一如所料，前美國國家安全顧問博頓即將出版的新書為美國政壇投下一枚重磅炸彈，揭露多項駭人內幕：例如侵曾對習說中國在新疆興建集中營是「絕對正確的事情」。

在香港，只要一批評侵就會立即被扣上「左膠」的帽子。但博頓不可能是一名「左膠」。他在美國是個大右派，民主黨對他痛恨之至。博頓原為小布殊任命的美國駐聯合國大使，2018年由侵自己任命為國家安全顧問，是根正苗紅的共和黨人。他的政見包括攻打伊朗，推翻委內端拉政權等等，完全鷹派人物；如果他也是「左膠」，那麼人人都是左膠。博頓這個大右派講侵，點都要聽。

按博頓的說法，真實的侵是怎樣的？首先，極度無知，以為芬蘭是俄羅斯的一部分，不知道英國擁有核武。

但更大鑊的，是博頓確認了早前烏克蘭門調查是事實。烏克蘭門的重點，是侵扣起了國會通過對烏克蘭的援助，要求烏克蘭政府協助攻擊他在美國的政敵。這件事是叛國罪來的。

而最大鑊的，是博頓說烏克蘭門只是冰山一角：侵和中國也有交易，侵提議中國用手段支持他連任，而且清楚說明案發時間地點，因為他自己就在現場：

//In their meeting in Osaka on June 29, Xi told Trump that the U.S.-China relationship was the most important in the world. He said that some (unnamed) American political figures were making erroneous judgments by calling for a new cold war with China.

Whether Xi meant to finger the Democrats or some of us sitting on the U.S. side of the table, I don’t know, but Trump immediately assumed that Xi meant the Democrats. Trump said approvingly that there was great hostility to China among the Democrats. Trump then, stunningly, turned the conversation to the coming U.S. presidential election, alluding to China’s economic capability and pleading with Xi to ensure he’d win. He stressed the importance of farmers and increased Chinese purchases of soybeans and wheat in the electoral outcome. I would print Trump’s exact words, but the government’s prepublication review process has decided otherwise.// (原文節錄)

他更認為早前侵解除對ZTE的制裁是侵收買習之舉。

其實好多評論已經講過無限次，侵為了自己會出賣任何人。現在我們有人證了，題目還要是對華政策。

（或者有人會問，為什麼中國會想侵連任？中共向來睇長線，侵主政下美國內政不舉，外交又疏遠盟友，製造國際權力真空，長遠來說對中國反而有利，這點已有很多論者寫過。）

政見上我和博頓當然南轅北轍，也覺得博頓現在爆料只為賣書（之前彈劾案的時候又不出來），但如果內容屬實，也是遲到好過冇到，貢獻人民。

或者你會說，他不甘被炒才故意中傷侵吧？如果只是他一個人這樣說，那倒是合理懷疑。但別忘記前面還有Priebus 同 John Kelly 兩任白宮幕僚長，還有許許多多的共和黨內爆料人，他們對侵的描述和博頓一樣差。這真的不是左和右的問題，而是是非黑白的問題。

結論還是那句話：對中強硬已是兩黨共識，但侵在執行上以私利先行，不可靠。把香港人的前途押在一個自私自利的人身上，不明智。而下一階段需要的是要美國的其他盟友落水助攻，侵在此也明顯不能扮演合縱連橫的角色。

#歷史真難

#點解汽油彈叫MolotovCocktail
#汽油彈係為抗共而發明嘅

汽油彈，英文通常叫Molotov Cocktail。Motolov係個姓，全名Vyacheslav Molotov，佢係二戰時期，蘇聯共產黨政權嘅外長。

蘇共二戰時攻打芬蘭，明明係派飛機瘋狂轟炸，外長Molotov，卻發揮「四點鐘記者會」式嘅語言偽術，喺電台廣播中，聲稱係人道任務，派飛機送食物俾肚餓嘅芬蘭人民。於是芬蘭人就稱蘇共空襲為”Molotov bread basket”。而抵禦蘇軍而發明嘅汽油彈，芬蘭人就改名為”Molotov cocktail”，寓意為「送麵包用嘅雞尾酒」。

曾幾何時，全世界最極權，最邪惡，而又最有力量輸出革命嘅政權，係蘇共。香港人而家當然明白，有啲咁極品嘅鄰居，都唔慌有乜好日子過，尤如住喺計時炸彈隔離，唯一懸念，係幾時爆。

歐洲裡面，同蘇共孖住條最長邊境嘅，就係芬蘭。一戰前，芬蘭係俄羅斯帝國一部份，曾經享有高度自治，但到後期，出咗個變態特首之後，俄帝統治，變得愈嚟愈高壓，呢類橋段，香港人當然唔覺得出奇。於是，到咗一戰尾聲，俄帝滅亡，蘇共上台，芬蘭人即刻光復芬蘭，宣佈獨立。

然後馬上發生內戰，白色係德國支持嘅反共派，紅色自然係蘇共支持嘅親共派，兩種顏色對決，最終死亡人數按比例計，破咗當時嘅人類內戰史紀錄，直到足足八十年後，先俾盧旺達內戰打破。最後反共派贏咗，但共產黨嘅恐怖，自此種咗入芬蘭人嘅集體記憶裡面。

到咗二戰，芬蘭已經發展為成熟嘅自由民主資本主義社會，而惡鄰蘇共，就將極權統治，玩到爐火純青，咁芬蘭人梗係日夜警惕，怕唔知蘇共幾時又嚟料。果然過咗冇耐，蘇共就開始多多要求，向好多年後發明人鍊嘅波羅的海國家，同埋芬蘭施壓，要作出種種讓步。

波羅的海三國決定跪低，唯獨芬蘭全國一致唔跪，嚇咗蘇共一跳。事關蘇共兵力，係芬蘭嘅五十倍，而且武器勁好多，根本冇得打。當時芬蘭嘅諗法，係一旦讓步，順應蘇共一啲「一地兩檢」式嘅要求，蘇共一定唔會就此罷休，到最後，唯一結局係亡國，自由民主資本生活模式，就會變成同邊界另一面嘅極權世界睇齊，於是舉國決定，係寧鳴而死，不默而生。

結果蘇聯真係出兵，即所謂The Winter War。芬蘭總動員反抗，後生到十幾歲嘅小朋友都要出動，最終全國百分之五嘅男丁，戰死沙場。但呢邊廂，蘇共連慘勝都講唔上，因為每死一個芬蘭人，就死咗八個蘇軍，比例上輸到貼地。雖然總人數蘇軍夠多，但係芬蘭人嘅頑抗，令到蘇共大為震撼，蘇共以後都記得，呢班芬蘭人係幾咁難纏，入侵成本幾咁高。

於是，芬蘭成為歐洲大陸，喺二戰期間唯一一個，冇俾外國入侵統治嘅參戰國家，而蘇共從此亦冇再入侵過芬蘭。二戰後，芬蘭積極扮演蘇共窗口嘅角色，成為蘇共引進自由西方科技嘅橋樑。於是，蘇共冇計劃再輸出革命去芬蘭，因為芬蘭作為獨立鄰居窗口嘅利用價值，重要過成為蘇共鐵幕帝國嘅一員。芬蘭得以保住自己嘅生活模式，同蘇共鬥長命。

對芬蘭人嚟講，蘇爆呢一日，曾經係這麼近那麼遠。令人想像，一九九一年冬天，某個日短夜長，北風凜冽嘅尋常晚上，海辛基最大墓園，埋葬抗共烈士嘅Hietaniemi Cemetery裡面，煲底形某處，一排排帶住燭光嘅市民之中，一位女士合埋眼，喃喃細聲講：「蘇共終於倒台，請安息。」

【#宋漢生黑鏡線索】

蘋果日報 12.10.2019

#點解汽油彈叫MolotovCocktail
#汽油彈係為抗共而發明嘅

汽油彈，英文通常叫Molotov Cocktail。Motolov係個姓，全名Vyacheslav Molotov，佢係二戰時期，蘇聯共產黨政權嘅外長。

蘇共二戰時攻打芬蘭，明明係派飛機瘋狂轟炸，外長Molotov，卻發揮「四點鐘記者會」式嘅語言偽術，喺電台廣播中，聲稱係人道任務，派飛機送食物俾肚餓嘅芬蘭人民。於是芬蘭人就稱蘇共空襲為”Molotov bread basket”。而抵禦蘇軍而發明嘅汽油彈，芬蘭人就改名為”Molotov cocktail”，寓意為「送麵包用嘅雞尾酒」。

曾幾何時，全世界最極權，最邪惡，而又最有力量輸出革命嘅政權，係蘇共。香港人而家當然明白，有啲咁極品嘅鄰居，都唔慌有乜好日子過，尤如住喺計時炸彈隔離，唯一懸念，係幾時爆。

歐洲裡面，同蘇共孖住條最長邊境嘅，就係芬蘭。一戰前，芬蘭係俄羅斯帝國一部份，曾經享有高度自治，但到後期，出咗個變態特首之後，俄帝統治，變得愈嚟愈高壓，呢類橋段，香港人當然唔覺得出奇。於是，到咗一戰尾聲，俄帝滅亡，蘇共上台，芬蘭人即刻光復芬蘭，宣佈獨立。

然後馬上發生內戰，白色係德國支持嘅反共派，紅色自然係蘇共支持嘅親共派，兩種顏色對決，最終死亡人數按比例計，破咗當時嘅人類內戰史紀錄，直到足足八十年後，先俾盧旺達內戰打破。最後反共派贏咗，但共產黨嘅恐怖，自此種咗入芬蘭人嘅集體記憶裡面。

到咗二戰，芬蘭已經發展為成熟嘅自由民主資本主義社會，而惡鄰蘇共，就將極權統治，玩到爐火純青，咁芬蘭人梗係日夜警惕，怕唔知蘇共幾時又嚟料。果然過咗冇耐，蘇共就開始多多要求，向好多年後發明人鍊嘅波羅的海國家，同埋芬蘭施壓，要作出種種讓步。

波羅的海三國決定跪低，唯獨芬蘭全國一致唔跪，嚇咗蘇共一跳。事關蘇共兵力，係芬蘭嘅五十倍，而且武器勁好多，根本冇得打。當時芬蘭嘅諗法，係一旦讓步，順應蘇共一啲「一地兩檢」式嘅要求，蘇共一定唔會就此罷休，到最後，唯一結局係亡國，自由民主資本生活模式，就會變成同邊界另一面嘅極權世界睇齊，於是舉國決定，係寧鳴而死，不默而生。

結果蘇聯真係出兵，即所謂The Winter War。芬蘭總動員反抗，後生到十幾歲嘅小朋友都要出動，最終全國百分之五嘅男丁，戰死沙場。但呢邊廂，蘇共連慘勝都講唔上，因為每死一個芬蘭人，就死咗八個蘇軍，比例上輸到貼地。雖然總人數蘇軍夠多，但係芬蘭人嘅頑抗，令到蘇共大為震撼，蘇共以後都記得，呢班芬蘭人係幾咁難纏，入侵成本幾咁高。

於是，芬蘭成為歐洲大陸，喺二戰期間唯一一個，冇俾外國入侵統治嘅參戰國家，而蘇共從此亦冇再入侵過芬蘭。二戰後，芬蘭積極扮演蘇共窗口嘅角色，成為蘇共引進自由西方科技嘅橋樑。於是，蘇共冇計劃再輸出革命去芬蘭，因為芬蘭作為獨立鄰居窗口嘅利用價值，重要過成為蘇共鐵幕帝國嘅一員。芬蘭得以保住自己嘅生活模式，同蘇共鬥長命。

對芬蘭人嚟講，蘇爆呢一日，曾經係這麼近那麼遠。令人想像，一九九一年冬天，某個日短夜長，北風凜冽嘅尋常晚上，海辛基最大墓園，埋葬抗共烈士嘅Hietaniemi Cemetery裡面，煲底形某處，一排排帶住燭光嘅市民之中，一位女士合埋眼，喃喃細聲講：「蘇共終於倒台，請安息。」

【#宋漢生黑鏡線索】

蘋果日報 12.10.2019