我嘅職業係:賣夢人(下)
.
於是,我將公司分為兩個部門,「好夢」同「怪夢」。
.
「好夢」專門收購好夢,薄利多銷;
.
「怪夢」平價收購大量怪夢,再針對每個有錢人嘅喜好,高價賣畀佢地。
.
日子耐咗,公司規模愈黎愈大,「怪夢」有好多有錢熟客,佢地甚至會訂夢;
.
有咗人脈,「好夢」亦發展得更好,...
我嘅職業係:賣夢人(下)
.
於是,我將公司分為兩個部門,「好夢」同「怪夢」。
.
「好夢」專門收購好夢,薄利多銷;
.
「怪夢」平價收購大量怪夢,再針對每個有錢人嘅喜好,高價賣畀佢地。
.
日子耐咗,公司規模愈黎愈大,「怪夢」有好多有錢熟客,佢地甚至會訂夢;
.
有咗人脈,「好夢」亦發展得更好,幾乎間間便利店都有好夢賣。
.
今日心情唔好?行過買個好夢啦。
. ,
我當然飛黃騰達,葡萄美酒夜光杯,金錢美女一大堆。
.
然後,我老啦。
.
我有兩個得力助手,「好夢」主管阿好,同「怪夢」主管阿怪。
.
我打算喺佢地兩個之間揀一個繼承人,但佢地嘅能力似乎不相伯仲。
.
於是,我出咗一條題目。
.
賣夢多年,我咩夢都發過,無論再發咩夢,我都唔太開心。
.
我要佢地幫我搵一個夢,一個令我開心嘅夢。
. ,
阿怪搜羅咗好多怪夢,但我咩怪夢都見過,全部都覺得好無聊。
.
我有啲失望,我估,阿好會搵好多好夢,夢中有各式各樣嘅美人同奢侈品。
.
結果,我等咗好耐,阿好都未畀任何一個夢我試。
.
直到限期嘅最後一日,阿好只係交咗一個夢畀我。
.
夢中,我依然係我,係岩岩開賣夢公司嘅我。
.
一步一步,從無到有,所有嘅努力,每一次更接近目標,都令我無比興奮。
.
最後,我贏咗。
. ,
「痛快!」醒咗之後,我都忍唔住叫一聲。
.
我覺得無意思,係因為所有野都唾手可得。
.
最珍貴嘅野,永遠都係自己奮鬥番黎。
.
原來,阿好唔係幫我買夢,而係喺吸夢器以外,再造啲改良,為我度身訂造一個夢。
. ,
咁巧妙嘅諗法,將間公司交畀佢,佢一定有能力解決所有遇到嘅問題。
.
但係第二日番到公司,我諗住宣佈結果嘅時候,阿好唔喺度。
.
阿好死咗,尋晚夢遊,跳樓死咗。
.
我知道,阿好一向有夢遊嘅習慣,所以佢每晚都會安排好自己要發嘅夢,發個靜態嘅夢,唔會有咩危險。
.
除非,佢要發嘅夢,俾人換咗。
.
邊個有能力,搵到一個咁適合嘅夢,令阿好夢遊時跳樓?
.
我望向一臉平靜嘅阿怪,我諗,我估到答案。
. ,
果一刻,我做咗一個決定,如果警察估唔到答案,我就將間公司交畀阿怪。
.
阿好識解決問題,好有才能;
.
至於阿怪,佢識解決令佢產生問題嘅人。
. -完-
.
#短故 #短篇 #小說 #陳美濤 #廣東話 #粵語 #賣夢人 #我嘅職業係 #tomatochan