🥢深水埗超新鮮配料海鮮特式炭爐打邊爐 ❤️交流/報料/合作/邀請/餵食/吹水 歡迎： DM / 電郵 🥢請俾個心心支持及follow @eatgoodwesteatbadwest 同撳埋右上角旗仔safe低啦 ❤️而家天氣咁熱，不妨book mark 定等天氣涼d 再去 🥢對於咁熱愛打邊爐既我哋，以前睇無間道時期已經非常之咁想試下炭爐邊炭，今次係見到打邊爐關注組到有人介紹深水埗有一間炭爐邊爐店，感覺幾地道又麻甩，一於book 定位試下 🥢店家只可以用what's app 預訂位置，留言後會有專人確定時間人數之外，仲會問定你當日有時令海鮮，有如需要可以預留，當日蟶子皇時價$130~180$三隻，鮑魚$28一隻，桶蠔每桶$168,脆肉鯇$88一份，非常建議鐘意食既野可以先留定 ⚠️重要！因為係炭爐邊爐，好需要帶一人一把小風扇過去吹吹風，女仔要化返個防水妝，唔係就實溶硬，雖然店家有開大冷氣，開始滾時個炭爐既火未燒到好旺還ok, 燒到好大火個湯滾起，個環境會變得好焗，好彩早有準備風扇感覺好好多 🥢節瓜瑤柱螺頭湯 $128 炭爐+$25 當日變左冬瓜，感覺更消暑，先飲一碗湯，味道好似平時屋企煲的排骨湯咁好味，入面亦有好多排骨，乾瑤柱同埋螺片，排骨係新鮮野黎，冬瓜仲要幾好食，湯底煲到入味之後更鮮甜，好味道仲飲咗幾碗，真係飲湯都飽 🥢蘇格蘭蟶子皇$168 / 3 隻（時價） 海鮮要視乎當日有咩，今日的蟶子就非常新鮮鮮爽又甜，鐘意海鮮不可錯過 🥢桂花蚌 $128 桂花蚌新鮮爽脆，份量都幾大碟 🥢脆肉鯇魚 $88 /份 一份份量不少，包括了魚頭魚片同腩位，魚身唔算脆，腩位帶少少爽脆感，但整條魚的感覺你非常新鮮鮮味，如果有貨一定係必點之一 🥢鮮蝦雲吞 $42 睇個雲吞狀態係即刻包，問完店員佢地都係講即叫即包先有至新鮮的狀態，即包個質感真係好唔同，雲吞皮口感好鬆軟，蝦肉爽彈重蝦味，好耐無食過咁新鮮的雲吞 🥢三色油炸鬼 (6件）$45 油炸鬼炸到超級脆，可以先就咁食一舊，再一舊放落去煮，烚嘅油炸鬼都仲好好食，係熱氣左少少 🥢即炸魚皮$45 即炸響鈴 $45 OMG 呢兩款都係即炸，上檯時勁熱小心辣到口，真係浸一浸菜就食得非常之正 🥢鮮滑牛肉 $68 鮮滑牛質感新鮮，食落滑滑的，牛肉味幾重 🥢西班牙黑豚梅肉 $98 因為我哋有朋友唔食牛嘅，所以就嗌左一碟西班牙梅肉，豬肉片質感都幾滑，薄薄一片帶油份幾好食 🥢自製墨汁墨魚滑 $98 黑色的墨魚滑帶點墨汁鮮甜，不意外亦都係非常新鮮爽彈，而且很有墨魚味 🥢粟米 $38 超甜粟米呀，難得真係比超甜粟米我哋食啊 🥢烏冬 $38 普通嘅手打烏冬，不過勁搞笑，店員姐姐幫我哋落落去個湯度，個底墊咗好多芽菜，順便sir左落去，我大叫一聲芽菜啊，個姐姐好好人咁逐條幫我夾返上嚟，真係好感動，呢度嘅服務好好，而且見我哋係好熱，食到尾聲，幫我哋收起左個炭爐等我哋冇咁熱，細心度加分 津路烏龍茶$12 可樂$10 花生前菜 $10/ 每檯 醬油 $12/位 (不用加一 , 三人埋單共$1146) 🥢非常喜歡店員好nice 又收碟好快手感覺很有人情味 ,店家環境好地道又麻甩，雖然食到成身大汗，但感受到食材的新鮮，仲有炭爐的風味，雖然真係大排檔火鍋格局，但係店員嘅服務態度真係非常好，炭火邊爐在香港可以食到的地方不多，實在要好好珍惜 📍 金和記海鮮菜館 (深水埗) 深水埗九江街145號地舖 請按右上角按三點，要按[帖子通知] 就唔會錯過貼文啦 #深水埗美食#金和記海鮮菜館#金和記#炭火火鍋#炭火邊爐#炭爐邊爐 #香港美食#香港小店#今晚食咩好#今晚食乜好#食好西#食好西系列#吃貨#吃貨日常#吃貨人生#吃貨日記#支持小店#食評#食好西理想與現實#hongkongfood#food#foodie#hkfoodie#hongkongfoodie#hkeat#hkig#hkfood#hkgirl#eatgoodwesteatbadwest

【真台客】Giveaway 活動~ 【真台客】2016年尾於元朗開業，老闆兼大廚來自台北，小店提供多款台式便當、湯麵、鹽酥系列、夜市小吃、湯羮，口味地道而且價錢貼地，還充滿著人情味。 小店於社會運動初期已身體力行支持真。香港人，是值得回饋的良心商戶。2020年分店擴展至荃灣及大埔， 荃灣分店座落黃店集中地海壩街，還接受香港小店流動支付平台 @gumpayapp付款。 主食點了"滷排骨湯麵"，滷排骨大大塊偏薄身，吃下軟腍而入味。湯頭清淡不油膩，麵條外表像烏冬，掛湯能力不錯。 點"客炸物拼盤"可一次嚐遍多款小食，包括鹽酥雞、甜不辣、四季豆、雞肉卷、炸芋丸，適合心多多的朋友。其中炸芋丸熱辣辣外脆內軟糯，甜甜沙沙的最為誘人。 "台式蛋餅"選了玉米及起司作餡料，上桌前預先切成4件方便食用。餅皮偏厚但煎得香口，芝士雖不是拉絲類型，與粟米仍很搭配。面層掃上台灣進口的醬油膏，甜甜鹹鹹的很滋味。 餐廳提供熱的麥香紅茶及冰凍冬瓜茶任飲，所以餐牌上飲料選擇不算多。"古坑珍珠咖啡"外表平凡但喝下濃香十足，甘甜又不苦澀。黑糖珍珠富焦香卻不會過於甜膩，口感煙韌富嚼勁，甚有驚喜。 你都想去同我一齊重溫台灣夜市風味? 宜家送你【真台客】HK$50現金券(不適用節慶假期)，名額2位 遊戲玩法： 1. 追蹤 @coffreestains 及 @genuine_twfood 2. 讚好此則帖文 3. 留言「點解想去真台客」 + Tag 2位元朋友 4. 如Repost Story + Tag @coffreestains 及 @genuine_twfood可增加中獎機會 僅限香港地區朋友參加 2021年5月27日 11:59pm 截止 得獎結果將於遊戲結束後以Instagram訊息聯絡得獎者 滷排骨湯麵 ($50) Marinated Pork Ribs with Soup Noodles 台客炸物拼盤 ($60) Signature Deep-fried Platter 台式蛋餅 ($36) Taiwanese Egg Pancake Roll 古坑珍珠咖啡 ($18) Gukeng Pearls with Coffee 真台客 @genuine_twfood 地址: 荃灣海壩街83-93號荃好景大廈地下C號舖 電話: 98897393 #coffreestains #咖啡痕 #鹽酥雞 #friedchicken #tempura #蛋餅 #chineseomelet #noodles #麺 #국수 #boba #咖啡 #珈琲 #coffee #コーヒー #커피 #台灣美食 #taiwanesefood #台灣味道 #真台客 #荃灣美食 #大埔美食 #元朗美食 #黃店 #黃色經濟圈 #yelloweconomy #hkfoodie #foodblogger #hkfoodporn #giveawayhk

※ ✿ 荃灣 - 香港 ✿ ─ 你妳 地址: 荃灣運通街6號運通洋樓地下K號舖 ─ 屬於舊荃灣區既路德圍附近有好多地區小舖 有港式粥麵、燒賣舖、豆腐花、韓式台式店等等 你妳呢間就主打台灣美食 佢哋嘅手作芋泥厚吐司超級熱賣 好賣到今日夜晚八點幾嚟到已經全部賣晒 要留返下次先有得食 ． 藥膳排骨湯手工麵套餐（$99） 除咗手工麵之外仲有小食四季豆、古早冬瓜茶 藥膳排骨配料份量都非常足夠 佢行嘅唔係藥材味濃郁嘅路線 而係用10種藥膳配料煮出黎嘅湯底滲出啖啖藥材甘香 而且排骨有兩大條配埋佢哋手工麵食好滿足 冬瓜茶對我來講就偏甜咗少少 下次反而可以加錢試吓佢哋特色飲品 ． 滷肉飯（$32） 滷肉飯份量又係超級十足 最正最正就係半熟滷水糖心蛋 色澤鮮艷不在話下而且真係有糖心效果 配埋滷肉同白飯食層次更豐富 滷肉唔係傳統嘅台式做法 反而當中有加入豆卜片令到油膩感減低 食完都唔會有好大罪惡感 ． 梅甘地瓜條（$45） 呢個亦係我另一大力推薦 厚切嘅地瓜條炸得香脆 一摸上手就知道係新鮮炸起 最特別係佢酸酸鹹鹹嘅梅甘粉配埋地瓜條嘅甘甜味 矛盾得來真係好好食 ． 古早味炸雞卷（$45） 呢個炸雞卷呢其實就係將雞髀肉切片 然後捲起再用雞皮包住攞去炸 RN話做法好有創意有啲似大腸包小腸嘅變奏版 ． 仙草1號($46） 食完咁多嘢最好梗係食返個甜品啦 仙草1號包括包心芋圓、紅豆同仙草 我最鍾意包心芋圓上枱唔係得兩三粒 而且每一粒咬落煙韌又有好香芋頭味 冰冰涼涼食完好舒服 ． ． ． #chilllady之荃灣 #chilllady之高質推介 #chilllady之黃店 ─ #hkig #hkfoodie #hkfoodblogger #hkfood #instafood #discoverhongkong #hongkongfood #hongkong #hkfoodporn #foodpic #香港美食 #相機食先 #台灣 #explorewithRN #foodblogger #foodphotography #荃灣美食 #topcitybiteshk #hkinfluencer #yummyinmytummy #foodstagram #芋泥 #抗疫 #hkrestaurant #黃店 #台式 #台灣 #黃色經濟圈