【邏輯題】
例：七警自己咁光明磊落駛咩向法官求情。
造句：品牌既然初衷並非新聞聯想做咩要刪post兼澄清?

其實一個post之所以好睇，係因為佢localise，夠貼近生活同有同理心。情況就好似一個brand點解有global brand但又同時需要regional team同local team一樣。依家啲post咁樣自我河蟹，就係只眼望global team嘅聖旨而漠視local market嘅需要，好多時好嘅創意就係咁樣被扼殺。
睇完呢啲post，當然我都會鬧個brand無guts，真係明明咩都無寫都驚餐死；但同時我都為自己同同業悲哀，創作嘅空間越來越細，每條feed都要公關驗屍咁驗嘅時候先出街，有咩得意好玩嘅news都經幾十關先放行，到時就咩新聞都變舊聞啦！大家可以睇到新奇好玩嘅post就只會越來越少，或者咁講，嘩眾取寵嘅post只會越來越多，而真正讓你有同感共鳴會心微笑嘅post將會越多越難創作同出現。
創意要打出一片天，真係要好好對付北方嚟嘅霧霾呀！
#這是自我河蟹的年代 #又要威又要戴頭罩 #screencapcreditto精明網友非公關仔咁醒