正在申請 BNO 朋友要注意

見有人講BNO，我係度總括講一次，希望幫到大家！我個case係好麻煩！絕對適合大家去睇！本人有三本BNO！第一本是BB，第二本唔見咗，第三本就係啱啱申請到個本，而本人曾經改過兩次名，所以3本BNO都唔同名，我相信我嘅複雜程度可以幫到好多人😂😂😂

**大家如果有嘢問記得要tag我或pm我，如果唔係我睇唔到架！想覆一個百佳！我一毫子都無收過，你唔信嘅去on9group問，我幫咗咁多人有冇收過錢！你一身銅臭就唔好侮辱我同黃人嘅團結！DLLM!

如果有版友英文唔好，怕填錯，可以pm我，我陪你整，遇到唔識嘅地方你可以影相俾我我教你點樣填

**唔好俾錢幫襯人哋幫你去申請BNO，唔好做自私精，玩爛咗個BNO全香港人都坐艇丫🙏🏻🙏🏻🙏🏻🙏🏻

網址: www.gov.uk/overseas-passport

合資格人士:
只要以前曾經申請過BNO，唔理你過期定唔見左，你一生都可以再補返或reapply嘅

當你係BB個陣，你父母曾經係係BNO加左你名，你大個左都可以reapply，但一定要副簽，因為無你嘅相，我會附上父母 BNO有加名嘅圖片俾大家參考

*如果以前無申請過，就算係1997年7月1号前出世都無
*父母有但無同你申請過都無
*以前係BDTC 1.7.1997前無轉返BNO都無

BNO最大特點，好多人以為係平權，其實BNO比特衰護照好嘅係，如果你打算去完韓國> 日本>台灣甘計，萬一你係韓國已經唔見左護照，特衰嘅話，你補返個臨時嘅，你只能用一次、飛一次，即係你一定要返香港。但你唔見嘅係BNO嘅話，你個臨時護照係可以俾你用一年，並不會影響你餘下行程！好多人都唔知嘅！

點申請返:

1.到期 reapply無難度，正常黎講唔洗副簽，除左BNO資格係以前including child形式申請，又或真係好BB樣就要

2.唔見咗比較麻煩！
報失係係Apply BNO個度填報失文件，唔係係狗屋！

另外要有一位副簽証明你嘅身份！呢個人係要認識你至少兩年，持有英國、英聯邦國家(54個)、歐盟或美國護照，包括BNO都得。英國要求係專業人士。。例如:老師、黑警、公務員、記者等等，願意幫你做簽名，並復印埋個passort俾你做證明(英國或愛爾蘭護照除外)但留意 唔可以係直系親屬！圖入面俾埋個list俾大家！其實範圍好大，一啲都唔難！

另外，其實都可以揾人幫你Online做副簽，但必須副簽者係係英國度居住

好多人都lag咗係呢度！
其實佢係甘要求，亦試過有好多人唔係專業人士嘅副簽都過到，所以 可以嘅話當然就做齊，冇嘅就只好退而求其次 揾唔係專業人士都可以嘅

⚠️⚠️⚠️⚠️⚠️⚠️⚠️⚠️⚠️⚠️⚠️⚠️⚠️⚠️⚠️⚠️⚠️
強烈不建議俾錢顧問幫你搞！你唔知個啲顧問公司揾乜人同你簽，個個人會唔會幫好多人簽左，萬一一個出事，連帶副簽誠信出問題，燒埋你個叠就百佳！連累左你black list不在講，玩Q爛成個制度，萬一收窄埋，害埋成班香港人，真係多得你唔少😂😂

我個case好複雜，都拎到，你都吾會有問題！我個case係 過咗期唔見咗，之前冇報失過，期間仲要改埋名，以前BNO仲係BB，所以都係果句我得你地都得！

我當時所需文件要正本: (每人都會不同，因應情況)
更改過名字嘅要律師契
出世紙
父母結婚證書
地址證明信件
父母出世紙

身份證彩色copy

*有特衰護照嘅要由封面、內頁到封底彩色copy，我懶得麻煩，我成本寄過去

正本怕唔見可補領一張去寄:

結婚證明書
https://www.immd.gov.hk/…/Searching_Marriage_Records_and_Ce…

出世紙
https://www.immd.gov.hk/…/Application_for_Search_of_Birth_R…

而家就疫情啦，就得返速遞選擇。未有疫情之前都有人問你會點樣寄來嘅文件過去，有啲人好誇張嘅用DHL，我個人覺得好醜命生成，係要唔見嘅都冇辦法，我個人只係用咗 普通掛號件by air mail，四十幾蚊啫，我第一次係一個禮拜內已經送到，第二次就兩個禮拜內就已經到達，我個人都好信任香港郵政，而且我覺得都寄得快，真係唔使曬百幾二百甘去寄。甘Anyway呢樣自己選擇。

有啲人係唔敢將正本寄過去，我當初都係，又寄唔齊結果英國嗰邊send個email畀我，搞到我又要打咗三次長途電話，不停email來回，即使我喺email度補返彩色文件相，佢哋都唔接受，最後我係偷咗我爸爸媽媽嘅結婚證書既過去英國😂😂

咁又好多人都話我唔使咁多文件喎，呢個係case by case, 咁如果你只係過期嘅話咁咪唔使咁麻煩囉，但係如果你唔見咗嘅話就會比較麻煩好多，因為人哋係會check返你嘅身份，又好似我咁嗰張相明顯係太細又改過名，所以要嘅資料文件係更多！

所以！

真係幾唔夠文件嘅大家唔使擔心，佢哋好好嘅一定會send email畀你，提你！

如果要申請其實你上去領事館個網頁都有表格喺度，大家記得一樣野，都係先課金，就算申請唔成功都冇得退嘅！

萬一某啲文件真係冇正本嘅話，你要寫封信比佢哋好好解釋返件事，咁就睇返佢哋會唔會接受你嘅理由，咁當然有正本就比佢啦唔好煩！提提大家，佢地我收到件後，會用90日去處理你嘅個案，如果佢之後補文件，你唔好拖丫，一過時佢就當申請無效！

我個情況呢就搞咗好耐，前後都三四個月，因為我後邊又要補寄文件，中間又同佢哋電話或者email都要再聯繫，如果成功左之後呢，佢會分開兩個DHL件送俾你嘅，一份裏面擺嘅係你嘅護照，一份裏面擺嘅係你之前寄俾佢嘅文件。

PS:
1.香港郵編 填:NIL
2.如果不能post 請版主見諒，我係心急幫版友，無意犯版規🙇🏼‍♀️🙇🏼‍♀️🙇🏼‍♀️🙇🏼‍♀️

一直以嚟，我都覺得自己人生有一大遺憾，就係冇喺外國讀過書！到咗而家出咗嚟做嘢，我成日都會諗，第日唔知仲有冇機會去外國進修呢？呢個都係我人生To Do List入面其中一樣想做嘅嘢。

大學我讀廣告設計，記得二年級嘅時候，我去咗位於英國倫敦嘅廣告公司實習，嗰陣公司嘅同事嚟自歐洲唔同嘅國家，要用英文度橋、開會。作為全球藝術設計最頂尖嘅城市之一，喺London只要一出街就見到琳瑯滿目嘅設計，放假仲會有好多設計市集、Art Gallery可以行，覺得成個人嘅art sense每一日都提升緊。

喺外國嘅經驗令我眼界大開，英文亦都突發猛進，直到而家同外國人傾計都唔會驚。記得啱啱畢業嗰陣，好多僱主見到我喺外國工作過嘅經驗都即刻請我。

呢段短短嘅實習經驗，令我唔再係一隻井底之蛙，更加改變咗我嘅人生，畀我知道人生唔淨只得一條路，人原來有好多追夢方式，亦影響咗我畢業之後嘅職業導向。我成日都諗，如果我以前有機會喺外國讀埋書，我嘅世界應該會更加大、視野更加闊！

嚟緊，Skyreach Education Advisory Ltd. 天達海外升學中心將會舉辦三場免費嘅海外升學講座，升學國家包括英美澳加新加坡，並設即場面試，你仲唔快啲為你嘅子女或你自己，率先預備定一條不一樣嘅升學道路？！

免費海外升學講座
第一場
日期：23／5 星期六
地點：網上海外升學講座
時間：上午10：00－下午4：00

第二場
日期：24／5 星期日
地點：荃灣如心海景酒店11樓宴會廳
時間：下午2：00－6：00

第三場
日期：31／5 星期日
地點：沙田麗豪酒店3樓紫荊廳
時間：下午2：00－6：00

報名連結：shorturl.at/mBIJ4

#海外升學
#免費升學講座
#即場面試
#外國讀書 #進修 #DSE

[住港島區既朋友，如果聽日投票重未有心水，懇請大家用少少時間了解下你地港島區1號既候選人黃梓謙Gary Wong]

我倆識於微時，都係屯門長大，佢可以話係我生命中重要既深交，深交既原因係因為我地話題經常談及個人目標及理想等並就香港社會各問題作出討論。

我地早就立志要貢獻社會，認為受諸社會多年，作為有能力及承擔既社會一份子係要為香港做點事。我最終選擇教育界，因為我相信教育係建設社會既重要基礎，培養社會未來棟樑，而佢早於10多年前已經醉心政治，因為佢相信政治可改變未來，希望他日能夠參與香港政治，創造更好既香港。

佢話立法會議員要英文好，因為要議員睇法律條文，因此選擇左讀港大文學院。
佢話立法會議員要識法律，因為唔識法律根本立唔到法，因此佢去左讀法律。
佢話要去牛津修讀外交學碩士，因為佢話香港需要高質素既立法會議員，而唔係只講唔做。

佢參選後差唔多每日都去街站面對選民，因為佢話議員就係要面對市民，將市民心聲帶入議會，唔係淨係坐係議事廳盲投，佢要做個落地既議員。

佢承諾做全職議員，因為佢話作為議員，有責任出席所有會議，要向選民有所交代，同埋佢眼中既議員其實應該係好忙，研究、睇文件、落區，根本唔可以當議員作為副業。

你可能話玩政治都係為利益，有好工又唔做，一定有其他更大既利益。

參選前佢係上市公司葉氏化工既銷售副總監，佢為左做好議員呢份工，毅然辭工並全心參與。如果佢係為利益，佢大可以好似依家既議員繼續做自己固有既職業兼職做議員，賺兩份人工。

反對派好易做，勝算亦容易較高，佢要攞入場券大可以投機一點，按時勢，爭取選民支持，但佢行既係温和及實幹民主路線，路是的確難行，但佢同我講佢相信香港係有好人。無論係佢既的理念，佢既作風，係呢場選舉過程中及電視辯論等表現都貫徹始終，大家有目共睹。

同佢當初成立凝動，平日及假期時間表排得滿滿的，大家放工後又經常抽身私人時間出黎做野，朋友成日同我講，呢個年紀梗係搵錢仙架啦，搵夠第時做幾多慈善都得啦，做凝動有咩用啫? 問我禁辛苦為左乜？

以上既情況，大概因為唔係以自己利益作大前提既呢種傻勁，讓佢有呢d諗法，讓凝動走到今日。

我同佢相識合作多年，我信呢個人嘅能力、我信呢個人嘅決心、我信呢個人對社會嘅赤子之心，我信香港係有正氣，係有好人。

可能因為佢喺大陸做過嘢，所以你覺得佢紅底，但溝通並不代表叩頭妥協，政治從來就係溝通同妥協。正如買車都要見面傾價錢，但唔啱價可以選擇唔買，但面都唔見價都唔講，交易又點成功？

可能你會覺得行「中間」路線係冇主見或近建制；但其實建制泛民對立之制，兩邊都過唔到議會半數，「其他」係咩人先係重點，絕對可以左右大局。

最後，希望大家不喜勿插，我重申我絕對明白亦十分尊重每個人有不同的政治取態，喺我屋企四個人就已經有四個不同既心水，我真係諗左好耐應唔應該寫呢d既post，因為今時今日既社會越寫就好似越分化分裂社會，我真係好唔想見到呢d 事情發生。同埋我今日真係好累，尋日只係訓左兩個鐘今朝8:15已經開始為佢做街站派傳單工作到晚上8:00，但點都要捱眼訓寫埋呢篇野，希望聽日選舉前出到街，大概又係個種傻勁吧。#港島1號候選人黃梓謙 #傻勁 #寫我4粒鐘 #好眼訓 #呢種傻勁 #訓得兩粒鐘 #日晒雨淋12粒鐘 #12小時民主洗禮

移民成為熱話，去到外地除了打工，有沒有想過創業？在香港土生土長的Carol（陳思樺）讀完大學去了倫敦讀碩士，之後大部份時間在那邊工作，做過4A廣告公司。6年前毅然創業，成立廣告公司Comms8，今年更榮獲歐洲商業雜誌《The Drum》頒發的Digital Awards Chair's Award。這次會由她分享一些倫敦創業、求職心得。

搵工搵生意三大心得：入會、LinkedIn、求職網Carol在中大讀公商管理，來到倫敦拿了國際傳媒碩士學位，進入廣告媒體業界後也算一帆風順，加入過4A廣告公司，也曾任職業內龍頭MediaCom，負責可口可樂歐洲地區的宣傳策略。不過唔講唔知，原來剛畢業時她也試過找不到工作。「倫敦的競爭很大，街上隨便也找到幾個有碩士或者博士學歷的人，學歷並沒有特別優勢，而且在香港的履歷外國人也不清楚，試過有僱主見我中文大學畢業問我會不會不懂英文。」

果籽 ： https://hk.appledaily.com/realtime/lifestyle/

相關影片:
【港版國安法】續領英國BNO懶人包加疑難解答 持BNO入唔到日本境因印錯國籍 (https://youtu.be/44aJ_QjXzB0)
【逃走他鄉】BNO移民英國$12,000租三層獨立屋 銀行中層變餐廳侍應 居英權二代：要接受由低做起！(https://youtu.be/FLFGdaKUtPo)
【逃走他鄉】居英港人移民自白：BNO平權千年一見，蘇州過後冇艇搭 (果籽) (https://youtu.be/qMufEfTaJWY)
【街市尋寶】旺角明星海鮮檔 罕見有證蘇眉＋當造黃油蟹＋刺身 仲有上門煮海鮮服務！(飲食男女)(https://youtu.be/9YEBSQJPdPU)
【元朗消夜王者】神級鑊氣炒飯檔重開 日賣70盒 $50/盒即叫即炒 老闆炒到手骹移位：冇理由因為賺多啲而一次過炒 (https://youtu.be/-DjDZdrM1o4)

#倫敦 #LinkedIn #果籽 #StayHome #WithMe #跟我一樣 #宅在家