【 電視史話／《碧血劍》20周年 】

世紀疫症之下，「Po舊相」變成藝人保持曝光的方法。有趣是，這些Latergram分分鐘「Late足」廿幾卅年，比如近年已淡出幕前的Eric Kwok太太葉佩雯（Grace），日前失驚無神在個人facebook專頁和Instagram同步分享一張舊相（https://bit.ly/2FtLtv9），而且並非時裝打扮，而是激罕「古裝Look」，保證大家以往從未見過，她以一個笑笑Emoji介紹：「古裝嘅我！你見過未？」

奇怪了，翻查葉佩雯的演藝生涯，好像從來都沒有拍過古裝劇和電影，為何會有如此造型？原來背後有段古：「想當年Casting（試鏡） 一齣劇集嘅女主角，落選左（咗）原因係我太英俊同太似洋妞（鬼妹）！」文末又加上標籤「 #CALLME葉大俠」。此帖一出，不少網民立即「電視偵探」上身，想找出當年Grace到底為哪套無綫古裝劇試鏡，有人估《雲海玉弓緣》（2002），有人估是《青蛇》（只在1993年拍過電影版，1998年《我和殭屍有個約會》裏亦曾出現這個角色），亦有人話這身打扮和氣質可以飾演《絕代雙驕》裏的小魚兒。

但統統都不是，於是有讀者試圖從年份着手。「嗰個年代係咪咩蘭桂芳咩傾斜度嘅年代？」（1998年葉佩雯推出的單曲《蘭桂坊的傾斜度》）近了，Grace再給多一點提示：「大約2000年！」最後答案，Grace只在Instagram開估，「係碧血劍！」這套由李添勝監製的無綫古裝劇，改編自金庸同名原著小說，1999年開拍，於2000年11月20日首播，是為33周年台慶劇，共30集。林家棟飾演男主角袁承志，江華飾演金蛇郎君夏雪宜，佘詩曼飾演阿九（即長平公主），同劇還有吳美珩、歐子欣、袁彩雲、關寶慧等演員。觀乎葉佩雯當年的古裝扮相，跟溫菁菁的造型幾乎一樣，故此Grace口中所說的「落選」，其實是敗給飾演溫菁菁的歐子欣，不過歐子欣拍罷此劇後便淡出，所以依照今天娛樂新聞的編輯角度出發，焦點還是落在佘詩曼身上。

今時今日的佘詩曼，演技當然無容置疑，兩奪無綫視后，更憑《延禧攻略》在內地爆紅，不過回想當年剛卸下港姐身份變成全職演員初期，雖然備受無綫高層力捧，安排大量演出機會，連續三年（1999-2001）飾演金庸武俠劇的女主角（《雪山飛狐》、《倚天屠龍記》、《碧血劍》），又有份參演《刑事偵緝檔案IV》（1999）和《十月初五的月光》（2000）兩套重頭劇，人氣爆升。

但因為不是紅褲子出身，幕前經驗又太少，演技稚嫩而受到批評，更指她以「雞仔聲」講對白很刺耳，她當年在《志雲飯局》曾向陳志雲承認對此批評不開心，但下定決心要改善：「我有喺屋企讀報紙，朗讀半個鐘頭，讀咗幾個月，係有幫助，另外當時拍《雪》同《刑》，對住陳錦鴻成年咁滯，因為佢本身係演藝學院，對演戲有好多理論，佢就不斷將學到嘅嘢灌輸畀我，佢都幾關鍵，係佢令我對演戲產生興趣。」（https://bit.ly/33uqf8n）直至2006年《鳳凰四重奏》一人分飾四角之後，演繹角色的技巧漸見成熟，逐漸鞏固無綫當家花旦的地位。

【 延伸閱讀 】
《刑偵IV》VS《延禧》 ── 佘詩曼20年間演技飛躍：http://bit.ly/2nFMX9c

（15092020）

#游大東 #游大東影視筆記 #碧血劍 #金庸 #李添勝 #葉佩雯 #佘詩曼 #電視史話 做乜膠睇電視 快樂的 Grace Ip 葉佩雯 金庸茶館 佘詩曼 Charmaine Sheh 講劇時辰到 港女講劇 Tvb藝人粉絲團 Tvb 艺人粉丝团

［完了吧，如無意外］《我的筍盤男友》- 兼講葉念琛

1. 好，其實一路都想寫葉念琛，卒之有機會。今次細半講套戲，大半講葉念琛。可能更好，因為如果齋講葉念琛，可能就變咗流水帳由第一套講起，又長又悶。

2. 首先講結論，四大賀歲港片，黃子華葉念琛王晶黃百鳴，四套我都會睇。但寫呢篇文之時，只係睇咗黃子華葉念琛。但幾乎可以肯定，葉念琛呢套《我的筍盤男友》，係四套最正常嘅。留意我甚至唔講最好，我好難話你知呢套戲叫做好戲，甚至以葉念琛嘅戲本身都唔係（近年嘅全部唔係）。但只係鬥低，其他幾套更不堪。黃子華我寫咗 (http://bit.ly/3aRCMWC) ，王晶黃百鳴，怕且都唔使點講。但當然睇完先算。王晶黃百鳴即使畀人打入地獄後，其實都仲偶有OK的佳作。

3. 講返葉大導，我在好多地盤嘅個人介紹都提過鍾意佢。好多人都不能置信。雖然我唔係咩咁巴閉，但佢地都不能接受原來我係鍾意「MK活地亞倫」。我得承認，呢個半恥笑嘅花名，改得極好，唔知邊個發明。

4. 亦都有人懷疑我係扮鍾意葉大導，或者特登鍾意葉大導。好似own咗呢壇嘢咁，提起葉念琛就諗起我（佢未去到咁霉），又或者扮與眾不同。甚至係有啲自虐傾向，例如好多明知好爛嘅港片我都入去睇。當然唔只係為咗支持港片咁偉大，亦純粹係為放空。所以你明點解TVB劇咁受歡迎，因為好多人只係想放空

5.但我鍾意葉念琛，絶對係真心嘅。你問同我睇過葉念琛嘅女（都好多條，喂，佢拍咗好多戲，十幾年喎），應該feel 到，我係真心投入，甚至真心被感動嘅。

6. 喂大佬，我第一套睇嘅係2006年嘅《獨家試愛》，仲記得係在美孚影都戲院（但我明明唔係住美孚，又唔係嗰度返工，嗰時就係咁無聊）。唔可以話驚為天人，但真係深受打動。呢啲係就係拍畀我睇嘅！

7.《獨家試愛》係葉念琛嘅第二套戲。而之後咁多套，我全撚部都睇晒。咁我梗係講入場睇啦！幾時都係入場睇先計。《人約離婚後》我睇咗三次！（好八掛嘅應該發現，當時係我結婚前冇耐），《紀念日》我睇咗兩次。

8. 就連我在香港01嘅第一篇文，都係寫Stephy．篇文寫得唔好，費事貼（但要搵仲搵到）。重點係，我同01傾咗一排，但仲未嘔到文，就係到Stephy同万刀甲分手，先觸發到我覺得一定要寫啲嘢。某程度上係因為香港01我先真係變成一個「寫文」嘅人，亦都因為咁我先有個Facebook Page。而與其話我鍾意Stephy，不如話我係鍾意葉念琛鏡頭下呢個港女．
9. 所以你話影響大唔大？

10. 坊間對葉念琛好多批評好多恥笑，你一定聽過，我亦唔使一一駁斥或乜。我甚至覺得，我同葉大導合照時，佢都有啲懷疑我係想去抽水笑佢。（BTW，呢張相好經典，係我睇《獨家試愛》時捕獲佢影。你話，喂，又話在影都睇？呢張相點都唔係影都，況且2006年埃汾邊有咁老？答案係：張相係《獨家試愛》重映（！）嗰時影的，亦因為咁葉大導有出現）

11. 我只講兩樣嘢。第一，你話葉念琛啲戲凈係情情塔塔，係丫，「活地亞倫都係」。但情情塔塔咪就係嗰時嘅我生活嘅大部份。留意葉念琛拍嘅，一般唔係校園故事，又唔係豪門恩怨，就係普通職場男女嘅故事，你同（當年嘅）我。你話呵欠嘅，唔知有乜好睇嘅，我只能好武斷咁話：你根本唔識愛情。或者話：你愛情經驗唔夠。

12.同樣地，又話葉念琛啲戲全部都係偷食三角變—我想講，現實都係咁上下。你嘅現實唔係？恭喜你。咁你好幸福。但我嘅現實係。唔講太多自己嘢（唔係介意，係唔想失焦），但應該好多人知，當年我囡囡就係sort of （不知情嘅）小三，我背住當時正印女友偷食，後來仲有啲轉折，但最後我都係同囡囡結埋婚。呢個小三炮友（唔通一男一女去釣魚？）變埋正室嫁埋嘅故事，好多人都覺得好勵志，勵志過華潤勵致。你可以話因為我係啲咁嘅賤人所以我睇葉念琛，亦可以話因為我睇葉念琛所以我係咁嘅賤人（但明顯係前者居多）。但又係嗰句，唔好咁虛偽啦，你冇做過人第三者？冇搶過人男女朋友？你自己冇，朋友都有啦。我當都係冇，都總有其他人想嚟搞你或你另一半掛。根本現實就係咁，葉大導話齋，情場如戰場 要愛就要搶。你冇畀女人摑過，冇畀人狠狠咁恨過，可能代愛你根本冇真正戀愛過。正如冇跌親過即係你踩得唔夠快，冇飲過海水泳池水即係游得唔夠深（？）

13. 第二，我對葉大導嘅欽敬，正係在於佢啲戲咁多年都可以玩同一樣嘢（其實近年已經唔係）：男男女女，偷食，三角戀。One trick pony．喂，你估易？洛賓的軌蹟咁，係呀，一樓都係呢招架啦，入波呀，吹咩？

14. 李小龍除咗講be water 外，仲有講過，練一萬招嘅人佢唔驚，但佢驚一招練一萬次嘅人（所以唔好睇咁多四仔，專心練好啲傳教士啦）。葉念琛就係呢個一招玩一萬次嘅人。

15. 悶？睇你點睇。正如我一樣（！），其實咩安雅會談呀 (http://bit.ly/2TVopKJ) ，失身記呀(http://bit.ly/2R6wzwZ)，我在個人FB都講過好多次，現實生活更講過無數次。但我啲識咗廿幾三十年嘅朋友都係百聽不厭，因為好似次次都有新嘢—唔係我前言不對後語。而係可能手法唔同，舖排唔同，或者講返一啲我當時嘅諗法，或者一啲冇提嘅細節。

16. 同活地亞倫一樣（所以叫佢MK活地亞倫真係好正），葉念琛可能冇正版活地亞倫嘅智慧，但佢地有樣嘢好似，就係咁多年都係嗰啲主題！一招練一萬次。念念不忘，必有迴響。總好過啲學藝不精嘅人，行都未行好就學走。兩位活地亞倫都係，你擺明知佢會點，擺明係咁genre ，點丫？

17. 葉大導同正版仲有一個共通點，亦係我佩服佢嘅一點，覺得出面低估佢嘅原因：佢地，都係可以只係賣自己個名嘅編導！（另一個應該係彭浩翔）

18. 外國其實唔少見，但香港相對地幾少見。有邊個導編真係可以長期賣自己名？可能係杜琪峰，可能係王家衞嗰啲級數。但佢地都唔係拍死一個類型啦，係咪？

19. 更加堅嘅係，喂，杜琪峰唔多唔少都要靠劉青雲古天樂任達華，王家衞都係要靠梁朝偉。

20. 葉念琛呢？佢真係咩演員都唔使用！唔使特技，唔靠色情，唔使靠賣香港情懷（事實佢啲戲就最本土），甚至唔使點宣傳。難聽啲講你畀堆垃圾佢佢到交到嘢畀你。有金童玉女Stephy万刀甲固然好。但係咪冇咗佢地葉念琛就冇戲拍？唔係咯大佬。佢先係套戲嘅主角，男女主角呢啲只係過客。呢點好重要。佢係一個有好強勁個人風格，可以只賣自己招牌嘅導演。嘿。

21. 唔好恥笑或鬧，仲有一樣嘢。我地講緊商業片，係咪？我地唔係討論緊杜魯福小津安二郎下話？商業片最緊要係乜？賺錢。唔使套套大賺，甚至唔使套套賺，但最好封蝕本門，最好老細唔使輸到仆街。功夫嘅嘢，有票房咪叻仔，冇票房咪返去自己打文青飛機。

22. 葉念琛正係因為賣自己招牌（而我相信佢唔係拎好多錢），所以佢啲戲，全部都唔會高成本，我有理由相信多數都賺錢，至少唔會蝕。所以佢可以開戲長開長有。記唔記得舊文講過？只要不死，就是活著。你冇戲開，你有乜理想都係把撚。

23. 互為因果，葉念琛嘅戲，求其搵啲後生新人去拍就得，新人供應源源不絶，一定唔會貴，紅咗扭計嘅，貴嘅，咪換第個。再加埋班佢長期合作嘅綠葉班底（阿Bob，麥玲玲之類，唔係佢地做乜會上無線唱《好好戀愛》？）(http://bit.ly/2RK03AY) 。佢啲戲又唔使靚景，又唔使特技，仲可以搵贊助搞植入，封晒蝕本門，老細點會唔開心？

24. 仲有樣嘢，你班友成日強調港味嘛。葉念琛嘅戲正係好有港味（當然都用過台灣演員）。因為佢唔使點理大陸票房（雖然係有上的）。點解可以唔多理大陸票房？咪又係成本低，只做香港都夠。

25. 更加唔好講，因為葉念琛，製造咗幾多就業機會畀啲奀星。難聽講句，出面搵老細嫁才俊都靠呢啲叫高啲價。功德無量呀
________________________________________
26. 今次呢套《我的筍盤男友》，講真，冇乜好講。我話好好睇係講大話，你要講情節不合理係大把（但好似冇三角戀噃）。但我想講，至少係完完整整嘅一套戲。要求好低？你可以睇下其他幾套賀歲片。

27. 窮家女孩戀上富家子，屋企人反對，嘩，呢啲情節真係拍咗一百幾廿年。但至少在葉念琛手上都仲係正正常常（唔好咁高要求）。好彩冇出現吳家麗開張支票叫條女開個價嘅老撚土情節。「但食麵包（定鬆餅？）嗰下真係笑咗」。

28. 演員啲表現都算係恰如其份，綠葉配角嘅繼續綠葉配角，陳家樂個look就擺明係劉鳴煒個look，講嘢都差不多，有啲說服力的。

29. 然後到女主角，嗯，真係之前我都唔識，李靖筠Gladys。拿我是個膚淺嘅人，但我第一眼嘅感覺係：喂大佬，咁醜嘅女，還我Stephy呀。或者蔣家旻蘇麗珊都好丫。

30. OK，我知，唔好睇樣咁膚淺，身材都好重要。「但都好似冇」。OK，我明白，想睇女落夜總會嘛。人地係artist(e)，唔係賣樣。聽聞好似其實主力係唱歌，咁當然OK，況且而家好似鍾意呢啲文青女神系（咩係文青女神？冇胸咪文青女神）。同埋，聽聞，其實最後跑出反而可能係呢啲女仔，就係夠型格，唔會睇咗都唔記得。

31. 但我是死士，我寧願相信，葉念琛都一早知佢唔靚（你睇佢咁多年拍過幾多女明星？倪晨曦連詩雅周秀娜鍾嘉欣喎），但正係睇中佢呢點，搵佢演呢個窮家平凡女孩。就係搵個唔靚嘅。雖然現實上Stephy周秀娜都係窮家女孩（窮家女唔可以靚同大胸？姿色改變命運嘛）。

32. 仲有樣嘢，budget．都要講，葉念琛啲戲，卡士係越嚟越弱嘅。嗰時Stephy 万刀甲未算一線明星，但好多人都識，之後仲有佘詩曼周秀娜之類。但到近年就變咗蔣家旻蘇麗珊甚至今次呢位。

33. 但，市道唔好嘛，加上而家葉大導啲戲都冇當年咁收得（互為因果）。自然樣樣慳。你咪理，我覺得一個成功嘅工匠（你唔係當葉念琛係藝術家呀？）理應如此，我都係咁（？！）。老細畀三皮嘢筆直，我咪同你請三皮嘢之中比較好又啱用嘅人。你畀兩皮嘢，我咪同你搵兩皮嘢之中冇咁甩皮甩骨嘅。你畀一皮嘢，我咪搵件甩皮甩骨但至少唔係炸咗你間公司嘅友咯。睇送食飯嘛

34. 除咗影員，仲有好多位睇到筆直係有限的。劇組似乎搵唔到豪宅（但，喂，英皇喎），安排呀幾十億富豪才俊都只係serviced apartment，又算數。但大佬，名流女士佢老母搞生日會，在六公館搞？Seriously？另外，啲佈景版嘅女，亦未免太MK太大陸太O靚模，唔係咩上流party見到嘅女咯。

35. 但，正係限米煮限飯嘛，都係嗰句，不死就是活著，冇戲開我話知你天才橫溢。點先長玩長有？就係唔好蝕錢。蝕都唔好蝕到仆街。你估導演咁易做？咁易做你做咗啦。

36. BTW，當年我在01有篇文，講賀歲片咁多年嘅轉變，然後反映返社會。嗰篇文都幾多人睇，雖則有啲長。可以畀你回下帶 (http://bit.ly/2RMqplL)

好好笑！

❣️即刻Follow我地Instagram：
https://www.instagram.com/girlstyle.presslogic/
今個星期都係留返係屋企算⋯⋯
#女生語錄
————————————————————
更多人氣話題：
✨「I Love you 3000.」是Marvel給粉絲埋了十年的驚喜彩蛋？
http://bit.ly/2vFKcsE
✨漫威第一翹臀！美國隊長的屁股被封為「美國翹臀」
http://bit.ly/2Y5KNQv
✨驚佘詩曼演技好過自己？傳唐嫣新劇要求撤換女二佘詩曼？
http://bit.ly/2H25lDC

💞想睇更多女生日常嘅資訊？
👉快啲喺網頁版嘅cover photo下方，
按『Following』按鈕然後選擇『See First』
🚩訂閱Girls YouTube頻道：
https://www.youtube.com/c/PressLogicGirls
—————————————————————
如果妳有任何有趣的相片、事物想跟小編分享，或有關美妝、時尚的新聞稿〜歡迎透過Facebook inbox、或電郵到girlstyle@presslogic.com 將資料傳送給小編！
廣告合作請電郵至[email protected]
—————————————————————
誠徵Bloggers！想分享你的美容、時尚和生活日常，請將投稿+100字個人簡介+近照一張，電郵到：girlstyle@presslogic.com，我們會幫你開設個人專欄！

蕊蕊分享大叫健康測試，發聲原來係全身運動！撐牆掌上壓健身操！(大家真瘋Show 2020)


雜誌式資訊節目，網羅全球新聞、趣聞、娛樂，令你盡悉天下事。 由梁思浩率領李麗蕊及陳彥行主持，保證給你無限正能量，無限歡笑，真正風騷。

相關影片:
1. 思浩大談馮盈盈首次拍劇，被導演開咪鬧戲屎！憶述佘詩曼雪山飛狐成功因謙卑！(大家真瘋Show 2020) (https://www.youtube.com/watch?v=hACxJs4UVdk)
2. 思浩大談傳成龍四千萬安頓卓林，吳綺莉罕有地回應內地娛記！藝人傳媒關係差有原因！(大家真瘋Show 2020) (https://www.youtube.com/watch?v=BwZGtKDR9Yg)
3. 思浩大談裸睡聽到尖叫嗌救命，英國舅父赤裸大奔救外甥！事後發現擺烏龍被瘋傳影片！(大家真瘋Show 2020) (https://www.youtube.com/watch?v=zrWlgUaNCz0)



#大家真瘋Show #2020 #蕊蕊 #StayHome #WithMe #跟我一樣 #宅在家

【嫻妃有問必答?】
佘詩曼真人好nice！她大方公開自己的體重，又分享保養tips，還回應了濾鏡事件！??

立即訂閱 → https://bit.ly/SubscribeToCOSMOHK

Cosmopolitan HK: https://www.Cosmopolitan.com.hk
Facebook: http://fb.com/CosmoHK
Instagram: https://www.instagram.com/Cosmopolitan_HK

佘詩曼like左個遊行post
但又怕內地人唔鍾意
又unlike左
搞到兩邊不是人
今日分析各名人的政治取態
#佘詩曼#汪明荃#Toyz#達哥#杜汶澤

影補溝女計劃:

多謝網友一直支持
也收到很多網友既email
始終溝(真命天女)是一門大學問
如果你一直有溝女上既疑問
想多個人探討
歡迎參加

月費: email 問吧!!
在whatapps 上可以任問有關溝女既問題
one on one
每日都會發放簡易溝女攻略

有興趣 email 我吧
nyksuperman@yahoo.com.hk

blog:
https://learningpickup2018.blogspot.com/

facebook:
https://www.facebook.com/%E5%BD%B1%E5%83%8F%E8%A3%9C%E5%AE%8C%E8%A8%88%E5%8A%83-244250179271606/

IG:
https://www.instagram.com/learn_relationship/

twitter:影像補完計劃
@ItRg9xD36srMIqY

paypal 捐贈
PayPal.Me/nyksuperman