可能會錯誤理解

剛好在下正研讀長建(1038)最新一年的年報，發覺他的盈利有50多億來自「攤佔聯營公司 / 合資企業的業績」，而這50多億在「經營現金流」被扣減而沒有當作現金流入，請問龔sir：

1. 長建是否符合你書中第290頁所說的情況？

2. 如果符合，是否要翻查他主要聯營企業 / 合資公司的年報，查看他的「經營現金流」再計算長建的佔比？附註中提到其中一間主要聯營公司是電能，是否要翻查電能的年報去了解再計算？謝謝！

龔成老師：

1）正是，如果你睇翻長建（1038）的現金流量表，你會見到佢在經營活動的現金流並不算好多，反而投資活動現金流量，為這企業提供了一定的現金流。

以2020年度來計，你會見到「投資活動現金流量」的部分，聯營及合營公司，以股息的模式貢獻了$49億的現金流。

這類公司，就有機會出現盈利數字不差，但經營活動現金流不高的情況，其中一個原因就是將數目入賬了到「投資活動」部分。

2）你先睇長建的整個現金流量表，然後再睇這報表的附註，其實已經能找到好多有用資料，如果想進一步延伸分析，就可以找翻佢的聯營公司報表去進行分析。

------------------------------------------------

Q20762：

你好 龔成，自從上次問左您意見後 我就等機會放左400 同 3900，加埋純粹蝕左幾百蚊。

我而家投資落既股票都係一手手咁買，我想請問長遠黎計係咪無咁好。其實係咪應該專注有質素既股票 然後分注買幾手。

我而家用左差唔多三分一既儲蓄做投資。
分別有66，388，788，823，1448，2800，3067，3319，9988各1手。

每月月供388同2800各＄2000，仲考慮緊第三隻月供既股票。打算用＄5000月供三隻股票

我想請問700或388 而家入注一手好定係月供好，因為我見呢排跌左小小。謝謝您

龔成老師：

分注買入能平均買入價，會較好，當然，建立長期平衡組合都重要。

你要分析「之後的組合情況」，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

現時你持有的，都是有質素的股票，可以長線持有。

388、700可長期月供。如果想加入，就加2800。

如果你資金較多，就小小注買入388、700，近期回落左，但只是合理區頂部至略貴，並不是平，所以不能太大注。

------------------------------------------------

Q20763：

你好呀大師，我媽媽今年67歲，以下股票都係上年三月到而家買落嘅。

9988 - 100股@181.58
3690 - 300股@349.13
285 - 500股@48.2
788 - 30000股@1.37
1024 - 200股@348.2
3988 - 60000股@2.96 （收息作用）

以下兩隻股票，佢係喺好多好多年（多到已經唔記得）之前買落，因為價格跌得太厲害，而家可以話係已經放棄咗呢兩隻股票啦。

235 - 50000股@0.65
893 - 10000股@3.5

想請問大師， 235同893 ，其實仲有冇返生嘅機會？如果已經冇得救，應該係咩價位賣左佢？定有得佢繼續喺度擺？而家手持的股票，都諗住長渣，股價回落返少少，而有現全的話，邊隻係值得入貨？

合理價位又係幾多？我媽媽預計二兩到三年之後先至會退休，咁呢啲錢，都係作為退休嘅時候用嘅。

佢仲有1477 - 1000股@35.33

龔成老師：

你媽媽67歲，只適合投資收息股，除了中行（3988）外，其他全部都不適合佢。

佢這年齡是追求「保本」「現金流」，佢持有不少潛力股，這是年輕人才適合的類別，因此，佢應該賣出大部分持有，轉為一個收息的組合。

中策集團（0235）中國鐵鈦（0893）質素不佳，賣出較好。

歐康維視生物（1477）這類潛力股，風險高，不適合佢。

建議佢重組整個組合，建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

------------------------------------------------

Q20764：

你好，龔成老師，想請問在澳門擁有一個物業市值約三百萬左右（已供完），除了出租之外還可以利用甚麼類型的投資工具可以獲取穩定的利息回報？

龔成老師：

出租是其中一個方法。另外，你可以加按套現，只要按揭成數不太多，按息不高，你可以考慮（當然，我唔清楚澳門的情況，你要考慮翻你地澳門的具體情況，先決定是否進行）。

套取現金後，由於是借貸，所以增加了風險，因此只建議你投資一些低風險的工具。

例如投資收息股，你可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

當然，加按會提高了風險，如果你不想承受這風險，就不要進行這動作。

只用你原有的資金，去投資收息股，都可以助你產生穩定的股息回報。

------------------------------------------------

Q20765：

老師你好 我6.2左右買了兩手建設銀行（0939），請問老師覺得這隻股票質素如何？請問目標價是？

龔成老師：

建行（0939）本身質素不差，有一定的規模，在全球都有網絡，本身不會無質素的。

不過，這股增長力不算強，只是一隻收息股，現價投資可以，因為在合理價，但唔好對股價有太大期望。

前景不過不失，中短期會因中國經濟有影響，銀行業的賺錢能力不及從前，加上壞賬因素，都會令佢中短期弱。不過，初步已好轉，但不是高增長型。

而長遠，會慢慢穩定的，不過，增長力不強。

你有貨可持有，收息。

------------------------------------------------

Q20766：

您好。4O歲。無物業。現金200萬。租18000。3房。現該買樓租比人嗎？

龔成老師：

如果你本身無物業，可以。

因為你這刻有現金，而現金長期貶值，物業起碼是資產項，你有基本的物業在手會較好。

香港樓市，中短期會有少少上落（但不會大跌），長遠會向上。

首先要睇經濟基本面，如果經濟持續地差，失業率上升，樓市終會向下，這會對樓市有中期性的影響，不過，就算跌，都不會大跌，最多只是小跌，如果經濟差的情況不是太大，甚至不跌，這是由於背後的需求大。

在長遠計，我仍相信樓市在長遠計，因供求關係，仍是向上多。因為現時香港買樓的需求仍大，而長期供應不足，加上政府往後施政只會更加困難，好多所謂的大計劃都未必能夠實行，又或最後規模細左。

另一方面，需求大，我見唔少適婚年齡的朋友，都正等機會買樓，但未買樓，這些是「潛在需求」，過往每年不斷累積，只要樓市跌少少，就會有需求走出來，這令樓市不能大跌。

另外，樓市另一作用是「投資」，現時的租金無大跌情況，以投資回報率的角度分析，樓價都不會大跌，因此樓市平穩。

長遠計，租金及樓價會平穩，有少少向上，但不是倍升，不會好似過往般倍升，而是平穩向上。

------------------------------------------------

Q20767：

我175只有2手 只是初試牛刀 由36跌了差不多4成 是有點驚 新手要搵您問問定定驚

但175是幾有質素 銷售成績亮麗
也和很多不同公司有新合作
一直想長期持有

常見你說1211 由12持有到80再到12 真心佩服

龔成老師：

其實，你要問翻，佢有那些業務明顯轉壞，要令你賣出這隻優質股？

業務發展一直良好，只是股價之前貴，現時回翻，根本業務完全無變，優質度無變。

唔好太著重短期股價，睇「企業業務」「長遠發展」。試下唔好睇股價，了解翻佢業務，如果你想賣出，要找出佢「業務轉差」的理由！

我面對股價上落，好平常心，始終投資20年，有D盲目。永遠睇「企業業務」，業務才是核心，長期股價是跟業務走的，而短期股價可能不跟一段時間。

------------------------------------------------

Q20768：

你好，成哥。我想在我小朋友每年生日幫他買股票。因都係長線放。選那些會比較好？高息股？

龔成老師：

由於佢是一個長期的投資，所以投資有基本增長力，而又不太大風險的會較好。盈富（2800）最適合。

如果你地比較保守，就可加入收息基金，如3110，與盈富同時持有。

------------------------------------------------

Q20769：

你好，成哥。我想在我小朋友每年生日幫他買股票。因都係長線放。選那些會比較好？高息股？

龔成老師：

由於佢是一個長期的投資，所以投資有基本增長力，而又不太大風險的會較好。盈富（2800）最適合。

如果你地比較保守，就可加入收息基金，如3110，與盈富同時持有。

------------------------------------------------

Q20770：

您好, 我有兩個小朋友(4歲和歲半), 想幫佢地從小開始理財

到大學希望有能力供佢地到紐西蘭讀書, 請問可以幫佢地買咩股票長放? 感謝

龔成老師：

你可以選擇做一些月供計劃的項目，例如保險公司的月供產品，月供基金。

如果你胞目標是為佢地長遠讀書，可以投資一些有平穩增長力的項目，追求年回報8%。年期12年。

相信月供股票及月供基金都適合的，你可以到銀行或保險公司了解下，有無適合你回報的基金，或最簡單，可以做月供股票。

如果每月投資$8000，持續12年，預期能滾存到$180萬，相信都

以股票來講，你投資平穩增長股已可以，例如考慮盈富（2800）。

另外再加：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

收到股息後再投資，複息滾存就得。

------------------------------------------------

Q20771：

成哥 我之前衝動入左35蚊吉利 半倉 宜加仲有18萬左右 你覺得補唔補好

持有中芯5000 18蚊 中海油20000 8.1蚊 天能動力5000 21.5蚊

龔成老師：

我地決定加注與否，要睇幾個因素，記住，並不是「拉低平均買入價」為目的。

第一，要分析這股的質素，如果無質素，就再跌都唔加。

第二，這股的類別，如潛力或增長或收息類等，是否與你的財富組合匹配，比例是否適合。

第三，你要先計算加注後，這股佔你股票組合的比例會否太多，因為同一行業，同一股票。不能佔股票組合的比例太多。

第四，現價是否有投資價值率，要平，或起碼合理，不能貴。

第五，你要在加注後，仍有現金剩。

記住，重點不是「拉低平均價」，而是組合比例與配置。

吉利（0175）無問題，但你持有太多就有問題。

不要再加注，要減持翻。平衡翻個組合。

至於另外3股，都有質素的，可持有。

其實，你上述選股都可長線的，但投資策略就處理得不好。

------------------------------------------------

Q20772：

你好老師，本人買股票多年都蝕錢，還有幾隻千年蟹貨，包括00842理士國際是招股價4個幾入2000股，現在收市價只是1.2，另外1398工商

當年7元樓上買了10000股，3988中國銀行4.9左右買左10000股，小米35.45買了1000股，1177最近8.95買了1000股

以上股票仍然持有
我可以怎樣做？

還是那幾隻千年蟹貨唔好理會，重新定立一個投資組合？

希望老師指點一下
謝謝你

我還可用10萬左右投資

龔成老師：

最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

理士國際（0842）不是劣質，但質素一般般，這股唔建議持有太多，你可以等有多少少反彈就賣出。轉其他更有增長力的股。

至於銀行股，如果你投資目標是收息，就唔需要理會，如果目標是增值，就宜轉其他。

至於小米（1810）、中生（1177）可長線。

坦白講，你不太懂掌握投資時機，相信亦不懂得企業估值，經常在貴的價位買入，建議你日後月供股票，或慢慢分注投資，對你會較有利。

$10萬資金，唔好急用，重組左組合先，同時增加知識先。

------------------------------------------------

Q20773：

龔sir你好，平時番工時間太忙無法短炒，亦唔識短炒想問問你對於基金，股票及現金的持有比例。

感謝您定期抽空回應我地的問題，而從你回應當中亦揾到新方向，問題有啲多，希望你唔好介意。

本人30有多，月入三萬多，未持有任何股票，投資及花費如下：

月供約五隻基金（約六千）三隻科技股，一隻股債，一隻債，供左半年，目前大概約4萬幾，帳面升值幾千
保險開支 約五萬多/年

家用及雜費約8千/月，計計埋其實一個月剩番18000左右

約120萬現金，想開始月供盈富5000，銀娛2000，比亞迪2000，騰訊/港交所（未定）1000 , 如果咁樣會唔會太進取？

可以點樣將啲資產調配得更好而且是有效增長？因為都有上樓想法。再次感謝老師的慷慨回應。

龔成老師：

短炒無法賺錢的，這與忙唔忙無關，我之前做過銀行、證券行，見好多人全副心機短炒，點知反而比長線的人輸更多。

其實你之前一直有投資基金，這都是一個財富累積的方法。你保持進行就得。

至於你持有$120萬，就有點多，除非你在2、3年在有用，例如置業。否則，應該適當投資，不要浪費左這筆資金。

如果你無投資經驗，就先做月供股票，之後先正式動用這筆資金。

盈富（2800）$4000、銀娛（0027）$2000、港交所（0388）$2000、3067$2000。暫時每月供$10000先。

同時，你應該增加股票知識，遲少少可正式一手手去投資股票。

------------------------------------------------

Q20774：

老師 你好
我手持以下兩股令我好煩惱，

早幾年高位買入，至今唔上唔落
不知怎樣做！ 請老師指教

00001 長和 $115 買入 1000股
01113 長實 $75 買入 2000服

龔成老師：

這兩股不是無質素的，如果你不是過度集中，都可以持有，但3個原因令你要守一段較長時間。

第一，歐洲弱，你要耐心何歐洲好轉，但我相信會慢慢好轉。

第二，佢的資產本身較多傳統經濟，這些業務增長力較弱，但不是無質素的。

第三，你的買入價貴。所以要上到高位較難。

你可以持有多1、2年，等經濟及歐洲好轉，到時睇下股價情況，就算未到你買入位，相信都會上翻D，你可以到時賣出，轉其他較有增長的股。

------------------------------------------------

Q20775：

本人有一事求教:

1: 應換樓（放賣一層物業+儲蓄，買一層大單位的樓嗎）?

或

2:買一層細單位放租作投資?

目標:
中西區買一層3房單位

背景:
我與丈夫2個人月入共5-60K。
一個收入穩定(專業人士),一個有結業危機(在這間公司做了1X年)

現有一層物業作租金收入($14K/月,市價~$600萬)。
現手上值$200萬股票,現金~$50-70萬

龔成老師：

從累積財富的角度，（2）是較好的，因為長遠可以累積到最多的財富，對你地較為有利。

當然，你都要計好數，首期及按揭等因素是順利過關的。

可以出部分股票，再加上現金，投資細價樓。

如果這刻的情況較勉強，就儲多少少資金先，過2年先進行計劃。但在（1）與（2）間，（2）對你地長遠財富最大化較好。

------------------------------------------------

Q20776：

龔Sir 你好，有幸拜讀你的著作，獲益良多！希望你可以给予意見，本人今年底就退休，經濟方面有一層已供完自住樓

一層按揭餘十年欠款二百萬單位出租，租金有每月二萬

退休後會有大约五百萬(退休金加一儲蓄)另加現有市值一百五十萬股票，主要係銀行，地產，保險及公用股組合(因早幾年買入現價仍然有蝕約15%!)每年平均回報只有约三厘。

有兩個同住未婚仔女，太太同我也沒其他特別支付，想得到龔Sir 保貴意見，如果退休後想有每月四萬被動入息，怎樣投資那五百萬最可行？

加注到較高息的銀行和地產股？有些担心未來派息不保這問題！多谢給予指點！

龔成老師：

出租物業不用改變，佢自行運作就得，利用租金去供樓，日後供樓完成後，這部分的現金流會增加。

你可以將這$500萬，分成5部分。

第一部分投資收息股，你可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

（你可睇下《50穩健收息股》當中仲有好多）。

你平衡的投資這些股，除了可以得到穩健的收息收，同時可有效的分散風險。

第二，投資債券，你可以選擇A評級的債券，年期較長都可以，但利息卻不高。你可以到銀行問問。

第三，投資年金，你可以睇睇，這是適合你的產品，零風險，可以有穩定回報。

第四，你亦可投資銀行低風險類的產品，你可自行到銀行了解下，總之是「低風險，持續現金流」的。

第五，持有現金，除了可做定期外，現金亦可以為你的後盾，以備不時之選。同時，若投資市場大跌，你可以在這時買到更多的收息股，股息率會進一步上升。

你可以將$500萬資金，平衡地分配在上述的項目上，對你來說是最好平衡風險，同時有穩定的現金流。

如果平均有5%的現金流，$500萬，一年有$25萬，每月平均$2萬。

至於你現時持有的股票，都可轉到高息股，都能提高現金流。

------------------------------------------------

Q20777：

老師對買保險(人壽醫療危疾儲蓄etc.)有冇咩睇法？應該用人工/資產幾多%去買？定其實留番d錢去買股票好過？

龔成老師：

其實保險是好個人化的項目，你按自己需要去買就得，保險的原理，就是將你某些不想承受的風險，轉嫁比保險公司。

在理財中，我地應該攻守兼備，保險是防守性產品，有購買的需要，我自己都有買，但買那些，就要視乎你那些風險可承受，那些想轉嫁。

另外，保險不用買得太多，足夠就得。

例如人工的10%-15%，無定的。

------------------------------------------------

Q20778：

老師你好，請問你點睇968及868？現價邊隻較適合入埸？

另外2233、914及1313邊隻較好？感謝你的教導，謝謝你

龔成老師：

868、968都是有質素的，868在我幾年前出的《50股》已有推。如果你想較穩健，可投資868，如果想進取D，就968（當然風險都會高左）。

868有質素，有增長力。

當然，近年股價上升了不少，股價是唯一的風險，業務則仍是長期睇好，市場長遠發展正面。

現價大約在合理區頂，如投資，這刻唔建議大注。

至於另外3股，都不差的，914、1313質素會較好。

0914會略好，這股長遠有增長力。

佢主要從事生產和銷售熟料和水泥製品，業務地區包括中國東部、南部、西部、中部及海外。而安徽海螺是水泥行業中，全球最大的單一品牌供應商。

水泥屬於基礎原材料行業，對建築行業有很高的依賴性，同時亦會與經濟增長速度有較高的相關性，特別與固定資產投資相關。即是說，當中國基建及房產市場不景，水泥行業會比一般行業處較大的不利狀態。

另外，水泥企業在生產過程中，燃料成本佔總生產成本中約佔了超過一半。若能源價格出現較大變動，就會對企業成本造成較大影響。因此，當能源價格出現較大上升時，將引致安徽海螺的成本增加，影響其中毛利。

綜合來講，佢擁有相當規模、生產能力，有一定的質素及賺錢能力，而水泥行業長期將因中國城鎮化以及一帶一路的建設，仍然會增長，但不會像過往般快速，而是進入較平穩的時期，在本質上此企業不差。

現價勉強合理的，但要留意盈利有潛在波動。

------------------------------------------------

Q20779：

龔sir，我係32歲，流動資金有100萬，而家月薪約5萬，每月月供股票$15000（分別：盈富基金$7000，領展$3000，安碩A50 $5000）。我想增加投資，再月供多一隻股票，請問邊隻股票比較適合。

我想38歲前增加資產買樓。請問而家既投資方向有冇問題呢？

龔成老師：

你現時的股票，可以長線持有及月供。

如果你目標是38歲買樓，以你現時的收入及財富情況，投資平穩增長股+潛力股適合你。你可以加入$5000，恆生科指ETF（3067）去月供，如果銀行無得月供，就自行每2個月買入類似數。

現時的$100萬，其實可以動用$30萬-$50萬去投資（不要一次過買入，要分注，慢慢投資）。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。

$30萬，暫時可動用$10萬-$15萬。

平穩增長股：潛力股
7：3
（如果你投資實力較強，可增加潛力股比例）

平穩增長股：考慮盈富（2800）。

另外再加1、2隻（每隻$1500）：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

潛力股：安碩恆生科技ETF（3067）

另外再加：阿里（9988）、騰訊（0700）、港交所（0388）、舜宇光學（2382）、小米（1810）、ＧＸ中國電車基金（2845）、中生製藥（1177），但就要明白波動性比上述會高左，同時風險大左，你要自己平衡。部分要等回少少先入。

現時大市波動，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q20780：

你好龔SIR，小弟今年36歲，由於初出社會工作時，身邊較年長一輩的同事因為買股票蝕錢，加上工作關係，無太多時間關注股市，所以一直都無嘗試接觸股票

最近因為開始打算2-3年後同女友買樓結婚，稍為了解買樓事宜後，認為買樓首期，雜費開支同供樓開支，單靠現時儲蓄能力

要2-3年後買樓同供樓好似遙不可及，但現時銀行儲蓄幾乎無利息，所以開始透過網絡去了解股票投資，希望可以透過投資股票令本金有所增長

長遠亦希望可以藉此增加收入，以減低將來每月供樓壓力，但目前對股票投資無從入手，希望龔SIR可以給予投資建議

本人從事物流行業，目前每月固定收入大約20000，另有大約2000-5000不等的佣金收入

每月支出為
家用7000
月供保險約7000(儲蓄同醫療)
個人開支約6000(時多時少)
每月可儲蓄2000至5000

於2012年時買了一份儲蓄保隋已供完，正進入年金派發期，預計2年後可取回約50萬

於2015年時又買了一份同類型的儲蓄保險，月供約4000，預計2027年供完

另有一份澳元對沖信托基金，目前大約60000港元，每月大約25澳元左右利息收入，由於2012年買的時候，澳元匯率大約7.1左右，所以目前連利息計算匯率後比買入時有輕微虧損

另有35萬港元儲蓄

以目前本人加上女友的收入大約只有40000，預計最多只能負擔500萬以內的樓價，而且供樓上亦頗大負擔

1）請問現時手上的澳元信托基金是否應該吐現，再加上目前資金作投資股票會更好？

2）如果以現時資金35萬-40萬，想在3年內增長到100-150萬，而又可以為未來制造比較穩定的額外收入，應該點去安排投資組合？

3）應該選擇甚麼投資平台？定係透過銀行的投資平台已經可以？

4）對於初學者，請問應該點學習增強對股票投資的能力。希望龔SIR指點一下小弟，謝謝

龔成老師：

在理財中，我地應該攻守兼備，保險是防守性產品，有購買的需要，我自己都有買，但買那些，就要視乎你那些風險可承受，那些想轉嫁。

另外，保險不用買得太多，足夠就得。其實你現時供保險比例有少少多，不過唔緊要，供開就繼續，之後不用再加大金額就得。

1）可以。

你整個配置都有點保守，其實你這年齡進取少少都得。

攻守兼備，你做防守方面不差，但進攻就不足，因此可以加強翻進攻部分。

我地最重要是建立一個長期的「財富組合」，要優質，要平衡，要適合你的年齡與風險承受程度。

股票投資方面，同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

如果你不懂選股，盈富（2800）是最簡單的，可助你平穩增值。

2）這目標就太過進取，你預3-5年有一倍的回報，已經是不差。你不能無視風險的，建議你增加股票知識。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

你這年齡，可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。

3）你先了解銀行及證券行，去開一個證券戶口，並準備做月供股票。

其實兩者都可以，銀行就較方便，但手續費就較貴，證券行收費就較平，香港的監管不差的，風險不大。你可以先了解下不同的收費。

4）你睇《股票勝經》入門類的。之後睇《選股勝經》《50優質潛力股》。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

Instagram有大批PTGF，有業內人士大爆她們黃金年齡是由16歲至23歲，亦有15歲少女假扮成年，向客人提供性服務。還有更多你無法想像的「出租女朋友」行內秘聞，《港呢啲》今集為大家一一揭露！

快啲follow我哋啦↓
➤Facebook：https://bit.ly/gongnedi_FB
➤Instagram：https://bit.ly/gongnedi_IG

少女在Instagram以出租女朋友（PTGF）名義招攬客人，更附上詳細價目表，拖摸攬錫逐項目計錢，有些更涉及性服務。《港呢啲》趁情人節前夕，約了一位PTGF去街，立即看看我們的約會過程！

快啲follow我哋啦↓
➤Facebook：https://bit.ly/gongnedi_FB
➤Instagram：https://bit.ly/gongnedi_IG