Menclub專訪全文：

正當大家以為林作與鍾培生的「培生擂台」暫告一段落，大家可以食住花生等九月擂台分勝負 (起碼我本來是這樣認為的)，誰知這個時候曾經參加過2016年《香港先生》的梁裕恆 (Flow) 卻發文指自已「睇唔過眼」、覺得鍾培生「以為有少少錢喺香港就惡哂」，更出價100萬零一蚊、「唔戴頭套兼讓單手單腳」，希望與鍾培生一戰。
觀乎其他傳媒為Flow冠上「落選港男」、「抽水王」等稱號，而他又曾多次於個人平台評論娛樂圈事件，大家可能會認為Flow今次也是「慣常的抽水賺名氣」。但如果認真聽過Flow講述他發文的原因，你就會理解——雖然未必人人同意——他其實是真心「為弱勢社群發聲！」

「主要是看不過眼這件事。」說起「100萬零一蚊」的發文，Flow用與外表截然不同、甚至可以說是有點害羞的語氣解釋，「用這樣方式去打人，大家都知道不對，他 (林作) 只是留了一個言，然後你 (鍾培生) 用100萬去美化這個擂台。那如果我有錢又好好打，我給一個吸引到你的價錢叫你上擂台，其實是可以打死你，可以合法殺人。我覺得這種價值觀、這種事，不應存在於香港，香港不是行這套。」
「有人說『是林作自己接受，不能怪人』，但假若我有少少錢，我見到個乞衣，跟他說『給十萬蚊你同我食咗舊屎佢』，無論乞衣接受不接受，其實都是侮辱了他，大家都應該明白這個道理。」
「如果大家都不支持他，其實我完全不需要出聲。大部份富二代、富三代都比較低調，但他這麼高調，還要用這個姿態出來，還打正旗號說是做善事，那我就覺得應該要出聲批評。我不是想這件事 (他與鍾培生的100萬零一蚊對決) 實際發生，只是想帶出一個概念，我比你出多一蚊就可以打人，然後人家出100萬零二蚊又可以打我，香港不是走這一套，不是你出得起錢就可以打人。男人打交很平常，但原因與方式，這兩個他都是不合理的。」

而對於林作，Flow指自己是看電視節目知道這個人，並不知道關於他的花邊新聞，只覺得他是名校出身，說話有文有路，而且「身為建制的既得利益者卻反建制」，所以他「頗欣賞這個人」。後來了解到林作的過去，「先知道原來他有點無厘頭。但無厘頭只是形象，周星馳也很無厘頭，但他其實在諷刺世事。」
Flow也直言如果他是林作，他都會上台迎戰，「有風骨的人，被人這樣踩到上心口，讓我選也會打，不懂得打都要打——其實明烚他，為甚麼不比賽踢波？林作踢波叻；為甚麼兩個文人不比賽辯論？為甚麼是用自己的強項，業餘拳王，去打一個讀書人？網民說林作不是讀書人，讀到世界一級學府都不是讀書人？形象是形象，他是讀書人就是讀書人，我今日穿西裝打呔，我都是個粗人，不是斯文人。」
「大家也說林作不是平民，但一個住緊間屋廿幾億，一個住緊幾千萬，相對之下怎會不是平民？如果大家覺得因為林作的形象有爭議就可以打他，那大家這一兩年抗爭為了甚麼？其中一樣就是不能被權貴欺壓嘛！」

很明顯，從支持鍾培生 (或討厭林作) 的人的角度、加上Flow過往「抽水王」的稱號，很多人都覺得他發文只為抽水上位。作為回應，Flow先說抽水來自麻雀館，是麻雀館抽打牌的人的水；套用於網絡世界，麻雀館就是社交平台，而他與其他網民都只是打牌的人，「為甚麼我不能在我的社交平台發表任何言論看法？罵我的人來我這裏留言，為甚麼不是抽水？林作去鍾先生處留言是抽水，別人來罵我就不是抽水？那些人可能都有說支持鍾生打死林作，為甚麼他們不是抽水？」
「就算在TVB的時候，我都有不同政治事件發聲；社會運動時我第一次就到了現場、參加了九成以上遊行，但媒體不會報導，只會報導我負面的東西，於是就形成我現在的形象，說甚麼都會被人罵，被人說是抽水王。但其實08年有Facebook的時候我都已經是用這個方式做人，朋友可能會分享名牌、食物、旅行，我就喜歡分享自己的看法。」
「像謝安琪事件，我那時講到明，傭人偷東西是錯的，但你要考慮到他的出身是低教育水平、貧窮的國家，而且他放下自己的孩子父母去照顧你的孩子父母，其實是一件好慘的事，他們沒有選擇，其實是需要體諒他們、給他們一次機會。只要件事不是太嚴重，可以不需要報警，可以炒他魷魚把他遣返也成。但記者寫出來是『梁裕恆認為偷東西是對的』，網民又會說你的價值觀有問題，這樣去扭曲我說的一切。」
「但如果我借助公眾人物去發表我的看法，剛巧又有朋友的傭人偷東西，他看過我的文章，覺得可以網選擇開一面，那不就救了那位傭人？他仍然可以覺得需要嚴刑處分，沒有問題，但為甚麼我在我自己的平台分享也不可以呢？就會被人罵呢？」

如果你要我為Flow加上一個人物設定，我會說他是個老好人，甚至是個有幾分武俠小說中路見不平拔刀相助，雖千萬人吾往矣的俠客精神的老好人。他說他十幾歲開始做義工去山區 (但近年因為看到慈善機構的黑暗面而沒有再做)、本來想做警察 (「好彩沒做」)、後來去做消防員 (又因認為消防太官僚而離職)，早前去行個山遇到一群被遺棄的唐狗BB，從未養過狗的他也二話不說就領養了其中一隻。只是他出手、出聲的時機未必最好，幫人的心有時又過於熱切，效果就與理想中有些出入。
甚至他當年參選「港男」，都是希望能夠有更多的工具 (名氣與金錢) 去幫更多的人——當年說的是去山區起孤兒院——只是性格令他玩不來這個遊戲，結果四強被淘汰，只留下「落選港男」這個跟到現在的稱號。
「其實我好清楚那裏不適合我，那裏就像一個…皇朝體制，是沒有道理可以說，只有權力，甚麼都他說了算。我又不是會刷鞋那種人，我看到陳某某、曾某某是不會打招呼的，完全看不過眼。我回到公司真的感覺很不自然，就像有東西壓著你，覺得好辛苦，入面好虛偽，交不到朋友的。」

於是他在大台混過三年就離開，開設自己的健身事業，「是很高、很不錯的收入」。直到他為不同事件發聲，大家覺得他為商機抽水，導致收入大跌一半，亦是他唯一感到後悔的時刻。
「好多朋友都勸我，如果你不出聲，那個收入真的很不錯，但如果讓我重新選多一次，我還是會再說那些話。我覺得不能做自己的人生是最慘的事，對住塊鏡對得住自己、行出來氣宇軒昂，搵幾多錢其他沒甚麼所謂。」
「來來去去我就是做運動、看書、行山、放狗、傾計，這五件事就算再窮我也做得到，我就開心了。」

或者Flow的確是有顆幫助別人的心，但過往幾年面對現實也令他認清自己的能力。「當我離開很多慈善機構時，有個朋友跟我說，做人做好本份，幫身邊朋友已經很足夠。我突然間又醒一醒，是呀，我又真的未夠時間去陪媽媽。如果每個人都做好本份，幫下身邊的朋友，其實就已經足夠。我相信自己沒有足夠的能力去影響整個社會。」
「有人說我好心做壞事，但『好心做壞事』是搞壞件事，我現在只是搞壞了我自己，我自己承擔後果，我覺得是可以接受的。但如果有多一個人看得明，他們也會宣揚這個想法出去。」
「我也知道好難去洗走 (大家對他的既定印象)，但我幾希望透過這個訪問洗走它。可能我讀書不多，支筆不夠好，但希望我的語氣態度，能讓大家知道我不是在說謊。」
(完)
Editor: 魏文青
Photo: Casper @ MenClub
Video: Ivan @MenClub
Makeup & Hair: Scarlett Yeung
Styling: MR. BIG Children
Wardrobe:Artist's Own、LINDBERG

我個仔係蟄居族（上）
　　
我擁有一個幸福嘅人生，所有親戚、朋友、鄰居，都係咁樣諗。

我有一個正直而愛我嘅老公，佢係一個好高級嘅公務員，就嚟退休，退休金都成千萬。

我有一個孝順嘅女，佢已經結咗婚，亦有自己嘅事業，個個星期都會返嚟陪我哋食飯。
　　

大家都話，等我老公正式退休，我哋拎住一大筆錢，可以去環遊世界，可以點樣享受生活……

但我知道，我邊度都去唔到。

因為我仲有一個仔，佢叫阿英，今年四十歲，冇拍拖，冇返工，甚至……冇出門口。

我都講唔清楚，佢有幾耐冇出過門口，總之鄰居都唔知我有個仔，以為我得一個女。
　　

阿英讀中學嗰陣，俾同學欺凌。

唔知幾時開始，阿英會打我，會拎菜刀嚇我，好似想將佢喺學校承受嘅苦難，都報復喺我身上。

我可以點做？我冇可能報警拉我個仔，亦唔夠佢打，只可以喺俾佢打到頂唔順嘅時候，打電話叫老公嚟救我。

然後，返緊工嘅老公匆匆趕番嚟，將阿英制服，再鬧佢一餐，然後……等待佢下一次再打我。
　　

好彩，畢業後，阿英搬咗出去住。

佢做過幾份工，但冇一份做得長，佢話人哋睇唔起佢，唔識欣賞佢。

唔返工就冇錢賺，阿英唯有問老公攞錢：「冇錢交租啦！」

聽到呢句說話，我悚然一驚，如果阿英交唔起租，佢就會搬番嚟住，又會開始打我。

我咁樣講：「畀佢啦，佢始終係我哋個仔。」
　　

從此之後，我哋一個月畀阿英兩萬蚊生活費。

跟住我覺得，父愛可以比母愛更偉大。

至少，我對呢個「一唔順心就打人」嘅仔，已經充滿恐懼同無奈。

而老公一放假，就去阿英屋企，幫佢執屋、帶佢出街食飯，仲想帶佢見心理醫生，不過阿英唔肯。

儘量老公有時返到屋企，臉上會有傷痕，但佢下次都會去搵阿英。
　　

我以為呢種生活會持續一世，我以為只要唔去搵個仔，我就可以享受我嘅幸福家庭。

直到有一日，我收到阿英嘅電話：「阿媽，我聽日搬番嚟。」

我隻手震晒，成個電話跌咗落地，當年俾阿英用菜刀逼到角落，不斷打冷震嘅恐懼，再次湧上心頭。
　　

我無助地望向老公，想尋求少少安慰：「阿英……阿英有改過㗎可？」

老公冇答我嘅問題，只係話：「阿英始終係我哋個仔，唔通唔俾佢返屋企咩？」

我個心好似坐咗跳樓機咁向下沉，我已經知道答案，阿英仍然會繼續打我。

但我冇辦法拒絕，阿英知道我哋住邊，老公仲要係公務員，如果阿英去政府搞事，老公顏面盡失之餘，照樣要俾阿英返嚟。
　　

之後嘅事，完全喺我意料之中。

阿英搬番嚟，日日喺房打機，對我哋呼呼喝喝。

我喺網上睇到，呢種人叫做「蟄居族」，唔返工、唔同外人交往，逃避社會，從心底抗拒人群。

不過「蟄居族」唔一定有暴力傾向，唉，我已經冇奢望阿英變番正常人，只係想佢唔打人。

我唯有小心翼翼咁做人，連呼吸都唔敢太大聲，希望阿英唔好注意到我嘅存在。
　　

但人生有一樣嘢叫做「命運」，命運，唔係你低調就可以避過。

阿英嫌我煮嘅飯菜唔夠好味，鬧咗兩句，拳頭就狠狠窩落我個肚度。

我個腦一片空白，即刻呼救：「老公！」

然後，我嘅老公，嗰個發過誓會一生一世保護我嘅男人，毫不猶豫地衝埋嚟，推開阿英。

推唔開。
　　

阿英反手捉住老公嘅衫領，將老公個頭撞落牆度，再撞落門度。

老公就好似一隻爛咗嘅公仔，俾阿英舞嚟舞去，肆意折磨。

我忽然意識到，我老公，老啦。

儘管佢想保護我嘅心從來冇變過，但體力嘅差距，已經注定佢唔係阿英嘅對手。
　　
下集：https://bit.ly/3aFR2UD
　　
將專頁設定為「搶先看」/ "See first"，最新故仔馬上睇！
　　
頭髮食人：https://goo.gl/Tf2883
我聽到人哋講我壞話：http://bit.do/frcRd
　　
#短故 #短篇 #小說 #陳美濤 #廣東話 #粵語 #tomatochan #我個仔係蟄居族

［九倉爆買Facebook Amazon的啟示］沽咗成百億呀下（唔知仲有幾多）

1. TL:DR—九倉頂盡係香港第一（都未係），但Facebook Amazon係世界第一！所以if you can’t beat them, join them！人貴自知

2. 自quote：「冇得影自己心口嘅，就試下寫得好。寫得唔夠好嘅，就至少寫得快。古語有云：Michael Jordan plays ball. Charles Manson kills people. I talk. — Everyone has a talent.」

3. 話說昨晚朋友傳嚟九倉單嘢（其實好想credit佢，但我估佢想低調啲），我就又係快手寫起。不過同時間又答緊收費專欄讀者PM問題（係呀，真係有人問的），所以一心二用，其實唔係寫得太好，亦都見到啲數字都搞錯晒。篇文亦好似太多寫咗九倉本身啲恩怨同現狀，多過買（同沽）Facebook Amazon嘅嘢

4. 但冇所謂，最緊要快（而又有一定水平唔好太離譜）先，breaking view．第日（即係而家）先畀個深度啲嘅諗法你（＊）

5. 講返，其實九倉之類嘅地產佬公司，有一大個倉炒／投資股票，唔出奇。但原來買埋咁多Facebook Amazon，就有少少奇。啟示至少有四個：

6. 第一個，昨晚講咗，包玉剛吳光正吳宗權吳天海，識埋咁多人，拎埋咁多內幕，做咁多年生意—但最後都係買Facebook Amazon，仲要係成百億港紙（甚至未計佢未沽嘅），你唔覺得有乜啟示？你就走去炒細價股信微信女或P圖韓仔，信有「內幕」，你覺得「內幕」去到你都知，仲係「內幕」？做人有啲自知之明好

7. 第二個，交易量。呢度講緊係七十億港紙。真係唔少嘢。睇返九倉年報（https://bit.ly/3deUPXe），2400億資產，當然好多係物業呀，聯營公司嗰類。但投資都365億—而呢365億入面（自己睇remark 12），120億係「新經濟」（固然Wework都可以係新經濟）。唯一更大舊嘅呢？係「地產」，我冇深究係乜，但應該一大舊係綠城中國（3900），另外渣下其他同行股票都好正常，畀下面又有，第時用嚟搞人又得，有時合作又互相意思意思入股下。但就係想講，係呢啲咁大嘅股票，先畀佢買到咁多。九倉已經唔算大，仲要係一拆二，同1997分咗家。你可以想像，如果去到咩長實之類嘅，唔通去炒細價股？要掃起唔難，但點甩身？我沽你幾十間都未夠我半年開支。如果我冇睇錯，Amazon講緊一日成100億美金成交

8. 第三．就廢話了，但，你有冇見人地走去放晒定期（九倉去做定期實高息過你）？有冇cash is king？cash 是有，但270億左右啫，仲要其實係450億銀行貨款。但都話投資都365億。除咗自己本業，碌返去投地買樓再投地外，都仲加埋呢啲投資。你可以睇下啲配置點做，雖則係常識。但你不如下次去股東會（13.5一股之嘛），問下吳生怕唔怕聽日核爆，點解仲買股票。

9. 但其實最想講係第四！另類business hedge！係友人講嘅角度！IF you can’t beat them, join them．九倉自己係做乜架呢？係做商場（雖然嚴格上咩海港城時代廣場全部在1997）！Amazon正係殺晒呢啲行業！當然在香港未必係，但我FF，吳生包生（在天之靈都得掛？）見Amazon呢個敵人咁堅，自己可能僥倖不死（或未死），但，做乜唔join them？

10. 所以你見我揀呢張圖！真係張圖都值回票價。唔熟嘅（其實我都唔熟）我解下：漫畫《城市獵人》（https://bit.ly/3egVcAS），呢集孟波（冴羽獠）嘅對手，係呢位深町警長，係奧運射擊金牌得主！但你估到了，小說創作101，《三國演義》華雄點勁點勁，當然係為咗最後映襯關公。同樣地，最後當然係孟波勝利（否則邊有戲做？）。最後呢句型到痺（我當年當然係睇TVB）：你呢，奧運金牌，係業餘嘅世界第一。但唔好意思，我，係職業嘅世界第一！

11. 係咯，九倉再叻，都不過係香港第一，甚至都唔係。但Facebook Amazon，係世界嘅第一！九倉就有呢種自知，唔好走去做深町警長挑人機嘛。

（＊）費事正文未入正題講太多自己，呢度補。原文照錄，同一友人評話：「其實你唔做傳媒呢行徙晒！（係傳媒損失，但做咗就你嘅損失）」。同一友人又引林行止評沈鑒治話：「沈先生不但儀表出眾，說話得體，中英雙語流鬯，更難能可貴的，是快筆成章」　—　咁，儀表出眾冇我份（當然好怪獸都係出眾，但我諗我應該未係十分非常算掛），中英雙語流鬯冇我份（粗口就幾流鬯），但快筆成章，好似係有的。

推而廣之，如同我之前寫，如果王維基搞到電視，就係香港之得，但相信佢會蝕到仆街。正如如果我繼續教書，我好相信係學生之得，而我副身家應該多過而家（因為我會好早買樓），但就唔會有呢個Page了。

------------------------------
版務：收費專欄已推出，支持埃汾高質文章。幾舊水睇三個月，一星期三篇

請去呢度訂：bit.ly/2wVXndj
課程編號填: CC01
科咗水後後有Login及Password畀你

逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。