畢業第一份工入前公司做嘢，本科讀企業傳訊， 喺網媒呢行嘅認知唔多，除咗自己19整啲冇乜人睇嘅YouTube 片之外，真係白紙一張咩都唔識。 恰吓恰吓咁返工，除咗準時同認真做嘢，都冇咩好優秀嘅傑件令自己好自豪。 而我相信做part time咩都要做，難得公司請我畀機會我，就咩都去做。 覺得自己啲橋唔好，入都係入啲穩陣嘅，唔會死但係又唔算好睇嘅， 有時做吓呢啲片，有時又畀大佬ban下， 慢慢喺公司變咗個妹仔嘅存在。（我嗰時咁認為啦） 職場新手冇乜經驗，又未有咩功積。 嗰時混沌又冇自信嘅時間，就得Kovis一個伸出友誼之手。 到我有日冇乜嘢做，繼續執道具房嘅時候，Kovis入嚟同我講，執完坐低入橋啦。 同我講我做緊嘅嘢可以做，但係唔好唔記得自己都叫做content creator。 之後坐佢隔離，同佢講吓啲橋吹吓水brainstorm下，在公在私都做咗同行嘅小伙伴。 然後有一日整咗條msn 街訪，boom一聲好多like好多人睇， 第一時間我去多謝佢。 因為佢幫咗我好多，教我點做街訪好啲，點樣同導演們攝影師們溝通，慢慢幫我逐少逐少建立喺公司屬於自己嘅嘢。 呢兩個禮拜見到發生咁多事，局外人好難去論斷誰是誰非。 我淨係想講，作為佢嘅朋友，佢嘅前同事，見到網絡上面對於佢嘅評價，睇到我都好唔開心，因為喺我眼內佢唔係大家口中咁描述嘅人。 我眼中嘅Kovis係有義氣，好為朋友。 做到佢嘅朋友我覺得好開心，而我都會努力，令佢為我自豪。 最後想講，網絡其實同時包含現實同虛幻，唔好盡信網絡世界， 而絕對嘅善惡，唔係人可以判定，亦都唔會喺網絡上面彰顯到出嚟。 適時遠離social media，多喝水、保持身心健康， 無論身處邊到，都選擇做一個善良嘅人。💜

【 施匡翹成首位確診藝人 ─ 無綫決定封城兩天 】 _ 新冠肺炎（俗稱武漢肺炎）第三波爆發，周六（18／7）之後，全港市民都知道施匡翹是誰，事關這位24歲的樂壇新人不幸成為本地首位確診藝人，隸屬同公司的宣傳人員阿佳、經理人Apple姐（劉麗萍）以及Apple姐的男朋友麥德羅亦相繼中招。而網上流傳一份從TVB內部流出的藝人病毒測試名單，可以知道，從中可以理解過去14日潛伏期內跟施匡翹及阿佳有關的病毒傳播鏈，萬一當中有人成為「超級傳播者」，隨時全行停工： _ 【 施匡翹與阿佳的日程表 】 5／7：曾接受無綫娛樂新聞台訪問； 8／7（上周三）擔任同公司藝人謝高晉的音樂會「籃球場上的仲夏日記Live暨新歌發布會」嘉賓，現場有近150名觀眾，亦包括歌手J. Arie（雷深如） 11／7（上周六）在工作後則與薛凱琪頭貼頭合照； 15／7（周三）參加由無綫安排的鄧智堅戲劇班，同班還有10多位學員，部份學員本身是《#後生仔傾吓偈》的KOL主持，包括林正峰、游嘉欣、孔德賢、黃凱儀、徐文浩、劉頌鵬等； 17／7（周五）則到新城電台為節目《猜情尋》開咪。 _ 另邊廂，宣傳人員阿佳在6／7（上周一）曾接觸何雁詩後，多次與《勁歌金曲》的工作人員接觸，包括16／7（周四）晚陪同J. Arie錄影，當天除了溫碧霞與Dear Jane外，亦有主持周志康、謝文欣、伍富橋，以及東亞唱片、英皇唱片、華納唱片的宣傳人員。去到17／7晚，阿佳再跟《勁歌》工作人員吃飯，同場還有無綫娛樂新聞台主播郭浩皇。換言之，過去一段時間曾經與施匡翹和阿佳有接觸者，都有機會感染病毒，人數逾百，據知《勁歌金曲》監製麥鎮東與全組人員、《#後生仔傾吓偈》全組人員、無綫娛樂新聞台的台前幕後都需要接受病毒檢測。 _ 及至傍晚時份，無綫企業傳訊部宣傳科向傳媒發出通告，宣布封城兩天。「因應新冠肺炎疫情嚴峻,為減低病毒傳播風險，本台週日（19日）及週一（20日）兩天將不接待駐台記者進入電視廣播城。週日（19日）下午之《TVB傳情馬來西亞》直播探班及晚上之《魅力凝聚新時代》錄影探班亦一併取消。往後之宣傳活動安排容後通知,敬請各駐台記者注意。」據知《#後生仔傾吓偈》的主持之一戴祖儀，於晚上11時半在Instagram公開化驗結果，證實呈陰性。「今日經過了人生最無助，最慌亂的一天。感激各界的幫助，家人朋友以及很多人的關心同慰問。我會繼續保持警惕。」而孔德賢回覆傳媒查詢時亦指會去做測試，「我哋穩陣啲去Check一Check，而家全部人去緊！」 _ （18072020） _ #游大東 #游大東影視筆記 #新冠肺炎 #武漢肺炎 #施匡翹 #薛凱琪 #謝高晉 #孔德賢 #戴祖儀 #JARIE #雷深如 #TVB #無綫電視 #covid19 #19072020

話說呢幾日大家都Facebook玩完「10樣收過錢嘅職業再加插一項假嘅」叫大家估～ 我唔同大家玩喇～ 不如直接開估同大家分享下我嘅從前～ #之前拍嘅鬼片劇照 #鬼地方 #上映遙遙無期 好喇！ 要開估喇～ 其實寫完我先發覺， 自己打過嘅工全部都好騎呢。 1. 幼兒教育中心企業傳訊部經理 我的確係曾經喺一間本地幼兒教育中心裡面工作，公司當時準備到倫敦上市，所以有Corp Comm呢個職位；後來佢成功去咗倫敦創業板上市，（名堂為「早教在中國」）我就離職喇，然後就沒有然後了⋯ 2. 企業宴會活動製作助理監製 我曾經喺一間本地著名嘅event製作公司做過Assistant Producer，主要職能都係做片剪片同埋on-show operate sound panel；最大嘅show係曾經跟公司做一連幾日三萬觀眾嘅Asia Expo show，都係我op哂成副sound panel。 3. 音樂錄像聲效設計/技術師 MV拍好多，參演嘅又有、監製嘅都有，但係以幕後技術人員身份參與製作，做得最多嘅就係做sound；有幸為一啲有故仔嘅MV（又或者一啲短片）做sound edit、mixing、sFx、ambiance,etc. 一切可能源自10. 4. 電影場記 我係曾經喺郭子健導演、陳奕迅主演嘅「野良犬」入面做過幾日場記嘅，導演不單只完全冇鬧過我😅仲非常溫柔；我仲客串咗一場戲，同Eason對戲，我做一位醫生，其中一個take俾早咗反應，呀神忍唔住教我做戲，不停口中念住「Action、Reaction」，非常深刻嘅演戲口訣，一生受用。 P.S. 拍電影係大teamwork，有攝影組、美術組等不同部門。其中一組叫導演組，而裡面最細嗰位可算係場記。不同於場務做採購雜項，場記係拍攝現場甚少出現嘅文職工作，負責將每個scene、每個Shot、每個take儘量仔細記錄低，好使後期剪接時可以更加順利省時。吖！各位小朋友要搭時光機返去電影仲係拍菲林嘅年代先會明白場記嘅重要性。 5. 男子組合成員 Well...呢個唔知就真係同我好唔friend喇。雖然擺落呢個Game度，荒謬感倍增。 6. 游水教練 在下鄙人小弟曾經係港隊上大陸省隊特訓嘅游泳健將～🙈係嘅，雖然游得快唔一定有教過水。 7. 萬聖節鬼屋推銷員 16歲嗰年曾經喺荷里活⋯廣場裡面嘅萬聖節🎃鬼屋負責喺鬼屋外面推銷產品+叫人入屋玩，記憶中嗰年嘅收入都算唔錯。 8. 昂坪360人偶（扮一隻牛） 昂坪360可能由於太隔涉，所以有一年請咗一大班表演者入去每個鐘頭都有「漫步巡遊匯演」，我係負責做musician（雖然啲樂器幾近冇聲），一路行一路玩樂器，我套衫係一隻牛，頂啡色禮帽上高加咗一對牛角。同行嘅仲有龍蝦、蝦乾、咸蛋、雞屎藤等等不能盡錄，多數係由舞蹈員或武術員飾演，令我Facebook 從此多咗一班演藝朋友。當時每日都要搭360開工感受唔同嘅天氣，記憶仍然深刻。］ 9. 演唱會樂手 細個做樂團樂手經驗豐富，舞台劇演小提琴家都試過，做演唱會樂手反而只係試過一次。咁「勇敢」用我嘅當然係藝高膽大嘅林老闆林一峰哥哥，我當然都係拉小提琴啦。喺咁嘅環境之下，佢依然忠於創作，第二十隻音樂專輯好似快將推出。 10. 電台節目執行監製 有幸做過MV監製、舞台劇監製、電視節目監製等等。其實監製喺我心目中就係順利令到完成品「完成✅」。有一段超過半年時間，因為師傅Harry嘅引薦，我做過港台Radio2 「388放題」嘅Technical Producer，連節目名都係我改嘅（冇諗過咁行貨都有人鍾意😅），當年裡面嘅5小花依家每位應該都獨當一面吧！（不竟最後一集已經係8年前喇⋯） 11. 百貨公司魔術道具示範售貨員 哈哈！魔術喎！魔術喎！魔術喎！點解會有人揀呢個㗎！？我！18歲嗰年，曾經喺銅鑼灣SOGO 6/F玩具部，賣過魔術道具！足足做咗一個暑假！經我demo嘅魔術套裝生意當然係非常好啦～依家好想搵番張SOGO員工證件🙈 所以正確答案係⋯⋯6. 我真係冇教過游水⋯sorly~ 朋友話游得快唔願教都係真嘅😅 P.S.外加： 12. 香港歷史博物館資料搜集及研究員 13. 兒童暑期繪畫班導師🤣 14. 鋼琴、小提琴、聲樂老師 15. 電視節目主持 16. 電影配音員 17. 模特兒 18. Uber Driver 19. 編劇 20. 導演 停唔倒添⋯睇完都覺得自己騎呢🙈