🎈蝦麵店 🔍鰂魚涌海光街11號漢威大廈地下3號舖 ----- 收工同同事喺中環飲完野之後，再嚟到鰂魚涌呢邊同中同聚會食晚餐。 前一刻仲係中環高級酒吧，聽住大家操英語高談闊論飲紅酒🍷，下一刻卻置身於呢間裝修平凡嘅本土小店，褪去繁華氣色，聽住大家一口地道廣東話，食物實實在在又飽肚，卻係令人感覺更加親切又自在☺️。 ✨白胡椒肉骨油條： 濃郁嘅白胡椒香氣，一上枱就慢慢飄入鼻腔。肉骨肉厚帶脂，一咬就輕易離骨，而油條就盡吸白胡椒香氣，不過浸泡太耐質感變到好似毛巾咁，如果可以分開另上會更吸引。 ✨沙嗲雞腿肉串： 雞肉串上面佈滿花生沙嗲醬，貌甚吸引，影相嘅過程已經令人垂涎欲滴。雞肉柔嫩，花生香口，醬汁帶微甜味，一試愛上。 ✨蝦肉魷魚翼麵： 蝦肉爽口，但一分為二，較為薄身，咬口不及原隻蝦身，不過魷魚翼就頗出色，鮮而不韌，加上濃厚湯底，飽肚滿足。 ✨海鮮麵羹： 海鮮有大蝦、魷魚翼、青口、腐角同蟹柳，材料豐富，不過蟹柳同青口質素一般，湯底鮮味稠身，有d似碗仔翅嘅質感，配搭油麵，感覺港式得黎又有點馬拉特色。 ----- 👶🏻B仔整體評價：7.8/10個👍🏻 👶🏻B仔抵食程度：8/10個👍🏻 👶🏻B仔環境評分：7.5/10個👍🏻 👶🏻B仔味道評分：7.5/10個👍🏻 👶🏻B仔回頭機會：8/10個👍🏻💛 ----- #swallowhongkong ☺️快D跟住B仔一齊吞食香港啦！ 🤤#swallowquarrybay #swallow黃店

「從前呢 有隻老虎，佢為咗證明自己係一隻老虎而走咗入動物園，你話喇，佢仲係咪一隻老虎吖嗱？」———《#狂舞派3》 戲中有好多金句，但呢句最打到我入心，繞梁三日。 呢部戲拍攝嘅時間軸，正正係我拍攝《全民造星》接近完結與完結之間，然後 @error.weare 誕生了。 事隔兩年有多後，終於上映。 呢兩年間我生命內外都發生咗好多事，有開心、有憤怒、有悲傷、有後悔、有驚喜⋯但當我睇完呢部戲後，佢狠狠地震懾到我心靈，同時彷彿從戲中找到一絲救贖，去總結我所經歷。 呢部戲我有份參與演出，當然代入感比一般人更深，更大原因係主題：「HipHop」、「香港」、「龍城（觀塘）」呢啲原素，全部都係我成長過程裡嘅基石，勾起好多回憶，就好似一面鏡咁，赤裸裸地將我好多過往嘅想法、畫面，再一次呈現係我眼前。 我都有留意網上討論呢部電影嘅網民，評價都好兩極，但我想講一個事實，呢部戲嘅本土意識，去到故事鋪陳內容，係貼地到冇得再貼地，真實到冇得再真實，係香港玩「文化」，就係咁。 話佢係紀錄片我覺得睇得太顯淺，因為我覺得佢真係一部導演以僕人嘅角度出發拍攝出嚟嘅「電影」。 如果冇黃修平導演，我諗呢一世都唔會睇到呢堆訊息上到大銀幕，係得呢個咁痴線嘅導演先會花幾年時間去將呢堆咁雜亂無章嘅想法，四處資料搜集將自己代入文化嘅一份子，去體驗、經歷再消化，將其融為一部電影，睇到我五體投地佩服不已，當然戲中每一位主演都擔任咗好重要嘅創作成份靈感來源；至於借喻，隱喻係每部電影都會有嘅原素，明就明，唔明咪試下入場睇多次。 能夠參與《#狂舞派3》係本人與有榮焉，成就解鎖，別具意義；我有信心呢部戲係將來會係香港近代經典電影之一。 小弟才疏學淺，倚馬七紙打出一篇觀後感，略盡綿力作出呼籲，希望大家趁呢個兵荒馬亂嘅時代，趁仲有機會，可以入戲院支持呢部電影，尤其係兒時一起參與「HipHop」文化嘅每一位；睇完，必有所反思、得著。 對我嚟講，電影嘅開頭就係電影嘅結尾，其實係一個循環；作者已死，每個人都可以有自己嘅解讀。

【@girlstyle.mag】25歲少女以低炒旅行照Pose狂吸5萬粉絲！ . 在社交平台的世界上，「修飾」是十分常見的事。將臉形修尖、將膚色調白、將小肚腩修平......但是偏偏在充斥著「P圖」的互聯網上，卻有一名25歲的女生Michelle Liu將自己的雙下巴大方展現出來，成為了其個人特色不但止，更憑藉「 @chinventures 」這個帳戶吸納了超過5萬名粉絲！ . Michelle是一名居住在波士頓的華裔女生，如同不少香港的年輕女生，她不時會到訪世界各地的名勝「打卡」。只不過她的照片卻與大多數KOL的精緻模樣不同，而是選擇了一個不少人最害怕的角度——「低炒」，來為自己跟背後的景色合照。 . 打開Michelle的Instagram，你會發現清一色都是她抬高頭，露出纏爛笑容以及雙下巴的標誌性Pose～背後的風景遍佈全世界，包括英國的Tower Bridge、中國的天安門廣場、巴黎的聖母院等。 . 儘管Michelle的照片大多都暴露了她的雙下巴、大鼻孔，但是卻依然吸引了超過5萬名粉絲，甚至吸引了外國媒體的報導。不少人大讚她獨特的自拍角度十分可愛，令人看後心情會變得非常好，最重要的是Michelle的照片非常真實，沒有絲毫的修飾，令人感覺非常舒服。 . 其實Michelle這個決定從來都不是為了譁眾取寵才出現，她曾經接受外媒的採訪，透露自己開設這個帳戶一部分是希望為自己的旅遊經歷留下一點紀念，另一部分則是希望能為身邊的朋友帶來歡樂，同時鼓勵自己不要在意別人對自己外貌的評價。 . Michelle的大受歡迎或許證明了懂得欣賞自然美的人依然大有人在，更重要的是因為她的自信和勇氣能令人開懷大笑，因此得到大眾的喜愛和支持！ . 你又會想嘗試拿出勇氣將露出雙下巴的照片上載到網上嗎？ . #女生gossip熱話 . 【GirlStyle Club 隆重登場 】 立即入會獨家免費贏取豐富禮品💕 . 關智斌【活在當下】 Cover story vol.11 . FB: GirlStyle 女生日常⠀ 『 💌如果妳都有打卡靚相／情侶甜蜜照想同讀者分享 📷即刻 #GirlStyle女生日常 或tag我哋或inbox比小編！我哋會係女生日常嘅IG同大家分享💕 』⠀ .⠀⠀ #hkig #hkgirls #beauty #lyrics #hkiger #love #sisters #lovemygirls #mygirls #hklife #hkboy #hkgirl #hkboys #hkgirls #852 #hkcouples #hkstore #hkonlineshop #hklover