#非廣告 #超長文慎入
最近比較忙，有啲廣告要拍、有電視同電影嘅工作、又忙緊寫書、仲要搞下個月去俄羅斯採訪嗰啲嘢；所以，呢個 #世界盃集圖冊回憶 嘅下集就遲咗寫。
.
上回提到，自己爆咗兩盒一共100包之後仲爭240幾張。之後爆多盒，個命中率低到得人驚，一路拆就一路灰，結果第三盒得50幾張有用；喺...
#非廣告 #超長文慎入
最近比較忙，有啲廣告要拍、有電視同電影嘅工作、又忙緊寫書、仲要搞下個月去俄羅斯採訪嗰啲嘢；所以，呢個 #世界盃集圖冊回憶 嘅下集就遲咗寫。
.
上回提到，自己爆咗兩盒一共100包之後仲爭240幾張。之後爆多盒，個命中率低到得人驚，一路拆就一路灰，結果第三盒得50幾張有用；喺開咗150包之後，我仲爭180幾張。正如上集所講，細細個已經知道呢個遊戲嘅精粹 - 交換。網絡世代，換貼紙比之前方便得太多；我入咗個Facebook嘅貼紙交換Group，喺各位師兄幫手之下，而家只係爭廿張唔夠，應該好快就可以衝線，唔該晒咁多位先。
.
講起呢本世界盃集圖冊，真係有好多回憶；同細個玩嘅所有嘢一樣，呢本嘢同樣有好多你永遠只會喺嗰啲睇落好「權威」(話自己識好多玩具舖老細乜乜乜)嘅小學同學口中聽到、但你自己就一世都冇遇過、又或者直頭無法子證實係真定假嘅都市傳說。而家仲記得嘅，大概有以下呢啲：
.
- 每盒嘅第一包一定有閃(呢個好多年前已經知流)；
- 買散裝唔可以連續兩包咁攞，一頭一尾先冇咁易重複；
- 買盒裝，唔好喺同一間文具舖買，要分幾間買先唔會撞得咁應(小學雞時代直頭聽過有人專登過海，話跨區買先最好🤪)；
- 初初出嗰陣爆得再多都係冇意思嘅，因為有啲冧巴嘅貼紙根本未出，爆一千盒都唔會齊(呢個我其實覺得唔係冇可能，做生意實係咁做㗎啦，不過同時又見到好多師兄話咁快就儲晒；有啲貼紙數量比較少就肯定係事實。今屆我儲港版670，而家差三張白貼：191、215、519；再對一對其他師兄個List，見到唔少人都係爭呢啲，又或者呢三張嘅重複數量好似比較少咁)。
.
大致係咁，諗到再加；當然，好多都係得啖笑啦。
.
四年先儲一次，平時你係未必會專登摷本嘢出嚟睇嘅。但每次到咗呢個四年一潤，可能受氣氛影響，又或者因爲群眾壓力，你對貼紙嘅興趣會突然非常咁高漲。你會屎忽痕睇返以前啲Collection，見到齊晒你會覺得好滿足；見到漏咗幾張/本，你會有啲遺憾；而家資訊發達，你嘅「財力」亦比小學雞年代好，所以，你會突然好想儲番齊佢。
.
講緊嘅嗰個，冇錯，其實係我。我1986年嗰屆開始儲，呢排睇番啲舊集圖冊，原來我係斷咗2002年嗰屆(06年嗰本喺老家)。嗰陣唔記得咗係因為失戀冇心機吖，定還是覺得自己大個仔唔再玩啲咁嘢嘞，總之就係冇儲到啦；去ebay搵下，見到有人一本Album加一套貼紙咁賣，千幾蚊港紙，算合理啦，我諗如果自己當年有儲嘅話，怕且唔止呢個價錢；上年巴西世界盃，未儲晒已經要出發去里約熱內盧採訪。不過年代近就方便得多嘞，上發行商嘅官網，或者用佢哋個App補購，甚至香港好多師兄都仲有喺手。
.
比較頭痛嘅係1998年嗰屆。嗰本點解冇貼晒，已經唔太記得，總之就我而家想儲番晒佢啦！廿年前嘅嘢，連官網本身都唔齊，ebay有又勁貴；試過喺香港Group問，有個師兄有廿幾張，但同佢買完之後都仲係爭好多呀，如果邊位朋友仲有嘅話，不妨聯絡下小弟；而家睇返，98年嗰本有啲格數只得人名冇冧巴(例如科拿咁)，不過個號碼又跟住跳㗎喎；伊朗就直頭全隊都冇，唔知點解。
.
早年香港仲會有中文版本，去到1994年嗰屆之後先正式同國際版「接軌」；同埋年期遠嘅香港版係唔會隊隊有齊咁多個球員嘅，連阿根廷都係得幾丁友；印象深嘅仲有1990嗰屆，有張海報畀你用多出嚟嘅貼紙砌自己鍾意嘅陣容。見到當時好明顯亂貼啦，搞到雲巴士頓打中場、古烈治走去踢前鋒；睇番自己小學雞年代嘅字跡、睇番當時香港電話仲係七個字、睇番貼圖冊後面代表香港個Logo由港英旗變成特區旗、睇住本嘢同啲貼紙加價(不過老實講，廿年前本書同每包貼紙分別$30/$5，廿年後就$50/$6，算係咁)；所以話，我哋儲嘅唔單止係貼紙，而係一個時代呀！(所以唔好再話玩呢啲嘢無益🤣)
.
講番而家嘞。話說我嘅座右銘係：家一係唔敗，一敗就要敗到盡；雖然今屆嘅港版670就嚟儲晒，但係睇下睇下，見到金版實在太太太太太吸引，所以下定決心，要開多條戰線！上網見到有人話Gold Edition硬皮連一百包貼紙嗰個Collectors Box只會送瑞士地址，但係官網就話香港都送，唔知係點㗎呢？仲有，請問有冇朋友玩金版㗎？有嘅話，等埋我呀～～～ #stickers #hobby #collector #worldcup #hongkong #hk #hkig #hkiger #collection #collecting #memory #memories #childhood #童年回憶 #kidult #happy #exciting #excited #lol #fun #funny #fifa #fifaworldcup #fifaworldcup2018 #sports #soccer #football
傳說之下中文補丁 在 伍家謙 Facebook 的精選貼文
#非廣告 #超長文慎入
最近比較忙，有啲廣告要拍、有電視同電影嘅工作、又忙緊寫書、仲要搞下個月去俄羅斯採訪嗰啲嘢；所以，呢個 #世界盃集圖冊回憶 嘅下集就遲咗寫。
上回提到，自己爆咗兩盒一共100包之後仲爭240幾張。之後爆多盒，個命中率低到得人驚，一路拆就一路灰，結果第三盒得50幾張有用；喺開咗150包之後，我仲爭180幾張。正如上集(文尾有傳送門)所講，細細個已經知道呢個遊戲嘅精粹 - 交換。網絡世代，換貼紙比之前方便得太多；我入咗個Facebook嘅貼紙交換Group，喺各位師兄幫手之下，而家只係爭廿張唔夠，應該好快就可以衝線，唔該晒咁多位先。
講起呢本世界盃集圖冊，真係有好多回憶；同細個玩嘅所有嘢一樣，呢本嘢同樣有好多你永遠只會喺嗰啲睇落好「權威」(話自己識好多玩具舖老細乜乜乜)嘅小學同學口中聽到、但你自己就一世都冇遇過、又或者直頭無法子證實係真定假嘅都市傳說。而家仲記得嘅，大概有以下呢啲：
- 每盒嘅第一包一定有閃(呢個好多年前已經知流)；
- 買散裝唔可以連續兩包咁攞，一頭一尾先冇咁易重複；
- 買盒裝，唔好喺同一間文具舖買，要分幾間買先唔會撞得咁應(小學雞時代直頭聽過有人專登過海，話跨區買先最好🤪)；
- 初初出嗰陣爆得再多都係冇意思嘅，因為有啲冧巴嘅貼紙根本未出，爆一千盒都唔會齊(呢個我其實覺得唔係冇可能，做生意實係咁做㗎啦，不過同時又見到好多師兄話咁快就儲晒；有啲貼紙數量比較少就肯定係事實。今屆我儲港版670，而家差三張白貼：191、215、519；再對一對其他師兄個List，見到唔少人都係爭呢啲，又或者呢三張嘅重複數量好似比較少咁)。
大致係咁，諗到再加；當然，好多都係得啖笑啦。
四年先儲一次，平時你係未必會專登摷本嘢出嚟睇嘅。但每次到咗呢個四年一潤，可能受氣氛影響，又或者因爲群眾壓力，你對貼紙嘅興趣會突然非常咁高漲。你會屎忽痕睇返以前啲Collection，見到齊晒你會覺得好滿足；見到漏咗幾張/本，你會有啲遺憾；而家資訊發達，你嘅「財力」亦比小學雞年代好，所以，你會突然好想儲番齊佢。
講緊嘅嗰個，冇錯，其實係我。我1986年嗰屆開始儲，呢排睇番啲舊集圖冊，原來我係斷咗2002年嗰屆(06年嗰本喺老家)。嗰陣唔記得咗係因為失戀冇心機吖，定還是覺得自己大個仔唔再玩啲咁嘢嘞，總之就係冇儲到啦；去ebay搵下，見到有人一本Album加一套貼紙咁賣，千幾蚊港紙，算合理啦，我諗如果自己當年有儲嘅話，怕且唔止呢個價錢；上年巴西世界盃，未儲晒已經要出發去里約熱內盧採訪。不過年代近就方便得多嘞，上發行商嘅官網，或者用佢哋個App補購，甚至香港好多師兄都仲有喺手。
比較頭痛嘅係1998年嗰屆。嗰本點解冇貼晒，已經唔太記得，總之就我而家想儲番晒佢啦！廿年前嘅嘢，連官網本身都唔齊，ebay有又勁貴；試過喺香港Group問，有個師兄有廿幾張，但同佢買完之後都仲係爭好多呀，如果邊位朋友仲有嘅話，不妨聯絡下小弟；而家睇返，98年嗰本有啲格數只得人名冇冧巴(例如科拿咁)，不過個號碼又跟住跳㗎喎；伊朗就直頭全隊都冇，唔知點解。
早年香港仲會有中文版本，去到1994年嗰屆之後先正式同國際版「接軌」；同埋年期遠嘅香港版係唔會隊隊有齊咁多個球員嘅，連阿根廷都係得幾丁友；印象深嘅仲有1990嗰屆，有張海報畀你用多出嚟嘅貼紙砌自己鍾意嘅陣容。見到當時好明顯亂貼啦，搞到雲巴士頓打中場、古烈治走去踢前鋒；睇番自己小學雞年代嘅字跡、睇番當時香港電話仲係七個字、睇番貼圖冊後面代表香港個Logo由港英旗變成特區旗、睇住本嘢同啲貼紙加價(不過老實講，廿年前本書同每包貼紙分別$30/$5，廿年後就$50/$6，算係咁)；所以話，我哋儲嘅唔單止係貼紙，而係一個時代呀！(所以唔好再話玩呢啲嘢無益🤣)
講番而家嘞。話說我嘅座右銘係：家一係唔敗，一敗就要敗到盡；雖然今屆嘅港版670就嚟儲晒，但係睇下睇下，見到金版實在太太太太太吸引，所以下定決心，要開多條戰線！上網見到有人話Gold Edition硬皮連一百包貼紙嗰個Collectors Box只會送瑞士地址，但係官網就話香港都送，唔知係點㗎呢？仲有，請問有冇朋友玩金版㗎？有嘅話，等埋我呀～～～
世界盃集圖冊回憶上集：https://www.facebook.com/NgKaHimVince/posts/1893116587417627
由小弟負責嘅網上體育頻道Hkonlinetv Sports，而家招募緊青年朋友同我哋一齊去俄羅斯採訪世界呀：https://www.facebook.com/HkonlinetvSports/…/1506899866102887