#動漫wednesday
今個星期一人一套越睇越好睇嘅漫畫～

《#亞人》
作者：櫻井畫門

又講亞人？車，咁佢開咗第二季吖嘛。話說亞人分兩種：男亞人同女亞人……講下笑啫，好認真番，世界分兩種人，正常人、亞人。亞人係一種不死人，受所有傷之後只要一死，生命就重啟，受過嘅傷都可以復原，仲可以召喚一隻正常人睇唔到嘅黑色幽靈。咁一般人當然驚豬又妒嫉豬啦，政府成日捉啲亞人去研發武器，人體實驗，咁搞法，亞人又嬲豬啦，我仲唔搞恐怖襲擊搞番你個政府?!

《#全職獵人》
作者：冨樫義博
講到越來越好睇嘅漫畫，當然唔少得呢套《全職獵人》啦！由故事開始一班主角去投考獵人試驗，到而家挑戰暗黑大陸，故事嘅質素都無下跌；劇情圍繞著四個成為咗社會精英「獵人」嘅主角發展，每個篇章獨立但係絲絲入扣，世界觀完整而且無懈可擊，作者可以堪稱鬼才！如果呢個故事keep住好睇，應該可以好睇到我死咗之後都未好睇完㗎，因為，大家都知啦，呢套漫畫一年先出得幾話架咋。