又完成係工作上一個里程碑🌟 非常榮幸收到我地區最強DD @matthewlo311 大哥既邀請 能夠可以成為今次 Family meeting 既主角 係今次呢個sharing 當中， 個主題圍繞堅持突破， 我亦都剪咗兩條片。 第一條片係關於幾個同事對於堅持既訪問， 有一個係YouTuber 既堅持故事， 有兩個就係大傷後繼續堅持追夢。 第二條就係關於我既生活， 如果有留意開我story既朋友， 都會知道我呢段日子， 基本上每一日既 schedule 都好滿。 一星期有六日都要教波， 有兩班興趣班、兩間中學、一班自己開既球隊、 有時又會教下學生做gym。 仲未計自己練波同比賽， 自己甲一球隊一星期練三課， 如果開埋學，要練埋大專， 一星期可能練五課波， 遲啲甲一開季，想像唔到9月會點。 除咗籃球既生活， 我都好鍾意周圍去挽， 周圍去挑戰新事物， 去學潛水🤿去挽浮潛 同朋友同圍去。 而係工作上面， 有時候都要見客， 呢排仲要好多客受傷， 我都會陪佢地去睇醫生， 即使我有幾忙都好， 我都好想陪住佢地， 因為我知道受傷唔好受， 我係佢地身邊陪佢地傾下計， 我自己都可以吸收下醫生所講既野， 所以我對唔同既傷都有一定既知識。 我的確幾享受依家既生活， 生活與工作平衡⭐️ 有好多人都問我， 喂，牛佬，你成日都咁多野做， 乜你唔攰架咩？ 你問我攰唔攰，我話唔攰你都唔信啦， 但比起攰，我覺得好享受， 對比起係之前疫情， 日日無所事事， 你會想有得忙定係無得忙？ 因為疫情而令我知道有好多野唔係必然， 我今年已經23歲， 20-30歲呢段時間係會過得好快， 我唔想令自己後悔， 我會想做多啲自己鍾意既野。 而好彩因為工作， 因為AIA 令我可以繼續追夢， 係香港做運動員真係搵唔到食， 貧窮限制想像， 保險工作令我可以繼續追夢， 因為工時彈性，收入穩定， 令我唔需要擔心經濟嘅問題， 好感恩依家做到， 每一個月嘅收入都接近三萬， 對於一個大學生黎講， 我唔知道算唔算好出色， 但真係好感恩身邊每一個相信我嘅人。 人生就係要不斷去挑戰， 不斷去堅持自己， 不斷去突破自己， 雖然唔知最後有無回報， 但起碼你享受咗個過程。 原諒我成日講經haha 而呢兩條片都籌備左一個月， 不斷去拍一啲素材， 係前一晚因為影片唔夠， 要從新去剪過一條更癲既片， 去展視我有幾忙， 但每一件事都做得好好。 夜晚去咗大佬新屋， 由12點剪到去4點幾， 成件事真係好青春， 幾個兄弟一齊去籌備一個project， 好想一齊做好一件事， 真係燃燒生命。 @kamhooo @p.lau_1225 @kitjai_chan @jvckca 用盡畢生功力去剪呢兩條片， 希望大家鍾意同可以激勵到大家， 每一個人都要堅持自己初心去追夢， 只要努力一定可以。 感恩我遇過的所有人， 感恩我現在所擁有的， 保持初心❤️ #繼續努力 #越努力月幸運💫