【龔成問答信箱】（Q22401-Q22420）

Q22401：

Hello 依家溫緊進階班第5堂 notes 你話如果附屬公司多而且比較接近50％ or 小數股東股益較大 個純利率會扭曲左

想問下幾多間附屬公司先為之多。同樣 小數股東股益點樣先為之大 例如佔左總盈利既某個%就叫大？

龔成老師︰

我地要估這個調整，主要係因為當集團對附屬公司持股，較接近50%時，即附屬公司盈利中，有不少比重非有集團所有，令計算出來的純利率出現偏差。

所以，我地有時係會唔扣"非控股權益"，直接用盈利(而非股東應佔溢利)去除營業額，去計算純利率。

但我地唔需要一見到"非控股權益"有數字，就去做這個調整。因為有時個數字好細，當你調整後，發現純利率其實無明顯變化。

所以，你預"非控股權益"大於"盈利"10%，我地才會對純利率進行調整，令佢數字更能反映真實情況。

------------------------------------------------

Q22402：

你好請教1928，見佢近期弱左，如靠債去還債，賺到的利潤都會被利息蠶食。

派一次中期息都要10億美元，好難想像何時內可以做到。

還未計續牌等政治風險，以你的專業分析點解可以對此企業有咁堅定信心？


龔成老何：

金沙（1928）風險度的確增加左，但投資者分析時，不要將中短期因素太過放大，其實只要澳門疫情穩定翻少少，其實就無事。

睇翻上半年，金沙中期經調整物業EBITDA 2.34億美元，銀娛都是EBITDA有正數的，反映如果唔計會計因素，佢是有錢賺的，除非疫情惡化，否則，佢無問題，而我地從投資，是投資企業的長期，不用將當刻的短期因素太過放大，同時佢持有的資產好有價值，要融資都十分容易。

至於政治因素，的確有少少，但如果從「澳門政府想那些博企續牌的角度」，就是金沙、銀娛，這是從就業、澳門發展等的角度去分析。

------------------------------------------------

Q22403：

你好。想問9926同2878點睇，9926跟人買跌左十元。點算，唉。守唔守好

龔成老師：

康方生物（9926）你預佢上落會較大，不宜持有太多。

主要從事生物製藥業務，專注於腫瘤學及免疫學治療領域。

佢候選藥物例如有ＡＫ１０４：適應症包括子宮頸癌、肝細胞癌、食管鱗狀細胞瘤、胃癌、非小細胞肺癌、黑色素瘤、晚期實體瘤、外周Ｔ細胞淋巴瘤；預計於２０２１年下半年在中國提交治療子宮頸癌的首次ＮＤＡ（新藥申請／生物製品許可申請），及開始在美國進行治療晚期或轉移性實體瘤的Ｉｂ／ＩＩ期臨床試驗，以
及聯合治療實體瘤的試驗。

這企業現時是投資期，回報要慢慢先見到，不過，這股估值十分難。因為無實在的收入與盈利進行計算。

只可以話，風險較高，是有危有機的類別。投資注碼一定不能大。

如果持貨，小注，長線，不是不可。投資得就一定長線，等佢長期回報。

如黑持貨多，宜減。

晶門半導體（2878）都算有長線投資價值，佢係一間無晶圓廠半導體公司，主要從事設計、開發及銷售專有集成電路晶片產品及系統解決方案業務。

佢的產品及方案可供應用於智能手機、平板電腦、電視╱顯示器、筆記本電腦以及其他智能產品。

雖然都有一定的生意，但多年來都出現虧損，到近年才算好轉。行業需求對佢是利好的。

這企業質素未算好高，因為技術未算好強，這股如果持貨不過多，都可守住先。

------------------------------------------------

Q22404：

我想請教你
2869在11元買入
1313 在 9.9買入需止蝕嗎？

我知3319/1313是優質股可以守，2869是優質股嗎？
多謝阿sir解告令我心態有改變

龔成老師：

綠城服務（2869）仍算有質素的。佢為中國高端住宅物業服務供應商，提供以下三類服務：

（１）物業管理服務：包括保安服務、保潔及園藝服務，以及物業維修及保養服務。

（２）顧問諮詢服務：包括在建物業服務（示範單位管理服務及建築工地保安服務）及管理諮詢服務（於項目設計及開發階段提供物業開發諮詢服務，以及於物業交付後提供各種物業管理諮詢服務）。

（３）園區增值服務：包括園區產品及服務（購物協助、拎包入住服務、交通服務、文化教育服務、房屋返租與置換服務及二手房交易的經紀服務）、家居生活服務（物業維修及保養、家政服務、保健及娛樂），以及園區空間服務（出租廣告空間，並提供廣告設計、製作及出版服務）。

過往發展不差，業務有增長，現價合理區中上部。

這股都可以守，但你預佢中短期會有少少波動。

至於另外兩股，都可持有。但你較集中在內地地產相關行業，小心行業集中風險。

------------------------------------------------

Q22405：

如果我40歲，加按d錢出嚟投資會唔會有風險？謝謝你的意見

龔成老師︰

以你年齡可承受的風險程度(以你年紀，建議總負債，最多只可以佔總資產6成)，加上現時仍處低息期，加按是沒有問題的。

關鍵是加按後，將資金買入其他資產，創造更高的回報，由於加按是要支付利息的，所以新資產產生的利息回報一定要比加按的利率高，這樣才值得做。

最好有比較明顯的息差回報，這樣才能抵銷加按後，加大負債為你所帶來的風險。因此，你加按前，最好先計劃如何分配新資金，如何平衡風險，怎樣說服自己獲得理想的回報，即是有充分的理由，而非為加按而按。

若是投資於股市，相信中低風險會較合適，公用股、內銀股、收息股、房託等，都可考慮，策略為長期的增值及收息，期望股息回報大於加按利息，這樣就值得做。但絕不建議炒賣等方式投入股市。

------------------------------------------------

Q22406：

到目前為止，我們現住的村屋政府還沒有任何收地計劃。估計還可以起碼多住十年八載。我想得到一些資料關於鄰近地區政府收地價、土地私人買賣價錢等資料，

從而比較一下地主開出的價錢是否合理。請問以上資料可以從哪裏得知呢？謝謝你的幫忙！祝生活愉快！

除了以上住屋問題之外，從二月至今，已分段買入以下股票合共約200,000。(之前打算用1,000,000投資，其中500,000分注入市及月供股票；

其餘500,000手持現金等大跌市才大力度掃貨)，請問暫時這個股票組合是否合適我？分注買入速度又是否過急呢？

66 - 43.50 （12.3%）
1658 - 5.70 （9.6%）
1928 - 29.20 （13.2%）
1972 - 22.90 （12.9%）

2800 - 27.80 （7.8%)
3067 - 17.60 （19.9%)
9633 - 56.80 (12.8%)
9988 - 198 (11.2%)

另外，月供股票方面也開始了兩個月。分別月供以下股票。月供股票因為剛開始，未有計算在以上。

2800 - $3000
27 - $2000
66 - $1000

請問以上我的股票組合是否潛力股方面佔約40%太多呢？之後再分注買入的資金，我會偏向平穩增長股及收息股。請問龔sir有什麼股票建議加入我的組合呢？

以上問題太多，不好意思。希望得到你的抽空回覆。祝身體健康，生活愉快！

龔成老師︰

你可以去田土廳和地政總署，可以睇到交易金額和一些補償計算資料，你可以用來參考。

你現時持股和月供計劃，大致上係可以。但安碩恒生科技(3067)和阿里巴巴(9988)係潛力股，這類股票以你48歲，最多佔2成左右好了。

未來時間，就正如你所講，要偏向平穩增長股及收息股，去慢慢拉低翻潛力股比例，以免風險過高。以下都是一些合適選擇，現價都合理，你可以參考下。

但緊記唔好偏重個別企/行業，個別企業和行業，不要佔組合15%和30%以上，銀行業更加不要高於組合20%，否則會有過度集中性風險。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）、富豪產業（1881）等（記住，股價略波動，不能太過大注）。

現時你投入了1/5資金，這個比例係可以。當再出現多10-15%左右回調，就可以再加下一注。而另外50萬，但等大跌市出現，才分注入貨。

------------------------------------------------

Q22407：

1) 龔sir , 想問一問關於美股TLRY , 持有半年虧損接近40% , 應繼續持有還是止損，能幫手分析一下嗎

2) 龔sir, 6993 係米仲可以持有 ,仲可以守

龔成老師︰

1) Tilray Inc (TLRY)從事是一家從事製藥業務的公司。該公司是一家向藥品分銷商供應大麻產品的供應商。

大麻股過往曾是熱炒對象，過去一年波幅好大，由$5至到$67。上市後，更曾經升至$300，可見這隻股票，有一定投機味道。

我自己無仔細研究過大麻行業和相關股份，但從佢財務數據睇，上市後收入係有明顯上升，但依然未能達至收支平衡。

因此，此股現價不少部份，係來自投資者對"將來"的睇去。只要未來前景稍有偏離，你預佢會有較大幅調整。

此股唔係話無投資價值，但確定性較高，只宜小小注。

2) 藍月亮（6993）不是劣質，但最新業績令人失望，由於上市前的數據幾靚，因此，有可能佢上市前執靚盤數，這亦是我對新股/半新股有保留的原因。

佢最新的中期虧損約$4400萬元，去年同期純利約$3億元。虧損主因是市場上，其他平台出現過剩的較低價產品，導致佢定價策略及產品在市場上的價格體系受到干擾。

為統一產品在市場上的定價，佢向其客戶提供若干折扣以穩定產品的市場價格，此類折扣對其於上半年的毛利率產生約9%的負面影響。

相信中短期未必強，但長遠，其實又不算好差，佢成立於1992年，擁有衣物清潔護理、個人清潔護理和家居清潔護理三大系列共73個品種的產品。

佢係中國洗衣液有龍頭地位，加上毛利率高，賺錢能力強。睇翻佢之前的資料，以零售額計算，藍月亮在洗衣液市場、濃縮洗衣液市場及洗手液市場的市佔率均為第一。

整體有質素，不過之前貴，現價算是合理區中上部，如果你小注持有都可以。

------------------------------------------------

Q22408：

龔老師你好，我想聽一下老師的意見.本人可承受高風險。

1. 持有1257，20,000股平均價3.4。現價掉到2.77左右，應否繼續持有或減持?

2. 持有1448，6,000股平均價7.02。現價7.42應否增持?

還是增加其它平衡增長股?

龔成老師︰

1) 中國光大綠色環保（1257）其實本質不差。

睇翻佢的業務情況，長遠發展其實是一個大方向，但佢近年負債有所上升，加上市場擔心佢之後的增長力有所減慢，因此對這股的評價減少左。的確，負債與發展持續性，是這股的風險因素。

長遠來說，這股仍是有投資價值。但不建議太過大注，始終都有風險，同時可能仍會弱一段時期。你明白這些風險，你照長線持有係可以。

當然，若你持股佔組合較多的話，我比較建議你沽出少少，去平衡翻個風險，咁會較好。

2) 福壽園(1448)有質素，現價算合理區頂，如果你現貨佔組合比重不多，或者資金較充裕，現價可以再加小小注。

否則，你等佢回多10%左右，才再加注會較好。

以下增長股，都適合你30歲年紀，你可以參考下。

平穏增長股︰指數基金、金沙（1928）、恆基（0012）、平安(2318)、中銀（2388）、港鐵（0066）、長建(1038)、領展(0823)、粵海(0270)

潛力股︰安碩恒生科技(3067)、比亞迪(1211)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園(1448)、ＧＸ中國電車基金（2845）、三星FANG ETF（2814）。

平穏增長股，現處於合理水平，可分注入市。但潛力股，部份係略貴。

現時只有安碩恒生科技(3067)、ＧＸ中國電車基金（2845）、騰訊（0700）、阿里（9988）、中生製藥（1177）、福壽園(1448)勉強算在合理區中上至頂部，可分注入貨，其餘都略貴，想買就要等一等。

------------------------------------------------

Q22409：

真的衷心感謝，讓我瞓吾著幾日不斷思考過去錯在哪！同時，我並非抗拒買股票，亦十分認同你價值投資的方法。

我從不同category 選了一些之前心儀的和你推薦的選一至两隻，想把台灣現金調回來建立一個組合，比D意見？

銀行-滙豐/恆生/中銀3988（但PE 4倍不到，好似鬼鬼哋）/citibank
地產 - 恒基/新世界/置富
科網-阿里/騰訊/MSFT
手機-小米/舜宇/瑞聲
網絡-電盈/香港電訊/移動

電車-比亞迪/中國電車/雅廸
公共-地鐵
醫療-和黃醫藥/平安好醫生
零售-佐丹奴/六福/周大福
休閒-金沙/銀河
指數或基金-2800或3086華夏納指

建倉用80至100萬，留150萬現金等。

有點長，抱歉！

老實講，我清楚年齡影響可承擔的投資風險，只是希望在還有生產力（10-12年）間，除完成兩個小朋友在外地讀完書和以後照顧到自己已滿足了！

龔成老師︰

以你48歲年紀，我唔建議太進取。你可以用恒基(0012)、地鐵(0066)、金沙(1928)/銀娛(0027)、六福(0590)/周大福(1929)、指數基金作為核心，為組合提供平穏增值能力。

之後，再配以一些收息股，好似滙豐/恆生/中銀3988、置富(0778)、佐丹奴(0709)。

中行(3988)和一些內銀股，你會發現地市盈率都係好低。因為市場覺得佢地壞帳潛在風險大，所以市場唔會比佢地個市盈率太高。

最後，若果你想個增長力強少少，可以加入一些潛力股，例如阿里(9988)、騰訊(0700)、比亞迪(1211 - 但現價偏貴，可先用2845代替)。但由於潛力股風險較高，總額不要高於組合2成。

現時大市只在合理水平，先用80至100萬建倉，再另留150萬現金等大跌市機會，係可以。

若你想加快增值速度(但會承受較高風險)，你可以調高少少潛力股和平穏增長股比重。

否則，你這個年紀，我建議按潛力股/平穏增長股/收息股(20/40/40)的比例，會較穏當。

------------------------------------------------

Q22410：

龔成老師, 你好~ 本人35歲, 月入2萬幾, 60萬左右, 買了以下股票~ 月儲萬五至2萬左右~

買了以下股票, 但一直持續跌勢, 雖然以下股票都是有質素的, 但.. 某些股票仍需要賣出先止蝕嗎? 謝謝!

另外, 怎樣可以增加財富呢.. 因有可能10年後便跟小朋友去外國讀書, 相信在外國對於我來說, 不易搵工作… 買那些股票是比較隱陣呢, 謝謝!

700 騰訊 買入: $616 x 400 (現價約: $537)
1211 比亞迪 買入 $157 x 500 (現價約: $218.
388 港交所 買入: $437.5 x 200 (現價約: $531.5)
2800 盈富 買入: $28.43 x 3000 (現價約: $27.72)
3690 美團 買入: $290.30 X 200 (現價約: $268.80)

9988 阿里巴巴 買入: $223.8 X 100 (現價約: $202.60)
1398 工商銀行 買入: $5.33 X 3000 (現價約: $4.39)
1810 小米集團 買入: $24.75 X 400 (現價約: $26.
1972 太古地產 買入 $23.10 X 400 (現價約: $22.95)

1177 中國生物製藥 買入 $7.44 X 1000 (現價約: $6.99)
3067 安碩 買入: $17.12 X 300 (現價約: $15.28)
2638 港燈 SS 買入: $7.61 X 500 (現價約: $7.80)
3088 華夏恆生 買入: $10.34 X 200 (現價約: $9.22)

龔成老師︰

你現時持股都係有質素，你唔好太比個買入價或者大市氣氛影響，令你做出錯誤決定。緊記只要係有質素，長線投資價無轉壞，就算股價下跌，我地都應該照持有。

由於你尚有10年時間，用以上股票去增值，都係可以。

但有個較大問題，你而家太偏重左係潛力股(0700, 1211, 0388, 3690, 9988, 1810, 1177, 3067, 3088)，佢地雖然有增長潛力，同時風險都較高，不宜持有過多。

你算年青，潛力股可佔約5成，餘下應用以下平穏增長股。若你投資經驗較淺，潛力股比重，要再調至3成以下。到你學到一定投資知識，才慢慢調高。

但你唔需要減持任何股票，只要未來時間，加大翻平穏增長股部份，令組合慢慢回復平衡，咁就可以。

平穏增長股：指數基金、金沙（1928）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）、長建(1038)

但到10年後，你要移居外國，你可能會需要穏定現金流，去支援生活，多於財富增值。

那時候，你可以將部份股票，慢慢換成收息股，用股息收入，去減輕你生活負擔。至於比重多少，你就按自己實際情況而定。

------------------------------------------------

Q22411：

龔 sir 您好！又要打擾您！有關一些資產問題希望您可提供一些意見。

本人有一層剛供完的樓，由於預計子女在未來五至八年後會移居外國 （他們已有當地護照），所以我希望在當地置業。但由於疫情關係，

暫時不能往來外地親自考察當地不同區域的環境，而我又不想只靠海外agent 隔山買牛，所以暫時對於將要付出的金額只有很初步的概念。

現在問題是，我應否在此期間先翻按現在的居所，先keep 錢向手，再等時機去用這筆錢於海外買樓（根據疫情，有機會我要兩年左右才真正落實買到，

甚或如果到時樓價因大量移民而飛升, 海外置業計劃亦可能泡湯）

另一考慮是，我自己工作的房屋津貼將會屆滿，人工也已經到了max, 所以翻按的還款能力會降低，我應否take risk 仍然去翻按 （因市場常有消息指高息時代很快重臨）

不好意思，可能說得有些亂。盼龔sir 比D意見

龔成老師︰

你2個問題，都係建基於一些假設性結果(外地樓價大升/環球息口大升)，但這些結果，到底會否成真，幾時會成真，無人會知。

我地係投資時，係唔應該用"估"去做策略。我地係因應現時情況，平衡各方利弊，去找出一個較可行方向。

由於你子女尚有5-8年才會移民當地，有一定時間。你而一刻其實唔需要急住買當地物，除非你好有信心，長線當地升幅，一定會跑嬴香港樓，咁就另作別論。

至於翻按，你就要一直支付利息開支成本。但你又未知幾時先買外國樓。如果到時外國樓升幅不多，可能這筆錢跟本用不上，你就白比利息。

我建議你先計劃清楚，如果你擔心到時賣左香港樓，都唔足夠你買外國樓。你可以把握這5-8年，用優質股去增值財富，令自己有更多資金可以動用，減少到時的不確定性。

------------------------------------------------

Q22412：

老師，我上了堂， 計算了00698 通達之估價為

市盈率9-12
保守盈利預測0.05
市值股價約$0.45-0.6

不知道為什麼，00698的估價跌了很多，我之前已經減持了很多，上堂後覺得此公司不優質，但還有少量貨，不知道如何處理剩下少量貨，約40000 股，請老師指導

龔成老師︰

佢過往市盈率大約係9-10.5倍，但由於佢質素唔係咁高，我會再打折扣，下調至6-8倍左右。

而每股盈利，可以用佢過去10年平均，大約HKD0.09。

合理價︰HKD0.54 - 0.72。

但要留意，通達集團（0698），只是不過不失。

佢主要從事電器產品（包括手機、手提電腦及其他電器產品）零部件生產；為電子產品及電器提供金屬外殼及其他五金部件；及提供塑膠機頂盒及生產體育產品。

現價計係偏平，但由於質素只係一般，唔值得持有太多，勉強可長線。若40000股只係佔你成個組合，一個好低的比重，你照持有係可以。否則，當有反彈，就要再沽多少少。

------------------------------------------------

Q22413：

老師,其實etf回報係唔係理應回報多過投資個股? 我見差唔多全部etf股價都係步步向上,好似無邊d係大起大落 或者 長線向下? 想問下呢個係ETF特性?

問題二. 想請問下一我地係咪應該買ETF好過買個股? 一般人理應唔會下下買中倍升股,但係etf就基本上股價係一直向上? 長線好小跌?

謝謝你的寶貴意見

龔成老師︰

1) 唔一定，因為ETF係一籃子優質企業，可以係追蹤一個股票市場、一個行業、或者特定產品(如黃金)。

以盈富(2800)這隻較為人所熟識的ETF為例，佢係追蹤恆生指數，等同買入58間優質企業。

但當中有潛力股，有平穏增長股，也收息股。若你用當中的比亞迪(1211)為例，佢近2年一定係跑嬴盈富(2800)。

但如果你用中國人壽(2628)做比較，佢就明顯係跑輸恆指。所以，ETF唔一定係跑嬴個股。只係佢較有風險分散能力，令個整體回報相對穏定。

2) 如果你係初階投資者，不懂選股，但又睇好個別市場，ETF就會係一個唔錯選擇。

因為佢係一籃子股票，就算當中有些股票，表現未如理想，但只要大市或者相關行業係正面發展，你都會享受到成果。這就是分散風險，有利之處。

當然，如果你係買中一隻較具潛力的企業，升幅係有權優於ETF。但若投資個股時，你選擇錯誤，係可以大市/行業升，但你個隻跌。

------------------------------------------------

Q22414：

龔成 我係你fans 有買你啲書 亦曾經係你股票班學生 不過喺度好想同你講聲對唔住 我覺得自己好似辜負咗你咁 因為你當初教嗰套信念我無好好記住

搞到依家由賺錢變倒輸 初初我齋買港股都好哋哋 後尾學人買美股 賺咗少少之後就開始心雄 再玩埋沽空 結果依家輸到損手爛腳 我好嬲我自己

當初嫌你嗰套賺錢慢 於是就不知不覺好似走咗入賭場咁 仲要唔識走 越賭越大 到依家諗返轉頭 原來你一路教嗰套先係最穩陣 雖然唔會一夜致富

但最終一定有收成 依家我down得好緊要

近排工作 前途 甚至依家股市 無一樣嘢順利 好似時不與我咁 唔知點樣走出呢個困局…

龔成老師︰

其實，有唔少人都會因為短炒成功幾次，就會心雄，只後走上短炒之路。這就是點解我成日Q&A度提讀者，以前做證券行個陣，見短炒個班，可能會短期賺，但長遠都係輸晒架原因。

我地投資要成功，除了要學好一套投資方法外，經驗、自律性和心理素質，都係同樣重要。

有些人，本身心理素質好穏定，可以好好地操作個長線投資計劃。有些人，要好像你有一樣，要有所經歷才會明白。但重點係，這2種人最終都會走到財務自由之路。原因是，他們都"學懂"了。

你現時才34歲，依然很年青，只要你現時開始用正確方法，去創造你財富增值組合，係一D都唔遲。

而且，你比其他人經歷更多，對未來操作"真正"大升大跌市時，你心理上優勢，係會更加明顯，這都對你長線投資有利。

所以，你現時要做，就係收拾心情，做你應該做的事，一切自然慢慢會好。加油!!!

------------------------------------------------

Q22415：

老師，我手持幾隻蟹貨，可唔可以strong hold 牙？

3692 $33.1 2000 shares
2160 $16.7 5000 shares
1913 $55.5 500 shares
873 $24.7 3000 shares

謝謝

龔成老師︰

持有與否，你要睇翻企業本身有無質素。如果無，就算唔係蟹貨，係賺緊錢，都要減持，甚至係沽出。

微創心通醫療科技（2160）和翰森製藥（3692）不確定性較高，近期中央相關政策，令佢地風險高左，故暫時不要再加注。

普拉達（1913）有質素的。

佢係全球時裝及奢侈品集團之一，透過Ｐｒａｄａ、Ｍｉｕ　Ｍｉｕ、Ｃｈｕｒｃｈ’ｓ　及Ｃａｒ　Ｓｈｏｅ品牌，從事設計、生產、推廣及銷售高級皮具用品、成衣及鞋履，以及透過特許協議提供眼鏡及香水。

有一定的品牌價值，但都較受經濟週期情況，你預佢中短期都會較波動，這股有長線投資的價值。

世茂服務（0873）由世茂集團（0813）分拆上市，業務有（１）物業管理服務（２）社區增值服務（３）非業主增值服務。

睇翻佢過往的財務數據，基本上都正面，業務不差同時有增長力，不過上市年期不算耐，因此參考價值會減。

股價上落較大，要注意風險。這股都有質素，有長線投資價值。

------------------------------------------------

Q22416：

龔sir, 睇而家個勢6088同788前景如何。6088坐緊3.48，788坐緊1.44

1858之前40入跌到20放埋一邊冇理到 點知前排彈咗一彈上30 好後悔冇溝 係咪繼續坐吓等

龔成老師︰

唔好用買入價，去決定是否持有一隻股票。我地要睇的是企業質素，只要佢有長線投資價值，中短期帳面虧損，唔係咁重要。

IT HON TENG（6088）質素中等，雖然都有投資價值，但企業不是最高質之列，因為企業的賺錢能力始終唔算好強，每件產品賺錢唔多。

同時業績有回落情況，不過，這股始終不是無質素，但預期長遠的增長力只是中等。若你持貨不多，可以守。

中國鐵塔（0788）質素無大變，但你預佢增長潛力同幾年前相比，會係弱左。整體而言，都有長線投資價值。

春立醫療（1858）長遠有發展的，但本身佢股價和盈利，都係較大上大落。你現貨照持有，只要唔係佔組合太重比例，咁就可以。

------------------------------------------------

Q22417：

老師點睇1024快手？佢差唔多每曰都跌，有投資價值嗎？現價$142是否仲係貴既水平？

問題2，另外今個月開始每月會買1手你書中介紹的潛力股1833（平安好醫生），用老師上堂教的估值計是合理價，現價吸引，會持續1年至2年買入，佢升到咩價位應該停買？

想問請如何操作？老師又覺得e家1833是處於咩水平？

龔成老師︰

1) 快手(1024)之前貴，現價開始合理，大致在合理區中上至頂。近期受大市和中央政策風險所影響，有較大回調，但本質上無太大轉變，有貨可照持有。

2) 平安好醫生（1833）長遠有發展力。

佢係中國領先的一站式醫療健康系統平台，透過「移動醫療+AI」，為每個家庭提供一位家庭醫生，為每個人提供一份電子健康檔案、一個健康管理計畫。

平安好醫生係中國互聯網醫療健康市場的先行者，以平均月活躍客戶，以及在線諮詢量計，是中國最大規模的互聯網醫療健康平台。

企業的業務有潛力，本身有優勢，大環境的配合，都成了這企業的機遇，前景正面，不過財務數據未算好理想。

雖然長遠的企業價值向上，但股價在中短期，可以十分波動，因為市場以「前景」作估值，故此變化必然很大。好難得出平貴的準確數，只能估估下，作參考。

因此，低風險者未必適合投資，若投資者考慮這股，亦不能大注投資，買入後就耐心長線持有，等待這企業改變整個行業的情況，現價算合理區中間位。

但好波動，你每月買1手，去平均個價格，係可以。但此股始終不確定性較高，不宜佔組合太多。

如果一個月買一手，會令佢佔你組合比例過重。你可以更改為月供，或者隔開多少少，例如每2,3個月才買一手，去平衡。

------------------------------------------------

Q22418：

龔sir，我有個理財問題想請教你，我手上有兩個物業出租，一個已經供完每月收租金$11500.00，

另一個仲有20幾年要供，每月租金收入$12500.00，租金可以cover供款和物業管理費等支出。

我的問題係我自己住的單位是租的，每月扣除租金收入後還需要付$20500.00。

我上完你初階股票班後一直思考，我係咪應該把手頭上兩個出租物業賣出，先幫自己買入一個自住用的物業來減底支出呢？

謝謝！

龔成老師︰

其實都唔一定，因為香港買賣樓宇成本唔細，你這個變動，可能要用你唔少錢。你可以主要考慮翻，邊個方法可以令你有更在資金空出，作投資增值之用。

如果你現時置業，反而令你每月投資優質股資金少左，其實係成個配置角度，就未必值得咁做。

當然，長線計你照好都持有一個適合自己長線生活需要的物業，但唔需要過急去進行。

你現時持有2個物業，若都有一定質素，你可以照持有，用佢地來資產追資產，平衡樓市波動的影響。

另一邊，你繼續用優質股去增值，到你可以做到買自住樓之餘，又可以保留一定優質股(最好可保留一間收租物業)，才去出手買自住樓都未遲。

------------------------------------------------

Q22419：

1) 也想請問你1093, 《50值博倍升股》中亦提及此股能穩中求勝，請問此股的便宜區是多少？

2) 1297的便宜區是多少？

3) 你的著作《50值博倍升股》中提及1181是穩中求勝之選，請問此股的便宜區是多少？

4) 《50值博倍升股》中提及1458成功打開了一片藍海，請問此股的便宜區在哪？

5) 《50值博倍升股》中提及1373是穩中求勝之選，請問此股的便宜區是多少？

6)《50值博倍升股》中提及868是穩中求勝之選，請問此股的便宜區是多少？

7) 讀完仍的《50值博倍升股了》，但發現很多股票已升了很多，如果現時從書本中選一隻，你會選哪一隻？

8) 想問根據過往數據，本港樓市平均每年會上升多少？（樓價、租金分別上升多少？）我已在書中找到了。

9) 想問現有哪隻優質潛力股已跌至便宜區？

龔成老師︰

1) 石藥集團(1093)現價算合理區上部，要平宜區，要有好大幅回調，接近回一半才到。

2) 中國擎天軟件（1297）規模較細，以及行業存有風險。此股較難做個穏當估值，如你想投資，現價都有投資價值﹐但要控制注碼。

3) 唐宮中國(1181)現價計，你預回多3,4成，會開始到初步平宜區。

4) 周黑鴨(1458)雖然近期回落唔少，但都仲係偏貴，你預佢真係有好大跌幅，去有機會進入平宜區。

同埋，其股都有一定風險，不宜大注。

5) 國際家居零售（1373）你預跌在多2,3成，才算係初步平宜區。

6) 信義玻璃（0868）過往一段時間，累積了不少升幅，就算合理區，都要有一個明顯大回調才會到。所以，暫時唔好入市住。如果真係想入，最好用月供去儲貨。

7) 我會選中生(1177)和信義光能(0968)，2隻雖然只在合理區上部，但本身質素較高。故在當中，值博率會係較好的2隻。

但由於現價唔平，只宜小注，等有明顯回調，才正式入市。

8) 過往數據，你可以作為一個參考。但更重要，你應著眼面前轉變、房屋政策、樓市供求問題。未來預期，香港中短期房屋都係維持供不應求。

再加上，近年多國政府都用量化寬鬆政策去救市，令市場資金大量增加。所以，可預見的將來，樓價都會維持上升。

9) 沒有，其實高質素的潛力股，極少跌到平宜區。所以你唔好諗住平宜區先入，要係合理區就開始分注，如果唔係，好機會錯失入市機會。

------------------------------------------------

Q22420：

老師，我睇返中國銀行和中銀香港每年既股息增長率，中國銀行既股息增長比較快，而家中國銀行呢個價位股息有8厘，如果股息再增長股價必定有影響，那投資中國比行不是比中銀香港好嗎？

同埋我想問如果我想查返中銀香港10年前既股價可以係邊到查詢？

同我想問通漲對阿里巴巴，騰訊，香港中華煤氣，同中銀香港會唔會有影響，我照你推介已買入呢四隻股票，之後仲想入d香港電訊同置富

龔成老師︰

我地唔可以單憑派息增長力，就去判斷一個企業情況。無錯，當中行(3988)股息再上調，有機會令股價再上。但

但始終中行(3988)本身已經好大間，加上佢業務上發展比中銀香港(2388)細，故增長力預期會較弱。

以你3X歲年紀，應該集中係財富增長上，故中銀香港(2388)會較為適合。

至於你想睇10年前股價，你可以去YAHOO財經，或者睇各個財經網的圖表，都會有。

阿里巴巴(9988)，騰訊(0700)，香港中華煤氣(0003)，同中銀香港(2388)都係有質素的企業，長線都會跑嬴通漲，你長線持有就可以。

至於指數基金都係適合你，但香港電訊(6823)只係收息股，增長力不高，不太適合你這個年紀。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

工黨社區幹事趙恩來多年來已處理幾十宗維修爭議個案...

小心10大維修黑盤　　《壹週刊》，2014年4月10日

近日一條短片──《公屋、居屋、私樓》，在網上熱播；片中甘草演員盧宛茵，知道女兒男友家住私樓，即時眉開眼笑。但現實中，揀錯維修中的私樓，其實也可弄致愁眉不展、家無安寧。

在全港九新界的多個屋苑，近月便上演多場武鬥、分裂；由於對屋苑大維修金額及項目出現嚴重分歧，業主分成兩派，在業主大會上以粗口叫囂互罵，要警方介入，甚至以鐵馬攔票箱。事實上，自政府○九年推出「樓宇更新大行動」，撥款二十五億資助業主維修舊樓，造就千億維修工程這大嚿「肥豬肉」，便吸引各路人馬搶食；串謀圍標、天價維修等事，無日無之。

本刊由此選出十個正處於紛爭中的「黑盤」，這類黑盤的維修金額懸而未決，又或天價，影響樓價成交；若搞上三五七年，真正「攞你命三千」！沙田翠湖花園平餐分散票源

由恒基發展的沙田翠湖花園小業主，兩星期前又上演一場武鬥。當日在附近小學舉行的業主大會，議決清潔公司續約事宜。一批一早前來的小業主，對台上的業主立案法團成員，怒目而視。其間有人拿着咪一輪嘴說：「點解唔早啲傾，要約滿先傾續約？如果唔贊成，咪有空窗期？即係焗我哋通過議案！」現場亦有人有理無理，搶咪大罵：「我知你（其中一個法團）有用粗口鬧人，你正仆街、仆街！」現場還要有十多個保安維持秩序，連票箱也要用多重鐵馬圍着。

阿婆問新抱借錢

一片混亂過後，該議案仍然獲得通過。一眾翠湖小業主，經多個月來的多次爭拗，已筋疲力竭。這裡，自從去年七月、通過每戶大約夾三十萬元的天價維修金額後，已經成為業主的「噩夢」。今年二月，便有翠湖業主因不堪天價壓力，走上行人天橋疑跳橋，用「自殺式行為」抗爭，最後被勸服。更多的業主，選擇默默的承受，當中包括七十多歲的馮太。「唉，生活都掹掹緊，邊度攞三十萬出來？」退休多年的馮生馮太，為這個單位一殼眼淚。其實在去年初，樓齡只廿四年的翠湖花園，公布要大維修時，馮太已非常憂心，每次開會皆出席，但永遠聽不明法團講什麼。她早年與丈夫做苦力搵錢，儲得幾十萬買入單位，現已退休，生活亦捉襟見肘。她雖然已拿着四萬元長者維修津貼，但仍遠遠不夠錢，故打算向政府推出的「樓宇安全貸款計劃」借錢，但又要找人工兩萬元以上的人做擔保，馮太無奈地說：「啲仔女搵得萬幾蚊，咁，我唯有求吓新抱肯唔肯啦！」

閃電式搶你三十萬

其實翠湖的小業主，都是被「一招」打殘。樓宇維修過程，先由業主立案法團，找來顧問公司提交維修意見，再由顧問挑選多間承建商出價，最後由業主大會投票選擇。在大維修中，被稱為「主體工程」的翻新外牆及喉管，往往用錢最多、最受業主重視。顧問會列出多個方案讓業主選擇，這往往是陷阱所在。「其中一個方案會好貴，再有其他三個平好多嘅方案『陪跑』。雖然業主偏向揀選最平嘅三個方案之一，但分散了票源，最貴嘅仍然跑出。」一名熟識「圍標」的業內人士說。情況就如三個泛民對決一個民建聯，不想投民建聯的人，各自投三個泛民，令票源分散，最終勝出的還是民建聯。如果有人一早種票，更加事半功倍。翻查翠湖花園的維修會議記錄，投最平三個方案的業主，分別投十八票、七十三票及十八票，共一百零九票，最貴的一點六億元方案則以一百零四票通過。此外，顧問公司還提出一系列「非必要」的美化工程，讓居民逐項投票。如翻新停車場，又要額外付二千萬，「話要喺閘外加LED燈，成千幾萬，加加埋埋有成十項，總數要二點六三億。」業主黃太說。小業主事後才細心翻閱維修建議：「我哋搵則師再計，發現外牆面積只有五萬多呎，但顧問公司卻連所有冷氣機嘅轉彎位都計數，話七萬多呎，要嘅錢又多啲。」固然，有部分小業主不去投票，只授權法團安排，一樣有責任。不過翠湖的業主們俱認為，他們在投票前，已多次問管理處及法團維修金額，只是都不得要領。

解約賠十萬

「佢哋次次都答，點知你哋咩方案，要投票後先知喎。」黃太說。管理公司叫他們自己翻閱工程簡介小冊子。內裡原來要住戶自行計算業權份數，「佢哋俾咗個例子，話維修費一千萬，每人就夾萬幾蚊。我哋鬼知自己幾多業權！咁複雜，亦唔識計。好多婆婆仲真係以為只需要夾萬幾蚊。」最終通過所有投票程序，業主們才獲通知，每戶要夾三十多萬元天價，承建商是香島建築。現時他們已繳交六期共十多萬元。其實，有部分業主擔心日後維修價更高，亦有業主搏樓價可因此急升而投支持票。但其他心有不甘的業主，仍希望推翻合約。「點知法團貼通告喺每部𨋢，話解約賠九千八百萬（每戶預算賠十萬），嚇死啲老人家！」 為一了百了，部分業主想過賣樓，例如七十多歲的馮太說：「點知對方話搞緊維修，咁要劈你幾十萬！我唔捨得。」當初法團推介維修，指物業日後必定大升價；但現時翠湖花園已「臭名遠播」，過去一年只有一宗成交，呎價八千多元，可謂諷刺！

十大「黑」之選

因為維修的價格及項目，讓業主不但要賠上金錢、時間、亦生活在爭拗之中，難得安寧。要在此時賣出單位，售價亦會受影響，可謂樓盤中的「黑盤」。本刊搜羅全港十大正處於糾紛中的「黑」之選，買入單位時宜審慎。

何文田萬基大廈蠱惑的票

四十八年樓齡的何文田萬基大廈，近日在YouTube熱爆，皆因其業主大會的開會情況，一樣「炒蝦拆蟹」。九年前這裡已曾維修，近月法團又重提，「九年前每戶俾咗四萬蚊，今次每戶又要十五至廿萬？」業主陳先生勞氣道。他指，重雕門口「萬基大廈」四粒大字，「索價」十八萬元；重建管理處鐵欄，「索價」四十八萬元，「仲話成幢大廈鋪過瓷磚，要我哋移走冷氣機一年！工程完咗，自己俾錢裝番！」

無得揀反對

不過，最令業主覺得寃屈氣憤的，是投票過程。法團竟選擇在去年十二月二十三日，聖誕節前夕的大日子投票。雖然大部分家庭都出埠外遊，但意識到有問題的陳先生，為了否決維修方案，聯同幾個業主逐家逐戶拍門。當日整幢大廈共一百八十四戶，有一百二十多個業主出席。陳先生拿着該張選票說：「正常嘅投票表格，應該有『支持』及『反對』可供選擇。但法團俾我哋張選票，只有得揀『贊成』，否則當投票作廢，咁佢玩晒啦！」記者翻查《建築物管理條例》，當中寫到法團可自行決定投票方式，及斷定某項決議是否過半數通過時，無須理會白票、無效的票及棄權票。故此就算陳先生他們揀「棄權」，亦難以改變賽果，「當日民政署都有列席，我哋都有問佢點解咁都得，佢哋都答唔出。」業主曹小姐說。覺得被「屈機」，業主程小姐說：「當日好多商戶參加投票，佢哋所持業權份數較多，我哋唔夠玩！」他們決定不投票，當日大部分議程「贊成」通過。他們亦因此報警，事件驚動警方，雙方爭持不下，擾攘至凌晨十二時仍未散會。見群情洶湧，法團主席才答允暫不與承建商簽約。事實上，維修工程令住戶間決裂，街坊平時見面都面左左；有公然反對維修的業主被貼大字報謾罵、收恐嚇信。今年一月，法團再次舉行業主大會，業主才團結起來，成功推翻維修項目，住戶曹小姐指當日不少住戶恍如中獎，竟相擁而泣，「但我哋唔知法團幾時會就事件捲土重來，大家仲係人心惶惶！

「圍標」三大疑點

「圍標」，即由法團聘請的顧問，找來多個相熟的承建商「講掂數」入標分餅仔，或在日後共享利益。顧問部署已欽點的承建商奪標。圍標原來並沒有違法，除非涉及貪污賄賂行為，但圍標的維修工程，最後往往會成天價。如發現以下疑點，業主應小心為上。疑點一：顧問公司收費低若全年費用總額不超過每年預算經費20%的支出，法團並不須開業主會投票，也可自行通過。為避免居民反對，節外生枝，竟有專業顧問只會收取幾萬元費用，避過投票。整個工程可長達二至三年，試問又邊會有「咁大隻蛤乸」？疑點二：安插承建商托價正常情況下，入標的承建商，開出的維修價應該與顧問估價相若。但圍標時，會有一、兩間承建商開出特高的價錢，令業主覺得某些承建商（即已「分好餅仔」，可中標者）出價已經好抵。而面試時，除了被「欽點者」，其餘承建商面試表現會奇差，問東答西，擺明陪跑。疑點三：假期先來投票愈少業主投票，圍標愈易成功。因此法團喜歡選擇聖誕前後及新年年初二等多人去旅行遊玩的日子投票。

荃灣荃威花園「種票」疑雲

位於荃灣的荃威花園，有十六座共三千多伙，屬大型屋苑。由於已三十多年樓齡，近日面對維修問題，開始爭拗不斷。一般來說，法團要維修議案獲得通過，須有百分之十的居民出席大會，而出席者中亦要有過半數贊成。有管理公司的前高層透露，九十年代已有不少顧問公司或承建商，透過買樓、買車位等落釘獲得業權來投票。

推介授權法團主席

而現時樓價貴，此方法已甚少採用，法團轉向公公婆婆下手。知情人士說：「政府會資助六十歲以上老人家，每個單位四萬元作維修。有啲長者，認為既然自己不明白會議內容，故傾向願意授權予法團投票。」這就惹來「種票」疑雲。「而家建議維修費用約一點七億，每戶須付四萬左右，但我哋擔心第日唔止呢個數！」荃威花園業主Cereal指，近日屋苑內一連串疑似「種票」事件，令業主更擔心。「佢哋喺管理處設立『授權書信箱』，有法團專人致電，鼓勵你授權，而唔係鼓勵你去投票喎﹗」而鼓勵授權的「對象」，就是法團主席林國安。Cereal拿出該份授權書，憤怒地說：「呢度寫住委任林國安先生。如果有業主無刪去佢個名，就即係授權咗俾佢o架喇。」有業主透露，更甚的是他本來授權予另一人，但近日接到電話指叫他改為授權予主席。Cereal亦不滿，大會的投票紙未有記錄投票者的居住單位，猶如不記名投票，「如果有咩問題要查票，都搵唔出有無人投咗兩次票，實在太兒戲！」事件至今仍在擾攘中。

成功案例團結推翻法團

牛頭角樂雅苑，樓齡三十年，共一千三百多戶街坊，曾站在天價維修的「刀口」，幸好有業主在投票日前有大發現，成功改變命運。其中一名業主梁太說：「其中一個業主睇報紙，發現點解我哋管理公司、顧問公司以及候選的承建商，都同翠湖花園一樣係新昌、黃潘及香島？」業主相傳下，趕到管理處要求查閱標書，竟發現：「維修有三個方案好平，只需要幾千萬，但第四個要億幾！如果第四個方案贏咗，加晒所有其他項目，每人要夾十五萬元以上！」他們再翻查法團過去多次做小型維修的往績，「我哋一直有交管理費，但維修基金竟然無乜儲備。睇番啲單先知，佢哋試過用八萬蚊斬一棵樹！」梁太激氣地說。為免中招，他們建議推翻整個維修，「法團好抵死o架，揀新年假期開會投票，好多業主都要去拜年、旅行。」但他們堅決留在香港，並勸其他業主親自投票。當日大會最終有八百多名業主出席，達九成四比率贊成推倒工程，「當日我哋仲即時炒咗黃潘，今個月亦會推倒法團重選。」梁太說。做開物業權益的鍾卓成律師，亦建議業主要團結，才能推翻不公平的議程，「你要takeover個法團，先有身份同人哋去周旋，甚至可以同顧問及承建商解除合約。你估毀約真係要賠天價？唔好俾人嚇親，有得講數。」

「 好 想 畀 外 面 人 知 道 碼 頭 發 生 咩 事 囉 。 」 輝 仔 說 ﹕ 「 以 前 影 了 ， 無 咩 消 息 渠 道 可 以 傳 出 去 ， 記 者 、 所 有 人 都 唔 入 得 ， 基 本 上 就 係 一 個 封 閉 的 世 界 ， 好 似 集 中 營 咁 ， 死 了 都 無 人 知 。 好 多 橋 邊 工 人 都 係 搵 命 博 ， 我 放 貨 櫃 上 船 ， 個 櫃 底 座 有 時 會 脫 落 ， 砸 親 工 人 個 頭 ， 拳 頭 咁 大 實 心 鐵 喎 ， 我 一 隻 手 都 未 必 拎 得 起 。
8 號 碼 頭 那 邊 咪 試 過 ， 機 手 有 死 角 位 睇 唔 到 ， 落 個 貨 櫃 壓 死 一 個 清 潔 阿 姐 ， 無 人 知 ， 第 二 日 家 屬 打 電 話 去 公 司 問 ， 睇 返 錄 影 鏡 頭 先 知 佢 入 去 ， 逐 棟 翻 起 貨 櫃 ， 搵 到 都 血 肉 模 糊 ， 無 晒 人 形 。
又 有 一 次 個 機 手 唔 知 咩 事 跌 落 死 ， 家 屬 想 入 來 拜 祭 都 唔 得 。 我 親 眼 見 就 係 浮 屍 囉 ， 唔 知 邊 度 海 面 過 來 ， 出 面 都 唔 會 知 ， 其 他 塌 箱 呀 、 機 撞 車 頭 呀 ， 成 日 都 有 意 外 啦 ， 封 鎖 晒 消 息 ， 只 有 行 內 人 知 。 」
除 了 意 外 工 傷 ， 慢 性 傷 害 例 如 貨 船 噴 出 的 黑 煙 和 不 明 氣 體 、 灰 塵 微 粒 等 ， 污 染 嚴 重 ， 「 一 部 黑 色 電 話 擺 低 ， 15 分 鐘 就 變 成 灰 色 」 。 日 積 月 累 無 處 可 避 ， 不 少 工 人 患 上 肺 癌 ， 但 僱 主 自 然 不 會 承 認 跟 工 作 環 境 有 關 。

請ADD [碼 頭 的 辛 酸 ]
https://www.facebook.com/pages/%E7%A2%BC%E9%A0%AD%E7%9A%84%E8%BE%9B%E9%85%B8/448585381847234?ref=ts&fref=ts

林 茵 ﹕ 封 閉 的 國 度

【 明 報 專 訊 】 葵 涌 貨 櫃 碼 頭 的 名 字 ， 有 點 誤 導 ， 九 個 碼 頭 共 24 個 泊 位 ， 其 實 由 青 衣 到 葵 涌 、 荔 景 、 美 孚 ， 一 直 伸 延 至 荔 枝 角 和 昂 船 洲 ， 參 與 聲 援 的 大 學 生 Willis 說 ， 這 是 個 黑 暗 而 封 閉 的 國 度 ； 而 我 在 地 圖 上 ， 只 見 「 白 色 恐 怖 」 ， 無 論 怎 樣 將 電 子 地 圖 放 大 、 拖 曳 ， 都 是 一 片 空 白 。 長 久 以 來 ， 它 謝 絕 記 者 採 訪 ， 勞 工 事 故 可 以 封 鎖 消 息 ， 警 察 、 消 防 、 救 護 車 都 只 能 在 碼 頭 公 司 要 求 協 助 時 才 能 駛 進 。

因 一 場 工 潮 ， 在 群 眾 集 體 的 力 量 下 ， 我 首 次 越 過 高 架 繞 道 、 公 路 、 鐵 絲 網 、 更 亭 、 關 閘 ， 踏 入 這 片 堪 比 整 個 油 尖 旺 區 面 積 的 空 白 地 帶 。 進 去 ， 只 覺 一 切 都 好 闊 好 大 ， 道 路 望 不 見 盡 頭 ， 車 龍 也 是 ， 貨 櫃 疊 得 老 高 ， 而 排 列 規 整 ， 七 八 層 樓 高 的 塔 機 ， 各 種 說 不 出 名 堂 的 機 械 和 構 建 物 ， 人 在 這 裏 ， 很 小 。

小 得 坐 在 冷 氣 辦 公 樓 裏 的 ， 忘 記 了 工 地 上 有 人 。 他 們 只 看 見 船 期 、 進 度 、 業 績 、 盈 利 ， 他 們 告 訴 公 眾 ， 香 港 有 幾 千 萬 個 集 裝 箱 的 吞 吐 量 和 世 界 排 名 。 我 們 為 此 曾 經 自 豪 、 常 懷 焦 慮 ， 但 從 未 正 視 驅 動 這 種 繁 榮 背 後 的 人 。

薪 酬 以 外 還 有 尊 嚴

由 橋 邊 理 貨 及 船 上 裝 卸 員 率 先 發 起 、 再 由 機 手 接 力 的 罷 工 ， 昨 延 續 至 第 三 日 ， 工 友 輪 流 休 息 、 學 生 和 市 民 聲 援 ， 各 時 段 都 持 續 有 百 多 至 400 人 留 守 。 餐 風 露 宿 ， 時 而 狂 風 暴 雨 ， 但 有 過 反 國 教 公 民 廣 場 的 經 驗 ， 物 資 不 絕 送 來 ， 生 果 乾 糧 飲 品 基 本 不 缺 ， 然 而 乍 暖 還 寒 ， 墊 褥 被 枕 卻 見 緊 絀 。 工 友 對 於 年 輕 人 的 加 入 ， 七 分 不 解 ， 「 你 係 咪 來 做 project 呀 ？ 」 ， 但 十 二 分 歡 迎 ， 「 梗 係 開 心 啦 ， 當 你 坐 監 有 人 探 你 話 開 唔 開 心 ？ 」 、 「 我 仲 衰 過 坐 監 喎 ， 坐 監 都 有 得 食 飯 、 放 風 打 籃 球 呀 ！ 」 學 生 市 民 對 於 這 片 長 久 以 來 被 封 閉 的 地 域 和 工 友 的 故 事 極 度 好 奇 ， 工 友 也 是 積 鬱 已 久 ， 你 一 言 我 一 語 的 搶 說 ， 眾 人 打 成 一 片 。

近 日 見 諸 媒 體 的 加 薪 訴 求 ， 簡 略 言 之 ， 是 碼 頭 工 友 經 過 千 禧 年 前 後 金 融 風 暴 、 SARS 、 08 金 融 海 嘯 等 多 次 減 薪 ， 目 前 薪 酬 比 1997 年 不 升 反 跌 ， 飯 鐘 錢 和 津 貼 亦 被 削 去 ， 同 期 工 作 量 不 斷 增 加 、 工 時 增 長 ， 收 入 卻 完 全 與 社 會 上 的 高 通 脹 脫 節 。 然 而 薪 酬 以 外 ， 工 友 們 花 更 多 時 間 訴 說 的 ， 是 人 的 尊 嚴 和 基 本 權 利 ， 即 是 睡 覺 、 吃 飯 、 伸 展 手 腳 、 在 適 當 的 處 所 大 小 便 的 權 利 ， 是 陪 伴 家 人 的 時 間 ， 和 生 命 安 全 受 保 障 的 工 作 環 境 。

待 遇 之 連 年 倒 退 和 不 人 道 ， 與 1990 年 代 各 工 種 的 外 判 潮 密 切 相 關 。 香 港 國 際 貨 櫃 碼 頭 公 司 （ HIT ） 壓 縮 成 本 ， 加 上 判 頭 從 中 取 利 ， 橋 邊 理 貨 及 船 上 裝 卸 員 的 團 隊 ， 由 90 年 代 每 組 7 至 8 人 ， 減 至 目 前 的 4 人 ； 半 空 操 作 的 機 手 ， 由 90 年 代 3 人 操 作 兩 部 機 ， 可 以 輪 流 休 息 ， 每 天 工 作 8 至 10 小 時 ， 變 為 目 前 1 人 1 部 機 ， 連 續 無 休 工 作 12 小 時 。

喝 狗 咁 喝 當 我 係 咩 ？

人 手 縮 減 的 後 果 ， 是 工 友 必 須 不 停 工 作 。 部 分 工 種 有 15 分 鐘 用 膳 時 間 ， 已 算 幸 運 ， 困 在 半 空 吊 機 上 工 作 的 機 手 連 吃 飯 、 上 廁 所 的 時 間 都 被 剝 削 掉 。 「 無 得 落 去 ， 飯 盒 用 繩 吊 上 來 ， 中 途 跌 就 無 得 食 ； 兩 隻 手 機 ， 工 作 唔 停 咁 ， 扒 兩 啖 又 要 擺 低 。 所 以 好 多 工 人 好 似 我 咁 ， 係 『 無 飯 員 工 』 來 的 ， 我 十 幾 年 來 都 無 食 飯 ， 只 帶 幾 個 包 食 ， 因 為 一 拎 起 盒 飯 ， 控 制 塔 就 係 咁 催 你 ， 咁 樣 食 法 有 咩 意 思 呢 ？ 放 低 盒 飯 ， 你 上 去 就 知 道 ， 好 多 烏 蠅 ， 點 食 ？ 」 機 手 其 哥 提 起 控 制 塔 ， 工 友 更 群 情 洶 湧 ， 「 控 制 塔 的 是 HIT 直 屬 員 工 ， 佢 對 我 講 語 氣 係 非 常 之 差 ， 喝 狗 咁 喝 的 ！ 」 機 手 波 仔 說 。 工 友 無 時 間 落 機 上 廁 所 ， 唯 有 在 吊 機 上 處 理 大 小 便 ， 輝 仔 說 環 境 衛 生 惡 劣 ， 但 也 別 無 選 擇 ， 「 自 己 帶 濕 紙 巾 抹 手 囉 ， 公 司 從 來 無 人 清 潔 吊 機 」 。

「 我 屙 個 尿 ， 控 制 塔 就 即 刻 態 度 好 差 咁 嗌 你 ， 『 喂 師 傅 ， 做 咩 呀 ？ 壞 機 呀 ？ 』 我 唔 係 機 器 ， 係 人 ， 為 生 活 ， 有 時 係 要 低 頭 ， 但 人 有 尊 嚴 ， 我 唔 食 飯 ， 都 係 唔 想 同 烏 蠅 爭 食 ， 你 咁 樣 呼 呼 喝 喝 ， 當 我 係 咩 呢 ？ 之 前 仲 想 在 駕 駛 室 入 面 裝 CCTV ， 好 侵 犯 私 隱 ！ 鬧 得 犀 利 先 無 裝 咋 。 」 工 友 雞 頭 說 ﹕ 「 幾 年 前 有 外 判 經 理 同 直 屬 公 司 （ HIT ） 控 制 台 員 工 講 ， 『 你 唔 使 對 外 判 機 咁 客 氣 ， 喝 佢 得 啦 。 』 以 前 未 外 判 時 ， 做 機 手 係 高 級 過 佢 ， 我 考 個 牌 都 叫 專 業 呀 ， 你 只 不 過 係 一 個 文 職 。 你 同 我 都 係 打 工 ， 但 直 屬 員 工 就 覺 得 你 係 二 奶 仔 ， 『 我 係 管 理 你 外 判 工 』 。 」

碼 頭 公 司 的 各 種 不 成 文 規 定 亦 突 顯 階 級 分 明 ， 外 判 工 在 中 午 繁 忙 時 間 不 能 進 入 飯 堂 ， 惠 顧 只 有 九 折 ， 直 屬 員 工 的 價 錢 則 約 七 折 ； 新 機 留 給 少 數 直 屬 公 司 的 機 手 ， 分 給 外 判 工 的 吊 機 都 是 殘 舊 的 ， 「 張 左 邊 高 右 邊 低 ， 或 者 成 個 椅 背 甩 出 來 ， 咁 設 備 令 人 好 易 受 傷 」 。 入 行 20 年 ， 剛 弄 傷 腰 仍 參 與 罷 工 的 翁 生 說 ﹕ 「 日 日 俯 前 ， 連 續 十 幾 個 鐘 維 持 同 一 姿 勢 ， 腰 頸 都 變 晒 形 ， 軟 骨 蝕 晒 ， 郁 一 郁 就 整 親 喇 。 機 手 十 個 有 九 個 條 腰 都 有 問 題 ， 後 生 仔 都 一 樣 。 」

工 時 長 隨 時 on call 斷 六 親

機 手 通 常 持 續 開 工 12 至 16 小 時 ， 工 作 節 奏 極 度 緊 張 ； 橋 邊 理 貨 及 船 上 裝 卸 員 、 紮 結 員 的 苦 處 則 是 日 曬 雨 淋 ， 有 開 工 無 收 工 ， 正 常 是 連 續 開 工 24 小 時 ， 然 後 休 息 24 小 時 ， 再 返 24 小 時 ， 但 人 手 經 常 短 缺 ， 每 星 期 都 有 一 兩 次 要 連 返 48 小 時 ， 有 時 更 直 踩 72 至 96 小 時 ， 中 間 要 自 己 偷 一 兩 小 時 短 睡 ， 沒 有 正 式 休 息 時 段 ， 也 沒 有 休 息 室 ， 「 有 些 公 司 開 個 貨 櫃 畀 你 ， 都 鋪 張 蓆 地 上 就 喇 」 。 無 論 機 手 、 橋 邊 還 是 船 上 工 人 ， 上 班 時 間 都 極 不 穩 定 ， 往 往 原 定 放 工 前 數 小 時 才 通 知 要 加 班 、 或 前 一 晚 才 知 明 日 要 不 要 開 工 ， 「 你 話 唔 想 加 班 咩 ？ 佢 就 之 後 成 個 星 期 都 唔 派 工 作 畀 你 ， 等 你 手 停 口 停 ， 其 實 就 係 威 迫 你 做 。 」 理 貨 員 輝 哥 說 。

工 時 長 ， 又 隨 時 on call ， 令 工 友 失 去 享 受 家 庭 生 活 和 交 友 機 會 ， 機 手 阿 陳 和 黃 生 同 聲 說 ﹕ 「 有 得 同 家 人 見 面 、 打 個 招 呼 都 算 好 彩 喇 ， 有 些 同 事 陪 唔 到 屋 企 人 ， 兩 公 婆 之 間 有 爭 執 、 離 婚 都 大 把 。 入 行 一 年 之 後 ， 好 多 以 前 朋 友 都 失 去 聯 絡 ， 工 作 時 間 唔 就 ， 公 眾 假 期 、 農 曆 年 ， 因 為 直 屬 公 司 工 人 放 晒 假 ， 我 仲 特 別 辛 苦 ， 一 定 無 假 放 ， 咁 人 約 你 ， 你 推 得 幾 次 就 唔 再 約 啦 。 有 師 兄 入 行 成 十 年 ， 拖 都 無 時 間 拍 ， 我 結 到 婚 都 係 以 前 識 落 咋 。 」 失 去 親 戚 連 繫 和 朋 友 網 絡 ， 漸 與 外 界 脫 節 ， 碼 頭 工 友 們 想 轉 行 特 別 艱 難 。

工 作 外 判 打 散 工 人 防 結 集

外 判 制 對 總 公 司 來 說 可 以 鎖 定 成 本 ， 卻 把 工 人 置 於 極 不 穩 定 的 景 ， 從 工 作 、 生 活 的 各 方 面 將 工 人 切 割 成 孤 獨 的 個 體 ， 無 法 組 織 反 抗 力 量 。 「 以 前 碼 頭 內 運 車 係 HIT 直 屬 運 輸 部 ， 因 為 年 年 搞 罷 工 ， 佢 就 解 散 運 輸 部 外 判 出 去 ， 判 得 愈 多 公 司 就 互 相 制 衡 ， 一 間 罷 工 ， 隔 籬 公 司 做 埋 佢 份 。 」 機 手 輝 仔 說 ， 機 外 判 後 ， 由 三 人 兩 機 輪 休 ， 變 成 一 人 一 機 ， 大 家 每 日 只 能 獨 自 在 吊 機 內 默 默 工 作 ， 同 事 間 難 有 連 繫 ， 「 至 多 收 工 幾 個 人 一 齊 食 餐 飯 ， 我 入 行 7 年 ， 年 年 都 有 人 嘈 幾 時 加 人 工 ， 都 搞 唔 成 事 ， 因 為 公 司 一 收 到 風 有 人 諗 住 罷 工 ， 就 將 帶 頭 幾 個 炒 ， 製 造 白 色 恐 怖 ， 其 他 人 再 唔 敢 出 聲 。 家 科 技 發 達 就 話 可 以 facebook 群 組 聯 絡 ， 大 家 知 道 大 家 做 緊 咩 ， 容 易 聚 集 人 手 。 以 前 靠 打 電 話 ， 打 得 幾 多 個 人 ？ 」

fb 專 頁 打 破 困 局

輝 仔 說 的 是 近 日 熱 傳 的 「 碼 頭 的 辛 酸 」 facebook 專 頁 ， 不 止 工 友 ， 大 部 分 聲 援 的 學 生 市 民 亦 從 這 網 頁 得 知 第 一 手 、 且 是 工 友 自 發 報 道 的 碼 頭 消 息 。 有 份 發 起 這 個 專 頁 的 機 手 翁 生 說 ﹕ 「 機 手 以 前 從 未 罷 過 工 ， 我 係 好 聽 話 ， 每 日 準 時 上 機 ， 總 係 盡 力 做 好 我 應 該 做 事 。 但 呢 一 兩 年 ， HIT 不 停 咁 逼 我 做 ， 一 分 鐘 都 唔 畀 我 停 ， 好 多 工 友 受 傷 ， 我 忍 無 可 忍 ， 上 年 底 就 開 了 這 個 網 頁 。 碼 頭 方 面 知 道 我 習 慣 獨 立 做 ， 唔 似 橋 邊 工 人 咁 齊 心 ， 覺 得 我 唔 夠 膽 落 。 但 有 了 網 頁 ， 消 息 散 得 好 快 ， 大 家 怨 氣 谷 到 爆 ， 全 部 人 一 齊 掉 低 部 機 行 出 來 ， 我 做 廿 年 ， 咁 樣 環 境 係 只 此 一 次 ， 好 難 再 出 現 喇 ， 點 解 要 行 出 來 ？ 因 為 你 HIT 無 當 過 我 係 人 ， 唔 到 我 唔 出 手 。 」

消 息 封 鎖 意 外 頻 生 無 人 知

「 碼 頭 的 辛 酸 」 專 頁 雖 是 去 年 底 開 設 ， 但 不 時 有 更 早 期 拍 下 的 照 片 資 料 上 載 ， 揭 示 碼 頭 內 部 黑 幕 。 記 者 訪 問 期 間 ， 工 友 亦 常 拿 出 手 機 內 存 的 照 片 以 說 明 碼 頭 裏 不 足 為 外 人 道 的 情 ， 最 常 見 的 是 塌 貨 櫃 場 面 ， 既 然 常 見 ， 應 該 「 見 怪 不 怪 」 ， 為 何 人 人 都 拍 下 一 大 堆 ？ 「 覺 得 好 想 畀 外 面 人 知 道 碼 頭 發 生 咩 事 囉 。 」 輝 仔 說 ﹕ 「 以 前 影 了 ， 無 咩 消 息 渠 道 可 以 傳 出 去 ， 記 者 、 所 有 人 都 唔 入 得 ， 基 本 上 就 係 一 個 封 閉 的 世 界 ， 好 似 集 中 營 咁 ， 死 了 都 無 人 知 。 好 多 橋 邊 工 人 都 係 搵 命 博 ， 我 放 貨 櫃 上 船 ， 個 櫃 底 座 有 時 會 脫 落 ， 砸 親 工 人 個 頭 ， 拳 頭 咁 大 實 心 鐵 喎 ， 我 一 隻 手 都 未 必 拎 得 起 。 8 號 碼 頭 那 邊 咪 試 過 ， 機 手 有 死 角 位 睇 唔 到 ， 落 個 貨 櫃 壓 死 一 個 清 潔 阿 姐 ， 無 人 知 ， 第 二 日 家 屬 打 電 話 去 公 司 問 ， 睇 返 錄 影 鏡 頭 先 知 佢 入 去 ， 逐 棟 翻 起 貨 櫃 ， 搵 到 都 血 肉 模 糊 ， 無 晒 人 形 。 又 有 一 次 個 機 手 唔 知 咩 事 跌 落 死 ， 家 屬 想 入 來 拜 祭 都 唔 得 。 我 親 眼 見 就 係 浮 屍 囉 ， 唔 知 邊 度 海 面 過 來 ， 出 面 都 唔 會 知 ， 其 他 塌 箱 呀 、 機 撞 車 頭 呀 ， 成 日 都 有 意 外 啦 ， 封 鎖 晒 消 息 ， 只 有 行 內 人 知 。 」

除 了 意 外 工 傷 ， 慢 性 傷 害 例 如 貨 船 噴 出 的 黑 煙 和 不 明 氣 體 、 灰 塵 微 粒 等 ， 污 染 嚴 重 ， 「 一 部 黑 色 電 話 擺 低 ， 15 分 鐘 就 變 成 灰 色 」 。 日 積 月 累 無 處 可 避 ， 不 少 工 人 患 上 肺 癌 ， 但 僱 主 自 然 不 會 承 認 跟 工 作 環 境 有 關 。

「 如 果 真 係 有 總 公 司 講 到 待 遇 咁 好 ， 我 點 解 唔 返 屋 企 覺 ？ 如 果 工 人 搵 到 食 ， 何 苦 同 你 抓 爛 塊 臉 ？ 佢 （ HIT 董 事 總 經 理 嚴 磊 輝 ） 話 『 唔 關 我 事 ， 畀 錢 外 判 喇 喎 』 。 你 監 管 佢 、 你 搵 外 判 商 ， 點 會 唔 關 你 事 ？ 隻 船 上 少 兩 個 箱 、 開 慢 ， 關 唔 關 你 事 ？ 」 顯 而 易 見 ， 在 公 司 心 目 中 ， 貨 永 遠 比 人 重 要 。 每 次 八 號 風 球 ， 工 友 要 冒 風 雨 紮 緊 貨 櫃 ， 箱 不 能 塌 ， 人 卻 沒 有 任 何 保 護 措 施 。 無 論 「 李 氏 力 場 」 是 否 存 在 ， 碼 頭 不 能 停 ， 經 濟 巨 輪 24 小 時 運 轉 。

到 底 誰 沒 有 誰 不 行 ？

曾 經 無 數 次 夜 深 ， 筆 者 乘 巴 士 駛 經 三 號 幹 線 ， 碼 頭 近 在 咫 尺 ， 燈 火 通 明 ， 卻 沒 法 窺 見 裏 面 的 人 影 。 它 的 浩 大 遮 蔽 了 成 千 上 萬 的 勞 動 者 ， 當 它 長 年 累 月 運 作 順 暢 時 ， 企 業 便 遺 忘 了 工 人 和 工 具 的 差 別 ； 而 只 是 短 暫 的 罷 工 堵 路 ， 某 些 人 已 忙 不 迭 送 上 「 影 響 香 港 國 際 航 運 樞 紐 聲 譽 」 的 罪 名 。 我 只 能 說 ， 如 果 香 港 的 繁 榮 是 建 基 於 這 樣 的 勞 動 ， 而 我 們 默 許 ， 才 是 這 城 市 的 恥 辱 。 環 境 再 差 ， 工 友 言 談 間 甚 少 使 用 「 辛 苦 」 這 詞 彙 ， 他 們 說 的 是 「 要 奪 回 自 己 的 尊 嚴 」 ； 或 許 罷 工 是 最 徹 底 的 方 法 ， 證 明 到 底 誰 沒 有 誰 不 行 。 提 到 秋 後 算 帳 的 憂 慮 ， 曾 參 加 96 年 罷 工 的 老 工 友 顯 得 淡 定 ， 「 那 年 搞 唔 成 ， HIT 炒 晒 4 個 判 頭 ， 但 我 轉 個 頭 咪 又 返 去 新 判 頭 度 做 ， 呢 行 根 本 無 幾 多 人 肯 做 ， 亦 唔 係 人 人 識 做 ， 多 人 罷 工 就 針 對 唔 到 咁 多 個 」 。 也 有 些 工 友 想 得 豁 達 ， 「 大 家 都 豁 出 去 的 了 ， 自 己 享 受 唔 到 ， 都 希 望 日 後 接 住 做 有 好 環 境 。 反 正 行 到 呢 一 步 ， 已 經 無 得 返 轉 頭 」 。

文 林 茵

圖 余 俊 亮 / 盧 翊 銘

編 輯 馮 少 榮
http://news.mingpao.com/20130331/uzc1.htm