熱門Ptt文章

[爆卦]仲見世通美食地圖是什麼？優點缺點精華區懶人包

雖然這篇仲見世通美食地圖鄉民發文沒有被收入到精華區：在仲見世通美食地圖這個話題中，我們另外找到其它相關的精選爆讚文章

在 仲見世通美食地圖產品中有7篇Facebook貼文，粉絲數超過2,554的網紅懶媽親子育兒記，也在其Facebook貼文中提到， #夏季荷花BB展2021 #懶媽BB展優惠情報 【樂道烏雞熬雞精】📍攤位ZA10 而家疫情，好多人都唔敢請陪月，所以方便嘅月子餐同補身湯好大需求，今次BB展，懶媽見到樂道仲史無前例做緊低至35折，當中有2款補身湯，懶媽係好推介，就係「樂道月子28+2」同 「樂道月子四寶」！ ✴️樂道「月子28+...

　同時也有3部Youtube影片，追蹤數超過60萬的網紅飲食男女，也在其Youtube影片中提到，成安街上的菜檔、肉檔、生果店，通通都改朝換代過，唯獨一家豆品店，百年如一日，晃眼半世紀。門前招牌，漸漸褪色，白底紅字的「珍香園」映入眼簾，有種老派的氣勢。店內，佇立了一滿頭銀髮之老人，徐徐俯身斟了一杯熱豆漿。那陣氤氳，飄逸着甜香，當搖搖晃晃將它遞給客人之際，泛黃的紙皮石地板，更沾上了一抹奶白色。那老...

「仲見世通美食地圖」的推薦目錄

仲見世通美食地圖 在 ??Ĭ̈ ă̈m̆̈ ar ying??? Instagram 的最佳解答

2021-03-03 02:34:13

#eatying旺角 (灣仔亦有分店) 🏠Crêpe Delicious @ 旺角MOKO新世紀廣場3樓345號舖 —————————— Cookies & Cream crepe $78 焗混芝士薯條 $78 美式手撕豬肉puff pizza $108 —————————— 我本身就幾鐘意食c...

仲見世通美食地圖 在 食好西？理想與現實 Instagram 的精選貼文

2021-02-02 08:51:53

🍽東涌新發現隱世地點異國風小街嘆印度美食  #食好西東涌美食 #食好西假裝出國系列  🥢請支持即刻俾心仲有follow @eatgoodwesteatbadwest 交流/報料/合作/邀請/餵食/吹水 歡迎： DM / 電郵   🍽之前成日都有很多機會到東涌玩，除左去完迪士尼順路入去...

仲見世通美食地圖 在 食好西？理想與現實 Instagram 的精選貼文

2020-05-10 02:48:27

🍰觀塘黃到金千層蛋糕店  🥢請支持即刻俾心👍🏻仲有follow @eatgoodwesteatbadwest  🍰觀塘駱駝漆是一個集美食開倉的一個地方，有很多隱世美食小店,其中有一間黃到金的千層蛋糕一直係我book mark 列表之內，店內有梳化可以坐底慢慢食  🍰檸檬海鹽$38 蛋...

  • 懶媽親子育兒記

    仲見世通美食地圖 在 懶媽親子育兒記 Facebook 的精選貼文

    2021-08-06 20:30:23
    有 34 人按讚

    #夏季荷花BB展2021 #懶媽BB展優惠情報
    【樂道烏雞熬雞精】📍攤位ZA10

    而家疫情，好多人都唔敢請陪月，所以方便嘅月子餐同補身湯好大需求，今次BB展，懶媽見到樂道仲史無前例做緊低至35折，當中有2款補身湯，懶媽係好推介，就係「樂道月子28+2」同 「樂道月子四寶」！

    ✴️樂道「月子28+2」 ✴️
    -補骨鈣、養烏髮、補腦養神
    -取用來自東北嘅梅花鹿鹿茸
    -取用韓國的高麗參
    -專業監察研製

    ✴️樂道「月子四寶」一套過齊哂✴️
    有齊炒米茶、通乳催乳茶、沐浴老薑粉、老薑洗頭
    -可改善脾虛
    -驅寒
    -增加母乳量

    ✴️ 中西食療月子餐 ✴️ 新登場驚喜優惠
    中醫審批X西廚主理 - 確保食材配伍及烹調方法均適用於產後及母乳媽媽；由擁有二十年的環球美食烹調經驗的團隊烹調，堅持採用最新鮮時令食材，每日即煮，衛生包裝，熱送府上；堅持採用無激素雞和豬、無添加味精/雞粉、無添加人造色素、無添加防腐劑

    而妹妹啱啱出世3個月，媽媽又餵緊人奶，梗係要幫自己補一補，一包包唔駛自己煲嘅「樂道烏雞熬雞精」 就啱晒我，依家BB展仲做緊優惠，一盒有30包，一個月嘅份量。

    🏆市場獨有🏆 雙雞熬燉🐔🐔
    ⭕膠原蛋白含量5130 mg/100ml
    ⭕蛋白質含量達9.7g/ 100ml
    ⭕胺基酸總含量高達7840 mg/100ml
    ⭕含25種胺基酸
    ⭕低納，含鐵
    ⭕滋陰溫補、補而不燥、益氣補腎
    ⭕特別適合懷孕及產後補身
    ⭕病後恢復及需要大補元氣人士

    ——————————————————
    💖2021夏季荷花BB展💖
    「第 29 屆國際嬰兒、兒童用品博覽」
    地點：香港灣仔會議展覽中心Hall3B-D展覽廳
    日期：2021年8月5日至8日
    時間：10am-8pm (8月5日-7日)、10am-7pm (8月8日)
    ——————————————————
    #懶媽BB展優惠地圖
    https://blog.ulifestyle.com.hk/article/lazymablog/4146946/

    #烏雞精 #樂道龍鳳御品烏雞精 #月子四寶 #月子28加2 #樂道 月子餐
    #荷花BB展#BB展 #荷花BB展VIP媽媽 #BB展2021
    #親子blogger #hkblogger #親子日記 #hkkol ##香港媽媽 #媽媽blogger #懶媽親子育兒記 #親子育兒

  • 君子馬蘭頭 - Ivan Li 李聲揚

    仲見世通美食地圖 在 君子馬蘭頭 - Ivan Li 李聲揚 Facebook 的最讚貼文

    2020-12-17 16:15:13
    有 95 人按讚

    ［第十八餐］［台北美食地圖］［瞞著爹］一分鐘一分貨。

    告個急先：本人已被炒，未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。當然我唔係坐定定「我不想努力」，一星期至少出返六篇文，仲要之前有啲讀者贏到下錢嘅（但本人目標唔係玩畀冧把，係更高層嘅嘢）

    亦係嗰句，辛苦自在搵嚟食，搵食搵食，最後都係搵嚟食。但，唔通畀人炒咗就日日40蚊魯肉飯咩。況且呢餐都未畀人炒

    1. 呢間「瞞著爹」（聽聞話真係呃住老豆開，但我估只係噱頭），應該相當出名，亦係遊客店，你實會聽到廣東話。好似開咗幾間，都要排下。我都去過幾次。好似閃閃書都有提過，但而家已經變咗名店。

    2. 首先要講嘅係，台灣嘅海鮮丼，普遍係幾抵食嘅。刺身（佢地叫生魚片）平香港好多，當然最後亦係一分鐘一分貨。

    3. 不如我地直接去重點：價錢。呢舊嘢，1280。當然佢有平啲嘅飯，400-600都有。而我記得堂食好似有個仲貴啲嘅雙層飯1480，兩個人分。

    4. 但，首先，土豪嘛。二來，香港人嘛。三來，嗰時都未被炒（係！我仲貼緊之前嘅嘢食！）。四來，根本炒咗都一樣叫呢個架啦

    5. 五來，都係重點，佢外賣有最低消費。500。另外，要1500先免運費（雖然我後來發現運費都係45，似乎應該畀運費而唔係食夠1500）

    6. 咁你見到，正常一個人，係不可能食到免運費1500嘅，即使食我呢個飯都未夠。「所以我加咗茶碗蒸同炸雞」。雖然後來覺得根本應該就咁畀運費，可能最初我理解錯，以為要1500先送

    7. 做乜咁複雜？因為佢冇用UBEREAT同Food Panda（台北都有一定數目嘅店係咁），唔知自己做定搵出面台灣公司做。所以就另一種玩法。

    8. 如果係UBEREAT我就一早有免運費EATPASS：一個月畀fixed fee 120，然後all you can eat，一單滿200就免，一個月幾多單都得。對我呢啲叫足14日又實過200嘅人好抵。慳返千幾台幣。但個hidden devil就係佢會同你自己更新，記得手動disable

    9. 其實EATPASS呢個概念幾聰明（雖然唔係咩天才，要抄亦話咁易）．你見全世界都行subscription model，報紙又好，Patreon又好，乜都好。一來幫到客戶忠誠，我就因為咁基本上唔會點幫襯Food Panda．但更重要係對公司盤數好：recurrent income十分重要，投資者亦都鍾意。之前講S&P Global 都講過，梗係指數或data個個月收你錢硬堀，好過評級要等你發債先有錢收（雖然評級門檻高啲，食水又深啲）

    10. Anyway，瞞著爹　評價都有啲兩極。台灣人就梗係覺得唔抵，但我聽有啲香港人都覺得麻麻。我就冇投訴的。不過留意，真係冇你想像中咁飽。主要都係魚，飯唔多的

    11. 右上角嗰袋冰嚟的，運嚟時放埋在飯度，幾貼心。

    12. 呢餐？貴咯。1458。不過佢第一次又有九折，所以呢個數。的確係貴，但好食的。然後又返返去永無止境嘅性價比問題

    13. 但，人生就係一個由高性價比去到低性價比嘅過程呀！上pornhub永遠最高性價比的！但誰甘心成世都pornhub？

    ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
    Ivan Patreon，港美市場評點，專題號外，每日一圖，好文推介。每星期6篇，月費100蚊唔使，4個月已800人訂！（https://bityl.co/4Y0h）

  • 君子馬蘭頭 - Ivan Li 李聲揚

    仲見世通美食地圖 在 君子馬蘭頭 - Ivan Li 李聲揚 Facebook 的最佳解答

    2020-12-16 02:03:05
    有 98 人按讚

    ［台北美食地圖］［世界豆漿大王］搵食搵食，辛苦自在都係搵嚟食啫。唔通畀人炒咗就食40台幣魯肉飯咩。「況且呢餐嗰時都未炒」

    告個急先：本人已被炒，未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。當然我唔係坐定定「我不想努力」，一星期至少出返六篇文，仲要之前有啲讀者贏到下錢嘅（但本人目標唔係玩畀冧把，係更高層嘅嘢）

    TLDR：有冇飲過有焦味嘅台灣豆漿？知唔知咩回事？

    1. 可能過多一兩日先寫「被炒記」，以我作風點會唔寫？但難得卒之調教到十點起身（而就快隔離完，吹脹）（＃），就清咗啲嘢食文先。雖然今篇大半都唔係講嘢食。

    2. 介紹返，呢餐，都唔係正餐。你當消夜啦下。「世界豆漿大王」，sort of 名店。豆漿，鮮肉包，一眼望完。先講鮮肉包，唔多好食，可能口味唔慣，我鍾意香港風格多啲。呢個一咬開，中間空嘅，細細舊肉，好似買錯bra離晒罩咁。另外，包嘅味道都同香港唔多同，但如果你叫添好運或檀島叉燒包，就會係香港嗰種。

    3. 豆漿，不錯。但，有好特別嘅味道。係乜？係燶味，煙燻味。或者有人叫焦味。在香港我就冇試過啦。同飲落去嘅味道分別不大，但的確好神奇。我之前飲嗰啲好似冇呢種味。

    4. 最初嘅講法，係話，拿，世侄女，有焦味先係正嘢。古早味（台灣而家乜春都古早味，就快底褲都有，例如呢單（https://bityl.co/4qnv））。有焦味證明唔係開粉咯，真材實料云云。

    5. 但，魔高一丈啦。一時諗唔到比喻，但同即係「個made in Italy牌就made in Italy」「人工唧油份落牛扒度」「茶餐廳特登畀包麻油你仲畀你見到啲盒懶係出前一丁」「浸一浸陽澄湖水」「造塊處女膜畀你開苞有落紅」，之類嘅嘢差不多。可能更加貼切係，等於而家啲咩「煙三文魚」「煙乜乜」，都係搽煙薰液啦，真係同你蘋果木玩全日咩。

    6. 以前啲人就話，人手呀，古早味呀，先會有燶，有啲不自然嘅切痕咁。實情？全部用機啦，點會整燶？咪玩。聽聞係特登加呢啲味去撚化你嘅。行內人可以解下。

    7. 講咗咁多，好唔好飲？還好啦。人地做咁多年生意，搵笨實嘅點生存到而家。又，呢間巴閉嘢呀，宋美齡蔣經國李小龍李光耀都食呀。咁喎。

    8. 介紹返，豆漿25，鮮肉包25，夾埋50。但送貨費60。係咁架啦，想平自己坐車去買（而我都不能離開房門半步）

    9. 順手講埋，我呢杯係叫「清漿」，真係松本清漿。除咗「清漿」仲有乜？仲有「豆漿」．在呢檔嘢，分別就好簡單，「清漿」冇糖，「豆漿」有糖。但未必間間咁分。另外仲有「米漿」—唔係你香港見到蒸腸粉嗰啲，係一杯好似肚瀉咁嘅東西，米加埋花生。當然仲有本人唔會飲嘅鹹豆漿，有雞蛋添。

    10. 講嘢食已完，之後係講地理歷史，同埋講本人身世。

    ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

    11. 不過，反而想講下，呢個「世界豆漿大王」，aka 「永和豆漿」。實情永和豆漿呢味嘢，好有中華特色，開到全世界都係，都唔知邊間打邊間。情況同「避風堂炒蟹」「長洲糯米滋」「北京填鴨」「東莞式服務」差不多。不用深究邊個先係正宗，話知你正宗過伊達政宗，正宗過日蓮政宗。

    12. 不過如果真係講考古癖，永和豆漿，就真係嚟自永和區。而就係呢間「世界豆漿大王」屹立不倒。咁當然，係外省嘢啦。1955年。

    13. 永和區在新北，即係台北外圍。台北捷運黃色線，坐到去南勢角前幾個站就係（頂溪，永安市場）。事實上黃色線叫「中和新蘆」，但邊度叫中和（＆）邊度叫永和，就真係比較深嘅問題。

    14. 永和，固然就係「永遠和平」，但大約估到，呢啲咁左膠（！）嘅字，唔會係好耐歷史。個名就國民黨遷台後先出現，但唔關二戰或國共內戰事，係種族衝突（泉州人漳洲人，襟芒，大家都係Fu kin guy，使乜分咁細？），但當然之前一早都有人住

    15. 永和區有乜特色？就係，好Q多人，仲要係外來人。我諗唔到用乜嘢比喻，你當佢係台北嘅深水埗（但有人話萬華先係）？天水圍？定將軍澳？想講係，永和係國民黨遷台時大量人湧入，類似新市鎮咁（但當然之前已經有人住）。人口密度全台灣最高就係呢個區—等於香港油尖旺咁上下密度。

    16. 而永和區嘅遊客景點，除咗「世界豆漿大王」，近乎冇。好多人去咗幾十次台北都冇去過呢個區，十分正常。

    ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

    17. 而永和區呢，同本人係有啲淵源嘅。頭先講過，永和好多外來人，我死鬼阿爺就係其中一個。我阿爺好似都係親國民黨嘅（廢話，當年邊有民進黨）。但佢唔係打仗啦。個故事有啲人聽過，但我都再講一次。

    18. 阿爺死咗差不多三十年，不過細個嘅嘢仲記得。我只係知佢同台灣好有淵源，但冇研究點解。到早幾年我睇屋企啲舊相，睇返我老母嘅結婚相（＊），除咗研究佢有冇見肚外。我仲發現，只得我老豆老母，我姑姐（我老豆個妹，in case 新一代唔知咩叫姑姐），我阿麻—喂，男方老豆，我阿爺呢？唔係平安夜擺酒喎，唔怕見

    19. 我開頭以為係我阿爺反對呢頭婚事反面唔出現，問返我老母（當時關係仲未好惡劣，我講我同佢），佢就解釋返個故事。咁我其實都知，但唔知同我阿爺缺席婚禮有關

    20. 有冇睇《大時代》？就真係Exactly咁嘅情節！我阿爺係當差嘅，聲稱自己有份捉跛豪（真係東區走廊我有份起），仲話自己清白。咁反正我信了。「清白又著草去台灣？」「唔信法治掛」。全不重要，反正死咗三十年，你鍾意掘佢出嚟問啦。但總之，當時佢就係同其他差佬，一齊走佬去台北。就真係《大時代》咁！

    21. 咁有乜做？答案就亦係好似《大時代》咁！冇乜嘢做！吹下水，打牌，飲茶，同埋—租錄影帶睇TVB。聽聞仲好似搞過下小生意，當然蝕清光（又何來有本呢？）

    22. 咁就正係呢個著草年代，佢個仔（即係我老豆）在香港就爽歪歪，中出三連升，就有咗我（即係，當年佢有用套呢，就冇我了）。而所以佢連個仔娶老婆都冇返嚟的。

    23. 之但係發生呢啲事嗰時，我明顯係未出世，或者冇記憶。到我有記憶時，我阿爺已經在香港，聽聞好似係見風聲冇咁緊，之後都冇乜聽佢講去台灣。

    24. 另外好多人都聽過了，咁啤咗件，總要去畀老爺過目，我老母老豆同阿麻有一齊去台北，我都有去，手抱咁大。同機嘅係傅聲，拎咗我去抱添，聽聞好似有相，問下老豆先。傅聲當時應該係去台灣拍戲，睇返時間係吻合的。

    25. 當其時，我阿爺就住在永和區啦。但已經面目全非，我亦冇刻意咁去問返老豆老母到底個地址在邊。最大問題係我阿麻都香埋，而係佢死後我先知呢個永和嘅故事。

    26. 呀，至於我阿爺當年多唔多錢？應該係有啲的，去台北都有生意搞，但固然蝕晒。細個時屋企好似都唔錯的，但即使阿爺早死（都算早），剩返啲錢都畀我老豆又敗埋了，搞餐廳嘛，都有啲人知，聯和墟嘛。嗰時我帶女去添，女以為我係餐廳太子仔添（雖然好似真係），可惜並冇因為咁而成功。呼。我嘅志願係做個二世祖，但我老豆已經代我完成咗呢個志願。所以而家只能賣文乞食。

    （＃）是咁的，朝早十點鐘有人send SMS，要覆。咁呢部份簡單。但，呀「里長」會上下午各打一次嚟，而時間不太定，朝早可能十點幾至十二點，下午由兩點到四點幾都試過。即係點？即係十點後根本唔會有覺好訓。

    （＆）更大鑊嘅係，古語有云，中和有中和路，永和又有中和路。永和有永格路，中和都有永格路，但中和嘅永和路，在永和區未改名已經有。所以唔係同源，死未。

    （＊）BTW，雖然官方好似冇講過，但我老豆老母應該係奉子成婚嘅。固然係有咗我。但其中一個搞鬼嘅位，就係聞說即使我拎咗台灣護照成為公民，都不能申請我老母團聚拎護照嘅—因為，呢啲情況，計「非婚生子女」。係呀，結咗婚先爬出嚟的—但射精嗰下（＊＊＊）未結婚嘛，就計「非婚生」，十分老味。

    （＊＊）而另一個真人真事畸屎，我朋友唔係我。申請仔女，都搞到好麻煩，要驗DNA。點解？因為當年同居，未註冊，但生咗仔—但留意之後有註冊返，冇離婚，但都係計「非婚生」，因為你兩位交合時未結婚嘛。是有點煩的。所以，千萬唔好話「結婚只係一張紙冇其他意義」。都係架，護照都係一本嘢之嘛。

    （＊＊＊）好似係有幾個月寬限期的，但你話見晒肚嗰啲，就趕唔切的了應該。

    ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
    Ivan Patreon，港美市場評點，專題號外，每日一圖，好文推介。每星期6篇，月費100蚊唔使，4個月已800人訂！（https://bityl.co/4Y0h）

你可能也想看看

搜尋相關網站