［阿豬阿狗都出書，好似係］TLDR：第一本書呀！可能最後一本添！有今生冇來世，唔係唔支持呀？所有作者收益全數撥歸「馬蘭頭獎學金」（搞緊）（講到好多錢咁）。Patreon 20蚊/40蚊年費會員免費送書。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1700人訂！ 畀年費仲有85折
＝＝＝＝＝＝＝＝＝＝＝＝＝＝

1. 之前講過Andrew Wiles，我嘅大搞作，（https://fbook.cc/3W4s），都真係閉關咗兩星期，雖然Patreon照寫，但Facebook 都寫少咗。

2. 事實證明我唔多守到秘密，好多熟朋友都已經知，但呢度再正式講一次：

3. 卒之出書了。

4. 呢篇文講本書，至於我嘅感想，會再寫多篇文

5. 固然有啲我講嘅嘢你會聽過（唔通我精神分裂打倒昨日之我？），但全新內容，所有嘢由零寫起。過程極之痛苦，咪搞我，下次唔會再寫，寫都應該只會玩新曲加精選。所以處女作，亦係收山之作。寫乜Q嘢書丫，講真。

6. 點解我要出書？

7. 冇，英雄主義，過癮，自high，圓夢。你唔係以為為錢下話？你有數得計，128蚊一本，初版2000本，賣晒26萬—但你唔會以為我分晒下話？咁你計我分嗰份，計分時間，會唔會我寫多幾篇Patreon簡單啲？

8. 本書7萬字，寫咗……一個星期多啲（你可以睇返我幾時出講Andrew Wiles），當中仲要有幾日冇寫，即係一日寫10000字左右，你可以試下，真正日理萬姬，亦註定我食呢行飯。

9. 冇錯，阿豬阿狗都出書，但我都唔同你討論質素，你拎本聖經或乜，照打7萬字，打完我先同你討論。

10. 點解你要買？

11. 好簡單，支持我，食餐飯都唔止咁嘅錢。至於你冇時間睇，作者我睇得好化，賣咗畀你我錢已收，話知你拎成條大拖羅打邊爐。當然，我都會想你睇晒佢嘅，應該會幫到你。

12. 另外，亦都支持啲山區（？）小朋友。講過，全數作者收益都會撥去「馬蘭頭」獎學金，未搞，但絶對公開帳目。亦講真，啲收益冇可能夠冚條數咯，不過如果奇蹟地賣到成行成市，就代我中學師弟師妹多謝你先。係喎，受惠者係我中學啲師弟師妹，青山仲唔係山區？我並唔係對我中學特別有感情，但我諗唔到有乜更好選擇。況且，呢個年代冇錢嘅大西北學生，要上位，比起我以前更難。

13. 十分宇多田光地，寫呢本書就橫跨咗我43歲生日（＊），亦係畀自己嘅生日禮物，夠晒大份。BTW，陸東寫《智者傲行》時，亦係43歲。我本書就係類似咁嘅嘢，雖然我同佢比爭好遠，但，街邊啲肥仔都係學佐敦學美斯之嘛。

14. 本書講乜？你可以睇目錄（下面有）。但主要係字，圖好似10張都冇，冧把亦都冇多個。主要分為三部份，好似剛好三三四比重。

15. 第一部份，我的求生指南。就係我43年嘅故事。你心諗關我春事？我嚟求財的。但，你唔知我經歷，就唔知點解我今日有咁嘅思想。當然你買咗返去唔睇亦得，大拖羅嘛。入面仲會講我小小人生法則，點樣6年加咗4倍人工。仲有啲讀者問我入行呀，平時睇乜書乜文呀，甚至創作心得都會有講下。雖則唔覺得我有乜咁巴閉，但話晒都出到本書，話晒Facebook 都有20000人， Patreon 都有1800 人，都唔係個個得。

16. 第二部份，職場求生指南。應該唔使點解啦？教你點上位，點轉工，點跳草裙舞，揀入邊行，揀咩工做，有乜要留意，點揀個好老細。雖然講到尾，我覺得爬Corporate ladder 呢個遊戲已經玩完。但呢部份都係好重要，你以為我啲錢點嚟？除非你有父幹或者畀人包（我冇），否則，啲錢唔係打工嚟可以點嚟？咁冇錢，，投乜資？你十皮嘢我畀你贏十倍又點？

17. 第三部份，股市求生指南。冇教你睇圖睇年報，冇交易系統。好心啦，居然有人覺得百幾蚊有必勝法。主要講心法嘢，改變你自己。但我亦都有講一個「全天候投資法」，萬用理財方案。

18. 講到尾係你自己，投資法則網上一大堆啦，有啲好似矛盾，又好似好難執行。係冇得速成嘅，只有倉頡，速成害咗你。等於啲餐廳煮嘢咁，傳統做法工序多，你要速成一樣煮到丫，但做唔到人地嘅味道咯。等於你睇戲咁，你可以睇谷阿莫，好多戲嘅情況都係幾分鐘講完，但你唔由頭睇到尾，冇浸落去，就係唔同的。學藝不精嘅，我畀你好彩贏到幾倍，都一定輸返。除非你個本夠大，中完一舖夠勁嘅即時退休—但可能你再搞其他嘢都會出事，大把故事啲窮人中完六合彩好快又破產啦。

19. 冧把，好似冇喎，我點知你買本書嗰時啲嘢升到幾多？諗住買書聽冧把嘅，講真，不如檢討下。但但約略有教你點揀股。

20. 最後講埋，書展係有一個簡單而隆重嘅介紹會的，可以影相簽名，不過嗰個位冇得買書的，自己小心。7月18日夜晚19:30 – 20:15，會展四樓S428會議室。書展入口1樓行到上4樓就係。

21. 咁去邊買？經HomeBlogger網上買。 一係你自己去尖沙咀拎。一係就順豐寄畀你，多廿蚊。詳情呢度：（https://bityl.co/7mCx）。 工作日 Whatsapp 客服91010168亦都得

22. 唔想見我嘅？咁仲簡單，之後書局有得賣，或者網上買都得。

（＊）宇光田光拍Can you keep a secret嘅MV就橫跨咗佢18歲生日。我完全唔係歌迷，但居然都知呢啲嘢。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1700人訂！ 畀年費仲有85折

＝＝＝＝＝＝＝＝＝＝＝＝＝＝＝＝＝＝＝＝
買<事先張揚>書本
$128 尖沙咀到取
$148 順豐本港到運
方法1:
https://homebloggerhk.com/BUYBOOK/
接受網上信用卡付款或銀行入數
方法2:
whatsapp 91010168註明例: 書x1
https://wa.me/85291010168
*whatsapp客服在工作日回應

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
<事先張揚 - 一書保平安>目錄
自序 - WTF 哲學
關於本書
鳴謝
第一章 ─ 我的求生指南
我呢一生，可恥嘅事甚多（不過唔話你知）
由下級中產家庭到狀元學霸
迷失嘅大學年代
我的打工生涯：由教書到分析員
隱青，麥當勞，教書佬，中環工
轉戰分析員，卒之搵到錢
被炒，再轉工，開始寫文，又再被炒
我好少最早，但亦好少係最遲。
Luck is a function of surface area

第二章 ─ 職場求生指南
揀個好老細
如何Networking
草裙舞攻略：靠公司自動自覺加你人工，就死得
搵個好嘅舞台：你份工有幾重視個人能力？
又或者，搵份hea嘅工
從小愛閱讀，長大倍幸福
第三章 ─ 股市求生指南
投資必勝法（好似係）
四大投資定律：永遠炒預期，只係你啱並不足夠，乜都有個價，股市同實體經
濟脫節
阿煩的故事：全天候投資法，人人啱用
唔好借錢買股票
股票長線係升嘅
一隻好股票可以頂好多隻total loss
你根本避免唔到股災
不止賺，更加不止蝕
Don’ time the market, stay invested
買股票，時間就站在你一邊
護城河：如何挑選優質股
結語 — 兩大敵人：無知與虛偽

呢年Virtual Bank應該係金融界最hit，最多人講嘅topic。雖然我並唔係特別趕潮流嘅人，但總要親身試過先有發言權。況且，Virtual Bank的確打中好多人嘅痛點：去銀行分行排隊，實在極其痛苦。

實體書實體報紙入戲院，應該仲有唔少人鍾意，至少我好鍾意。但鍾意去銀行分行嘅，十個入面有冇一個？即使我好似係某銀行嘅「尊貴客戶」（未去到私人銀行啦），總發現好多人都好尊貴，排隊唔知排到幾時。Virtual Bank嘅出現的確慳左好多時間，令到好多嘢都可以喺手機上解決所以，既然有「唔使去分行」（根本冇分行）嘅Virtual Bank，當然試下先。今次試嘅係渣打旗下嘅Mox，以下係我親身體會。

最重要嘅，當然係開戶好方便，Download個app就可以了。我以前都仲話可以返工鼠出去銀行分行，有冇諗過好多人冇我咁幸福？咁，開個銀行戶口，係咪要請假去？傻的嗎？再加上，有啲人（例如我）是十分introvert，唔多想同人講嘢。可以足不出戶，唔使同人講嘢就開到戶，啱晒。仲要係24/7，半夜想開都得，我個戶口就係半夜睇波半場休息時開的。

而冇錯，真係半場休息嘅時間夠做晒成個流程。「換著傳統銀行可能隊都未排完」。

最重要係，亦唔使搞一大堆乜乜文件，只係要一張身份證同部手機（要收SMS確認你電話）。你填嘅亦係好簡單嘅東西，身份證個名都唔使你自己打，會幫你Scan。然後會影張你嘅相（用嚟做生物辨識），最後填地址，就搞掂。成個App嘅介面亦係相當user friendly嘅

同時間，開戶時都可以直接開埋Mox Credit，當信用卡咁用。賣點係即時知埋結果，亦都即時加埋入Apple Pay或Google Pay，即刻用。免年費就是當然的了，亦都冇late charge（但找唔晒卡數當然要利息）。

仲有現金回贈，而唔係玩積分。指定商戶消費有5%。如果你交1O1O同CSL嘅電話費，有5%現金回贈，買嘢食嘅話，麥當勞同OK便利店都得。甚至去Amazon買嘢同喺App Store 同Google Play課金都可以。foodpanda就直頭10%回贈，等於九折食飯。留意指定商戶消費同foodpanda有上限（否則仲得了？）；用HKTaxi App內嘅街車付款，除咗有5%現金回贈，仲可以有額外6% Taxi Dollars 回贈，加埋即係有11%回贈，好嘢！其他消費就有無上限1%現金回贈。

兩三日後，就收到Mox寄咗張卡嚟，個包裝都幾靚仔，有啲心思，同傳統銀行信唔同。確認新卡呢，亦都唔使打電話，用個app就得，埋拍一拍張卡（NFC吧）

值得一提嘅係：張卡係冇卡號的，有乜好處？減低咗被盜用嘅風險。

大家用過信用卡，都總試過整唔見張卡。Mox Card 呢方面做得好好。首先有時可能我都唔肯定係咪唔見咗張卡：例如可能覺得已放工，懷疑漏咗在公司。咁我可以就咁用app遙距鎖卡，即使其他人已經用唔到。到第朝返工搵到就可以解鎖。如果真係唔見咗嘅，亦照樣可以用app報違失，然後申請補發新卡。

而家只要你去申請直至6月17日，兼且30日內用返100蚊，就有現金回贈。咁當然唔會得我有著數，梗係你又有，我又有啦！你都會有100蚊現金奬賞收返。我就當然已經介紹咗我老婆

我嘅邀請碼係：29CGWB

［今日寫啲乜］之前都有讀者反映，我好似成日講美股。實情我冇乜好大偏好，都係頂紅頂白。港股今年跑輸都算了（成日都跑輸架啦），問題係相當鬱悶（咁你計成交當然千九幾億，但唔多關同同我事）。舊年3月大屠殺後仲有啲嘢極殘，今年啲re open都炒到八八九九，大科企又畀政府打壓—美國都監管，但真係國情不同的。

不過都係講平衡，我都係保持兩邊都買，兩邊都寫。實情連日本股歐洲股英國股我都買我都寫。近期好似見到港股卒之跑返贏美股少少，之前都好多次假希望，又睇下今次點。

唔知今星期會唔會係轉捩點，首先有騰訊業績，之後有恒指季檢。固然中資科企業績畀政府壓，但你睇長少少，睇三年，照計都係呢啲公司收入盈利增長最好。科企打壓，難道其他行業就唔會打壓？

至於季檢嘛，因為係大改革後第一次，極難玩。當然我都有啲貼士，但貴客自理—輸死無命賠。你要刺激嘛，叫你買Black Rock 買長江基建又話悶

不過講悶，下個月記得做最悶嘅一樣嘢：抽iBond．再講一次，唔抽對唔住自己。反政府嘅，梗係搶佢錢。支持政府嘅（anyone？），當出軍糧。我睇唔到有任何唔抽嘅理由。你上網襟幾個制，應該執到幾百或幾千銀（可以全家動員嘛）。除咗打上熱線waive 信用卡年費（＊），我諗好多人一生最具生產力就係去抽iBond，個功率（回報/時間 adjusted for risk）極高！

至於點抽呀，有乜留意呀之類，講真唔係咩獨門秘技（你居然信有呢啲嘢），但至少我幫你統整晒，解埋你知。特別留意今次iBond照計回報會好過上幾次（阿豬阿狗都識講通脹啦而家），問題係，其他人唔係傻嘛，抽嘅人又會多咗，我估抽嘅人數會破紀錄。況且，今次股市冇上市咁易玩，上年你叫人抽iBond，啲友恥笑返你啦，執嗰幾個巴仙回報，求其扑隻美股兩日都幾成啦，發達幾咁簡單，可？

有啲真係幾大口氣，話幾千幾百回報佢睇唔上眼，哦（但後來我考究，又唔見得佢有錢過我）。咁如果覺得幾千蚊好少嘅，記住拎去訂我嘅超級VIP，40美金個月，夠你畀足一年。「咁到時你就知係咪好少錢你執都費事」

BTW，下個月Patreon應會推樣嘢：語音導航，同埋片。都係搵人（佬一個，唔使咁多幻想）將我篇文消化然後演繹出嚟，影片版就碌埋文碌埋圖，啱晒唔想睇咁多字，或者返工放工坐車時追Patreon嘅你（純聲音版就幫你慳data，同埋唔使望住畫面，或者開車聽）。不過要20/40美金嘅會員先有，現有嘅就自動送埋畀你。咁當然包埋基本嘅文字版了。

（＊）話時話，可以用app做未？N年前仲要同真人講嘢，後來已經係電話按個制。幾時用app做？

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝