前幾個post都有一直同大家提到自己每年2/3月同9/10月會經歷轉季性皮膚敏感，甚至係2月出現左出現毛囊角化症(好似雞皮好細一粒粒), 皮膚會非常乾燥，加埋自己條頸簡直痕到紅哂。今個月想同大家總結過去兩三個月接觸到嘅防敏面霜： 1.AK藥用溫和保濕乳液 係六款面霜當中最清爽最適合混合性油性肌膚嘅一款，輕輕推開吸收後小小油光，妝前保濕剛剛好。再分享多次由即日起至31/3，可以用我嘅code: jenfung 以85折購買 (AK 皇牌抗敏套裝除外) (non affiliated) 條link放係profile 俾大家參考😚 2. Avene高效抗敏舒緩保濕霜 回購嘅一款面霜，因為上一年嘅轉季敏感比今年嚴重，佢嘅紓緩敏感痕癢嘅效果都好快。雖然包裝寫住rich texture 但完全唔會太笠太油，都好薄身又做到滋潤感，都好啱香港天氣用！ 3.Cubed Magic Cream 最近大家成日都會見到Cubed CBD oil, 主要幫助大家抗炎，舒緩痛楚。而Magic Cream 主打適合有面部濕疹、牛皮癬人士使用到，當大家皮膚出現泛紅、紅腫，乾燥，甩皮等等問題，都係看門口嘅救星。另外比較突出嘅一點係修膚皮膚黑印乾紋問題，滋潤但又唔算油，係有驚喜嘅！ 4.Kiehl’s 特效保濕乳霜 最近都提左好嘅次嘅面霜，其實最有感係因為保濕嘅持續力好好。有時搽完面霜當下覺得保濕好夠滋潤，但下晝又出油，Kiehl’s喱款完全唔會出現以上情況，保留到面上嘅滋潤感。防敏方面我會搽厚小小都做到紓緩功效。 5.Lush 抗敏使者面霜 比較新接觸嘅一款面霜，質地相對會比較滋潤小小推開唔會油光滿面，有蜂蜜具殺菌功效，而薰衣草水則可紓緩肌膚，同埋抗氧化嘅小麥草汁，仲有輕微嘅檀香精油，聞起嚟幾舒服。舒緩效果都有，但本身面上紅印唔算退得好明顯。 6.Tatcha 蓼藍多功能舒緩面霜 一款來頭唔小嘅面霜，獲得美國濕疹協會的認可印章，專為出現濕疹、皮炎、玫瑰痤瘡或過敏問題的敏感肌膚而研製。而質地係6款當中最滋潤厚身嘅一款面霜，但都唔會油光滿面，反而有小小霧面咁，但我就唔建議妝前用啦，因為都會起擦膠碎，但防敏能力都係明顯嘅。 大家主要按自己膚況同天氣潮濕問題揀番你地有興趣嘅面霜就可以，有咩問題都可以隨時留言/ inbox問留我架💕💕💕 #hkbeautyblogger #hkbeautyreview #hkbeautyshare #akrosette #avenehk #cubedhk #kiehlshk #lushhk #tatchahk #護膚分享 #護膚品分享 #好物分享 #好物推介 #面霜 #防敏感 #防敏感產品 #敏感肌適用