_
#Apple #AirPodsMax
自從 Apple 將耳機變成 AirPods 之後, 已經變成我每日聽歌都用嘅嘢, 除咗搭飛機會轉戴 Headphone 之外. 因為小弟耳窿結構有啲𠮩𠹌, 戴正常嘅入耳式都會有啲鬆, 又或者係本身個人戴得衰. 所以 AirPods 嘅平耳設計就恰到好處, ...
_
#Apple #AirPodsMax
自從 Apple 將耳機變成 AirPods 之後, 已經變成我每日聽歌都用嘅嘢, 除咗搭飛機會轉戴 Headphone 之外. 因為小弟耳窿結構有啲𠮩𠹌, 戴正常嘅入耳式都會有啲鬆, 又或者係本身個人戴得衰. 所以 AirPods 嘅平耳設計就恰到好處, 雖然播得大聲少少係會出現漏聲, 但都己經好夠用. 可恨地小弟唔小心整跌咗第一代 AirPods, 連埋袋住佢嘅嗰個圓袋仔都無埋. 跟手都入手返第二代, 加咗無線充電盒, 跑步嗰陣戴住嚟聽歌.
然之後 Apple 就喺上年十月尾出咗 AirPods Pro, 擺明車馬玩消噪, 仲加埋個通透模式, 免得大家真係掛住聽, 而忘記咗個世界. 而 AirPods Pro 嘅出現, 又改變咗個耳機生態, 即刻朝住呢個方向嚟玩, 出嘅產品都主打降噪, 同埋唔算好進取嘅定價, 幾百至千零蚊價位俾到滿意嘅質素. 而每日搭車返工, 都總會喺車上遇到 AirPods Pro 用家, 果然滲透力強. 雖然小弟都仲係覺得自己戴得唔穩陣, 硬係覺得佢會跌出嚟咁.
今年 Apple 一直都無咩動作喺 AirPods 上更新, 因為年頭左右已經吹風話出 Headphone, 當然呢啲新聞其實日日都有, 出新 iPhone, 網上已經講梗佢下年, 講到佢真係出之後, 又再 loop 過. 而終於去到月頭, 就失驚無神出 AirPods Max, 一次過玩 5 隻色, 咁啱就係佢前排 iPad Air 同 iPhone 12 嘅色, 明叫你買晒嚟襯一套. 最顛嘅係佢即時開賣, 定價完全係無俾大家有考慮嘅餘地之下消費, 因為唔衝動, 家陣已經要下年兩三月先有貨. 同埋唔好覺得呢個價錢唔合理, 講造功, 用得着嘅功能, 加埋一直以來嘅信仰, 相信就會覺得無問題. 學梁朝偉話齋, 高音甜中音准低音勁, 一句講曬通透.
-
打從 Apple 把耳機演變成 AirPods 之後, 便變成本人每日聽歌的必要用品, 除坐飛機是改為配戴 Headphone 以外. 由於小弟耳窩結構比較特殊, 正常的入耳式是不會配戴妥善, 總會不自覺地慢慢掉出來. 所以 AirPods 的平耳式設計可算是神來之筆, 縱然它播放聲量太大還是會漏音, 但已經迎刃有餘. 可恨地不小心弄丟第一代 AirPods, 連隨的圓袋也一併失去. 繼而也入手第二代, 配備無線充電盒, 用作跑步時配戴.
接着 Apple 於上年十月末時推出 AirPods Pro, 主打便是消噪, 同時加入通透模式, 以防大家太沉醉音樂, 忘卻現實世界. 而 AirPods Pro 的出現, 亦改變了耳機生態, 各路也隨即向這方向發展, 推出降噪的耳機產品, 配上不太進取的定價, 幾百或是千餘元的價格也有不錯的質素. 現在每天乘車上班, 也總會遇到 AirPods Pro 的用家, 可見其滲透力驚人. 雖說本人依然會有每次配戴都像是會掉下的感覺.
今年 Apple 一直沒有在 AirPods 上有大動作, 因為在年初時已有會推出 Headphone 的傳言, 當然這類新聞日日如是, 今天推出新 iPhone, 網絡已經在議論紛紛下年的, 直到真的推出, 又再沒完沒了的說. 誰不知到本月初便拋出 AirPods Max, 一口氣推出五個配色, 與早前的 iPad Air 和 iPhone 12 配色不謀而合, 看來是想大家一併入手. 更瘋狂的是它即時預購, 讓大家幾乎沒有考慮的情況下消費, 因為不衝動, 現在要到下年二三月才會有貨. 還有大家不要覺得它定價不合理, 論用料造功, 實用功能, 以及一直以來的信仰, 相信已經是原因. 亦如梁朝偉所說,「高音甜中音准低音勁, 一句話, 就是通透.」
_
📸 @606.mov
#新嘢都要潮 #20201223
