#無選舉無議席唔代表無野做【香港每700人就有1人曾在抗爭被捕，我們可以做的7件事】

足本5分鐘Vlog：https://www.patreon.com/posts/41230821

--------------------------

不論是撰文分析十二位港人在中國大陸被捕的情況（https://www.facebook.com/joshuawongchifung/photos/a.564294826996363/3290718727687279），抑或是昨天提及反送中以來有接近一萬人被捕（https://www.facebook.com/joshuawongchifung/photos/a.313299448762570/3296715687087583） ，很多朋友都關心在國安法通過、武漢肺炎肆虐、政權封殺選舉及街頭示威之下，我們應該如何延續抗爭，與一眾手足同行。

正如我先前的一週報告提到「無議席無選舉唔等於無野做」，我想在抗爭步入新階段的當下，儘管我們無法像過往單靠依賴街頭和選舉發力，但不論是鎂光燈下的政治人物，還是寂寂無名的手足，在過去一年已經開拓各種壯實民主陣營的戰線，可以做的事情實在仍有很多：

一、法庭旁聽聲援

在跟進被捕資訊上，「被捕人士關注組」可謂坊間最為完善的Telegram頻道。除了每日更新審訊情況，更有搜證、送車等副頻道，務求不止報道法庭聆訊消息，更有可能還被控手足一個清白。各位在家工作期間，如能抽出時間旁聽、送車，甚至是協助文字紀錄和收集資訊，必定是對被捕手足最大的支持：https://t.me/youarenotalonehk

二、寫信予在囚手足

作為曾經入獄服刑的過來人，我十分明白身陷囹圄的手足其實很擔心與外間脫節。目前除了依賴議員探監跟進個案、或是營運「解悶工廠」將源源不絕的資訊送入牆內，其實每個人都能寫信予手足，如有餘力，更能與固定手足成為筆友：https://fb.com/bottleshiukachun/posts/1316633175189330

三、支持黃色經濟圈

過去民間有不少黃店APP，如終極黃藍地圖以及和你PAY等等，衣食住行總有一款合用。飲食以外的行業和服務，譬如保險、清潔、維修、甚至驗樓都有黃色店家，大家不忘一併留意：https://www.facebook.com/photo.php?fbid=10157659827906134

又例如油尖旺區議員協助的「 上善若水 」計劃，已經發展出支援有需要人士的「消費券」，甚或「工作配對」平台等功能，可見只要有人支持，黃色經濟圈就能由消費拓展到生產端，生生不息：https://www.facebook.com/

四、參與業委會、法團、社區關注組、支援區議員

去年11月區議會大捷，我們定必要善用得來不易的成果，將民主陣營拓展到社區。由工程圍標、工友權益、社區大白象到全民檢測，不妨聯絡你當區的區議員，總會有你的身位，最低限度，當然是Like曬你所屬行政區的區議員Facebook Page啦！

五、反染紅滲透

正如過往我亦有評論CCTVB斷章取義，為中共取消選舉塗脂抹粉 (https://www.facebook.com/joshuawongchifung/photos/a.564294826996363/3249448378480981)，連登網民亦有追擊CCTVB，甚至成立「抵制TVB戰線」，呼籲大家罷買和以「派嬲」方式表達對廣告商的不滿，為改變媒體生態而努力：http://www.facebook.com/sayno4tvb

對於仍然在學或是關注教育議題的朋友，過往積極籌備罷課的前眾志副主席鄭家朗 Isaac Cheng亦有成立新組織教育野 Education Breakthrough ，關注染紅教育、教科書審查等問題，由調查教材到聯署行動都產出不少，歡迎大家一齊推行動做文宣：https://www.facebook.com/EducationBreakthroughHK/

六、Twitter每日任務
由攬炒巴遇襲、羅冠聰 Nathan Law流亡以致政權以國安法拘控多名港人，國際戰線絕對是中共的心頭大患。面對中共以銀彈外宣加上民族主義小粉紅洗版，我們更加要動員民間力量，向國際社會傳達警暴真相，呼籲各國支持香港人捍衛民主自由。如果Telegram仍未關注Twitter Channel（http://t.me/TwitterHelpBot），希望各位可以加入Twitter戰線，讓世界看見香港。

七、調整心態，繼續抗爭

總結一句，儘管政權打壓越來越強，街頭抗爭成本日益增加，但沒有正面交鋒的場面不代表抗爭已經完結。相反，抗爭更應結合我們的日常生活。觀乎近日全民檢測、健康碼等議題，政權都正在進化，企圖透過網絡大數據滲透職場、校園等領域，全面監控社會。故此，面對國安法新時代，我們應該同樣要在民間與政權爭持，繼續開拓不同陣線，建立更加鞏固的民間組織，方能反擊政權打壓。

．．．．．．．．．．．．．．．．．
💪支持我向世界展現香港人頑強抵抗的意志：https://bit.ly/joshuawonghk
．．．．．．．．．．．．．．．．．
#存亡號召 #絕處逢生
✍️https://www.patreon.com/joshuawong
🌐https://twitter.com/joshuawongcf
📷https://www.instagram.com/joshua1013
📧joshua@joshuawongcf.com

//喺我最低落嘅時期，遇到幾位有相同感受嘅手足，大家都希望可以為其他手足同黃色經濟圈做更加多野，所以我哋就成立咗無名士依一個黃店平台。

好多謝過往依一年遇到過嘅所有人，唔知你哋咩樣咩名，但每一個手足我都會記住，依個同時係無名士依個名嘅由來。請大家記住當初點解會咁嬲，點解會為咗陌生嘅人難過心痛，點解明知出去會有好大風險都決定踏出家門。依一年我哋遇到好多困難，有好攰好攰心灰意冷嘅時候。前排甚至個個都話要移民，成日都話「黎明前嘅黑暗，係至撚黑暗。」但我哋相信，有一樣野係黑暗冇辦法觸及嘅。

係希望。佢喺我哋嘅血液入面，只要一息尚存都唔會泯滅。暴政可以禁錮我哋嘅身體，但冇辦法禁錮我哋自由嘅精神。//

我係612個被控暴動罪入面其中一個手足

講返少少背景啦，我係一個大學生。距離嗰日都差唔多一年喇，到今時今日都忘記唔到俾人拉嗰幕，有時發夢都會夢到，都真係會嚇醒。嗰陣又係冇不反對通知書，和平遊行，之後嘅情況不外乎暴力驅散、情況極度混亂、人踩人、濫捕、俾狗打同拉等等。

我嘅情況比較特殊，冇訓臭格，因為直接俾人打到爆缸流血訓咗幾日醫院。由細到大都好怕痛（講樣嘢俾你哋聽，我怕痛怕到連耳環都唔敢釘哈哈），但係俾啲狗打到流血嗰下反而唔怕。不過，真係永遠都唔會忘記嗰刻嘅無力感，我感到無力並唔係驚俾人拉，都唔係諗之後如果真係落charge以後條路要點行，嗰刻我個腦淨係諗住「我，以後係咪冇得再走出嚟？」，我擔心嘅係少一個就係少一個。講真，我真係唔甘心一次被捕就咁「畢業」。俾人拉之後嘅細節唔多講，好彩嘅係，醫生護士全部都對我好好，612嘅律師喺醫院等我幫我，屋企人都好快搵到我。

呢一年，我嘅崗位由前線變為後勤。心態上都改變咗唔少，以前淨係諗自己，依家每次都會諗埋屋企人，會記起佢哋喺醫院有幾擔心，當佢哋見返我，用力攬住我嘅時候個身有幾震。咁大個女，有幾可會見到父母喊到咁樣，我知道自己唔可以用返之前嘅模式去抗爭。呢一年我做嘅都係每日做Twitter任務、捐錢、幫襯黃店、去黃店做part-time依啲，有時真係覺得自己做得好少，好冇用啊... /_\

喺我最低落嘅時期，遇到幾位有相同感受嘅手足，大家都希望可以為其他手足同黃色經濟圈做更加多野，所以我哋就成立咗無名士依一個黃店平台。

好多謝過往依一年遇到過嘅所有人，唔知你哋咩樣咩名，但每一個手足我都會記住，依個同時係無名士依個名嘅由來。請大家記住當初點解會咁嬲，點解會為咗陌生嘅人難過心痛，點解明知出去會有好大風險都決定踏出家門。依一年我哋遇到好多困難，有好攰好攰心灰意冷嘅時候。前排甚至個個都話要移民，成日都話「黎明前嘅黑暗，係至撚黑暗。」但我哋相信，有一樣野係黑暗冇辦法觸及嘅。

係希望。佢喺我哋嘅血液入面，只要一息尚存都唔會泯滅。暴政可以禁錮我哋嘅身體，但冇辦法禁錮我哋自由嘅精神。

我哋希望黃色經濟圈可以有持續性發展，唔單只係餐廳，其他類型嘅店舖亦都需要大家支持，真係唔想再見到有有心嘅黃店做唔住。同時我哋嘅收益都會作定期捐錢俾612人道支援基金，因為作為俾612幫過嘅人，我哋好清楚612為手足做過啲咩，所以好希望可以喺自己嘅能力範圍內回饋返612，做到飲水思源。

一開始，我哋真係咩都唔識，但依家整咗個網站出嚟，中間遇過唔少困難，亦都得到唔同手足嘅幫助。其實真係唔知得唔得，但我哋知道唔去行動就一定唔會成事。真係好好好好好想做好依件事，貫徹我哋嘅理念，將黃色經濟圈再擴展到更大。希望大家可以多多支持我哋！

依家我每日都有宵禁，每個星期都要去差館報到，每隔兩三個月就要上一次庭。律師都話勝算唔高，隨時要坐。但我唔後悔，因為老土啲講，我真係好撚鍾意香港。就算依家香港變到幾壞幾扭曲都好，我都希望不久嘅將來會變返好，大家可以開開心心，唔使再受政權壓迫，可以真真正正擁有自由。

人冇事先做到世界冠軍，見字飲水啊大家，願你在亂流下平安。
最後，希望真係可以喺煲底下相見啦大家！

▂_▂_▂_▂_▂_▂_▂_▂_▂_▂_▂_▂_▂

#無名士 #網購平台 #黃店 #做對的事永遠都是時候 #香港人 #願榮光歸香港 #民族自強 #gfhksdgm

「無名士 ── 做對的事，永遠都是時候。」

▂_▂_▂_▂_▂_▂_▂_▂_▂_▂_▂_▂_▂

📍Website: https://momingsi.com/
📍Instagram: https://www.instagram.com/momingsihk/
📍Facebook: https://www.facebook.com/momingsihk/
📍Telegram: https://t.me/joinchat/AAAAAFSGFLzSZQKCwp2iQw

【手足受酷刑 誓要 #制裁懲教】

黃之鋒 Joshua Wong 早前收到手足求助，表示受到多名懲教職員侮辱及毆打。在囚政治犯因唱「榮光」被迫掌摑自己。

我可以清楚地告訴懲教署，包括署長胡英明和案發的壁屋懲教所監督吳樹勳。你們已經觸犯了國際人權法。政治犯面對的打壓，甚至構成酷刑。

懲教職員濫用私刑已是不爭事實。諷刺地，懲教自我介紹的價值觀為「以人為本」。其中一項任務為「確保羈管環境穩妥、安全、人道、合適和健康」。恐怕事實是，以打人為本，確保職員受包庇，不會為毆打在囚人士付上責任。

《公民權利及政治權利國際公約》 10.3 條 （ICCPR）都有講明，監獄嘅目的喺社會更生。姑勿論佢哋喺因咩事坐監，難到拉去無 CCTV 嘅地方打鑊符合目的？

電影「同囚」入面，懲教每天也虐待毆打在囚人士。「落雞翼」（要求在囚人士彎腰對其背脊批踭）等例牌更是人人有份。電影中這些行為每日也重覆，但點解多年來獄中慘況難以外傳？因為懲教職員會恐嚇你。好似片段中，手足被恐嚇「知道你屋企地址」。

再睇 《禁止酷刑和其他殘忍、不人道或有辱人格的待遇或處罰公約》 (UNCAT)，只要符合這三個條件

1) 刻意使某人在肉體或精神上遭受劇烈疼痛或痛苦的任何行為
2) 用以恐嚇或威脅他或第三者或基於任何一種歧視的任何理由施暴
3) 而這種疼痛或痛苦是由公職人員或以官方身份行使職權的其他人所造成或在其唆使、同意或默許下造成的

就已經構成酷刑。懲教職員掌摑唱「榮光」的手足，更在自己打到攰時迫政治犯不停自我掌摑，相信已經喺一段長時間、重覆嘅暴力毆打。旨意威嚇不同政治立場的人，或自己洩憤。不同手足也指出在不同場合多次遇上類似情況。明顯指出，這些行為是有系統、受默許的普遍行為。如果懲教署不知悉，為之失職。如果懲教署知而默不作聲，即已是作為政府部門認同或批准酷刑。

懲教署署長胡英明，壁屋懲教所監督吳樹勳，你們已經符合香港人權民主法案Sec 7.1 (a)(b) 和全球馬格尼茨基法案（Magnitsky Act）當中列明的制裁條件。Magnitsky Act 提到，美國總統有權向非美國公民或非美國機構發出制裁令，而人權民主法當中亦提到任何違反嚴重違反國際所承應的人權標準條文，便能夠被制裁。《禁止酷刑國際公約》絕對是條文中所指的國際人權標準。簡而言之，只要胡英明和吳樹勳被證明有責任使這些「爭取集會自由和民主選舉的人」受到「酷刑」，就已經可以受制裁。

這些侵犯人權的惡貫滿盈之必被清算，我們必定呈交相關證據，確保閣下受制裁。其他懲教職員務必好自為之。

香港市民並不會接受有系統侵犯和蹂躪人權、囚權的行為。國際社會也不會視而不見。

不要以為躲在制服後，便能逃避責任。侵犯人權前，問問自己「準備好接受制裁未？」

最後，我想各位保持對事件的關注。唯有外界關注，才有機會使懲教不會以暴力手段懲罰這些勇敢的手足。他們是付出最多的一群，他們上訴到底或是認罪，又或者選擇冒死發聲也好，香港人務必守護到底。

香港眾志訪問爆料手足片段：https://m.facebook.com/story.php?story_fbid=1416587428550075&id=495193710689456

——————————————
自由之戰 香港牽線
📺instagram｜https://instagram.com/sunny.CKY
🐦twitter｜https://twitter.com/sunnycheungky