《Staycation》

😎：大作家，返左黎香港都唔出聲！

😈：未隔離完嘛，隔離完就搵大家聚舊

😎：拍拖未？係外國有冇幫我地爭氣！

😈：希望有得拍，最近我係網上識左個女仔，都好大機會發展，今次我係因為佢先返黎，隔離完就會見佢第一面

😎：網戀……換左相未？

😈：未囉……

🤩：嘩嘩嘩，你睇呢個有異性無人性既人，當年邊個話唔會返，依家一巴巴打落自己塊面度！

😈：為左你地就唔會返喇，請你地唔好睇得自己咁大，如果我話為你地而返黎，你地要小心屎忽！

🤩：你之前去美國，係咪上左斷背山？

😎：放心，我地好開明既，就算你性取向有改變都好，我地都仲係兄弟，只不過可能唔可以再一齊游水

😈：其實轉基都唔會向你地呢幾件蛋散落手囉好唔好！係呢，阿豪呢？唔見人既，佢拍拖未？

😎：@小豪子 就決定係你喇！出黎啦！

😶：咩料……返緊工，係咁黎msg

😎：大作家問你拍拖未

😶：未

😈：真係清晰易明，退下吧

😶：剛好，有樣野想同大家講，我中左獎

🤩：六合彩？肺炎？定係仙人掌

😶：疫苗大抽獎，總統套房Staycation三日兩夜，包自助餐，我無拖拍，平讓比大家

🤩：幾時幾錢先，我同我老婆去都好，下下個月結婚周年

😶：收你10000，時間係九月三四五號，無得改時間，無得改地點，我要去拎房先，然後比房卡你地

🤩：不了，我當聽唔到，一陣我老婆知道我就大獲

😎：我同女朋友就結婚要儲錢，呢種高消費既就唔煩大家喇

😈：唔……我有冇女朋友都仲係未知，所以唔駛預我喇

😶：咁反正要聚舊，不如就個三日一齊去Staycation啦，你地返工既請半日假就可以，五六日，又有得食，又有得訓

😎：……四條麻甩佬一齊去Staycation……係咪要帶催情朱古力？

🤩：酒店番皂應該係有大量，三日兩夜，諗起就痛……

😈：我反正無地方住，我租少兩晚酒店，ok啊

😎：咪住咪住，你條算死草駛唔駛我地夾返先，照除一人二千五？

😶：一齊去我當請你地

🤩：豪哥，你……有絕症啊？先皮野你請我地去？

😎：我都覺得有奇怪，有乜事你記得同我地講啊

😶：你兩條友都係要拎老婆同女朋友批准姐，你咪話我有絕症去見我最後一面囉，反正由細到大你都拎我黎過橋，成日出黎聚會都係話我唔開心，要陪我安慰我，慣喇，你地自便啦

😎：三日兩夜喎……四個麻甩佬喎，聽落就令我生出無限聯想，集思廣益，到底四個男人去Staycation要準備咩？同女朋友去就去得多，我咁大個人都係第一次同男仔去咋，你地要溫柔啊～

🤩：剛剛問左老婆……佢話唔比去……

😎：垃圾！！！振夫綱啦！！！

😶：少一個人都無所謂既，三個人都可以照去，按老規矩，我地會帶你張相去出席，今次揀張好笑容既！

😈：平時去酒店會講係慶祝紀念日，今次阿豪你同酒店講，係黎緬懷好友，睇下會唔會有花牌！

😎：講到勁唔開心，話唔定會送酒！

🤩：朋友，我黎到喇，辛苦晒！

😈：唔好勉強喎

🤩：無，我幫老婆book左同姐妹同時間去Staycation，所以佢放過我……呢個世界可以用錢解決既事唔多

😶：我覺得照舊可以同酒店講，睇下有冇贈品

😈：我地好似十年前去過camp，當時打足一晚牌……依家老喇，唔去梅窩，去Staycation，呢種咪進步囉！

😎：作家你可以寫個故事講呢三日兩夜既男男男男Staycation，我希望係一本要包膠，過唔到淫審既作品！

🤩：係咪有陣腥味？

😶：我幫你地影相，有圖有真相，應該幫到銷量

😈：我會標榜係真人真事，書名我都諗好喇《寂寞中出轉機》四兄弟去Staycation，然後無兄弟做，到底呢個係劇情故？兇殺故？愛情故？喜劇故？戰爭故？定係恐怖故？呢四兄弟行出呢間酒店之後絕口不談發生過既事！

😎：我上次同女朋友用唔晒既浴鹽可以帶埋去！

🤩：我訂左支生命之水，95％酒精！到時大家一人一杯！

😈：我支消毒酒精都好似係得75％……你確定係一人一杯？

😶：咁我confirm喇，唔好甩底，唔係無兄弟做！

😈：得啦！

😎：放飛機一世都打唔到飛機

🤩：一世陽萎！

——

長傾·不見 第一回 @筆友
https://bit.ly/LongchatEP1
長傾·不見 第三十二回 @電話
https://bit.ly/LongchatEP32
好久 不見 第一回@久違
https://bit.ly/LongtimeEP1
好久 不見 第八回@雙生
https://bit.ly/LongtimeEP9

［Only In Hong Kong！］我堅係笑咗出聲，仲查咗幾次唔係fake news 先貼！打針做業主呀喂！

TLDR：重賞之下必有勇夫。正所謂人為財死，鳥為食亡呀！好快有人R其他發展商！其實真係唔多錢，仲要兩間人一一半。所以信和識玩，呢5百萬廣告賣得值，仲可以即時變愛港商人

經濟日報原文：信和華置推1080萬凱匯單位抽獎　鼓勵市民打針 （https://bityl.co/741O）
＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

1. 之前打針有機票！送5萬張，你諗下個中獎率都幾高，500萬成年人，大約10000之一，高過六合彩四獎（22000份之一），四獎都係一皮嘢，但你仲要成本。（＊）

2. 實情外國一樣玩抽獎，一千萬港紙你估真係好多錢咩。不過由現變做送一個單位，件事就十分「香港」。好似返到N年前選港姐有層洋樓咁（＊＊）

3. 又，講明先，本人先唔會幫政府做打手谷針（我有冇咁cheap？當然有返一千幾百萬嘅又唔拘）．不過疫苗喎，我都係會打嘅，但未打住，「睇下日本認邊隻先」。驚打咗失效或者唔認嘛。講真，打完有得去日本嘅，「老死都打」。你咪睇下而家話死都唔打嗰啲，到時係咪唔再外遊。又或者估下外國會唔會畀你唔打針入境？

4. 另外，政治大陰謀就留畀你地解釋，但不如諗下，點解係信和華置？特別係信和，其實係邊度人？坡又唔係坡港又唔係港大陸又唔多受佢玩咁。有啲嘢。

5. 再另外，又諗下會唔會其他發展商已經心中暗盤有人做壞規矩。我幾乎肯好快會有人R其他發展商都捐個單位出嚟（呢啲咪就係保護費），甚至乎叫呀 歐冠昇 捐返十手廿手港交所都好，江湖從此多事呀喂。

6. 最後認真，信和83是隻好股票，幾時私有化啫？net cash 又極大折讓，黃廷方黃志祥等人始終正經商人，唔係啲永世沒有最平只有更平嘅公司吧？

（＊）當然你可以話打疫苗會死，「但人總有一死」。正經講，過馬路去投注站就冇風險？再正經啲，外國啲大獎，有人計過，你過馬路撞死嘅風險大過中嘅機會—所以，識買梗係online買。

（＊＊）然後到我大個真係睇女，已經縮水變咗一層大灣區樓，而家更加冇，頂多介紹個大灣區土豪你識。呢個故事教訓係乜？樣靚身材正（你可以話美貌與智慧並重嘅，正所謂對波都有戲），得你一個？港姐冠軍嘅貶值，同買層樓真係冇得比。不過掉轉講，幾多靚女以前都出唔到頭，只係做個普通文員仔，而家個個都Only Fans 他媽哥池啦，有才華（樣靚身材正當然係才華）使乜靠大台。其實都係民主化扁平化（啲女就唔扁平），等於以前Ｏ靚模打冧傳統老模，手機淘汰攝影師，零佣金淘汰以前佣金協議咁。而家冇懷才不遇架啦，似乎係好事嚟嘅。但競爭又多咗咯，以前你門檻高嘛，但入到去霸住個報紙專欄寫文寫下昨晚同邊個食飯，鳩下鳩下又十年，而家冇咁易了，個個有啲淅醋嘅都開Patreon啦。

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

［只望停在遠處祝君安好　多麼想親口細訴］（＊）睇住確診買1137，長玩長有—不過到人人都睇到呢篇文就冇得玩了。Efficient market 嘛，亦所以點解咩「股票必勝法」或者「技術分析」係self defeating，因為人人都用就變咗冇用。正如人人都知荷甲入波多專開大，人人去買，賠率自然低，甚至由2.5變成3.5分界。

更多文章在Patreon （https://bit.ly/31QmYj7）

1. 中學同學在whatsapp群組講 「X！幼稚園又停課」（＊＊）。但我就即時去望隻王維基香港電視HKTV Mall 1137 （＊＊＊）．

2. 能知三日事，富貴千萬年（＊＊＊＊＊），想像下如果你一早知道輝瑞會公佈疫苗成果？應該Patreon（https://bit.ly/31QmYj7）唔只講過一次，呢個香港確診數據係好好炒嘅。因為做過大數據雲計算AI研究（即係，整過個Excel畫過個圖放過上Dropbox，真的，Patreon我好似share過個Excel），1137啲股價，同確診數字係好大關係的。

3. 咁最早係邊個會知？我都唔知。To Be Fair，呢啲冇理由係咩市場敏感消息，唔使等收市公佈，但what if 你trade on佢？咁你唔使等張竹君出嚟講先知嘛。有啲傳媒（親建制？）朝早就放晒風。

4. 而你睇下，真的，我同學11:23左右講呢個「X！幼稚園又停課」，隻嘢就即升！

5. 當然理論上你睇啲其他公司都得，但目測1137係對啲疫情敏感度最高嘅。咁你鍾意炒太興都得嘅，呢排幾好，美國大選概念股，拜登一選到真係升，因為「賀—錦麗」（OK，個gag真係爛到仆街，但由華文傳媒開始報呢個名時，我已經諗起錦麗牛肉河。BTW，在胡志明市食過，認真麻麻）

6. 噢，仲有，聽日恒指季檢，會檢埋「港版納指」嘅恒生科技指數。但1137入唔入到？短答案係，梗係入唔到。長答案係，可能有排甚至永世都入唔到。今晚Patreon會寫點解（https://bit.ly/31QmYj7）。

（＊）甚至都唔使加句「識唱一齊唱」。嗯，不過早兩日先知道原本係韓文歌（＊＊＊＊）！我覺得好震憾。但嗰個年代雖則K Pop未有咁多人講，香港已經大量改編了。人地就靜靜地起革命。正如韓片一樣。而《八月照相館》或《我的野蠻女友》前，我已經去旺角百老匯睇《生死諜變》（＊＊＊＊＊＊）（呢套真係韓流第一槍，唔通睇《飛天舞》定《隔世琴緣》咩），在紐約（戲院啦，已執，會變五糧液酒樓）睇《愛的肢解》（沈銀河！八月照相館條女！好睇！），真係走在潮流尖啄。同一日我仲同同一條女在紐約睇《十二夜》，大韓航空空姐嘅張栢芝，就好睇過飛天小女警造型了。至少條脷冇咁熱氣

（＊＊）講開呢個「X！」，當年呀朋友同另一女仔一齊夾稿，做婚禮MC。咁就唔知邊個搵啲現成嘅template，朋友見到佢句開場白係「X！我今日真係好開心呀」。原意係個將個女仔個名代入個X度，但我地一以為係「屌！我今日真係好開心呀」。BTW，個朋友死咗了（人就係會死架啦，有幾出奇？）

（＊＊＊）到底幾時先可以就咁講1137大家就明？其實應該大家明，係我冇信心

（＊＊＊＊）BTW，有幸同埃汾唱過K嘅（乜K都好），都好可能聽過埃汾唱《祝君好》。實不相瞞，我Facebook 有直播過嘅。嗰時在福建漳州。而家啲友講片仔癀，但我只會記得漳州雪耳。BTW，間公司爆咗煲。

（＊＊＊＊＊）有時都未必咁簡單。即係你知道六合彩開乜，或者十年後騰訊幾錢就發達。但如果你只係知騰訊下年賺幾錢呢？可能都會輸錢。

（＊＊＊＊＊＊）BTW當年《生死諜變》啲譯名真係亂鳩咁嚟的，韓石圭（八月照相館個韓仔）個角色叫Yu Jong-won，原本係柳重遠，唔知做乜春香港譯到崔相煥。台灣仲正，叫做「隆」。崔岷植（《原罪犯》個主角）個角色Park Mu-young，原本係朴武影，香港變咗卜萬坤，個坤字點嚟？台灣？仲正，叫做「帕克」，我幾驚佢譯「公園」。你是杰丁嗎？不，我是希爾瑞斯。

-------------------------------------------------
Ivan Patreon，港美市場評點，專題號外，每日一圖，好文推介。一個月一舊水唔使，三個月已近700人訂！仲有免費試睇：https://bit.ly/31QmYj7

-------------------------------------------------
Instagram @ivanliresearch．七成金融（短打）兩成嘢食一成其他嘢。

-------------------------------------------------
［收費短片第十擊］人民幣升值受惠股，美股二線科技股揭秘
課程資訊：https://homebloggerhk.com/course_detail/?code=CC010
內容:
*軟件股IPO狂潮
*買平台股好過
*人民幣強勢買咩好?
本星期內特惠售價: $80
課程編號：CC010
觀看期限：首次播放後一星期及限每影片４次
客服whatsapp: 63832145