《聽見歌 再唱》LISTEN BEFORE YOU SING 7月29日上映 「以掌聲擦亮孩子自信」 🎵真人真事改編 台灣原聲童聲合唱團感人故事 🎵《KANO》導演馬志翔 陳嘉樺 (Ella) 實力演出 動人獻聲 🎵全台票房突破8,000萬 入圍2021台北電影獎2項大獎，包括 最佳男主角-馬志翔和最佳編劇- 楊智麟 🎵第5屆香港兒童國際電影節開幕電影《聽見歌 再唱》 故事大綱 一個看不懂五線譜的體育老師(馬志翔 飾)，一個不停流浪的合約制音樂老師(陳嘉樺 Ella 飾)，一群五音不全的原住民孩子，要在三個月內組成合唱團在全國比賽中奪冠，拯救山區小學免於被殺校的命運……體育老師方雅各為了帶領學生參加歌唱比賽，充當合唱團教練及指揮，但無論他們如何苦練，希望能唱得像其他合唱團那樣，到比賽當天依然感到格格不入，信心蕩然無存，更落敗收場。但這卻令方雅各明白到原住民孩子是與別不同的，他們不必隨波逐流，不必模仿別人的聲音。在代課音樂老師黃韻芬的協助下，二人激發孩子們勇敢地面對自己的不同，自信地在台上唱出自己真正的聲音。 導演 #楊智麟 | 主演 #馬志翔 #陳嘉樺 #聽見歌再唱 #ListenBeforeYouSing

請不要無力，因為大家其實好忙 必須要坦白，自從九十年代尾二千年初出黎社會做事，就開始唔係特別鍾意蘋果嘅新聞報導模式。不過作為一個殖民地時代前後成長嘅香港仔，可以好肯定咁講，蘋果日報，無論新聞、財經、娛樂、專欄、副刊甚至波馬也好，或多或少都係伴隨我地呢代人成長。所以嗰份感覺好似一個從小認識但唔相熟嘅中學同學突然離開咁，如果話悲傷就太矯情扮嘢，不過係一份避唔到嘅可惜同有點失落。 發覺網絡上好多香港人覺得係香港未日，新聞已死，步入黑暗等等，隔咗半個地球都感受到嗰種無力感，彷彿從今天起就什麼都無嘢可以做到。 從來都唔鍾意賣情緒散播無力感，相反，蘋果日報停刊我唔相信係香港未日，更加唔代表新聞已死，所謂嘅「無力感」只係短暫嘅集體氣氛，事實上大家仍然有無限咁多空間，可以做好多嘢，可以好忙㗎！ 失落、傷感總會有，但無可否認，我地多年黎嘅心態的確出現咗好多問題，間接令大家好容易感到無力。所以係咪可以借呢個機會「白事」當「喜事」去思考下之前有咩問題？ 老實講，由九十年代開始，香港嘅食買玩即食文化，揾錢至上缺乏文學藝術修養，無國際視野（只有大中華視角）已經影響整個報紙傳媒生態，咩人睇乜嘢，咩社會做就乜嘢傳媒，如果話「新聞已死」嘅話，於個人而言...死咗好耐。然後，唔知幾時開始，香港嘅傳媒就帶起咗標題、口號、表態、畫面，但缺乏細節嘅論述模式，呢個現象延伸到網絡同依家嘅社交媒體時代。 呢個現象（同後果）係我、你同大家都有份營造出黎，唔應該亦唔可以賴誰，衰啲講係共業。去到依家咁嘅環境，失落過後應該借呢件事去集體面對下之前嘅不足，好老土咁有則改之，無則加勉。 進入咗網絡時代已經好耐，只要有心唔會無新聞或者真相，哪怕係戰亂或者極獨裁國家（例如緬甸或者伊朗）都總有唔怕死嘅記者報導，問題係大家肯唔肯唔靠社交媒體，直接去各大國際傳媒去睇。什麼假新聞當道，唔知信邊個，笑話！同一單新聞可以睇幾個國家，唔同傳媒嘅報導。擔心英文水平唔得，咪順便練習英語閱讀囉。一次過提升香港人整體英語水平同國際視野，邊個夠膽話長遠無用？ 一個地方嘅報紙其實就係反映當地文化，所以大家唔係純粹靠買份報紙支持，而係長遠思考點樣支持香港文化。唔洗諗得太文藝，電影、音樂、文字、攝影、畫畫、就算網絡創作都係文化嘅一部份。唔好覺得無用，講個關於英國人五六十年代對國民身份迷失嘅真實歷史比大家知。 經歷戰後重建，五十年代英國經濟雖然回穩，不過迎來嘅係蘇伊士運河危機，被盟友譴責遺棄，各個殖民地嘅獨立運動興起，英國人真正要面對帝國沒落，然後經濟回落，英鎊國際地位受挫，執政保守黨唔長進，全國直情要接受自己係「廢國國民」。 响呢個時候，利物浦就出現咗一隊樂隊，無錯喇就係Beatles，純流行音樂，結果响六十年代中做就"British Invasion"，入侵美國繼而全世界。佢地就為英國帶黎超大嘅經濟利益，連英鎊都帶動埋，如果話救咗個國家同民族一啲都唔誇張。Beatles初期係無政治立場，不過一隊band帶動國家經濟，搞到當時嘅工黨首相Harold Wilson競選都要做攝石同佢地合照，影響政府嘅匯率政策。同時"British Ivasion"帶動整個英國創作工業向國際再一次輸出差啲變廢國嘅英國文化，而英國人就揾返自己嘅身份，。 所以，邊個話流行娛樂唔係文化？再深入啲講，Beatles當年無立場，無嘢要大大聲表態，但由佢地帶動嘅其他產業參與者呢？七十年代點解John Lenon响美國咁有政治影響力？即係咁，大家好憎TVB，但憎唔憎「天與地」，ViuTV算唔算中資，咁格仔Mike導呢？再遠啲，大家恥笑陳奕迅，咁佢唱林夕嘅詞有無影響力？ 大家排隊賣報紙嘅時候，有無諗過將來點樣用嗰每日十蚊支持其他香港文化產業堅持緊嘅朋友？賣份報紙都未必由頭到尾睇晒（死唔信個個都連波馬經廣告都睇埋），咁可唔可以用同樣嘅寬容心態對待其它本地文化產業，就算有些少唔啱心水都揾可取之處企硬支持呢？有無諗過每日50萬份xHK$10第如幾多票房，幾多本書，幾多隻CD等等？香港人口雖然少，但勝在平均消費力異常強，勁過好多國際大城市甚至國家㗎，有無好好利用？ 點樣無力感法？好忙喎，至少我都病都仲做緊，休息下瞓醒，又一日啦，朋友！ #有緣再會

. 近年泰國文化創意產業崛起，影視方面的軟實力令人大開眼界，證明唔單只鬼片可以讓人嚇得魂飛魄散，愛情片、動作片一樣受到大家歡迎，香港觀眾亦十分受落，票房成績相當亮眼！今日就盤點五大經典泰國電影，你地又有無睇過呢？！ . 1）人妖打排球 年份：2000 《人妖打排球》根據泰國真人真事改編，香港版配音更有鄭伊健、谷德昭、張衛健、黃偉文及葛民輝等， 據知當年電影版權由吳君如買下，結果大收逾1500萬港幣，創下泰片票房紀錄。 故事講述1996年，一隊以多位男同志與泰國變性人組成的排球隊（鐵娘子），成功贏得全國排球大賽冠軍，但最後泰國政府最後以國家形象為由，拒絕其中兩名變性人以國家隊名義參加國際性比賽。 . 2）拳霸 年份：2004 講到泰國，其實有好多香港人都有學泰拳！2004年，自小已習泰拳嘅Tony Jaa，憑著真打實踢嘅演出，令「拳霸」儼如等同於佢另外一個代名詞。當大家睇到戲中有多場飛簷走壁嘅動作場面，Tony Jaa零替身、零威也上陣拳拳到肉，成功令佢躍升為亞洲新一代動作巨星！ . 3）《鬼影》 年份：2004 不少鬼片迷最愛嘅就係泰國鬼片，2004 年上映嘅《鬼影》被世界影評譽為「迄今最駭人泰國鬼片」，在泰國影史上極具代表性，被影迷列為一生必看片單。《鬼影》劇情描述 25 歲的泰國攝影師東和女友酒駕肇事逃逸後身邊怪事接連發生，不僅拍攝的照片中不斷出現一些鬼影，就連身邊好友也都相繼自殺，一連串的靈異事件之下兩人一同調查真相，卻意外揭露了東與好友之間不為人知的秘密。 . 4）初戀那件小事 年份：2010 由Mario Maurer同平采娜（Baifern）主演的《初戀那件小事 》，道盡所有亞洲男女的初戀心境，除了有愛情故事，亦有不少搞笑情節，Mario 同Baifern更因電影人氣急升！不少觀眾都表示就算至今再看都會感到很心動，亦是少數校園愛情片中，難得有美好結局的一部。 . 5）出貓特攻隊 年份：2017 泰國電影《出貓特攻隊》2017年上映時成為一時熱話，贏得多個獎項之餘，更在亞洲各地大收旺場，於香港、台灣破盡票房紀錄！電影借「作弊」諷刺貧富懸殊的故事，有錢人能付錢作弊，窮人再聰明、成績再好也會被看不起、被欺壓，只能靠出賣自己的知識賺錢；就算堅守原則不同流合污，也會被現實磨滅。 . ❤Follow @be_hk 再Like埋BeautyExchange FB專頁睇更多最新美妝、吃喝玩樂情報⁠ 💛想搵返同類型情報👉🏻 #be_celeb