【 @girlstyle.mag 】蘋果iOS14新功能清單，4個隱藏操作！
.
Apple近日推出了系統軟件更新iOS 14，強化了不同方面的功能，如版面、拍照、截圖、facetime、siri等都有新功能加入， 貼心程度大大提升，一起來看看新功能有那些吧！
.
1.個人化主頁面，工具頁面可自訂
...
【 @girlstyle.mag 】蘋果iOS14新功能清單，4個隱藏操作！
.
Apple近日推出了系統軟件更新iOS 14，強化了不同方面的功能，如版面、拍照、截圖、facetime、siri等都有新功能加入， 貼心程度大大提升，一起來看看新功能有那些吧！
.
1.個人化主頁面，工具頁面可自訂
整個iOS 14 最為注目的就是Home的版面更新，主頁面加入了「工具」的個人化設定。例如鬧鐘、天氣、股票等等的App也可以選擇不同尺寸，並於不同版面的位置隨意放置。按著主畫面的頁面，更可以隱藏自選頁面，把平常根本不會用的app收起來，或是加以分類，令主畫面更簡潔，騰出更多空間。工具更新增了「智慧技術」，可根據時間、地點和活動，在不同時間顯示切合你需要的工具。例如，在早上顯示天氣工具，在日間為你提供日曆行程，傍晚則顯示回家路線常用的巴士App。
.
2.通話和使用Siri時不再霸佔全螢幕
另一個改變超大的就是歷年來的全螢幕來電通知！這個新功能就讓你可以輕鬆處理正在做的事情，自由選擇接聽或拒聽，不cut線又可以無視來電！例如以往來電時突然彈出的全螢幕，會導致App退出／暫停，令你的遊戲中斷或是chat room重要上線的對話中斷。新功能讓你不被來電打擾！至於Siri也有更新，apple稱Siri「變得更博學，知道的事比三年前多20 倍。」Siri的智慧增長就交給大家跟他多聊天發掘了～他也變得低調，你叫他的時候並不會全屏幕彈出，阻礙正在進行中的事情！
.
3.可選擇Email和瀏覽器的預設app
在設定中你可以先選好Email和Browser所預設使用的伺服器。在點按連結或撰寫新郵件訊息時，你選擇的預設開啟的網頁瀏覽器和電郵app將會自動使用。如果討厭使用原生設定的電郵伺服器（Email Server）和Safari的朋友就適合用了！
.
4.新增錄音降噪配備
錄音機內的錄音現在可以自行作分類，而且可以降低錄音中的背景雜訊，令錄音更清晰方便。只要按錄音內的「強化錄音」就會自行降噪！
.
5.新增工具「翻譯」App
新工具App就有翻譯App！不用再於Safari中google translate！它可以翻譯英文、中文、日文、韓文、西班牙文、德文、法文、義大利文、俄文、葡萄牙文和阿拉伯文等11種語言。在左右兩邊顯示兩種對話，更提供語音功能，可以讓兩種不同語言的人方便溝通。挺好用的這個新功能就算沒有互聯網連線亦可使用！旅遊時不小心沒有了上網也可以拿來救命～不過一定要先下載該語言才可使用離線翻譯！
.
6.Memoji造型表情升級
新的Memoji頭像加入更多可訂製的細節，包括今年必備的口罩！還有19種新頭飾、11種新髮型，以及3個新的Memoji貼圖，也可以向好友發送擊拳、害羞或抱抱表情。Memoji有更多年齡選項！六種全新的年齡樣貌包括青春和成熟的。小孩老人家也可以自訂自己的樣子！表情符號方面也新增了搜尋欄，可助你找出最合用的表情符號。輸入常用字眼，例如「心形」或「笑臉」，對應的表情符號即會顯示，方便快捷～
.
7.相機和相薄更新
在相機方面，有新功能：「鏡面拍照」，讓前置鏡頭成為鏡面，讓你在自拍時照片不會倒轉左右。還有加入「閃錄功能」，可自行選擇音量鍵為拍攝和錄影的按鈕。一直按著拍攝鍵更可以做出連拍！相簿的版面也不同了，新增「說明」的位置，可以為相片和影片加入相關資訊，可在你的相片、影片中檢視和編輯說明，使內容更豐富，亦可在「搜尋」分頁中輕易找到已加入的說明。不過只適用於 iPhone XS、iPhone XS Max、iPhone XR 及更新的型號！
.
還有以前「隱藏」相片的功能終於改善了，以前的隱藏按鈕只是不會在相簿封面中顯示，在打開後根本會照樣存在。是次更新終於可以真。隱藏私密照片了！隱藏的檔案夾也可以在設定中選擇顯示或隱藏，私隱度大大提高！
.
8.Airpod 音質優化
在Airpod中新增了「耳筒調節」的功能，這個全新的輔助使用功能，可以用作放大柔弱的聲音，並就個人聽覺需求調節特定頻率。耳筒調節功能主要支援 AirPods Pro 的通透模式，讓細小的聲音更容易聽見，並可就你的聽覺需求調整環境的聲音。新增的「電量通知」可以提示 AirPods 是否需要充電，不用拉下來看～
.
如此實用的新功能，很值得馬上update~
.
#女生gossip熱話
.
李幸倪「用自己的步伐走自己的路」
Cover story vol.9 👉 link in bio 👈
.
FB: GirlStyle 女生日常
『 💌如果妳都有打卡靚相／情侶甜蜜照想同讀者分享 📷即刻 #girlstyleGirlStyle 女生日常 或tag我哋或inbox比小編！ 我哋會係女生日常嘅IG同大家分享💕 』
.
#hkig #hkgirls #beauty #lyrics #hkiger #love#sisters #lovemygirls #hklife #hkboy#hkgirl #hkboys #hkgirls #852 #hkcouples#hkstore #hkonlineshop #hklover#mygirls
六欄打卡鐘設定 在 君子馬蘭頭 - Ivan Li 李聲揚 Facebook 的最佳解答
［科企四大天王業績五分鐘］OK，唔係真係五分鐘。可能你睇就五分鐘，背後我就一個鐘。
TL：DR – 呢堆科企真係能人所不能，貴得有道理。蘋果仲要新高，市值快去到2萬億，人類史上第一間。FB大客杯葛都仲有大把其他客頂上。Amazon 原本話要蝕點知有賺。Google就最普通，可以買本今期嘅Economist 睇下，或者等我寫文。又，可以留意返華夏納指2倍正向嘅 7261
1. 話時話，呢排記得keep 住like and share，主動入嚟睇，同埋設定做see first．真係搵食艱難。但感激大家，Keep住做，呢排啲Reach係好返好多的，但唔好鬆懈。一個都不能少呀
2. 先講最勁嘅，蘋果。能人所不能。任你啲網友鬧足幾多年「冇創意」（佢地自己至撚有創意），食老本，近乎單一產品，甚至笑啲果粉係水魚。但就係賺到錢，吹咩。
3. 盤後股價再升6%，創歷史新高，市值1.7 trillion，好大機會成為人類史上第一間 2 trillion market cap嘅公司。留意早兩三年先係講緊four comma club, one trillion market cap（https://fbook.cc/3DFs）
4. 你以為封城呀，生果舖收晒，大陸生產線又停工，實唔掂。一樣係掂，再一次勝過市場預期。蘋果嘅業績有季節性，如果以第三季（蘋果九月年結）嚟講，今次係史上最高單季收入。
5. 大陸收入，仲要係非常之好。之前明明我啲網友話睇中移動數據就知死咗幾千萬定幾億人。唔知係咪買埃瘋去陪葬呢？聽講大陸會燒真銀紙（杜琪峰邊套戲？掃毒？）。同樣地，你見星巴克之前業績，都係講大陸增長勁。燒杯咖啡畀仙人？定添曲同埋呀舒乜乜茲一齊講大話？你話呢？
6. 幾間big tech嚟講，蘋果係幾隻中唯一做硬件為主（多咗服務收入，但仲係好唔同），好唔同。但其實亦反映咗在估值，蘋果一路都係幾間之中 PE （市盈率）最低嘅。早兩日講緊十幾倍添，以科企嚟講偏低。你去望下咩Tesla Netflix 嗰啲？或者睇亞馬遜？
7. 另外，仲玩一拆四喎。原因我就唔知了，問下熟美股嘅讀者。美股可以一股股咁買，而家蘋果都不過係400蚊美金一股，冇理由買唔起。不過今次已經係蘋果第五次拆股。如果你1987年買咗？唔好講呢啲。但，實際啲，教主過身時，個個覺得公司玩完，嗰時你去買。都應該執六七倍。嗰時公司已經冇人唔識啦，對不？但，未成功時你又覺得會失敗。成功咗你又覺得冇乜空間。咁想點？
8. 第二間，再講，首富，光頭佬Jeff Bezos亞馬遜，早兩日國會視象聽證會因為訊號問題（！），消失咗粒幾鐘，留返另外三個人被人煎，識玩。「仲要係Cisco嘅Webex提供，可以踩多兩腳」。
9. 故事大家知，咪封城用多咗網購，「即係王維基咁」。但幾時都係數字先難。故事個個識講，但一股3000蚊你買唔買？30000萬蚊呢？3百萬呢？總有個合理價。
10. 其實上季業績後，係勁插的。因為當時預第二季（剛剛就係呢季業績）要用多咗錢防疫。又要加人工呀之類。話預期今季蝕錢。但光頭佬鬼馬，結果出嚟賺到笑！26年嚟最賺錢今季，死未。股價脫離實際經濟？脫離你嘅經濟啫。
11. 盤後股價，係咁意升多150美金（！），5%左右啫。3200蚊。但其實未到史上新高，早排係跌咗唔少。都話咯，上次業績後急跌你又話驚。到升到新高又話貴，咁呢幾日跌返又話覺得爆。咁可以點？
12. 好啦，小朱嘅Facebook．其實唔係咁好，收入增長係2012年上市以嚟最慢。但應該知道呢個本身唔係重點，重點係估值（夠殘嘅就壞消息都唔跌，太貴嘅小小嘢都大跌），同埋預期。咁勝在分析員預期真係夠晒低。因為都知道疫情影響廣告（你上多咗FB本身唔會幫到公司，但長遠少少佢可以用呢樣嘢加價），好多公司本身都就死仲邊有錢落廣告。加上早排政治嘢，成班大廣告商話杯葛FB，亦唔係講笑，真係做，仲要係好大嘅公司，可樂呀星巴克迪士尼之類。
13. 但，最初出嚟，我都係樂觀嘅（https://fbook.cc/3DFv），冇錯，嗰啲係大客。真杯葛，唔係你啲網友咁小學雞離家出走（況且你都冇畀過錢）。固然好多係根本自己減budget順手扮正義，有啲仲好笑，post照出只係唔畀錢落廣告。但嗰時都話，你惡，但小朱仲惡。800萬個客，根本冇乜邊個係最大。你唔落，啲中小企咪補上。事實見到都係咁。
14. 股價係咁意升返6%，未到歷史高位的。
15. 最後，Google 母企Alphabet．麻麻地，最差係呢間，但股價都係咁意叫做升小小。但明顯被比下去。其實業績睇大數OK，但就大家唔多收貨。
16. 收入係史上第一次下跌，但分析員預咗。廣告收入當然大跌，但一樣，冇比預期差。勉強嚟講，咪雲端做得差啲。Youtube 廣告收入，早兩季開始披露（https://bit.ly/3fhxCny），今次都係叫做好過預期。但，始終唔會話你知Youtube蝕緊幾錢（幾明顯係蝕錢）
17. 遲下會再寫篇文講Google，但有趣係今日嘅Economist 封面正係講呢間公司嘅中年危機（https://econ.st/2D4MRTY）。四間公司中，好似公認呢間最high tech。小朱都畀人笑，人地就射火箭上月球醫絶症，你就畀啲港女打卡。但講乜都假，give me profit （或者至少，give me 收入）。你Youtuber有錢分好過癮，但點解Youtube賺唔到錢？FB個玩法就係我一個仙都唔畀你。當然可能最後Youtube嘅玩法先啱，但暫時市場唔係咁諗。
18. 你最高技術，最早做，又如何？呢個係好多非金融人嘅盲點。蘋果速銷早過王維基做網購添。松日MP3早過蘋果iPod添—事實蘋果根本唔係第一間做智能手機，亦唔係第一間做MP3，更唔係第一間做Tablet？so？潘蘇通唔通出嚟酸人地話：我做先！ 所以你見早排講乜鬼香港電動車MyCar早過Tesla，根本多餘。柯達發明數碼攝影添！最後咪死在自己發明嘅嘢手上。
19. 同場加映，四大天王其實之前先視像會議作供（好似因為咁，小朱先搞到遲咗一日出業績）。我都會寫。個看點係：你諗下，入面有幾多富豪？！你香港會唔會叫到四大地產商一齊去立法會作供？小朱喎！光頭佬喎！
20. 但其實亦見到另一個問題，話就四天王，但身家真係爭好遠。因為Google皮猜，同埋蘋果添曲，都只係打工，CEO。當然同你同我比都好有錢，十億八億美金身家 — 但你同小朱光頭佬嗰啲 千九幾億身家，就真係唔同級數，爭幾個零。舊文都有寫，log scale，你身家係幾多位數？（https://bit.ly/3hSwXdZ）
21. 最後介紹返，你見今日華夏納指正向兩倍ETF（7261），升夠6% - 美股收咗市先出業績，就在呢度反映。當然再三強調返，首先係追縱Nasdaq 100，唔係Nasdaq Composite。另外，只係畀你短炒，唔係長渣。
22. （下含粗口）
23. 我知又會有啲百壇齋主四方西出嚟鬧，你老味三點半先話我知想點。頂你啦，唔撚使睇呀？唔撚使食飯呀？唔撚使寫呀？唔撚使做呀？免費文仲咁撚多嘢講？況且，一撚柒早叫你買啦，講過幾多次？你今日三點半先出世？
————————————————————————————————
最新收費影片：第一次推介跑贏大市，同你回顧檢討下。仲有新推介。40分鐘，都係賣返$80
簡介及以前嘅片（未睇可訂）：https://bit.ly/3iYMD0F
報名嘅，課程編號CC006：https://bit.ly/3eXVX1K
報完名交咗錢，呢度log in：https://bit.ly/3gYXu9e
之後按最頂「按此觀看」就得
仲搞唔掂嘅，睇埋下面，或者搵客服，或者PM我。
-------------------------------------------------------------------------------
【最新李聲揚收費影片】題目: 回顧第一段專欄片有幾勁！今段落多幾個Number賺死你！40分鐘，都係賣返$80
影片/課程編號：CC006
播放平台：https://homebloggerhk.com/web-class-player/
付款及收看步驟：
1/點擊報名收看 [影片/課程編號：CC006]
2/利用信用卡網上付款
3/及後有登入資料可以立即收看
查詢：whatsapp 63832145
六欄打卡鐘設定 在 君子馬蘭頭 - Ivan Li 李聲揚 Facebook 的最讚貼文
［實體書店既無量，亦賣唔到高價，冇得玩的］原因？因為根本冇咁多人睇書，睇嘅亦唔會畀幾千銀買本書。點解？因為替代品太平。
話時話，呢排記得keep 住like and share，主動入嚟睇，同埋設定做see first．真係搵食艱難。但感激大家，Keep住做，呢排啲Reach係好返好多的，但唔好鬆懈。一個都不能少呀
上次鬧辰衝好多人讚（https://fbook.cc/3D5q）。今次正經，講返書店本身。
TL：DR – 書店點解難做？唔係因為租貴。其他舖頭租就唔貴？係因為書店收入低。點解書店收入低？因為書既賣唔到量，單價亦唔會高。你計下自己一年用幾多錢買書？幾千好未？但好多人同條女食餐飯手仔都未拖就冇咗。餐廳包裝下可以幾百蚊餐變幾千，但書唔得 —因為你享用嘅過程唔使食裝修食品味，所以書店只能變咖啡店。你拎起本書打卡就得了，之後睇書係冇得炫耀的。
圖：首爾COEX，其實係圖書館，唔係書店。有乜書？唔知，唔識韓文。哥睇嘅唔係書，係企鵝（對，樓下有水族館，幾舊水入場）
1. 但凡有乜舖頭執笠。例牌答案係，地產霸權啦，租貴趕絶啦，米芝蓮又話死亡之吻加租迫死你啦（＊）。但從來冇人會講人工貴。舊文寫過，至少N咁多上市嘅連鎖餐廳，最大成本一定係人工，唔係租（https://bit.ly/2DgvD5W）。但人人只係鬧租貴，冇人鬧人工高。因為你有機會打工，有朋友做飲食，但你多數冇朋友做收租佬。
2. 好啦，書店點解執笠？租貴咯。真係？只係書店先租貴？
3. 租貴。但何謂貴？有人交得起，咪合理，係咪？咁你見係咪加咗租冇人租？多數都唔係。但書店多數就交唔起太貴嘅租。
4. 所以，人講書店難做，係指書店比其他舖更加難捱租。否則你只係話租金高，咁點解取代你嗰間嘢交到？業主梗係唯利是圖，但總唔會特別憎臭老九，要收貴啲租。即係你交唔到，但有人交到啦。可能係金舖之類
5. 金舖呀之類你鍾唔鍾意，個人口味。哦你話「金舖影響市容社會需要書店」。咁你幫襯咗未？你唔幫襯，邊個交租？但你日日幫襯星巴克喎。
6. 有人話金舖錶舖賣奢侈品一百幾廿萬一單，梗係易交租。頂多啱一半。先唔講點解書唔可以賣貴。但收入係單價X量。星巴克一樣交得起貴租，甚至有啲快餐店都交得起租，單價一定平過賣書。但夠多人嘛。
7. 講量應該簡單啲。香港有幾多人買書呢？大家心照。況且，仲要好多人係經網上買。所以實體書店當然做唔住。
8. 而雖然網購方便，甚至平啲，但有啲體驗都係暫時未取代到嘅。至少餐廳就係（疫情後另計）。仲有名牌嘢都係。書？就唔係
9. 亦因為咁，你咪見書店轉去賣第啲嘢咯。誠品嘛，分租畀人賣下奶茶賣下文具咪得。咪交到租（雖然誠品都唔太好賺）。仲有樣嘢，點解啲奶茶要在誠品賣？我自己租唔得？做乜要分租誠品？就係因為誠品帶動成個氣場，飲杯嘢都型啲，同埋啲文青肯洗錢。呢個差不多係唯一一個賺到錢嘅方法。當然你可以有啲細細書店小本經營自己舖自己做埋員工咪得，但你只係唔計個市值租金（同埋你自己市值人工）。
10. 買書本身，實體店就冇乜「功能」的。N咁多人都係入去拎本書打張卡就走。比較有良心嘅，就好似HMV咁，入去睇完聽完—然後上網買。所以去書店買實體書呢個量，極之難谷。你有乜嘢必定要在個舖度完成？就係拎起本書打張卡。
11. 相比於網上買，實體店有乜優勝？呢個亦係你會唔會畀網上購物取代嘅關鍵。我去買化妝品，有人會同我傾計，我去腦場買嘢，可以問啲毒L意見。我去書店，你覺得有乜得著？好多大書店嘅員工，根本係對自己賣嘅嘢一無所知。幾時有尊重過自己賣嘅嘢？我去佐丹奴，姐姐仔會知道舖頭賣嘅嘢。但我去書店，係個個十問九唔知叫你自己睇電腦有就有冇就冇的。以前甚至幫你查都懶。咁我去嚟做乜？更加唔好講要你推介
12. 對，仲有一種玩法，賣個性，類似客製化，或者小店風情。即係樓下檔嘢味道麻麻，但個老細日日同你吹水，你覺得好親切。或者小型嘅唱片舖咁，呀店主可能好有品味，講得出李克勤唱《大會堂演奏廳》邊個版本好，知道《誰明浪子心》唔好聽合唱版。呢啲店亦係啲文青電影嘅主題。現實？都未必唔得，以前嘅二樓書店勉強做到。N年前呀舒琪（再講一次唔係剝衫或者KIKI麵嗰個）在灣仔間碟舖都係咁，啲戲佢自己貼埋評語添。
13. 問題係，呢啲先係最面對互聯網挑戰。呢個年代冇嘢多，網友多，屎眼多。而古語有云，“Opinions are like assholes, everyone has one but they think each other’s stink.”。你求其用一秒時間，每一套戲，每一本書，都有N咁多人評論。而呢個偏偏係一個唔信專家嘅年代。咩呀，舒琪好撚叻呀？你拍戲叻過路蘭呀？肥仔你好叻呀？CFA好叻呀？我啲網友明明唔係咁講。所以，你舒琪啲意見，值幾錢？（＊＊）
14. 所以，唔好迷信咩「金錶一條幾錢」「一日要賣幾多本書先夠交租」—奶粉賣好貴咩（冇買過，唔知）？就當奶粉好貴，咁賣漢堡包唔貴啦掛，賣星巴克屎水唔貴啦掛，人地夠「一日賣好多杯咖啡夠交租」。根本賣書嘅量就唔大。因為真係冇咁多人會買實體書，仲要扣埋網上買嘅。開書店嘅自己知，買書嘅，有幾多人？
15. 講完量，再講單價。呢個亦係最有趣嘅地方。再講一次，收入=量X單價。麥當勞星巴克就有量。但冇量？咪單價貴咯，食水深咯。珠寶店咪咁，呢，之前咩B&O都係咁。
16. 但大家都知，書係賣唔到貴嘅。留意完全同咩成本無關。長大啦，星巴克啲粉你估好貴？啲乜乜名牌衫，「成本」幾多？去非洲剝企鵝皮做？哦你計埋個設計師份糧？咁你不如本書計埋作者份糧丫
17. 個世界唔係咁運作，個客肯畀幾錢，你就可以收到幾錢。就係咁簡單。當然點樣令個客心甘情願畀好多錢，就係學問。但簡單答你，書，係賣唔到高價嘅。包裝一下，餐聽可以由幾百蚊賣到幾千蚊。但書唔得，正常人唔會幾千蚊買本書。
18. 原因？唔好話「反智」咁cynic．但至少，因為我地絶大多數人根本唔重視書本。承認吧，甚至好多愛書人，都係如此。書冇你想像中咁值錢，亦都冇得差異化。你好難因為裝修靚啲賣貴啲，因為你本書唔係在嗰度睇（所以咪要星巴克化）。
19. 證據？我是好現實的。你好鍾意書丫嘛。嚟啦喎，舊年用咗幾多錢買書？實體書！書店買！
20. 你當然可以屌我古老石山，而家點解一定要實體書？就算實體書我都可以上網買。係丫，我都係咁。但，我地而家講實體書店嘛。
21. 所以你自己可以計下，你用幾多錢去買實體書？唔好呃自己，寫低。
22. 之後你諗下，你過去咁多年，用咗幾多錢去旅行。食咗幾多咩米芝蓮。飲咗幾多杯乜乜奶茶。計下溝唔到嘅女用咗你幾錢。買六合彩用咗幾錢。然後你咪知，你有幾重視書。你咪知點解書加唔到價。
23. 事實係咁，因為，書唔係一種好有炫耀性嘅東西。或者話，你根本唔需要睇完本書，就可以得到佢大量嘅Utility —你想打個卡？入去拎起佢打卡走人。你想扮有睇過？網上大把書評有得你抄。所以，邊使買書？
24. 至於你話睇完晒書本入面得到嘅知識？Sorry，係唔值錢的。
25. 我知睇書係好快樂—但只係對某啲人（例如我）而言。唔係大眾嘅選擇（亦唔係三聯嘅選擇）。而即使你有呢啲咁另類似癖好（類似想玩制服咁）—咁你肯加幾多錢？係冇幾多的。至少我唔使買實體。
26. 所以返到尾，就係實體書店根本創唔到價值—但其他實體舖就可以。
27. 即使唔講實體書店，講書in general ，我都覺得係前景黯淡的。原因亦都係互聯網。但我唔係指亞馬遜搶生意咁簡單—我係指根本亞馬遜上買書嘅人都越嚟越少。
28. 原因係因為替代。因為互聯網。而家有乜嘢，你係要睇咗本書先知？其實近乎係冇嘅。你要知嘅知識，好易可以搵到，特別係好多人根本連內容農場同真知識都未識分。即使你真係知道，喂，呢本書好正喎—都有大量「圖書谷阿莫」，話畀你知，本書係講乜。太多免費嘅替代啦。
29. 有人話睇書多嘅人，講嘢寫嘢都唔同啲。我就當你去做KOL寫啲文都好啲。真係？我覺得唔係。你可以睇下乜嘢KOL多人睇，然後睇下同佢睇幾多書，有乜相關性。我好肯定你搵個靚仔靚女嚟，每日除衫拍片，反應一定好過佢睇晒成套柏楊版資治通鑑。
30. 未來其實好簡單，就係「睇書」呢樣嘢會被淘汰—但唔係完全，睇書會變咗某啲人嘅特定技能，你唔識冇大損失，你畀錢呢啲人，自己時間去做更有意義嘅嘢。等於兩百年前，個個識自己造衫，後來就出街買啦。疫情之情，其實都有人講話一百年後就冇乜人再識煮嘢，個個出街食。
31. 所以未來個趨勢應該係，睇書變成好似竹昇麵呀之類嘅技能。只有啲精通而又窮嘅人先會去做。其他人，咪幫襯呢啲人。返返去以前街頭講故咁：諸位，我地今日講《埃汾李的思考藝術》。上回講到，長洲賓客人數多（日本故事掛），今回開講，惠康聖誕大特賣—卻說辰衝執笠後……欲知後事如何？記得課金。
（＊）我其實一路都唔明呢個邏輯在邊，如果正規原教旨經濟人更加係R爆頭。OK業主無良想賺到盡—咁唔通你未拎米芝蓮佢就唔係無良？佢當時就唔係想賺到盡？
（＊＊）其實舒琪應該唔會睇到，但佢出名串，都澄清返。唔係佢評論冇價值，相反，係好有價值。問題係，而家啲人唔會識分呢啲價值。我地嘅教育，培養出一大班識字嘅文盲 — 最可愛係，佢地一樣認為我係文盲。乜撚嘢呀？有Facebook Page好叻呀？都唔知你寫乜。CFA好叻呀？發達未？星展好叻呀？陸東先係有料到。
————————————————————————————————
最新收費影片：第一次推介跑贏大市，同你回顧檢討下。仲有新推介。40分鐘，都係賣返$80
簡介及以前嘅片（未睇可訂）：https://bit.ly/3iYMD0F
報名嘅，課程編號CC006：https://bit.ly/3eXVX1K
報完名交咗錢，呢度log in：https://bit.ly/3gYXu9e
之後按最頂「按此觀看」就得
仲搞唔掂嘅，睇埋下面，或者搵客服，或者PM我。
-------------------------------------------------------------------------------
【最新李聲揚收費影片】題目: 回顧第一段專欄片有幾勁！今段落多幾個Number賺死你！40分鐘，都係賣返$80
影片/課程編號：CC006
播放平台：https://homebloggerhk.com/web-class-player/
付款及收看步驟：
1/點擊報名收看 [影片/課程編號：CC006]
2/利用信用卡網上付款
3/及後有登入資料可以立即收看
查詢：whatsapp 63832145
六欄打卡鐘設定 在 君子馬蘭頭 - Ivan Li 李聲揚 Facebook 的最佳解答
［辰衝執笠我其實好心涼］當然係私人恩怨。但童年陰影，我由六四之前忍到而家！卒之可以爆！四千字！大量粗口同負能量。自己睇路
話時話，呢排記得keep 住like and share，主動入嚟睇，同埋設定做see first．真係搵食艱難。但感激大家，Keep住做，呢排啲Reach係好返好多的，但唔好鬆懈。一個都不能少呀
TL：DR – 店大欺客白鴿眼。門高狗大，文化界陸羽。我廿年冇去過。你懷念乜柒前，最好計下你過去廿年幫襯咗幾多錢。
1. 大量粗口同負能量，不喜勿入。睇嘅後果自負。拿，我平時都文都粗口。都仲warn 你，咁真係好大量。即係個四川人煮嘢畀你都叫你小心辣，自己睇路。先屌辰衝，再屌偽文青
2. 小小嘩眾取寵，但係真的。當然係私人恩怨講起，唔係咩好大件事。你可以當係好似施永青聖誕節（https://bit.ly/39Gwr00）嘅童年陰影
3. 有人話唔應該幸災樂禍。好似係。但我更不能接受虛偽，既然我咁諗，就咁寫。唔通我寫篇文「懷念辰衝」？我做唔到。況且，其實好多人都係幸災樂禍，你同我都係。我肯定我今晚橫屍街頭，一樣好多人好開心開香檳慶祝。我而家只係行使返我應有嘅權利。至於失業嘅員工？咁我又唔係因為有人失業好開心。我係因為佢執笠好開心啫。正如你買中經濟爆煲賺好多錢，唔等於你係因為有人跳樓而好開心。
4. 無數咁多人可以證明，我係一個愛書人，亦係一個鍾意行書店嘅人。況且我鍾意睇實體書（咁當然我都有Kindle），亦會真係行書店，唔係去打卡買文具飲高糖奶茶做偽文青。
5. 咁當然，愛書人呢啲，睇你用咩標準。其實好多爭拗都係，睇你用乜標準。你可以話我好廢都得架，你可以話我好窮都得，睇你同咩人比。霍建寧你都可以話「打工仔之嘛」，「大劉嗰啲先係有錢」。大劉你都可以話唔係真富豪架，「Jeff Bezos嗰啲先係有錢」。Jeff Bezos好叻咩？咪又係離婚。一定可以搬到你自己開心的。
6. 咁所以，肯定更多人比我更愛書局，唔使出嚟挑機。好似我所有嘢都係咁，好多嘢都識啲，但冇一樣好精，狐狸嘛。好多嘢我都有興趣（火麒麟嘛，當然包括埋《火麒麟》），但冇一樣去到極沉迷。有人（例如 高天佑）當我係港產（爛）片之鬼，我話佢知，你知你真係未見過junkie（＊）
7. 講返，作為一個適度嘅愛書人，行書店嘅人。辰衝真係算係我童年陰影。點解？因為店大，欺客，白鴿眼，扮撚晒嘢。識英文好巴閉？
8. 當年我只係小學雞，出城，海港城添呀。應該老豆帶我出去，咁老豆一向都放任政策。咁我都話我係愛書小朋友，梗係行書局。咁我入去睇，你老味丫，同我講英文。大家中國人（！）做乜要講英文？咁我問佢，有冇中文書啦。佢先好不情願咁同我講：我地呢度只係賣英文書架小朋友
9. 你老味丫！1997快些到吧！（當時應該係88/89年）。易酒酒切，易酒酒切。（＊＊）
10. 時間過咗幾年，我卒之識講英文。雖然未97，但去到樂道嗰間辰衝，即係而家執嗰間。依然係咁嘅華人與狗嘅態度，好似變咗講中文，但一樣係不可一世嘅買辦嘴臉，十問九唔應，唔憂做。我覺得，「漢奸」就係咁上下款。佢態度就係話我知：牛屎仔，你識英文咩？睇玉郎漫畫啦你。
11. 就咁？係呀。就只係咁。後來就真係1997，我就英文拎咗個B，我睇好多英文書。但我一撚次都冇去過辰衝。一撚次都冇。一次都冇撚去過！
12. OK，完全係我廿幾年前嘅童年陰影。你可以話我知你去到人地對你十分親切，或者係我樣衰，或者係我人必自侮然後侯姆斯。隨你。反正你改變唔到我點睇，亦改變唔到佢執笠嘅命運。你攻擊我你好過啲嘅，be my guest （呢句肯定唔係辰衝教我）
13. 但，而家，我見到一片哀號，無病呻吟。呢個又「一個時代的終結」（廢話，求其一間邪骨畀人掃你都可以話「一個時代的終結」），一係又「細細個去開」（咁使唔使懷念百人一朱？我去百人一朱肯定多過去辰衝），嗰個又「香港容不下一間書店」（我咁多年去咗邊買書？），甚至係「香港大陸化又一步」（講嘅應該冇撚返過大陸去大陸嘅書店，何止英文書？法文書俄文書都大把）
14. 我就真係不得不講，賤人就是矯情，get a fucking life 啦。
15. 任何人，懷念辰衝，懷念乜乜之前。唔該，你幾多年冇幫襯過？你幫襯過幾多錢？我敢估，絶大多數人，過去廿年去辰衝使嘅錢，唔會多過你去一次日本，或者食一次米芝蓮兩星。你在辰衝一年用到幾百蚊嘅，你就有資格懷念啦。否則？阿叔食碟牛肉都唔止。
16. 既然人人都冇幫襯，咪即係間嘢唔掂咯。資本市場，有幾撚難明？咁，有乜撚嘢好懷念？固然邏輯撚可以話，我可以又懷念日本又懷念米芝蓮又懷念辰衝，冇衝突。咁你都幾撚忙，同幾濫情。懷念用得多，自然唔值錢。你見個女仔條條仔分手佢都要割脈嘅，唔係代表個個佢都愛，係個個佢都唔愛，佢最愛佢自己，明冇？仲唔明？咁請睇返第14段
17. 我唔知幾時開始，個城市變得咁撚虛偽。肯定丘世文去辰衝嘅年代唔係咁。（放心，呢本書當然唔係在辰衝買，人地巴撚閉唔賣中文書）
18. 但凡乜鬼老店執笠，偽文青定必打卡，排隊幫襯，嘩我好唔捨得。借問聲，先生你對上一次幾時幫襯？原來係梁振英做緊特首嗰時。根本有好多老店，係死有餘辜嘅。銅鑼灣SOGO後面果間乜鬼麵家話？屌你，污糟到仆街。你同女神去食我包你嗰晚食自己（或者行過啲上富士山。點解SOGO行過啲係富士山？你懂的）
19. 唔止，連麥當勞執笠都有人要懷念。又唔係黑心企業地產霸權了。最撚戇鳩莫過於係話地產霸權迫走麥當勞—我屌！麥當勞自己咪做地產（https://fbook.cc/3D3T）！本城有幾戇鳩同虛偽，又一示範。（所以記得睇本Page，比別人知得多。仲要睇《明報》）
20. 即係，灣仔永華麵家（已死）。我一年食十次八次，唔敢話熟客。但比好多人去得多。執笠嗰時？咪又係一街懷念。但明明之前我見港女又嫌污糟，又話人四十幾蚊碗雲吞麵好貴，三十幾蚊碗紅豆沙好貴。仆街你食一風堂啲味精水成舊水就唔撚貴。哦人地拉麵有象人精神，但一風堂唔撚係象人精神下話？當年美心未係藍店都係咁話。況且根本日本嘅一風堂都冇象人精神啦！
21. 永華就真係好食（本人覺得）。問題係，咁爽，不如你去做丫？你估日日挫竹昇麵好過癮？我肯定挫竹昇妹（或仔）好玩啲。人地就托搭咁早起身，挫撚到生痔瘡，等你啲文青平時就唔幫執，執笠就嚟打卡。（https://bit.ly/2CUrlBd）
22. 講開沙田麥當勞執笠，唔止，連商務執笠都有人懷念。媽媽咪亞。又唔係三中商邪惡集團了。更甚者，甚至有人話「商務印」。可見本城嘅文化程度有幾高。（＊＊＊）
23. 真的，你鬧都好，對我成長最大影響，唔係辰衝，係商務同三聯。特別係商務。好簡單，因為細個屯門八佰伴，就有間商務。我老母同啲姨媽咩去行街搞大半日，我就自己去商務睇書，乜都睇。睇到八佰伴播散場音樂。睇咗好多，好多書。
24. 時間再早少少，我小學雞時，我地年代邊撚有乜鬼遊學團。暑假最有建議性嘅嘢，就係我老母踢我去仁愛堂（唔知邊度？有冇睇《古惑仔戰無不勝》？）學乜學物。當年佢嘅得意之作，包括書法班啦（哈哈哈），游水班啦（哈哈哈）。基本上學嗰樣衰嗰樣。
25. 但我仲會偷偷地走去田家炳圖書館。細細個我就睇晒兒童圖書館嘅書咁滯（！），走去睇成人圖書館！可惜係冇成人封物睇。開頭黎巴嫰人（librarian 是也）仲會阻止我，但後來見我咁好學，又唔會出聲，根本就已經次次都放我過去。
26. 仲有咩書店對我大影響？誠品啦。當然係台北。但當然我第一次去台北已經係2008年嘅事。誠品以可以打書釘出名大家知啦，加上台灣舖頭大，當時又未咁撚多香港文青去，又開通頂，十分好的。
27. 英文書？Page One咯。又係海港城。不過我記得唔係辰衝原本個舖，辰衝在海洋中心，丘世文就係去嗰間辰衝。又一城店我去得仲多。有冇話你知有一期我在浸會返暑期工？係呀，Page One，商業化。都痴撚線。賣書梗係商業，唔通工業？
28. 仲有乜？眾多二樓書店（同樣地，當有人問「二樓書店」在邊，你可以當呢個人係唔去書店嘅，正如我朋友教煮送，有人舉手問「萬年油」在邊買）。迫係迫啲架啦，但至少任你揭。仲有，嗰啲佬（好少有後生仔，女就更加少），有問必答。我都話，好多而家嘅店員，連自己份工都冇尊重過。
29. 講呢啲做乜？拿，呢啲先係好書局，先係幫到新界西成長（此處新界西唔係地名，係人種）。開書局，你理應係放低個門檻，等更多人接觸到。唔撚柒係變成書店陸羽，西口西面（但又我去陸羽咁多次都冇畀人西口西面）。我知，租貴，唔好混吉打書釘—但我講緊1988年喎。租貴？今朝剛睇到，舒利亞當年今日轉會布力般，三百萬鎊，英國紀錄。
30. 講到尾，我最不滿辰衝，係嗰種偽知識份子嘅傲慢。仆街丫，你開書局咋，你PhD in 吹蕭？多得之後有其他書局，我先學到好多嘢。
31. 鬧咗三千字。好簡單，一間根本冇乜人幫襯嘅書店執笠（況且只係執一間實體店），有乜好懷念？華僑日報執笠嗰時你有冇懷念？一份冇乜人睇嘅報紙執笠，唔代表報業收檔。正如一間冇人去嘅書店執笠，不代表書店收檔—雖然其實都係慢慢死亡，所以，慳返啲時間懷念其他書店啦
32. 留意成篇嘅大調，其實同我平時嘅價值好似唔同。埃汾係「精英主義」嘅，最好上網要考牌，唔識基本英文嘅，對好多話題應該冇發言權。我識嘢多過你，當然係我講，唔係你講。但呢個情況真係唔同：我冇阻止任何人去睇多啲書（我次次都叫人「讀多幾年書先」），我冇覺得知識應該係某啲人嘅專利。只係認為你冇知識前應該shut the fuck up．但辰衝呢類白鴿眼，未必有心，但事實係阻礙阻知識嘅傳播。亦見到英殖有幾好 — 但1997一到，你就時辰到。唔係共產黨，而係有互聯網，有亞馬遜。我仲使去睇撚你面色？
33. 對，我係贊成知識門檻應該低—但前題你要尊重知識。但，DK Effect嘛，越係唔撚識嘢嘅嘢，就越大聲。
（＊）有套戲叫《戰 無雙》，熊欣欣導演，蔣璐霞李燦琛張兆輝主演，陣容唔差，但套戲票房係327蚊 — 而我朋友有份入場！（https://bit.ly/3g7wkNn），套戲只係在天水圍平日日頭上過兩場，睇過嘅應該五六條友。我朋友係其中之一，呢啲就高手！
（＊＊）冇錯係瀋陽姑娘艾敬嘅《我的1997》。我推介你睇我朋友胖企鵝寫嘅文 「香港 香港 怎麼那麼香？」－－艾敬的1997（https://bit.ly/2P4oGHK）。仲有 黃家駒的《大陸情人》（https://bit.ly/2DhlRQE）。黃家駒唱嘅《情人》，原本係叫《大陸情人》。童年崩壞未？原本曲中主角就係北姑艾敬。但放心，搞北姑嘅係劉卓輝。呢兩篇文真係好睇。「東區走廊，我有份起架」。篇文我冇份嘢，胖企鵝唔係我徒弟—但佢係睇我嘅文大。唔止，高天佑都話睇我嘅文大。可見我好老。但，所謂生命影響生命，就係咁。
（＊＊）再講一次，係「商務—印書館」，唔係「商務印—書館」。係「蘋果—動新聞」，唔係「蘋果動—新聞」。之前有單新聞，證監批「飛尚非」 股權高度集中 。間嘢叫「飛尚非金屬」。以前做節目有觀眾問「天化工」362，間嘢叫「中國天化工」。關公係「漢壽—亭侯」，唔係「漢—壽亭侯」。不過「一生愛錯放你的手」點讀，問返張宇（其實係問佢老婆）
————————————————————————————————
最新收費影片：第一次推介跑贏大市，同你回顧檢討下。仲有新推介。40分鐘，都係賣返$80
簡介及以前嘅片（未睇可訂）：https://bit.ly/3iYMD0F
報名嘅，課程編號CC006：https://bit.ly/3eXVX1K
報完名交咗錢，呢度log in：https://bit.ly/3gYXu9e
之後按最頂「按此觀看」就得
仲搞唔掂嘅，睇埋下面，或者搵客服，或者PM我。
-------------------------------------------------------------------------------
【最新李聲揚收費影片】題目: 回顧第一段專欄片有幾勁！今段落多幾個Number賺死你！40分鐘，都係賣返$80
影片/課程編號：CC006
播放平台：https://homebloggerhk.com/web-class-player/
付款及收看步驟：
1/點擊報名收看 [影片/課程編號：CC006]
2/利用信用卡網上付款
3/及後有登入資料可以立即收看
查詢：whatsapp 63832145