<精味粤菜點心張公館👍🏻>
#fafafoodblog銅鑼灣
喺香港有唔少味道出色既點心鋪 有精美有市井 有平有貴 環境都各有不同 各適其適 😋 如果想坐得舒服 d食下精味高質點心 且價錢合理可以試下呢間張公館 佢坐位舒服 而且可以望住窗口銅鑼灣既大廈景 👍🏻 茶芥每位20 蚊 都合理 用火熱住既普洱同香片茶味都夠 唔係求其落 d 茶葉沖水就算 ☕ 而小食 2 碟 (36 蚊) 花生同炸白飯魚 都幾香脆 好味🐟🔥食店 menu都好多選擇 除左點心仲有好多廣東菜😋 但因為正直優閒既星期6 中午 所以甘懶既我 就同朋友總共4 人點左個 4 人餐 啱哂唔洗諗😂 價值680 蚊既4 人餐

🍴蒸類六選四 😋其中三樣
一籠放哂三個點心都幾靚
1.招牌紫薯豬仔包 🐽🍠
豬仔飽外表得意 耳仔係一 d淋左既脆片 試少少就 ok豬鼻同尾🐽係用左甜甜地既啫喱 而包皮係比軟淋 入面既紫薯 係新鮮紫薯塞落去 完全冇糖 只有紫薯香甜味 口感好 正😄
2. 招牌野菌素餃🍄🥟
個餃皮有 d似水晶皮厚嗰 d . 口感爽 入面充滿住香濃既野菌而且切得碎所以好有口感 好食😄
3. 招牌黑松露蝦餃🍄🦐
蝦餃既餃皮好厚實 一咬開蝦肉新鮮大舊😍帶 d冬筍增加爽口感🌿

🍴蒸類六選四 😋🍠
其中一樣
1. 陳皮牛肉球🐂
通常平時 d牛肉球一食只會得 d菜或者芫茜味 🌿 但呢個一放落口就聞到好香陳皮味 就算點左 gip 汁都遮唔到佢 d 香味 正😆 牛肉都幾爽彈 牛肉味香 十分唔錯 🐮

🍴煎炸二選一 🔥
1. 鮮蝦腐皮卷 🦐
個腐皮整得好脆 😋入面個蝦肉都幾甜同彈牙 外脆內軟 點埋 gip汁 好食 😈

🍴腸粉二選一🐽
1.叉燒腸粉 🐷
腸粉皮厚度適中 幾夠米香 👍🏻而 d叉燒切粒 所以咬落有口感 然後入面又配左少少菜增加番 juicy口感無甘單調🌿 加埋甜豉油 好味

🍴上湯浸娃娃菜 🌿
個湯比我想像中鮮甜 可以飲兩啖🍲 d娃娃菜新鮮之餘 佢切既大細都適中 方便食 唔錯 再加上少少火腿絲調味🐷 要黎撈飯都唔錯😍

🍴瑤柱蛋白紫米炒飯🔥🍚
第一次食瑤柱蛋白炒飯係用左紫米 都幾健康💪🏻瑤柱落足料 都幾夠咸香 而且佢既飯粒炒得夠火喉乾身🔥蛋白好夠香滑🥚 加上 d芹菜粒 令到碗飯加上適當既水份中和 🌿令到碟飯好有口感 推介 好味💪🏻

🍴甜品桃膠奶凍🥛
桃膠都落得幾多 奶凍既密度偏高 奶味幾香濃 唔會太甜 加埋桃膠 感覺幾健康😆

Score 平均分 <7.9/10>
Taste 味道：👍🏻👍🏻👍🏻👍🏻
Present 外觀：👍🏻👍🏻👍🏻
Decor&Hygiene 環境衞生：👍🏻👍🏻👍🏻
Value for $ 性價比：👍🏻👍🏻👍🏻👍🏻👍🏻
Service 服務：👍🏻👍🏻👍🏻
~~~~~~~~~~~~~
#張公館 張公館
銅鑼灣登龍街 18 號 v point 29 樓
~~~~~~~~~~~~
#fafafoodblog #為食花太郎 #fafafoodblog銅鑼灣 #炒飯 #紫薯 #野菌 #豬仔 #蝦餃 #點心
=====================

🙂温馨提示🙂
Fb like左 page都睇唔到<通知>
若果大家想睇到多d唔同既美食
👇🏻👇🏻👇🏻👇🏻👇🏻
除左like 請做多一個步驟
[like] 左 👉🏻<追蹤中/Following> 👉🏻<搶先看/See First>
多謝大家支持！🤓🤓

歡迎喺唔同平台觀賞fafafoodblog
Fb📒: fafafoodblog
Ig🖍: fafafoodblog
Openrice 🍚: 花太郎

任何美食😋歡迎inbox 我 , 等我食完開心share！🤓