［金基德回顧展：慾海慈航/援交天使/Samaria］實趕客，但話知佢，自己想寫

1. TLDR：你地邊個冇罪嘅，就搵石頭掟佢吧！留意「石頭」係套戲嘅重點之一。今晚大館仲有一場7:30，仲有飛賣。去睇吧，雖然網上你都搵得到足本重溫嘅。順手講埋我一路嘅核心信念：戲係要成套咁睇的，正如書係要成本咁睇，否則你永遠都學唔到嗰種神髓，呢啲嘢全部要「浸」出嚟。你去睇Youtube睇都可以15分鐘知晒啲劇情有人解埋，但點解我要走出去睇多次？我唔識用Youtube？電影，同多嘢一樣，個神韻唔係懶人包，唔係fact，唔係橋段重點，而係你要用心感受。

2. Medium版就有埋相咁咯（https://lkdin.io/3VYo）

簡介劇情
簡評
詳細分析劇情—第一幕
詳細分析劇情—第二幕
詳細分析劇情—第三幕
套戲攞獎好合理
石頭 as a metaphor
最後講講金基德

3. 是咁的，我冇工返都仲好忙，況且而家好多時三四點先起身。但為咗重睇呢套戲（以前睇過一次），我都仲係星期六爬起身，極速在樓下用3分鐘食完碟海南雞飯，然後走出去灣仔睇呢套戲。可見金基德有相當大吸引力。

4. 留意呢套戲2004年，剛剛好係佢中期嘅作品，開始成熟，亦都係呢年佢在歐洲攞獎聲名大噪。金基德未必係好計算嘅導演（邊個話商業片先要計算？），但事後睇返，你睇到好啱啲評審口味，攞獎合理之極。

5. 呢套我相信亦係佢最出名嘅兩套戲之一，另一套當然後後來嘅《聖殤》，後期作品，隱居三年後復出嘅顛峰之作，亦係好啱評審口味，但我個人鍾意呢套《慾海慈航》多好多。

6. 兩套嘅共通點，都算係雅俗共賞，唔會好難明好古怪要好多演繹．兩套都畫到出晒腸，好適合文青用嚟示範咩叫「好電影」，有啲內容嘅電影（come on，唔係荷里活商業片嗰啲”message”．

簡介劇情

7. 順手一提，我覺得劇透係冇乜問題的，即使扭橋戲或推理劇都係。「好」嘅電影唔應該只係靠一條好橋，橋段人人有，但execution先難。好多戲知咗結局我都可以睇多次，即使係扭橋戲或推理劇，你都可以睇多次導演點佈局點誤導你點畀提示你。若果只係靠最尾一下扭橋，只係低手。

8. 講返，劇情不複雜，重要人物三個講晒。女一，女二，女一老豆。亦都係一個好典型嘅三幕劇（間場出埋title添，慌死你唔明，所以套戲唔難明）。

9. 第一幕：女一女二高中生，好友（兼戀人？），想儲錢去歐洲（我懷疑《過春天》就係抄佢，但當然爭好遠），於是女二下海，女一做中介人，女二全不覺得係苦差，但留意開場冇耐女二已經意外（？）跳樓死埋。

10. 第二幕：開始「金基德毀三觀」，女一明白女二苦心，繼承佢遺志，約返啲恩客出嚟，唔收錢仲畀返錢佢地！但然後畀老豆發現咗，老豆去搵返啲嫖客出嚟，打，鬧，殺。

第三幕：當年第一次睇覺得呢部份戲味爭啲，而家睇返發現呢部份先最重要！兩父女返鄉下，拜死鬼老母，最後都係冇開口講。老豆自首，完。

簡評

11. 之前睇過金基德早期啲嘅《收件人不明/打回頭的情書》，我有講話睇到仲係幾幼嫰，太多狗血（甚至有真狗血！），枝節多。去到呢套《慾海慈航》，就真係斬走晒啲無謂嘢，冇乜邊部份係多餘嘅。正如米開蘭基羅話頭，只係將唔屬於大衞像嘅嘢拎走，呢套《慾海慈航》真係做到去蕪存菁

12. 援交電影，我睇咗嘅都幾十套，拍埋你就睇到分野。金基德做到「不落俗套」。何謂俗套？正如啲人講，十分「TVB」嘅對白同情節，唔好笑，好多荷里活片港產片都係咁。金基德唔係獵奇，唔係賣弄色情（至少呢套唔係），甚至唔係探討社會問題（至少呢套冇乜），講嘅始終係佢最擅長嘅：人性，慾望，救贖，宗教，倫理，道德。

詳細分析劇情—第一幕

13. 角色同情節設定，都係相當精彩。固然你諗真啲，有啲劇情犯駁，唔合理，只係為咗推進故事，但瑕不掩瑜。

14. 先講女二，背景資料極少，屋企人或其他嘢完全冇提。套戲講到好白，一開頭女二已經講印度傳說有個妓女叫Vasumitra（亦係第一幕嘅名），男人同佢搞完就變虔誠佛教徒。女一話，咁都得？女二話，係呀，男人搞嘢時就好似嬰兒咁，渴望母親關愛，佢話由今日開始自己就係Vasumitra。講到明晒。

15. 留意兩個女仔都係新人（低成本嘛，況且演高中生），選角做得非常好，或者話導演指引得好。你見女二，就真係一個菩薩樣，慈祥咁笑住下海，普渡眾生，十分開心。雖然之前冇性經験，但對啲嫖客十分感恩，大家一齊分享人生，佢覺得自己做緊好嘅事，又有錢收可以實現去歐遊嘅夢想，做自己鍾意做嘅嘢，不知幾開心。

16. 呢度嘅對比，就係女一。女一家庭背景我地知道，喪母，老豆做警察，點睇都係慈父唔係獸父，日日車佢返學，冇虐待冇性侵，亦唔算過度管束，屋企環境亦唔差。對女一嚟講，性係污糟嘅（佢每次都要幫女二沖涼），啲男人係仆街嘅，只係佢實現去歐洲嘅手段，佢完全唔明女二做乜可以樂在其中，同啲嫖客分享人生，甚至叫埋一齊食飯，甚至鍾意埋個嫖客。但同時間，佢又只係坐享其成做中介人，從來唔會自己落場，只係自己好友女二去畀人搞，呢度你見到女一嘅虛偽。留意下女一嘅高傲，同女二一臉慈祥嘅對比。

17. 然後劇情發展落去，雖然劇情唔多合理，但你都知女二一定要死的，否則冇戲做。女二臨死前都想見返恩客，呀女一去搵恩客，恩客仲要叫女一畀佢上埋先制（初夜添喎）！真係十分之咁仆街抵死嘅橋段。呢套戲入面啲男人真係全部都面目可憎的。

18. 但當然，女二見唔到恩客就斷咗氣，去到呢度可以十分TVB。但呢套戲就安排女二絶對係含笑而終，菩薩聖母呀喂！女一完全唔明白。

詳細分析劇情—第二幕

19. 去到第二幕，更加離奇，但金基德並冇拍到獵奇（留意啲性交易嘅場面極少）。女一原本諗住燒咗本數薄，同埋啲錢，忘記過去。但佢諗返女二慈祥嘅遺容，忽然明白咗啲乜。呢度真係絶，但又唔令你覺得突兀。

20. 於是乎，女一就由一個原本覺得性交易好低賤嘅中產女仔，變成「菩薩二號」，約返晒啲舊客出嚟，同佢地做，甚至還返錢畀佢地！嫖客就固然係「仍難盡信我是這樣地無窮好運」，但亦都有拍到啲嫖客話終生都會幫佢地祈禱。於是乎女一就慢慢體會到女二嘅「使命」，繼承女二嘅遺志，嘩，生命影響生命呀，堅！不過我個人理解，與其話女一真係變成「菩薩二號」，我覺得佢係只係為咗故友/戀人。證據？佢原本應該係諗住約返晒數薄上面嘅人，就唔再做落去。

詳細分析劇情—第三幕

21. 你以為套戲拍性交易？唔係，去到呢度已經再冇性交易場面乜滯。然後就去到第三幕，冇錯係十分TVB的，差佬老豆嘢，在對面時鐘酒店望到自己個女（唔止，後來仲要 女一掉低數薄在草地畀佢執到，但成套戲拍得好你可以原諒呢啲嘢）。

22. 當然就係又迷惘又憤怒，「天呀我做錯乜點解你要咁對我由細到大我有乜冇比你？」（幸好都未咁TVB，冇呢啲對白，都話戲劇小說第一法則：show, don’t tell）．但佢始終十分愛個女，甚至冇當面踢爆（呢啲先符合東亞家庭倫理嘛），結果佢就將啲憤怒發泄在啲嫖客身上

23. 打後，就係見到佢變身正義使者，自己去執法，羞辱甚至打啲嫖客，甚至殺埋人。但你以為變成復仇電影？又唔係喎。 （呢類「你以為乜乜乜，又唔係」係金基德電影嘅特色之一，你可以話佢善於玩弄啲觀眾，其實係嘲笑啲俗套橋段）

24. 睇到呢度其實係乜？就係孤星淚（都係差佬添）。一路落去，老豆越嚟越迷失，到底自己係in what position，去判斷個女做嘅嘢啱定錯？去判斷啲嫖客啱定錯？呢個社會嘅道德係乜？自己細由到大學嘅嘢係咪錯　—呢個先係套戲嘅主題！

25. 所以，就有咗最後返鄉下嘅一幕，先係全套戲同其他俗套戲唔同嘅地方。留意並唔係返到去大家BBQ（有蕃薯！）四四六六講晒，最後大家都冇講出口。但，十分巧妙地，老豆知道個女其實已經長大，自己唔應該再指指點點，錯嘅可能係自己嘅價值觀。最後自首，獲得心靈嘅救贖。嘩。咪就係孤星淚！

套戲攞獎好合理

26. 頭先提過，套戲計算相當準確。留意返套戲2004年，互聯網大盛（但未有Facebook），「韓流」亦都成型，明顯地外國人好有興趣知韓國社會嘅嘢，何況學生妹援交係全球現象。金基德聰明在加入埋啲宗教隱喻，最後孤星淚式嘅劇情，仲有「石頭」嘅比喻（下一段講），呢啲都係歐洲評審會睇得明嘅嘢。加上套戲拍韓國女仔，但又好聰明咁冇賣弄色情或胴體，啱晒啲歐洲假道學鹹濕阿叔（我話嘅）。

石頭 as a metaphor

27. 扮文青嘅話，就必要要講「石頭」。呢個「你地邊個冇罪嘅，就搵石頭掟佢吧！」嘅比喻太明顯。另外留意，真正嘅石頭，在套戲入面至少仲出現咗三次。

28. 首先，女一老豆去阻止啲嫖客車震，就真係在遠處掟石（都話慌死你唔明！）。另外，亦有一幕見到佢原本想用石頭打死個嫖客，最後亦有一個真係咁做。

29. 但更重重要係去到尾段，神來之筆。兩父女回鄉祭亡母，中途老豆架車畀石頭頂住，開唔到車，搞唔掂，索性瞓著（冇錯，唔多合理嘅情節）。點知個女自己落車去搞，移開咗啲石頭。老豆醒返，發現，得喎，開到車了。正係呢幕，就係交代「個女已經畀你想像中懂事，你唔好再阻住地球轉」

30. 然後去到最後，以車為喻，老豆教個女開車，亦都係用畫好嘅石頭（！）舖條路畀佢開。亦都慌死你唔明，一語雙關講到白：「之後嘅路就你自己走落去啦」，然後去咗自首。遠處嘅女一想開車過嚟，但又畀泥阻住，但大家知道，個喻意就係以後嘅落佢自己走落去。

最後講講金基德

31. 最後講一講金基德，因為我都唔打算再寫多篇《聖殤》。點講呢？正如我舊文寫，金基德亦係屬於好「型」嘅嗰種創作者，係一個「作者風格」好強嘅導演，或者話，有嗰種「以文章做為戰鬥武器」嘅精神。即係你可以好討厭佢，但你好難忽視佢在。

32. 金基德此人，就已經係一個傳奇。相信都唔少人知，首先佢冇乜點讀過書，甚至係初中都未讀完，亦係真正嘅窮人家庭出身。所以你見其實佢拍好多低下階層嘅嘢（但呢套冇），亦都拍工業，拍宗教，全部係佢成長嘅寫照（所以《聖殤》係佢代表作，三樣有齊）。我亦都肯定，佢影響咗無數後來嘅導演。

33. 金基德嘅電影，真係「作者風」，就係賣佢一個，探討人性。後期啲戲有啲有明星，但反而有明星嘅戲唔得。佢都係要玩育成，演員任佢舞先得。

34. 除咗主題，佢嘅戲仲有一個好大嘅特色：平，同埋快。度劇本可能耐，但拍係極快，早年試過一日（！）拍完。即使係拎獎無數嘅《聖殤》，都係十日搞掂，聽聞用咗七十萬港紙咋。留意拍《聖殤》時佢已經係國際名導，大把資源，但都係咁搞掂，你嗰啲日夜話冇資源冇時間冇錢嘅，真係應該慚愧。拍戲係可以好平嘅。

35. 最後，少不免講佢嘅私德。咁其實都死撚埋，你鍾意咪去拉脫維亞或者韓國堀佢出嚟鞭屍。不過在我嚟講呢個不值得討論，我認為作品成就同個人，係完全分開嘅。頂多你可以話佢完全侮辱咗「大師」呢兩個字，但不能影響你對佢作品嘅評價。照計好簡單嘅邏輯啫，你未知佢啲衰嘢時，明明就話啲戲好好睇。咁點可能到你知咗佢啲嘢，就變得唔好睇？

36. 有朋友仲講笑，話會唔會會場有一大班女權L示威。事實？我見到好多青春少艾睇，幾靚的說。

＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

【職業舉牌師奇遇（下篇）：「你邊度架？我天晉嘅！」】

#警告下含大量粗口

上文同大家分享過貧富懸殊問題，但估唔到「富者愈富」，個格可以勁衰、搞到下一代都一樣咁衰格。

我嘅職責好簡單，係我活動參加者行過舉一舉牌叫人小心，然後你就可以放空，衰啲講句，其他人仆死唔關我事、仆親我睇唔到都唔係我責任，你真係當我交通安全大使咩？因為實在太無聊，企足一日幾乎每20分鐘就喺我面前炒一次車，間中我睇唔過眼都大嗌「喂小心啲呀！」「唔好停喺路中心啦！」最高峰時間超過三十架車同時間喺我面前呢個位掠過，切線爬頭唔駛任何禮讓、危險性高過疫情，大炒細炒不斷發生，我企企下直頭企開，費事無啦啦成架單車片埋嚟。

唔係仇富，可能都有少少，但呢度最睇唔過眼就係啲三四十歲－－即係我哋呢啲年紀，恃住住得呢頭有少少錢，就拖住個細路同隻狗－－堅有個用狗帶拖住個女、成身名牌，大模斯樣咁喺單車徑上行，俾人叫佢行埋一邊，仲對住人舉中指，再經典啲係呢個：逆線行駛。夠膽死同個女講：「你係最叻叻架，唔駛理人哋，人哋會避你架喇。」雖然唔關我事，我都忍唔住講：「喂唔好逆線行車啦！」佢老豆竟然話：「唔駛理哥哥，唔讀好書就要好似佢咁企喺度架喇！」丫我頂你個肺，咁衰格我又唔覺你讀得好書。

然後，佢個女突然逆線停低喺路中心，當時有接近廿架車行緊，廿架一齊炒，有人仆低埋。

其中一個撞到飛起單車手嬲到大嗌：「我屌你老母臭閪唔撚識教囡咪撚生啦，逆線行車仲要停喺度玩命咩？」

阿爸大叫：「我屌鳩你啦，家陣條路你架，你大撚曬呀？我唔行得呀？」

單車手：「你惡人先告狀，其身不正咪教壞個女啦！」

阿爸：「我其身不正？你老母臭閪俾一打印度人屌緊呀！」

或者要講吓現場情況，因為呢位小女皇逆線出巡，廿幾人一齊炒到啲人仆低曬，我同其他路人都出去扶一扶啲人，問佢哋駛咪call白車，而佢兩個仲喺度互屌。雖然單車手態度串咗少少，但我又撐佢喎。

單車手：「你老母我廢撚事同你嘈！」

阿爸：「淆呀？你邊度架，夠膽郁我丫！」

單車手：「你理得我邊度，你又邊度呀？」

阿爸：「屌你老母我天晉嘅！」

仆街我真係笑咗出嚟😂

擺到明係覺得自己好有米啲契弟。呢個時候其他街坊同路人都睇唔過眼，係咁圍個阿爸，話佢教壞細路叫佢收嗲，然後阿爸竟然指住我：「喂你呀舉牌果個，你班仆街喺度做測試，實有cam架啦，開cam睇吓邊個唔啱丫，依家班契弟嚇撚親我個女呀！」

我：「拿阿生，我一早叫咗你兩個唔好逆線行駛，我哋冇cam，但唔駛有cam呢度咁多隻眼都可以證明，你兩個逆線行駛。」

阿爸：「咩呀，依家條路唔行得呀？公家路喎？你班仆街包撚咗呀？我哋天晉架！你班友有咩資格同我講邊個道路優先使用權呀？」

呢個時候，阿女終於指住我講句：「我屌你啦！」

如果我當年冇返AIA嘉年華，無啦啦個四五歲妹妹講句咁嘅嘢，我會嚇親，返過AIA班幾歲妹妹粗口流利過你，我覺得好正常。

阿爸見我咁冷靜，又屌返個單車手：「咩呀？報警丫！睇吓邊個啱？」全場大嗌：「好呀報丫，你唔報我幫你報！」

呢個時候阿爸就淆：「你班友都戇鳩嘅！返屋企啦！」

成件事發生前前後後可能冇廿秒，好在大家冇咩事起返身件事就平息。呢位阿爸比較誇張，但全日睇到大量呢啲怪獸家長聲大夾惡、自以為是，撞到人鬧返人轉頭，自己仔女係最寶貝、撞到人哋仔女頭破血流又冇事；細路人仔細細就搞到周身名牌唔知似乜，一個合家歡地方人滿之患已經好危險、唔識踩單車叫個細路亂咁踩都算，加埋呢啲自以為是有錢佬，不知所謂。

當大家今時今日先覺得香港冇得救時，老老實實我第二年返AIA見到呢啲怪獸家庭，都知道香港下一代都係咁先。我唔知道身邊有小朋友嘅朋友，你哋點樣教細路，如果你哋細路就算正正常常，對住咁多呢啲癡線家長嘅小朋友，真係祝君好運。

我突然諗起AIA個戰場、個小朋友拎支槍係咁射我，然後個阿爸同阿媽一齊叫：「屌佢老母射死佢，唔開心就射佢發洩啦！」又有細路喺屋企人「教導」下，爬入Booth偷公仔。當你覺得大陸人同印度人最乞人憎時，係，但佢哋極盡係個格衰，唔會諗埋咁多奇招、自以為是，更恐怖嘅係唔少香港人，格衰之餘仲走小聰明、走精面，教壞細路，當自己細路千金寶貝仲以為自己好威，其實衣食無憂不識人間疾苦。

喺有錢人地方返咗兩日，當然冇AIA咁煉獄，我亦隻眼開隻眼閉唔關我事唔出聲，但睇到呢啲咁嘅家庭，更覺得香港未來好恐怖。貧者愈貧、富者愈富，有錢人奇特思維，或會令香港社會未崩壞前，家庭先崩壞。

後記：同朋友分享完呢個故事，對方笑說以前讀書就講學校名、依家就講屋苑名，第時老咗講咩名？

「你邊度架？」
「我劍橋嘅！」
「邊撚度劍橋呀？」
「劍橋護老院呀！」
😂😂😂

AIA嘉年華奇遇全集可看留言連結。

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei

【MeWe請Follow】：mewe.com/p/travelerwithmovie
【IG請follow】www.instagram.com/travelerwithmovie

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

［如何辨識瑞士山區肺］要cap圖嘅，就梗係有嘢

TLDR：即係人地賺夠要益你？呀老師發達未？

1. 我嘅第一原則，當然係唔阻人搵食。我甚至覺得好多人係抵死的。都係嗰句，拎住支槍指住你去買？定廢老情緒勒索你？三唔識七畀貼士你你去買，關人蛋治？輸死冇命賠喎。

2. 呢隻，你話係「微信女」又好，莊家股又好，咩都好。總之就甚麼我都有預感，「先知就係比你知早少少」。「咁早知唔見你嗰時講？」，咁，首先，睇返第一原則。另外，又唔係你地有得沽空，講嚟做乜？

3. 但天地良心，我cap晒圖，唔少啲乜乜頻道乜乜教學群組乜乜交流乜乜老師之前幾日都有提。咁已經相當可疑

4. 個撚個講到自己精肥邊，但就係冇些少嘅常識：有好嘢，點解要益你？仲要係免費嘅瑞士山區肺。呀老師真係搵夠畀大家賺下？「內幕」料去到你耳中仲係「內幕」？不妨照下鏡。

5. 咁另外，亦介紹返，呢間係馬來西亞公司。呢，臨陣換包銷商，招股期都延長，上市又延遲幾日嗰間。上次講過啦，冇補充（https://fbook.cc/3Hpw）。人生三大法則，南美波古惑多，福建佬X老母，投資不過山海關。但仲有香港上市嘅新加坡馬來西亞公司，你懂的。

6. 仲有，嗰啲群組，除咗有免費料（有時都會推下騰訊Amazon，九真一假，九淺一深嘛），最重要係一定有一大班人做媒，老師好嘢，多謝老師。亦係瑞士山區肺，梗係要有識嘢嘅空姐出嚟話係好嘢。玩足三十年都係咁，由我細個在街邊見到嘅啤牌估公仔，到大個去歐洲見到啲印度人或黑人開嘅「三杯雞」（估下粒鼻屎在邊個杯度），必定有人做媒贏錢。我嗰時在哥本哈根，唔記得咩大街，特登在樓上餐廳食飯，睇佢半個鐘，永遠贏錢都係嗰幾條友（＊）。

7. 如果仲有疑問嘅，咁仲有一樣嘢：就係呀老師，或者「助手」 ，定必會叫你買咗要cap圖，唔cap都一定要話畀佢知。點解咁重要？因為唔係咁，呀老師點出數？金主點肯科水？點證明真係做咗嘢，有水魚落搭？去到呢個位，都唔使點討論落去。

8. Anyway，都係嗰句，唔阻人搵食。行家睇到唔好斬我。我覺得寫呢啲都冇乜所謂，因為行家放心，根本一早大把人寫過，但啲人都係照落搭的。買個希望嘛。你點證明唔會？追夢呀。個個夠潑Steve Jobs冷水啦，夠話王維基冇可能啦。Steve Jobs都得王維基都得點解唔得？Steve Jobs大學都未撚讀完啦，我話晒有大學學位呀。

9. 再講一次，情場，股場，職場，夜場，咩場都好，好多人都係心甘情願受騙的。Fool me twice shame on me啦．有啲人永世都係遇到賤男，點解？因為佢就係鍾意嗰啲人嘛，你唔通叫佢搵件毒撚或者小學教師？幻愛咩。同埋，有啲仔永遠都係遇著八婆淫婦，因為佢地就係鍾意夠刺激，大家歸瘦次次傳教士有乜好玩（＊＊）。唔一次一次咁受害點建構自己對愛情嘅忠貞？

10. 同理，你身邊總有啲呢份工又下屬廢柴，嗰份工又上司針對，下一份工又同級啲同事好廢，總之慘得過我本人最不幸。即係，轉過三次工都仲係同同事不合嘅，多數個問題咪就在你自己身上。

11. 呢呢呢，又升返啦，人生充滿希望。丫哈哈，我又飛啦～～

（＊）另一名物當然係印度朋友嘅Hello my friend．You have good fortune．

（＊＊）傳教士都係幾好玩的，睇《蛇形刁手》咪知（https://bityl.co/4EQT）。又，呢個「俄羅斯第一高手」，原來在Poly 教書 （https://bityl.co/4EQW）。佢佢個女就係盧靖姍！

----------------------------------------------------------------
Ivan Patreon 狼耳街華人，一星期至少三篇港美市場評點，其他免費好文推介，每日一圖，仲有FB Page post summary．一個月一舊水唔使，開張兩個月已 600人訂，仲有兩篇免費試睇：https://bit.ly/31QmYj7

----------------------------------------------------------------

Instagram @ivanliresearch．七成金融（短打）兩成嘢食一成其他嘢。

----------------------------------------------------------------

［收費短片第十擊］人民幣升值受惠股，美股二線科技股揭秘
課程資訊：https://homebloggerhk.com/course_detail/?code=CC010
內容:
*軟件股IPO狂潮
*買平台股好過
*人民幣強勢買咩好?
本星期內特惠售價: $80
課程編號：CC010
觀看期限：首次播放後一星期及限每影片４次
客服whatsapp: 63832145

1.支那人沒有一個是無辜的《我和殭屍有個約會》
2.食屎啦你《旺角卡門》
3.我入到黎 點知圖都冇張《旺角卡門》
4.呢鑊你仲唔冚家鏟《鹿鼎記2神龍教》
5.我除咗講恭喜之外 都唔知應該講乜嘢好《賭俠》
6.不如一槍打死我《喋血雙雄》
7.朋友，你返去印度食蕉啦《賭神》
8.你大我呀？！《五億探長雷洛傳》
9.我想嘔呀《這個夏天有異性》
10.那有錢你老母 原片：https://youtu.be/aDk7wEGXVUQ

請訂閱channel及按鐘，不斷製作內容發佈。
IG：http://www.instagram.com/jc.post
FB Page：http://www.facebook.com/jc.post1