熱門Ptt文章

[爆卦]低調戀愛語錄是什麼？優點缺點精華區懶人包

雖然這篇低調戀愛語錄鄉民發文沒有被收入到精華區：在低調戀愛語錄這個話題中，我們另外找到其它相關的精選爆讚文章

在 低調戀愛語錄產品中有6篇Facebook貼文，粉絲數超過6萬的網紅港式情侶 HKstyleCouple，也在其Facebook貼文中提到， 【 #他們的愛情故事- 長久的婚姻肯定是相互的忍耐】 梁朝偉近日因演出《尚氣與十環幫傳奇》成為城中熱話，原來佢一直都堅持唔演父親角色，因為老婆劉嘉玲先願意接拍。呢對圈中數一數二嘅恩愛夫妻，相愛超過30年，真係羨煞旁人！ . 梁朝偉同劉嘉玲因為合演舞台劇結緣，一年後戀情曝光，因為仍哋性格完全唔夾，一...

　同時也有1部Youtube影片，追蹤數超過80萬的網紅展榮展瑞 K.R Bros，也在其Youtube影片中提到，瑞：領養蒂蒂師姐1年半了，第一次挑戰幫貓咪洗澡，到底會不會人貓大戰，還是其實蒂蒂師姐很喜歡洗澎澎？ 更多蒂蒂師姐影片 @低調星期一 → https://www.youtube.com/channel/UCLEx4TeBhoSwY6cSfjxKnBw #這群人 #展榮展瑞 #貓奴 5G G...

「低調戀愛語錄」的推薦目錄

低調戀愛語錄 在 港式情侶HKstyleCouple Instagram 的精選貼文

2021-09-15 19:26:12

【 #他們的愛情故事- 長久的婚姻肯定是相互的忍耐】 梁朝偉近日因演出《尚氣與十環幫傳奇》成為城中熱話，原來佢一直都堅持唔演父親角色，因為老婆劉嘉玲先願意接拍。呢對圈中數一數二嘅恩愛夫妻，相愛超過30年，真係羨煞旁人！ . 梁朝偉同劉嘉玲因為合演舞台劇結緣，一年後戀情曝光，因為仍哋性格完全唔夾，一...

低調戀愛語錄 在 小妮子情理生活學〡關係療癒 Instagram 的最佳解答

2021-09-10 21:17:18

/ 濾鏡存在於生活已經是一種必要，我們甘於活在營造出美好的幻象裡，那是因為現實太乏味，不甘於看著社群上的滿漢全席，卻獨自吃著一樣的食物，不甘於欣賞那些光鮮亮麗的動態，反觀自己每天重複例行公事。 ⠀ 面對愛情我們總是害怕遠距離，卻總深陷那些距離自己最遙遠的人事物，在社群濾鏡的背後有多少是真實的呢？ ⠀...

低調戀愛語錄 在 港式情侶HKstyleCouple Instagram 的最讚貼文

2021-09-03 13:43:19

【 #他們的愛情故事 - 效力巴塞21年唔係最癲！球王美斯愛足老婆24年 】 「因為你，我知道世間有很多事比足球更重要。我的目標不再是更多獎杯，而是希望與你一起變老。」（美斯，2019） . 日前美斯舉辦記者會正式宣布退出巴塞，原來不經不覺呢位34歲球王已經效力巴塞21年，整個足球生涯都喺巴塞隆拿...

  • 港式情侶 HKstyleCouple

    低調戀愛語錄 在 港式情侶 HKstyleCouple Facebook 的最讚貼文

    2021-09-12 18:00:36
    有 883 人按讚

    【 #他們的愛情故事- 長久的婚姻肯定是相互的忍耐】

    梁朝偉近日因演出《尚氣與十環幫傳奇》成為城中熱話，原來佢一直都堅持唔演父親角色，因為老婆劉嘉玲先願意接拍。呢對圈中數一數二嘅恩愛夫妻，相愛超過30年，真係羨煞旁人！
    .
    梁朝偉同劉嘉玲因為合演舞台劇結緣，一年後戀情曝光，因為仍哋性格完全唔夾，一個好內向，一個好Outgoing，當時畀人評為最不般配情侶。不過2人懶理批評，熱戀期嗰陣，佢地除咗去東京迪士尼拍拖旅行，梁朝偉仲不時製造浪漫驚喜畀劉嘉玲，遠卦荷蘭探班，仲要送愛人最鍾意嘅百合花，淨係睇相都覺得好Sweet！
    .
    其後，劉嘉玲被綁架案、裸照流出，令佢陷入谷底。梁朝偉停工陪伴，仲同劉嘉玲講：「呢個圈子咁複雜，我哋走啦，你想去邊我就陪妳去。」呢番說話感動咗劉嘉玲，「世界咩都冇咁又點？我有呢個人畀我靠住，佢高矮唔重要，重要嘅係佢畀我嘅力量。」
    .
    劉嘉玲父親突然離世成為轉捩點，佢表示：「我想畀自己一個交代，畀自己穿一次婚紗。」梁朝偉一口應承，結束約 19 年愛情長跑，喺不丹舉辦獨一無二嘅婚禮。劉嘉玲話：「我覺得自己幾幸運識到呢個男仔，呢幾年來，我們互相進步、成長，經過好多事，佢都幫助我渡過難關。」.
    .
    梁朝偉一向低調，從來唔出席仼何應酬派對或宣傳活動，但佢會為劉嘉玲打破自己原則。除了出席劉嘉玲嘅時裝品牌Show之外，每一次劉嘉玲獲提名需出席頒獎禮時，即使不關自己事，佢都一定會陪老婆出席，以行動支持對方。
    .
    梁朝偉為劉嘉玲付出，劉嘉玲亦都有為梁朝偉默默付出同支持。參加宴會時，內向嘅梁朝偉要靠劉嘉玲化解尷尬；喺屋企劉嘉玲身兼多職，太太、工人、管家乜都做，生活中一切瑣碎事情都由她包辦，因為梁朝偉不擅於生活自理，劉嘉玲變得更加會照顧人：「就是好錫佢，我幫他打點就好喇！」
    .
    劉嘉玲曾分享自己的婚姻之道在於一個「忍」字，「長久的婚姻肯定係相互忍耐。喺包容佢嘅時候，佢都承受梗我嘅性格，其實我亦好難搞。鍾意一個人就會包容佢嘅一切，包括佢嘅性格、價值觀、人生觀，你都會認同。」
    .
    梁朝偉當初拒絕出演《尚氣與十環幫傳奇》，因為童年時父親經常離家出走，所以堅時唔接「父親」角色，梁朝偉表示：「其實有人提出過邀請，但我都推咗。因為我唔想記起父親當年點對我。佢嘅離開令我唔知點同人相處。」喺老婆劉嘉玲不斷在旁説服，勸佢先同導演溝通下，先促成咗今次合作機會。估唔到劉嘉玲令梁朝偉放下多年執著，踏出第一步。
    .
    佢哋二人嘅愛情低調地互補不足、相互忍耐、陪伴對方超過30年，直到宜家真係唔容易～
    .
    #咁Sweet得唔得架 #好恩愛 #尚氣 #尚氣唔接下氣 #情侶 #愛 #愛情 #語錄 #拍拖 #香港 #女朋友 #hkig #心事
    .
    睇咗笑完就算？不如追蹤埋我哋啦！
    即Like @港式情侶 HKstyleCouple 收聽更多港式愛情趣事、一齊學識點樣愛❤️
    IG : https://instagram.com/hkstylecouple
    歡迎DM投稿戀愛趣事/愛情煩惱，我哋等緊你㗎😙！

  • 港式情侶 HKstyleCouple

    低調戀愛語錄 在 港式情侶 HKstyleCouple Facebook 的最佳解答

    2021-08-11 21:00:44
    有 1,671 人按讚

    【 #他們的愛情故事 - 效力巴塞21年唔係最癲！球王美斯愛足老婆24年 】

    「因為你，我知道世間有很多事比足球更重要。我的目標不再是更多獎杯，而是希望與你一起變老。」（美斯，2019）
    .
    日前美斯舉辦記者會正式宣布退出巴塞，原來不經不覺呢位34歲球王已經效力巴塞21年，整個足球生涯都喺巴塞隆拿度過，更多次難忍淚水要老婆遞紙巾拭淚，坦言離開係無可奈何，對足球同球會都非常專一。但當你以為留喺同一隊波21年已經好癲，恐怕美斯嘅專一程度又一次刷新你嘅認知。因為原來佢已經愛上佢老婆Antonela 25年，打從9歲嗰年就對老婆Antonela一見鍾情，之後眼裡就一直只得呢個女仔，大個之後更加兌現咗佢兒時嘅承諾，返嚟娶咗佢做老婆。今日要講嘅就係，成名後依然專一，對愛情同足球同樣長情，屬於美斯同佢老婆Antonela嘅愛情故事。
    .
    「怕醜仔愛上青梅竹馬 留紙仔承諾將來要娶佢」

    9歲嘅美斯喺一個訓練營認識Antonela，據聞當年第一次見到夢中情人，美斯一度望到呆晒，之後就經常借故去Antonela表哥（亦係美斯童年好友）屋企，以求見多女神幾面。但出咗名怕醜嘅美斯一直鼓唔起勇氣表白，直到後來要搬到西班牙長期訓練，美斯先留紙仔同Antonela講等佢大個之後，就會返黎揾佢訂婚（咁突然...）。當年嘅童年童語，好多人都未必會記住，但美斯就一直都放咗喺心。至17歲Antonela好友離世，美斯即刻飛返家鄉陪住佢，一對童年好友亦因此事終成愛人，並最終愛情長跑13年，於30歲結婚～
    .
    「老婆Antonela對足球0興趣 美斯甜笑表示唔介意 」

    當你以為球王老婆應該都係咁熱愛足球，美斯先會咁愛佢，各位又錯了... 因為美斯老婆同在座大多數女朋友一樣，都係唔知有咩咁好睇（拿但人地識咩係越位的）... 美斯曾經喺訪問中坦言老婆對足球0興趣，每次踢完比賽返去同老婆講起自己入波/上演帽子戲法，老婆實際上都覺得好無聊、完全無興趣，不過自己依然咁愛佢咁話。真係愛一個人，從來都唔會逼對方要同自己有一樣興趣，而係就算佢無，你都會一樣咁愛佢。
    .
    「原來有好多嘢都緊要過踢波 例如同你一齊變老」

    美斯一直係一個對自己要求好高嘅人，以前輸波，成日會鎖埋自己喺房，唔食唔瞓，不停反思比賽入面嘅失誤。但Antonela永遠都好似一度陽光，望住佢令美斯覺得輸波其實都唔係咁大獲，因為生命中仲有愛人。婚後更加改變咗自己人生目標，唔再係攞更多獎杯，而係希望同老婆、細路一齊變老。直到今時今日，兩人依然恩愛如昔，育有3個超得意囝囝～ 今年美斯打完美洲杯無慶功就馬不停蹄回國，原來就係急急腳要見老婆。傳媒影到Antonela當日去咗接機，美斯離遠就笑住打開對手，示意老婆攬攬，仲除口罩錫咗老婆一啖，笑到成個小朋友咁，識咗25年依然sweet到爆！
    .
    「成日畀網民笑佢『毒毒地』 偏偏最深情又專一」

    美斯呢位球王素來怕醜低調，經常被鏡頭捕捉到佢怕醜（毒）一面，例如同fans影相隻手想搭住人膊頭但又唔知應該點擺、成班隊友攬埋慶功得佢遲咗拍加入唔到，或者成隊人靜晒得佢一個唔知笑緊啲咩...well... 但怕醜性格同成名背後，其實佢唔只係一個球王，更加係一個一往情深，會為咗陪老婆產子缺席重要賽事嘅好男人。
    .
    套用凱婷金句就係：「老婆緊要過踢波？你做到咩？自願陪老婆缺席就代表好囉，你連唔打機一晚，pause 5秒都吾敢啦！！！」 好男人如美斯，無論係加入邊間球會，都係相當值得respect！
    .
    圖片來源：美斯靚wife IG @antonelaroccuzzo
    .
    #又可以tag男朋友叫佢學嘢鳥 #教定咁多位ching點覆 #但你首先都要似antonela咁溫柔至得㗎啵 #然後今晚又可以瞓廳了 #港式情侶 #情侶 #戀愛 #女朋友 #拍拖 #美斯 #足球 #踢波 #巴塞隆拿 #轉會 #愛情 #愛情故事 #金句 #語錄
    .
    睇咗笑完就算？不如追蹤埋我哋啦！
    即Like @港式情侶 HKstyleCouple 收聽更多港式愛情趣事、一齊學識點樣愛❤️
    IG : https://instagram.com/hkstylecouple
    歡迎DM投稿戀愛趣事/愛情煩惱，我哋等緊你㗎😙！

  • 港式情侶 HKstyleCouple

    低調戀愛語錄 在 港式情侶 HKstyleCouple Facebook 的精選貼文

    2021-03-29 20:22:03
    有 1,225 人按讚

    【 #他們的愛情故事 - 知足成就最美愛情 智叔同老婆相愛42年】

    「相愛其實唔難，難就難在甘苦與共後，我仍然待你如初。」
    .
    人稱智叔嘅老戲骨廖啟智，日前因為胃癌離開咗我哋，令大家再度痛失一位好演員。作為一個有演技、有腰骨，直言出身香港草根階層，唔怕接演敏感題材嘅演員，智叔一直深受敬重。不過智叔除咗係一個好戲之人，更加有深情一面，同太太陳敏兒相愛42年，十年如一日。所以今日想講嘅唔係演員廖啟智，而係低調嘅愛妻號智叔。
    .
    「佢（太太）係我嘅最佳女主角」
    智叔同太太陳敏兒相識於藝員訓練班，智叔第一次見到老婆，已經為之傾心，最後追咗三個禮拜就成功抱得美人歸。當年呢段戀情並不被睇好，因為當智叔仲做緊配角，太太已經係當家花旦。兩人無論外形定事業發展都有段距離，但智叔就一於少理，仲覺得大家係郎才女貌。最後亦都係呢份傻勁，令兩人最終步入婚姻。趁住20週年智叔為老婆補辦婚禮，仲將太太比喻為佢嘅最佳女主角，令老婆激動落淚。
    .
    「生活雖然苦，但返屋企見到你就開心、就滿足」
    現實生活並唔係童話故事，智叔同太太都經歷過好多痛苦，孻仔離世、老婆患上抑鬱症，生活嘅壓力大到大家都透唔到氣，但亦令智叔意識到咩先係最重要。於是智叔開始減少拍劇，多啲返屋企陪老婆，更曾於訪問中咁提到：「返屋企聽到老婆簡單一句『返嚟嘞』就開心」，仲忍唔住面露柔情。智叔坦言自己唔浪漫，唔識搞surprise，剩係會每日同老婆傾計、煮飯畀屋企人食，但其實對老婆四十年如一日，已經係最浪漫嘅事。
    .
    因為知足，平凡嘅相處都令智叔感到滿足，成就出一段42年零緋聞、專一如初嘅愛情。講就容易，其實好難。智叔，祝你一路好走。
    .
    #甘苦與共之後留低嘅愛情 #更加彌足珍貴 #小編相信香港人唔會慣 #愛 #愛情 #語錄 #拍拖 #香港 #hongkong #廖啟智 #智叔 #十年 #電影 #演員 #rip
    .
    即like 港式情侶 HKstyleCouple 緊貼更多港式愛情生活資訊❤️！
    IG : https://instagram.com/hkstylecouple
    歡迎Dm投稿戀愛趣事，我哋等緊你㗎😙！

你可能也想看看

搜尋相關網站