［大師冇點你］香港Amazon？其實係香港維珍。

TLDR：廣告收入。入北水。賣盤。可能唔跟時序，亦可能部份發生，全部發生，或者全部唔發生。係喎，有包生仔？但錢已賺

＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

1. 真的，出完業績有女讀者（靚女嚟的說）嚟多謝我，我唔明，佢話1137。我話，升8%就嚟多謝？點都睇兩三成先啦。（又，個倉位係我嘅，唔係佢嘅，我冇問佢買幾多，亦唔會貼人地出嚟）

2. 講明先，當然有啲其他嘢冇升咁多，甚至有啲嘢輸錢。但我Patreon透明度已經相當高，美股持倉全部公開，新買嘅就幾錢買買幾多都公開晒。好多時事先會話你知添（沽？我唔沽貨的），只係舊嗰啲只講咩位買咗，冇講買咗幾多，免得你知我有幾多股票—太少又怕你恥笑，做才俊（？）做到你咁撚窮，太多又怕你綁架我。

3. 港股呢？都差不多，爭在有啲舊股票呀月供呀冇貼出嚟。原因？都冇乜，只係好似以前啲青樓女子咁，腰或腳度綁返條紅繩（*），自我安慰話自己唔係一絲不掛除淨雷咁。又或者傳說中嘅可以性交唔畀錫嘴，留返最後少少底線咁。不過世界難撈，嚟緊（應該呢個星期六？）會全面解封，呵呵呵，好似女優下馬咁

4. 一個星期18%，喂，還不錯啦。當然唔會隻隻都咁，唔會個個星期都咁—除非係老千，或者輸咗唔話你知。實情呢，一年有18%（你冇睇錯，係一年）已經相當相當好。

5. 你可以話目標唔夠遠大，但唔好咁中二病，個市場先理撚得你「目標」幾多。「我唔貪心目標只係三年50萬變300萬」「我唔貪心儲咗500萬諗住全職炒股一年賺100萬生活費」。

6. 得，梗係得，你back test實得，實搵到大把三年50萬變300萬嘅股票，你全副身家買李斯特城捧盃都得。後者呢？一年20%，你買美股指數都做得到添，今年已經達標添 —但唔好講金融海嘯啦，我又當你2020年坐得定3月冇嚇死啦（你全職炒股就知有幾大壓力），唔好講最差嘅情況，就問你2015或2018年時點算？要跌喎，咁你啲生活費邊度嚟？沽晒啲嘢佢？咁你之後個本咪細咗咯。況且，個個講就天下無敵，自己做就祖雲奴域啦，超過一半基金都跑輸指數，你真係勁過人地？明明輸錢又賴大戶又有優勢。

7. 但講遠咗，一個星期18%，真係相當不錯。雖然買得45000賺得8500（咁都夠我打兩個月邊爐嘅）。但，William Hung啦，我已盡全力，月尾我就只係得嗰45000蚊，瞓晒落去。都話之後戶口得返幾百蚊。「咁你啲生活費呢？」。有八達通有信用卡嘛大佬。

8. 講返，有人當1137係香港Amazon，都係網購嘛。實情老細唔似，但先講業務

9. Amazon做網購，Yes and No．Patreon都寫過，冇錯網購佔佢收入好大部份，但利錢好低。你大約都諗到，又貨倉又司機又搵人執貨，成本好高的，亦因為咁光頭佬畀人當孤寒財主。都可能係，但辛苦錢，邊似其他幾間Big Tech坐定定收錢咁易？（當然有能者居之，工程師涼冷氣絶無問題，我呢度只係用返好多一般人嘅睇法去講）。

10. 網購有幾唔好食？一個數字話你知：Amazon收入幾乎係Facebook三倍—但Facebook 賺錢仲多過佢，死未。

11. 當然Amazon呢個微利，又同時間係佢嘅護城河 — 你細啲嘅公司根本冇可能做到咁平，去做即日送貨之類。Black Rock亦係靠呢類方法令啲細公司踩唔到入場。唔好咁天真以為「貴價」就一定係暴利。

12. 呢方面，1137亦都係一樣。你以為好好搵，實情唔係。仲要香港市場細。舊年上半年毛利兩億半，下半年都係咁上下，今年上半年都係。冇乜增長。毛利咋喎！

13. 而Tech人會知，Amazon仲有AWS—收入貢獻唔算多，一兩成，但食水深，差不多貢獻一半盈利，怕未？1137就冇呢啲嘢了。

14. 不過，Amazon仲有第三味收入，其實都相當大，只係因為Amazon太大而被忽略咗。

15. Amazon嘅廣告收入，都70億美金一季。即係有幾大？「即係多過YouTube」，嚇死未？講緊差不多10% market share 的。

16. 呢度就係得意嘅地方：1137 一樣有廣告收入！暫時好似未係好大，但增長好快！早兩年講緊幾百萬，舊年上半年1000萬，舊年下半年1400萬，今年上半年去到5000萬！喂聽講毛利都係兩億幾咋喎（呢啲收入係毛利之後再加的）

17. 講返，呢個應該會係未來動力。亦係我上星期買嘅原因，留意我係業績前買嘅，咁固然業績後大升，但我係估唔到的，我仲覺得份業績麻麻添

18. 你可以話right for the wrong reason，但，仲有兩個原因。首先當時股價已經近52星期低位，固然唔代表一切，但個Margin of safety 大啲，出錯空間大啲。

19. 仲要，第二樣嘢，估入北水嘛！呢個先係原因！恒指季檢你掛住望邊隻染藍邊隻踢走，但冇留意1137入咗恒生綜合指數—本身唔代表乜，但呢個係入港股通嘅pre requisite．

20. 到真係入到？嘩，不得了，因為1137太細。你可以話大陸佬冇興趣買呢啲，但公司真係太細，你求其一條微信女搵到幾個農民已經夠。咁當然係入之前買定啦，入唔到點算？冇乜點算。Bonus嚟啫

21. 再長遠啲？我大膽估，最後可能都係賣盤。王維基係係香港Richard Branson，多過香港Jeff Bezos。你見佢做過好多唔同嘅生意，搞過補習社，做過水貨教科書，之後當然仲有城市電訊。同埋搞唔掂嘅電視。

22. 但重點係，佢唔係偏好做特別一類嘅業務，只係睇下邊樣過癮，又有缺口，可以顛覆。呢度咪就係Richard Branson。Richard Branson拍馬都冇Jeff Bezos咁有錢，但過癮好多。

23. 拿，呢啲Patreon一早講晒的。當然原則上我係唔鍾意畀貼士之類，係成個思考過程先緊要。但未能免俗，同埋費事有人覺得我只講唔做，講就叻自己買就唔得。唔係話咩好巴閉，但都真係唔係十分非常差。

（＊）忍唔住都係要離題，又要講Fetish，女仔身上嘅各種裝飾都好吸引到我。包括正路嘅耳環，少啲見嘅臍環，更少見嘅脷環乳環—或者簡簡單單就咁腳度有條鍊咁，都係十分之sex appealing嘅東西。陰環？見識少，冇遇過。

＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

［今日寫呢啲］幾日冇出Facebook Post，一來忙，二來仲有壇大計（唔止係勞蘇基金），三來個Patreon搞咗 影片/聲音版，四來見月尾冇人join Patreon，月頭就多好多（我發現好多人都真係mark住月頭的，而我好多時都唔知新一個月）。

（遲下我可能連啲舊文都會貼返呢個［今日寫呢啲］。週末寫咗篇2004年上市嘅Domino’s Pizza一路回報高過同年上市嘅Google，覺得幾正）

講返，第一樣嘢，出咗影片/聲音版。我朋友錄的。方便大家坐車呀，開會呀，返工呀之類聽。亦方便唔想睇字嘅你。聲音版就方便你慳data同埋唔使望住。有篇sample免費畀所有人（冇訂Patreon都得）試睇／試聽（https://bityl.co/79iY）。另外呢篇嘅文字版我都開放埋畀所有人（https://bityl.co/79ib），等大家可以對照。仲執緊少少嘢，之後會再靚仔啲。

講返正文，之前兩日見係威係勢，港股跑贏美股，科技股又強，以為翻生。點知得兩日貨仔。之前推過隻快手1024結果都冇力。市況好似麻麻地。我一般都係樂觀嘅，但你見人民幣又軟（阿公發功成功），廣州又爆下疫咁。都係嗰句，一般我都又大膽又樂觀，但啲股票估值都唔平，自己小心啲啦下（但唔係叫你減持）

年頭推過下隻雷蛇1337，當時見係咁回購，後來一度升四成，之後而家碌下碌下，都仲高過年頭些少。最新消息就係創辦人減持，仲要都幾大手，3%股本。條友講就天花龍鳳。

不過正面啲嘅，真係有舊文為證（https://bityl.co/79ib）（已set public），一講完隻理文化工746（其實3月時已講，順手一提，正係理文足球會嗰位李公子），即時升8%，52週新高，任何位買都贏錢！好簡單，估間公司會7月出盈喜。點解？你睇內文咪知，睇下啲三氯甲烷價格咪知（係喎，你心諗咩嚟？哥羅芳價格我都睇埋，4000蚊人仔一噸，舊年兩千幾）。呢隻真係唔少讀者買咗，亦係我在耆英證券年代已經睇嘅公司，廠我都去過幾次，江蘇江西都去過。「嗰時最癲時啲哥羅芳 成皮嘢人仔一噸」

仲有，DropBox．舊年年尾在台灣坐監時寫過，只係一個賣點：併購對象。最新消息係對沖基金Elliot 買落唔少（冇錯係迫東亞賣盤嗰間），應該都係迫管理層賣盤了。亦都升到52週新高。

至於嘉年華郵輪Carnival 同 Lionsgate，呢度都貼過啦，冇呃你。前者嘛，美國CDC批咗三個港開返航，我堆嗰時23蚊，而家30蚊樓上了，寫明一路打疫苗實睇呢啲。Lionsgate？同DropBox一樣，行業整合，等賣盤，但更加大機會。Amazon又買美高梅，Warner Media又買Discovery，都係為咗打NetFlix同迪士尼。細公司好快全部消失。

仲有core list（即係，我有買嘅）上面LVMH JP Morgan Nvidia都全部新高，就不重覆了。係喎，畀啲友串我唔識晶片嘛。我使撚識。我夠唔使LVMH乜袋打乜袋，我識買就得。我係咪要化學PhD先識買理文化工？

每日一圖嘅，首先講越南電商，兵家必爭。咁大路嘢你估到啦，經濟好嘛（鬼唔知，緬甸而家咁電乜鬼商），人口多嘛（鬼唔知，而市場太細難做），由低收入變中產嘛（鬼唔知）。但有冇發現有一樣嘢好奇，就係越南嘅電商滲透率極低，只係佔total retail sales 3%！相比之下，一樣人口多，而人均收入都差不多嘅印尼，講緊係20%。「真係大把機會」。咁有乜公司睇？文入面有講。當然係外國上市公司，兩間美股都有得賣。

第二圖嘅，成日都話，股票嘅嘢，「其實唔難」。市值咪 盈利X市盈率。前者唔使解，後者咪受氣氛或利息之類影響。有趣地，美股之前兩年嘅升勢，都係差不多完全市盈率帶動，multiple expansion，以前畀10倍PE而家畀20倍。今年就完全掉轉，由盈利增長帶動，「反映基本因素」。係好事定唔好事？入面有講。提示：望下2017同2018

Good read第一篇，講Amazon Prime係個騙局，除咗光頭佬同股東，所有人都輸（所以，要買AMZN股票！）。就係利用你啲人嘅心態，free shipping太吸引。但邊有免費午餐？你可以諗下點解佢可以afford free shipping，背後代價係乜。根本啲嘢你就買貴咗，不過你唔知啫。

第二篇，夠偏門，講錶。應該好多人留意到我係唔戴錶嘅，最後一次係2008年（估下點解？因為考CFA！）。但，就係睇唔同嘅嘢。作者講返，好多啲名牌，都係求求其其。你話注重細節？作者話，根本多數連個typeface都唔會理，你幾廿萬買隻錶，同你幾蚊買盒檸檬茶嘅fonts差不多，冇嚟貴格。有咩公司例外？邊間會特登搵人整typeface？正係奢侈品之王，愛馬士。呢，所以我就買咗愛馬士股票，日日創新高。我使撚識愛馬士出邊款袋先識去買股票咩。

真係一篇文都咁多嘢，嫌煩唔想睇字嘅亦有聲音/影像版，記得去訂。留意返，聲音/影像版要20/40蚊會員先有的。當然你亦可以試咗12蚊之後再上，只會收你差價。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場好股推介，專題號外，每日一幅好圖，每日介紹一篇好文。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

［大姆指尋找馬蘭頭］四千幾字。再講一次點解我冇教書。而明顯如果我仲教緊書，會比而家更富貴，但我全無後悔。因為而家過癮好多，教書就冇呢個 Page，就冇你地了。大吉利是我死撚咗，咪得一百幾十個學生加一百幾十個舊生唔開心。而家唔同，「Patreon畀咗年費嗰啲一定記得我」

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
告個急先：Ivan已被炒，已成失業人士。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。 一星期至少出返六篇文．月頭訂最抵！月費80
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

1. 之前寫過「安雅會談」（https://lkdin.io/3LYM）（唔睇舊文當全新故事聽亦得），反應唔太好，睇返篇文的確麻麻地。咁點？寫多次！呢間「大姆指」執笠（做埋呢幾日），注定我要寫多次「安雅會談」。

2. 實在唔想雙春悲秋咁寫咩「一個時代嘅終結」，亦唔係咩「童年回憶」。但的確，如果我成咗名，第時就會有人去呢度尋找返我足跡。正如《緬甸尋找奧威爾》一樣，我去仙台尋找魯迅（https://lkdin.io/3LYN），亦都去東京明治神官野球場尋找村上春樹（仲去埋神戶嘅Pinocchio酒吧）（＊）。呢間咁嘅「大姆指」，係我唔教書走去做金融嘅轉捩點，然後就差不多廿年。一切就由呢度開始。再講一次，我成咗名，呢度就變景點。

3. 上次寫「我自信有日如願　縱使天高地厚　仍被我逆轉」（https://fbook.cc/3NSr），反應不錯。第一日返工同我食飯嘅三個中學同學，到我Last Day又在同一個地方同我食。當中科學家L君而家正職渣鑊鏟副業補習天王，T君同我一樣做金融，呢篇文會再出場。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

4. 冇人係一出世想做金融的，正如冇人一出世想渣鑊鏟。我個年代嘅新界牛屎仔，係冇咁嘅嘢的。聽聞早前啲小朋友話細細個想做ibanker，我覺得真係錯撚晒。你不如想大個做雞丫。我知職業無分貴賤笑貧不笑娼，但都真係唔使立志的。而家啲小朋友好似話想做KOL 或者想搞 Start up，「仲衰過做雞」「等於畀人免費上」。

5. 我地年代嘅我的志願，都係嗰幾味，科學家啦，醫生啦，運動員都有嘅，歌星就多數唔敢寫落文。而我地幾個，唔係虛偽到會寫我的志願做教師咁刷鞋（我唔同虛偽嘅人為伍）—但偏撚偏就齊齊教撚晒書！命運就係咁神奇。一路都好相信「大家命中注定成為自己細個討厭嘅人」，雖然冇乜科學根據。

6. 點解我地教咗書？我都唔知，但又係偶然中嘅必然。肯定唔係由細到大嘅理想，但玄啲講，唔係我地選擇咗教書，係教書選擇咗我地。我地三人，共通點冇乜，但都可以勉強搵：三大畢業啦（＊＊），唔靚仔啦（重要，因為求職），不太presentable 啦，有啲稜角啦，憤世嫉俗啦。正面啲嘅？叫做鍾意睇書啦，成績還不錯啦—呢啲咁嘅 Profile，加埋2003年沙士嘅就業市場，去咗教書，真係十分合理。提返你，當其時一個GM（學位教師，但有學位嘅唔一定係學位教師，而而家做得學位教師既又好少冇學位），萬八定萬九蚊人工。

7. 而早少少，因為佢兩位介紹，我甚至有在元朗教夜校嘅經驗。（而家仲有冇夜校？）。教會考班呀，好似五舊水定一千一晚？但一個星期好似得一兩晚。最頂癮係，本人就教數學物理，L加就教化學生物，T君就英文經濟—You see？根本成間嘢就係我地三條友教晒

8. 總之，2003年夏天，我地三個都叫做教緊書，就在呢度舉行咗，改變咗我地各自生命嘅，安雅會談。至少係改變咗我。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
9. 2003年嘅夏天，沙士嘛。第個唔知，我真係悶出鳥來，但又好似冇固定女朋友。沙士一早停課，我當年教中五中七，噢耶，停完課就study leave，之後佢地就考試。我白白玩咗半年手指拎咗半年人工，日日在屋企睇有線播友坂里惠嘅金田一，以及打紅白機模擬器。悶到好似日本料理咁出汁。

10. 我嘅生命，亦係差不多。2003年，25歲。拖拍過，愛做過（咪話1998年2月14號港大太古堂801室下格床咯，我成咗名就有人返去打卡！），書教過，歐洲去過，日本未去過，儲蓄係零，甚至負（少量卡數），拎緊萬八萬人工。工作經驗？亦係零，甚至負。真的，對非教書嘅工嚟講，你教書嘅經驗等於零，甚至負—因為啲人覺得教書嘅人都忽忽地，同社會脫節—事實亦係。理想？冇。夢想？冇。同期啲同學？樓都買埋。仔都生埋。你三條友去食大姆指。

11. 但你當係棋局，或者牌局咁，嗰時我地副牌雖然唔太好，但都仲係開頭初頭，勝在仲有無窮可能，仲可以搏同花順。而家呢？大家42歲，牌開咗唔少，冇想像中咁爛，唔係十三不搭 積 pair—無—無 但亦知道冇乜可能有咩大牌食得出，至少我冇。

12. 我由頭到尾都係個比較保守嘅人（風險厭惡度，唔係講性觀念）。安雅會談之前嘅幾年，即係我畢業後，喂大佬，我真係想搵份兩皮嘢嘅工架咋。請恥笑，當時我以為我可以做一世的。咁到安雅會談嘅2003年，教緊書啦，萬八九人工，年年加，兩三四皮根本指日可待。串啲講句，老校個計劃有我，我肯騾仔嘅，SGM（傳說中嘅「主任」）位，必有我份。咁你可以睇下一個SGM幾錢人工。嚇撚死你呀

13. 所以，當時我嘅想法，一定係「唔好搞咁多嘢啦」。「我個個月拎份糧去供盈富基金好過啦」（＊＊＊）。

14. 但，嗰次安雅會談，不著邊際吹咗一輪水後，朋友T忽然間嚟咗句：「拿，咁之後點先？」。朋友L當然都係答「屌佢老味梗係玩撚大佢啦」，但我當然都係「慢慢儲下子彈先」「拿我過幾年SGM架啦，唔好搞咁多嘢啦」「拿個個月供下盈富基金咪好咯」

15. 然後，朋友T對我呢啲答案唔多滿意。佢嘅特色係會迫人埋牆角，佢唔接受我呢啲和稀泥嘅答案。你人生為乜？為錢嘛，講，幾多？為女人嘛，咁講，想要乜？（係咪好似啲乜乜正能量課程咁呢！我們要乜？要錢要女人！幾時要？現在就要！）

16. 真的，佢無啦啦，同我講起安雅。你自己Google邊個係安雅，應該嗰期出事畀人拉咗。我好奇怪佢會同我講起安雅，因為朋友T向來都唔多講呢啲女色嘅話題。但佢就係話我知，拿，你咁搞落去呢，畀你SGM，安雅都係 out of reach的。我想想，好似有啲道理。

17. 然後佢話我知，一切都應該量化—先有個目標。就當你晚晚要搞明星，咁你咪計下要幾錢，然後計個discounted cash flow．

18. 原諒呢啲對話咁物化女性，我好肯定朋友T係為咗投我所好先咁講的。但大家真係唔好錯重點，重點根本唔止係安唔安雅，事隔十年，係連詩雅又好，衞詩雅又好，根本不重要。安雅就只係一個token，一個icon，一個dummy variable，一個placeholder．佢就代表住所有慾望嘅投射。名利權色，酒色財氣，貪嗔癡，求不得苦。

19. 咁，我係人嘛，人就梗係有慾望架啦。咁咪去追求點滿足呢啲慾望咯（係咯，啲色魔好似都係咁諗嘢的）。

20. 無論如何，並唔係好似拍戲咁，第二日我就返學辭職，另外仲發生咗唔少事。但總之，之後嗰年，2004年嘅7月2日（咩日子？我25歲生日嘅翌日，舊文有講），我就在慈雲山學校村保良局何蔭棠中學部電梯，當住個女同事面（冇錯，早排見報嗰位！），同校長（亦冇錯！早幾年見報嗰位！）辭咗職。

21. 2004年9月1日（咁你都要問點解9月1日？），夏愨道美國銀行中心21樓招商銀行香港分行，我就開始咗金融界嘅第一份工。如果係拍續集嘅，會見到我同一個光頭鬼佬刷身而過，嗰條鬼佬就係後來我在耆英證券嘅老細 占士咖啡—冇錯，嗰時耆英證券仲係在美國銀行中心。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
22. 要解釋我點解唔教書去咗做銀行，都真係有啲難，有唔少唔同嘅事件。有人以為我追搣時不遂所以唔教書—前半啱，但我只係打算離開教嗰緊學校啫，我大可以去第間教。後來見工都總有人問，我總會有答案，嗰啲中環廢話你都唔想聽，但唔係完全假 — 我假假地讀精算，又Master in Financial Mathematics，中環都未返過，就甘心在學校村，同班友玩宮心計 奶校長屎忽 （仲要幾臭下）摶SGM然後好彩升副校做埋校長咁一世？

23. 定係我地可以試下啲其他嘢？

24. 如果講我只係貪戀中環嘅酒色財氣，又好似講得太簡單。不如我用個全新角度講，過癮。做人嘅嘢，最緊要好玩。人其實天生賓放貪玩。

25. 我早早已經決定唔做精算師，應該話佢早早排除吴我，主要係我冇能力，亦冇興趣，我冇能力嘅嘢我自然冇興趣，令我生活冇咁痛苦。T君嗰時已經話，得罪講句，你唔做精算師，對個世界冇乜損失。的確如此，雖然如果我做到，我可能會畀而家更有錢。但個重點係：冇咗 埃汾ASA FSA，呢個世界係唔會有丁點不同的

26. 然後，教書。同好多人估嘅唔同，根據合理估計，如果我一路教緊書，我而家嘅身家應該更豐厚 —留意我講身家，即係net worth，唔係收入。因為，如果我一路教緊書，無論如何我點都會2005或2006年買樓（＊＊＊＊），但現實中嘅我2013年先買，呢度已爭一截。再加上我唔會出現啲轉工或被炒要沽股票之類。

27. 冇錯，我就係話你知，根本就唔係因為錢，正好相反。我仲教書嘅，而家一定更多錢—但我嘅人生一定少好多樂趣，你地都少好多樂趣，因為根本唔撚會有君子馬蘭頭。我啲教書嘅朋友，自己Facebook 都唔多敢講嘢。如果我唔教書嘅，社會有少少損失，但我嘅人生就冇咁過癮，你地亦睇少好多嘢。

28. 所以最後，好似而家咁，幾咁好呢？我照樣可以春風化乳 有教無淚 誨人好倦將啲後生仔打成一片片。錢係少咗啲，但過癮嘛！大家話係咪？

29. To sum up：做精算師Ivan Li ASA FSA嘅（當我做到先啦），錢多過而家，但生活冇咁過癮，對社會貢獻係零。

30. 做李老師 附加數學科主任 李蛇 PGDE（＊＊＊＊＊），錢都係多過而家，生活更加冇癮，對社會貢獻有些少，但只係我教嘅一百幾十個學生，教廿年三十年，咪幾千個，記得你嘅有冇七十二個？

31. 而家變咗 馬蘭頭CFA嘅，錢真係冇以上兩個選擇咁多。但，好撚過癮！最重要係，對個社會有貢獻。我Patreon寫文嘅宗旨，呢度都講下：好彩嘅你會贏到錢，但贏唔到錢至少你都學到嘢—就算worst case你學唔到嘢，你都會有啖笑下嘛！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
32. 再換個方法講，我係精算師，我死撚咗，有誰關心？冇。我係教師，我死撚咗，有誰關心？有嘅，我未失敗到啲學生要開香檳。但而家我死咗，呢度都話晒一萬幾千人關心我喎（當然仲有Patreon啲讀者）（特別係畀咗年費嗰啲！）。而反正，呢度唔少讀者，咪就係我以前嘅學生咯！（＊＊＊＊＊＊）

33. 正如我呢度寫咗5000字，為乜？唔通為錢？當然係為過癮。呢個亦係我同好多金融人唔同嘅地方。

34. 錢當然重要，但過癮都好重要，最好就當然係why not both．所以我開咗個Patreon，係我一生人做得有啲成績嘅三件事合理：Writing, Teaching, Finance。正係WTF

＝＝＝＝＝＝＝＝＝＝＝＝＝＝＝＝＝＝
35. 村上春樹式，有頭有尾，或者套戲交代返啲人物嘅現實結局咁。呢間嘢，燉奶佬集團，係十分之咁難食嘅。即使在美食地獄嘅屯門市中心，都真係劣中之劣，我已經好多年冇再食呢間嘢，反而你話咩太興 麥當勞 MOS Burger 大家樂 大快活我都食。但當年，一來可能未係咁難食，二來可能當時未食咁多好嘢。我相信係前者。無論如何，一間咁嘅嘢，可以屹立在時代廣場（屯門啦仆街，你不如問係咪紐約丫）廿五年，都真係一個奇跡。幾多人你想佢死佢都未死？幸好，我地三個嘅友誼，都outlast咗呢間劣食，已經三十年朋友，and still counting，For auld lang syne（然後諗起《無間道2》智叔吹口琴）

（＊）村上春樹鐵粉會知，啲友年年在嗰度睇諾貝爾文學獎結果，年年落空，十足十等安踏（2020）入藍籌咁 – 咦？！所以我話你知，村上春樹今年會拎諾貝爾文學獎。

（＊＊）我到而家都覺得發明「三大」呢個講法嘅香港科技大學，應該拎諾貝爾數學獎。我當然知諾貝爾冇數學獎啦，講Fields medal你咪又係 Google，咪又係要我括住「等同數學嘅諾貝爾獎」

（＊＊＊）真的，當時我已經有月供盈富基金！早過龔成！當時只係想買架車，所以當時叫做「Lancer基金」，後來目標越嚟越遠大，我話會變咗做「港女基金」，「新芬基金」甚至「移民基金」—結果都一一畀我做到，港女泡咗 芬結咗 民移咗。都話「我自信有日如願縱使天高地厚仍被我逆轉」，下一步，終極版，就係「勞蘇基金」。

（＊＊＊＊）點解係2005/2006年買？好簡單，嗰時有個rule of thumb，話教書嘅人，頭三年唔走，就之後教一世。因為人工太高，同埋同出面脫節。我2002年開始教書，計做GM就2003年。

（＊＊＊＊＊）所謂嘅教育文憑，並唔係PTGF嘅朋友，雖然唔少PGDE都要搵PTGF。又，當年PGDE收咗我的，錢都畀埋，但我去咗中環返工嘛。所以咪畀港大沒收我啲錢，好似都兩皮嘢？所以從來舊生叫我捐錢我都話一早捐咗。

（＊＊＊＊＊＊）都係忍唔住講。N年前有舊生帶我去唱K，真係十分之咁尊師重道，另外過時過節佢就send 啲乜乜流出相畀我，都唔使我開聲，呢啲咪好學生。又，其實我有幾個學生做咗O靚模，可惜佢地從來都唔嚟搵下我，嗚。見字記得PM我

＝＝＝＝＝＝＝＝＝＝＝＝＝＝
2021比別人知得多。subscribe now。Ivan Patreon，港美市場評點，專題號外，每日一圖，好文推介。每星期6篇，月費80，半年已1400人訂！（https://bityl.co/4Y0h）。 年費仲有85折

這一集讓老王告訴你 大盤區間盤整震盪，如何做多做空？買股票該分批佈局還是一次ALL IN？最後請看你與停損的距離！還有光頭王是你嗎？

Timecode：
00:32 1.王陽明您好，之前應該是您不會唸我的名字所以沒選我問題，您可以叫我蘇大這樣應該不會再不選我了，想請問陽明哥大盤震盪盤整時，我會看技術面去買多可能上漲的股票同時又放空一些會下跌股票，但就會有鎖單白作工的感覺這樣的操作正確嗎？還是大盤盤整震盪時乾脆不要進場較好？我的停損停利在多單的下方及空單的上方，多單上方不設壓力停利空單下方不設支撐停利，希望陽明哥能幫我解惑！

02:53 2.老王，請問一檔股票到達進場價位,下單時是一次完成全部買入量比較好，還是分批加倉進場比較好？是否有利於風險控制？鐵粉，希望回覆，謝謝！

04:16 3.阿彌陀佛，我有個疑問已經很久了？就是錄老王給你問的老王感覺比較肥！錄老王不只三分鐘時比較帥！為什麼會這樣是分身嗎？

04:49 4.老王:兩旁的頭發可以不要剪太光,不然有點老

05:00 5.謝謝老王的無私教學跟付出，想請教老王可否詳細教學一下，若看準一檔股票，股價也拉回了，但我還是沒辦法抓下單時間。請老王可以舉例若您看準一檔股票拉回守住區間下緣，這樣隔天是否一早就進場呢？還是等待到1點到1點半再進場呢？這樣1點前就已經漲幅很多，還要追嗎？

#佈局 #ALLIN ＃震盪盤整 #老王不只三分鐘 #浦惠投顧 #老王給你問 #老王愛說笑 #分析師老王

歡迎按讚臉書粉專，一天一篇免費財經解析：https://www.facebook.com/pg/winnstock
浦惠投顧官網：https://www.inclusion.com.tw/

-----------------------------------------------------------
※王倚隆（老王）為浦惠證券投顧分析師，本影片僅為心得分享且不收費，本資料僅提供參考，投資時應審慎評估！不對非特定人推薦買賣任何指數或股票買賣點位，投資請務必獨立思考操作，任何損失概與本頻道、本公司、本人無責。※