🦄🦄🦄 整天都跟萌萌寶寶玩🐥 看著喵喵可愛的肉肉臉頰 還有超強大的甜美微笑 疲憊瞬間都沒了🦋💓 最後面有超萌天使笑容影片👼🏻 最近6公斤了整個快抱不動 才快三個月就這麼重 那以後一歲到底要怎麼抱呀~~~ 最近女兒好愛說話 跟她講話都會依依呀呀的回 好像真的聽得懂我們在說什麼😆 有一次我妹說：「今天台中新增兩例耶」 喵喵同一秒喝奶時突然：「屋！」的出聲 我們都笑說喵喵你在驚訝什麼🤣 而且動不動就超突然的天使微笑 萌的我媽媽跟公公婆婆都融化了💞 最好玩的是💫 我媽媽跟喵喵說話時 都會進入一個阿嬤空間 我說什麼我媽都聽不進去 一直跟喵喵講話😹 前陣子從娘家回家時 我媽就很認真跟喵喵講話 問喵喵說妳有什麼事情要交代 喵喵：「ㄣ呀！」 我媽：「要吃蛋糕喔🍰好好好」 喵喵：「ㄋㄚ！」 我媽：「想要阿嬤抱抱喔？好好好」 我在旁邊整個～ 嗯生個女兒給我媽玩真的太值得了🙈👍 ————————————————————— #嬰兒 #育兒日記 #寶貝女兒 #天使寶寶 #喵喵寶貝日常🎀 #baby #babygirl

今日一返到病房，唔夠一個鐘就有兩個婆婆過咗身。因為佢地兩個屋企人都簽咗DNACPR（心跳停唔急救），所以心跳停頓嘅一刻，佢地嘅生命就完結。⁣ ⁣ 早啲離開嘅婆婆呢幾日血壓都已經好低，所以今朝佢心跳靜靜地停咗，大家都冇太多驚訝。姑娘幫佢做完last office（拆走所有醫療儀器，用布包好遺體），好快就有車來運走遺體去殮房。至於佢嘅屋企人呢？喺星期一我聽到負責姑娘打俾佢屋企人，講到婆婆情況差咗，問屋企人會唔會呢幾日來睇下佢。「佢地好冷漠，話都簽咗唔急救，來到都冇咩可以做。」負責姑娘收咗線之後同其他姑娘咁講。所以到咗今日，婆婆離開咗，同預期一樣冇人來送別，遺體都好快被運離病房。睇住婆婆被送走，心裡面覺得好心酸，呢個婆婆到離世嘅一刻都好寂寞。⁣ ⁣ 但隔幾張床以外嘅另一個婆婆，病床邊卻有完全唔一樣嘅畫面。⁣ ⁣ 呢個婆婆係星期日下晝因為肺炎入來嘅。回帶星期一見到呢個婆婆嗰陣，佢都仲識講下野，會同人講佢叫咩名。我幫佢洗傷口嗰陣，佢都仲識嗌痛。婆婆會間歇性大聲嗌，唔知嘅會覺得佢好似笑緊，但其實佢係覺得好辛苦。⁣ ⁣ 不過由琴日下晝開始，佢嘅情況就差得好快。佢個人唔係好醒，俾住氧氣啲血含氧量都係長期徘徊喺合格邊緣。琴日有一班屋企人來咗探婆婆（琴日俾佢地三個一批，每批留10分鐘），當中有佢嘅仔女、孫仔孫女⋯⋯ 婆婆本來冇乜意識，但見到屋企人，突然不停嗌自己個名。佢嘅仔女即刻好開心，因為見到媽媽仲記得、仲識得講自己個名。計時器響起之後，親人依依不捨咁離開佢地嘅摯親，心裡面可能諗住「聽日再見」。⁣ ⁣ 但佢地大概冇諗過，原來呢次已經係最後一面。⁣ ⁣ 琴晚九點放工，今朝七點半返到病房，見婆婆個樣再差咗，血壓同心跳已經跌緊，特別係心跳由琴日嘅百幾得返四十幾。負責姑娘即刻通知屋企人趕來，因為婆婆睇落就快唔得。喺屋企人未趕到之前，個姑娘同婆婆講：「婆婆！妳等多陣呀，屋企人來緊見妳架喇！」我心裡面都好心急，好想屋企人快啲趕到，好想佢地可以見到婆婆最後一面，唔想見到佢地有遺憾。⁣ ⁣ 大約八點三，第一個趕到嘅屋企人來到床邊，佢係婆婆嘅二女。二女來到之際，婆婆嘅心跳都停咗。姑娘拉埋簾，俾佢地喺咁逼嘅病房裡面終於有一啲私人空間，一個只係屬於佢地嘅空間。⁣ ⁣ 隔住布簾，我睇唔到阿女嘅表情，但我聽住佢聲嘶力竭嘅喊聲，一聲又一聲「阿媽！阿媽！」，我又忍唔住湧咗啲眼淚出來。呢七個禮拜裡面，呢個病房已經有好多病人離開咗，一日有幾個都唔係咩出奇嘅事，所以面對生命嘅逝去，我比起最初都已經睇淡咗。但當我睇住留喺世上嘅親人嗰種悲傷、無力、崩潰嘅痛哭，仍然會好觸動到自己啲情緒。特別係之後趕到來嘅屋企人，佢地來到嘅時候婆婆嘅心跳已經停咗一段時間，對佢地來講，唔可以見到婆婆最後一面真係一世嘅遺憾。聽住佢地嘅哀哭聲，我啲眼淚真係頂唔順。⁣ ⁣ 之後，姑娘叫屋企人可以繼續同婆婆講下野，因為有啲研究話聽力係人臨死前最後消失嘅一個感知功能。喺面對婆婆嘅離世，無能為力嘅時候，同婆婆講野已經係佢地唯一可以做嘅事。就算婆婆究竟仲聽唔聽到，已經唔係太重要，因為佢地只係想捉緊最後一個機會、一絲希望，毫無保留、唔留低一絲遺憾地將心聲傳遞俾眼前呢個同佢地渡過人生大半時間嘅摯親。⁣ ⁣ 「阿媽，多謝妳呀！妳好叻，咁痛妳都捱咗咁耐，等我地琴日可以來晒睇妳。今日又等到我地起晒身嘅時間先走，如果夜媽媽瞓緊覺可能我地都趕唔切來。」喺一片愁雲慘霧裡面，我聽到其中一個阿女咁樣講。佢繼續話：「阿媽，妳唔駛再痛喇！妳要記住自己個名呀！見到阿爸之後要拖實佢隻手，一齊返屋企呀！」「阿媽，記住返屋企探我地呀！」好多人都好避忌呢啲野，驚見到去世嘅親人，但呢班屋企人唔捨得婆婆去到一個地步，會好想婆婆返來探佢地。我諗佢地真係好愛呢個親人。⁣ ⁣ 過咗好似兩個鐘，屋企人都漸漸平伏心情，作最後嘅道別之後就離開咗病房。我同姑娘一齊幫婆婆拆走所有儀器，再用布包裹好婆婆，為佢做埋呢次最後嘅護理。婆婆就好似瞓着咗一樣，彷彿只要拍一拍佢，佢又會回復琴日哇哇大叫嘅模樣。但無論我地點樣幫佢轉身，用布包裹佢，佢都再冇任何反應，冇再好似琴晚換片咁樣嗌痛，我先真正感覺到佢真係已經離開咗喇。⁣ ⁣ 無論係孤單一人離開嘅婆婆，定係喺一眾親人陪伴下離開嘅婆婆，佢地都唔再痛喇，佢地都唔駛再咁辛苦喇。雖然佢地所承受嘅痛苦，某程度上轉移咗去在世仲深愛佢地嘅人身上，但我相信時間會為悲傷嘅佢地療傷，佢地都會慢慢好返架。哀悼係一個漫長嘅過程，即使會留低永遠唔會消失嘅疤痕，但痛楚嘅感覺會慢慢減退。希望有一日佢地再諗起呢個親人嘅時候，浮現喺腦海嘅會係一幕幕快樂嘅回憶，而唔再係沉重嘅哀傷。⁣ ⁣ 「我一收到電話即刻去趕的士，點知前面仲有五六個排緊。我即刻好心急同佢地講，我要趕去見我阿媽最後一面呀，問佢地可唔可以讓我。就算係趕住返工嘅都明白，肯俾我打尖。香港人係好好架，你講出來，佢地會明白會體諒。」⁣ ⁣ 用其中一個阿女嘅呢段說話作結。雖然成段文字都流露出悲傷，但喺痛苦裡面都有希望、有美好、有温暖嘅部份。雖然喺哀慟面前好似顯得好微小，但微小嘅付出都可以為人帶來好大嘅安慰。多謝温暖善良嘅香港人。#staycutewardsharing #staycutecard 好啦短暫蒲頭係因為太想分享今日嘅事，繼續閉關温面試💩

【@girlstyle.mag】黃聖依幫奶奶沖涼惹熱議！ . 內地真人騷《婆婆和媽媽2》正在熱播，節目中每對嘉賓都引起不少話題。早前陳松伶與老公張鐸媽媽間的婆媳關係受到不少討論，而相比起陳松伶與張媽媽疏遠感滿滿的婆媳關係，另一對嘉賓黃聖依與老公楊子媽媽間的關係就顯得親密得多，在最新一集裡，她更主動幫奶奶沖涼搓背，引來網民的熱烈討論！ . 暗嫁豪門背「小三」之名 現年38歲的黃聖依，憑藉周星馳電影《功夫》一炮而紅成為新一代「星女郎」。她於2007年偷偷與坐擁10億身家的企業家楊子結婚，這段婚姻更是過了足足8年才對外公開。因為當時楊子沒有解釋與前妻已離婚，黃聖依因此而背上「第三者」之惡名，直至2017年楊子公開結婚10週年的「愛的宣言」，並澄清早在2004年已與前妻離婚，黃聖依才能洗去「小三」之名。據知這一切的忍辱負重，都是為了保護楊子和前妻所生的女兒，因為當時年紀還小，並不知道父母已經離婚的事實。 . 以奶奶為中心 黃聖依與楊子結婚至今已經有14年，自從婚姻透明化後二人不時大方放閃，更近更帶同奶奶上真人騷《婆婆和媽媽2》，展現婆媳間的好感情。黃聖依在節目中大爆自己從來都未與奶奶獨處過，因為老公的大家族有過百人，所住的豪宅更超過7千呎，遊樂場、滑雪場等通通俱全。黃聖依表示希望透過這節目多與奶奶相處，多點陪伴她，給她一個「意想不到的好媳婦」。 . 事實上黃聖依的確非常為奶奶著想，早前一集當張萌和陳松伶等表示不認同老公和自己的家就是奶奶的家，認為即使結成了一家人，彼此間還是要有條界線保障各自私隱時，黃聖依則是持相反意見，認為老人家的內心很脆弱，應該事事以她為中心，還透露自己有次因為不經意地問奶奶：「甚麼時候走？」，令奶奶誤會她想趕她走而感到不快，於是她立即致電奶奶道歉。 . 幫奶奶沖涼惹熱議 其中一集黃聖依親自下廚煮了多款菜式招待奶奶，大家一起坐低吃飯時，她更是第一時間夾餸給坐在對面的奶奶，再夾給身旁的媽媽，對奶奶盡顯孝心。 . 最讓人驚訝的是她還會幫奶奶沖涼！節目中奶奶打算沖涼，黃聖依就顯得非常擔心。雖然奶奶多番婉拒幫忙，但黃聖依仍然不能放心一直問奶奶：「你真的行嗎？你這個進去行嗎？那我在這兒，你等會叫我。」奶奶進入浴室後再次趕她出去，但黃聖依依然放心不來進入浴室幫忙：「我幫你吧，沒關係的，媽，你就當我不存在就好了！」沖完涼後奶奶露出幸福微笑表示很感謝媳婦對她的關心。 . 事後黃聖依透露堅持幫忙的原因：「我當時不知道她是真的客氣還是她覺得不好意思，但是當我真正進去以後幫她洗澡，我覺得我應該在裡頭幫助她，因為她確實是年紀大了，在裡面可能會滑一跤，這些都是潛在的風險。」而老公楊子亦對此表示很感動，大讚她是難得的好媳婦。 . 黃聖依在節目中的表現一改以往予人矯生慣養的形象，孝順與好脾氣的一面受到不少網民的讚許，認為這段婆媳關係非常難得，亦大讚這位奶奶非常可愛：「奶奶嘴好甜，特別可愛」、「連我都做不到幫奶奶洗澡」、「真是一個好媳婦！」。有網民質疑這一切都是演出來，但眼見節目中她們的相處非常自然親密，似乎不能一時三刻演到出來啦～ . #女生Gossip熱話 . 【GirlStyle Club 隆重登場 】 立即入會獨家免費贏取豐富禮品💕 . 關智斌【活在當下】 Cover story vol.11 . FB: GirlStyle 女生日常⠀ 『 💌如果妳都有打卡靚相／情侶甜蜜照想同讀者分享 📷即刻 #GirlStyle女生日常 或tag我哋或inbox比小編！我哋會係女生日常嘅IG同大家分享💕 』 . #hkig #hkgirls #beauty #lyrics #hkiger #love #sisters #lovemygirls #mygirls #hklife #hkboy #hkgirl #hkboys #hkgirls #852 #hkcouples #hkstore #hkonlineshop #hklove