【#陳子雲：「#Mirror」是一面鏡，照見 #香港人 的真實情感需要】全文：https://bit.ly/3oUWUi3

「我以後會用作品說話，希望全香港嘅市民都督促住我哋呢班偶像，睇住我哋成長（希望全香港市民都一直督促我們這些偶像，看著我們成長）」2020年，「Mirror」當中人氣最高的 #姜濤 以單曲《 #蒙著嘴說愛你 》奪叱咤「我最喜愛的歌曲」、「我最喜愛男歌手」兩獎，歌曲內容為鼓勵抗疫下的香港人及前線醫護，頗受好評。

組合中的 #柳應廷 也有發表單曲，他去年與詞人小克合作，推出「 #風水光三部曲 」（《 #水刑物語 》、《 #風靈物語 》、《 #迴光物語 》），劍走偏鋒探討生死題材，加上柳應廷的實力派唱腔，無形中唱出香港人在 #反修例 後經歷的心靈創傷，樂評多形容柳應廷歌曲有為香港人療傷之用。

「Mirror」自覺代表香港人，音樂事業暫未北移，又不像很多歌手、藝人，為了在中國開拓生意，委曲求全，甚至反過來一味責難香港的失敗……

#延伸閱讀
《男排女將》與《全民造星III》：流行文化讓我們知道，我們還在這裏👉 https://bit.ly/3wP9Rg7

用你選擇的媒體，決定你看見的世界
#加入會員：http://bit.ly/2wVfM6g
#學生方案：https://bit.ly/3bUODnu

#端傳媒 #評論 #香港 #流行文化 #娛樂 #香港文化

【香港樂壇21歲新星姜濤，被咁多人鍾意係有原因】

每個人單身都有唔同原因，有部分人埋怨自己冇人鍾意...可能要求高？咁冇得講，係你自己揀嚟揀去嘅。可能公司真係好難識異性？亦都冇得講，係你自己唔透過其他方法識人，例如交友app/興趣班/叫fd介紹等。而最大路，同時有好多人唔肯承認嘅原因就係性格問題！性格自大/淨係諗自己/冇上進心就係死穴囉！希望呢篇文畀到大家一啲啟發。

今日我好想講講姜濤呢個性格好好嘅新星：

1. 對人冇機心 有氣量

早前大台搞咗記招宣傳嚟緊嘅綜藝節目，記招裡面有位灰髮男藝人突然扮姜濤出場，之後其他藝人就爭相喊打，話佢踩場，又話要打到佢變薑蓉。事後網民狂話佢哋唔識尊重人，涉事藝人即刻出post解釋同道歉。最精彩係當有傳媒訪問姜濤時，佢竟然話唔介意，仲叫對方唔使道歉：「係無傷大雅嘅玩笑，唔會覺得難受，反而好開心有人識我！紅唔紅好主觀，希望更多人認識 MIRROR。」

睇完真係拍爛手掌！佢大可以喺背後計算人哋，趁機寸番對方，但性格純品冇機心嘅佢冇咁做，佢唔只冇鬧嘲笑、睇唔起佢嘅人，仲答得咁得體，氣量好大👏🏻諗嘢成熟過好多經驗多佢好多嘅前輩。

2. 謙虛唔自大 講嘢貼地

之前姜濤打破叱咤史上最年輕紀錄，連奪我最喜愛的男歌手同歌曲獎。雖然佢上台演出穩定、有台型、音準、冇喘氣，以呢個年紀嚟講實力有目共睹，但佢拎獎仍然惹起網民爭議。佢當時冇幫自己講說話，反而自認不足，態度謙虛👍🏻佢話知道好多人講姜濤值唔值得攞呢啲獎，所以佢以後會用作品代替說話，希望全港市民督促佢哋呢班偶像，睇住佢哋成長。

另外有次姜濤接受訪問，明明大家都知道佢人氣好高，但佢就話自己只不過係個好普通嘅老百姓，以前係肥仔，冇乜朋友 🥺所以內心自卑冇自信。同樣一啲都唔自大驕傲，聽落好貼地，會好想同佢做朋友。

3. 孝順有上進心 唔怕捱

姜濤仲係一個好孝順嘅男仔，原來佢爸爸中風之後唔可以繼續做嘢，媽媽年紀漸大，身體唔似以前咁強壯，所以姜濤得嗰21歲就承擔起養家責任，希望透過參加《全民造星》 入娛樂圈，搵多啲錢令爸爸媽媽生活得好啲。年紀輕輕已經咁有上進心、好懂事。

再講遠少少，姜濤細個曾經重達200磅，成日被人笑佢係「死肥仔」。有啲人聽到人哋咁笑會自怨自艾：「哎我係咁㗎啦...」不過姜濤冇！佢為咗向暗戀嘅女仔表白，決心減肥，由肥仔變瘦仔💪🏻💪🏻💪🏻向大家證明有決心，冇嘢係做唔到㗎！！

p.s.
其實要講佢嘅優點，一篇文應該唔夠，寫到呢度，我都被佢嘅性格吸引到。之前我曾經有幸訪問過Mirror，佢坐我隔籬。我唔知我有執頭髮飛起咗少少，嗰陣就嚟要roll 機，佢竟然話停一停先，叫髮型師幫我整一整。其實個訪問最主要係影佢哋，我係唔重要，所以我都幾驚訝佢會咁做，從心底裡佩服佢，人品的確好好。

加油啊，香港樂壇未來有你哋！
#By懶醒女朋友
#姜濤 #mirror 姜濤 Keung To 姜濤 Fanpage 姜濤

【 賣文時間／《講畀大東廳》專訪MIRROR三子 】

2021年第一次在此發帖，先祝各位新年進步。

剛過去的元旦日晚上，商業電台於九龍灣國際展貿中心的匯星（Star Hall）舉辦一年一度的「叱咤樂壇流行榜頒獎典禮」。縱觀全晚賽果，寰亞唱片的馮允謙、環球唱片的AGA（江海迦），以及華納唱片的Dear Jane各奪三獎，是男、女歌手和組合的大贏家，但真正王者必然是大國文化，事關由《全民造星》系列監製「花姐」黃慧君帶領的人氣組合MIRROR，先後贏得「專業推介 叱咤十大」第三位、「叱咤樂壇組合」銅獎、生力軍男歌手銅獎（Anson Lo盧瀚霆）和金獎（柳應廷），還有年僅21歲的姜濤同時奪得「我最喜愛的男歌手」和「我最喜愛的歌曲大獎」（《蒙著嘴說愛你》），合共六項大獎，而姜濤更打破「叱咤歷史」，成為史上獲得「我最喜愛的男歌手」最年輕得主。（https://bit.ly/3rOorT1）

坦白講，只要見識過「姜糖」（姜濤粉絲專稱）的威力，都會知道，上述兩項投票結果完全是預期之內，不懂的話可以自行到Google搜尋一下媒體報道，但這位小伙子今夜在舞台上的表現，絕對令我驚訝 ── 「姜B」你真係大個咗好多！話說一年前，《全民造星II總決賽》結果後不久，有次我跟花姐在WhatsApp通訊，期間問她：「幾時得閒同你做專訪呀？！」花姐當時的回答說：「幾時都得，但可以約埋我幾個仔？！」她說的「幾個仔」，是姜濤、Ian（陳卓賢）和Anson Lo。既然我的目標是「要約到花姐做訪問」，以「搭單」的形式訪問MIRROR三子絕對沒有問題，加上那段時間，我正在籌備訪問節目《講畀大東廳》 （http://bit.ly/2Lh4ljv） ，我和製作團隊都覺得，以「花姐」跟MIRROR作為節目的頭炮是有吸引力的（後來為配合《二月廿九》宣傳，才率先把劉俊謙與吳海昕的專訪上架），故落實訪問後不久便很快安排錄影，地點是ViuTV的九龍灣總部。

由2018年第一屆《全民造星總決賽》開始數算，這次已是第三次跟姜濤、Ian和Anson Lo做訪問，他們也大概知道我的訪問風格，我亦估計到他們會答些甚麼，但我不想重複以往問過的，加上今次又有「花姐」助陣，說安心好，說「威嚇」也無不可，這種氣氛下，我覺得他們會願意答得深入一點，我亦一早預告說，不希望他們回答得溫溫吞吞，既然我這樣問，就希望他們認真答，我覺得這種訪問才會好看，才會令觀眾覺得看完沒有浪費時間。錄影開始後，我就順藤摸瓜那樣問，從「你哋係咪仲係好驚花姐」開始說起 （見專訪上集：http://bit.ly/2W68x8T）， 問他們入行以來有沒有試過跟「花姐」吵大鑊？再問問「花姐係咪偏心Ian？」和「點樣面對負評？」，說到「負評」，無可避免談到唱功，我承認這一點是衝着Anson Lo和姜濤而來，尤其是姜濤，我在話語中有向他說：你唱歌真係要努力啲！ （見專訪下集：http://bit.ly/35BpfQs）
_
每個人都有各自喜惡的事情，身邊朋友都知，或者連「鏡粉」也知，MIRROR十二子之中，我向來偏愛Ian和AK，甚至偏愛到一個會收到「癲粉」私信爆粗鬧人的地步，但不代表我不撐MIRROR，這一點他們統統都知。是的，得承認，我對姜濤的外型和演出感覺不大，但對他尤其嚴厲，而這種高要求並非出自我的好惡，而是看過他在《全民造星總決賽》的現場演出，知道他台下呆下呆下，但只要站在台上，有Spotlight照着，他的台型和壓場感就會一下子釋放出來，假以時日，必成大器。可是，他頭三首派台歌（《一號種籽》、《亞特蘭提斯》、《一天多一點》），無論唱腔、咬字都麻麻哋，我亦私下有跟花姐說過 ── 我覺得他可以做得更好，但他未夠盡力。
_
時光荏苒，訪問完成已一年了，這段時間因為他要飛往台灣拍劇，加上疫情關係，我都沒有再見過姜濤，直至今晚「叱咤」台上，他因為得獎，而要獻唱《蒙著嘴說愛你》，我好像沒有試過如此認真的聽他唱Live，但我收貨，判斷標準是：突然間知道自己要上台，還未接受到得獎的事實，腦袋一片空白，想講多謝誰誰誰，但音樂突然響起，嚇得大叫：「我要唱歌？！」半秒內冷靜過來，立即跟到節奏，沒入錯位，完整唱畢全首歌，還要沒走音，再附送「台型」大量（看他演出時的眼神就知），當然有人說：此曲難度系數不高，但問心，今晚你看過現場直播，有多少位歌手因為唱Live出事而令你感到尷尬？我可以說，姜濤一定沒有在這份「難聽名單」之上。

他有這樣的演出水準，正好示範何謂下苦功，而我相信「姜B」在這去一段時間花了很多時間做好自己，沒理會外界是非，全情投入令自己進步，說服觀眾：我可以擔大旗的，再加上最後一段感謝辭裏，他說：「我知道今日攞呢啲獎，有好多民眾一定會講『姜濤值唔值得攞呢個獎』，但係點都好，我以後會用作品說話，希望全香港嘅市民都督促住我哋呢班偶像，睇住我哋成長。」 （https://bit.ly/3rXplgm） 單憑這一番話，已證明姜濤在2020年進步神速，成熟了很多，亦我更加明白為何值得有那麼多人喜歡他。事實證明，唯有不斷努力，才能夠走得更遠，新一年，新開始，請大家繼續努力，認真看待自己的專業，爭一口氣。

《講畀大東廳》第三集MIRROR專訪（上）YouTube版本：
https://bit.ly/38SVLzL
《講畀大東廳》第四集MIRROR專訪（下）YouTube版本：
https://bit.ly/2L8GHWx

（03012021）

#游大東影視筆記 #游大東 #姜濤 #陳卓賢 #AnsonLo #叱咤2020 #叱咤樂壇流行榜頒獎典禮 #商台 #MIRROR #花姐 #全民造星 MIRROR 論盡音樂 Stupid Music Music Picks 快樂的 做乜膠睇電視 我睇咗啲乜嘢 港女講劇 港人講電視 廣東歌fans應援事件 阿果 William on the way 浪遊旅人 我讀德書少。 林輝：旅遊寫作人 Anson Lo Ian 陳卓賢 陳卓賢 Ian Chan Fans Club 啡白 Brown White

http://bit.ly/2W68x8T

Jan Curious - 媽媽

曲、詞：Jan Curious
編、監：Jan Curious、Anna hisbbuR

媽 媽 讓我降生地球
媽 媽 像面向我的月球
愛是引力吧

媽 媽 讓我棲身於這
家呀家 沒別處我想逗留
你說別害怕 喝杯熱茶

有些說話
說不出用結他

啦啦啦⋯⋯媽媽聽到吧
啦啦啦⋯⋯媽媽聽到嗎
心中的對白
說出口太肉麻
媽媽 聽懂了嗎

媽 媽 就算撤出地球
媽 媽 在世界的盡頭
看着月球 揮揮手

看星說話
奏身邊木結他

啦啦啦⋯⋯媽媽聽到吧
啦啦啦⋯⋯媽媽聽到嗎

啦啦啦⋯⋯媽媽聽到吧
啦啦啦⋯⋯媽媽聽到嗎

咀邊的説話
媽媽猜到嗎

Cello : Rebecca Li
Acoustic guitar : Sunny Chan
Electric guitar : Teriver Cheung
Backing vocals / keys / mixing: Anna hisbbuR
Recording engineering : Eason YH Chan, Ka Chun@miso

Director: 神蹟再現
Videographer: 神蹟再現、余日一
Post-production: BASI Production

Hair styling: Kennki Lau
Special thanks to Funky Town

Jan Curious 首支個人派台單曲〈媽媽〉已登陸各大音樂平台：
Spotify: http://bit.ly/spotifyMaMa
KKBOX: http://bit.ly/kkboxMaMa
JOOX: http://bit.ly/JOOXMaMa
MOOV: http://bit.ly/moovMaMa
Youtube Music: http://bit.ly/youtubeMaMa
Apple Music: http://bit.ly/applemusicMaMa

關於 Jan Curious

Jan Curious 身兼本地音樂人與插畫師，2005 年活躍至今，先後擔任獨立樂隊觸執毛 (Chochukmo) 及 R.O.O.T 主音（自 2016 年起），向來以破格音樂，題材廣泛而天馬行空的歌詞，以及極具爆炸性與感染力的現場演出著稱。他在觸執毛期間發表的〈The King Lost His Pink〉及〈A Tragedy Your Majesty〉兩張英文專輯，均收錄多首電台流行榜冠軍歌，樂隊不但活躍於各地大小音樂節演出，更衝破本地所謂「非主流」與「主流」音樂界線，曾為許志安、王菀之及何韻詩等歌手創作歌曲，觸執毛並先後兩度獲邀擔任 2015 年度及 2017 年度「叱咤樂壇流行榜頒獎典禮」表演嘉賓。

2016 年，Jan Curious 聯同經常到世界各地巡演的爵士結他手 Teriver（張駿豪），年紀輕輕已經常為一眾流行歌手作曲、編曲及監製的蘇道哲（Sotoc），及來自台灣天團八三夭前鼓手，現活躍於爵士樂界的黃子瑜（Fish Huang）組成 R.O.O.T。樂隊以獨立搖滾的創新精神，將爵士高低跌宕、變幻莫測的情緒起伏發揮得淋灕盡致，配上流行樂般流暢動人的編排，以及各成員深厚的音樂根底與演出功力，造就一種無法明確定義卻又充滿個人風格的破格作品，並勇奪 2020 年度「叱吒樂壇流行榜頒獎典禮 - 叱吒樂壇生力軍銀獎」。

2019 年，Jan Curious 開始以個人名義發起其他音樂企劃，包括與觸執毛貝斯手 Tom 以 Jan Curious & tombeats. 名義，推出兩張有別於以往樂風而電子味十足的 EP 《S》及《I》，並曾參與 Tone Online Festival 演出。

2021 年，Jan Curious 以個人名義展開創作，並推出首支個人單曲〈媽媽〉，同時積極籌劃推出首張個人專輯。

FB：https://www.facebook.com/thisisjancurious
IG：@jancurious

「叱咤頒獎有咩咁好睇？」唔知幾時開始，當有人話要睇叱咤嘅頒獎典禮個陣，身邊有啲朋友都會用呢個問題嚟撻返你轉頭。我諗由無咗4台聯頒開始，香港人都逐漸少咗睇香港樂壇嘅頒獎典禮，我自己都唔例外。由細細個睇啲歌手上台講感言睇到跟住一齊喊，睇Eason同古巨基爭男歌手金獎到2010年因為版稅風波以致四台聯頒開始無咗之後，我會覺得呢十年嘅香港樂壇喺網路普及嘅情況下係經歷改朝換代嘅變化。

喺呢條片，我想以一個觀眾身分分享一下2020叱咤樂壇頒獎典禮有咩咁好睇。

叱咤嘅頒獎典禮我由識聽歌開始已經有追，由03年嘅古巨基回歸樂壇感動講出「我最鐘意唱歌」，到陳奕迅攞過十次男歌手金獎同埋連續9年攞我最喜愛男歌手。我每次睇頒獎禮都好想睇到自己鐘意嘅歌手唱live，睇得好感動又肉緊。但大概去到一個位因為版稅問題有啲歌手唔可以4個台嘅頒獎典禮都出席到甚至攞到獎嘅時候，我就開始少睇咗。直到今年2020年尾，我返到嚟香港，緊貼住我聽嘅係一堆廣東歌，係唔單止一個歌手嘅歌，有林家謙、JER 柳應廷、Jace Chan陳凱詠、等等唔同歌手嘅歌，我突然覺得香港樂壇好似比起以前多咗好多好嘅歌同歌手。

再睇埋2020叱咤樂壇流行榜頒獎典禮，我就發現2020嘅樂壇比起以前真係多返好多色彩。

第一大重點我覺得係因為2年前嘅全民造星造就返香港人嘅偶像出嚟。呢個電視節目唔單止令人與人之間多咗連繫同話題，仲令到一班香港人鐘意返本地嘅嘢。喺樂壇歷史嘅男團入面，除咗Boyz好少少有好多一出嚟都比人狠批，就算自己鐘意男團與否，MIRROR確實成功打入香港樂壇，坐擁一班fans。其實姜濤嘅歌同埋人都攞獎相信大家都唔會意外，因為第一個意想不到攞呢個獎嘅歌手早在2015年已經出現，吳業坤攞我最喜愛男歌手已經係樂壇因為網絡而開始改朝換代嘅分水嶺。當年我仲好記得SNS開始普及，而坤哥係少有用SNS都用得多嘅歌手，因為呢個獎年年都係投票選出嘅所以森美喺15年頒獎嘅時候都講過一段經典嘅說話：

所以15年同16年坤哥連續攞呢個獎除咗係「民意」，仲係話比其他歌手同佢哋嘅fans知道個世界已經唔同咗玩法，跟唔上就好快被時代淘汰。而呢個亦都係我認為嘅第二大重點嚟㗎。喺網絡時代當道嘅世界，全民造星誕生出嚟嘅人贏到人氣贏到口碑，所以姜濤攞獎只係再一次話比大家知時代已經唔同咗。而森美喺頒獎嘅時候都講出一啲類似嘅說話。再者，我認為當晚姜濤嘅歌藝已經好過某部分出道以久嘅歌手。

第三我會覺得係香港今年嘅樂壇多咗唔少高quality嘅歌曲比大家揀，再加上我哋喺網絡都會搵一啲啱自己嘅歌嚟聽，變相就算係一啲非主流嘅音樂都比以前剩係大眾媒體操控曝光個陣多咗唔少曝光率。我哋多咗好多渠道去接觸不同嘅音樂。我自己就認為林家謙嘅曲同編係Canton pop入面有自己風格，而佢幫陳奕迅作嘅《是但求其愛》加埋小克嘅詞我會認為係陳奕迅久違嘅廣東歌神作。當然除咗林家謙，好似Serrini同Perse呢啲非主流嘅音樂人都能夠打入大眾嘅耳仔入面。因為時代改變，新人多咗機會曝光，唔同嘅音樂人都可以有自己嘅平台製作，可以話有種難得一見百花齊放嘅感覺，多咗咁多人討論本土歌手同作品已得係一件值得開心嘅事。

最後我想話，其實每代都會有每代嘅明星。因為時代嘅轉變，每代嘅明星定義同感覺同會隨時代改變。好似我係90後，就嚟30歲，以前聽極都係陳奕迅古巨基個啲，再多啲都係張敬軒陳柏字。上一代個啲明星係張國榮、梅豔芳，講到陳奕迅上一代嘅人都覺得比下去啦。所以其實無得咁樣比，大家要接受時代嘅轉變，欣賞返當代有份努力嘅音樂人。當然以前嘅歌手好重視唱功同台上功架等等嘅專業態度都好需要被重視，不過呢啲嘢都係每人有自己準則，比起無人再討論廣東歌，多返咁多人關注已經係一件好事。

唔好再問：「叱咤樂壇頒獎典禮其實有咩咁好睇？」不如今年比啲時間去留意下聽下新嘅作品，下一年再去投票比你鐘意嘅歌或者人啦。有得嗌下點都好睇啦啩。


每天關注我的9UP狀況：
https://www.instagram.com/ernest_pch/