🚨 🚨 🚨 劇透注意 🚨 Spoiler alert🚨 🚨 🚨
🚨 本篇為 #陪朋友去自修室追女神點知女神鍾意咗我 結局篇《#時光機》完結後！完結後！完結後！的特別篇
🚨 為免影響閱讀樂趣，請在完整看完《#時光機》正文之後再閱讀
🚨 🚨 🚨 劇透注意 🚨 Spoiler alert🚨 🚨 🚨

/ 如需補購《自修室》《補習社》《時光機》請到︰
https://bit.ly/novelbooking

/ #時光機的幻想/
#1/ https://bit.ly/2XovbML
#2/ https://bit.ly/3sLB4zv
#3/ https://bit.ly/3gm1ClA
#4/ https://bit.ly/timeff4
#5/ https://bit.ly/timeff5

/ 重溫 #陪朋友去自修室追女神 系列 / patreon免費閱讀版 /
/ #自修室/ https://bit.ly/3xXFgwK
/ #補習社/ https://bit.ly/3yVqojU
/ #時光機/ https://bit.ly/2VWtkhA
/都是網上公開章節~看完請使用tag功能找下一回/

🚨 劇透注意 🚨 Spoiler alert🚨 劇透注意 🚨 Spoiler alert 🚨 劇透注意 🚨 Spoiler alert🚨
🚨 劇透注意 🚨 Spoiler alert🚨 劇透注意 🚨 Spoiler alert 🚨 劇透注意 🚨 Spoiler alert🚨
以下真的開始囉~~

#時光機的幻想
#6

我不願意現在這個自己憑空消失，四周世界一下子改變，他不再是我的丈夫。
即使我眼前的蟲洞只會影響到平行世界，只會產生另一個「平行世界華子昕」，而那個「華子昕」並不影響我的現在；
我也不希望有任何一個平行世界的自己，無法與他相遇！

.

一想到這些事，我的情緒就異常高漲。
對講機裡阿翔的聲音仍在勸我︰
「阿昕，你唔好……」

啪。

我關掉對講機，專注於眼前的微型人工蟲洞，並伸出機械臂。
是的，對機械臂穿越人工蟲洞的一刻，我們都不知道什麼事將會發生。

以前看過的科幻小說情節如走馬燈穿過我的眼前，小至爆炸、被時空亂流吸入，大至整個宇宙發生扭曲……
但眼看十六歲的自己已經步出玻璃門，衝動驅使我突破所有的界限。

我控制機械臂伸過蟲洞，在鼓動的心跳聲中，卻並沒有科幻電影那種光芒四射的奇妙力場，也沒有來自時空通道的勁風阻止我前進。
機械臂稍稍遇到了一點阻力，然後輕盈地介入了蟲洞裡的時空。

我以最快速度夾起自己的傘，然後塞進旁邊的花槽裡。
剛完成一系列的動作，16歲的華子昕突然把注意力放在機械臂上。
——難道她看得見？

我心一寒，卻見她一臉困惑地開始在傘架上尋找。
我鬆了一口氣，連忙把機械臂收回來。

這隻曾經穿過蟲洞的機械臂一定會成為相當貴重的研究資料吧——
不過比起這個，我更在意對面時空裡的華子昕。

她反覆看了幾次，找不到自己的傘後，轉而一臉無奈地仰視下大雨的天空。
此時十六歲的阿翔也打開玻璃門，從自修室裡走出來。
他說了什麼，而十六歲的我回過頭去答了一句話。

直到現在，我仍記得那幾句話︰
『你冇帶遮？』
『唔係，我帶咗……但係把遮唔見咗……』

然後少年阿堅也走出來，在阿翔的催促下開始在書包裡找傘。
看到他們幾個的互動，我忍不住笑了。
衷心地。
這相遇的瞬間，即使隔多少年之後再想起來，仍覺得那麼可愛、那麼珍貴。

此時，眼前的畫面漸漸收縮，蟲洞開始關閉。
最後一幕，我只看到自己跟阿堅打著傘一同離開，而阿翔跟在其後滿臉得意的笑容。
蟲洞對面發生的事與我親身經歷的歷史，終於連接上了。

——太好了。
我鬆了一口氣，攤軟在座位上。

下一秒，機器內所有燈閃動了一下，艙門被強行打開。
早已長大成人的他衝進來，生氣地罵︰
「嚇死我啦！你做乜咁衝動？」

「我……」
還沒回答，他卻扯著我的手臂，緊緊把我抱住︰
「我頭先真係好擔心你！萬一你俾個蟲洞吸走咁點算？分解咁點算？爆炸咁點算？冇人知會發生咩事架嘛！」

雖然被罵了，我卻只覺得幸福。
我笑了笑，解開安全帶回抱著他︰
「我知道係好危險，但係……頭先，我見到自己爭少少就會錯過同你嘅相遇，我唔可以俾呢件事發生。」

他瞪大眼︰
「因為咁你就要去冒險？係蟲洞喎！時空錯亂喎！你有冇搞錯呀？」
我搖搖頭︰
「冇搞錯，就算再嚟多次，我都一樣會咁樣揀。因為我……我想像唔到，我哋冇相遇過嘅過去。無論喺其他平行世界，或者咩時空都好，我都想行返我行過嘅呢條路。」

他匪夷所思地盯著我，然後用額頭撞向我的額頭︰
「你呢種諗法做科學家真係好危險……我要罰你之後一年都唔准再參與實驗！閉門思過！」
「吓？但我哋啱啱先拎到咁多數據……」

「啱啦，之後三年你就留喺電腦前面慢慢計數啦！」
「吓——？」
他一邊囉嗦地教訓著我，一邊牽著我的手離開機器。

外邊，所有研究員都已經齊集，為了實驗成功而一臉興奮。
阿翔語氣冷靜地向他們總結剛才的實驗，卻始終牢牢握住我的手。
彷彿擔心他一放手，我又會跑去不知哪裡幹什麼傻事。

我又忍不住笑了。
看著他事隔多年早已變得能幹穩重還有點發福的背影，心中充滿了幸福感。
回頭望了時光機一眼，雖然人工蟲洞已經閉上，但我彷彿還見到十六歲時一無所知的自己。
而我有幾句說話，很希望她能知道。

華子昕，你的青春將由這裡開始。
也許你會興奮又迷茫，經歷猜疑和不安，悲傷和寂寞。
也許這一切都令你害怕，想擁抱又想逃走……

但千帆過後，這些歡笑和淚水，遇過的每一個人、每一件事，終將被時光淬煉為最燦爛的瑰寶。
加油啊，勇敢去愛吧——

你，不會後悔的。

/ 特別篇︰時光機的幻想•完

/ 呢個故事由一開始網上連載已經過咗5年……
從來都諗過會寫咁耐，多謝你哋陪住呢個故事、陪住阿翔、陪住我成長
故事嚟到呢度，應該算完滿結束？
希望你哋鍾意呢個結局！

/ 有興趣睇其他各個角色嘅特別篇可以訂閱我patreon~
/ 留言「特別篇」= send patreon地址俾你
/ 留言「買」= send 購買link俾你
/ 重溫前文︰我Facebook有link

/ #時光機的幻想/
#1/ https://bit.ly/2XovbML
#2/ https://bit.ly/3sLB4zv
#3/ https://bit.ly/3gm1ClA
#4/ https://bit.ly/timeff4
#5/ https://bit.ly/timeff5

/ 如需補購《自修室》《補習社》《時光機》︰
https://bit.ly/novelbooking

/ 重溫 #陪朋友去自修室追女神 系列 / patreon免費閱讀版 /
/ #自修室/ https://bit.ly/3xXFgwK
/ #補習社/ https://bit.ly/3yVqojU
/ #時光機/ https://bit.ly/2VWtkhA
/都是網上公開章節~免費~看完請使用tag功能找下一回/

愛，從來不受時間限制

我們之間只有沒法彌補的遺憾和傷害。
但為了妳，我要征服時空！

/你，願意跟我一起回到過去嗎？/

網上熱門連載小說《陪朋友去自修室追女神，點知女神鍾意咗我》
睽違5年的大結局！

/ 補購《自修室》《補習社》《時光機》請到︰
https://morningrays.boutir.com/

/ 最新連載 / 特別篇 / #時光機的幻想/
#1/ https://bit.ly/2XovbML
#2/ https://bit.ly/3sLB4zv
#3/ https://bit.ly/3gm1ClA

/ 重溫 #陪朋友去自修室追女神 系列 / patreon免費閱讀版 /
/ #自修室/ https://bit.ly/3xXFgwK
/ #補習社/ https://bit.ly/3yVqojU
/ #時光機 1-25/ https://bit.ly/2VWtkhA
/都是網上公開章節~看完用tag能輕易找到下一回/

如有任何問題/找不到連結，隨時PM/DM我吧！
FB︰http://bit.ly/2jHymHF
IG︰http://bit.ly/2rxGoFA

這個應該是最後一個《蘋果日報》專訪了，跟馮展鵬一起做，當然是因為《跑攻籃球》。

————————

【運動人生 】喬靖夫文字×馮展鵬插畫　《跑攻籃球》網上開波

《蘋果日報》2019/10/31

你是武俠小說迷嗎？若果是，一定有追喬靖夫的《武道狂之詩》，也應該知他除了寫作也熱愛籃球，被隊友稱為「中距離之鬼」，50歲的他更常說「老兵打不死」。今次把愛好和專業結合，找來80後插畫師馮展鵬插畫助攻，在網上連載長篇籃球小說《跑攻籃球 RUNNING 5IVE》。「本身8月出，一直延遲，覺得呢個時候宣傳新作似乎唔太啱。不過睇到暴雪聰哥事件後又諗，如果佢喺自己範疇唔係有咁高能力，呢件事件又唔會發酵到咁，所以做好自己、發揮強項，似乎都係重要事。」於是早前就開始網上連載《跑攻籃球 RUNNING 5IVE》。

其實喬靖夫寫的籃球小說配馮展鵬的插畫，在二〇一三年已經出現，那是為Nike宣傳而寫的Kobe Bryant短篇小說。「未寫Kobe小說前，已經留意到馮展鵬嘅作品，見到佢為小說《獵殺天讎》畫嘅封面。嘩！小說封面可以咁靚嘅？」門小雷畫的《武道狂之詩》封面都好靚呀？「講緊嗰陣仲係較小型出版社幫我出書，封面比較簡單。之後再見到佢畫嘅漫畫《密殺戰群》，已經好想同佢合作。去到Nike搵我寫Kobe小說，終於有機會『勾搭』佢，就搵佢合作。」所以這次《跑攻籃球》亦很自然再找他，「其實幾年前已經開始寫呢套籃球小說，不過當時又寫緊《武道狂之詩》，所以比較慢，而家完咗，就決定寫完佢。」

馮展鵬現時替一間美國遊戲公司製作插圖及角色設定，「好早喬靖夫已經mark定話想我畫呢套小說嘅插圖，今次小說亦都比一般多圖，因為有啲畫面用埋連環圖去表達更加好。」製作過程是喬靖夫已經給馮展鵬看了兩本單行本小說份量的內容，喬靖夫說馮展鵬沒有刻意給予故事上的意見，「但有啲細節地方，我係睇完佢嘅圖，覺得可以有更好嘅表達，而作少少內文嘅修改。」

喬靖夫說新作除了網上連載，也會於明年初推出實體書，預定第一部會兩期完，「暫定兩期內容都叫做寫完，不過係可以有後續嘅。」現在小說於文章發佈網上平台Medium連載，作者可以因應付費訂閱讀者的數量及閱讀時間而收費，最近計算稿酬方法是以閱讀時間為準，即是假設某位付費會員每個月花10%時間閱讀他的文章，喬靖夫就可以在其月費中分得10%作收入，而以前的「拍掌（claps）」數目，則只會影響文章在Medium上的能見度，「都係精神上嘅鼓勵。」不過頭幾回連載暫時免費，「始終新題材，希望讀者可以先免費試閱。」他說之後的篇章要付費看，帶點蠱惑地補充：「會去到某個高潮位先收費。」而且這個新連載模式隨時可以為後來的新作者鋪路，「就好似日本漫畫界咁，點樣可以支持到一個漫畫家？就係連載時都有收入，唔需要等單行本推出先賣書賺錢。如果開到呢條路係好好嘅，因為有志成為小說作家嘅年輕人都可以咁做，到時唔需要好艱苦先出到書，可能出到書又擔心賣得唔好，唔使成日考慮『開唔開始好？仲寫唔寫好？』即時睇到讀者反應，只要專心寫好作品就得，開拓寫作生涯會更容易。」

兩期內容已完成，近排豈非好悠閒？「都唔係㗎！連載過程都幾多工夫要做⋯⋯」喬靖夫此時望向馮展鵬，「要催稿啦，出連載前又會執吓細節，而且一星期連載兩回，要喺facebook宣傳，砌吓圖寫吓感想，其實比起以前只出實體書仲忙咗㖭。」至於和馮展鵬的合作模式，「我哋好簡單，無論Medium收到嘅稿費，或者之後實體書，又或者有後續改編版權費，全部五五分賬。」

說到支持，近排大家都會支持抱相同政見的商店、公眾人物甚至作家。一早表態的喬靖夫說：「近排嘅『爆買行動』我都有支持，建立咁樣嘅自足經濟好有意思。不過，講到自己嘅創作，都有啲堅持。就係雖然我以身為一個香港作家為榮，但唔希望大家因為我嘅社會意見同立場，特登嚟支持我。我從來只希望，大家係單純因為覺得我嘅書寫得好，真係喜歡，先去買先去睇，而唔係因為其他『附帶價值』。我認為，要真正有咁嘅實力，先可以持久創作落去。」

寫完《跑攻籃球》，完成連載之後，喬靖夫會回歸武俠，「之後會再寫長篇動作小說，都算係古代武俠類，不過同《武道狂之詩》會好唔同，多啲幻想元素。至於《跑攻籃球》，會睇讀者反應同人氣，再抽時間寫落去。」

提到籃球、熱血，我們都會想起高中籃球。「起初都有考慮過，不過我比較想寫多啲成年人感受，講年輕人夢想同工作之間嘅故事，有少少現實嘅殘酷，亦有被一本日本漫畫影響，就係《籃球之星》，本漫畫唔係好多人識，但入面嘅主角就好多人識，叫佐古賢一，係一位生於一九七〇年嘅真實日本籃球員，就係講佢投入社會後加入日本嘅企業籃球聯賽。仲有一本係《籃球少年王》，雖然係講高中籃球，但入面嘅嘢好現實，講球員融入嗰方面都好有參考價值。」說到影響、靈感，竟然沒有《Slam Dunk》？「入樽？呢本唔使講啦！」是的，一整代喜歡籃球的人，都被《Slam Dunk》影響。

插畫方面，馮展鵬說主要參考NBA球員，「因為主角藍本都係有啲跟Allen Iverson。」喬靖夫補充：「仲有第三主角大前鋒，我哋比較老少少，我係參考Chris Webber。」還有日本B League，為甚麼是日本？馮展鵬說：「因為日本B League個氣氛同體系都係似《跑攻籃球》嘅背景，又可以搵到亞洲地區球衣設計、球員裝扮嘅感覺。」說到籃球插畫，又一定要提《Slam Dunk》的井上雄彥，「影響梗係大，所以一定想盡量擺脫佢嘅影子，但好難，講到籃球插畫，冇人避得開佢。」

背景不是香港不是台灣也不是日本，「背景有啲香港，有啲日本，又有啲菲律賓，因為菲律賓當地人對籃球好狂熱，亞洲嚟講比較少國家嘅最人氣運動係籃球。所以今次係一個架空城市，似係日本溝台灣再國際化啲，入面會有歐洲球員、黑人球員、日本人，甚至係台灣原住民。我嘅作品喺香港同台灣都有賣，所以唔希望淨係一個地方嘅人有共鳴，希望鍾意華文小說嘅人都會留意。」

Mediators是一隊以傳媒及不同媒體創作人組成的籃球隊，「要講寫Kobe小說同《跑攻籃球》最大分別，就係嗰陣未有Mediators。加入呢隊波對我寫呢篇小說都好大影響。以前未試過參與正式球隊，而家體會到同隊友相處、融合嘅感覺，以前打街波冇呢啲問題。亦都明白多咗好多關於球隊嘅要素，去打比賽嘅心理變化，點建立成隊人嘅士氣，打呢隊波畀咗好多靈感我。」說到組隊打波，更加可以尋回青春，「每年一次過台灣打波，多數隊友是特登請假過去，嗰幾日就只有籃球，感覺好青春，好難得。」至於馮展鵬則只加入了幾個月，「好細個已經整傷膝頭，之後都有打到廿幾三十歲，但舊患傷得多就開始驚，而且身邊少咗人打。」喬靖夫說已多次邀請他入隊，但馮展鵬一直拒絕，「去到真係畫《跑攻籃球》先問我可唔可以嚟睇，我話唔好淨係睇，跟吓操啦，有體能教練可以幫到手，之後先正式入隊。」馮展鵬說：「我之前冇打過學界，未試過咁認真，開頭係冇乜信心。」之後發現，只要對籃球有熱誠，只要仍然喜歡，就應該繼續打籃球。就像說到難忘的籃球時刻，「《Slam Dunk》三井壽對山王的連續三分球。」曾經受過嚴重傷患再重返球場的人，一定能夠意會。

最後說到近排的NBA事件，喬靖夫說：「呢個係文化嘅衝突，我覺得遲早會發生。不過始終NBA嘅根喺美國，每一支球隊代表一個城市，球館又係納稅人畀錢起，所以冇妥協都唔算太意外。因為NBA係冇嘢可以代替到。調返轉，中國都需要NBA，因為佢擁有一樣全世界都冇嘅嘢，係每個籃球迷都想去睇嘅。我自己做創作，就好希望做到唔需要只依賴一個市場，而香港流行文化正正犯咗呢個錯。」

採訪：陳孝義
攝影：徐振國

#蘋果日報 #訪問
#跑攻籃球 #Running5ive
#Mediators #MediatorsBasketball #傳鬥士