星廚的新衣
香港JW萬豪酒店的萬豪金殿中餐行政總廚鄧家濠全新訂制的廚師服，設計概念完全把師傅內心的一團火展現。
認識Chef Jayson 6年，由當年國金軒大廚到今日的米芝連一星萬豪金殿中餐行政總廚，成功非僥倖。當年在國金軒第一次品嚐佢嘅菜式，已經覺得此魚並非池中物，創新之餘亦不失傳統中菜的根基；到2016年佢嘅首個情人節餐單，為咗一晚而重新設計的菜式，故事串連、味覺的高潮起伏等，令我至今仍然深深烙印腦海之中。
如果你單純覺得Chef Jayson 烹調的菜式創新又好味，令你味覺層次輪廻驚訝，朋友你太天真了！
當你深入了解他的每一道菜色，你會發覺其實佢對傳統中菜的一腔熱誠，希望以一種全新嘅方法演繹傳統中菜，無論在食材的選用、烹調科學的運用、及西廚料理的哲學，以新角度詮譯，但亦不失傳承中菜根基的理念；並非一道名菜走百年，更不會為fusion 而fusion!
全新廚師服保留傳統那種唐裝經典廓型，胸部加入中國民間手工盤扣，盤扣是一種備受尊敬的中國傳統手工藝術品，拼搭在廚師服上即時提升時尚格調，亦有向不朽經典致敬。盤扣對上放棄咗標誌性的中式立領，改以西方開放式V企領，代表師傅在傳統中式基本功上，開放思維、融入西方烹製哲學技巧，令每道菜式在傳統基礎上，也能挑戰前所未有的嶄新配搭，盡情探索無限的可能性，這亦是他內心對傳承中菜的一團火。

#有故事的廚師服
#我就是我
#是顏色不一樣的煙火
#傳承
JW Marriott Hotel Hong Kong JW Marriott Jayson Tang

📣想觀看完整訪問影片？🎥即到 www.lateshow.net

【喱週｜手雕麻雀工藝隨時失傳 90後紋身師學雕全新一筒】
手作工藝，總是帶着一份人情味，因為每份成品都透露着工匠們對客人的心思。然而即使在這個支持小店的時代，仍然有不同手工藝漸漸失傳。它們或曾盛極一時、或曾是某人的兒時回憶。佐敦一間老字號，繼續堅持製作手雕麻雀。

手雕麻雀可以貴至1000元一隻，到底在數百元便有一副麻雀的環境下，手雕麻雀還有甚麼價值？這次新一代紋身師Kevin嘗試親自找出答案。他帶同自己繪製的麻雀設計圖，拜訪手雕麻雀師傅景叔，學習如何雕出一隻獨一無二的麻雀。在傳統工藝與新式設計的合作下，希望可以讓更多人認識這些碩果僅存的技術，好讓它們不致消失於世上。

_____________________________

《喱週》頻道現已上架！VIP會員獨家收睇！
💻即刻到 www.lateshow.net 登記及繳付會費，成為「喱騷」會員後，就可以睇到精彩節目！記住，只有網站先俾到會費㗎！ 完成晒以上步驟，就可以喺App收睇節目～
📲下載「喱騷」App： IOS用戶：http://apple.co/2Nr1l5e Android用戶：http://bit.ly/37bZYi7 如對「喱騷」網站同App有任何疑問，可send email到lateshowclub@gmail.com。

80後杭州工業設計師陳旻，憑藉一把竹子做的“杭州凳”，掀起了全世界對於中國大陸傳統設計工藝的關注。著名的設計雜誌《ICON》稱他為“中國大陸最具天賦、最懂手工藝的設計師”；倫敦設計博物館、法國蓬皮杜藝術中心都爭相收藏他的作品。 2020年，陳旻請到了設計、工藝界的翹楚，與中國大陸許多瀕臨失傳的手工藝進行再創作，陳旻說：“中國大陸默默無聞的匠人太多了，安靜做事情的人，理應受到更多的關注。

#竹子 #手工藝 #設計 #YYIT

影片授權：一条 YIT

杜煥，本地藝術家，人稱「Sugarman」，在長洲賣傳統手工麥芽糖公仔。

嚮往純樸生活，長大後原居於南丫島，貪其沒有車來攘往的大街，卻因租約期滿而被迫離開，及後搬到長洲，迄今十七年。落地生根，八年前更與太太租了一個納米鋪位，位處小街角落，最初打算賣些傳統雜貨，後來學會了做糖，續展開賣糖生涯。

年約四十歲才開始學習手製麥芽糖公仔，好不容易。問他是否希望傳承這種碩果僅存的手工藝？「糖人」笑言自己沒那麼偉大，「純粹係自己鍾意！」。

他說遷居長洲後，發現島上仍保留濃厚傳統文化，即勾起他兒時美好回憶，「好多細個有、（現時）失去咗嘅傳統文化，喺呢度見番，而且人流又幾多，令我都考慮開一間鋪，做啲傳統、有特色嘅手工藝。」

此際他憶起小時候在鄉下潮州，不時有人騎着單車到村口賣麥芽糖公仔，「聞到麥芽糖嘅香味真係流晒口水！」小孩總是一窩蜂擁上前觀看，「雖然（當時）無錢成日買呢啲糖，但就成日去睇佢點做，細個睇到唔捨得返屋企。」他笑言那刻就被迷倒了，自此念念不忘。


他亦留意到，長洲島上不時有人在戲棚外賣麥芽糖公仔，惟造型參差，慨嘆曰：「嘩！同我以前見嗰啲爭好遠！我覺得唔掂喎！細個見到嗰啲好細緻嘅，譬如話整個唐僧取西經，揸（騎）住隻馬去，著住件袍，；整個沙僧，直情有晒鬚，有晒一粒粒珠，清清楚楚喺度。長洲見到嗰啲白濛濛、實色嘅，糖嗰種通透感都做唔到出嚟，既然你做唔到囉，咁就我嚟做啦！」

原來自學做糖的動力，單純是為了尋回兒時的味道。

萬事起頭難，最初他連糖公仔的原材料也搞不清楚，遑論製作過程，因此走去請教賣糖的人，對方不願透露，「咁我咪惟有自己嚟囉！」

起初，他想起小時候看過的麥芽糖公仔，賣糖的人總是使用一塊塊的糖，他推斷那是冰糖，「第一次整就用冰糖，擺落隻碟度，開住個火，煮溶咗之後就燶咗，一拎上手好快就硬晒，有個朋友拎咗一粒嚟試下，食完之後問我你啲糖咁苦係咪焦糖啊！」


再接再厲，「當你發現一條路唔得嘅時候，你就會搵另一條路。」試過用砂糖、菜糖、黃糖等等，始知麥芽糖才是主要材料。然而不同牌子的麥芽糖雜質含量有別，「第一次喺街邊士多買咗啲麥芽糖返嚟，好香嘅，黑蚊蚊嘅，由夜晚八點煮到第朝五點都煮唔到煲糖，你個煲幾大呢，佢（麥芽糖）就滾幾大，滴到個爐頭周圍都係，仲燒着咗！」場面驚險。

世上無難事，只怕有心人，有恆心終會找到竅門。製作過程並不複雜，惟時間及分量均需準確拿捏，否則糖瞬間燒焦了。先把麥芽糖及清水倒進大鍋，煮滾後保持沸騰而不外溢，煮好後再倒入盤中待涼，再搓成糖磚包好保存。

萬事俱備，只欠糖塑練習，「糖嘅黏性、濃度、手法其實自己都唔熟嘅。」幸好有藝術根底，過程也不至於太難。惟獨糖的熱力，燃起放棄的思緒。要知道，煮好的糖需要保持一定溫度才有伸延性，糖溫要比氣溫高，如拍攝當天氣溫約攝氏十五度，糖溫至少也要七十度，才能放上手搓捏（可想而知有多燙手）。

「有一刻係想放棄嘅，因為太熱啦啲糖，我隻手已經起晒（水）泡㗎啦，未開始整公仔已經搞成咁樣，仲做唔做呢？大概有一個禮拜，我都唔敢掂啲糖，有啲恐懼。」傷口的痛慢慢淡去，做糖的心癮卻揮之不去，「一個禮拜後見到啲水泡開始無啦，不如又嚟過啦，哈哈！」

能夠找到一件自己喜歡的事，再拼盡全力去做，那種感覺，多好。

花了近半年時間研究，終可將手藝帶到街頭，又因為表現不穩定，當時他只敢躲在小店賣，「你識整啫，但對住咁多人整會手騰腳震㗎嘛！」，反被太太取笑，「佢話你呢啲嘢要出去畀人睇㗎！」說罷，太太便把他的糖果拿到街上叫賣，不消一刻就賣光了，令他相當驚喜。

現時杜先生做糖手勢已極其純熟了，一拉一扭，一捏一按，眨下眼已做好一條「龍」，手工精細，神態栩栩如生。其實糖公仔有兩種，「呢啲叫糖塑，即係用手去捏出嚟；另一種就係吹糖，一路吹一路變隻公仔出嚟，難度比較高。」吹糖需要客人配合，如吹氣球般把糖吹脹，「糖人」同時塑型，有得玩有得食，最受小朋友歡迎。

至於為何糖公仔均以動物為主呢？他解釋塑型最好在兩分鐘內完成，太慢，糖已硬化；太快，糖心仍軟，彎曲的動物形態最易做，可拉長按扁，反而幾何形狀最難，「開頭畀小朋友考起我，叫我整粒星畀佢！」看似簡單其實複雜，因為形狀工整，每個角都要一樣，但溫熱的糖需要時間硬化，尖角難以同時間定型。

現時「Sugarman」主要在假日才出沒長洲，他會推着那部自製的紅色木製「糖果車」在門外擺賣，每次總是被小孩及歡笑聲包圍着。

若是遇到，你會為那些通透如琉璃的糖果停下腳步嗎？

採訪：夏以晨
拍攝：梁兆麟，周文禧，謝致中
剪接：謝致中

糖人
地址：長洲新興街147號
營業時間：逢星期六、日及公眾假期
========================================
飲食男女App大革新！立即開App寫食評，下一個食神可能就係你！✍
?iOS App 下載：http://goo.gl/ZNVWFd
?Android App 下載：http://goo.gl/MrW6YE

即like《飲食男女》Facebook：http://www.facebook.com/eatandtravel

飲食男女網站：http://etw.hk

即刻Follow我哋Instagram，睇更多靚片靚相！
http://goo.gl/KwjNOE (@eat_travel_weekly)