🇭🇰荃灣區 _______________________________________________________ 小編又打錯字🤣 其實係熱"血" 嘅火 慕著"可能係全香港最大隻雞髀"之名而來的新開張小店， 9月1日開張嘅和順記(荃灣) 由兩位前蘋果員工「放低枝筆、揸起鑊剷」憑著一團青年之火開設， 一入店鋪港式茶餐廳嘅格局多多少少令我諗起深水埗間知名豬潤麵， 簡簡單單的外在裝修中，更顯得佢嘅內在招牌的吸引力， 同樣都有豬潤作為招牌的麵食，而小編卻被更吸引的豉汁蒸龍躉所誘惑。 MENU本身有十分多的選擇，見到已經無做雙併麵及三文治， 反而是好的,專心做招牌雞脾已經好受街坊歡迎。 QR CODE 落單又或店員落單亦得，店員落單見其細心， 又入門口歡迎你、到落單、收碟都唔係HEA你，絕對係一間八九十後的地道茶餐廳。 =神級生炸雞髀皇=̶ $45 推介:⭐️⭐️⭐️⭐️⭐️必點! 上檯一刻真心瞳孔放大了一點，你睇隻叉變成Mini 道具就知， 生炸皮脆肉嫩，雞髀的肉汁用文字形容唔到過你聽， 比張雞髀肉CLOSE UP圖你睇你就好明白啦! 小編嘗試將佢開皮拆骨肢解之下，都可以成為4件大雞扒咪話唔服， 係完全滿足到平時食炸脾到喉唔到肺嘅果種渴求~ 下午茶餐還包一杯熱飲，凍飲+$3， 平時經過口痕當掃街攞走食都堅係唔錯~ 十分推介! =豉汁蒸龍躉飯=̶ $76 推介:⭐️⭐️⭐️⭐️⭐️ 犧牲左唔食豬潤麵，揀左呢個非一般碟頭飯係無錯的! 店員的確細心，連多蔥少蔥都提埋你， 龍躉魚肉順滑，豆豉薑絲香蔥汁成為一滴不剩的送飯精華， 全碟大約有八至九小件龍躉肉，性價比不錯， 如果呢款唔做碟頭飯，做一個淨餸的話都可以絕對大賣。 =朱古力紅豆冰=̶ +$10 =̶熱奶茶=̶ 下午茶送 推介:⭐️⭐️⭐️ 特飲沒有太大驚喜，淡淡朱古力味紅豆冰， 奶茶茶味偏濃而少奶，飲品稍為改善的話整體就更加理想。 總結來講一定會返來Encore食豬潤麵同埋滷水巨脾， 而兩位前蘋果員工嘅果團火在店內一認就認得出， 由入貨、落單、教新人處理店務都滿有大將之風，值得支持。 ______________________________________________________ 👅美味: 9️⃣ 😮驚喜: 9️⃣ ✨環境: 6️⃣ 💆‍♂️服務: 8️⃣ 💡性價: 8️⃣ 🐽飽肚: 9️⃣ 💫回頭: 🔟 👍推薦: 9️⃣ 🔍餐廳: #和順記 @chickenleg_master 🏠地區: #sharefood2you_荃灣 🍽菜式: #sharefood2you_茶餐廳 💸價錢: $131 一至二人份量 📍地址: 荃灣路德圍6號地下A1號舖 👟前往: 港鐵荃灣站 A1 出口, 步行約6分鐘 ⏰時間: 11:30 - 22:00 MON-SUN _______________________________________________________ #sharefood2you #食評 #荃灣美食 #香港美食 Disclaimer: ALL opinions are 100% Honest 相片經燈光處理攝影， 與現場光線可能有所偏差。