返到屋企了....☹️ 話說今日帶兩位公子出去踩單車 返到屋企見到主子細佬咀邊滴血🩸😱 初初以為下巴r損咗 用濕紙巾幫佢印 點知愈印愈多血 望吓下巴又冇損喎 跟住擘大佢個口 發現佢成口都係血 見到佢個口震吓震吓咁就知佢好痛😖 但又搵唔到邊度有傷口 即刻上網搵24小時診所🏥 搵咗幾間 有間獸醫聽到情況話唔接😠 有啲話要預約，星期二先有得睇🤯 啲血流到爸爸聲仲話要等幾日？😡 好彩搵到間元朗24診所 聽到情況後叫我哋半個鐘過去 老公即刻執嘢帶細佬出去 我就幫細佬抹血 愈抹愈多 嚇到我忍唔住係咁喊😭 因為唔知係咩事 好驚係口腔潰爛/生腫瘤 直到老公帶細佬出去 我抹乾眼淚扮冇事睇住兩個仔 哥哥問我：「細佬係咪死喇？」 我話唔係，細佬唔舒服去睇醫生啫 佢問：「咁細佬會唔會返嚟㗎？」 我話一定會，我哋要相信細佬 弟弟問：「媽咪點解你喊？」 係囉，要對細佬有信心，所以唔可以喊㗎 後來老公打俾我 醫生同細佬抽咗血，打咗麻醉 先睇到原來細佬脷底有個傷口 大約2cm長 醫生幫佢縫咗針同吊鹽水 叫我哋12am再返去接佢 12am我同老公一齊出診所接細佬 佢已經醒返 好彩冇咩大礙 驗血報告話因為佢凝血差，所以流血不止 就咁睇傷口唔知咩原因整親 Anyway算係不幸中之大幸 感激搵到間診所可以即時幫細佬止血🙏🏻🙏🏻🙏🏻 （初初仲驚係黑店嚟） 好睇唔駛留院咋 細佬驚到震呀 細佬你要快啲好返呀🙏🏻🙏🏻🙏🏻 媽咪唔嚇得㗎.... #同朋友講細佬睇急症 #佢哋以為係細仔 #問我點解去元朗唔去仁安 #我講得唔清楚sorry😅 #第一次去睇急症 #成個人慌晒 #仲未諗到點解脷底會受傷 #check過貓碗又冇崩喎 #你乖乖地戴頭罩兩個星期先啦 #cats #香港貓 #catstagram #vet #hkvet

【HKT2230更新】 女狗主表示喊到失聲，無法通話，文字回應指漁護署職員在元朗維多利亞診所帶走狗狗屍體，需解剖屍體檢驗死因。她續稱，案件現由屯門重案組接手調查，並已返回兇案現場搜證。 【村屋虐狗案】#詳細報導 元朗有男租客懷疑不滿村屋另一住客的半歲黑色貴婦狗瀨尿，將狗狗 #虐打 至重傷，及後搶救無效不治。狗主的母親指，男租客雖承認傷害狗狗，但毫無悔意，更自稱與元朗區的警員稔熟，錄口供後已離開警署，而男租客的行為亦激起網民公憤。 據稱事發於5月28日凌晨，女狗主於午夜過後一度外出，出門前將6個月大黑色貴婦狗「汪汪」放在房間床上。約三小時後女狗主回家時，呼喊狗狗名字時並沒有回應，推開房門時便發現狗狗睡在床尾動也不動，再上前查看汪汪時，便發現牠已失去知覺無法動彈，只能控制眼球望向主人。 女狗主即時向男租客了解事件，對方指狗狗於床上瀨尿，「我無打佢啊，我只係掉佢(汪汪)落床咋！」女狗主馬上抱汪汪前往24小時寵物診所，經獸醫檢查後，發現頭部受到重創，胃部出血，眼角爆裂已變型，還有汪汪頸部有一個十元硬幣大小傷痕，懷疑被人扯甩毛髮，汪汪經過搶救後最終不治。 一名自稱狗主母親的網民於Facebook發文，指他們一向視汪汪為屋企人，指狗狗慘死令他們一家極為心痛，而女狗主到翌日仍然攬著汪汪遺物痛哭。她又希望狗狗安息，可以去到一個不痛的地方。 狗主母親又指，曾打電話質問男租客打死狗狗的原因，「佢仲哈哈笑住同我講，我打死只(隻)狗啫，又唔係打死你個女，元朗啲差佬我識晒，我到元朗差館依家出嚟啦」續指對方認為狗主反應很好笑，不理解何以因一隻狗而哭。 另外有消息指，女狗主房間平時沒有上鎖，方便汪汪出入，而村屋寓所內沒有安裝閉路電視，男租客最近搬到村屋二樓，二人為多年不見的朋友。 不少網民都對事件感到非常憤怒，紛紛替狗主感到難過，希望集合力量替狗狗尋回公道。網民貴樹建議狗主一家尋求律師協助，以及診所醫生的報告佐證，不能讓殺狗兇手毫無後果，否則狗狗不會走得安樂。網民瑪莉則指 「同人合租真係要問清楚，唔係每個人都有愛心，有啲人天生係無」。網民Joyce Chan表示「要幾冇人性先可以落到手，動物只係第一步，遲早對人都落到手！ 絕對唔可以縱容呢啲性格扭曲既人！」而網民Queni Wong則指現時判刑過輕，欠缺阻嚇性。 根據 第169章《#防止殘酷對待動物條例》 第3(1)(a)條 ，任何人如殘酷對待動物（包括哺乳類動物、雀鳥、爬蟲類動物、兩棲類動物、魚類或其他有脊椎或無脊椎動物），無論牠們是野生或已被馴養，都屬違法和可處懲罰。本條例最高刑罰為監禁三年或罰款200,000元。警方或漁護署都有權檢控。公眾人士如目睹任何懷疑虐待動物行為，請向警方、漁護署或愛護動物協會舉報。 城城希望汪汪在彩虹橋另一方安息，在此向汪汪的家人致以深切慰問。 ===================================== ✨想分享溫馨動人毛孩故事，或者得意相片影片？ 歡迎開心Share，DM #毛城城 #MoCityHK！ ===================================== #香港動保 #香港動物保護法 #動物保護法 #虐待動物 #香港狗狗 #hkdoggphotography #hkdoginstagram #hkpetstagram #香港寵物 #dogHK #puppyHK #HKPet #dogstagramHK #instadogHK #HKdogs #hkdoglover #hkdoggie #hkdoggy #hkdogcommunity #HKdogowners #hkdoggphotography #hkdogstagram #hkanimallover #hkdogclub #hkpuppylife