#讀者投稿 . . 生命中總有d人，雖然你一早放低咗，但當你感到失落、寂寞時，偶爾會諗起同佢之間發生過嘅事。 大家仲係高中生，明明應該要專心準備考試升學，但班上仍然有唔少人會選擇拍拖。或者每一個人都憧憬著讀書時期嘅初戀，兩個人互相有感覺然後成為情侶，係世界上最神奇嘅事。 你都唔例外，雖然你覺得自己無論係外表定成績都唔算好標青，但性格開朗又陽光，都吸引到幾個人對你有好感。其中一個同學，佢外表斯文、為人低調，唔知由幾時開始佢有時會喺放學之後，用通訊軟件撩你傾計。 喺班上你哋只係點頭之交，放假嘅時候就會成日見面。傾耐咗你先發覺眼前人識好多嘢，對於社會、文化都有獨特嘅見解，而你有時唔同意佢，佢都唔會因為咁而嬲，反而會同你深入討論。 相處得越耐，你就越欣賞佢。而你亦都感覺到佢對你都有好感，大時大節都會送啲小禮物俾你氹你開心，終於喺你嘅生日當日，佢對你表達佢嘅內心，一直以來你成日笑，你嘅溫柔同埋善良一早融化佢嘅內心。 兩個人好自然咁樣一齊咗，亦都應承對方要一齊努力讀書，第時考入同一間大學。日子一日一日咁過去，你第一次體驗到戀愛嘅感覺，原來世界上可以有一個同你無血緣關係嘅人，無條件咁對你好。仲係學生嘅佢未必比到物質你，但佢會整手作、整甜品俾你食，無微不至咁照顧你同重視你嘅感受。 大家嘅成績有差距，你同佢入讀唔同嘅學校。第一年嘅大學生活大家都好忙碌，共同朋友越來越少，話題亦都冇以前咁多。 最終因為大家嘅圈子相差太遠，態度同埋思想都有好大嘅改變。好似坊間流傳嘅詛咒一樣，兩個人最終都因為入到大學而慢慢分開。 你仍然相信當初大家嘅誓言係認真許下，只不過現實總係有太多未知數。回憶之中嘅佢，依然都係咁細心體貼，當你感到挫敗嘅時候，偶然都會諗起佢曾經係你生命中最重要嘅人。 . 「還記得櫻花正開 還未懂跟你示愛 初春來時彼此 約定過繼續期待 人置身這大時代 投入幾番競技賽 曾分開曾相愛. 等待花蕊又跌下來 才洞悉這是戀愛」 . . 歌曲：櫻花樹下 歌手：張敬軒 作詞：林若寧 作曲：伍卓賢 . —————————— . 書面語版本： . 生命中總有一個人，雖然你已經放下，但當你感到失落、寂寞時，偶爾還是會想起跟他發生過的事。 大家還是高中生，應該要專心準備考試升學，但班上都有不少情侶。或者每一個人都憧憬著讀書時期的初戀，兩個人互相有感覺然後成為情侶，也是世界上最神奇的事。 你也不例外，雖然你覺得自己無論是外表還是成績都不突出，但性格開朗又陽光，都吸引到幾個人對你有好感。其中一個同學，佢外表斯文、為人低調，不知道從何時開始，他會在放學後用通訊軟件跟你聊天。 表面上你們在學校只是點頭之交，放假時就會常常見面。聊了一段時間你才先發覺眼前人懂很多，對社會、文化都有獨特的見解，即使你有時跟他持相反意見，他也不會生氣，反而會同你深入討論。 相處得越久，你就越欣賞佢。而你也知道他對你有好感，大時大節都會送你小禮物。終於在你的生日，佢跟你說你常常笑，你的溫柔跟善良一早就融化了他的心。兩個人很自然就在一齊，也答應了對方要一齊努力讀書，將來考入同一家大學。 日子一天又一天地過去，你第一次體驗到戀愛的感覺，原來世界上可以有一個跟你沒有血緣關係的人，無條件對你好。還是學生的他未必能夠給你物質，但他會做手作、甜點給你吃，無微不至地照顧你和重視你的感受。 然而，大家的成績有差距，你跟他入讀不同的學校。第一年的大學生活大家都很忙，共同朋友越來越少，話題也在不知不覺間逐漸變少。 最終因為大家的圈子不同，態度跟思想也有好大的改變。就如坊間流傳的詛咒一樣，兩個人最終都因為入讀不同的大學而慢慢分開。 你仍然相信當初大家嘅誓言是認真許下，只不過現實總會有太多的未知數。回憶中的他，依然細心體貼，當你感到挫敗的時候，偶然都會想起佢曾經是你生命中最重要的人。 . #cantopop #cantonese #hkmusic #hkword #hkpop #廣東話 #廣東歌 #櫻花樹下 #張敬軒 #林若寧 #伍卓賢 #百年樹木 #春秋 #斷點 #歲月靜好 #天才兒童1985 #缺 #不吐不快 #披星戴月 #追風箏的孩子 #留低鎖匙 #酷愛