/ 💕最近愛用底妝產品 呢排天氣唔係落大雨就又潮濕又熱 焗到黐線😖 所以咁嘅夏天要搵到啱用又唔黐口罩嘅底妝真係唔易 不過好彩總算今季每個item都俾我搵到啲唔錯嘅選擇😬 - ✨Sunscreen: CHANEL - UV Essentiel Complete Protection UV Pollution SPF50/PA++++ (自購) 呢個就係消委會評分最高嘅嗰枝防曬啦！ 之前 @sh_review 嘅大愛😎 試用sample覺得又真係幾正所以忍唔住買埋貨size 佢有兩隻嘅 呢隻係滋潤版 另外一款係清爽版 呢隻係有啲啲潤嘅 不過乾肌嘅我就算夏天搽我都ok 佢從來無令過我嘅底妝起擦膠碎 搽上面推開後唔會變得泛白 防曬度數又夠 信心保證 用完必回購 (聽聞而家好似好難買 成日斷貨🙊) @chanel.beauty - ✨Primer: MAKE UP FOR EVER - Fresh Brightener Step 1 Primer (試用) 早排MUFE出咗好多唔同顏色唔同功效嘅primer 我自己就幾中意粉紅色呢枝 佢叫持久勻亮底霜 主要針對膚色偏白但無乜血色同光澤嘅皮膚用 呢枝搽完好清爽唔笠 保濕度都ok 同埋佢提亮膚色功效真心做得幾好👍🏻 搽完係會bright up咗 而家大多數時間都用佢😬 @makeupforever - ✨Tinted Moisturizer: LAURA MERCIER Tinted Moisturizer (Oil Free) Natural Skin Perfector SPF20 PA+++ (01 Petal) (試用) 通常返工我會化少少妝 唔想搽粉底 基本上呢兩三年我都一直用緊tinted moisturizer 物色過好多唔同牌子 今年我發現呢枝喺夏天用又幾好😍 佢之前出過普通版唔係oil free 兩者暫時我中意呢枝多啲 雖然佢推開係少少杰身 但整體個底妝出黎感覺幾自然 舒服唔會好焗 oil free又不會太乾 持久度比我想像中好 不過耐咗鼻頭都會有少少甩嘅 但大致上我幾中意！ @lauramercier @oinkoinkpr - ✨Cushion: CHANEL - Ultra Le Teint Longwear Touch Foundation (B10) (自購) 你要唔點甩落口罩嘅底妝 信我 買佢！ 佢係點出汗都唔會溶到一撻撻 持久度令我超驚喜 佢係有啲啲光澤感嘅matte finish妝感 啱啱上妝會有少少好似乾乾地 但打好個底就夠 溶咗一陣係會好貼皮膚 同佢真係唔甩😂 要試🥺不過沙漠乾肌或者乾肌人秋冬應該不能 - ✨Setting Powder: MAKE UP FOR EVER - New Ultra HD Setting Powder (2.0) (試用) 講到口臭😂 佢一定可以打入我嘅最愛碎粉之一 由4月佢啱啱launch嘅時候 我一直都每日用 用到而家8月🤣 都仲係咁愛佢 佢點好 唔講啦 睇返之前嘅post啦😬 - ✨Concealer: Hourglass - Vanish Airblush Concealer (Crème) (自購) 我用佢基本上眼底 暗瘡 鼻翼泛紅位置全部都遮到 質地啱啱好 用遮瑕掃慢慢上效果係好貼 佢乾咗唔會同我啲粉底kick住 呢點值得讚👍🏻 呢枝繼n年前用過nars枝concealer之後第二枝最愛 - ✨Finishing Powder: Hourglass - Ambient Lighting Powder - Ethereal Light (自購) 點解我咁遲買佢🥲 初頭揀嘅時候 見好多人中意Diffused Light 但我中意妝感亮白啲 所以揀咗隻偏白啲嘅色 當化哂成個妝之後 再用掃全面上 ✨✨✨✨✨✨✨✨✨✨明未😌😎 @hourglasscosmetics - #hkblogger #hkbeauty #hkbeautyblogger #hkbeautyreview #hkbeautyshare #makeuphaul #cosmetic #好物分享 #好物推介 #beautysharing #beautysharinghk

全自購 Brand Focus - 平價護膚品 Good Molecules 斷斷續續試用左大半年，終於可以整合下我用過嘅good molecules 產品😍 Good Molecules 係Beautylish 出嘅牌子，韓國製造，無動物測試，部分產品純素，所有成分都清晰地喺網站同埋包裝標明。更加欣賞嘅係佢哋會根據用家對產品或者成份嘅意見，作出改善同埋提升，而所有嘅變動都會喺紙盒註明。 定位同the ordinary有啲似，平均黎講我覺得Good Molecules 嘅產品比The ordinary更適合我，大部份嘅產品我都覺得好用而且性價比極高，中伏比例偏低。 最最最最勁係佢嘅送貨速度，基本上今日落單，最遲後日就會收到，仲要滿$200就免運費！ Instant Cleansing Balm 𝚑𝚔𝚍 𝟻𝟻/𝟸𝟹𝚐 𝚘𝚛 𝚑𝚔𝚍 𝟷𝟷𝟾/𝟽𝟻𝚐 由卸妝開始講起，之前都講過好中意呢個卸妝膏，卸得乾淨，眼妝同mascara都落到，易推，重點係過水後清爽唔笠，唔會有油淋淋嘅感覺。 連缺點係入眼會澀眼，之後短時間睇嘢會朦朦地。 回購再回購，買埋mini size 放工做gym用👍🏻 Rosewater Daily Cleansing Gel 𝚑𝚔𝚍 𝟿𝟻/𝟷𝟸𝟶𝚖𝚕 Ph 5.5 酸鹼度唔會破壞皮膚天然嘅水份平衡，清潔力適中，無我平時用開嘅elta md咁保濕，但係用落感覺都好溫和，洗完唔會繃緊唔會乾。可能我用量比較大，所以唔算好襟用，但係都好推薦！ Niacinamide Brightening Toner 𝚑𝚔𝚍 𝟺𝟾/𝟹𝟶𝚖𝚕 𝚘𝚛 𝚑𝚔𝚍 𝟷𝟷𝟶/𝟷𝟸𝟶𝚖𝚕 有少少滋潤感，但除此之外我對呢枝toner無咩感覺，唔會回購。 Niacinamide Serum 𝚑𝚔𝚍 𝟺𝟾/𝟹𝟶𝚖𝚕 唯一中過的大伏，之前share過突然大爛面嘅原因就係佢😂 Niacinamide ，亦即係B3可以幫你均勻膚色，收細毛孔等等等等，好多人都話呢個成份好好。本身用niacinamide係有可能出現purging，但理論上爆發完一輪，將你底層嘅污糟推哂出黎，你嘅皮膚就會開始靚。 可惜係我身上，我用哂成支serum都無停過爆瘡😂爆到我平時唔會生暗瘡嘅位都不停出石頭瘡。然後我一用完支serum啲石頭瘡就開始停了🥲啲印搞左我大半年先好少少，直頭依家對niacinamide 有啲恐懼😪 我知好多人生暗瘡用呢枝都有好轉，又要老套講句護膚品真係人夾人😹我會建議如果你用呢支精華，keep住爆瘡爆左兩個星期都無好轉，就可以考慮下放棄鳥～ Hyaluronic Acid Serum 𝚑𝚔𝚍 𝟺𝟾/𝟹𝟶𝚖𝚕 𝚘𝚛 𝚑𝚔𝚍𝟿𝟻/𝟽𝟻𝚖𝚕 性價比極高嘅補濕精華，補濕度唔算好高，勝在非常清爽容易吸收。妝前用唔會有擦膠碎，所以朝早同夏天用都好好，冬天就唔太夠力。已經用完兩枝，回購左一枝jumbo size! Silicone-Free Priming Moisturizer 𝚑𝚔𝚍 𝟺𝟾/𝟷𝟻𝚖𝚕 𝚘𝚛 𝚑𝚔𝚍𝟿𝟻/𝟻𝟶𝚖𝚕 易推嘅cream，非常快吸收，唔會有油膩感。滋潤度中等，朝早用ok，夜晚用就唔係太夠力。值得一讚化妝前用從來都無試過同底妝或者防曬打交👍🏻本身買travel size 試，依家應該會回購full size。 Yerba Mate Wake Up Eye Gel 網站暫時缺貨，搵唔到價錢。 容易推開同埋容易吸收嘅啫喱狀，輕微滋潤度，不過除咗少少滋潤之外唔係好覺有其他功效。推介俾比較後生，對抗老抗紋唔大需求嘅年輕妹妹😹如果想抗老或者去黑眼圈去腫etc，呢支就未必滿足到你。 Caffeine Energizing Hydrogel Eye Patches 𝚑𝚔𝚍 𝟷𝟺𝟸 一盒有幾十片充滿精華嘅eye mask，本身期待佢同The Ordinary支Caffeine solution 一樣可以去眼腫去黑眼圈，可惜我覺得佢除咗輕微保濕之外就冇其他功效。Eye patches 嘅cutting 都唔係好適合亞洲人，可以略過唔買😹 Vitamin C Booster Powder 𝚑𝚔𝚍 𝟼𝟹/𝟸𝟶𝚐 勁抵用嘅維C粉，可以溝落所有水狀嘅精華同乳液，發揮維他命C美白同埋抗老功能。通常用嚟溝落body lotion搽手手腳腳，都算係幾容易撈勻。不過比起philosophy，美白效果就無咁明顯。 BHA Clarify Gel Cream 𝚑𝚔𝚍 𝟽𝟿/𝟹𝟶𝚖𝚕 比我用開嘅skinoren 易吸收同埋無咁刺激，不過效果都慢少少。去印比較明顯，去暗瘡我就覺得無咩明顯感覺。 #goodmolecules #goodmoleculeshk #SharedomoSkincare

💆🏻‍♀️ MTM Brand Focus 2021 💆🏻‍♀️ . 詢問度極高嘅 @mtmlabo Brand Focus黎啦！！！每次Q&A都一定會有人問MTM有咩推介？幾時有brand focus？其實2年前我有輕輕寫過，不過隔咗咁耐我試嘅野多咗，品牌產品包裝都改咗，所以今日出個update版！ . (*) = 推介 . ❶ Exfoliators: ▸ Resurfacing Gel* ▸ Scrub 面部磨砂有呢兩款，我💜Resurfacing Gel多啲！好溫和，用完皮膚好soft好滑！我覺得佢粒子比Scrub更細，更適合敏感肌/皮膚薄嘅朋友。同埋到依家寫呢個post上官網check資料，我先發現scrub係 “暗瘡及敏感肌膚不適用”😵‍💫 應該係因為入面有果酸成分，對敏感肌可能會刺激咗啲，不過好彩我用完都無不良反應。 . ❷ Eye Expert: ▸ Eye Mask* ▸ Nutriment Eye Cream ▸ Realize Eye Primo* MTM眼膜都幾出名，但其實以前我覺得一般，唔太抵用，因為佢建議密集式敷，我覺得係眼膜密敷都有效，所以停咗一排無敷。最近開始敷返，我慢慢感受到佢嘅好，連敷效果又真係好顯著嘅，再加上依家有Times coupon，抵買好多！如果你係後天型黑眼圈，或者眼紋問題嚴重啲，可以一試，媽咪敷完效果好好。有時急救敷都好好！ Eye cream唔係我用過最薄最快吸收嘅，但整體黎講都唔錯。每次用量唔洗多，可以推得好開，都幾㩒用，用完化妝唔會起擦膠碎。 最後Eye Primo我覺得幾正，雖然貴，但有料到🤣 一開始皮膚測試顯示我眼底有黃氣加色素沉澱嘅黑眼圈(偏粉紅，先天形成，鼻敏感導致)，我無日日用，用Brilliant多啲。到早幾日再去做測試，眼底今次無咗有黃氣嘅問題。呢段時間我冇改飲甜野嘅習慣，所以我諗係因為用咗呢支抗醣化精華！ . ❸ Masks: ▸ Deep Cleansing Purimask ▸ Harmonious Mask* ▸ Hydrating Mask* ▸ Overnight Re-boost Mask 初試MTM嘅可以由保濕mask入手，我媽已經用緊第三甖！保濕力好好，同埋佢敷落會有少少冰涼，起到鎮靜作用。 深層清潔面膜雖然溫和，但清潔力都夠㗎！媽咪每星期敷一次，之前啲facial姐姐話佢皮膚好污糟，但最近一次去佢哋話媽咪皮膚乾淨咗！ 敏感肌我就推介Harmonious，不過只限於敏感肌/皮膚唔穩定嘅朋友仔，我有朋友試過就覺得無咩特別，因為佢無我易敏感。 最後Overnight Mask效果係正的，但用量一定要足。佢比起好多睡眠面膜易吸收、無咁笠，但始終都會痴頭髮，味道幾重，我自己唔太鍾意。如果你唔介意呢啲，可以一試。 . ➍ Moisturizers: ▸ Hydra lite Moisturizer ▸ Nutriment Moisturizer Hydra lite(媽咪用)會推介俾啲好怕笠嘅朋友。佢質地好輕好薄，易吸收，我媽係超級超級怕笠，但呢款佢接受到！Nutriment就係我冬天夜晚用的，應該係MTM所有面霜入面滋潤度最高。質地會厚少少，但唔會好笠。 . ➎ Harmonious Collection: ▸ Harmonious Essence ▸ Harmonious Toner 除咗基本護理，我試得最多係呢個有機系列。主打舒緩、抗炎抗氧化同修復，敏感肌好啱用呢條line！除咗mask，我仲有用Essence同Toner，功效黎講我覺得面膜最快最顯著，效果強啲。 . ➏ Others: ▸ Botimate Serum ▸ Collagen Rebirth System ▸ Essential Defender Essential Defender係一支保濕同時有防禦功效嘅噴霧。噴出黎嘅水珠好細，就算係化完妝噴都冇問題，唔會因為水珠太大而整花個妝。 兩款Serum我用落除咗覺得保濕唔錯，無其他太大感覺，可能因為我未到真係需要用嘅年紀，應該會適合熟齡肌。之前BA話BS收細毛孔效果好明顯，但係我到無咩效果，所以都少用。 . 大家可以去 #ybt_mtm 睇返我之前個篇review，嗰度有啲產品係今次post無嘅。 總括黎講MTM產品大部分都唔錯，我鍾意佢有得做調配，可以根據返個人需要加入原液(我通常都係落保濕同抗敏舒緩)。佢仲有藥白、膠原蛋白同靈芝系列，大家可以去做皮膚測試，睇下自己啱用邊啲產品🥰 . . . #mtmlabo #mtm #mtmlabohk #mtmeyemask