雖然這篇兆華與股惑仔鄉民發文沒有被收入到精華區:在兆華與股惑仔這個話題中,我們另外找到其它相關的精選爆讚文章
在 兆華與股惑仔產品中有5篇Facebook貼文,粉絲數超過9萬的網紅李怡,也在其Facebook貼文中提到, (失敗者回憶錄0830) 左派的「社會化」時期 Ann 推薦我去看日本電影《偶然與想像》,這部由三個短片組成的電影,其中第2部「門常開」,讓我想起了幾十年前的一段趣事。 話說六十年代有一次好幾位著名的流行作家在一起飲茶,座中有高雄、金庸、葉靈鳳等人,高雄講到寫報紙連載文章,他說,凡是寫某方面的題...
兆華與股惑仔 在 李怡 Facebook 的精選貼文
(失敗者回憶錄0830)
左派的「社會化」時期
Ann 推薦我去看日本電影《偶然與想像》,這部由三個短片組成的電影,其中第2部「門常開」,讓我想起了幾十年前的一段趣事。
話說六十年代有一次好幾位著名的流行作家在一起飲茶,座中有高雄、金庸、葉靈鳳等人,高雄講到寫報紙連載文章,他說,凡是寫某方面的題材寫得出色的,本人在現實中那方面一定是最不行的。寫武俠小說最好的,一定不會武打;寫愛情小說的,在愛情上大都失敗;寫色情小說的,性方面一定沒有什麼經驗;寫馬經的,賭馬輸較多;寫股經的,在股票投資上大多損手。他也自嘲寫經紀拉、寫石狗公,自己絕不懂得營商。在座作家們都笑了,具體想到每一個人,好像也真是這樣。
高雄頭腦敏銳,反應極快,對世情觀察入微。擅長寫某種題材的作家,之所以寫得天花龍鳳,正是因為現實上不在行,只略知一二,才有超越現實的想像力。讀者也愛看這種充滿幻想之作。不過超越現實卻並非沒有現實意義,相反,將現實昇華再從幻想中演繹出來的道理,可能更真實地反映人生,使讀者有所感悟。當然對流行作家來說,想像力的重要性在於吸引讀者追讀下去。
日本電影那個「門常開」故事,寫的就是一個在小說中有極露骨色情描寫的作家教授,實際上完全沒有性經驗,既在女色面前難以抑制自己、又對誘惑他的女子感到恐懼,為此而要保持「門常開」。
香港五六十年代出現報紙上的流行文化百花競艷,主要原因一是大陸風雲變幻,驅使許多具文采和頭腦敏銳之士聚集香港,為各報提供寫手,原因之二當然就是言論自由,設若有黨官來審查武俠小說的招式是否合科學,言情小說是否誨淫,社會小說會否醜化政府或公眾人物,那麼作家就無法寫,報紙也沒法辦了。
當然,更主要的原因是政治穩定。1949年中共就制訂了對香港「長期打算,充分利用」政策。對港英在香港的施政、管治,絕不干預。這政策由長期負責和關注香港事務的官員執掌,極少由不懂港澳的共幹調任。
1965年七月,我受邀參加一個出版界參訪團。這是對左派機構資深員工的獎勵活動。團員約40人,所有交通食宿費用全由大陸招待。在北京,我們聽了幾個關於國際形勢和港澳關係的報告。我那時的印象是:報告者知識豐富、分析到位、對國際和香港有較深入了解。如果說這是「洗腦」的話,以我當時的見識,是被洗了一次腦。那時作報告的人,絕不是後來一些強詞奪理、自相矛盾的為中共講話的邏輯盲可以比擬。當時負責港澳工作的最高領導者廖承志宴請了參訪團。他講廣東話,語言生動,他說代表搞港澳工作的「呢班友仔」,慰問各位員工,他說對香港「長期打算,充分利用」的政策是不變的,因為要從香港取得外匯,「有利可圖」,希望大家為了祖國繼續忍受低薪的奉獻。
以當年英國在戰後的國際地位來說,如果中共對香港多所干預,英國人可能索性把香港雙手奉還,無謂背這個沒有什麼利益的包袱了。當然,後來香港人多了,香港在亞洲的地位受到重視,又當別論。據知,在1965年時,中國的外匯仍然有70%從香港取得。因此,無論大陸的施政怎樣多變,中共對香港的政策仍然不變,直到1967年。
不僅不變,中共還不斷要求香港左派機構「融入社會」。當時左派流行一個口號,叫「社會化」,要求女員工扮靚,塗口唇膏,穿花衫,要高層主管與同行打麻將交流感情。
新聞界中的《新晚報》可以說執行「社會化」的表表者。它從1950年創刊以來,就依仗報館眾才子的實力,並放手向外邀稿,而暢銷一時。高雄的「石狗公自記」,葉靈鳳的「霜紅室隨筆」,酩酊兵丁的打油詩,「無牌議員」(王兆均)的怪論「橫眉語」,以及在1954年藉社會新聞抄熱的吳陳比武,而推出先梁羽生、後金庸的新派武俠小說,帶動各報副刊潮流。
左派電影界的長城、鳳凰、新聯,也聯合其他電影同業,不受大陸的左傾思潮干擾,拍出香港人喜聞樂見的賣座電影,擁有一批紅星。
我那時是左報副刊的作者,與《文匯報》副刊的吳羊璧在閒談中,講到想辦一份在媚俗與一本正經之間別樹風格的年輕人刊物,取名《伴侶》,1963年一月一日創刊,定價五角。畫家王鷹是合夥人。我徵求左派出版界領導人的意見,他表示在印刷發行上予以支持。創刊後一紙風行。
1967年前,儘管大陸來港的難民潮不絕,儘管左派仍然受主流社會排擠,但左派在各行各業,大都努力融入香港社會,而香港多數人對左派也不抗拒。左派與香港人的這種關係,以後再也見不到了。(56)
圖1,1963年一月《伴侶》半月刊創刊詞。
圖2,伴侶雜誌在1964年編輯出版《香港影星年鑑》,彙集當時全港414名影星的照片和簡歷,封面是當時四紅星:林黛、夏夢、尤敏、李麗華,現四人均已作古。
(《失敗者回憶錄》在網絡媒體「matters」從頭開始連載,網址:https://matters.news/@yeeleematter)
兆華與股惑仔 在 龔成 Facebook 的最佳解答
【龔成問答信箱】(Q22041-Q22060)
Q22041:
Hello 龔sir 我係你股票班初班既舊生 最近睇緊12號恒基既年報 有d問題想問下
請問本年度盈利後面點解仲有一個本年度收益總額?唔係好睇得明 除稅及重新分類後之本年度其他全面收益淨額 即係點?
仲有佢既基礎盈利14899係點計出黎呢?我嘗試將公佈盈利10192 加 "投資物業及發展中投資物業之公允價值(減少) / 增加" 2413 都計唔到 14899
聯營同合營公司既盈利需要剔除嗎?
最後就係buffolio顯示既恒基 PE係用基礎盈利定公佈盈利計算呢?我需唔需要加減其他數字去計算正確既PE?
唔好意思 有好多問題
龔成老師︰
這頁"綜合損益及其他全面收益表",係分析估值時,我都唔會特別去參考。因為佢主要係一些非營運性變動,無太大參考價值。
至於基礎盈利,主要係扣除左"物業公平值變動",所造成之影響。
你可以參考翻2020年年報P.226,你用"本公司股東應佔盈利",再加翻所以公平值數字(因為當年公平值,都是負數。若當年公平值係正數,你就要倒轉,扣除翻佢。),就會計到14899個答案。
水牛網顯示,會係用用"本公司股東應佔盈利"作計算(即包含公平值之影響)。
------------------------------------------------
Q22042:
龔成老師你好!好想同你分享個好消息!我同丈夫成功買到第2層樓啦!難得睇中啱心水地區尺數既低水單位,所以決定賣哂所有股票同埋加按少少層樓俾首期
首先 我好想多謝老師你強調儲資產呢個概念,雖然我啲股票唔係大賺,不過起碼不經不覺已經儲到一筆可以靈活套現既資產,全靠呢筆錢 今次先有機會入市。
不過宜家手上已經冇哂股票 現金亦唔多,要供2層樓亦都令少左現金流去儲股票
再加上黎緊首要目標係可以儲到筆錢裝修新屋,想請問老師我應該如何分配長線同短線既投資方向?
現階段應該全部保留現金用黎裝修?還是繼續以月供方式儲貨?
謝謝老師建議
龔成老師︰
先恭喜你,又成為業主。
我地財富組合除左要有增長力和質素外,平衡性都好重要。你現時資產明顯係偏重於物業類,長線你應集中加回一些優質股,以免過於集中個別資產類別,而產生風險。
因此,你新資金建議優先投入股市,去令成個組合更平衡。
至於先裝修,定投資,你要從生活所需和財富增值,2者之間去取個平衡。
但我建議,點都要每月做番少少月供,唔好完全係零。因為你現時係零股票,而大市又只係合理水平,這個狀態唔理想。
另外,由於你要供2層樓,令每月可投資金額減少。你最好盡快將另一層樓放租,去提升自已可投資現金流,咁會較好。
當然,你現時現金太少,都要留一定的現金先。
------------------------------------------------
Q22043:
老師你好,我又有問題想問。看完"80後千萬富翁"後,有一個疑惑
假設我辭職後,以全職股票投資者創富,之後希望分散投資,買入一間物業,問題就來了:
1.沒有工作,全職股票投資者,可申請按揭嗎?
2.同時,過到壓力測試?
3.成立空殼公司,買入物業是否更好?
龔成老師︰
1) + 2)你可以利用「資產方式」申請按揭,而非一般有收入人士,所用的「壓力測試方式」。
或者你可以加入擔保人,都有機會可以提升你成功申請按揭機會。
但坦白講,無收入要做按揭,一般都會較難。
所以最好在你有穩定收入時,處理好物業這部分,之後先辭工。
3) 成立空殼公司買入物業,係可以節省不少稅項。但空殼公司本身,都有不少營運和買賣成本,例如要會計師每年核數、買賣時需要律師評估資產等。
加上公司買物業要支付「買家印花稅」15%,因此否則未必值得咁做。
------------------------------------------------
Q22044:
1:假設,本金10萬,每月再投入1萬。如果比自己目標係每年升15%,咁應該點計,因為以年計
1月資金可用12個月,但12月資金只用1個月。咁我應該用22萬乘15%,定應該點計好?
2:老師,想請問下,假設如果雙方同意,我冇任何牌照既情況下,可以幫人做投資嗎
3:老師想請問下,假設現在有1百萬資金,用了5年時間儲錢加投資得來,有買樓需求,可選擇用來買樓首期或繼續用股票滾下去,
但如果買左首期後就變左股票果邊滾落去既速度慢左,面對咁既情況應該點做好
4:老師,想問如果抽到居屋,又比左首期買左之後,可唔可以出租?
龔成老師︰
1) 唔好諗到太複雜,我地唔係要一個好精準架數字,因為投資中間會有好多變數,未必一切如你估算一樣。
但係你要知一個大概數字,係有意思,可以作參考架數字。
以你情況,可以簡單點,當你當年每月資金,係年尾一次過投入。咁樣計算,簡單之餘,出來結果都會相對保守。
第1年回報︰22萬 x (1 + 15%)
第2年回報︰(第一年回報 + 12萬) x (1 + 15%)....如此類推
2) 如果是《證券及期貨條例》規管範圍,基本上就要有牌照。如果你只係幫下屋企人手,當然另計。其實,當中好講有無「利益」在其中。
3) 如果你係有實際需要,去置業的話,你係可以動用這筆資金。其實物業都係一個資產,都算係一種投資。
但最好,係你置業之餘,都有一定資金,用投資優質股,令成個組合唔好偏左係物業個邊,咁就最理想。
4) 根據正常程序,係要補左地價,先至可以成間居屋放租。
而且,投資物業放租,在香港現時法例下,是不能以高成數按揭進行的,金管局定明,如果要投資物業收租,最高的按數不能高於5成,高於5成者,只能自住。
當然,這是政府的規定,但坊間的做法,往往是另一回事。但你要明白佢地的做法是犯法的,因此一定有風險,做與唔做,自行決定。
坊間不少投資者,就算高成數揭揭都會照放租,其實你照去地產經紀同你講你想這樣,佢地就明,會照同你做,當然,細節位不便在這裡講太多,有機會你上堂見到面,我分享坊間的做法。
記住,所有事情都會有風險的,這是一個值博率的問題,我只可以話,坊間不少人都會照做。
------------------------------------------------
Q22045:
龔sir,你好!多謝你一直耐心回覆讀者的提問。我都其中一個支持你的讀者,你的著作特別是年報勝經,寫得很好。我亦因此開始學習睇年報。
最近我投資左百度(9888),現價大約210蚊左右。投資原因主要是看好雲業務同智能駕駛的前景。我相信這兩個範疇能配合中國未來的大方向。
配合本身網上廣告業務收益穩定,有利百度發展新增長點。
百度最大的擔心是競爭者多,在今日「全民製車」的時期,百度的賣點只是研發時間比同業長,比同業更早開始投入研究。講到這裡,就引伸出另一個憂慮,就是巨大的無人駕駛投資能否變現。
我明白股價反映公司價值,同時亦反映了市場的對於公司的期望值。但在這裡,我唔識判斷「市場期望值」這件事。
不知我的看法是否正確,百度目前的市盈率大約9倍左右,應該是屬於健康水平。 未知老師的看法如何? 現價應否再加注?謝謝!
龔成老師︰
多謝你的支持!
百度(9888)為全球最大的中文搜索引擎,是內地用家搜尋資訊主要對口,2019年百度用户規模突破10億,而百度App日活潑用户2億,信息流位居中國第一。
當你坐擁不少資訊和客戶群,就可以利用佢地去發展很多不同業務。
雲和無人駕駛,都會係有業務當中較有潛力部份。百度的無人駕駛技術,其實唔錯。雖然越早研發,唔代表一定可以越早市場化。
但百度在無人駕駛技術,無論研發和運作,都累積左一定經驗,有助提升佢成功市場化機率。若無人駕駛技術成功市場化,相信會成為集團盈利的新增長點。
由於無人駕駛市場未算成熟,就算有較多競爭者進場,都未必會造成較大影響。加上集團有一定技術,係競爭上相信會有優勢。
這些部份發展雖有潛力,但都存在很多不確定性,我地好難完全掌握將來發展狀況。因此,係估值時,對這些不確定性較高的分部,要保守少少。
百度現時收入,主要來自在線營銷服務。這部份,集團有一定優勢,預期長線發展正面。
百度在規模和質素上係有,但你預佢中短期會較波動,不宜持有太多。若你資金好充裕,要價加小注係可以,否則等較大回調才加注,會比較好。
------------------------------------------------
Q22046:
龔sir你好,我對於股票買賣只是初哥,之前都是有少少人云亦云既心態作買賣。而我丈夫曾經上過你既堂,從他口中得知你的FB page,最近經常睇你既page增加投資概念。想問下你嘅意見。
本人37歲,已婚未有仔女。月入$58K,丈夫月入$20K多少少,收入算穩定,已購入一層自住物業,仲有17年需要供樓。
之前一路只保守地作儲蓄,大約有流動資金$100萬,扣除供樓,生活費同雜費,每月可儲蓄$24K,想可以好好分配同計劃點樣做好投資理財,為將來有小朋友及退休生活作計劃。
之前買入一些收息股票為主。如下:
0005 匯豐 70.5x1200股+46.2x2000股
1398 工商銀行 6.41x 15000股
2800 盈富基金 28.72 x2000股
1. 睇了你的FB page 後想嚐試月供股票,考慮緊每月用一萬蚊月供0002,2318,6823。這些組合適合嗎?
2. 現在持有既股票組合適合繼續長期持有?定放售?
3. 如果買潛力股,你會建議買邊隻?
期待老師的回覆,非常謝謝!
龔成老師︰
1) 我地投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
你37歲,應以增值為主。平安(2318)係可以,但其餘2隻只係收息股,增長力較弱,唔係太適合。我建議你用「平穏增長股」 + 「潛力股」作組合,去創造一個增值平台。
現在你每月先用5成儲蓄,即$12000做月供。其餘先儲起,用一邊月供一邊儲蓄的策略。
月供方面,你可以選擇投資在平穏增長股︰盈富(2800)、金沙(1928)、恆基(0012)、平安(2318)、中銀(2388)、港鐵(0066)、長建(1038)、粵海(0270)、領展(0823)、希慎(0014)、太古地產(1972)
或潛力股︰中生(1177)、福壽園(1448)、小米(1810)、安碩恒生科技(3067)、港交所(0388)、阿里(9988)、騰訊(0700)、GX中國電車基金(2845)、三星FANG ETF(2814)。
由於你投資知識不高,因此可較集中在平穩增長類股,至於潛力股,只宜小小注(不多於3成)。最好是你先提高投資知識,等到你有一定知識和經驗,才慢慢增加潛力股比例(大約5成)。
現時大市只是合理區,你現有100萬資金可以先投入一半,用"分注"形式,慢慢買貨。餘下一半和每月所儲倒的資金,就等大市出現一定程度的下跌,才大力度掃貨,然後長線投資。
但我建議,在你實行以上計劃前,先儲起半年開支(若你預將會有小朋友,都要預留埋這部份開支),作為應急之用,咁會較穏當。
2) 你持股雖然都有質素,但匯控(0005)和工行(1398)都係收息股,你年紀不宜持有太多。建議沽出部份,慢慢換至上述股票,會較好。
3) 我上述潛力股,都適合你,但你投資經驗較淺,要控制個比重,唔好佔多過組合3成。
另外,大部份潛力股現價都略貴。現時只有安碩恒生科技(3067)、GX中國電車基金(2845)、比亞迪(1211)、阿里(9988)、中生製藥(1177)、福壽園(1448)勉強算在合理區頂部,可分注入貨,其餘想買就要等一等。
------------------------------------------------
Q22047:
龔成老師,你好,最近睇左幾本理財書,當中都有一個對沖概念,但睇返sir的書,或fb的對答,好似都好少呢方面既資訊,是否同你理念唔一樣?
另外我本人都買左d科技股,例如阿里巴巴和小米,都諗住有排都唔放,但又唔想繼續供落去,想供d其他行業的(你話同一產業不是多過30%),
睇左眼科藥物公司兆科眼科,或者是德視佳,一個造藥一個行醫,你會點睇?
龔成老師︰
我主要係建議透過創建一個合適、平衡、有質素的財富組合,去做到在合理風險下,爭取最大回報。
跟一般對沖,去平衡風險有所不同。而且對沖唔易玩,唔適合一般投資者去操作。
兆科眼科(6622)係一間眼科製藥公司,致力於療法的研究、開發及商業化。通過自主開發或許可引進已建立起包含25種候選藥物的全面眼科藥物管線,涵蓋影響眼前節及眼後節的多數主要眼科適應症。
集團初步將策略重心放在中國五大眼科適應症上,包括乾眼症(DED)、濕性老年黃斑部病變(wAMD)、糖尿病黃斑水腫 (DME)、近視及青光眼。
佢已建立起由13種創新藥及12種仿製藥(按國家藥監局的《藥品註冊管理辦法》分類)組成的眼科藥物管線。創新藥管線包括8種候選藥物,若獲批准則有潛力成為中國市場領先產品。
仿製藥管線包括6種潛在中國首仿藥。集團擁有8項已頒發的中國專利及一項已頒發的歐盟專利,並提交6份中國專利申請。
佢已於廣州市南沙新區建造的生產設施,根據中國、美國 及歐盟cGMP標準設計及興建以用於生產眼科藥物,其生產能力完備並可用於商業化規模生產。
由於未有盈利,風險度會較高,加上企業規模不大,因此投資值博率未算高。
當然,由於規模不算好大,若果企業之後成功,可以好勁,但失敗對股價都有很大影響,因此是有潛力,有風險類。
只可以話,這類股,唔建議大注,當小注投資下好了,同時要明白當中的風險。但用作月供,就不建議了。
德視佳(1846)主要於德國、丹麥及中國以「德視佳」品牌提供視力矯正服務。
佢的服務可大致分為屈光性激光手術(包括全飛秒激光手術及飛秒激光聯合準分子激光角膜原位磨鑲術)、後房型人工晶體(ICL)植入術;晶體置換手術(包括單焦點及三焦點晶體置換手術)及其他(包括用作矯正眼晴屈光不正的PRK/LASEK及角膜基質環段ICRS植入手術)。
見佢的財務數據都不差,生意與盈利都有穩定增長,現價算是合理,但不是高增長類,同時由於規模未算好大,可小注直接買入,但不宜月供。
另外,我地月供係一個長線計劃,最少供3年,並持有5年,才會有較佳效果。因為月供可以拉平均個買入價,減少買貴貨風險。
若你經常供一陣就轉,會影響到平均價格效果,令最終回報不確定性增加。
------------------------------------------------
Q22048:
我想請教一下,你覺得應該怎樣教育兒童理財?因為看過你的文章/書本,你都提及學校缺乏理財教育!謝謝!
(期待可以在澳門上課的澳門讀者)
我兒子8歲,有時會問我供樓借貸,公司借錢,點解麥當勞可以咁成功等等,我自己本身不是商科,所以都係google咁簡單講俾佢知
龔成老師︰
我建議你同佢玩「大富翁」、「現金流」這些遊戲。
如果佢8歲已經有這些問題,我相信佢對這方面好有興趣,好有潛質,日後可以好有成就,你可以找一些成功的名人、商人傳記之類的兒童書比佢睇。
書本和遊戲,都係教授小朋友理財的理想方法。好似大富翁遊戲,小朋友可以從享受遊戲同時,也會學到不少經濟理論和操作模式。
另外,書本可以令佢從前人身上,學到一些經驗。當然,佢年紀比較細,較難理解我們成年人睇架書籍。
最好先選擇佢年紀水平,和他有興趣的書籍入手。之後才慢慢加入一些,未必是他有興趣,但又對他理財知識有幫助的書籍。
家長在遊戲和閱讀時,要多加讚賞,對佢學習會有激勵作用。
如果你本身無太多理財知識,就係教授小朋友同時,自已都要增進一下,甚至一齊學習。可以作親子活動之餘,都可以提升雙方學習的樂趣。
------------------------------------------------
Q22049:
老師:我在重整現時持有的股票組合,由於未到8月上課時候,唯有再麻煩老師,唔好意思。想請教以下幾隻股票是否優質和他們的合理價範圍。謝謝!
405
939
2822
此外,以上三隻股票是否都屬於平穩增長股呢?謝謝!
龔成老師︰
這3隻股票,都係優質,同時現價都在合理區,可以分注入貨。
越秀房產(0405)和建行(0939)係收息股,增長力較弱,主要係收下息。以你年紀,收息不用佔太多,大約2成左右好了。
南方A50(2822)算係平穩增長股至潛力股之間,有一定波動性。此股適合你年紀,可以考慮。
------------------------------------------------
Q22050:
老師你好!我居住在澳門,今年45歲,自住房屋市值約900萬還欠貸款400萬,每月供17000。
另有一間市值約600萬已供滿收租約9000(澳門租金較低)
因疫情上年失業,現新工作每月薪金只有18000再加上9000租金,每月收入共27000,每月供樓保險加上生活開支剛好月月清,另有60萬積蓄想投資股票市場。
現時手頭沒有揸股票,想問應唔應該賣咗收租樓,還清400萬貸款,剩餘200萬用來買平穩收息股?還是只用60萬積極蓄投放股市?
另外想買老師你的書,我是股票初學者,適合先看那一本?
龔成老師︰
其實物業都係一種資產,除非你收租物業升值潛力真係好弱,或者質素好差,否則持有用作收租,咁會較好。
至於增值,你可以先用這60萬去做。由於你已經有2個物業,故你新資金應先集中係優質股類,以免出現過度集中風險。
以你45歲,可以選擇一些「平穩增值股」+「潛力股」作投資目標。
由於你現時無太多投資經驗,潛力股這類風險較高的股票,你就不要持有過多,最多維持1-2成好了,甚至先集中係平穏增長股類。
到你有一定投資經驗﹐潛力股比重可以相應調高,佔組合約3-4成,到時要視乎你投資經驗多寡,和了解這些股票程度而定。
大市現處於合理水平,那60萬資金,你可以先用20-30萬,以"分注"形式慢慢入貨。餘下資金,就等大跌市機會出現,才大力度掃貨,並長線投資。
你可以先睇我架《80後百萬富翁》、《財務自由行》和《股票勝經》,都適合初學者。
------------------------------------------------
Q22051:
龔成老師你好,剛開始月供股票3個月,其中一隻月供2382 平均價179,佢今個月升左好多
我係想長線持有,但遇著咁大升幅,平均價就會拉高 變貴左。心態上係繼續月供 還是停供一個月先?
龔成老師︰
舜宇光學(2382)係有質素和潛力的潛力股,若你係年青至中年人士,月供這隻股票係可以。
現時此股已經偏貴,但由於未到好貴,我地係唔需要停左個月供。短期成本價,係會有被拉高情況,但係月供係一個長線計劃,長遠個價都會拉平衡。
除非佢再升到一個好貴水平,我地可能要減少股款,甚至停供。但大前題係,你有無定平貴的能力。若果無,我建議你不理價值升跌,一直去供。
因為你自行調整供款,如果時機不對,反而大大影響左你平均價格的效果。所以,若你投資經驗較一般,我建議你選好優質股後,唔好理個價,一直供,反而對你最有利。
------------------------------------------------
Q22052:
龔老師你好,我今年31歲,月入二萬五,月存二萬,手持8份儲蓄保險,有啲五年期,有啲十年期,有啲三十年期(大約150萬左右),
有七十萬流動資金,另外有三十萬買咗股票,但坐緊艇包括:
9988(200)$280買入
175 (2000)$31.5買入
1810 (1200)$29.5買入
0066(2000)$38.9買入
1801 (1000)$90.6買入
龔老師我二年後想買樓,想用呢70萬用二年時間滾到100萬,請問有咩建議。麻煩指點迷津
龔成老師︰
首先你要明白一個概念,我地持有一隻股票與否,關鍵位是企業質素、前景,不要被買入價影響。買入價只是一個心理因素,如果企業核心因素未被影響,我地係唔需要理會。
你持有股票,都係有質素,長線持有係無問題。但信達生物(1801)仍處於燒銀紙的狀態,不確定性好大,暫時唔建議加注。
我地投資股票,其實等同投資一間企業。希望透過其自然增長,以達至財富增值的目的。所以,我地投資一定要較長時間。而2年只算係一個短時期,股價好易出現波動,增加回報的不確定性。
因此,你這70萬不宜作太高風險投資。我建議用盈富(2800),再加收息股作為組合。
收息股︰港燈(2638)、香港電訊(6823)、工行(1398)、恆生(0011)、置富(0778)、陽光(0435)、深高速(0548)。收息基金(3110),都可以。
大市現處於合理水平,那70萬資金,你可以先用一半,以"分注"形式慢慢入貨。餘下一半就等大跌市機會出現,才大力度掃貨,並長線投資。
但這個組合增長力,未必足以2年內由70萬滾到100萬。但佢勝在穏定性較高,在只能投資2年的情況下,這個配置會較為穏當。
另外,"保險"主要係用來防守,買足夠保障就可以。儲蓄成份架保險,唔係唔可以買。如果你個人風險承受能力好低,或者完全無投資能力,這類保險都有持有價值。
但始終係財富增值角度,佢幫助好有限,一般我都就唔建議太多。做財富增值,應集中投資在優質資產(如優質股、物業等),效果才會理想。
你現時持有儲蓄保險,實在係太多。如果佢了一定時間的,你可以保留。但你還很年青,我建議你長線計,應該取消部份,將資金轉至優質股去做增值,會較好。
------------------------------------------------
Q22053:
龔sir,你好!有幾個投資問題想問。
1. 投資黎講,係咪唔應該買保險,或者唔應該買有儲蓄成份保險?
2. 按回報計算,應該買50年樓齡二手樓,還是一手樓?
3. 未來咩房型或者尺數更適合投資?
龔成老師︰
1) 答案係不一定。
我地理財,要做到「攻守兼備」,保險、備用現金等是防守,但防守部分不用太多,餘下資金就應進攻。保險最大的作用是「保險部分」,反而投資作用一般不大,即是買保險,最大作用是醫療、人壽、財產等的風險轉移,將你不想承受的醫療費用等不可預測支出,轉嫁比保險公司。
儲蓄成份架保險,唔係唔可以買。如果你個人風險承受能力好低,或者完全無投資能力,這類保險都有持有價值。
但始終係財富增值角度,佢幫助好有限,一般我都就唔建議太多。做財富增值,應集中投資在優質資產(如優質股、物業等),效果才會理想。
2) 一手樓,好多時都會有一定溢價,變相令你買貴貨,影響長線回報,所以我一直都唔係好建議買一手樓。
至於50年樓齡二手樓,由於已有一定樓齡,除了本身保養成本會較高外。向銀行貨款也較困難,因此投資價值都較一般。
2個選擇,其實都唔係咁理想。除非50年樓係好平,租金回報率又高,而且係一些大型屋苑,才值得考慮。
3) 房型其實無特定,尺寸最好至少有300呎,可以附合到一個家庭的最低限度需要,投資價值會較好。
其實我地投資一間物業,最重要都是睇翻該物業的質素,呎價,預期租金回報率,特別是利用「呎價,預期租金回報率」去比較同區同類單位,以確定該物業的平貴水平。
另外,你再要審視其升值潛力,未來地區上、交通上、生活等等的配套發展,才去下一個結論,咁會較好。
------------------------------------------------
Q22054:
你好 龔sir,Follow左你嘅post都有一段時間 我亦都睇左你嘅著作「財務自由行」「80後2百萬富翁」「股票聖經」「50隻潛力股」最近4月中更參加左你加「投資陪升股課程」剛剛都畢左業
其實我一直都想理財 覺得你講嘅理論好實用及貼地,好有循序漸進嘅思維。
老師你所教嘅方法都係由你經驗所堆積出黎嘅結論 炒股散戶10個有9個都輸 你教嘅長期持有優質股其實先係最快嘅捷徑!
我雖然開始理財或接觸真正理財只有半年多啲 但思維上我確實改變左 而我起碼已每日記帳已維持左大半年 而每月月尾也會檢討 (先發現原來自己成日駛好多無謂錢 !) 多謝阿SIR!
老師 就我個人情況 我有幾大重點想請教 先講我背境
今年34歲 未婚沒有仔女 每年有年終雙糧及花紅 年薪為一百萬多啲
換左樓 樓價700萬多啲 做按揭9成 月供約24k 每月可儲到16k 左右 當中10K放左係月供股票
1. 現金約有450k 放左係買樓是「高息戶口 」約 1.4% PA – 都係聽阿SIR教導 留番D現金當做BACKUP 及緊急用錢 – 見戶口又有少少息 所以暫時放係度
2. 股票約有 450k 全部都係2-3月入
788 - 10000股
823 - 400股
1177 - 4000股
1448 - 2000股
1833 - 400股
1928 – 2800股
1972 - 5600股
3067 - 6000股
3918 – 2000股
3. 月供股票 每月10k – 由本年3月先開始供
00175 – 2k
00700 – 2k
01211 – 2k
02800 – 2k
09988 – 2k
4. 沒有其他兼職及副業
問題:
1. 目標 40歲前有1000萬 以上咁樣執完條數好似都未有咩FEEL 想請教阿SIR有咩建議可達到我目標?
2. 計過月複利息回報 上堂提到10-15% 已叫做好理想 但依個都係參考% 點可以令自己既增長穩定D?見住自己D投資上上落落 我連唔蝕都無信心 應該點好
3. 調整緊股票係6:4 水桶1 vs 水桶2 - 一直都賣咁D 1972 而放入D水桶1度 但見住D水桶1好似都無咩升 無咩信心做到阿SIR講既每年10-15%增長 想請問應該點調整好?
4. 因為我工作時間都叫自由 亦都放星期六, 日 但我問題係真係無咩特別興趣及嗜好 點樣先可以令自己多D興趣 從已令自己多個機會有個副業或兼職 我依家只有打工一份收入 好似好危險咁
5. 自己打算2022年結婚 係緊急用錢度預算300k黎用做結婚 都打算結完就生小朋友 如結左婚及生小朋友 應該點調整以上所有策略?
6. 年年交稅都10幾20萬 好肉赤 有咩方式可以減少 或更好處理方法
最後想問阿sir你係咪真係有開到糖水鋪?哈哈 我要去幫襯一下 ! 謝謝
龔成老師:
我不會公開你的名,不過問題會放上網,等更多人能學習。
1)你現時的理財不差,配置平衡,同時配合你的年齡情況。但如果要去到$1000萬,就要再加努力,因為你現時每月儲到$16000,一年約20萬,就算計及投資回報,以及你現時持有的資產去增值,要滾存到$1000萬都不易。
除非你之後用一些較進取的方法,例如集中投資潛力股,以及自己發掘潛力股,早市場一步找到,投資並得到數倍計的回報,就有機,但這要你付出較多,你要每星期花大量時間去尋找潛力股。
2)我地最重要睇長期回報,目標一年有10%-15%,但不用每年睇,而是睇長期的平均,你已經方向正確,保持進行就得。
只要你多做功課,全面了解企業,以及其增長力,就會好有信心。
3)你要睇長期,你的思維仍停在短期股價。其實你要睇「企業成長及價值」先得。
4)你要多了解自己。如果唔知自己想發展D乜,就「試」,有時試試下,你就會更了解,例如試下做小生意,找一些你平時不會想過做的兼職,唔好浪費左你的時間。
如果無野做,就花多D時間去研究企業,睇年報。
5)最重要是你預留$30萬以上的現金,餘下先投資,由於2022年與現時已接近,因此這$30萬不宜投資。
只要預算要結婚的資金,準備好。餘下資金就算進取少少,都無問題。
6)如果有需要,就開公司,當然你最好問翻會計師佢地的意見,現時公司頭$200萬的盈利,交約8%稅,比高薪打工仔交的稅仲少,你可以上網了解下。
------------------------------------------------
Q22055:
龔成老師你好,我想问下7522只股,当时听朋友介绍买下7522,平均价为3.75买入8万股,这股现在一直向下,我应该怎樣处理,是否应该溝貨,还是走货?请賜教。
这只股會否會跌倒变费纸的
我不憧买股,这段时间看了你的视频,知我买的股亂七八糟,有909、9888 全部虧損。我有一百万來投资,现在用了一半,我应怎樣重新组合,麻煩晒。
龔成老師︰
你先要緊記一個好重要的概念,我地買入一隻股票,一定要知道佢質素、行業前景、財務狀況等,才去投資。
唔好聽朋友講、或者聽消息,就去買貨。如果你連隻股票背後買什麼、公司如何賺錢、行內有什麼優勢、點解未來有發展和增長潛力,都答唔倒自已,咁就要停一停,唔好投資住。
FI二華夏納一百(7522)投資目標是提供在扣除費用及支出之前,盡量貼近納斯達克100指數每日兩倍反向表現(-2x)的每日投資業績。
如果納斯達克100指數跌1%,你就會獲利2%(另扣管理費)。但若然納斯達克100指數向上,你就會虧損。
我對這類產品有保留,納斯達克100指數在過去一直反覆向上,所以長遠計持有這股對你"不利",一定多於"有利"。
建議你長遠就算不全數沽出,也最好沽出大部份,換碼至其他優質股較好。
其實,我地投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
因此,你在選擇應該投資那一類股票時,會係因應你人生階段、投資經驗和風險承受能力,去做決定。
假設你係年青至中年人士,你可以用「平穏增長股」 + 「潛力股」的組合。如果你係偏年青,比例大約可以去到各一半。
但由於「潛力股」有一定波動性,較適宜年青和有投資經驗人士。若你投資取態較保守、經驗較淺或者較接近中年,「潛力股」比重就要相對下調。
明源雲(0909)和百度(9888)都係偏向潛力股類型,都係有長線投資價值。若你係年青至中年人士,只要唔係持有過多,可以守。但若佔你佔合較多,最好沽出部份,去平衡一下風險。
若你對投資知識不多,我建議你先用月供去儲貨。現在你每月先用5成儲蓄做月供。其餘先儲起,用一邊月供一邊儲蓄的策略。
大市現處於合理水平,餘下50萬和每月儲蓄,就等大跌市機會出現,才大力度掃貨,並長線投資。
若你現時組合,只係得1,2隻股票,我建議你都將部份股票,換碼至上述優質股,令組合風險可以更分散,整個組合也會較健康。
------------------------------------------------
Q22056:
老師,我近期抽到白居二,想購入沙田愉翠苑,為小孩的校網作準備。
問題1. 三房盤唔多,呢期成交量又高,價錢有的癲,三月至今升了12.3% 有的單位價亦企得好硬,心怕而家唔安排,睇定啲遲下連盤都冇!借問一聲,你有何看法?
問題2. 看新聞明年會加息,我究竟用H息口好,定用P息口好呢?
人生第一次 去選擇買樓 這麼重大的決定,真想跟老師分享
有睇中到盤, 但價錢不到位,預700-720萬, 睇中單位為740萬,在想要不要去馬, 怕錯過左, 之後就冇合心意的盤...
老師...求你指引我...
龔成老師︰
1) 本身三房這類大單位,供應係較少,故價格較敏感都係正常。雖然佢近期升左唔少,但由於白居二始終跟市價,有一定拆讓,故有一定吸引力。
加上這個是你自住房,考慮重要主要係是否配合「你長線生活需要」和能否做到「供得起」。如果係無問題,你都可以考慮入市。
2) 明年是否加息,暫時都係一個問號。以現時狀況計,H息會較好。但政府規定,居屋只能用P按,故你其實無得選擇。
------------------------------------------------
Q22057:
老師你好!我係你股票學生,完最後一課,感受到老師的愛心同努力,一星期兩晚3-4小時站立不停講課,課程內容非常豐富,非常感激, 辛苦你了。
另外,想請問之前不懂股票,自己又想穩健及有利息,買了:
恒生銀行 。3500
匯豐銀行。4400。
領展。$2000。(月供)
盈富基金。$3000 (月供)
小米。200
瞬宇光學。300
其實之前買匯豐恒生作收息,其他是認識你後才購入。我知道要減持銀行股,請指教應該怎樣保留。謝謝
龔成老師:
你現時較大的問題,是銀行股較多,你不要再增持這類,你應該溫翻第2堂的筆記,慢慢調整翻一個適合你年齡及風險承受程度的組合。
我會建議你過1年後,經濟好翻D,匯豐(0005)上翻D,減持部分,餘下就慢慢減,直至去到適合你配合配置的比例。
至於恆生(0011),質素比匯豐好,因此留低的比例不較匯豐多。
至於其他選股,其實無問題的,都是一些有質素的股票,你持有無問題。至於月供部分,你可以長期進行。
------------------------------------------------
Q22058:
老師 我抽中白居二 但而家二手樓市都好貴
但唔利用今次機會又怕再抽唔到
你覺得其實買公屋(eg 華貴邨)有你升值潛力?
樓齡29年 - 但好似有地鐵2026年華富有地鐵。
另外一係買私樓 要承擔有機會租唔出時 要俾供費 ,心目中係天水圍wetland seasons bay.
主要都想升值 搵到錢 可以財務自由!
你點睇呢兩個選擇,我知都幾大分別.....
龔成老師:
從自住的角度,你好好運用白居二會較好,公屋在投資角度的價值不及私樓,但從自住角度,其實可以考慮,因為你能以較少的現金流支出,解決了自住方面的問題,你就可以有較大的餘下現金流,去進行其他方面的投資。
華貴邨在地點不差的,港島區始終近中環,但地鐵相信有排先起好。因為佢要拆左華富邨,安頓好原本的居民,之後先用地鐵一整發展,相信要10年時間先落成。
華貴邨在公屋裡,算是有質素的,但不是大升類,只是平穩增長。如果你從自住的角度考慮,不是不可。
------------------------------------------------
Q22059:
龔 Sir,現時持有:
1000 股 9988 @$213
4000 股 1928 @$36.9
120,000 股 728 @$2.58
2000 股 941 @$48.7
30,000 股 3033 @$7.9
請問對此組合有何意見?建議加入金股,車股到組合?
現時買 7299 定2840 會較好?
龔成老師:
你現時持有的股票,基本上都是有質素的,其實問題不大,你持有就得,部分股雖然略有回落,但長線有得守的。
但你長遠,最好建立一個更平衡的組合,同一股票,最好佔組合比例15%以下。
你可以加入SPDR金ETF(2840),這是一隻追蹤黃金價格的交易所買賣基金,當金價上升,佢都會上升,當金價跌,佢都會跌。
睇翻佢過往的價格表現,基本上都追蹤到黃金的價值,因此都可以成為投資黃金的工具。
只要佔組合比例不過多就得。
------------------------------------------------
Q22060:
想問,其實如果我長揸6666,唔會會可以上番去呢?
好驚佢會爆煲啊,到時渣都冇
龔成老師︰
若母公司出事,的確有機會出現,母公司要沽出恒大物業(6666)股權套現還債的情況。如果真係出現,的確會令股價受壓。
但你要記住,我地投資係睇長線,和企業本質。恒大物業(6666)負債情況,無母企咁差,加上物管行業,預期未來會發展得唔錯,因此有投資價值。
不過,集團大部份物業,都係來自母公司。故母公司出問題,令發展減慢,有機會會影響到集團發展。
當然,這些都是未知之數。以現時狀況計,恒大物業(6666)都有投資價值。如果你真係較擔心佢前景,你可以沽出部份,去平衡風險。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
兆華與股惑仔 在 君子馬蘭頭 - Ivan Li 李聲揚 Facebook 的最佳貼文
[辰衝執笠我其實好心涼]當然係私人恩怨。但童年陰影,我由六四之前忍到而家!卒之可以爆!四千字!大量粗口同負能量。自己睇路
話時話,呢排記得keep 住like and share,主動入嚟睇,同埋設定做see first.真係搵食艱難。但感激大家,Keep住做,呢排啲Reach係好返好多的,但唔好鬆懈。一個都不能少呀
TL:DR – 店大欺客白鴿眼。門高狗大,文化界陸羽。我廿年冇去過。你懷念乜柒前,最好計下你過去廿年幫襯咗幾多錢。
1. 大量粗口同負能量,不喜勿入。睇嘅後果自負。拿,我平時都文都粗口。都仲warn 你,咁真係好大量。即係個四川人煮嘢畀你都叫你小心辣,自己睇路。先屌辰衝,再屌偽文青
2. 小小嘩眾取寵,但係真的。當然係私人恩怨講起,唔係咩好大件事。你可以當係好似施永青聖誕節(https://bit.ly/39Gwr00)嘅童年陰影
3. 有人話唔應該幸災樂禍。好似係。但我更不能接受虛偽,既然我咁諗,就咁寫。唔通我寫篇文「懷念辰衝」?我做唔到。況且,其實好多人都係幸災樂禍,你同我都係。我肯定我今晚橫屍街頭,一樣好多人好開心開香檳慶祝。我而家只係行使返我應有嘅權利。至於失業嘅員工?咁我又唔係因為有人失業好開心。我係因為佢執笠好開心啫。正如你買中經濟爆煲賺好多錢,唔等於你係因為有人跳樓而好開心。
4. 無數咁多人可以證明,我係一個愛書人,亦係一個鍾意行書店嘅人。況且我鍾意睇實體書(咁當然我都有Kindle),亦會真係行書店,唔係去打卡買文具飲高糖奶茶做偽文青。
5. 咁當然,愛書人呢啲,睇你用咩標準。其實好多爭拗都係,睇你用乜標準。你可以話我好廢都得架,你可以話我好窮都得,睇你同咩人比。霍建寧你都可以話「打工仔之嘛」,「大劉嗰啲先係有錢」。大劉你都可以話唔係真富豪架,「Jeff Bezos嗰啲先係有錢」。Jeff Bezos好叻咩?咪又係離婚。一定可以搬到你自己開心的。
6. 咁所以,肯定更多人比我更愛書局,唔使出嚟挑機。好似我所有嘢都係咁,好多嘢都識啲,但冇一樣好精,狐狸嘛。好多嘢我都有興趣(火麒麟嘛,當然包括埋《火麒麟》),但冇一樣去到極沉迷。有人(例如 高天佑)當我係港產(爛)片之鬼,我話佢知,你知你真係未見過junkie(*)
7. 講返,作為一個適度嘅愛書人,行書店嘅人。辰衝真係算係我童年陰影。點解?因為店大,欺客,白鴿眼,扮撚晒嘢。識英文好巴閉?
8. 當年我只係小學雞,出城,海港城添呀。應該老豆帶我出去,咁老豆一向都放任政策。咁我都話我係愛書小朋友,梗係行書局。咁我入去睇,你老味丫,同我講英文。大家中國人(!)做乜要講英文?咁我問佢,有冇中文書啦。佢先好不情願咁同我講:我地呢度只係賣英文書架小朋友
9. 你老味丫!1997快些到吧!(當時應該係88/89年)。易酒酒切,易酒酒切。(**)
10. 時間過咗幾年,我卒之識講英文。雖然未97,但去到樂道嗰間辰衝,即係而家執嗰間。依然係咁嘅華人與狗嘅態度,好似變咗講中文,但一樣係不可一世嘅買辦嘴臉,十問九唔應,唔憂做。我覺得,「漢奸」就係咁上下款。佢態度就係話我知:牛屎仔,你識英文咩?睇玉郎漫畫啦你。
11. 就咁?係呀。就只係咁。後來就真係1997,我就英文拎咗個B,我睇好多英文書。但我一撚次都冇去過辰衝。一撚次都冇。一次都冇撚去過!
12. OK,完全係我廿幾年前嘅童年陰影。你可以話我知你去到人地對你十分親切,或者係我樣衰,或者係我人必自侮然後侯姆斯。隨你。反正你改變唔到我點睇,亦改變唔到佢執笠嘅命運。你攻擊我你好過啲嘅,be my guest (呢句肯定唔係辰衝教我)
13. 但,而家,我見到一片哀號,無病呻吟。呢個又「一個時代的終結」(廢話,求其一間邪骨畀人掃你都可以話「一個時代的終結」),一係又「細細個去開」(咁使唔使懷念百人一朱?我去百人一朱肯定多過去辰衝),嗰個又「香港容不下一間書店」(我咁多年去咗邊買書?),甚至係「香港大陸化又一步」(講嘅應該冇撚返過大陸去大陸嘅書店,何止英文書?法文書俄文書都大把)
14. 我就真係不得不講,賤人就是矯情,get a fucking life 啦。
15. 任何人,懷念辰衝,懷念乜乜之前。唔該,你幾多年冇幫襯過?你幫襯過幾多錢?我敢估,絶大多數人,過去廿年去辰衝使嘅錢,唔會多過你去一次日本,或者食一次米芝蓮兩星。你在辰衝一年用到幾百蚊嘅,你就有資格懷念啦。否則?阿叔食碟牛肉都唔止。
16. 既然人人都冇幫襯,咪即係間嘢唔掂咯。資本市場,有幾撚難明?咁,有乜撚嘢好懷念?固然邏輯撚可以話,我可以又懷念日本又懷念米芝蓮又懷念辰衝,冇衝突。咁你都幾撚忙,同幾濫情。懷念用得多,自然唔值錢。你見個女仔條條仔分手佢都要割脈嘅,唔係代表個個佢都愛,係個個佢都唔愛,佢最愛佢自己,明冇?仲唔明?咁請睇返第14段
17. 我唔知幾時開始,個城市變得咁撚虛偽。肯定丘世文去辰衝嘅年代唔係咁。(放心,呢本書當然唔係在辰衝買,人地巴撚閉唔賣中文書)
18. 但凡乜鬼老店執笠,偽文青定必打卡,排隊幫襯,嘩我好唔捨得。借問聲,先生你對上一次幾時幫襯?原來係梁振英做緊特首嗰時。根本有好多老店,係死有餘辜嘅。銅鑼灣SOGO後面果間乜鬼麵家話?屌你,污糟到仆街。你同女神去食我包你嗰晚食自己(或者行過啲上富士山。點解SOGO行過啲係富士山?你懂的)
19. 唔止,連麥當勞執笠都有人要懷念。又唔係黑心企業地產霸權了。最撚戇鳩莫過於係話地產霸權迫走麥當勞—我屌!麥當勞自己咪做地產(https://fbook.cc/3D3T)!本城有幾戇鳩同虛偽,又一示範。(所以記得睇本Page,比別人知得多。仲要睇《明報》)
20. 即係,灣仔永華麵家(已死)。我一年食十次八次,唔敢話熟客。但比好多人去得多。執笠嗰時?咪又係一街懷念。但明明之前我見港女又嫌污糟,又話人四十幾蚊碗雲吞麵好貴,三十幾蚊碗紅豆沙好貴。仆街你食一風堂啲味精水成舊水就唔撚貴。哦人地拉麵有象人精神,但一風堂唔撚係象人精神下話?當年美心未係藍店都係咁話。況且根本日本嘅一風堂都冇象人精神啦!
21. 永華就真係好食(本人覺得)。問題係,咁爽,不如你去做丫?你估日日挫竹昇麵好過癮?我肯定挫竹昇妹(或仔)好玩啲。人地就托搭咁早起身,挫撚到生痔瘡,等你啲文青平時就唔幫執,執笠就嚟打卡。(https://bit.ly/2CUrlBd)
22. 講開沙田麥當勞執笠,唔止,連商務執笠都有人懷念。媽媽咪亞。又唔係三中商邪惡集團了。更甚者,甚至有人話「商務印」。可見本城嘅文化程度有幾高。(***)
23. 真的,你鬧都好,對我成長最大影響,唔係辰衝,係商務同三聯。特別係商務。好簡單,因為細個屯門八佰伴,就有間商務。我老母同啲姨媽咩去行街搞大半日,我就自己去商務睇書,乜都睇。睇到八佰伴播散場音樂。睇咗好多,好多書。
24. 時間再早少少,我小學雞時,我地年代邊撚有乜鬼遊學團。暑假最有建議性嘅嘢,就係我老母踢我去仁愛堂(唔知邊度?有冇睇《古惑仔戰無不勝》?)學乜學物。當年佢嘅得意之作,包括書法班啦(哈哈哈),游水班啦(哈哈哈)。基本上學嗰樣衰嗰樣。
25. 但我仲會偷偷地走去田家炳圖書館。細細個我就睇晒兒童圖書館嘅書咁滯(!),走去睇成人圖書館!可惜係冇成人封物睇。開頭黎巴嫰人(librarian 是也)仲會阻止我,但後來見我咁好學,又唔會出聲,根本就已經次次都放我過去。
26. 仲有咩書店對我大影響?誠品啦。當然係台北。但當然我第一次去台北已經係2008年嘅事。誠品以可以打書釘出名大家知啦,加上台灣舖頭大,當時又未咁撚多香港文青去,又開通頂,十分好的。
27. 英文書?Page One咯。又係海港城。不過我記得唔係辰衝原本個舖,辰衝在海洋中心,丘世文就係去嗰間辰衝。又一城店我去得仲多。有冇話你知有一期我在浸會返暑期工?係呀,Page One,商業化。都痴撚線。賣書梗係商業,唔通工業?
28. 仲有乜?眾多二樓書店(同樣地,當有人問「二樓書店」在邊,你可以當呢個人係唔去書店嘅,正如我朋友教煮送,有人舉手問「萬年油」在邊買)。迫係迫啲架啦,但至少任你揭。仲有,嗰啲佬(好少有後生仔,女就更加少),有問必答。我都話,好多而家嘅店員,連自己份工都冇尊重過。
29. 講呢啲做乜?拿,呢啲先係好書局,先係幫到新界西成長(此處新界西唔係地名,係人種)。開書局,你理應係放低個門檻,等更多人接觸到。唔撚柒係變成書店陸羽,西口西面(但又我去陸羽咁多次都冇畀人西口西面)。我知,租貴,唔好混吉打書釘—但我講緊1988年喎。租貴?今朝剛睇到,舒利亞當年今日轉會布力般,三百萬鎊,英國紀錄。
30. 講到尾,我最不滿辰衝,係嗰種偽知識份子嘅傲慢。仆街丫,你開書局咋,你PhD in 吹蕭?多得之後有其他書局,我先學到好多嘢。
31. 鬧咗三千字。好簡單,一間根本冇乜人幫襯嘅書店執笠(況且只係執一間實體店),有乜好懷念?華僑日報執笠嗰時你有冇懷念?一份冇乜人睇嘅報紙執笠,唔代表報業收檔。正如一間冇人去嘅書店執笠,不代表書店收檔—雖然其實都係慢慢死亡,所以,慳返啲時間懷念其他書店啦
32. 留意成篇嘅大調,其實同我平時嘅價值好似唔同。埃汾係「精英主義」嘅,最好上網要考牌,唔識基本英文嘅,對好多話題應該冇發言權。我識嘢多過你,當然係我講,唔係你講。但呢個情況真係唔同:我冇阻止任何人去睇多啲書(我次次都叫人「讀多幾年書先」),我冇覺得知識應該係某啲人嘅專利。只係認為你冇知識前應該shut the fuck up.但辰衝呢類白鴿眼,未必有心,但事實係阻礙阻知識嘅傳播。亦見到英殖有幾好 — 但1997一到,你就時辰到。唔係共產黨,而係有互聯網,有亞馬遜。我仲使去睇撚你面色?
33. 對,我係贊成知識門檻應該低—但前題你要尊重知識。但,DK Effect嘛,越係唔撚識嘢嘅嘢,就越大聲。
(*)有套戲叫《戰 無雙》,熊欣欣導演,蔣璐霞李燦琛張兆輝主演,陣容唔差,但套戲票房係327蚊 — 而我朋友有份入場!(https://bit.ly/3g7wkNn),套戲只係在天水圍平日日頭上過兩場,睇過嘅應該五六條友。我朋友係其中之一,呢啲就高手!
(**)冇錯係瀋陽姑娘艾敬嘅《我的1997》。我推介你睇我朋友胖企鵝寫嘅文 「香港 香港 怎麼那麼香?」--艾敬的1997(https://bit.ly/2P4oGHK)。仲有 黃家駒的《大陸情人》(https://bit.ly/2DhlRQE)。黃家駒唱嘅《情人》,原本係叫《大陸情人》。童年崩壞未?原本曲中主角就係北姑艾敬。但放心,搞北姑嘅係劉卓輝。呢兩篇文真係好睇。「東區走廊,我有份起架」。篇文我冇份嘢,胖企鵝唔係我徒弟—但佢係睇我嘅文大。唔止,高天佑都話睇我嘅文大。可見我好老。但,所謂生命影響生命,就係咁。
(**)再講一次,係「商務—印書館」,唔係「商務印—書館」。係「蘋果—動新聞」,唔係「蘋果動—新聞」。之前有單新聞,證監批「飛尚非」 股權高度集中 。間嘢叫「飛尚非金屬」。以前做節目有觀眾問「天化工」362,間嘢叫「中國天化工」。關公係「漢壽—亭侯」,唔係「漢—壽亭侯」。不過「一生愛錯放你的手」點讀,問返張宇(其實係問佢老婆)
————————————————————————————————
最新收費影片:第一次推介跑贏大市,同你回顧檢討下。仲有新推介。40分鐘,都係賣返$80
簡介及以前嘅片(未睇可訂):https://bit.ly/3iYMD0F
報名嘅,課程編號CC006:https://bit.ly/3eXVX1K
報完名交咗錢,呢度log in:https://bit.ly/3gYXu9e
之後按最頂「按此觀看」就得
仲搞唔掂嘅,睇埋下面,或者搵客服,或者PM我。
-------------------------------------------------------------------------------
【最新李聲揚收費影片】題目: 回顧第一段專欄片有幾勁!今段落多幾個Number賺死你!40分鐘,都係賣返$80
影片/課程編號:CC006
播放平台:https://homebloggerhk.com/web-class-player/
付款及收看步驟:
1/點擊報名收看 [影片/課程編號:CC006]
2/利用信用卡網上付款
3/及後有登入資料可以立即收看
查詢:whatsapp 63832145