很想跟大家分享這部電影 #二次人生 @istillremember_2019 。只要你分享你跑步既故事，再tag 一個想佢一齊睇呢套戲既朋友，我會揀出一位朋友（fb/ig 合共1位）親手寄出呢兩張換票證。5月20日截止並公佈。如果揀唔中你，我都好希望你會入場睇呢套戲。
呢部唔止係一部直正香港資金香港製作既電影，仲係香港人既故事。

細膩又富美感既畫面，配上現實又真實既對白，令人飄盪於電影和自身回憶之中。

呢部電影令到我諗起人生好多事，同埋好多嘅人。
電影係關於10公里街馬，戲入邊，甚至真實中每一個人參加10公里都各有原因，目標亦都可以唔一樣，但其實都係要話俾自己聽「做得到」。

戲入面唔同嘅角色又好似我哋唔同嘅人生階段同感受，曾經我哋會透過為其他人打氣同時為自己打氣，曾經我哋會為咗目標不顧一切一鼓作氣，曾經我哋為夢想往未知獨闖，曾經我地望住身邊嘅人都比自己成功而自己一事無成，曾經我哋頹到想叫自己垃圾，曾經我哋喺理智同感情之間掙扎，曾經我哋發現錯失了既時光令我哋無法兌現承諾。可能呢啲係我哋曾經嘅經歷，亦可能係我哋而家面對嘅掙扎同埋茅盾。

人生同跑步一樣，無數既跌倒都需要爬起來繼續跑。

我覺得導演用「街馬」做主題，係要俾機會我哋欣賞香港嘅街道，仲要俾機會我哋去聽沿途既打氣聲。因為跑街馬聽到最多嘅就係「撐住」「跑埋去」「唔好放棄」呢啲全部都係香港人最需要嘅打氣。

戲入面有一個好好既訊息，無論旁人幾多既打氣，能令你跑落去既都係你自己既意志。無論點跌，都要靠自己站起來。人生亦是如此，所以呢啲打氣，自己都要俾自己。

希望大家都支持呢部百份百既香港電影，為每一個香港人打氣，亦都為自己打氣。💪🏼💪🏼

🏃🏻‍♀️我既跑步故事：由細到大我都係游水運動員，體能唔差，但極度討厭跑步。每次跑步無論氣管定係個肚總之都周身唔舒服。入行之後，游水就變得一件唔係幾方便嘅事，慢慢我就少左恆常既運動。然後人生中面對無窮無盡無法控制既事和不確定性，令我曾經陷入一段情緒同自我價值好低落之中，當時身體亦都非常之差，直到一日發覺唔可以唔可以再係咁，我去游水，釋放情緒，將自己拉出來。然後我見到朋友參加左一個短距離既三項鐵人賽，比賽日期就係我生日，我好想用完成賽事，嚟話俾自己聽，呢個世界依然有野係我努力可以做到。游水踩單車我都有把握，唯獨是跑步，呢樣野我真係好大挑戰，於是我每日練跑，每日都好痛，但又每日一邊跑一邊鼓勵自己跑多啲啲。到最後終於完成賽事，仲竟然有第一。就係咁，我搵返自己，感受到我既人生依然有嘢係我係可以做到。

之後我唔再怕跑步，但都唔會成日跑。每次亦不過5公里。直到一日因為公司想搵藝人參加10公里馬拉松，有監制推薦左我，我其實自己都唔知自己頂唔頂得順，但覺得既然有人賞識，不如起碼都盡自己能力練下先，於是我又係不斷練跑，每次都痛，但又每次叫自己撐住，再跑多啲啲再跑快啲啲。第一次比賽我都唔敢諗咩時間，只係希望完成到唔好失禮。直到比賽果日，可能真係有左好多既打氣聲，令到我跑起來無任何痛楚唔舒服，越跑越起勁。完成第一次之後，我再參加過好多次十公里比賽。我唔再驚跑步，甚至鍾意左跑街令我發掘左唔同既路段，想fit 我會去跑，想健康我會去跑，要比賽我會去跑，唔開心等會去跑，係跑步令我感受到人生中依然有野係因為我努力而做得到。

你既跑步故事又係點？希望你能跟我和大家分享。

#總要為人生歡呼一次
————————————————————————揀中嘅朋友已經收到我嘅私訊，揀唔中嘅朋友你哋嘅跑步故事亦都好好，好鼓勵，係好好嘅分享。希望你哋有時間都會入場睇呢一套咁正嘅電影。如果你而家先睇到呢個post，我都好歡迎你哋分享一下你哋嘅跑步故事

【召集香港人︱有關香港的小測試】
作為香港的一份子，每天生活在香港的你，對這個地方又有多認識？

以下有5條關於香港的問題，你能通過這個測試嗎？

1. 常說香港是石屎森林，但你知道香港有幾多個郊野公園嗎？
香港境內面積1108平方公里。雖然又叫石屎森林，但有四分之三為郊野，共有24個郊野公園。2019年前往郊野公園的遊人超過1千萬人次。

2. 香港作為一個國際都會，究竟人口又有多國際化？
根據2016年中期香港人口普查，92%在香港的人是華人，其次是菲律賓人2.5%、印尼人2.1%﹑白人0.8%和印度人 0.5%。隨著社會改變又有可能有不同發展。

3.一個先進發達的香港，卻有不少《人類非物質文化遺產》，你又知道多少個？
香港共有480個非物質文化遺產，主要可分為以下五類：口頭傳統和表現形式（21個）﹑表演藝術（34個）﹑社會實踐、儀式、節慶活動（292個）﹑有關自然界和宇宙的知識和實踐（6個）﹑傳統手工藝（127個）。所以不要再說香港是文化沙漠了。

4. 香港人究竟有多喜歡去旅行？一年又會出境多少次？
根據世界旅遊組織數據顯示，在全世界旅遊支出的總數中，香港人排行第十，在亞洲排行第三。另外，香港2018年的出境人次達有9,221萬，平均每人出境12.4次，人均海外支出超過3000美元。

5. 香港有甚麼寶貴的天然資源？
香港的天然資源可分為三大類：陸上的金屬礦物和非金屬工業礦物、石礦和建築石材，以及離岸的沙源。沙源為香港發展早期填海提供沙粒，而現時採礦業已經不再存在，但石礦場仍有營業，為建築提供石材和混凝土的石料。

你又答到多少題呢? 發現自己原來對香港還未夠熟悉? 一個令大家重新認識香港的機會來了！ 大家可以參與「賽馬會社區持續抗疫基金—— ＃義地領航」，這個青年領袖訓練計劃。
計劃包括各界大師指導的線上課堂、本地導賞團及工作坊 ，由理論到實踐，認識引領未來的技能、深入探討不同主題的香港及國際社會議題，包括多元文化、城鄉共生、多元產業、文化遺產、環境保護、天然資源等等。
加入文化聚落，更可認識世界各地故事，與不同背景的朋友交流合作。
完成計劃並表現優異的參加者，除有機會贏得獎勵外，還可以Slasher身份帶領義遊@voltra_hk 的本地及海外項目。
想發掘自己嘅潛能、加強團隊合作及個人能力、跳出Comfort Zone挑戰自己? 事不宜遲， 立即報名啦！

計劃網站及報名連結: https://bit.ly/glaapp20

------------------------
◆ 每日分享冷知識
◆ 網站：https://www.beginneros.com/
◆ Facebook：Beginneros
------------------------⠀
#冷知識 #香港 #hongkong #voltra #義遊 #globalcitizen #glocalaction #actionoftheday #義地領航

前幾日我地去咗行山，其實我萬般唔情願帶埋貝貝去，因為我好驚佢唔肯行扭抱！諗起個畫面都gg，但係爸爸好堅決帶埋佢，仲話有咩事佢抱⋯⋯

點知！佢竟然自己行咗9成！除咗上斜有少少行唔郁，但每次一見到樓梯，就非常興奮，話要自己行晒（最重要今次差唔多全程都拖住爸爸🤣我可以好輕鬆咁行），就係咁一步一步行咗幾個山頭，成功完成咗第一次嘅行山之旅，足足行咗兩個鐘！我都好恩慰，同時懷疑因為佢太耐無落過街，難得有得出去，所以狀態大勇！

我印象中佢人生應該未試過長時間行咁多路，但點知當我一心以為佢行咗兩個鐘山，放晒啲電應該好快瞓著，點知回程搭車無瞓！😑返到屋企無瞓！😑食完飯沖埋涼都無瞓！最後都係差唔多22:30先瞓！😑😑😑😑😑知唔知我嘅心情幾差😂？佢臨瞓都仲講緊想同我玩⋯然後第二朝走黎拍醒我：「媽咪？爸爸呢？我要同爸爸行山喎！」吓！仲行？😂我想話我都行到小腿痛！

介紹返，我地今日行嘅山路喺青衣自然徑，我地由長宏巴士站對上嘅入口開始行，再行返落青華苑走，對我呢啲行山初階者黎講算係非常好行，雖然對我黎講都幾多樓梯🤣，但每條樓梯都有扶手，每條山路都係鋪好晒，每行大概十分鐘就有多個野餐區、觀景亭及健體設施，的確係一條老少咸宜嘅行山徑。聽講上山睇日落係非常正，但係因為拖住貝貝，行行下都勁驚天黑晒都未落到山！

青衣自然徑 （長宏至青衣西路）
全程：約4公里
需時：約2.5小時
體力需求：1星（路程不長，最高點僅約200米，休息位置極多）
技術需求：1星（全部青衣自然徑都是靚路，大部分路段都有欄杆扶手）
起點交通：青衣港鐵站搭九巴248M到長宏
終點交通：在青華苑站搭巴士至各區

參考網頁：https://www.hk01.com/即時體育/348276/青衣行山路線-黃昏上山睇日落好去處-俯瞰青馬大橋馬灣風景

——————————————
FB: 貝貝Alice-小寶貝夢遊日記
IG:bowl_lam
記得讚好我地 Page 之餘，仲要 Set 做搶先看呀～
#貝貝Alice #90後媽媽 #香港媽媽 #新手媽媽 #新手爸爸 #育兒日記 #育兒生活 #行山好去處 #青衣自然徑

駕駛電動車，各位習慣續航距離剩下幾多公里才去充電？今次TopGear決定以一部Hyundai Kona Electric，採用馬拉松式接力由100%一口氣行到0%，看看中途會發生甚麼事。
Hyundai Kona Electric標準在WLTP計算方式之下，續航距離為312公里，在香港的現實環境下可以走多遠？前驅的Kona Electric能否應付1:6的超超超斜路面？於巿區與郊區行車，其電力消耗會否一如內然燃機引擎，油耗分分鐘相差多達一倍？當電動車電力完全消耗之前的一刻，會否有甚麼跡象？最後TopGear編輯面對一0%電力的拋錨Kona Electric如何解救？
－－－－－－－－－－－－－－－－－－－－
Web：https://www.topgearhk.com
FB：https://www.facebook.com/topgearhk
IG：https://www.instagram.com/topgearhk