關於尋晚嘅遊戲 答案係........ 。 。 。 。 。 。 。 1呀～～～～～ 好多人都有答啱👍🏻 而另一個好多人揀嘅6呢 雖然大家都估到我會怕接電話 呢一點有如神探伽利略我覺得好犀利🤣 但比起客服人員我其實更怕面對人群 便利店「比人圍」嘅畫面我諗起就驚 比我揀我會寧願留喺倉庫搬貨😐 而健身中心接待人員呢 其實係我第一份工作 唔係企喺街招人入會果種 係坐喺櫃臺接下電話處理文書幫會員做入場登記 至於外賣呢如果距離唔遠 我以前喺便當店打工係會行路去送餐嘅 跟住餐飲外場呢指嘅唔係自己間鋪 係以前做設計有段日子唔夠生活費 朝早有去餐館捧餐做PT賺外快 仲試過當住客人面前大仆街倒瀉成碟餸 而家諗起都覺得尷尬🤭 派傳單就係來台初期真心搵唔到工 就做過短期嘅雜工賺伙食費 日日收糧開飯其實好踏實 而相中呢個大頭妹... 又點會估到三十年後嘅自己 已經係一個有經歷嘅女人呢🤣 （好想縮返落阿媽個肚呀） 回頭睇返雖然而家做得未夠好 但已經往前行咗好多步 好命嘅話已經過咗半世人喇 下半世就繼續多多指教啦～ 反正打完呢場仗大家都會更好 經歷完全人類最重要嘅一課 我已經急不及待迎接未來喇 大家共勉之💛