- 抹茶火鍋 ($138) 雖然今年香港嘅冬天就實在不太冷❄️不過講到冬天又點少得火鍋呢🍲大坑嘅一間日系刨冰店就趁冬天🌬推出咗呢款冬季限定嘅抹茶火鍋🎄間刨冰店其實真係好細，去到個陣已經有三四個人所以佢就叫我哋坐「入面」➡️所謂嘅「入面」其實係後欄得張木枱仔嘅一個露天空間，隔離係擺滿晒雜物📦坐係個度抬頭就見到d冷氣機呀水渠咁🚰聽住d滴水聲真係好不安...過咗一陣真係有水滴落黎💦於是只好自行將張枱搬去近門口有瓦遮頭嘅地方⛱搬個陣仲要見到好大隻小強🐜環境相當惡劣😨 火鍋一到視缐成功轉移👀佢嘅火鍋料分別有紅豆，草莓🍓小丸子🍡蛋糕🍰香蕉🍌雪糕🍦同甘栗🌰 個火鍋食落抹茶同白朱古力味都好重🍵甜得黎帶d抹茶嘅香同苦🍃用蛋糕點個抹茶醬真係絕配💯食到抹茶味之餘又唔會蓋過蛋糕嘅蜂蜜味🍯雲尼拿雪唔會過甜🍨小丸子又夠煙韌☺其他食材都同個火鍋幾夾，除了草莓😂 雖然個環境就扣晒分👎🏻但係火鍋都幾好食，所以今次就當打和⚖️ . 地址📍 大坑施弼街27號地下 . #fooddoser_in_hongkong #fooddoser_in_taihang

連續兩晚錄vocal錄到四點幾 🐵 其實夜晚可以錄音已經好幸福啦 😈 夏天夜晚冷氣機加埋滴水聲根本錄唔到 我地隻碟成功在望架啦 @chinlui1223 23/10星期五夜晚會Facebook live 可以點下歌 不過要睇下謝芊蕾想唔想唱😅 #BestBefore #再見太陽 #新歌 #ChinluiTse #雷同二友工作室

（二十六）洗頭 細過去市政局公共泳池游水 (唔講邊個池喇，就黎夏天，大家都要去游水架嘛)，果時應該係黃昏六、七點到，打算游完返屋返食晚飯咁樣樣。 一路無乜野，扮完一輪方力申過後，累賴賴入去更衣室到沖涼。 果陣更衣室無人，有去過公眾泳池嘅朋友都知，沖涼果d位係一格格嘅，我入左尾二果格，咁就沖啦。 開水，照頭淋。 一pat洗頭水撻上頭，瞇埋眼，就洗喇。 突然，聽到出邊有把女人聲響到唱歌。 唱咩歌就聽唔到，淨係聽到好似係度哼緊d音咁。 我心諗，喂，清潔阿姐，有人呀，咪洗地住啦。 當時成頭都係皂液，仲瞇住隻眼，阿姐仲變本加厲，愈哼愈大聲，直頭好似行到入黎沖涼果位到咁。 我拿拿聲摔摔塊面，擘大眼，望出去。 淨係見到空空如也嘅一格格沖涼間。 …阿姐走左。 睇怕都係阿姐諗住入黎洗地，然後見到我沖緊涼個露了樣，唔好意思咁渣渣臨出返去。 果時我係咁諗。 無理會，再沖。 當我一瞇埋對眼再繼續向頭頂沖水果陣，我再次清楚聽到… 有把聲，係到唱歌。 而且距離我好近，好近。 近到…就好似企左響我個格出面咁。 而果種歌，d音係好舊好老土果種聲。 我唔想咁形容，但係黎到今時今日諗返，咁形容又真係好貼切。佢就好似放慢版唱江阿姐首果種感覺。 一個字一個字咁哼… 經．過．那．些．年． 尾音好長，好淒怨，好扭曲咁。 逐字逐字鄧出黎。 當然，exactly佢唱緊咩野詞，我真係聽唔到，只係大概比喻到你聽，當時果把聲就好似呢一種感覺。 哈哈，你可能話覺得笑左？ Ok 嘅，當你一個人係公眾浴室瞇埋眼洗頭果時，有d咁嘅聲係你好近嘅側邊傳過黎，唔係唱機，唔係手機，唔係其他泳客係隔離，你一擘大眼，乜人都無，完全寂靜一片，靜到只係聽到冷氣機聲同d水聲，你笑得出，係大膽嘅。 我就無咁威喇，我當時都開始意識到唔多對路，即刻就澎澎聲狂fe走曬d泡，快手走人。 好彩沖身期間都無乜野，快手熄花灑，然後快手抹身。 但係更加恐怖離奇嘅野，係抹身呢度出現左。 而家講返其實我都不其然有d震震地。 我拎起條大毛巾，抹頭頂果陣，條毛巾一垂落黎遮住塊臉果下，我清楚感覺到有隻手從後拍左我右邊膊頭兩下。 答。答。 實實在在咁，有隻手，拍左我兩下。 我梗係即刻擰轉頭望啦，奶野啦，一回頭，仍然都係空空如也嘅沖涼間。 一個人都無。 但係頭先，我好肯定，好實在咁，係有隻手搭左我膊頭兩下。 答。答。 我真係唔識反應，淨係覺得好凍，全身毛管戙。我當時能夠做嘅，就係快快抹身著衫離開。 我連頭都唔敢抹，因為我為意到好似當我一合埋眼或者毛巾遮住眼果陣，就有唔尋常野發生。我水滴滴咁滴住跑走，走到出大街果陣…先有勇氣拎起條毛巾，擦返乾個頭。 之後，過左一排，我都仲有再返黎呢個池游水，亦都touch wood講句無再有同樣事情發生，當然亦唔希望再發生。 果日究竟咩事？更衣室內點解會咁？ 我唔知， 我估係… 有… 路過貪玩卦。 #離奇 #鬼故 #鬼 #靈異 #不可思議 #高登 #靈異事件勿語 #離奇家遮 #洗頭 #更衣室 #經過那些年 #isee #ghost #horror #scary #852 #hkig#hongkong #hello #read #book #style #girl #hihi #swim #washroom #shower #sing Tag 游水frd，洗頭frd，鍾意聽阿姐唱歌嘅frd入黎聽聽那些年驚驚。