【 終於都寫Tay Tawan 】
_
一入泰娛深似海，我自己也有點估不到。
_
因為早前某個深宵於Netflix左撳右撳，無意中找到一套名為《一年生》（Sotus: The Series／2016）的BL劇，打開了從未涉獵的泰劇天地，驚訝原來傳說中令一眾腐女「We嘩鬼叫」的同志劇，竟然是如此低質求...
【 終於都寫Tay Tawan 】
_
一入泰娛深似海，我自己也有點估不到。
_
因為早前某個深宵於Netflix左撳右撳，無意中找到一套名為《一年生》（Sotus: The Series／2016）的BL劇，打開了從未涉獵的泰劇天地，驚訝原來傳說中令一眾腐女「We嘩鬼叫」的同志劇，竟然是如此低質求質（信我，睇一年生頭幾集，真係會反白眼到上天花板兼藐住熄機），兩位男主角的演技（Krist Perawat與Singto Prachaya，簡稱Krist-Singto）又那麼稚嫩，如果只是單純FF兩名男生在幕前親親，何不選擇台灣的《越界》（HIStory）系列？
_
不過實情是，只要有人跟你一齊討論，追劇的興頭可以隨時湧現。用三倍速看罷《一年生》和《一年生2》（Sotus S: The Series，第二季整體水平提升了不少，可以在YouTube看足本，有繁體中文字幕）之後，又見到Netflix購入超人氣泰劇《因為我們天生一對》（2gether: The Series），知道男主角之一、飾演Sarawat的Bright Vachirawit就是早前掀起中泰網絡大戰的主人公，好奇心驅使下，又很黐綫地睇晒13集，就連5集特別篇《因為我們依然天生一對》（Still 2gether）都殺埋，我發現，此劇製作水平雖然進步了很多，但情節依然「離晒大嫂」，加上生硬直接插入的植入式廣告，假如閣下是個[「認真L」，棄劇指數很高，但因為一邊睇一邊（恥）笑實在給我很多快樂和滿足感，加上Bright-Win真心很靚仔，這種明星效應，足已令粉絲「瞓身式着迷」。
_
何謂「瞓身式着迷」？看過紀錄片《Social Dilemma》也知道，只是「極度沉迷」的另一種自欺欺人，看似「無害」的說法，你會不由自主的在「YouTube公海」狂掃，按照大數據推薦，甚麼都會睇，甚麼都想睇，我好奇到底「泰劇」這個領域還有甚麼驚喜，他們的非戲劇製作又去到哪種水平？結果無意中給我發現Tay Tawan這個人，擁有70%中國人血統，超帥氣，2014年加入GMM Grammy，擔任頻下收費頻道Bang Channel節目《Five Live Fresh》其中一位主持，2015年Bang Channel停播，他變成GMMTV藝人，開始拍劇，他在《Kiss Me Again》（2018）和續作《Dark Blue Kiss》（2019）播出後，憑「大男人」Pete，跟拍檔、飾演其男友Kao的New Thitipoom一同爆紅，人稱「Tay-New」，以孖公仔形式主持飲食節目《TayNew Meal Date》。2020年，他成為「綜藝王」，主持《魅力廚房》（เสน่ห์ห้องเครื่อง）、《和Tay Tawan漫步Fest》、《School Rangers》以及現時在當地人氣強勁的《Friend Club》，風格生鬼，經常在幕前展現真我（超怕玩過山車和揈揈揈的機動遊戲），令好感度攀升，近日又有主演新劇《I’m Tee, Me too》逢周五播出，曝光率極高。
_
也得說實話，跟師弟Bright-Win，或者同期出道的Gun-Off相比（沒看過《Theory of Love》，但有看過《I’m Tee, me too》，或者睇完前者，這句會改寫）Tay-New的演技水平明顯高一級，眼神、面容表達情感轉變，甚至拍親密戲，都見到有層次，雖然作為粉絲，都會想永遠見到Tay-New合體，但在電視台眼中，二人「拆夥」各自單飛無可避免。New Thitipoom早前已有一套翻拍韓國電影《假如愛有天意》的《Classic Again》，而Tay Tawan則主攻劇集，暫時有三套新劇在手，包括《Hello Flower》、《Military of love》以及改編韓劇《Hello Monster》（記得你／2015）的《Remember you》，其中《Remember you》近日已開鏡拍攝，而Tay Tawan的角式造型同時曝光，其角色其實對應韓版、由朴寶劍飾演的李民（長大後改名鄭善浩），是李賢（徐仁國飾）的弟弟，小時候失蹤，認為是哥哥拋棄自己，長大後成為律師，為了吸引哥哥的注意而連續殺人，角色演繹難度極高，相信Tay Tawan為這次演出花了很大功夫。
_
圖片來源：twitter
_
（09102020）
_
#游大東 #游大東影視筆記 #taytawan #林陽 #Irememberyou #泰劇#hellomonster #taynew #newtay #朴寶劍 #韓劇 #friendclub #newthitipoom @_godricleung @siukitdesmond @polca_hkcafe #rememberyou @taynewhk_kindergarten @taytawanfc @taytawanhkfc @gmmfamily_hkfc #yautaitung #09102020 #LGBT #boysloveboys @studythai.withme
假如愛有天意韓劇 在 晞。觀影記事 Facebook 的最讚貼文
【追戲第六擊：《藉著雨點再愛你》短評幾句】
千禧年中期，無論電影定劇集都有一大堆爆淚嘅青春愛情感傷片，例如《在世界中心呼喚愛》、《一公升眼淚》、《太陽之歌》、《電車男》（呢套都有喊位架）等等，當中最深刻就係《藉著雨點說愛你》，本身成件事已經夠感動夠窩心，嘩，結局兜一兜個出人意表位真係喊到收唔到聲。
事隔十幾年俾南韓重拍，一見到孫藝珍（定依家要叫真），竹內結子都即刻比下去，點都要睇返啦，呢個真係永恆的女神呀。
故事主線大致同日本版相若，有好多細節位都同日本原版一樣，但南韓版就加重咗人物之間嘅描述，深化男主角背景令成件事更流暢，再刪減咗導致日本版有些少犯駁嘅地方，的確呢方面係有改善嘅。不過，呢套都衰在加入咗太多典型嘅韓式催淚，後段有少少拖，又或者睇過原版知道結局「果一下」發生咩事，投入感係差少少嘅。當然，日本版果種幸福感，呢套都依然拍得到出嚟。
兩個版對比，呢兩位仙氣級完美好老婆，作為男觀眾我都係揀孫藝珍（叫咗咁多年做乜無啦啦要改名），最神奇係，第一次認識佢，都係千禧年初果期嘅《假如愛有天意》，點解佢事隔十五年，個樣都冇變過，扮學生妹玩純情，都完全零違和感？
我好少睇韓劇，應該話冇睇韓劇，韓片嚟講對佢最深印象嘅，絕對係《白夜行》，你懂的。
噢，講開，《白夜行》都係果期嘅爆紅日劇。癡線，咁就十幾年。
更多早前南美旅遊故事可看：
有故事的旅人 （澳洲首都不是悉尼）
‼新書兩批貨已經全部售罄，最後一批等你支持，買完就冇喇 🇭🇰 | goo.gl/J9QdBR
‼台灣書局亦已上架，可去文中連結購買 🇹🇼 | goo.gl/xzCymP
【IG請follow】www.instagram.com/travelerwithmovie