【龔成問答信箱】（Q12301-Q12320）

Q12301：

老師，近來香港發生左好多政治事件，我身邊吾少朋友對香港失去信心，佢地認為香港逐漸失去法治、自由，呢2樣一直係香港基石。

隨著事件愈演愈烈，佢地相信外商會撒資香港，香港經濟會轉差，港股失去左投資價值。

我身邊不少朋友，原本都有月供股票，佢地紛紛打算停股，賣港股，換美元，買美股。

我明白「別人恐懼我貪婪」既道理，但連我都感到恐懼，我知道香港過去經歷大大小小恐懼事件，但今次「緊急法」係毀滅性，我擔心香港長遠無左法治，經濟一潭死水，港股無哂投資價值，我都萌生出換美股既想法。

老師，請問你點睇香港政治局勢？你認為港股仍有希望嗎？

龔成老師：

從政治的層面，香港的確有些位在下跌的情況。

不過在經濟與獨特性的層面，香港仍有優勢，當然，中短期一定會影響國際的信心，但只要雨過天清，長遠香港的優勢仍在，國際仍會有信心的，唔需要將這一刻的負面情緒太過放大。

記住，我地要利用恐慌期，這是長期投資的時機，是買，不是賣！

李嘉誠當年67暴動，就是不停掃地皮，買平貨。近期，李氏又不斷增持自己隻股票。

雖然這刻股市未到平宜區，只是合理區，但都是不錯的分注投資優質股時機。因此，就算你唔買入，都起碼不要賣出優質股。

------------------------------------------------

Q12302：

Hello龔生，請問你點睇1733易大宗前景？我0.84買入的，謝謝

龔成老師：

易大宗（1733）是財技股，風險高。

同埋，如果有睇佢的企業年報，就會見到核數師，多年來都有「保留意見」或「不表示意見」，這已經賬目「有古怪」。這類股基本上無投資價值，賣出較好。

------------------------------------------------

Q12303：

老師你好，最近2個月一直都有留意住你對於投資睇法。 很多謝你

本人27歲 家中出現巨變後 慢慢明白齋儲存係唔可以令自己安穩過往後日子 希望唔會太遲開始投資

手上有8萬現金 月薪21000 一個月儲到4000蚊

膽粗粗開左戶
一個月前買左1手6823（$11.9入） 同 4手 2638 港燈 （$7.75入）

我知道自己以27歲來講 過於保守 只入左收息股 但好想為自己增加現金流 除儲錢 收息股都算係一個選擇

其實有幾個問題想問的

1. 上述兩個收息股我都諗住做長線的，請問適合嗎？ 同埋有冇一d收息股可以入手了？

2. 現時入手778 置富 會唔會太高價？ 當時$9.98果陣 我猶豫了 來緊減息係咪會帶動佢上升了？

3. 點睇2186 綠葉製藥同 659 新創建？

4. 很怕月供收費價錢貴 2800除左月供 如果我想一手入市 邊個價位會較為適合了？

5. 我有時會留意0027 銀河娛樂，前境好似唔錯，老師你有冇?咩睇法？

抱歉 太多問題添 但呢d問題經常都得唔到一個大方向 還望老師可以指點下我

感謝

龔成老師：

1）以你的年齡，未必是最好的投資，但這兩股優質，你可以持有，不過之後就應投資其他股。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

2）置富（0778）現時在合理區較上部，分注投資可以，這是一個不錯的收息股。預期的減息因素，已經反映在股價上。

3）都是有質素的股票，前者風險會高少少，但潛在的增長力同樣會高少D。

4）你可以去匯豐、南洋商業銀行問問，手續費相對較平。如果你想一手手入，最好分注，如跌多5%會較好。

5）銀娛（0027）是有質素的股票，現價在合理區上部，前景正面，如果分注投資或月供會較好。

------------------------------------------------

Q12304：

老師你好。我25歲,剛剛接觸股票,可月供$6000。
我有兩個組合想問下老師意見。

組合一:
盈富基金(2800) $2000
港鐵公司(0066) $2000
中銀香港(2388) $2000

組合二:
盈富基金(2800) $2000
港鐵公司(0066) $1000
中銀香港(2388) $1000
長建(1038) $1000
比亞迪股份(1211) $1000

組合一比較集中平穩增值。組合二比較分散及加入了潛力股(1211)，但係儲股票比較慢。

想問下老師對呢兩個組合有咩睇法?
我比較適合邊個組合?
謝謝老師。

龔成老師：

如果你25歲，可以投資較有增長力的股票，以整體來說，組合2是較好的。

當中都是有質素的股票，基本上可以長線持有，長建（1038）雖然近年的股價不太好，但其實佢仍不斷進行投資，這刻有潛在增長力。至於比亞迪（1211），你供$1000是適合的，這股有潛力，適合你投資。

你可以開始進行月供，長線進行就得。

------------------------------------------------

Q12305：

老師，我想問關於“比亞迪”，近幾年新能源汽車市場已進入高速增長階段，但比亞迪的盈利能力及股價未見有好的表現，請問你覺得佢既爆發點會係邊？

另外比亞迪近來想對外供應電池，你覺得佢點解咁做？既然電池係電動車中最重要既技術，點解佢要同對手分享？謝謝

龔成老師︰

雖然近年新能源汽車市場已進入高速增長階段，但市場要有更大突破，甚至較為普及，可能是數年之後的事。那個是引爆點，無人可以預知。正如在90年代初期，只有極少數人擁有手機，突然間在幾年後，手機快速普及，由奢侈品變成了必需品。

在長遠在國策和環保等因素支持下，新能源汽車普及只是遲早的事，比亞迪(1211)真正盈利也慢慢反映出來。

近年比亞迪加速推動動力電池外供，如跟長安汽車簽署戰略合作協定，為長安汽車供應動力電池。新能車中動力電池是其中一個很重要部份，比亞迪本身是電池起家，希望透過自身電池優勢，擴大收入和對新能車市場影響力。

當比亞迪幫助其他同業生產電池和分享技術(但相信最核心部份唔會分享)時，變相等同其他同業放棄自行研發機會。

長遠來看，比亞迪和其他車廠在電池技術優勢差距將會越來越大，當全中國車廠都要依賴比亞迪電池的時候，集團的收入增長和行內影響力可想而知。

------------------------------------------------

Q12306：

龔成老師，你好。

本人與太太29歲，
岩岩結婚，想盡快上車，有頭家

家庭月入約3.5萬，
每月剩下1萬作存款
現金40萬。
但打算末來兩年後上車(父親會幫忙首期)

老師有野想請教你,之前睇了你的80後百萬富翁常常提及要先增值後現金流,末來想利用月供股票，去不斷儲優質股。

老婆想把所有錢全賣入港鐵（0066）,但我反對。因為老師也教過月供幾個不同股票並長期進行，已經是一個不錯的組合。現希望取30萬作投資，請問有咩建議？
謝謝指教。

龔成老師︰

如果你未能掌握估值技巧，月供股票就可以幫你平衡番價格波動風險。

由於你計劃未來2年後上車，時間比較短，現金40萬建議你留下作備用現金較好。雖然家人會幫忙首期，但上車後還有不少相關洗費要用。

而且將來價格可能有所變動，而個無人知，到時家人唔夠錢幫你全數首期也說不定，要先留定個保障給自己。

另一方面，你可以考慮將儲蓄做月供股票。你可以主力投資「平穩增值股」盈富（2800）、金沙（1928）、港鐵（0066）、中銀（2388）、恆基（0012），再加少少潛力股如比亞迪(1211)、中生長1177)、福壽園(1448)。

------------------------------------------------

Q12307：

你好，老師
想問751前景如何？
之前2.7買入，仲可唔可以守？

龔成老師︰

首先，我地持有一隻股票與否，關鍵位是企業質素、前景，不要被買入價影響。買入價只是一個心理因素。

創維數碼（0751）質素中等，業務唔係無錢賺，但生意無增長，同時毛利率有下跌情況，盈利過了最高峰的年代。

近年盈利倒退情況開始加劇，這股你可以持有，不是無得守。但你唔好再加注，如果太重貨，建議你在反彈後減少少，餘下的就守住先。長遠則要慢慢減，去到較合理的持貨水平。

------------------------------------------------

Q12308：

龔Sir你好， 小弟最近聽聞有一隻叫做「定息保本基金」， 強調沒有波幅， 只要投入一筆資金， 並Hold住一段時間（約4-6年）。

每年有8-16％回報， 相當吸引， 未知龔Sir點睇？
多多指教

龔成老師︰

你要留意番條款細節，例如每年8-16%回報是否保證、中途取消計劃會唔會有很高手續費、基金投資在什麼產品等等。

這個回報率是可以的，但大前題是，投資前你必需確保自己了解清楚當中風險和細節。

坦白講，我相信世上沒有免費午餐，這是一個不低的回報，因此，風險一定會有，但就未知多與少。

------------------------------------------------

Q12309：

Hello 龔成老師，我想問下港交所、 港鐵、盈富 現在入手 價格合理嗎？還是現在偏貴？謝謝你

龔成老師︰

港交所（0388）現價偏貴，至於港鐵（0066），勉強在合理區，之前雖然有減值事件，但這只是一次性，因此不用擔心，但我會建議分注投資。

至於盈富（2800）現時恆指PE約12倍，故尚在合理價格之內，分注投資，長線持有，無問題。

------------------------------------------------

Q12310：

龔成老師 你好 本人快30歲 今年機緣巧合 係fb見到你既post 在2月開始儲股 但本人沒有月供 只是出糧夠錢就將佢買哂落股票 而平均收入約每月3萬5 現時有

5 2400股
12 1000股
1833 1200股
1398 3000股

但感覺組合太過防守性 而且有些擔心問題 5仔現在維持派息 怕唔怕2020後 派息大減 另外1833 是不是一隻值搏既股票 因為網上醫療。

暫時好像只有這一家，另外想買一些進取股票 想問現價175 是否比1211更合適 希望可以聽聽老師意見??

龔成老師︰

首先，以上4隻股票價錢大不同，你現金要好好平衡分配，不要等當月夠錢才投入股市，而係要有系統咁慢慢入貨，咁先可以做到月供一樣平衡番個價格風險。

選股方面，平安好醫生（1833）你可以話係潛力股，但就屬於較高風險的類別。此股上市年期不算長，加上上市時是市場熱炒期，當時估值過高，對這類股有少少保留。

業務上，佢地的確是高增長，同時業務有發展潛力，但睇翻佢地的財務數據，平安好醫生仍處燒銀紙狀態，所以如投資，小注好了，但這股有機有潛力的。

恆基(12)是可以，而匯豐(5)和工行(1398)是收息股。由於你尚年輕，應要增值為主，可以考慮將佢地轉為平穩增值股盈富（2800）、金沙（1928）、港鐵（0066）、中銀（2388）和一些潛力股如比亞迪（1211）、中生製藥(1177)。

其實吉利(175)和比亞迪（1211）現在價格都在合理區，都是可以買入。但2者相比，比亞迪（1211）其作為新能車龍頭，受政策所支持，潛力會比吉利大。

------------------------------------------------

Q12311：

本人25歲
目前已月供1年
4隻各$2000

1177
1211
2800
66

想再加多一隻月供股票
有無好既選擇？

比較緊1928/1128/27
或現價較貴但市盈率低的823

想加快速度希望4年內買樓結婚
感謝????

龔成老師︰

3隻博彩股當中以銀娛（0027）、金沙（1928）較佳，前者較有增長力，後者則相對無咁高增長力，但股息率高。其實以上4隻都是有質素的股票，都可以月供。

但月供股票講緊係需要5年，甚至更長週期去比企業慢慢升值。如果你4年內必需要動用這等資金買樓，建議你將波動性較大比亞迪（1211）和中生製（1177）轉至盈富（2800），你可以考慮轉部分。

領展（0823）雖現較貴，但月供可以幫你平均番個價格。至於PE方面，領展因為是房託，所以每年收入會受物業重估影響。

純利中包括了物業重估部份，故PE必然會偏低，但這部份並非真正現金流，所以計算收入時應該扣除這部份，故實際PE值並非在財經網上看到這樣低。

------------------------------------------------

Q12312：

可唔可以講下最近樓市睇法，二手樓成交破頂。

新樓龍床盤超標入飛。
對未來一年樓市睇法

龔成老師：

我會從香港最根本的需求與供應分析。

中短期樓市唔知，但長期來說，仍會向上的，因為供應仍然不足，現時所謂的數字大左，其實是每個面積細左，因此根本就無解決過供應問題，加上香港政府的大嶼山計劃，相信會好多阻力，所以時間一定會好耐先有，因此供應仍會不足。

至於需求，我見好多結婚的朋友，結婚之後仍會同父母一樣住，因此，這都是潛在的需求，而且唔少，所以長遠的需求不低。

在這條件下，長遠樓市上升的方向較大。

------------------------------------------------

Q12313：

龔sir,多謝你次次都有回覆我股票問題，今次想問你工作上既問題。

我份工可以定時返工或者返shift, shift 唔定時，可以下午三點返工，凌晨三時返工都得，二十四小時都有間，但冇得自己揀時間。

返shift 賺多d, 一個月大概返22日工，等多兩年半可以升職。升左職大概加35%人工。

返定時，返一日放一日，一個月大概返十二至十五日工， 人工會少shift 10-15%。而且升職要等4年，即係慢返shift 2年。

我維持左返shift 已經五年，大概三年前睇投資書同財報，興趣建立左，宜家日日睇，但開始發現去睇投資書同財報要用好多精神。

因為返shift既關係，唔多時間，唔定時返工，唔定時起床，食無定時，加上日夜顛倒，身體開始差，易病。

覺得自己專注力下降，睇書同財報好慢,睇一陣就停，而且完全冇時間做其他想做同試既野，例如運動，以前日日做，但冇做兩年。好唔滿意呢個狀態，想早睡早起，食定時，做事有規律。

我想轉去返定時，但我唔想少左人工，同耐左升職，但返定時會多好多時間，生活有規律，係我一直嚮往。但因為返shift 多d$同快d 升職，所以我一直都冇作出改變。

呢份工係我一直想做，但做左五年，工作熱誠度已減，但沒有影響我工作表現，因為已經上哂手。無論返shift或定時都係做同一樣野，只係工時長短問題。

現在我既目標係份工以外既野，想增加財務知識，想睇好多書同出去上多d堂，仲有想學日文。但因為返shift,返工唔定時，經常就唔到課程時間，睇書又冇精神，總之個人冇進步。

想請教龔sir, 如果係你，你會點揀？

龔成老師：

我本身是一個好慳的人，但有兩種支出，我永遠唔會慳，就是「知識」同「健康」。

因為這兩項是我最重要的投資，如果你份工同這兩項野有對立，就唔建議你做，因為長遠來說，你處於一個不利的狀態。

所以，我會建議你唔好shift，因為你身體已出左問題，你之後賺錢同升取都無用，同埋，如果你唔shift，可以多D時間學知識，增值自己，對你長遠反而有利！

------------------------------------------------

Q12314：

龔成老師，由我第一次pm你已經過了一個月。我想同你分享下，呢一個月我做過d乜。

為了增加收入，我除正職（公務員）外，公餘時間都用作兼職，我研究過做救生員係最合適我的，雖然時間長
1）但在體力上不會太勞累（兼職當休息)
2）價錢不會太低，$70-85每小時（因專業資格）每次收工立即出糧

3）現時需求大所以選擇更份返工彈性大
4）重要的是，當冇人游水或輪休時，可以偷時間睇書投資自己。

基本如果可以，一星期內6至7日都會有段時間係返工賺錢的。我不覺太辛苦，甚至越做越投入，因為我知道自己正在做什麼，我要盡快儲第一舊錢。

在開支方面，我規定每日只花＄100，這不困難，每每都會輕易達到。主要開支都在交通同飲食上。而我每次收入同開支都會即時紀錄在錢家有道的app內。

投資自己方面，我差唔多讀完富爸爸窮爸爸，真係一本好書，對我整個生活概念同世界觀影響好大。

而投資資產方面，我開了股票戶口，不過因為忙於工作，錯過了設定月供股票投資額的日期。我只能下個月開始月供股票。

而家我雖然暫時沒有財富，但每天起身都好有動力，相比之前我雖然戶口還有個錢，但每日起身唔知為咩，對比好大。依家是有生命力同打不死的生活態度。

我知道自己還有時間（潛力），時間好寶貴，行動力也很重要，無論是否會失敗並唔重要，只是過程其中一點，諗遠D，只需繼續堅持積極去做就可以。

過程中我發覺當自己每踏出一步，我遇見到更多野，學到更多野，會得到更多新資訊。好似每次我識到更多新救生同事，我會主動交流，之間我會得到好多唔同年紀諗法，生活習慣同模式，佢正職消息，新idea等等。當中資訊好有用。

有得亦有失，我關注的是失去了陪伴屋企人同朋友的時間，我需要作出取捨同平衡。

我享受整個過程，享受為自己奮鬥過程，當中體驗就像無白白過自己人生。

多謝之前的巨大失敗（一個不是每個人都擁有的寶貴體驗），佢令我保持飢餓，我就會開始思考，亦令我有巨大動力同決心去前進。我一值以黎人生向下行咁耐，係時候釋放自己的潛力價值。

依家我開心左好多，心中也富足踏實左好多。這只是個開始。

可以同別人分享其實係好開心，多謝龔成老師。也恭喜你的新書大賣，可以幫助更多人，祝你身體健康。

龔成老師：

太好了！

當你有目標、有夢想，你就會變得好有動力，同時會變得好積極，這正正是你現時的狀態。

你要保持這個狀態，我地累積財富是長期戰，完成夢想都不是一天能做到的事，但只要保持每天進步，一步步向目標行，就會完成夢想！

你要記住，過程中你會經歷失敗，但這是必經之路，最重要是唔好放棄，因為呢D失敗先可以令我地有最大的進步！加油呀！

------------------------------------------------

Q12315：

老師，如果我定期2個月買一手2800，以節省每月手續費，而且唔使買碎股，咁樣操作可以嗎?或者我可以2至3個月買一手0003代替2800嗎?感謝!

所以我供了2，3年後，到時就賣出股票以作首期之用。

龔成老師：

你這樣儲盈富（2800）是可以的，其實同月供股票的原理一樣，目的都是分注投資，減少買入價風險，同時可以不斷累積資產。

不過，2、3年就有少少短。

因為我地投資股票，就是買企業，而企業增長需時，長遠會慢慢發展，但短期股價只受市況影響，而2年算是一個中短期，你到時放，其實有不確定風險。

因此，如果你明確2、3年要用資金，就不能全數投資盈富，同時要留有現金。

------------------------------------------------

Q12316：

龔sir, 我依家睇緊您著作”80後百萬富翁”，想請教您有關強積金問題。

您書中提及35歲後要把組合中保守的部分慢慢調高，咁係咪意思指我依家38歲就唔應該100％買晒香港股票基金呢d高風險基金？

另因為我有一個匯豐強積金保留戶口，當中100%買晒恆指(已經好幾年)，咁我駛唔駛要作出更改？因為其實回報都好似幾ok咁。

另希望阿sir考慮緊加開星期六的堂。謝謝阿sir

龔成老師：

強積金你應該按年齡，慢慢將風險調低，這是大方向，但當中的運作，每個人都是有少少調整的。

你現時100%港股，你可以現在這年齡，調低少少比例，但如果你本身可以承受少少風險，同時有少少投資知識，你到40歲-43歲，先調整都無問題，可以慢慢減比例。

至於你匯豐強積金，暫時唔需要改，因為恆指本身已是一個平衝的組合，同時，你要在4X歲開始減少比例。

星期六堂我知需求大，因為每次都好快爆，而家一般一年會開1、2次，你可以留意。

------------------------------------------------

Q12317：

龔成老師，以下是我與家人投資組合，我22歲，我爸爸50，我媽媽45。

爸爸月供：
5000煤氣
5000港鐵
3000長江基建

媽媽月供：
2000港鐵
2000中銀香港

我月供：
5000銀河娛樂
3000友邦
2000蒙牛

以上計劃已經實行一年，請老師過目。

另外爸爸投資左50萬落楓葉教育@3.2。期望持有5-10年可以倍增。

而未來一年我們一家將買入50萬福壽園。

未來兩年會買小米及中國生物製藥。都是持有10年左右

龔成老師：

你地月供的，都是有質素的股票，基本上可以繼續，長期進行就得，如果你地想組合更加平衡，可以加入盈富（2800）。

楓葉教育（1317）有質素，不過，投資$50萬就有點多，因為這股本身都有少少風險的，同時我地投資股票，不應太集中在1、2隻股票裡。

至於褔壽園（1448），這股當然有質素，有潛力，不過，投資$50萬亦是較多，這樣會太集中。同時這股現價略貴，因此不是大手時間，只能分注去入。

小米（1810）、中生製藥（1177）可投資，長線持有無問題。

------------------------------------------------

Q12318：

龔成sir 你好, 想問現時32歲,
月供2萬, 之前供左4手2800,

而家月供
12 $5000
66 $5000
823 $5000
1038 $5000

目標想每月3萬收息, 請問可以做到嗎?

龔成老師：

你現時每月供$2萬，假設供15年，回報率為10%（你收到股息後要進行再投資），會滾存到$760萬。

到時收這些資金投資收息股，6%，每月就可以收到$38000，能完成你的目標。

------------------------------------------------

Q12319：

您好，龔老師
本人想作月供，請代為分析一下

37歲，現金40萬，月入3萬左右，同家人住，
家用+每月開支約1.4萬，另供2000基金
因屋企早前需要錢，借出50萬

每月餘下的錢如果分配作用供？？？

現有持有939（1萬股）、3（1萬股）、5（1200股）
希望5年內月供儲錢至80萬

有意月供股票有2800、66、3
應如何分配？？？謝謝

龔成老師：

對你來說，建行（0939）、匯豐（0005）有少少保守，但你持有都無問題，不過之後就未必值得增持。

你月供盈富（2800）、港鐵（0066）、煤氣（0003）可以的，你每月最好供$8000，盈富可以較多，餘下就儲現金。

如果你想5年滾存$80萬或以上，你要盡力做到每月供$8000，同時要好好利用餘下的資金。

建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q12320：

你好龔先生，希望你有時間可以幫忙我

舊年我哥哥給我20萬元，叫我代他投資股票，因為他不懂，他是一個地盤工人，今年60歲，因為他覺得自己不懂投資，希望退休的時候生活有保障。

所以將這現金交托給我，但無奈我也是一個不懂投資的人，舊年我跟我朋友買了一隻股票叫1728正通汽車，（在價位6.3）將200,000現金都買了這隻股票。

於今年（4.45）的時候賣了一半，現時還持有一半，但股價現時再跌，現時我都不知怎樣做好，為了這件事，我消瘦了20磅，因為很擔心會將哥哥的血汗錢輸晒

請龔先生指教一下，究竟我要繼續持有這隻股票，還是將佢轉其他有質素的股票？謝謝

龔成老師：

你將全部資金都集中在同一隻股票，是高風險行為！

同時，你未仔細研究過企業質素就買入，是高風險行為！

另外，以佢的年齡，其實應該投資盈富（2800）加上收息股，建立一個組合，多中持有多隻收息股。

你要明白一點，買入價只是一個心理因素。我地持有一隻股票與否，關鍵位是企業質素、前景，唔好被買入價影響。

正通汽車（1728）係汽車經銷商，亦提供汽車相關物流業務、潤滑油貿易業務，以及金融服務。佢銷售之汽車品牌包括寶馬、ＭＩＮＩ及奧迪等豪華品牌，此外，還包括日產、現代、本田及雪佛蘭等中檔市場汽車品牌。

近年生意都有增長，但見盈利增長有減慢情況。股本回報率處較低水平，同埋佢較受經濟週期影響，對貿易相關都會有影響，所以股價會較為波動。

近期中國車市放緩、外來競爭、行業競爭加劇等不利的因素，都對整個汽車行業造成影響，相信中短期仍會對佢不利。

此股質素只算中等。而且你買入價有點偏高，要回到買入水平你要預長點時間。

如果你之前已賣出一半持有度的風險已減，你暫時可以守住先。

最後，投資要閒錢，唔好將賺蝕太過上心，試下平常心面對。

----------------------------------------------

多謝各位提問，若然你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網的，當然，會將發問者的身份，以及有關個人的部分刪去。

另外，由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

小人形今晚分享咗好多野我知，包括佢學校好多女仔鐘意佢，佢鐘意Captain America，七月佢會去睇反斗奇兵4⋯⋯仲邀請我搵個節同佢去街，係咪意思想我同佢做節？

我發覺啲小朋友多數都同我幾多野講，唔知係咪以為我細粒係同類。

#佢叫我抱起佢 #我話抱唔到你咁重 #佢叫我試吓 #試完話咪得囉 #做人嘅野唔試點知唔得 #小朋友教曉我的事 #佢仲問我拖住隔離嗰個係咪我爸爸 #咩我真係咁年青咩 #掉轉講我會打巴佢

小人形今晚分享咗好多野我知，包括佢學校好多女仔鐘意佢，佢鐘意Captain America，七月佢會去睇反斗奇兵4⋯⋯仲邀請我搵個節同佢去街，係咪意思想我同佢做節？

我發覺啲小朋友多數都同我幾多野講，唔知係咪以為我細粒係同類。

#佢叫我抱起佢 #我話抱唔到你咁重 #佢叫我試吓 #試完話咪得囉 #做人嘅野唔試點知唔得 #小朋友教曉我的事 #佢仲問我拖住隔離嗰個係咪我爸爸 #咩我真係咁年青咩 #掉轉講我會打巴佢

♥ 聊天時間 ♥

嘩嘩嘩～剪片嚇親自己
勁樣衰?
早一晚因為某D原因失眠
眼光光望天光
成個人又腫又呆又暈
但schedule咗拍片頂硬上
結果慘不忍睹?
沾污咗大家眼球真係唔好意思??‍♀️

終於3萬訂閱了～
雖然話唔太著重數字
但見到都係開心嘅～～

很多事 在心中
無數感激說話
好多觀眾由一千幾百follow我到而家
小女子(aka姨姨)何德何能令大家支持我呢～
有時見到你地係一啲留言到幫我講說話
其實係超感動～

我會繼續努力架！
好嘅野先同大家介紹～
幫大家爭取多D Giveaway
等大家都可以試下多D產品～

20個小秘密
希望大家可以又了解我多D
疫情快完～到時年尾可以幫Chopper搞個小型生日會(?)
同大家見下面?

Giveaway仲要啲啲時間
因為有品牌超級無敵好 (勁感動！)
會sponsor少少產品俾我加碼送大家～
所以又要啲時間去安排?
等我等我～


最後，媽咪話細個養和原來唔係而係咁富貴
這誤會可大了?????
佢叫我繼續做番基層發下夢啦


-------------------------------------------------------------------------
-------------------------------------------------------------------------



♥ Facebook: www.facebook.com/dottiehidee

♥ Instagram: www.instagram.com/dottiehidee

♥ Product Review Instagram: www.instagram.com/dottiehideereview

For any business enquiry:
Please check "About" for email contact:)


------------------------------------------------------------------------
------------------------------------------------------------------------

＊Disclaimer -

This is NOT a sponsored video.
❋ self-purchase item
❋ ❋ sent by PR / Gifted in event

我只會跟有興趣的品牌與產品合作。

而合作條件必須包括我可以分享真實用後感，不能只跟稿講。

深受貓奴歡迎的【貓行為網上講座】，今個夏天可以在網上足本重溫了。收看過《馴貓記》仍然未滿足，想更深入地學習更多貓行為的知識？星級貓行為網上講座足本重溫版就適合你啦！明明已經在睡前跟主子玩耍，怎麼還是通宵喵喵叫擾人清夢？明明已經買了好幾塊貓抓板，怎麼還是把我的沙發抓得支離破碎？明明只是在家中走動而已，怎麼又突然衝過來咬我一口？明明是主子最喜歡的罐罐，怎麼總要在我大手入貨後轉換口味？
100元足本重溫 為愛寵自我增值
1.5小時網上星級講座請來擁有20年貓行為治療經驗、《馴貓記》主持兼星級貓行為治療師Briganne Carter，為你解讀各種貓咪身體語言的背後意思，解構晚上大叫、破壞家具、胡亂咬人等各種常見的貓咪行為問題，教你如何以訓練的方式讓貓咪乖乖地剪指甲和解決偏食問題。以各類真實個案作為例子，深入淺出地解構常見的行為問題，針對性地為不同處境作出改善建議。現時只需100元，就可以在限定時期內即時無限次足本重溫網上星級講座。配合你的學習進度，何時看由你話事。為愛寵自我增值，一鍵購買，即買即睇！

詳情：https://hk.appledaily.com/lifestyle/20210605/LMVXW32AZBC53BOVZ2JXYYEGSQ/

影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

#馴貓記 #貓行為 #偏食 #貓貓 #罐罐
#果籽 #StayHome #WithMe #跟我一樣 #宅在家

#娛樂八卦 #SmartTrave #黃子華廣告 #foodpanda #劉青雲 #許冠文 #金句 #不為人知 #坤哥 #Chillclub #193 #是日香港新聞重點推介 #Viutv #tvb #美食外賣 #外賣app

【空姐爆料】系列, 專業人士、家庭主婦、OL、行政人員、男士、傳媒亦喜歡報導我的呢個 #SmartTravel, 可以滿足你 #娛樂、輕鬆、#剝花生 #旅遊資訊 #平吃買玩 #各地文化, 要睇梗係睇原汁原味, 你係咩人就會支持返咩嘅youtuber, 國際華人傳媒, 最喜歡報道Smart Travel
https://youtube.com/playlist?list=PLhKZNoNE4iEf-Rsl1fa8Um8aY2Yl86Q95
大家可以透過Payme, 支持下我, 打賞打賞鼓勵鼓勵:
https://payme.hsbc/smarttravel

?合作邀約請洽
gold7778@gmail.com
https://www.instagram.com/gold7778t/

成為這個頻道的會員並獲得獎勵：
https://www.youtube.com/channel/UCIuNPxqDGG08p3EqCwY0XIg/join

請用片右下角調4K睇片。
https://youtu.be/SN0SD1MMZgg

Appledaily:
黃子華拍外賣平台廣告呼籲港人勿只顧搵食 講足100秒似開Talk Show
子華神出關喇！

疫情影響全港經濟，但卻造就了外賣平台生意急增，幾間專做外賣速遞平台的公司，輸流找藝人拍廣告壯大聲勢，最近黃子華亦加入戰團，踢走為品牌代言好一段時間的鄭嘉穎，拍攝了一輯全新廣告片。

事實上，子華廣告產量向來不多，對上一次拍廣告已經是接近3年前的信用卡廣告，故他有新廣告出街，即時引起大家的關注，子華在短短100秒的廣告中，由頭講到落尾，似足平日站在台上開Talk Show，都幾肯定觀眾會由頭睇到尾，相信這就是廣告成功之處。

廣告片今日曝光，廣告以「點止搵食咁簡單」為口號，由精神、信仰、家人再講到尊嚴，透過提醒香港人不要只顧「搵食」，帶出外賣平台已不只提供叫外賣服務訊息。廣告中的對白，亦說中了不少港人心聲，當中包括「香港人搵食世界第一！因為喺香港人嘅生活之中，搵食排名第一！」、「搵食係精神，搵食係信仰，但係淨係搵食，倒頭嚟我哋搵到啲乜？」、「搵到份工，你老竇老母搵唔搵到你？」之後，子華又問大家「你真係好鍾意返工呀？有無時間搵鍾意嘅人？」、「搵到餐餐九大簋，係咪已經捱壞咗副偈？」最叫人值得反思的有「你搵到個首期，又有幾多時間留喺屋企？究竟係搵食無得揀，定係我哋喺搵食同生活之間，淨係揀咗搵食？」

子華去年賣樓投資賀歲片《乜代宗師》，電影上映遇上疫情，令香港及大陸的片房都受嚴重打擊，票房谷到盡都只有約3000萬左右。而他過去一年多，幾乎沒有現身公開場合，神隱一段時間忽然有廣告推出，的確頗有新鮮感。子華經理人接受《蘋果》電話訪問則表示，廣告片「橋好」是促使子華接拍的原因。她說：「條橋畀子華睇嘅時候已經係咁，之後大家開會，都係微調一啲好細微嘅嘢，出嚟有咁好反應，當然好開心，credit係要畀返製作同廣告公司，真係好多謝觀眾咁支持。」

至於，在社交平台轉載子華廣告片的林日曦，今日接受《蘋果》訪問時笑言，自己只是應品牌邀請出一個貼文，並沒有參與今次廣告製作，還笑指自己寫「大咗」，現在像騎劫了子華及《蘋果》，感到不好意思。問他可有機會跟子華合作，林日曦表示子華永遠會放在首位，但絕對不可以輕舉妄動，一定要度好劇本才邀請，要一擊即中。

子華對上一次拍廣告已經有差不多三年，今次在100秒廣告片中由頭講到尾，似足開Talk Show。（畫面截圖）
子華對上一次拍廣告已經有差不多三年，今次在100秒廣告片中由頭講到尾，似足開Talk Show。（畫面截圖）
子華在廣告中問大家，搵到食，但搵唔搵到「樽鹽」。
子華說中了不少港人心聲，當中包括「香港人搵食世界第一！因為喺香港人嘅生活之中，搵食排名第一！」
子華經理人表示，因為子華覺得廣告「橋好」所以接拍。
子華取代鄭嘉穎成為廣告代言人。
-----------------------------