賴： #看舖，梧兄讀者繼續專享全文畢錄嘅優待，當然有 Medium 嘅朋友就可以睇呢度：

https://link.medium.com/x02fxw5hNZ

//

香港作為全球最自由嘅經濟體系呢，又係中國同全世界接軌嘅橋樑喎，資金自由進出，金融體系所面對嘅洗錢 (AML, anti-money laundering) 同恐怖份子資金籌集 (CFT, Counter-Financing of Terrorism) 都相當之大。

國際組織財務行動特別組織 (Financial Action Task Force，簡稱 FATF，之前有介紹過) 就喺舊年年尾對香港進行咗一次評估。當時，香港當局都嚴陣以待，包括滾水淥腳咁推行入境攜帶 12 萬現金必須申報嘅要求。一年前我寫過架喇，未睇過嘅自己搵嚟睇返。

---

咁好喇， FATF 對香港嘅評估結果係點呢？登、登、登、凳！係符合規定同有效嘅，香港亦成為亞太區內，首個整體上取得合規 (compliant) 成績嘅地區。

如果用人話演繹一次呢，香港喺 AML 同 CFT 方面嘅表現，係整體上唔錯，不完美、可接受、有改進空間嘅。

FATF 向香港提出咗九項優先改善建議，有趣嘅係，其中兩點都同中國大陸有關：

一、喺涵蓋、監察大陸嘅政治關連人士 (PEP, Politically-Exposed Persons) 呢方面，香港需要堵塞漏洞。
具體啲講，香港將 PEP 分開做外國同本地 (domestic) 兩種，對外國 PEP 嘅監管比較嚴謹 (都好合理) 。

問題係，香港將中國大陸嘅 PEP 都當係本地 PEP ，但兩地
本身行緊兩套唔同嘅法制，執法機關當然亦都係兩班人 (有冇大陸軍人、武警或公安穿著香港警隊制服執法係另一回事) ，咁中國大陸嘅政治人物，無論現任定過氣嘅，都好難被界定為本地，應該用返外國嗰把呎去看待。

二、香港應該更積極主動咁尋求其他國家協助，向已經著草嘅人及已經流走嘅資產，進行引渡及追討。此外，香港亦應該致力改善與中國大陸喺正式渠道合作嘅能力。

不幸地，呢單嘢涉及到今年搞到全城風雨嘅《逃犯條例》。
FATF 指出，香港同中國大陸之間，並無逃犯移交嘅安排，基本上，喺香港犯法而著草返大陸嘅疑犯呢，係咪交返畀香港審訊，完全睇中國頭。同樣地，如果大陸走犯落嚟香港，目前亦無機制去將個犯送返上去。

FATF 又指，目前行政長官有權決定係咪將中國籍嘅逃犯移交畀大陸，但目前亦無法律條文要求港府會喺中國政府要求引渡嘅時候，及時將疑犯移交畀執法機構。 (以香港咁嘅形勢， FATF 嘅關注有耐都唔會解決到 - - 斷估林鄭唔會為咗區區 FATF 而再次花式政治自殺)

此外，香港正式尋求其他國家提供司法協助及引渡嘅次數亦偏低，同香港喺洗錢方面嘅風險程度唔相符。

---

除此以外， FATF 覺得香港仲有一啲不足之處，舉幾個例子畀大家聽：

- 中小型金融機構，尤其是財仔同埋找換店，對於 AML / CFT 嘅風險理解及評估，以至相關監察措施都需要改善，特別係針對非本地居民、外國 PEP 等高風險客戶。
- 絕大部份嘅 STR (suspicious transaction reports ，即係可疑交易報告) 都係由大型銀行提交。由財仔同找換店提交嘅報告少之又少。其中，由找換店遞交嘅報告水平參差，而一般金融機構提交嘅 STR 都相當之保守。
- 海關、放債人註冊處 (處長現時由公司註冊處處長兼任) 及其他自我監管機構對於找換店、財仔等機構嘅風險嘅理解需要重大改進 (唔係我吹水， important improvements ，佢哋寫嘅)，對於辨別可疑交易嘅指引都同期望有好大落差 (important gaps) 。
- 海關及放債人註冊處進行嘅調查，不論深度同廣度都非常有限 (too limited ，都係佢哋寫嘅) 。

---

再補多幾筆，講下香港證監會 (SFC) 喺 FATF 呢份報告發出之後，向業界提供咗咩指引。

證監會認為，跨境資金流動、非本地居民 (講白啲又即係大陸客囉) 及 PEP 都係業界，尤其是中小型機構需要關注嘅項目。其中，關於非本地居民嘅客戶盡職審查 (CDD, Client Due Diligence) 、對於 PEP 所進行嘅額外盡職審查 (EDD, Enhanced Due Diligence) 等都有所不足。

至於 STR ，證監都係提醒大家定期檢討下系統同流程係咪有效及足夠，要嚟及早辨認及向 JFIU (Joint Financial Intellignce Unit ，隸屬警隊) 舉報可疑交易。

---

如果大家對 FATF 呢份報告有興趣，可以先睇 Executive Summary ，都大拿拿 12 版架。

瞓唔著又真係好想睇晒嘅，可以睇成份報告佢。二百幾版，咩失眠都醫得好啦。

- - -

配圖係九唔搭八的。完。

《彭博商業周刊/中文版》「領先基金大獎2015」頒獎典禮

由《彭博商業周刊/中文版》舉辦及評選的「領先基金大獎（Top Fund Awards 2015）」, 頒獎典禮暨午宴於12月1日（星期二）中午假金鐘香格里拉酒店宴會廳舉行。

大會非常榮幸邀得強制性公積金計劃管理局主席黃友嘉博士，BBS，JP擔任頒獎嘉賓並作開幕致辭，同時亦邀得立法會議員馮檢基先生，SBS，JP、立法會議員葛珮帆女士，JP、立法會議員梁家傑先生，SC、財經事務及庫務局副秘書長（財經事務）甄美薇女士，JP、強制性公積金計劃管理局機構事務總監鄭恩賜先生、公司註冊處處長鍾麗玲女士，JP、香港中文大學經濟學系副教授兼全球經濟及金融研究所常務所長莊太量教授、商業經濟研究中心創立人及冠域商業及經濟研究中心主任關焯照教授、香港財經分析師學會會長詹偉基先生為一眾金融精英頒獎。

《彭博商業周刊/中文版》「領先基金大獎2015」以市場數據運算評核，分別從機構基金（Institutional Fund）、互惠基金（Mutual Fund）、交易所買賣基金（ETF）及強積金（MPF）四個類別中，評選出去年最優厚回報及三至五年表現最佳的項目。

http://www.hkej.com/template/onlinenews/jsp/detail.jsp…

﹝News／テレビ／開放電視平台﹞王維基在記者會上宣布，建議更改公司名稱為香港電視網絡，但須待股東於股東特別大會上批准及香港公司註冊處處長批准後，方可作實。