【龔成問答信箱】（Q22181-22200）

Q22181：

你好，想問怎樣判斷泡沫，例如美股市場? PE一直擴張，高於歷史長期水平，但係又有新解讀方法例如利率降低所以估值可以上升，

那麼要去到哪一個水平才屬於高，才需要沾貨呢?謝謝你的意見

龔成老師︰

其實泡沫，係無一個明確的準則，去到計算邊一個位，就算係好危險。

所謂的泡沫，就是「企業價值」與「現時股價」的相差，如果股價遠遠企業價值價值，就是泡沫的概念。

我地可以從大市和企業估值，去到調整我地投資策略(現金和持股比重)，去平衡風險。

就好以現時美股，大市算係合理區頂至略貴，係投資時就不宜太進取，要留有一定現金，去等佢回調，才慢慢加注。

而新解讀方法，的確利率下跌，某程度上係可以調升估值。但同時間，當利率倒轉回升，你估值都會馬上被下調，可能由而一刻合理，變相貴。

所以，我地做估值時，唔好單單睇利率，還要從企業和市場長線發展去著手，才會得出一個較穏當和立體的結論。

------------------------------------------------

Q22182：

龔sir 你好，小弟27歲 收入唔高 每月大約儲到 一千至二千蚊

一個約月前加入市場，希望為未來做個打算，但新手入場 做得少功課 攪到輸多贏少 （亂咁走去玩GME...)，E家就離左場啦

E家大約用三萬蚊拎黎投資，放左係1919(19蚊入，收左息），美股係 Apple 同 Biotech

想問下呢家咁有冇野要調整？

同埋因為儲得少，有冇機會仲做到月供股價？

如果有要點做，同埋有冇推薦？

多謝龔sir 回答

龔成老師︰

我投資股票，就等同投資企業，有一定要認真分析佢質素，例如點賺錢、行內有什麼優勢、長線發展方向、財務是否健康等等。

而且，我地目標一定要係長線，唔好做短炒，這都是經驗之談。

以你27歲年紀，投資上應以增值為主。Apple 同 Biotech 係可以，但Biotech這行業本質風險較高，要控制注碼。

中遠海控（1919）主要從事提供集裝箱航運、集裝箱碼頭管理與經營服務。

整體的質素算是不過不失，雖然在行業有一定的規模與優勢，但行業整體的賺錢能力無過往咁強。

經濟好轉會對佢有利，因為始終是對經濟較敏感的行業，現時的股價已反映相關利好因素。股價大升後，其後之後較難有高增長，因為已反映了利好因素，反而預佢之後轉為平穩增長。

首先，此股係無派息。你收到是10送3的紅股，但係10送3只是一些財技，你係唔會從中得到益處。

另外，你買入價係貴。此股質素只係一般，現時環球貨運緊張，才令佢收入大升。當回復正常，有機會出現調整。

長線投資價值都有，但唔算好高。若佢佔你組合較多，建議沽出部份，換至其他優質股會較好。

由於你投資經驗不多，加上定平貴能力好弱，你未來都係先集中做月供，去減低風險。

建議你用「平穏增長股」 + 「潛力股」作組合，去創造一個增值平台。

現在你每月先用5成儲蓄，即$1000做月供。其餘先儲起，用一邊月供一邊儲蓄的策略。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

最後，你依然係好年青，應好好把握這個優勢，做好財富增值。你現時每月投入資金好少，最好可以增大至收入一半，咁會較理想。

------------------------------------------------

Q22183：

你好呀老師我係初次接觸股票我想問吓你嘅作品裏面我應該睇邊，或者應該係有冇推介邊一本會易明少少

你有時間先覆返我啊唔緊要㗎

龔成老師︰

書本在三聯、商務、誠品都有得賣。由於部分書在一些書店已斷，所以若你見唔到，問下職員就得（又或向職員訂都可以）。

以下是我的13本書：

《80後百萬富翁》（第9版）
《80後2百萬富翁》（第4版）
《80後3百萬富翁》（第2版）
《財務自由行》（第7版）
《大富翁致富藍圖》（第5版）
《50優質潛力股》（第4版）
《50穩健收息股》（第3版）
《50值博倍升股》（第3版）
《股票勝經》（第3版）
《選股勝經》（第2版）
《年報勝經》（第2版）
《5年買樓4部曲》（第2版）
《80後千萬富翁》（初版）

你可首先睇以下幾本，會較為適合初學者：

《80後百萬富翁》
《股票勝經》
《財務自由行》

之後再睇其他。

------------------------------------------------

Q22184：

龔成老師你好 ，本人和女朋友一直有follow你的page和買你的百萬富翁系列著作，但今次想為自己父母發問 。

媽媽58歲， 全職主婦， 爸爸63歲，兩年後退休。兩老沒有投資經驗，現在擁有現金80萬。已供完自住樓，樓價現約450萬。

預計兩年退休後會有退休金有600萬。 請問可以如何分配資產，讓退休生活更有保障？ 需要分段購入收息股， 或者可以考慮年金等計劃嗎？感謝你！！

龔成老師︰

由於你佢地都已或接近退休之年，我地投資重點，會係點安排一系列可產出現金流的資產，為地退休生活作準備。

你可以將這$680萬，分成5部分。

第一部分投資收息股，你可以建立一個收息股組合，你可考慮港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）等，大多有5%股息

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

（你可睇下《50穩健收息股》當中仲有好多）。

你平衡的投資這些股，除了可以得到穩健的收息收，同時可有效的分散風險。

第二，投資債券，你可以選擇A評級的債券，年期較長都可以，但利息卻不高。你可以到銀行問問。

第三，投資年金，你可以睇睇，這是適合你們的產品，零風險，可以有穩定回報。

第四，你亦可投資銀行低風險類的產品，你可自行到銀行了解下，總之是「低風險，持續現金流」的。

第五，持有現金，除了可做定期外，現金亦可以為你的後盾，以備不時之需。同時，若投資市場大跌，你可以在這時買到更多的收息股，股息率會進一步上升。

你可以將$680萬資金，平衡地分配在上述的項目上，對你來說是最好平衡風險，同時有穩定的現金流。

上市收息股︳都在合理區。你現時可以先用40萬，慢慢分注買入收息股，餘下40萬就等個市有明顯回調，才慢慢加大入市力度。

------------------------------------------------

Q22185：

你好，請問⋯ 2318 1475 1909 是否還有質素？

龔成老師：

中國平安（2318）有質素的，佢有規模，有品牌，近年的發展都不差，不過，股價有時會有少少波動，這主要受投資市場表現影響。

這股有長線投資價值，是平穩增長型，分注投資都可以。

日清食品（1475）不差的，都算有質素。

佢由日清日本（於東京證券交易所上市）分拆上市，主要於香港及中國內地從事生產及銷售麵條、蒸煮食品、冷凍食品、飲料產品及零食。

本身有品牌，加上業務穩定，盈利都不差。但比較大的問題，是增長有，但發展潛力未算好強，但市場已假設佢有高增長，所以在股價上，只視為平穩增值類別。

內地市場的確係一個增長動力，現價合理，未算平，分注都得。這股可長線的。

火岩控股（1909）有質素的。

佢主要從事開發網頁遊戲及移動設備遊戲（包括遊戲設計、編程及圖像製作）以及授權全球各地的營運商營運集團自主開發的遊戲。

遊戲已在北美、日本、歐洲及中國營運。集團收入主要來自授權費及出售遊戲幣。

業務發展理想，生意與盈利都有理想的上升，賺錢能力強，基本上有投資價值，暫時睇，前景仍是正面的。

不過要留意兩大風險，第一，佢行業是一些變化較大的類別，無人知當中的優勢能持續多久，始終市場變化可以較大。

第二，股價上落大，現價合理區中上部，未算平，投資值博率都有，但未算高。因此，：如果要投資，就要控制注碼。

------------------------------------------------

Q22186：

Sir 1177最近回了好多，我之前$8入了3手，我記得你話我太高入，現在跌到 $7可以再入小小嗎？還是等再回下先？

Sir 另外想請教你點睇 1798 大唐新能源?

龔成老師：

中生製藥（1177）是潛力股，人口老化令佢長遠有唔錯的增長，無論是政府投入的行業資源，又或是人民生活質素令可控制資金上升，都令人們更在醫療方面投入更多。

佢已建立一套完整的商業系統，有多個已賺錢的藥品類別，同時毛利高，可以不斷將錢投資在新藥裡，這模式運作很好。

但這類藥物企業，難免有一點風險，因此要久不久檢視，中短問題不用理會，但如果有一些核心性的問題，就要再全面分析。

就這刻來說，這股可以一直持有，因為商業模式理想，高回報，不斷再投資令股東利益快速增長。加上睇翻佢的業績，保持增長，這令企業價值有實際的上升，令股價得以支持。

現價合理區中上部，有貨可持有，分注或月供可以，這股可以長線持有的。

如果你加注，要慢慢加，不要急。

大唐新能源（1798）主要在中國專注於風電項目的開發、管理及營運。

佢要從事風電等新能源的開發、投資、建設與管理，低碳技術的研發、應用與推廣，新能源相關設備的研製、銷售、檢測與維修等，與新能源業務相關的培訓、諮詢服務，以及房屋出租。

過往的業務發展不差，長遠都有投資價值，不過規模較細，唔建議投資太大注。現價合理區中上部，未算貴。

------------------------------------------------

Q22187：

我想買隻709，我係1.7買左一手所以先留意，我相信佢疫情後復甦番所以一直都冇動作，係奇怪在佢同鱷魚恤呢幾日都好似俾人有心炒起但係又冇咩利好消息咁所以先好奇

老師我想問多兩樣野，我相信我買既都係優質股，但係如果我高追左的話我應該點做？

同埋如果touch wood 真係要放手上既股票套現，我地應該用咩準則去計算邊一隻可以放先？我諗唔明我應該放高增長力先定保守既先

龔成老師︰

若果你買的股票，係有質素，但係買入價較貴。由於企業係有質素，長線係會成長，令股價上升，所以你照長線持有就可以。

記住，買入左一隻股票後，我地唔好再用買入價，作為是否持有指標，而應該用佢質素，去做決定。

至於你現套現的話，可先集中沽出，較無質素的股票。

另外，你可以睇翻邊D股票，無咁配合你目標。好以你現時31歲，應集中在增長股上，一些增長力較弱的收息股，就可以先沽出。

最後，你可以睇埋佢地佔組合比重和現時平貴，將持股較多，或股價已經相對較貴的股票，優先沽出。

但緊記，有質素和適合你的股票，不要盡沽(就算略貴)。必需留有部份，去保持增值才算理想。

------------------------------------------------

Q22188：

你好，老師。希瑪眼科（3309）可以投資嗎？現在是合理價嗎？

仲有1隻歡喜傳媒（1003），可以投資嗎？

1660（兆邦基地產）可以投資嗎？

龔成老師︰

希瑪眼科（3309）有質素的，佢主要於香港及中國內地提供眼科服務，及銷售視力輔助產品及醫藥產品。

另外，睇翻佢，都尋找加大在中國擴展業務，係2019年透過收購眼科醫院於昆明及上海拓展服務網絡及在惠州設立一間新眼科醫院。

除了一線城市，佢亦係昆明及惠州等二線城市拓展服務網絡。

這股在業務上，的確有吸引力的，相信生意將會不斷擴大。不過過現時估值都唔平，現時估值略貴，基本上已反映了企業的增長力。長線投資不是不可，但就唔建議太大注。

歡喜傳媒(1003)多年虧損，無投資價值。

兆邦基地產(1660)規模唔算好大，質素算係一般，不宜投資太多。加上現價偏貴，值博率不高。

------------------------------------------------

Q22189：

老師，我是你剛剛完成初階課程的學生，最近分析1717澳優。澳優算優質股 但行業比較時 發現6186中國飛鶴優質度更高

行業平均pe為19-24，兩隻均處於合理價低

1.如果現時兩隻值搏率那隻會比較高？

2.老師會比這類行業的pe太約是多小？

3.現是政策上對於這類奶粉股長期發展是有利，但在研究要主要那些不利因素？

龔成老師︰

1) 澳優（1717）和中國飛鶴（6186）都有質素，現價大約係合理區中間，值博率相約。

但由佢地過去股價都係較波動，投資時要控制注碼，去平衡風險。

2) 一般都係10-15倍，會係較合理。但較具潛力和規模，好以蒙牛(2319)，就會比高少少，大約可以去到15-20倍。

3) 你主要可以從成本和供求去分析，例如原料價格和成本、中國出生率、行業形象(出現毒奶事件風險)、國際奶價、競爭對手(國內外)等。

------------------------------------------------

Q22190：

你好,我已經睇了你本<80後的千萬富翁>, 比外國作家(有名的)寫的致富書都好.我買過好多致富書睇, 當中包括:

1) 有錢人想的和你不一樣 (我的最愛, 入面教的思維方法很好)

2) 致富的科學 (啟發<秘密>誕生的一本書, 看這更能感受到吸引力法則在錢或財富方面更深的思想)

3) 35歲開始，不再為錢工作：歐洲富爸爸教你賺錢之道 (這是<我11歲就很有錢>作家的大人版, 教人開始儲錢幾好)

4) 思考致富 (我覺得不錯, 但應用內容部份己見過時, 例如分享如何寫CV, 收音機發展那些...)

5) 窮爸爸富爸爸 (這本是借的, 看過一次)

以上的書, 我只留了1和2, 其他都斷捨離了, 因為覺得內容都重覆.

至於你的投資教科書, 我看了<年報勝經>, 覺得不錯, 很易明, 但內容不夠深入. 知道最好是上你的股票班, 但我真的抽不到時間, 因為我不定時工作, 有時要OT至夜深.

希望你可以寫更深入的書, 教更深的知識. 黎緊我會買埋你其他書.另外, 因為我開始做小生意了(兼職), 你會寫做生意, 同埋推薦一些實用性高的書嗎?謝謝你.

這次主要是想告訴你, <80後的千萬富翁>寫得很不錯, 真的, 比我看很多名作家的致富書好, 一來可能是你吸收了各人的大承, 二是你的文筆親切貼地, 令讀者喜歡.

期待你繼續創作寫書.

龔成老師︰

多謝支持，由於估值方法，真係要好長時間講解，你如果上過我堂就會明。所以，較難係書中詳述。

但你若對企業估值，想作進一步的認識，你可以睇《股票勝經》、《選股勝經》和《年報勝經》，會較詳細教你估值的基本概念。

至於實用性較高的投資書，你可以睇《證券分析》和《巴菲特給股東的信》

雖然不如上堂咁完整，但對初學者已經會有一定幫助。

至於創業有關的書，都可以考慮。但因為現時真係好忙，所以重心暫時只能放係股票上。未來有時間時，都可以考慮下。

------------------------------------------------

Q22191：

老師你好，我最近發現屋企人原來買咗幾隻水泥股，都唔少貨，現在蝕咗好多，想請教下應該點算，thanks

- 2233(買入價：1.32）
- 1313 （買入價：9.xx)
- 743(買入價：7.xx)

龔成老師︰

西部水泥（2233）主要在中國陝西省從事水泥生產，以「堯柏」及「堯柏水泥」商標銷售，主要用於建設高速公路、橋樑、鐵路及道路等基建項目以及住宅樓宇。

業務不過不失，雖然都有d質素，但不算好強，產品價格自主能力不高，賺錢能力不算強。可以視為收息股。這類股唔建議太大注投資。

華潤水泥控股（1313）本身有質素的，不過業務就較有波動，佢過往的盈利數據上落都大，因此股價的變大亦會較大。

佢之前公布的中期業績，業務有回落情況。長遠計，房屋、基建發展等因素，都會利好水泥股。因此長遠是正面，現價合理，但就要留意股價上落會較大，自己要注碼上控制。

亞洲水泥（0743）質素只是一般。

佢母公司亞洲水泥集團於台灣成立，並於台灣證券交易所上市。而佢的水泥及預拌混凝土產品主要於上海市和江西、湖北、四川、浙江、安徽及福建省，以「洋房」品牌出售。

這企業的主要生產設施位於江西省、四川省及湖北省。於上海、四川省、湖北省、江蘇省及江西省亦有混凝土配料廠，可生產混凝土供應鄰近的用戶。

佢擁有及經營鄰近主要生產設施的石灰石礦場，供應集團生產熟料所需的全部石灰石。過往都有發展的，但盈利波動大，佢的賺錢能力較被動，整體質素只是一般。

這幾隻水泥股，係有投資價值，只係你買入價有少少高，又唔算好高。

但較大問題係佢地質素上，不宜持有過多。再加上組合太集中係水泥行業，令過度集中性風險增加(個別行業不宜佔組合30%以上)。

因此，你要進行減持，將部份持股，換碼至其他行業優質股，去令個組合回復平衡。

------------------------------------------------

Q22192：

龔成老師，您好。一直都好想報你的班，但係因工作時常出場，現在因為疫情更加被隔離在外不能回港。請問，有無機會有網上課程？

覺得港股越來越難玩，現在手上有 2039, 2866, 6666, 1810, 除了1810睇過老師介紹，

其他的股票越揸越無信心，唔知係咪優質股，睇PE又唔覺得貴，在想應該呢刻止賺或長揸。

龔成老師︰

我同天窗出版社，合作開辦左一個網上課程，題目是關於「資產配置」的，即是講述各種資產與投資工具的特性、投資價值、在財富組合中的角色，至於股票內容就唔算多。你有興趣可睇睇：

http://bit.ly/3pP252j

課程按「人生階段」、「財富累積」、「資產特徵」設計，更有給年輕人、已婚人士、退休人士的精明理財建議。

完成課程後，你會學到：

✓財富系統概念，不再被炒差價的框框束縛；
✓股票、基金、債券、的士牌等資產的運用和買賣技巧；
✓懂得分辨資產質素和平貴，在最合適的時機買賣；
✓如何以最低的價錢，買到最具升值潛力的物業
✓致富3部曲，如何從當下這刻開始啟動！

至於股票班，由於內容太重要，只有實體班，唔會開網上課程。

因為之前實體股票班試過比人偷拍，之後放左上網賣，最後要搞到報海關先處理到，好煩。所以，網上類的教學，都好擔心有偷拍問題，風險太高，因為好多課堂內容，都唔想太公開，只想自己學生知，所以暫時都唔會搞。

近期環球經濟因素、疫情、中央近期政策等，都令最近市場比較波動。但我地唔好因為咁，就比市場氣氛影響左自己判斷。

我地持有一隻股票與否，都係要集中睇翻佢本身有無質素，唔好被個股價波動，影響左你左決定。

但留意，市盈率只係其中一個估值方法，未必適合所有企業。而且各個行業，市盈率的合理值，都會有所不同，唔可以用市盈率低，就判斷係唔貴。

我地仲要考慮埋企業本身質素，有時市盈率太低，反而未必係好事，可能係反映緊市場覺得這股票，係無投資價值。

中集集團(2039)和中遠海發（2866）投資價值都有，但唔算好高。若持貨較多，可以沽少少，去平衡風險。

恒大物業（6666）有質素，有長線投資價值。

佢係物業管理服務運營商，佢係中國物業服務百強企業中，以項目所覆蓋城市數目計，佢排名第二，如果以總收入、總毛利及總淨利潤計，排名第三。

類別為中高端住宅物業、寫字樓及商用物業，並已訂約管理其他物業類型如主題樂園、產業園、康養項目、特色小鎮及學校等。

佢絕大部分物業管理服務收入，來自集團控股股東恒大集（3333）所開發物業提供的服務，長線發展正面，可長線持有。。

小米(1810)都係一隻有質素的潛力股，你可以持有。

------------------------------------------------

Q22193：

老師，你好。想請教一下，24歲開始月供2800 快一年，每月$1000，今年增加供款2800 $3000,另加多一隻1177月供$1000 。

如果一直這樣供到50歲(供26年)，會有幾多錢呢？

龔成老師︰

我假設投資回報有10%（連股息再投資），你每月投資$4000，26年後大約會增值至520萬。

你24歲還很年青，你要把握好年青這個優勢，去盡力投資，加大複息效應。每月投資資金，最好係可以等同收入一半，咁就會較理想。

另外，我地投資會運用「先增值，後現金流」作方法，初期應投資較多增值類資產，較後期則應投資較多保守類項目。所以係分配投資項目時，會因應番你的人生階段。

你現時係年青，可以集中係「平穩增值股」+「潛力股」。到你接近中年時，就慢慢集中翻係"平穏增長股"。到你近退休之年，就應集中在「收息股」，去創造平穏現金流。你可以睇翻自已年紀，去作出配置。

所以，你唔好諗住一個組合供到老。以下是一些相關股票，供你參考。

潛力股︰、中生(1177)、福壽園(1448)、安碩恒生科技(3067)、港交所(0388)、阿里（9988）、騰訊（0700）、舜宇光學（2382）、小米（1810）、ＧＸ中國電車基金（2845）、三星FANG ETF（2814）

平穏增值股︰港鐵（0066）、金沙（1928）、煤氣(0003)、恆基（0012）、中銀香港（2388）、長建（1038）、粵海(0270)、領展(0823)、希慎(0014)、太古地產(1972)

收息股︰港燈（2638）、香港電訊（6823）、工行（1398）、恆生（0011）、置富（0778）、陽光（0435）、深高速（0548)。收息基金(3110)，都可以。

由於現時大市只在合理區，每月儲蓄唔好盡用，要留翻一半，等大市出現一定程度的下跌，才大力度掃貨，然後長線投資。

------------------------------------------------

Q22194：

本人30歲，每月收入4萬，現持10萬現金

以下持股比例想老師幫我分析一下：

收息股（水桶3, 總投資11萬）：
$70.25買（0005）匯豐1600股

平穩增值（水桶2,總投資12萬）：
$52買（66）港鐵500股，
$92買（823）領展500股，
$27.66（2800）盈富1436股，
$4.94買（3662）奧園健康2000股,

潛力股（水桶1，總投資10. 6萬）：
$6.78買（1448）福壽園1000股,
$1. 12買（788）中國鐵塔26000股，
$2. 1買（6068）睿見教育12000股，
$2.16買（1337）雷蛇9000股，
$0. 54買（860）力世紀48000股，

問題1：想問持股比例適合我嗎？同公司質素有冇問題？有部份股票都坐緊艇，有冇邊隻股係應該賣掉轉其他？

問題2：想再買入潛力股，老師最近有否推薦新的潛力股？

問題3：力世紀（860），見佢先前從事珠寶業，近年轉型做豪華電動跑車，覺得佢管理層都正面，佢收購左Apollo 條生產線，德國汽車工程服務外包提供商ideenion,

亦同上海金橋簽訂合作協議，並於今年下半年推出原型車型，可見佢唔係得個講字，而佢既股東陣容亦有雅居樂9％,李家誠9. 25 %,

與李氏關連的維港投資6.3%, TOM集團1. 9%支持，覺得亦有加分。睇過佢既現金流亦強勁，近期股價落至$0. 4, 想增持多40000股，是否有值博率？

佢已經轉型發展電動車，但有d網頁依然會將佢同六福，周大福等既珠寶業比較，其實點解？

問題4：上年與未婚妻聯名買入500萬私樓單位自住用，希望於8年內買入第2個私樓單位（預算約800萬），但感到十分困難，如果只靠投資股票，回報率要有多少才能使我買到第2個單位呢？

而方法係咪應該係儲夠首期，再將原本自住的單位甩名？再用單人名義購買新一單位，但單人又好難過到壓力測試，除非儲了3成或4成首期，感到十分迷妄，希望老師可以指點一下，感謝

龔成老師︰

1) 我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你30歲，應以增值為主，建議你用「平穏增長股」 + 「潛力股」作組合。收息股，就不宜持有太多。而且個別企業和行業，不要佔組合15%和30%以上，否則會有過度集中性風險。

因此，你應該減持部份匯控(0005)，至其他有增長力的優質股，長線會較有利。

另外，你唔好用個買入價，作為判斷股票質素指標。我地著眼點，應該係睇企業長線質素。如果係有質素，中短期帳面數字虧損，唔需要太在意。

睿見（6068）政策風險較高，要時小注係可以，但不建議再加注。

雷蛇（1337）有潛力，但本質好波動，同樣不宜持有太多。

力世紀（0860）好難分析佢價值，只能說投資風險唔細。

2) 潛力股暫時都係推介以下幾隻，但現時只有安碩恒生科技(3067)、ＧＸ中國電車基金（2845）、阿里（9988）、中生製藥（1177）、福壽園(1448)勉強算在合理區頂部，可分注入貨，其餘都略貴，想買就要等一等。

安碩恒生科技(3067)、比亞迪(1211)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園(1448)、ＧＸ中國電車基金（2845）、三星FANG ETF（2814）。

3) 力世紀（0860）佢一直處於虧損狀態，雖然已開始發展電動車，但只係好初期，未到賺錢階段。

現時主要盈利，都係來自珠寶產品及鐘錶分部。因此，坊間用佢同六福(0590)比較，都係合理。

最終新能車能否發展成功，都係未知之數，現時新能車方面估值，只係得個"估"字。整體而言，此股好難分析佢價值，加上佢過往有10送1之類動作，我對這類股票較有保留，投資風險唔細。

4) 我比較建議你甩名，因為可以變回首置，從而節省15%印花稅。但壓力測試會較難過，你要預留較多首期資金。

至於股票投資回報，你預10-15%左右，只要你係投資一些有質素的增長股，長線要做到這個回報率，係合理。

建議你用「平穏增長股」 + 「潛力股」作組合，去創造一個增值平台。

策略上，你現在你每月先用5成儲蓄做月供。其餘先儲起，用一邊月供一邊儲蓄的策略。

至於餘下的現金和現有10萬，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

我假設投資回報有10%（連股息再投資），你每月投資$15000 + 現有資產43萬(股票+現金)，8年後大約會增值至300萬。

你可以用這個結果作為參考，去計劃你每月供款金額和投資計劃。

------------------------------------------------

Q22195：

你好， 本人35歲，已婚，家庭月入3萬5至4萬，與家人同住，需供養4大長老，每月基本開支+2夫婦保險約3萬5，每月可儲蓄金額約5千，現有約15萬股票+15萬現金

完全唔識投資 ，朋友教我買入匯豐嘗試下投資。2019年第一次投資入0005，好快就跌咗4成，有入多一手溝貨平衡成本

幾個月前開始睇你嘅facebook及剛剛開始建倉

現有投資分佈：（平均入手價）
0005：800股 （49.35）
1310：1500股 （9.34）
0636：500股 （23.35）
0823：200股 （76.15）
0066：1000股 （43.8）
ibond : 3手（2024到期）

明白投資應該要分散風險，我想問下我現在剛剛建嘅呢個倉，比例可以嗎？

同類行業不超過30%，單一股票不超過15%， 想問下係咪用金額去計？

因四大長老，只有二人有工作，但即將步入退休之年，家庭開支將會進一步擴大，現在想儲多一點現金以備不時之需。我們能承受的風險不高，短期一年內暫不考慮月供股票

但如果手頭鬆動可能會考慮在大市調整時分注購入平穩增長的股票

請問下領展，港交所及港鐵適合我們投資嗎？ 到我們儲多一點現金後打算月供或分注購入

謝謝回覆及解答

龔成老師︰

我地配置一個組合，除了因應人生階段外，都要考慮到平衡性。同類行業不超過30%，單一股票不超過15%，是一個幫你達至平衡性的參考指標。

我地係會用當時市價，去計算比重。由於股價係會有波動，所以差少少都係可以接受。

以你現時35歲年紀，應以增值為主。匯控(0005)和香港寬頻(1310)有質素，但佢地係收息股，主要收下息，增長力唔會明顯。你可以沽少少，換至較有增長力股票。

而IBOND係收息產品，比較適合退休人士。建議你沽出，贖回資金作其他投資。其餘持股都適合你，可長線持有。

現時大市只在合理區，15萬現金用來等大跌市機會。而沽出部份收息股和IBOND資金，可以換碼至以下股票。

但潛力股增長潛力大，但風險會較高，你要自己平衡。以你年紀，最多可以佔5成。但由於你現時經驗較淺，最多佔3成好了。

平穏增長股︰金沙（1928）、恆基（0012）、平安(2318)、中銀（2388）、港鐵（0066）、長建(1038)、領展(0823)

潛力股︰安碩恒生科技(3067)、比亞迪(1211)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園(1448)、ＧＸ中國電車基金（2845）、三星FANG ETF（2814）。

現時只有安碩恒生科技(3067)、ＧＸ中國電車基金（2845）、阿里（9988）、中生製藥（1177）、福壽園(1448)勉強算在合理區頂部，可分注入貨，其餘都略貴，想買就要等一等。

未來當你每月有較多空閒資金時，你都可以利用上述股票，作為月供目標，去進行財富增值。

------------------------------------------------

Q22196：

龔sir你好~本人近年才真正認真學習投資,增加知識, 同時近日在重新審視自己倉位/思考手上股票該如何部署. 其中2個問題有少少想不通,想向你請教

1.現時雖處於牛市階段, 但近日恆指走勢向下,再加上內地制定反壟斷政策/不同監管政策, 不利消息令新經濟股價下跌 ;

是否可視為趁低吸納機會,待企業適應這些政策後繼續增長? 我們可以如何理解現時市況&進行出入市部署?

2.當股市進入跌市階段時,是否有需要將資金進行調配, eg.由之前增長較高既股票轉到房地產/公用股當中? 抑或其實可以照樣保留現有股票,

同時靜待一些企業股價回落到合理/便宜位置時,再進行入市?

謝謝你!

龔成老師︰

1) 大市水平，係我地入市與否的其中一個參考。但更重要係睇企業本身，佢股價是處於什麼水平，才去決定入市。

近期中央政府，不斷推出一些反壟斷政策和監管，令很大大型企業股價受壓。現時不少由過往略貴，回至較合理水平。

表面上，因為咁樣出現左入市機會。但我地都要了解翻，這些政策對這些企業，有無造成長遠影響。如果有，我地估值可能要進一步調整，或者控制注碼，去平衡風險。

2) 當大市下跌，估值好似平時，我地就會加大持股比重，投入更多資金，去買入優質股。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

不論大市在高定低位，都不會影響我們投資選項。市場平貴，純粹只會影響我們入市策略(即現金和持股比例)。但所投資的股票類別，係因應人生階段，所以係不變的。

只要現時持有股票，係適合你年紀，而長線質素又無變壞，就算跌市，你都應該一直持有。

至於入市時機，我地唔會等到佢平，先至開始入貨。因為我地唔會知，這些優質股，係唔係一定有機會，回到平宜水平。

因此，我地會因應自已資金多少，去分成多注咁入貨。係合理區頂，只會小注。回到合理，開始慢慢加大力度。到平宜區，才大力掃貨。

咁就可以平衡價值波動風險之餘，又不會出現完全入唔到貨的情況。

------------------------------------------------

Q22197：

成sir. 之前見你對40歲少股票，多現金的見解，實在擊中心房。

本人已48，冇樓，只是揸住200萬現金，有感樓及股都實實在太貴，故過去一直等跌市，結果錯哂。

求見解未來在房及股怎樣做打算比較好？現在應買樓嗎？同埋建一個約100萬的倉應怎規劃？實在困惑無比。希望賜教，謝謝！

龔成老師︰

由於香港樓房屋供應失衡，相信長線維持上升，機會係會較大。

而是否買樓，從投資角度，而時租金回報率不高，應先投資優質股會較好。但若從自住角度，只要物業係附合你長線生活需要，而你長線又＂供得起"，咁置業都無問題。

至於投資優質股方面，你可以投資優質，平穏增長股，作為投資目標。現價在合理水平，你可以將100萬分成多注，可慢慢入貨(唔好一次過去入貨)。

餘下100萬就等大跌市出現，才出手掃貨。或者此期間，你物悉到合適的自住樓，你就用來做置業基金，都係可以。

------------------------------------------------

Q22198：

龔老師你好，follow了你大半年，零經驗的我都好同意你長線持有嘅說法。

今年26歲，每月可儲$10000，最近都想入手,盈富，港鐵，領展，請問咩位入係最好的？如何分配？有什麼要注意， 謝謝～

龔成老師︰

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你26歲，應以增值為主。盈富(2800)、港鐵(0066)、領展(0823)都適合你，建議你以盈富作主力。

但你現時無投資知識和經驗，對企業估值，點去定平貴未必會太了解。所以你先利用月供模式(暫時唔好自行定平貴入貨)，去做增值，可以減低買貴貨風險，對你而言會較理想。

現在你每月先用5成儲蓄，即$5000做月供。其餘先儲起，用一邊月供一邊儲蓄的策略。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

由於你係較年青，長線可以加入一些潛力股，去增升組合增長力。以下都是一些有質素的潛力股，你可以參考下。

潛力股︰中生(1177)、福壽園(1448)、小米(1810)、安碩恒生科技(3067)、港交所(0388)、舜宇光學（2382）、阿里（9988）、騰訊（0700）、ＧＸ中國電車基金（2845）、三星FANG ETF（2814）。

------------------------------------------------

Q22199：

丫sir 唔好意思又麻煩你，我想為隻（1558）東陽光藥估值 ，但發覺現時醫藥行業股既pe 都好高，我試將市值由高至小，

pe 唔過50既6隻股票做一個平均數得出黎係31pe 請問呢個數據可相性高嗎？

另外我拎1558 （東陽光藥）5年平均pe 為25.6 ，最有代表性既eps 為1.18，但佢係20年發紅股1送1 令佢pe 大減 ，

所以我將佢平均pe 減半變成12.8 同時都將行業pe 減半變15.5。

估計合理pe 約12.8-15.5倍估算合理價為12.8x1.18-15.5x1.18

15-18加多10%緩衝=13.5-20

我計得啱唔啱。唔該丫sir

定我應該再減半多次 變成6.75-10呢個先係佢合埋價

龔成老師︰

你計算的基礎，基本上係正確。但數字判斷方法，有些地方係要修正。

首先，現時很多醫藥相關企業，好多都被炒到好貴，所以PE都偏高。加上這些企業，上市時間唔算長，參考價值會被打折扣。

行業本身係有發展潛力，但一般需要較長時間去投資。東陽光藥（1558）本身係有質素，但佢收入較集中在磷酸奧司他韋，考慮到專利到期時，會對佢造成不利等問題。

BOC網中每股盈利，已經考慮了這個1送1影響，所以你計算每股盈利時，唔洗再調整。

至於佢PE大跌，唔係因為1送1紅股。發送紅股，每股盈利和股價係會同時下調，因此唔會影響到PE。

你記翻上堂教你的PE架公式，係市價/每股盈利。即係PE大跌，主要原因應該來自股價大跌，或/和每股盈利上升所致。

於在2020年，受新型冠狀病毒肺炎疫情影響，中國國內人口流動性降低，醫院的診療活動數量、處方量及藥品銷量也隨之下降，因此集團收入有較大下滑。

因此，好明顯不是後者，而是因為前者，即股價大跌所造成。

由於這個是一次性問題，相信唔會長線影響企業，係我地計算每股盈利時，應排除2020年數字會較好。用過往4年平均，約為HKD1.276。

係估算合理PE時，因應企業產品種類、發展潛力和未來面對風險，我地要向下調，你預大約6-10倍。合理價，大約HKD7.7-12.8。

東陽光藥（1558）不是零質素，但業務有少少轉弱，加上業務都有少少風險。雖然現價係吸引，但某程度都係反映市場對佢睇法較淡。

因此，此股係可以投資，但唔可以太大注。

------------------------------------------------

Q22200：

想問下網上有講按揭存款掛鈎戶口可代替交息的概念？ 但睇左唔係太明, 想請教下你, thanks.

想問下如果自住的話, 其實青衣(藍澄灣/ 海欣花園)或者深井(浪翠園/碧提半島) 呢2區作為選擇，請問老師有咩建議? 覺得邊區會好D & 升值潛力好D呢?

唔好意思呀, 突然問幾條問題, 知道你好忙, 但仍細心解答我既問題, 萬分感謝!

龔成老師︰

其實簡單咁講，就係你可以存一筆錢落去個戶口，佢派息金額係足以和你按揭利息支出，作對沖。

但佢會限你存款金額，會係等同你按揭的一個百分比。至於多少，你可以問翻銀行。

從投資角度，青衣(藍澄灣/ 海欣花園)會係較好，始終交通較便利和較近市區。

但這是你自住樓，你要考慮埋你長線生活需要，你要諗佢地配唔配合到未來5-20年生活。若然係可以，又供得起的話，置業係無問題。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

[葉郎公告]

感謝各位讀者長期以來不離不棄停留在這個頁面閱讀，並忍受有社交障礙的老闆的低度互動能力。連寫這一篇公告都讓我有點全身不自在。

是這樣的，老闆有個正在醞釀的寫作計畫（暫名《錄影帶生與死》）需要大家幫個小忙。因為條目準備了將近一年，題材越來越多、題目越來越發散。希望借用各位讀者三分鐘時間，勾選幾道題目幫我聚焦一下。預計合作的寫作平台方格子也列了幾題問卷題目想要稍微了解一下你們的樣貌。

有勞各位了（拱手）！

問卷由此去：

【東奧64真相：Tokyo Olympiad (東京オリンピック)】

今晚東京時間八時（香港七時）舉行東京奧運揭幕禮，與之前歐國盃一樣，在這個像被疫情停頓了般的世界時空，名義上仍稱2020年東奧，世人卻身處2021年，與其自欺說是new normal，實是有種身不由己，失去自由的感覺。至今晚還有半天，介紹大家趁這幾小時上網觀看這部當年東奧特別找名導演市川崑拍攝的官方紀錄片，get in the mood 吧！

市川崑固然是上世紀日本最著名導演之一，但據說日本奧委會當時首選導演是黑澤明，不過，黑澤大導要求完全百分百創作自由，東奧委會怕了，找了市川崑，不過市川大導「俾面」都只是多些少，畢竟他自己成名作品中不乏爭議題目之作，這次亦不是為了拍一部歌功頌德、集中勝利者的祝賀式紀錄片，而是從人性角度，把這「東奧64真相」，呈現出來。

結果，紀錄片得到一致讚賞，甚至被後世列為「1001部一生必看電影」[1] 中少數紀錄片之一，不過，多年來亦曾被剪輯為多個不同版本，有些cut了幾乎一半，當中最方便大家今天找來看的，可以在奧委網站的原裝超過2小時45分鐘的原日文版，或在YouTube官方奧運頻道上的英文2小時版本。我推介日文版，原汁原味但數碼修復，有多國語言字幕，而英文版除了cut短，旁述似乎亦被簡化，略去不少。

日文版：https://olympics.com/en/video/tokyo-1964-official-film
英文版：https://www.youtube.com/watch?v=WHt0eAdCCns

市川大導從片中第一個shot，已經有他的話兒要說。好一個白色太陽在一個紅色背景上，似是代表日本「日出之國」，但顏色卻把日本國旗反轉了，鏡頭一轉，變成一個黑色大鐵球wrecking ball，把一棟一棟的舊建築物破壞、擊毀、拆除，片中最先出現的人，不是奧委會主席，不是日皇，不是運動員，是一個表情茫然的建築工人。當鏡頭一直破壞，旁白卻「正經」而且抽離地，逐一讀出每屆奧運會主辦城市的名字。

這短短一幕，令我不禁想起之前為大家介紹過的柳美里作品 《JR上野駅公園口》(Yu Miri: "Tokyo Ueno Station") [2] ，這本呼應1964和2020東京奧運會，描寫弱勢社群的小說。

鏡頭再轉，全球聖火傳遞由希臘雅典開始，片段包括途經香港，而當聖火在飛機上飛向日本第一站的廣島，首個影像就是廣島原爆圓頂樓（廣島原爆ドーム，Genbaku Dōmu），也許是表達和平、反戰，和重生？

當年的奧運會，原來是在「雙十」十月十日當地下午二時舉行開幕禮，是十月，而非現在的夏季奧運會的七、八月。下午二時，也許是因為晚上燈光照明未及現在高明，要在天黑前完成典禮吧，而當年電視尚未普及，而奧運一向亦不特別遷就美國主要電視直播市場的時區，事關日本下午二時，北美東岸是半夜一點。不過今年的日本晚上八時，香港固然方便，對歐洲時區還好，美國東岸卻是早上七時，西岸更是半夜四時，不利收視了。

從片中看到開幕禮出場運動員的衣服設計，蠻是有趣，因為多數西方國家的女子制服，很像當年的航空公司空姐啊！而當年仍以歐美國家代表團人數最多，普遍都是白人面孔，一些非洲國家代表團只得幾個人，但有趣的是，東、西德原來早已聯合參賽（雖然德國在1990年才真正統一），這早已忘記了（冷知識，原來德國聯隊協調用上的「國歌」是貝多芬第九交響樂！）；另外，鏡頭出現「台灣」數十人代表團（英文卻是ROC），還有「南越」（不是越南）和南韓（可惜卻沒有播出北韓當年首次參加奧運代表的片段）。當年祖國和黨還在忙別的事情，沒有參加，可以理解。

再想今晚的開幕禮，人數因疫情將大幅減少，實在可惜。

奧運是運動會，紀錄片當然花最多的時間和片段介紹各項比賽，而佔最多篇幅的，不意外是田徑部分。男子100米美國選手以十秒正完成，平了世界紀錄；英國美少女選手Ann Packer意外地在最後段後來居上勝出800米跑，過終點後直衝向她的未婚夫兼隊長擁抱親吻（兩人今天已八十歲）....日文版的確比較原汁，片段較完整，包括多些選手受傷和落敗者的片段，應該也是導演原意。十月天時，有些項目要在雨中比賽，只得攝氏十多度，而導演在鏈球雨中比賽用上黑白菲林拍攝，捕捉獨特氣氛。導演後段在拳擊部分亦用上黑白菲林，像後來馬田史高西斯的經典拳擊電影《狂牛》，也許是英雄所見略同吧！

田徑後有體操項目，當年仍是白人選手為主，亞洲體操運動員中，除了日本男子隊，尚未上位，就是游泳項目片段中，還是美國代表為首，而當澳洲選手勝出時，當年播出的國歌，仍是採用英國國歌「個個揸住個兜」。其他出現的賽事片段，還有舉重、摔角、劍擊、射擊、馬術、足球、曲棍球、籃球、水球、划艇、風帆、競步等。

此外，較特別的還有穿過美麗日本郊外田野的公路單車賽，和男子柔道決賽，6'5"的荷蘭選手擊敗了「細一個碼」5'9"的日本選手，在日本柔道主場擊敗日本選手，固具特別意義，但這位荷蘭冠軍獲勝後仍保持頭腦清醒，鏡頭見他走向場邊揮手示意，原來是叫隊友們守日本規矩，不要踩上柔道蓆慶祝，以示尊敬，可敬。

不知道是否導演總有點偏心，播出美國選手勝出的最多，雖然他們當時亦是獎牌榜之首，但實在比第二位的蘇聯出鏡多太多，美國國歌也播多很多次了。日本當年在獎牌榜排第三，以主辦國而言導演主要只在體操等對他們落墨較多，另外就是首次成為奧運項目的女排決賽，日本對蘇聯，當然是瘋魔一時的東洋魔女最後勝出！

導演最後花上較多時間在最後的比賽項目，當然是馬拉松！那個閉幕前又熱又潮濕的下午，跑手經過橋底時，頭上還有火車經過，而萬人空巷的東京街頭，不乏分別身穿小黑帽和水手服的制服男女中學生，看得有趣。而在比賽部分，導演特別描繪不支退出比賽的選手的失望和痛苦、落敗選手在完成後脫下跑鞋的傷勢。

紀錄片中段有一段關於非洲小國乍得（Chad）選手的特寫，是日本版才有，在英文版被剪走的部分。喜歡電影的，欣賞本片時會留意導演拍攝手法的流暢、取鏡角度的多元、配樂的細緻、氣氛的掌握，他應該在have fun，我們觀眾也enjoy！

最終，一如傳統，閉幕禮各國選手「撈亂」進場，可惜今屆又是因為疫情可能只找些代表算了。本片中，紅日落下，1964年的選手閉幕派對，銀幕打出SAYONARA，天上煙火，奧運火焰熄滅，好樣我們預先重溫這今屆可能將會的失落。

結束前，導演分享了以下詩句：

（英文版）
"Night,
And the fire returns to the sun
For humans dream thus only once
Is it then enough for us
This infrequent, created peace?" （英文有點怪）

（日文版中的英文字幕）
"The sacred flame returns
Humans share a dream every four year
Is it enough for this peace
To be merely a dream?"

（我嘗試綜合翻譯）
「晚上，
聖火回歸太陽
人們四年才一次同夢
這和平足夠嗎？
還是不過一場夢？」

最後一個shot，是個空空如也的場館，場中剩下最後一人的工作人員。市川大導，最後都要玩一玩嘢，幽奧委會一默。

最後一提，今屆東奧找了近年多部傑出作品的女導演河瀨直美（《甜味人間》、《光》、《晨曦將至》等）執導2020東奧的紀錄片，珠玉在前，但要表達這沒有觀眾的奧運，又要反映疫情下的困境、無助、希望、重生，挑戰極大，亦令人格外預望！

#TokyoOlympiad #東京オリンピック #市川崑
#東奧1964 #東奧2020
#光影評 #影評 #電影 #電影介紹

Note：
[1] https://en.wikipedia.org/wiki/1001_Movies_You_Must_See_Before_You_Die
[2] https://www.facebook.com/CharlesMokOffice/posts/348050616677454

本頻道首次的知識王挑戰!
這次特別準備了許多常識以及冷知識的題目
究竟誰是一起上學吧2020年度知識王呢?
誰又是最幸運的千元紅包大獎得主呢!!
一起上學吧！祝大家新年快樂🥰

💘💘一起上學吧IG追起來►►schoolgogogo💘💘
==================================
張灝IG ►►@https://pse.is/G9XC7
餅乾IG ►►@https://pse.is/GKG75
千惠IG ►►@https://ppt.cc/fxsVCx
泰菈IG ►►@https://ppt.cc/fpbEQx
紫柔IG ►►@https://bit.ly/34PBAlo
浩文IG ►►@https://ppt.cc/fQDZbx
建文IG ►►@https://ppt.cc/fmhiSx
官方FB►►@https://pse.is/F3DUM
==================================
【工作拍攝聯絡信箱：squall90022@fd.media 】

#校園#知識王#金頭腦

#陳自瑤 #yoyochen #陳自瑤youtube
hello大家好我係Tsar, Yoyo 陳自瑤尋日已經開咗自己嘅Youtube頻道啦

反應非常之成功, 短短半日嘅時間已經過萬個訂閱

影片衝破40000 view數, 對於一個新進嘅youtuber嚟講簡直係一個好好成績

喺藝人當中直情係一個創舉,

15分鐘嘅影片，除咗講「最喜愛角色」、「凍齡」之外，亦有提到囡囡喬喬，陳自瑤表示暫時無意分享太多同女兒嘅生活日常，而之前喬喬之所以出現喺抖音，係因為女兒用自己手機出現抖音後，錯誤上載，完全係誤會一場，陳自瑤表示：「我都想小朋友專注喺自己學業多啲，同埋希望佢可以同普通小朋友一樣，唔希望將注意力集中喺佢身上。」之後陳自瑤又有提到「覺得20、30歲有咩唔同?」，她說自己20歲時比較傻，完全唔知自己做咩，到30歲時結婚生小朋友、學習做媽媽。「到39+1，我覺得你會更清楚了解自己想要咩，同埋應該點行。」陳自瑤又話最喜歡現階段嘅自己，原因係成熟了、清楚知道自己想要什麼。雖然YoYo指呢11條問題係觀眾最想知道嘅問題，但係好多花生友都想聽佢婚姻狀況。咪傻啦你哋 ，識玩梗係唔講啦 。講咗就冇神秘感 ，網民就唔會追看落去吖嘛 。


我本人阿沙係佢嘅鐵粉

自從喺那些我愛過的人開始鍾意睇佢, 留意佢嘅ig

直到萬千星輝頒獎典禮嗰一刻,覺得佢嘅表現非常表露真我個性

繼而成為城中熱話, 佢亦都好聰明,能夠承住呢個細,

繼續發展佢嘅社交平台, 喺ig頻頻出相片, 開抖音, 而家仲開埋youtube

正所謂有智慧不如趁勢, 希望佢一路有新搞作,

等我哋啲鐵粉呀花生友呀有多個茶餘飯後嘅話題

而且到目前為止, 佢嘅形像都係非常正面嘅

由於我係一路有研究子平八字嘅, 咁我就開咗佢㗎八字嚟睇過

以下就係根據佢八字喜用神 ,建議佢將個youtube頻道建立佢嘅個人聲望

昨為一個女人當自強嘅典範.

第一個建議, 我開咗佢嘅八字, 佢五行係需要木火,呢樣嘢佢自己都知

所以佢嘅畫面係你用呢個粉紅色,或者成日著紅色衫,紫色都啱佢嘅

綠色都啱佢,因為五行所以要木火吖嘛,但係如果著綠色喺神唔係咁容易襯到

所以建議佢下次如果再用呢個粉色做影片嘅主色,不妨可以擺科植物喺側邊

一來可以木火交往自己嘅人氣,才可以豐富畫面色調,播花最好擺喺左下角

因為youtube喺個Thumbnail 右下角會出現嘅時間, 如果培花擺喺右下角會遮住嗰盤發影響個視角 , 買咗等於冇擺

點解Thumbnail咁重要呢, 因為Thumbnail嘅構圖原本唔係想click入去睇你嗰啲片

但係如果佢哋喺youtube搜索或者推薦你影片嘅時候, 會畀你Thumbnail嘅構圖所吸引而click入去睇嘅

第二個建議 , 城中熱話, 佢自己未必可以日後每次都係能夠成為城中熱話, 咁你就要藉助當時你想出片之前嗰日, 究竟當時最熱門, 最多人談論嘅話題 , 而家年近歲晚 , 而且木亦都係佢嘅五行所喜 用神 , 建議佢落去花墟買花 ,同埋阿蓮師奶一齊落去, 一陣我話畀你聽點解,可以係桃花 ,可以係水仙,可以係其他劍蘭呀牡丹呀
買完之後返屋企插花畀人哋睇 ,呢啲舊熱門 ,標題可以教人哋點樣增旺人緣桃花 ,雖然佢結咗婚 ,唔通你叫佢再教人溝仔咩 ,但係無論佢自己做演員,又或者網友打工做生意都需要人員㗎嘛 ,咁你咪可以講下點樣揀桃花 ,返屋企點樣擺設插花水先係咪單一件難咁 ,因為好好利用你嘅五行木 ,坐旺你自己又話 ,而家佢啱啱youtube開台,觀眾群眾可以更加吸納嘅,有啲觀眾未必鍾意睇娛樂八卦新聞,但係如果佢可以分享呢啲冷知識,好多佢嘅觀眾係媽咪啦,少女知道中年女性都會喜歡睇佢嘅youtube頻道嘅,我相信女性嘅比例同男性嘅比例大約係73比例啦,女觀眾佔七成 .

第三個建議 , 賀年食品 ,落街市買餸 ,之後返屋企煮 ,因為佢嘅五行所需材咗木之外就係火 ,可以做下同煮食有關嘅火五行有關嘅影片,佢應該係有工人姐姐嘅,如果真係有工人嘅話, 你可以講下點樣同工人相處得好嘅經驗,同大家分享, 點解呢, 一來佢而家仲係無線合約嘅藝員, 二嚟佢亦都係仲係阿王浩信嘅另一半身份,好多嘢又禁忌係唔講得嘅,所以如果講同工人姐姐嘅相處其實都係會令到觀眾好咁嘅

第四個建議,由於佢嘅用神係木火,Yoyo八字裏面佢個女並唔係佢用神,千祈唔好畀個女出鏡咁多,即使佢可能會引起你一時嘅觀眾喜歡,但係長此落去會影響到佢個女嘅成長嘅,加上佢個女喺佢嘅八字裏面唔係幫到佢,如果唔係咁幫到你嘅話你就要靠自己,千祈唔好犧牲你個女嘅成長,耐唔耐出少少見就ok㗎喇, 但係你絕對可以自己單拖港同你個女相處嘅嘢 ,小朋友嘅成長應該睇邊一類型嘅書呢 ,你同囡囡點樣相處呀 ,你會同囡囡喺佢臨瞓之前會讀啲咩故事書畀佢聽呀 ,你個女考幼稚園考小學嘅時候,作為父母要經歷啲咩心路歷程呀,講下作為一個媽媽又要工作又要湊個女，分配時間嘅時間管理，呢啲係可以講少少自己嘅personal嘢,網友都鍾意聽,

第五個建議 ,千祈唔好講關於離婚嗰啲嘢 ,一定唔可以提王浩信 ,呢樣佢自己都會知道 ,因為而家佢咁人氣高因為啲人嘅心態覺得佢唔值 ,有少少年香惜玉 ,覺得糟蹋咗佢,如果王浩信或者其他芥蘭花江門米線嗰啲有新聞，都會關佢時，啲人好想睇你咩反應，唔畀反應都係一種表態，我仍然喺鏡頭活得比你好，激到你死。好似嗰晚人哋明明攞咗視後，都冇人報到佢，報導陳列芥蘭花都唔係好嘢，佢做嗰啲嘢你唔好做，佢好名牌你就唔好做嗰啲貪慕虛榮嘅港女，你可以講下自己點樣持家有道，一個女人仔，貴為明星呀，自己都係識得點樣你才嘅，咁樣呢就飲之都第六個建議啦

第六個建議，你講呢啲理財嘅影片，可以吸引保險公司銀行搵你做贊助做廣告。港囡囡有可以吸引啲親子嘅產品 ，講飲花茶養生保健嘅 ，有可以吸引到好多女性嘅產品。

睇youtube純粹用嚟畀廣告你呢其實又唔係賺好多錢嘅，能夠吸引到贊助商搵你嗰啲先至係真錢。而且唔好係唔係廣告都接，因為拍廣告係好花時間嘅，好多限制，影響你經營youtube嘅進度 。價錢要傾得實啲 ，你現時嘅人氣 ，冇返幾皮嘢一個廣告你都唔好接 。如果第時人氣再勁啲 ，我十萬一個廣告都ok ，再勁啲幾十萬都ok ，來夜方長 ，總之一定要keep住形象健康 , Sell下你健康嘅lifestyle, 做下瑜伽行下山，平時點樣護膚，食啲咩健康產品，點樣襯衫點樣買衫嘅，電視台有冇贊助，你鍾意聽咩類型嘅音樂，Jazz？Classical，Pop music，甚至乎港Opera都可以。講下你點樣入行嘅經過，講下你電視劇集拍片嘅趣事，大把贊助商等住你 ，分分鐘人哋將啲產品擺喺你嘅影片植入式廣告都有錢賺㗎 。

第七個建議 ，可以邀請的嘉賓 ，我睇咗佢現時生命中邊個係佢貴人呢 ？就係連詩雅啦 ，連詩雅個八字裏面好重木嘅 ，可以坐旺到yoyo嘅人氣 ，間中 一集搵阿shiga上去你個Youtube頻道，講下女仔之間嘅話題、女仔之間嘅友情呀，叫阿Shiga唱下歌呀，美國八字都黃牙連詩雅嘅，因為陳自瑤嘅巴士裏面有連詩雅所需要用神，連詩雅亦都有親戚所需要嘅用神，相得益彰，黃翠如都旺佢 ，係唔給連詩雅王得佢咁緊要 。可以搵一集同阿蓮師奶一齊著得健康性感一齊打摔角，視覺上好好睇，健康搞笑，有話題性。其實yoyo嘅八字係唔適合養狗嘅，如果佢隻狗anna仲喺度嘅時候，養到佢百年歸老就唔好再養狗啦，養貓係可以，因為舊嘅五行會合咗一個記新一局喺佢條命嗰度㗎，貓就會狀況佢嘅人氣
我都好旺你㗎 ，我八字都有好多你嘅用新㗎 ，多啲睇下我嘅影片呀 ，

第八個建議， 事先張揚 ，要好好利用傳媒 ，每次臨出影片之前，都有其他傳媒幫你宣傳幾時上載影片，先引起大家關注，在期待你嘅影片上載，你下一條影片就已經唔可以用有嘢宣佈你去作影片嘅宣傳呀 ，所以每次諗個題目都係要有啲故弄玄虛 ，有新意 ，畀人有一種期待感 。我真係建議你下一條影片講下點樣增旺桃花嘅 ，至於你係實在點樣做呢你自己對team幫到你㗎喇

第九個建議 ，最少一個星期出一條影片 ，要keep住個人氣 ，同埋要摸索 有景觀眾喜歡你啲乜嘢 ，要重視網友留言 ，知道個市場趨勢，廣告贊助商都會睇埋你嘅留言嘅。有人鍾意你都會有人唔鍾意你，梗係以你咁正面嘅eq、一定會處理得好好。 你做得youtube就一定會有hater,千祈唔好畀呢啲人影響到你嘅心情，因為可能對家西蘭花都有佢自己嘅網頁，王浩信身邊的女人都有佢自己嘅fans，都有機會嚟搞事嘅，最緊要你自己身體健康唔好俾人影響到，話曬你嘅youtube頻道都係sell正能量嘅

第十個建議，今年佢經營你嘅youtube頻道係咪好辛苦，因為始終都係一個新媒體，佢喺2022年任寅年，天合地衝，全部都係組合咗一個用神喜神魂，所以你而家辛苦經營一個頻道草人氣，去到年尾，如果你有份出現萬千星輝頒獎典禮，再次成為你人生一個高潮熱點，記得好好把握機會，2022年係你嘅世界，雖然嗰年係會沖，沖落佢嘅月處 ，但係隻老虎衝過嚟係沖走咗個技新嘅 ，所以係好事嚟嘅 ，我有一啲小小嘅轉變 ，或者經常要上內地做嘢 ，係好事嚟嘅 ，呢個八字相當容易睇 ，我相信佢亦都有高人指點㗎喇 ，咁我喺呢度預祝你快啲過十萬訂閱 ，成為香港娛樂界一個傳奇，女人當自強。




?合作邀約請洽
gold7778@gmail.com
https://www.instagram.com/gold7778t/

成為這個頻道的會員並獲得獎勵：
https://www.youtube.com/channel/UCIuNPxqDGG08p3EqCwY0XIg/join

請用片右下角調4K睇片。

第二屆飄識狀元盃Flowsophic Cup將在11月21日 (星期六) 8:00 - 9:00 PM於網上 (Zoom) 舉行！
??立即報名：https://flowsophic.com/event

?獎品：SCMP YoungPost DSE Booster 課程 (價值逾$1,000)、天仁禮券、誠品書券、飄識DSE筆記等等！
?留意最新動態：https://www.instagram.com/flowsophic/
?️加入Facebook群組：https://www.facebook.com/groups/flowclasshk

------

最近好多朋友問我，喂小編～，依家書又未溫曬，翻學又翻得好辛苦，到底應該點算好?

依家你只需要一部手機?或者一部電腦?️，只需要花1個步驟，係1個步驟！就可以立即報名參加【飄識狀元盃?】，輕鬆贏獎品?

我地會透過唔同嘅題目測試你對各科目嘅認識，題目有機會係黎自DSE，亦有機會係生活小知識，仲有錯題集功能，俾你睇翻自己有咩要改善
唔知係咩就快啲去story睇片啦~?

成績最好嘅三位同學會豐富獎品送比你? 另外，所有參加嘅同學都有機會贏得神秘禮物㗎?

報名方法好簡單：
1️⃣填寫我哋bio嘅google form，寫低你嘅姓名、年級同電郵地址
⭐完成後我哋就會將Zoom link傳送到你嘅電郵（名額有限，先到先得）

【許願池功能⛲✨】
歡迎大家響下面留言寫低自己想要咩獎品，將會適用於下屆狀元盃或者其他活動，記得叫朋友仔比 like❤️或者留言回應你嘅提議?，越多人鐘意你嘅提議，就會有越大機會被採用！！?

----------

歡迎各位聯絡，贊助飄識狀元盃！

?Instagram帳號: https://www.instagram.com/ffclassroom
?合作請洽: freezyflameff@gmail.com

------

?更多影片?

【中大生活Vlog】一人住宿Room Tour！執包袱Quit宿記：最多係酒？獨佔兩張床？| 中大游踪#2
https://www.youtube.com/watch?v=XmAiCGkHuPw&ab_channel=Ivan-FF%E6%95%99%E5%AE%A4

【DSE 7科5**】4分鐘速食 | DSE Chem化學#4: Chemical Structure 化學結構
https://youtu.be/9fgUJUQeJH0

【Chem 5**總結】DSE Chemistry：化學必熟實驗大全 + Concept攻略 (上集)
https://youtu.be/ibluv_ucoW0

【生活Vlog】Global Business學生的一天! | 中大宿舍Work from home? | 數碼港Present | 每天日程
https://www.youtube.com/watch?v=lOPQJrycAZE&t=122s&ab_channel=Ivan-FF%E6%95%99%E5%AE%A4

----------------

Royalty Free Music by Bensound (https://www.bensound.com/)
Royalty Free Music by Motion Array (https://motionarray.com/)

#問答比賽 #DSE #冷知識