素食者飲食分享—快餐篇（蛋素） 成為素食者大概三年半， 自己一向都有健身打拳同埋跳舞嘅習慣， 運動量好大所以一定要食得飽！ 喺飲食上都會比較用心安排比自己， 確保自己攝取到適當嘅營養！ ********特別係蛋白質******** (澱粉質同優質嘅脂肪一樣重要， 同埋唔好再誤會呀大家🙏🏻 其實植物性蛋白質一啲都唔輸蝕比肉類嘅蛋白質， 甚至乎更加健康架) —————————————————— 而我經常收到大家私訊嘅問題。 。 「食素出街可以有啲乜嘢選擇？」 「素食者想增肌，但喺街好難食到蛋白質。」 「如果想Green Monday有啲咩建議？」 「啱啱開始嘗試食素，但係成日都好快肚餓食唔飽咁？」 。 。 好多朋友仔想嘗試食素或啱啱成為素食者， 但係未有經驗而且未識得安排飲食， 出街就淨係識嗌烚菜食， 搞到成日都唔夠飽， 而且營養好唔均衡， 但其實就算快餐都可以有好多選擇㗎！ 就等我同您地分享下小心得， 順便鼓勵下您地， 由今日開始一齊為咗環保同我地居住嘅地球， 食少啲肉，食多啲素！ —————————————————— 圖1 ) GOJI cafe 素食碗VEGAN BOWL。 ( 西蘭花，枝豆，蕎麥麵，腐皮，等等，全部都係高蛋白嘅食物） 圖2 ) LA FRESCO VEGGIE（全素） —雜菜天使麵 。通常大部份西餐廳，都好願意幫你將肉類轉做蔬菜去炒一個意粉或者麵，而圖入邊就有西蘭花四季豆菇類等等，都係蛋白質來源） 圖3 &10) 米線陣&譚仔—米線類嘅餐廳而家好多都有素湯底/素蕃茄湯底，餸菜可以選擇腐皮腐竹黑木耳金菇，如果你係蛋奶素嘅話就可以帶多隻滷水蛋～ 圖4 ) 大快活—非常好，因為午市晚市都有一個素食系列～ 營養都好均衡，有豆腐又有西蘭花，有陣時仲有豆類。 (佢哋有一個咖喱雜菜飯就要留意，因為肉汁裏面係有肉類嘅成份 ) 圖5 ) 喺韓國餐廳就可以揀石鍋野菜拌飯（蛋素者就唔需要走雞蛋），或者可以豆腐泡菜湯飯，不過要問清楚餐廳有冇用海鮮去整湯底～ 圖6 ) 珍心素食（全素）—除咗圖入邊呢個五色蕎麥麵之外， 仲有中式飯～煎豆腐～碗仔翅麻醬腸粉，仲有甜品豆腐花等等～而且呢間鋪頭係唔用味精全部用食物嘅原味架，湯底全部都食得出蔬菜嘅鮮甜！ 圖7) starbucks —RAINBOW GRILLED SALAD 入邊有堅果南瓜番薯同埋沙律菜，如果keep緊fit嘅就係一個好好嘅選擇！ 圖8 ) 八方雲集—我嘅最愛🖤佢有田園鍋貼同水餃！自己就覺得幾好味嘅，哈哈！加埋杯豆漿一樣好夠飽！ 圖9 ) M&S —雜豆沙律，你唔好睇佢細細盒，食完真係好飽，而且蛋白質仲好高，而且馬莎都仲有好多素食嘅選擇，係價錢比較貴少少，但起碼確保自己攝取到足夠嘅營養！ —————————————————— 所以其實素食係唔會食唔飽架！ 只係需要時間去學習， 選擇適當而提供到足夠能量嘅食物種類 去俾自己身體去運行應付每一日！ 當然一開始的確有段過渡期，但當習慣之後， 你就會發覺素食習慣能帶比你更加多力量， 身體嘅負擔少咗，而且思路都會更加清晰！ 當然每個人嘅身體都唔一樣， 亦的確有人係冇辦法完全適應到素食飲食， 所以如果大家想試， 都一定要係安全嘅情況同知識觀念底下進行， 甚至乎搵醫生去評估你嘅情況！ 同埋記得唔好心急， 肯踏出第一步已經好好啦！ 你地有啲咩問題都可以再問我～ 希望你地會鍾意我嘅分享同埋會幫到你哋啦！ Love&peace🌈🌏🖤 #素食健身 #素食者 #greenmonday #素食外食 #香港素食 #veganfitness #vegeterian

【八方雲集鍋貼水餃專門店】於1998年在台灣創立，主打鍋貼、水餃及台式麵食。 2008年打進香港市場，現時在港已有超過70家分店。 店裡提供不少不含肉類的選擇，除了田園鍋貼及田園水餃，還有麻醬拌麵。如果不是嚴格的素食者，不介意可能會與葷食用同一器皿烹調，在這裡絕對能吃得飽飽。 點了湯麵套餐，主食選了"台式麻醬麵"。麵以乾拌形式奉上，喜愛撈麵類的Coffreestains當然受樂。麵條煮得軟硬適中，彈牙帶嚼勁。配料有大量芽菜及蔥粒，增添了爽脆口感。麻醬下得慷慨，每一口都是超濃厚的味道，實屬重口味之選。 田園水餃外皮以蘿蔔葉天然色素製成，色澤翠綠，予人清新之感覺，也比煎餃來得健康。餡料以椰菜、紅蘿蔔、黑木耳及沙葛切絲而成。水餃外皮不算薄，有厚實口感。內裡的蔬菜新鮮爽脆，蘸些豆瓣醬吃更覺惹味。 豆漿豆味不算突出，幸好甜度適中，加入彈牙的珍珠，食味也不俗。 湯麵套餐 ($42) Noodles & Dumplings Set 台式麻醬麵 Noodle with Taiwanese Sesame Sauce 田園水餃 (+$2.5) Boiled Vegetable Dumpling 豆漿珍珠 (+$4) Tapioca Soybean Milk 八方雲集鍋貼水餃專門店 地址: 北角英皇道560號健威坊地下L6A號舖 電話: 26189158 #coffreestains #咖啡痕 #vegandumplings #채식만두 #水餃 #餃子 #dumplings #ぎょうざ #만두 #麻醬麵 #sesamenoodles #ごまだれ #撈麵 #まぜそば #boba #豆漿 #soymilk #豆乳 #두유 #八方雲集 #素食 #greenmonday #meatfree #veggie #vegetarian #ベジタリアン #채식주의자 #taiwanfood #foodblogger #hkfoodporn

（素食快餐）台式麻醬麵餐＄45 配田園蔬菜水餃五件和凍豆漿 好味指數👍🏻👍🏻👍🏻 #hongkongfood #hkfood #hkig #香港美食 #八方雲集鍋貼水餃專門店 網址: https://s.openrice.com/QrbS0j44800 地址: 灣仔灣仔道146號明豐大廈地舖 電話: 28921598