近排我嘅 主婦手又發作 真係好鬼麻煩 好痕 成日又要拗 因為主婦手係對化學 鹼性 甚至係水 都會比較敏感 我已經盡量唔掂 洗頭水 藥水 但係我冇可能唔掂水 又可能而家大左個人 免疫力差咗 所以再黎料 真係好鬼煩 點解我有啲咁嘅遺傳真係煩 其實我雙手真係唔適合做宜一行 不過我對頭髮對美感樣嘢 係 有好少好少觸角 天份 好細個我就已經 睇到靚同唔靚嘅分別 其實我大約16歲我就做咗呢一行 不過當時洗頭 洗到隻手爛咗非常之嚴重 隻手係爛到上手臂 要去睇醫生 醫生同我講 我唔可以做呢一行 佢叫我轉過第二份工作做 當時都因為太細個冇乜所謂啦 都冇諗到咁遠 之後媽咪介紹去做車房 車房大約做咗兩年啦 我又汽車維修 轉咗做汽車噴油 點解 係因為汽車維修 嗰間公司專門幫益力多嘅車維修 大約5.5嘅輕型貨車 佢嫌我唔夠力 所以佢轉左喺隔離裏面公司裏面 做汽車噴油 原來汽車噴油係需要用水 佢要省汽車表面嘅 凹凸不平 然後要噴油 汽車噴油係需要用天拿水溝出嚟然後再噴 但係天拿水好重化學成份嘅物質 其實係好傷皮膚 哈哈 做到咁上下我隻手又爛 當然冇比以前做洗頭嗰陣時候咁嚴重 但係都非常之麻煩 非常之痕 搞到成晚都瞓唔到 最終我都做咗兩年 我決定唔做 係因為我好怕污糟同埋 好怕悶 成日對住啲車 同埋隻狗 同埋部收音機 太悶啊 所以我決定唔做 之後嗰陣時嘅市道唔係太好 自己讀書有咁差 根本冇咩行業可以做 同埋唔同而家而家好多類型好多選擇 我哋嗰陣時淨係只可以做車房 做salon 壽司仔 裝修冷氣 連sales都做唔到 但係都唔知點解 嗰陣時個sales係一定要請女仔 男仔係一定見唔到 痴撚線 除咗波鞋街啲sales之外 最終我就轉咗做冷氣 冷氣份人工都算係咁啦 但係因為市道太差 老闆幾乎咩都要接 清潔啊各樣啊乜都要做 根本都唔係我所講嘅學維修冷氣 冇辦法講個時勢我已經冇咩可以選擇 只可以係咁做落去 但係原來做冷氣都係要掂住水 可能我個命格問題任何工具掂水 因為我個名嘅八字係好多水 師傅話水為財喎或者好多女人緣 （ 都唔覺有屌） 講到冷氣 其實一路做我真係好唔鍾意呢份工 但係又唔知做咩好 做咗兩年之後 我細佬做咗salon 佢竟然隻手冇爛手 佢不斷鼓勵我做返呢一行 因為佢知道我好鍾意髮型 同造型 當其時又知冇乜嘢design可以讀 可能我唔識 所以我決定唔做冷氣 去做返salon 我記得當時係20歲左右 當然 嗰陣時嘅決定影響我而家嘅全部 條路就非常之難行 係超級無敵難行 一個隻手係會爛手 嘅人做 salon 就好似一個會見到血就會嘔既人 去做醫生要克服依種困難 係非常之辛苦 因為佢不停要掂水 顏色 藥水 吹頭 會令到手部非常之敏感 我仲記得以前我10隻手指爛晒 果一種情形嗰種感覺 諗返起都10幾年前 所以我要做師傅 嘅決定係非常之大 因為如果我唔決心去做 我繼續做助手我隻手就會不停咁爛落去 所以我上半身大部份時間都貢獻左比 salon 精神同時間 由好艱苦咁 洗頭 學做顏色 學電頭髮 學整highlight 學吹頭 學剪頭髮 再做到師傅 當時我決心非常之大 可能而家你哋見到我好似好成功 但係我同你講我用咗非常非常之多努力 真係飽受好多好唔好嘅待遇 我先行到呢一步 所以我依家有依個咁嘅成績我真係好開心好感恩 我想我希望我嘅下半身嚟緊可以做啲其他嘢 唔好再不斷淨係為咗頭髮 嚟緊有機會講吓俾你聽呀我做師傅嘅歷程 真係非常之艱苦 點好似而家啲髮型師咁喺Instagram買過廣告就咁多嘢做 又唔使捱又唔使俾人炒又唔會比人話 等我下次有機會講啦 9up #優惠價#學生優惠#電髮#染髮#挑染#跳舞#漂染#美食#爆笑#瑜伽#tirltok#大學#hku#專上教育#ive #香港樹仁大學# 韓式水潤電髮#香港嶺南大學#香港城市大學#香港浸會大學香港中文大學#香港科技大學#香港公開大學# 香港理工大學#香港大學#Babylight#整頭#暑假# big day